الفنان مجدي الكفراوي

كان "عمر" صاحبي واقف مشدوه قدام لوحة "لأم كلثوم" رسمها الفنان الكبير "جورج البهجوري" رغم إن الفنان رسمها بشكل أقرب لكاريكاتير ورغم إن اللوحة فيها حلول للمساحات واللون واختزال لخطوط كتيرة لكن كانت سعادة صاحبي في إنه قال لي بصوت عالٍ:
-"دي أم كلثوم؟!!"

قلت له:
شفت بقى رغم إن الفنان مش راسمها بشكل كلاسيكي "طبيعي يعني" إلا إنك عرفتها رغم إنه مجرد فيها كتير جدّاً...
- الفن ده حاجة جميلة يا فنان...
شكراً للإضافة يا صاحبي.
- كنت باسأل بقى ازاي قاعات العرض الخاصة أو الجاليرهات بتتعامل مع الفنانين.. يعني أنا أقدر آخد تجاربي العظيمة في الفن وأنا صغير وأعرضها؟...
قصدك تجاربك مع مس "سعاد"...
- أيوه بالضبط وأروح للجاليرهات دي هتعرض لي...
إيه يا "عمر"؟ تفتكر إن تجارب الفنانين الموجودة قدامك دي لها علاقة بفنك العظيم في فترة مس "سعاد" مدرِّسة الرسم...
- طيب احكي لي...
بص يا صاحبي القاعات دي ليها 3 أطراف للتعامل مع الفنانين.. بس خلينا نتفق الأول إن الجاليرهات دي هدفها الأول هو المكسب المادي، وبعدين تيجي الأهداف التانية زي خدمة الفن، وتوعية الجمهور.. والحقيقة أي أهداف تانية بتخدم الهدف الأول، بمعنى إنك لما تروح جاليري علشان تشوف معرض مرة في مرة هتلاقي نفسك بتشتري أو بتدعو حد غيرك قادر إنه يشتري...

المهم يا صاحبي فيه جاليرهات بتتعامل مع الفنانين بإنه يعرض له مدة متفق عليها ممكن تكون 10 أيام أو شهر في مقابل نسبة متفق عليها تتراوح عادة ما بين 30% إلى 50% من نسبة المبيعات....
- يا سلام!! يعني أنا أرسم وهما ياخدوا النص؟!...
إهدأ يا صاحبي متنفعلش.. إحنا محتاجين صحتك! خليني أكمِّل بس.. وبعض القاعات بتأجر القاعة للفنان مدة زمنية يعني أسبوع أو عشرة أيام أو أسبوعين بمبلغ قطعي ومالهوش دعوة بالمبيعات، وده زي ساقية الصاوي وأتيليه القاهرة وبعض القاعات بياخد من الفنان لوحة أو لوحتين على حسب الاتفاق...
- طيب والفنان اللي أخد القاعة بطريقة النسبة وماباعش...
- في الحالة دي بياخد الجاليري لوحة أو لوحتين لكن ده بيكون صعب جدّاً؛ لأن القاعات اللي بتشتغل بطريقة النسبة بتبقى عندها أجندة لرجال الأعمال ومحبي الفنون ومحبي الاقتناء وبتعمل دعوات ليهم وبتطبع بوسترات وبتعمل دعاية كويسة جدّاً للفنان اللي بتعرض ليه، ده بالإضافة إلى أنهم بيختاروا بحكم الخبرة الفنانين اللي ممكن لوحاتهم تتسوق بشكل كويس واللي عارفين إن لوحاتهم بتعجب الناس وليهم جمهور بالفعل، ونادر جدّاً لما قاعة خاصة بتغامر بفنان شاب مثلاً إلا إذا كان معرض جماعي يعني مجموعة فنانين معروفين وتشارك معاهم مجموعة مش معروفة...

- طيب لو أنا عايز أعمل معرض أعمل إيه؟ وأتحرك ازاي والأسعار دلوقت بتاعة الفنانين عاملة إيه؟
هاقول لك............

• قاعات العرض الخاصة
  
  
• عن قصر الفنون وصالون الجاليري
  
  
• عن الفنانة إنجي أفلاطون
  
  
• عن الفنانات المصريات
  
  
• أقدم الفنانات المصريات
  
  
• الفنانات في مصر
  
  
• الفن التشكيلي والسينما
  
  
• الفنان لازم يكون مثقف
  
  
• مفيش دكتوراه في الفن
  
  
• الرسم مهنة مكتسبة
  
  
• فنان بالفطرة
  
  
• الفرق بين الفنون جميلة والفنون التطبيقية
  
  
• الملابس والفن والتشكيلي
  
  
• الفن التشكيلي والمسرح
  
  
• المدرسة الانطباعية أو "التأثيرية"
  
  
• "الاسكتش"
  
  
• روائع فن الصور الشخصية "البورتريه"
  
  
• "فن البورتريه"
  
  
• محمود مختار رائد فن النحت
  
  
• النقطة الذهبية في اللوحة الفنية
  
  
• يعني إيه كلاسيكية، ويعني إيه تجريدية؟
  
  
• هي الأوبرا ناس بتجعجع وخلاص؟!
  
  
• النحت على الهوا!!!
  
  
• كهوف الإنسان البدائي وعلاقتها بالرسم!
  
  
• حكاية الفن التطبيقي الحلزوني!!
  
  
• الفن التشكيكي والبؤرة الكونية...!