كيف نواجه الضغوط؟ (1)

موضوع جيد لكننى أعتقد ان مشكلة الأغلبية هى الفراغ. لكن بالنسبة للنوعية دى من العاملين فالحقيقة أن ايجاد وقت لعمل ماتحبه يحتاج إلى قوة شخصية وقدر من الأنانية الذى يحتاجه الإنسان لكى يبقى على قيد الحياة. فمشكلتنا هى أننا نحاول أن نرضى جميع الأطراف ونقوم بكل الواجبات المطلوبة ممن حولنا ولا نستطيع أن نقف ونتذكر أن لنا حق على أنفسنا أو أقول أننى خصصت هذا الوقت للشىء الذى أحبه. فأولا الشجاعة لإعلان أن لديك خطة ليومك. ثانيا أن تخطط يومك ووقتك قبل أن تصبح فى خطة الآخرين وتعلم من حولك بذلك وتحدد وقت لتلبية واجباتك نحوهم دون التعدى على حقوقك وجدولك. وربنا يوفقكم.

حلو الكلام..وأنا عن نفسى بتواجهنى ضغوط في علاقاتى باصحابى .. يعنى انا حد بيعرف يعمل اصحاب .. افرض مثلا دخلت مكان جديد او اتعرفت على ناس جداد هعرف اوى اخليهم اصحابى بس مش هعرف احافظ عليهم ودا كان عامل لى ضغط اوى ف اول السنة (السنة الدراسية اقصد) عشان كان فيه كام واحدة انا صاحبتهم .. تقدر تقول جروب عرفتهم في الاول بس دلوقتى ما بقيتش عارفه اتعامل معاهم ولما كنت بباقى معاهم كنت باحس بضغط اوى .. والموضوع اخد منى وقت على ما فهمت ان المشكلة زى ما قلت لحضرتك في الاول .. وقررت انى اواجهه انى ابعد عنهم .. ابعد عن الجروب دا يعنى واصلح مشكلتى الاول وبعدين ابقى ارجع (دا لو كان فيه وقت للرجوع لسه)

يمكن التحكم ف الضغوط اه ؛لو عرفت أحددها .. عشان كتير مش ببقى عارفه احدد هى ايه .. أنا بس أحددها وبعدين هعرف أتعامل معاها I.S.A.

بس عاوزة أقول لحضرتك حاجة ف موضوع المذاكرة ساعات الضغط بيبقى الحل الوحيد للحد اللى بيذاكر .. يمكن لما بيحس انه مضغوط يبقى كدا عامل اللى عليه (مش مقصر يعنى )
أنا مثلا في كلية ما بترحمش أبدا ومذاكرتها كتير .. مهما عملت باحس إنى مقصّرة
وكتير بتقابلنى ضغوط فى موضوع المذاكرة يعنى بما إن كليتى مذاكرتها كتير فلما لقيت إنى الحمد لله قادرة أذاكر ؛ بس المذاكرة واخده وقت كتير جدا ومش عارفه اعمل حاجة تانية في حياتى (مش عارفه الاقى وقت) اخدت من وقت النوم نمت يوم 3 ساعات واللى بعده نفس الكلام والتالت فضلت مطبقة 22 ساعة متواصل فى الوقت دا ذاكرت ورحت الكلية وخرجت كام مشوار مهمين بس جيت على اخر اليومين او التلاتة دول وما عرفتش اكمل .. كل حاجة بدأت تبوظ .. التركيز زيرو .. إرهاق فظيع .. الطاقة ف النازل .. المذاكرة في الضياع وما قدرتش اروح الكلية اليوم الرابع بقى .. يمكن لخبطت حاجات كتير انا ف الوقت دا بس مبسوطة جدااااااااا بالنتيجة اللى طلعت بيها (( إنى محتاجة النوم فعلا .. مش دلع .. لأ عشان أعرف أكمل اللى أنا عاوزاه)) والحاجة دى خلتنى ارتحت من ضغط كبير اوى كنت بعمله لنفسى (عشان لما كنت بنام بحس انى ضيعت وقت والمفروض انى استغله في المذاكرة عشان بس مااحسش انى قصرت..فكان ممكن افضل صاحية كتير من غير م اعمل اى حاجة بس صاحية وخلاص عشان شايفه ان النوم هيضيع وقت

دا ضغط عرفت احدده وافهمه ودى الطريقة اللى اتعاملت معاه بيها ..لكن المذاكرة لسه فيها ضغوط اكتر بكتير محتاجة تتفهم

وشكرا كتير لحضرتك ع المقال الجميل دا

اولا احب اشكركم ع الموقع المتميز من سنين الجامد جدا دا
ثانيا اتمنى ان ربنا يجعلكو سبب ف حل مشكلتى انا خريجت كلية رياض اطفال من اكتر من سنه والحمد لله اول مااتخرجت اشتغلت بس بعد سنه ونص من الشغل حاسيت اني مش هقدر اكمل ف الشغل دا لان صعب جدا انى اعلم الاطفال وفعلا الحمد لله قررت قرار نهائي اني مش هشتغل مدرسه تاني مع ان دا مؤهلي وهنا تكمن المشكله او الازمه ان الكليه ماكنش فيها كمبيوتر ولا لغه بمستوى كويس وانا حاليا من غير شغل وهتجنن من قاعدة البيت ف نفس الوقت مافيش امكانية كورسات حاليا ومش عارفه المفروض الشغل اللي اشتغله يبقى زي ايه وللاسف مش شايفه ف نفسي اي موهبه اعرف انميها وطبعا وقت الفراغ اللي انا فيه هيجنني وبقيت مشاكلي كتير مع اهلي واصحابي ونفسي وطبعا طبعا تخنت ونفسيا بقيت خلاص بجد قولولي اعمل ايه انا كنت هشتغل حتى ف محل ملابس بس للاسف بابا مرضيش وانا لما فكرت ف الموضوع بعد كدا لاقيت معاه حق حتى دول بيشترطو الخبره انا عندي استعداد اتعب ف شغل بس احس اني نجحت فيه وبصراحه انا اتأكدت اني فشلت ف التدريس وعلى فكره دي مش نظره سلبيه لنفسي لان دا مش رأيي لوحدي من فضلكو ساعدوني واقترحو عليا اعمل ايه وايه الشغل اللي ممكن اشتغله؟ وشكرا جدا ليكو وانا بجد بعتلكو مشاكل كتير كانت عندي والحمد لله ارأكو بتبقى سليمه وربنا بيكرمني وبتتحل

فعلا مافيش وقت وده غصب عننا,لو ممكن حضرتك تقولى ازاى اقدر انظم وقتى , وانا باصحى الفجر علشان الاقى مواصلات اروح بيها الشغل اللى بعيد عنى بساعتين, وبعدين اخرج من الشغل على الجامعة علشان محاضرات الدراسات العليا,وبعدين اروح البيت متأخر على النوم على طول علشان الحق اصحى الفجر وهكذا.............,ماعتقدش ان الكلام ده هيساعدنا فى تنظيم وقتنا

فعلا للسيطره علي ضغوط الحياه يجب تنظيم الوقت وتنظيم الوقت الكافي للنوم وتظبيط جدول للأعمال وجدول الاعمال ليس لرجال الاعمال فقط فمهما كانت فكرتك بسيطه لابد ان تنظم حتي تنجح وتحافظ علي النجاح وتستمر

للأسف الكلام كله نظري جدا
محدش من اللي عندهم ضغوط هيبقى عنده وقت يفكر ف ازاي يرتب حياته
انا واحد من الناس اللي خلاص اتعودت على كل الضغوط اللي حوليا و مش لقيا لهاحل تاني غير اني استحمل واسكت وخلاص
مفيييييش فايدة

الأخت أريج بلاش تضغطي على نفسك .. اعملي اللي تقدري عليه .. ولو لا قدر الله مادخلتيش كلية الهندسة ساعتها بلاش تحسي بالندم لأنك هتكوني عملتي اللي عليكي .. وحتى لو حسيتي انك مقصرة .. بلاش توقفي حياتك عند حلم واحد .. ربنا مش بيدينا حياتنا عشان تكون واقفة على فرصة واحدة تيجي أو متجيش .. اعملي اللي تقدري عليه وبلاش تضغطي على نفسك وربنا يوفقك بجد

سبحان الله أنا حاسة انك بتتكلم علياوأنا مشكلتي اني بحب ان الشغل اللي بعمله يتم علي أحسن وجه علشان مش بحب أسمع أي كلمة من أي حد أو مدير مع ان في زمايلي عايشين حياتهم ومحدش بياخد باله بس انا مستحرمة كده و مش برتاح نفسيا لما بحس اني بعمل حاجة غلط يعني مثلا أكتب اني اشتغلت حاجة و أنا معملتهاش وهي للأسف شغلانة مرهقة وساعات كتيراخواتي بيقولولي ريحي نفسك مش لازم الضمير الفظيع ده و يقولولي هما خلاص اعطوا لكي أسهم في الشركة؟ و بيقولولي ريحي نفسك في الشغل عشان تعرفي تكملي فيه, بس أنا للأسف معنديش الفرامل اللي بتقول عليها وساعات بوصل لدرجة اني بحس اني عايزة أسيبه و استريح ,مابحسش اني بشم نفسي غير الخميس بعد الظهر و الجمعة و طبعا هيكفوا ايه ولا ايه هوايات ولا أصدقاء ولا حتي أستريح من الشغل طول الأسبوع وببقي منتظرة الخميش و الجمعة بفارغ الصبروللأسف مابحسش بيهم, بيخلصوا هوا

انا عندي معاناة رهيبة بسبب الموضوع ده طبيعة شغلي مرهقة جدا انا بشتغل في مجال العلاقات العامة وأعصابي بتتحرق في اليوم ألف مرة بسبب ان الشغل لازم يكون ممتاز وكتير جدا بيبقا نفسي حتى ألاقي وقت فراغ زى زمان لدرجة انى بحسد صحباتي اللى قاعدين في البيت ومابيشتغلوش بس عشان اكون صريحة انا مشكلتى انى عملية كتير وبحب الشغل جدا وممكن أجي على حساب نفسي عشان الشغل تفتكر إزاي أحل مشكلتي

انا عايز اعرف ازاى اواجه ضغوطى واحباطى كيف انجح فى ذلك اريد الاجايه شكرا

ازيك يادكتور شريف انا بجد بحترم حضرتك جدا وبقرا مقالاتك دايما مش بفوت ولا مقاله بس انا كنت عايزه اسالك سؤال انا حاسه اني تايهه مش عارفه اعمل اي حاجه مفيده في حياتي مش عارفه ابدا ازاي ومنين (مش قصدي فلوس)لكن انا دايما ببقي عايزه اعمل حاجه مفيده وكويسه في حياتي ليا وللاخرين بس المشكله كلها اني مش عارفه اعمل ايه مع العلم اني في سنه رابعه كليه تجاره ارجو الرد ياريت بالله عليك ترد عليا

شكرا لك على المقال المهم
انا نفسي اعيش هكذا بسبب ضغوط العمل وتعدد المهام على شخص واحد اشعر بإرهاق وتعب كبيرين

بالفعل دا حال اغلب الشباب ال عاوز يكون نفسه فانا واحد من الناس بخرج كل يوم الساعه 7.30 صباحا واعود 1 بعد منتصف الليل وبعض الايام بنسى اسم اليوم وبسأل هو انهارده ايه لان الايام كلها شبه بعض اوى . وللاسف بدات احس بالملل الشديد والارق وحاله من الضيق ولكن للاسف لست قادر على ترك العمل ولو ليوم واحد للراحه . لقد اصبح العمل مثل الاكل والنوم فلا استطيع الراحه منه مع العلم اننى اعمل عمل حر وليس لى من يراقب او يشرف عليا فلو لم ازهب لمده اسبوع فليس هناك من يسألنى

د / شريف انا بشكر حضرتك جدا
بس انا سؤالى قصة الدجاجة الى بتبيض دهب دي هل في وجه تقارب احنا اساسا مش عارفين نفهم نفسنا ونطلع مواهبنا ونستغل طاقتنا
للاسف بعض الشباب بيستهلك نفسه بس في حاجات غلط
عموما ياريت نشوف حضرتك في التيلفزيون بجد

السلام عليكم ورحمة الله وبركاته

جزاك الله كل خير بجد الموضوع رائع

انا اقدر اقول رغم انى مش بشتغل بس عايشة الحالة دى تقريبا لانى عندى طموح انى احسن مستوايا فى كل حاجة واشتغل فى شركة كبيرة فمقضية وقتى فى كورسات وقراية وانا حاليا مشرفة فى احد المنتديات فحتى الوقت اللى بقعده عالانترنت بقضيه فى شغلى فى المنتدى الى جانب انى بحفظ قرآن وكمان كل شغل البيت عليا لدرجة انى احيانا لما بقعد مع اهلى او عشان اتفرج عالتلفزيون ببقى حاسة بذنب انى بضيع وقت عالفاضى وكتير بمل من كتر الحاجات اللى ورايا وبتخنق وبقول انى خلاص مش عاوزة حاجة بس مش بقدر غير انى اكمل عشان هدفى اللى انا عاوزاه

بجد مش عارفة الاقى حل للمشكلة دى وفعلا مفيش وقت انى حتى افتكر صحابى او اقعد معاهم او اخرج او اعمل اى حاجة للترفيه

ياريت حضرتك تقولى هوا ده صح او غلط وايه الحل للموضوع ده

دكتور شريف انت بتتكلم عنى تقريباانا طبيعة كليتى عمليه وبتعتمد على خلق الافكار الجديده والابداع وده بيخلينا بنعصر دماغنا ونسهر بالايام بنفكر ده غير تطبيق الفكره نفسها بجد بدون اى مبالغه مش بلاقى وقت اعمل اى حاجه ساعات مش بلاقى وقت آكل وانام بجد انا نفسيتى ادمرت وحاسه انى فقدت ادميتى وبقيت ماكنه بتاخد الاوامر وتنفذ بجد اى وقت مستقطع بيأثر عليا بعد كده كتير جدا حاسه كمان انى بقيت انطوائيه جداومابقتش فاضيه لعمل اى صداقات او التعرف على اشخاص جديده وفقدت القدره دى تماما وبجد انا مكتئبه جدا انا بحب مجالى بس الضغط بقى كبير اوى خاصة التحديات اللى بواجهها علشان اكون حاجه كويسه الى حد ما بجد ارجوك يا دكتور يا ريت تقترح عليا اى حلول لمشكلتى اى حلوووووووووووول وشكرا جزيلا

موضوع جميل جدا يا دكتور ومستنيه التكمله
انا فعلا من هؤلاء
كل اللى بعمله فى اليوم بيتكرر من ساعة لما بصحى لحد ما انام اروح الجامعه ارجع متاخر انام سعتين تلاته واقوم اذاكر بليل وعلى الحال ده من بداية الدراسه لحد ما اخلص امتحانات وفعلا فى الاخر بحس انى موصلتش للتقدير اللى عايزاه والناس اللى مكنوش بيذاكروا طول السنه وبيذاكروا فى الاخر بيجيبوا تقديرات اعلى منى لدرجة انى احبطت جداااااا
اسفه على التطويل

والله كلامك صح بالنسبة ليا انا شغال مدير مسئول قسم الحاسب الألى فى شركة كبرى بالسعودية وبجد انا منظم وقتى بشكل كويس الشغل بمواعيد الأكل بمواعيد النوم كمان بمواعيد ويوم اجازتى اللى هو يوم الجمعة ده سايبه فوضى مش منظمه بس انا خايف ده يبقى روتين فى حياتى وامل من كده ما تعليقك

thanks for the topic,i like it
bas elmoshkela en 99% mn elly bye2ro elklam da mshla2yen ay 7aga ye3meloha wmaye3rafosh ya3ny eh d3'oot zaye ana mslan
fyaret tkalemna 3an el2estfada mn wa2t elfra3' lelly 5laso koleyathom we isA nestfad mn elklam da lma nla2y sho3'l
thanks again

هو كلام حضرتك صح جداً يا دكتور....و بالنسبه لنا كطلبه كل ده فعلاً أيام الامتحانات.
و بجد بنبقى تقريباً خلاص إنهارنا نفسياً.
بس هنعمل إيه يعني......الدراسه بجد صعبه أوي و بيبقى لازم نعمل كده علشان نلحق نخلص قبل الامتحان.
يس كل تعبنا ده بيبقى علشان إحنا بيبقى نفسنا نجيب تقدير كويس.
و علشان ما نحسش إن إحنا مقصرين.

اعتقد اننى لست من هؤلاء
فانا اصلا لا استطيع ادارة وقتى

تصدقنى اننى تمنيت ان اكون مثل هذا الطالب الذى يموت نفسه من المذاكره

فانا فى ثانويه عامه
ولا اعرف كيف ادير وقتى

فا فى الصباح المدرسه وحتى الثانيه ظهرا
وبعد ذلك الدروس الخصوصيه حتى الساعه 6 مساءا

اعود منهكه من كل ذلك

فكيف استطيع بعد ذلك استذكار دروسى

غير الضغوط النفسيه والعصبيه التى تطغى على كل طاقه متبقيه

ارجوكم ساعدونى كيف استذكر دروسى وانظم وقتى

فانا احس ان حلم حياتى فى ان اصبح مهندسه يزول من امام عينى

انتظر اجابتكم بفارغ الصبر