الفنان مجدي الكفراوي

الفنانة "إنجي أفلاطون" 1924 ـ 1989 ولِدَت في قصر صغير منعزل بالقاهرة، وهي من أسرة أرستقراطية من أصول تركية.. "إنجي أفلاطون " خريجة مدرسة الليسيه، تعلَّمت الفن في مرسم الفنان الفرنسي "إمبير" وهي صغيرة عمرها لم يتجاوز 17 سنة، وبعد كده تتلمذت على يد الفنان الكبير "حامد عبد الله" زوج الفنانة "تحية حليم"، وبعدين التحقت بالقسم الحر بكلية الفنون الجميلة..
- بالمناسبة يا فنان هو القسم ده لسه موجود؟
طبعًا يا صاحبي.. إيه.. عايز تدخله؟
- بافكر والله..
ماشي يا صاحبي.. المهم "إنجي أفلاطون" بدأت الأول ترسم بشكل سريالي، كانت بترسم أحلامها وكوابيسها وخواطرها، وبعدين غيَّرت الأسلوب ده، وكانت بترسم بشكل تأثيري "تنقيطي".

طيب يا فنان سريالي وعارفينه، لكن إيه تأثيري تنقيطي ده؟؟

الأسلوب التأثيري يا صاحبي هو أسلوب استخدمه فنانو فرنسا في القرن الـ18 مع ظهور نظريات الضوء، كانوا بيرسموا المنظر أكثر من مرة في اليوم مع مراعاة تأثير ضوء الشمس على الأشياء وكانت التنقيطية حل من حلول التأثيريين، وأهم الفنانين اللي عملوا التنقيطية الفنان "جورج سيورات".. المهم إن كمان اللي ميّز "إنجي أفلاطون" إنها كمان عملت في العمل السياسي والاجتماعي، واتسجنت ست سنوات، لكن كانت فنانة لها رأي ودور مهم جدّاً في الحياة الثقافية المصرية.

- جميل يا فنان.. بس كل الفنانات دول ماتوا... مين اللي عايشين ولهم دور بارز؟
عندنا طبعاً الفنانة الكبيرة "جاذبية سري" 1925، والفنانة دي عبقرية الحقيقة، وكمان الفنانة "زينب السجيني" زوجة الفنان الراحل "عبد الرحمن النشار"، وعمها الفنان الراحل "جمال السجيني"، والفنانة "رباب نمر"، والفنانة "عطيات السيد"، والفنانة "ميرفت رفعت"، والفنانة "جيهان رؤوف"... كتير كتير كلهن متميزات...

- طيب يا فنان.. هو فيه حاجة في فن السيدات تخليه مختلف عن فن الرجال؟...
-
لأ يا صاحبي هو مفيش حد يقدر يجزم بكده؛ لأن زي ما قلت لك في الأول المنطقة اللي الفنانين بيرسموا منها
- آه... الإحساس...

مظبوط.. والإحساس ده موجود عندنا كلنا كبشر.. الفنان زي الفنانة، لكن هو ممكن تلاحظ إن بعض شغل الفنانات بيكون فيه تفاصيل أكثر، وده مش معناه إن شغل الفنانين خالي من مساحة التفاصيل، لكن أحياناً بتكون التفاصيل أكتر شوية عند بعض الفنانات..

طيب لحظة واحدة يا فنان.. أعمل تليفون مهم..

شاهد معرض الفنانة "إنجي افلاطون" مع نخبة من أشهر رسامي مصر

• عن الفنانات المصريات
  
  
• أقدم الفنانات المصريات
  
  
• الفنانات في مصر
  
  
• الفن التشكيلي والسينما
  
  
• الفنان لازم يكون مثقف
  
  
• مفيش دكتوراه في الفن
  
  
• الرسم مهنة مكتسبة
  
  
• فنان بالفطرة
  
  
• الفرق بين الفنون جميلة والفنون التطبيقية
  
  
• الملابس والفن والتشكيلي
  
  
• الفن التشكيلي والمسرح
  
  
• المدرسة الانطباعية أو "التأثيرية"
  
  
• "الاسكتش"
  
  
• روائع فن الصور الشخصية "البورتريه"
  
  
• "فن البورتريه"
  
  
• محمود مختار رائد فن النحت
  
  
• النقطة الذهبية في اللوحة الفنية
  
  
• يعني إيه كلاسيكية، ويعني إيه تجريدية؟
  
  
• هي الأوبرا ناس بتجعجع وخلاص؟!
  
  
• النحت على الهوا!!!
  
  
• كهوف الإنسان البدائي وعلاقتها بالرسم!
  
  
• حكاية الفن التطبيقي الحلزوني!!
  
  
• الفن التشكيكي والبؤرة الكونية...!