أدلى عماد متعب -مهاجم المنتخب الوطني لكرة القدم والعائد مؤخراً إلى النادي الأهلي- بتصريحات ساخنة للصحفيين فور توقيعه رسمياً على العقود مساء أمس (السبت)، خلال جلسة جَمَعَتْه مع سيد عبد الحفيظ -المنسق العام لقطاع الكرة- بمقرّ النادي بالجزيرة.
وجاءت التصريحات هادئة في البداية؛ حيث أعرب عن سعادته بالعودة للقلعة الحمراء مجدداً بعد إنهاء مشكلته مع نادي ستاندرليج البلجيكي وتوقيعه للأهلي على عقد مدته ثلاث سنوات ونصف؛ مشيراً إلى أنه لم يكن لديه أي مانع من العودة إلى الأهلي؛ لأنه بيته الذي تربّى بين جدرانه.
وتمنى متعب التوفيق خلال المرحلة المقبلة؛ ليكون إضافة قوية إلى خط الهجوم الأحمر مع بقية زملائه في الفريق، الذين أكّد أنهم مجموعة متميزة جداً من النجوم.
وعندما سأله أحد الصحفيين عن علاقته بملكة جمال مصر السابقة "يارا نعوم" ثار متعب وقال: "لن أسمح لأحد بالتدخل في أموري الشخصية، ومن سيتعرض لحياتي الخاصة سأضع حذائي في فمه"!!
وكان متعب قد اصطحب يارا نعوم إلى استاد القاهرة لمشاهدة مباراة الأهلي مع شبيبة القبائل، التي أقيمت الأسبوع الماضي في البطولة الإفريقية.
فيما أكد متعب في تصريحات لبرنامج "كورة النهادرة" الذي يذاع على قناة مودرن كورة أنه سيرتبط بـ"يارا نعوم" عقب إجازة عيد الفطر المقبل؛ مشيراً إلى أن الخوض في أموره الشخصية زاد عن الحد.
وقال متعب: "علاقتي مع يارا ليست في الخفاء؛ فأنا لم أظهر بصحبتها في كباريه؛ بل حرصت على التواجد معها وسط الملايين من جماهير الأهلي".
من ناحية أخرى، أعرب حسام البدري -المدير الفني لفريق الكرة بالأهلي- عن سعادته بعودة عماد متعب.
وقال البدري لـ"بص وطل": "كنت على اتصال دائم معه خلال الأيام الماضية لمساندته خلال أزمته مع نادي ستاندرليح البلجيكي، ووجهت له العديد من النصائح لتفادي الدخول في أية مشكلات".
أكّد المدير الفني للأهلي أن اللاعب وعده بالاعتزال في الأهلي، واستكمال مسيريه الكروية داخل القلعة الحمراء.
وكان متعب يحلم بخوض تجربة الاحتراف الأوروبي؛ لكنه بعد التوقيع للأهلي أغلق هذا الملف تماماً؛ لا سيما أنه سيكمل عامه الـ28 في 20 فبراير المقبل.
وأوضح البدري أن عودة متعب إلى القلعة الحمراء مرة أخرى تعتبر إضافة قوية لخط الهجوم؛ لأن الفريق افتقده كثيراً خلال الفترة الماضية؛ لا سيما في البطولة الإفريقية.
وشدّد البدري على أن "إشادته بمتعب لا تقلل من بقية المهاجمين في الأهلي؛ لأنه لا يفرّق في المعامله بينهم ويعلم أن جميعهم متميزون".
لازم يعني قلة الأدب والتطاول
لازم يعني قلة الأدب والتطاول خلاص زمن الرجال المحترمين راح وله حظنا ان دول هما اللي ظاهرين وبعدين فلاح مش فلاح الادب وعدمه ملوش دعوه بالكلام ده
الجزمة لللعب ياكابتن وانت
الجزمة لللعب ياكابتن وانت ناسى ان الجزمة هى التى عملت منك لعيب
صحيح فعلا عماد لاعب مش متعلم
صحيح فعلا عماد لاعب مش متعلم فلاح من بلبيس بهرته أضواء القاهره
والله عماد يلم الدور شوية خلى
والله عماد يلم الدور شوية خلى بالكم الناس مش ناقصة كفايه مبلغ ال 11 مليون اللى مستفز بيهم الناس الغلابة الشقيانة اللى مش لاقيه تاكل ليه بيعمل ايه ده الدكاترة الشقيانين بعج ما طلع عينهم بالمذاكرة بياخدوا 500 جنيه بالعافية والذل حرام عليكم حسبنا الله ونعم الوكيل
بس لازم عماد يعرف انه نجم
بس لازم عماد يعرف انه نجم وظهوره تحت الأضواء وأمام الكاميرات سيثير التساؤلات
وحرام عليه الل 11 مليون اللى لسه آخدهم كفاية استفزاز للشعب المسكين اللى مش لاقى ياكل حسبنا الله ونعم الوكيل
والله حقه هو بني ادم زي الناس
والله حقه هو بني ادم زي الناس ومن حقه يبقي ليه حياه خاصه
اتقى الله يا متعب ولو ناوى
اتقى الله يا متعب ولو ناوى على ارتباط انصحك بانك تصلى صلاة استخاره !!!!!!
حياتك فعلا خاصه بيك وماحدش
حياتك فعلا خاصه بيك وماحدش ليه انه يتدخل فيها
بس عيب انك تقول لفظ زى ده ( سيتعرض لحياتي الخاصة سأضع حذائي في فمه"!!)انت كبير فى نظرى وكنت بحبك وبحترمك اوى بس لفظ زى ده قللك اوى فى نظرى
الكلام الفاشل اللي كل الاعيبة
الكلام الفاشل اللي كل الاعيبة بيقولوه
قال ايييييه(تربي بين جدرانه)
وكان لازمته ايه بقي ده كله ولا أنت لسه فاكر دلوقتي
بيفكرني بلاعب في اللاسماعيلي كتب مرة علي التيشيرت بتاعه عقدي مع الاسماعيلي مستمر إلب الأبد وبعدها بسنين راح للأهلي ودلوقتي عايز يسيبه
هههههههههههههههههههههه
من تدخل فيما لا يعنيه سمع
من تدخل فيما لا يعنيه سمع مالا يرضيه:(
والله يبطلها احسن ويريحنا منه
والله يبطلها احسن ويريحنا منه
ده حاجه ممله
وايه قلة الادب دي المفروض يعني انه نجم المفروض يختار كلامه
مش كفايه النحس اللي فيه وناحسلنا الفريق
ان شاء الله اسمع خبر من اتنين قريب يا اعتزاله يا .......
وانا اهلاوي جدا
متعب اختار اجمل واحدة في
متعب اختار اجمل واحدة في العالم وربنا يوفقه معاها ومع الاهلي
يا جماعه الحياه الخاصه للاعب
يا جماعه الحياه الخاصه للاعب هى ليه لواحده احنا مالنا يحب ويرتبط هو حر ودى حريه شخصيه
النجم حياته ملك الجماهير دى
النجم حياته ملك الجماهير دى مش زى ال11 مليون اللى مستفز بيهم الغلابة الشقيانين اللى مش لاقين اللقمة وعجبى
والله حقك هما مالهم ومال
والله حقك هما مالهم ومال حياتك الخاصه
ليه كده يامتعب دول مستخسرين
ليه كده يامتعب دول مستخسرين واحد محترم زيك فى يارا
وعندما سأله أحد الصحفيين عن
وعندما سأله أحد الصحفيين عن علاقته بملكة جمال مصر السابقة "يارا نعوم" ثار متعب وقال: "لن أسمح لأحد بالتدخل في أموري الشخصية، ومن سيتعرض لحياتي الخاصة سأضع حذائي في فمه"!!
ماشاء الله
و نعم
الله يرحم زمان والحواري اللى انت فيها.. الان عرفت ملكه جمال
وهاتحط الجزمه كمان.. الله الله عليك.. لعيب و الله لعيب
