زواجك من أخرى ليس خيانة.. لكن تأكد أنها من تريدها
أنا متزوج من خمس سنوات، وعندي ولد وبنت؛ ولكن هناك بعض المشاكل بيني وبين زوجتي؛ عشان كده فكّرت أتجوز واحدة تانية، وقلت لها، قالت: وما له، عادي اتجوز؛ لأن أنا قدراتي كده، ربنا خلقني كده.
أنا متزوج من خمس سنوات، وعندي ولد وبنت؛ ولكن هناك بعض المشاكل بيني وبين زوجتي؛ حيث إنني -كأي رجل- أحتاج إلى الحب والحنان والتشجيع؛ ولكنني لا أكاد أجد ذلك؛ فهي لا تفعل شيئاً سوى أن توبخني وتحسسني بالعجز، وأنا أتقي الله فيها؛ لا أضرب ولا أشتم ولا حاجة من الحاجات دي خالص، ودي مش سلبية مني؛ إنما باتقي الله فيها.. ده غير تقصيرها في واجباتها الزوجية الخاصة.
أعمل إيه؟ أنا شاب ومش لاقي الحب والإحساس بمتطلباتي، ومش لاقي مراتي اللي تفهم أنا عاوز إيه.. عشان كده فكّرت أتجوز واحدة تانية، وقلت لها، قالت: وما له، عادي اتجوز؛ لأن أنا قدراتي كده، ربنا خلقني كده.
المهم فعلاً بدأت أبحث عن واحدة أتجوزها عشان أعفّ نفسي عن الحرام، وتحبني، ولقيت واحدة جميلة وموافقة تكون زوجة ثانية؛ ولكن الظروف لا تسمح بالزواج في الوقت الحالي؛ بس أنا حبتها، وهي كمان حبتني؛ لدرجة إنها تتمني تكون معايا، وتلبي لي كل طلباتي.
مش عارف أعمل إيه؟ هل أنا كده خائن لزوجتي وحرام عليّ، ولا لأ؟ أنا محتار.
E.L
