الفنان مجدي الكفراوي

غاب عني "عمر" صاحبي أسبوعاً كاملاً.. بيني وبينكم وحشتني جدّاً حوارتنا... لكن ماطوِّلش لقيت جرس الباب بيضرب بطريقة هيستيرية ممكن نسميها (رزلة)، فتحت الباب لقيت "عمر" صاحبي ماسك كتاب في إيده وطاير من الفرح.. الحقيقة افتكرته في الأول جايب لي عرض ما حصلش من البنك اللي شغال فيه أو دفتر توفير هدية... لكن تنبهت إلى أني شفت الغلاف قبل كده...
خير يا "عمر" بعد الغيبة دي؟ عامل هيصة ليه؟...
اسكت يا فنان.. أنا من أسبوع قاعد أقرأ في الرواية اللي إديتها لي..
آه... (ساحر الصحراء)!!
أيوه -يا سيدي- حاجة بديعة بشكل يا فنان...
علشان كده إديتها لك.. إيه رأيك بقى؟...
رواية ساحرة أنا ماقدرتش أسيبها من غير ما أخلّصها.. الراجل بيقول لك ببساطة: إن حلمك بين إيديك، ومهما لفّيت هتلاقيه، وإنك لما تعوز حاجة العالم كله بيتآمر معاك علشان يحقق حلمك..

طيب يا "عمر" دي الرواية... لكن إيه رأيك في الفن التشكيلي اللي فيها؟
آه يا فنان.. حاجة رائعة.. الكاتب عامل فعلاً فن تشكيلي رائع... كنت طول ما باقرا شايف المناظر اللي بيوصفها... إلا صحيح يا فنان رواية زي دي لو اتعملت فيلم ممكن تبقى جميلة زي ما هي مكتوبة كده.
- شوف يا صاحبي... دايمًا بيبقى فيه مشكلة.. لما الأعمال الروائية بتتعمل في السينما؛ لأن السينما أحياناً الإنتاج بيكون ضعيف، وفي الأول والآخر اللي بتشوفه مجرد وجهة نظر المخرج.. لكن لما بتقرا بتقدر إنت تشوف بتصورك شكل الديكور والمناظر والملابس في مخيلتك، فبتكون طبعًا أحسن، وانت كمان عندك نماذج كتيرة من الرواية لما اتعملت سينما ماكانتش بنجاح الرواية المكتوبة...
زي إيه يا فنان؟...
زي رواية "شفرة دافنشي" عملها "توم هانكس" لكن الرواية أحسن، وزي رواية "العطر"، وكمان بيبقى فيه مشكلة تانية.. لو شفت العمل السينمائي قبل القراءة مابتقدرش تستمتع بالقراءة زي روايات "نجيب محفوظ" مثلاً...
آه صحيح يا فنان.. أنا مش عارف أقرأ روايات "نجيب محفوظ" اللي شفتها في السينما؛ لأني باحس إني باشوف الممثلين اللي فرضهم عليّ المخرج..

بالضبط كده يا صاحبي... علشان كده أنا عايزك تقرأ كتير، وتشوف سينما طبعًا لكن محصلة القراءة دايماً بتسيب جوانا ذاكرة بصرية بتنفع الفنان كويس قوي.. ده بالإضافة للخبرة الحياتية غير المباشرة...
عندك حق يا فنان... إيه بقى أخبار الفنانات المصريات؟ هو مفيش عندنا فنانات؟..
إزاي يا صاحبي؟! فيه كتير...
أصلي مش عارف حسيت في لحظة كده إن كل اللي عندنا فنانين..
لأ.. تعال أحكي لك.

• الفنان لازم يكون مثقف
  
  
• مفيش دكتوراه في الفن
  
  
• الرسم مهنة مكتسبة
  
  
• فنان بالفطرة
  
  
• الفرق بين الفنون جميلة والفنون التطبيقية
  
  
• الملابس والفن والتشكيلي
  
  
• الفن التشكيلي والمسرح
  
  
• المدرسة الانطباعية أو "التأثيرية"
  
  
• "الاسكتش"
  
  
• روائع فن الصور الشخصية "البورتريه"
  
  
• "فن البورتريه"
  
  
• محمود مختار رائد فن النحت
  
  
• النقطة الذهبية في اللوحة الفنية
  
  
• يعني إيه كلاسيكية، ويعني إيه تجريدية؟
  
  
• هي الأوبرا ناس بتجعجع وخلاص؟!
  
  
• النحت على الهوا!!!
  
  
• كهوف الإنسان البدائي وعلاقتها بالرسم!
  
  
• حكاية الفن التطبيقي الحلزوني!!
  
  
• الفن التشكيكي والبؤرة الكونية...!