فضفضة عن الخرافة التي تحولت إلى "عِلْم"

السلام عليكم ورحمه الله وبركاته
انا بتفق مع حضرتك في كل اللي حضرتك بتقوله لان انا واحد من الناس مريت بتجربه شخصيه قريبه جدا من اللي حضرتك بتتكلم عنه اني ربط تعبي وعدم استمراري في شغالي بحاجه زي كده بس الحمد لله اني وقفت مع نفسي وقفه وقنعت نفسي ان انا اللي كنت مهمل ومكنش قدر المسئوليه وا بمعني تاني مكنتش حابب المكان اللي كنت شغال فيه وعلي فكره انا لسه مهتم بموضوع التنميه الذاتيه قريب جدا وياريت لو حضرتك بتدي كورسات في التنميه البشريه تعلن عنها لاني انا محتاج اتعمق في المجال ده شويه
وطبعا ربنا يوفقك في الطريق اللي حضرتك اخترته وان شاء الله من نجاح الي نجاح
واكيد كل كلام الاحترام والتقدير مش كفايه لكي لعبر عن احترامي لحضرتك
والسلام عليكم ورحمه اللهع وبركاته

السلام عليكم
انت صح يادكتور .... وانا قصدى أحنا معاك شباب مصر الواعى
انت لازم تكمل بس فى طريقك ركز على الحق (لا يصيبنا ألاما كتب الله لنا)
وان العلاج بالرجوع الى الله بجد
ولازم هتلاقى فى طريقك مشاكل كتيييير أوى بس لازم تكمل ومتزهئش بفكرك وبفكر نفسى ان شيخ الاسلام ابن تيمية قال (لو أراد الرجل أن يحرك جبل من مكاته لفعل)
أستمر بس لم الناس حوليك أكتر من خلال كل حاجة عشان الناس
مستنية شعلة تترفع وسط الظلام أو علم للحق يرفرف

شكرا يا دكتور شريف عرفة على هذا المقال المفيد وأنا اتفق معاك جزئيا واختلف معك جزئيا أيضا.

إن الجن والشياطين والسحر والعين موجودين في حياتنا ولا يصح إيماننا بالله دون الإيمان بوجود هذا العالم حتى ولو لم نستطيع رؤيته لأن هذا مذكور في كتاب الله وسنة رسوله اللذين لا يشك مسلم في صدقهما حتى ولو أجمع العالم كله على عكس ما ورد فيهما لسبب بسيط أن الله هو الذي أنزل وأقر هذا وعلمه يفوق علم جميع البشر الذين خلقهم.

إن علم التنمية البشرية رائع ولكن لابد من التركيز على ذكر الله دائما وإنه هو المسيطر والمهيمن على كل شئ وليس نحن فقط فنحن نقول ونفعل ونسعى لتحقيق أهدافنا ولكن النتائج على الله ولا نضمن حدوثها فأبسط شئ إننا يمكن أن نموت قبلها وهذا في على الله وحده.
والأ نفعل مثل قارون عندما قال "أوتيته على علم عندي" بمعنى إنه بعلمه فقط وصل لما هو فيه وليس لله فضل ولا تأثير عليه لذا خسف الله به بداره الأرض ليعلم مكانته وقدره وأن الأمر بيد الله وحده.

أنا أتفق مع سيادتك إن الانسان يحدد مصيره عن طريق قراراته واختياراته فهذا مبدأ أكيد ومعروف في أى دين فالذي يقول ويفعل الشر مصيره النار والذي يقول ويفعل الخير مصيره الجنة والانسان هو من يحدد هل سيفعل الشر أم الخير ولكن هذا وفق إرادة ومشيئة الله سبحانه وتعالى مع مراعاة إن الشر والخير أمور نسبية وأنه ليس كل ما أجمع عليه الناس بإنه شر هو شر وكذلك العكس فقد يكون الشر في عين أحد الأشخاص في حقيقة الأمر خير محض.

مثال: تعطلت سيارة الأجرة التى ركبتها ولم تستطع اللحاق بالقطار للذهاب لعملك وسبحان الله قد يصادف وينقلب هذا القطار فيكون حدث تعطل السيارة وتأخيرك عن العمل وخصم أجرك اليومي وإن كان ظاهريا شرا لك إلا إإنه كان خيرا كبيرا.

شكرا وأسأل الله الهداية والتوفيق لحضرتك ولنفسي وللجميع.

بالله عليك تقرأ كلامي للاخر
والله با دكتور شريف ما تعرفش انا بحبك ايه واتعودت دايما على الصراحة والجرأة وحكلمك بصراحة بصفتى أخ أصغر ليك انا خايف شعبيتك تقل بسبب الموضوع ده وهذا اذا اخذت الموضوع من ناحية عقلية فقط لذلك انا ارجو منك ان انت تتعلم الأول في الموضوع ده على ايد المشايخ الكبار العلماء بجد عشان لما تيجي تكتب تكون الكتابة بتاعتك فعلا كتابة عادلة
ورجاء ان الكتاب ده بكون فعلا بحق بيفرق بين الحق والباطل وان انت تضع كل حاجة في موازينها يعني مثلا موضوع زي موضوع المس لو رجعت لكلام الأئمةالسابقين المعتبرين (أهل القرون الثلاثة الأولى اللي النبي (ض) قال فيهم فيما معناه :"خير القرون من بعدي قرني ثم الذين يلونهم ثم الذين يلونهم") فأكيد الموضوع موجود بالدليل من الكتاب والسنة ولكن المشكلة بقى في العقليات ازاي بتتصرف مع المشكلة دي هل بيتبع شرع ربنا صح ولا بيروح لدجالين
أمثلة أخرى لموضوعات فعلا محتاجين نشبلها من عقول الناس زي قراءة الفنجان - الأبراج والجظ وده والعياذ بالله ادعاء للغيب - الزار - وكل الدجل والشعوذة
ملخص رسالتي وانا آسف جدا للإطالة مش عايزين الحابل يختلط بالنابل يعني تفرق في كتابتك ما بين الشعوذة والدجل وما بين الشرع والدين ويا رب ربنا يوفقك وأسال الله العظيم لك الا تكون من أصحاب الفكر العلماني المخرب

طبعا معاك يا دكتور وكلامك صح جدا مش كل حاجه فى حياتنا متعجبناش او تفشل عشان احنا الى قصرنا فيها او خترنا غلط يبقى ندور على اى حد تانى او حاجه تانيه تكون هى المسؤله عشان نخلى مسؤليتنا احنا والسلام فوقوا بقى لازم نتحمل المسؤليه ونعرف احنا رايحين فين وعايزين ايه والكتاب تحفه وحلوا جدا يا دكتور انا بقراه حاليا وعجبانى جدا الى الامام وربنا يوفقك ويعنيك على الى انت نويت تقدم عليه ان شاء الله

كمل يا دكتور
بجد أفكارك حلوة
و فعلا المععتقدات الخاطئة دى لازم نطهر مجتمعنا منها

الجان ده مش خرافات.. لكن كونه يعمل كتاب عنه دى فكرة مش حلوة
لان ببساطة مش اى حد يعرف يتعامل.. لانهم مجتمعات و اسر زينا

هو ايه اللى خرافة يا عم المخرف انت انت مسلم ولا بتستعبط علينا؟
الايمان بالجن واجب وذكر فى القران وذكرت سورة كاملة باسمه بس انت شكلك الشيطان اللى عليك علمانى عشان كده انت بتهرتل

هى دى الكارثة
فالناس يشعرون بالرضا عن أنفسهم, حين يعتقدون أنهم غير مسئولين عن فشلهم..

لو سمحت يا دكتور ممكن واحد عفريت يروح يلبس دكتور عندنا فى الكلية هههههههه .
انا هقول لحضرتك على حاجة ليا واحد زميلى واحنا فى ثانوى مجابش مجموع كويس ( كان مقضيها ) وكلنا كنا عارفين وفى الوقت ده كان فيه خلافات بين والده وعمه لما نتيجة زميلى ظهرت عارف اتقال ايه ؟ عمه منه لله عامله عمل والله الكلام ده فعلا حصل وده اللى اتقال المهم ان مش دى المشكلة زميلى علشان يشيل عن نفسه المسؤلية فى عدم مذاكرته عاش عليهم واختلق قصص وروايات وطبعا لانه قروى ( ساكن فى منطقة ريفية يعنى ) الحكاية دى اخدتلها صيت جامد واتصدقت .
يا دكتور لو حضرتك اتكلمت فى الحكاية دى هتلاقى 3 وجهات نظر هتقابلك
1- أعوذ بالله انت هتكفر ولا ايه ربنا يجعل كلامنا خفيف عليهم والحسد مذكور فى القرآن.
2- اه الجن مذكور فى القران والايمان بوجودهم واجب لكن ملهمش سلطة على الانسان والفشل مش معناه ان فيه عمل والنجاح يبقى فيه شيخ ( زى شيخ حسن شحاتة كدة هههههههههههههههه )
3- جن ايه وعفاريت ايه اتعلمو بقى الحاجات دى اصلا مينفعش تتكلمو فيها الناس وصلو القمر وانتو لسة بتتكلمو فى خرافات

انت من الاحرار يا على .... تابع واحنا معاك وربنا قبل الكل

كلام جميل فعلا والاجمل لو شفنا الاستاذ شريف عرفة فى ندوة او محاضرة تعلن عنها مجلة بص وطل وانا اول واحد احضرها
لان بجد بحترمك جدا وبحب مقالاتك جد

كلام معقول جدا ومنطقي واكيد اي انسان عاقل سيؤيد كلام حضرتك يادكتور انا يمكن لم اتعرض لاي من مواقف مقاربة للجن او السحر بس انا في مجتمع يعيش فيه ناس من حولي يؤمنون شديد الايمان بان الانسان لو حدث له ابسط الامور اذن هو مسحور (معموله عمل ) وكلما استمر المجتمع بالتفكير بهذه الطريقة دون وعي لعدنا بحضارتنا لما قبل الجاهلية فاين العلم والمتعلمين

(( وما كفر سليمان ولكن الشياطين كفروا يعلمون الناس السحر ))
((فيتعلمون به ما يفرقون بين المرء وزوجه ))

هل يوجد كلام بعد كلام الله خالق كل شئ ؟؟

يا دكتور كل مجال فيه النصابين والمتقين والصالحين والغشاشين والجاهلين.. اما ان نقول مجمل الموضوع غلط او طريق خاطئ او هو سبب فى مصيبة ما فهذا هو الغلط..الرسول عليه الصلاة والسلام تم سحره ..
ولكنه حذرنا من الدجالين :( من اتى عرافا او دجالا فقد كفر بما انزل على محمد ) ........
ارجو منك اعادة النظر فيما اتخذت من قرارات ..

ربنا معاك يا دكتور وربنا يعينك علي الحق

السلام عليكم ورحمة الله وبركاته
انا متفقة مع حضرتك يا دكتور ان الايمان العميق وتضخيم مثل هذه الامور خطأ ولكن القدر لا يمكن ان نتكلم او نخوض فيه لاننا مأمورين بالايمان يه "وبالقدر خيره وشره" ولكني متفقة معك تماما فيما يخص اننا نملك الارادة لتغيير حياتنا ومعتقداتنا ومع ايماننا ودعائنا وتوكلنا على خالقنا عز وجل فلا يمكن ان يوجد مستحيل
انا مؤمنة ان مفتاح اي شئ العمل الجاد والاخذ بالاسباب + الدعاء
والسلام عليكم ورحمة الله وبركاته

دكتور شريف احب اوجه لحضرتك فى البدايه تحيه كبيره على كتابك الاخير تخلص من عقلك وما يحتويه من افكار هادفه وجريئه ، بس لما قريت مقاله حضرتك انهارده اول مرة اشعر فى كتاباتك بشى من القلق وخوف وزى المثل الشعبى بيقول(بتقدم رجل وتاخر رجل)من الصعب انك تقدر تغير افكار ومعتقدات فى مجتمع زاد فيه الجهل والشعوذه ومن الطبيعى وجود انتقادات و الدينا تنقلب وده ان دل على شئ فيدل انك ماشى صح ونجحت فى التاثير والتغير ومعلش انا هطول عليك وهقولك مدى تاثيرك عليا انا ابتديت اقرا لحضرتك وانا فى اول ثانوى تقريبا وشدى مدى ثقتك بنفسك وافكارك وبدات اتابع مقالتك وحواراتك فى الاعلام وافكر فيها بينى وبين نفسى و ابيتديت اطبق كلامك و ابرمج عقلى من اول وجديد واول مشكله فى حياتى طبعا هى التنسيق انا اصلا اميل لتخصص الادبى اكثر نظرا لقدراتى ولما جيت اتخصص اخترت علمى وكل من حولى انتقادونى و كلهم قالوا رحم الله امرئ علاف قدر نفسه بس انا صممت وقولت انا قدراتى ادبى بس لو بذلت مجهود اكبر هغير مسار حياتى كله وابتدى ينمو بداخلى حلم دخولى كليه صيدله لحد ما خلصت ثانويه عامه وجبت 99 ونزلت مصر وانا كلى فخر انى قدرت احقق هدفى واتحديت الناس كلهم وطلعت صح وبسببظروف ما ما لقيتش قدامى الا كليه هندسه ودى طبعا كانت ورطه كبيرة لم تكن فى الحسبان كليه هندسه يعنى رياضه وانا ضايعه رياضه خالص وكان قدامى يا اما كليهاداب وخدمه اجتماعيه وهكذا يا هندسه وده التحدى التانى غامرت ودخلت هندسه لدرجه ان الناس فكرت انى فقدت عقلى نتيجه صدمه بس انا كنت مومنه بكلامك وان الانسان لو عنده هدف قايم نايم بيه هيقدر يحققه وكنت بستنى مقالتلك من اسبوع للتانى لتعطينى دفعه لحد ما طلعت نتيجه اولى وجبت جيد الحمد لله ودلوقتى بقى الاهلى بيضربوابيا المثل لاولادهم اللى يخلى وجدان تتدخل هندسه يخليك انت تاخد نوبل .
طبعا انا مدينه لحضرتك بمعروف كبير بعد ربنالذلك رجائى من حضرتك انك تكملك فى طريقك وهدفك و عذرا لاطالتى .

الانسان لابد أن يعمل كل جهده في حياته وعمله ويسعى بكافة الطرق في كل جزء من حياته وفي نفس الوقت يتوكل على الله ويدعوه ويطلب مساعدته, أنا معاك يا د شريف ان هذه النوعية من الكتب ضررها كبير وأصلا احنا مش محتاجين نقرأها, احنا محتاجين لنهضة وتنمية وإتقان للعمل علشان نتغير للأحسن والله المستعان وشكرا

دكتور شريف للكلام في موضوع ما يجب ان تكون على دراية كاملة به والا ستكون كمن تصفهم بالجهل ,القدر هو الله (يخلق الله ما يشاء ويقدر له )اقرا القران وليس الكتب العلمية فقط .
السحر والمس والحسد والجن حقائق موجودة بالفعل وتحدث عنها القران ولكنها تاخذ اكثر مما تستحق من الاهتمام مما يجعل الكثير من النصابين يلعبون بعقول الناس عن طريق الشعوذة .
ولكن من بين الف مشعوذ هناك ساحر حقيقي وهناك مصابون بهذا السحر الذي يوجد له قصاص في التشريع وان لم يكن هناك سحر وسحرة ما قال النبي صلى الله عليه وسلم احاديثة المشهورة في تحريم السحر .
كل ما ذكر موجود ولكنه ليس السبب في تاخرنا وجهلنا واسال اهل العلم الشرعي يفيدونك ورجاء لاتلغي القدر فالمقدر لك لابد ان يصيبك (قل لن يصيبنا الا ماكتب الله لنا ), وعلى فكرة في جن وعفاريت فعلا وليس معنى الا تستطيع رؤية الشيء انه ليس موجودا حقا وقد امرنا النبي كلما دخلنا الخلاء ان نستعيذ بالله منهم وهم يعيشون معنا على هذا الكوكب ولكن كل منا له مجتمعه وقوانينه ولكن يشاركونا في اشياء كثيرة منها الدين واللغات والحساب يوم الدين وغيرها

طبعا انت صح يادكتور

تفكيرك جميل ودائما مواضيعك تحمل نوعا من التمرد والتحرر , كل الاحترام

طبعا معاك يا دكتور

انا شايفه ان السحر والحسد مذكورين في القران يمكن في ناس بتستخدم الموضوع ده للشهرة وكسب المال لكن منقدرش نقول ان الموضوع ده مش موجود لاهو موجود

اتفق معاك جدا و اشجعك على الاستمرار فى ذلك الطريق
وعايزة اقولك انك اوعى تفقد الامل فى رأيك او محاولاتك عدما لا تجد التقدير الكافى ممن حولك او التشجيع حتى من قرائك, فالاغلبية الصامتة هى التى تتفق معاك دائما و دائما وتبدو كسلانة, لا يحفزها الا ولائك انى احتاج لدعمكم
وبمناسبة موضوع الجن والعفاريت والخرافات هقولك على موقفين حلوا معايا
الموقف الاول: كنت مع مجموعة زمائى اثناء عمل بحث جمع عن المقامات (ودى جمع مقام) زى مقام الشيخ الدسوقى و اثناء زيارة لمقام الشيخ الدرديرى لقينا سيدة دخلت تصلى جوه المقام وواحده صاحبتى صممت انها تكلمها وتحاول تفهم وجهه نظرها, فردت عليها السيدة ان يا بنتى وايه يعنى كله على الله -الى استغربته جدا انها قالت كله على الله بس فعليا هى لا تقصدها وانما تقصد انزلى من على ودنى- ان بعض البشر يخافون من اعمال العقل
الموقف الثانى:ركبت مرة الترام ولقيت حوائط الترام مليانه استيكر دعاية لمخرج جان- مش مخرج سينمائى- فقعدت افكر ان حتى لو الناس بتؤمن بالحاجات دى العقل يقول منغذيش النقطة دى عندهم ويحسوا ان المجتمع راضى عنها فيزيد ايمانهم بها والحقيقة ان الصمت كسلا وليس موافقه
قمت طلعت مفتاح وقعدت اطلع الاستيكر من على الحائط, لقيت الكمسارى قرب من وقالى انتى بتعملى ايه قلتله انت مقتنع بالكلام ده؟ قالى لا والله يا بنتى دول مجانين الناس الاعلانات دى والستات فى الترام ابتدوا هما كمان كل واحده جمبها اعلان تشيلوا او على الاقل تشخبط على العنوان ونمرة التليفون
وجدت ان الاغلبية لا يؤمنوا بهذه الشعوذه او على الاقل لم تستطيع سيدة بالافصاح عن ايمانها فى جو معارض تماما لهذا الاسلوب فى الحياة
فالمطلوب هو طوبة تحرك المياةالراكده
ومحاربة لهذا السلوك السئ
انما الاهم هو تحسين الوضع الاقتصادى والتعليمى لهؤلاء البسطاء حتى لا نتركهم فريسة لهذا لجهل وهؤلاء الجهلاء
وشكرا

معلش نسيت اقول اني من تجربتي موافقة جدا على كلام الدكتور, الإنسان هو المتحكم الوحيد في نفسه وحياته مش حد تاني حتى الجان لما بيأذي الإنسان دا بسبب تقصيره وبعده بإرادته عن ربنا وتعليماته اللي شرعها لنا عشان تحفظنا ولو حب يرجع لنفسه لازم يرجع للكتالوج اللي ربنا حطهولنا..
قال تعالى (( ما اصابك من حسنه فمن الله وما اصابك من سيئه فمن نفسك))

السلام عليكم،، انا من الناس اللي كان ليهم تجربة في هذا الموضوع،، كنت انسانة طبيعية جدا زيكم كده الى ان بدات احس بأشياء غريبة تلمسني وتشدني مبعرفش احتى انادي على حد او اقوم من مكاني ليست احلام او كوابيس مع العلم اني قبل كده مكنتش بصدق مثل هذا الكلام لكن والله حقيقي المهم شيخ بعد شيخ وتأليفات وفتي مارفع هذا عني الا القرب من الله.. الصلاة في وقتها، القران، الأذكااااار،، ياجماعة الأذكار دي مهمة جدا جدا جدا فمنها مايعمي اعين الجن ويستر عوراتنا عنهم زي ذكر خلع الثوب أو الغسل ((بسم الله الذي لا إله إلا هو(مهم جدا)) ودخول الحمام ومايحفظنا منهم ومن الشياطين زي ذكر دخول المنزل والأكل والنوم والصباح والمساء والله كل الأذكار مهمة أنا بصراحة مكنتش بقولها بس دلوقتي مابسيبهاش وياريت كلنا مانسيبهاش،، وربنا يحفظنا جميعا..

والله بجد مش عارفه اخرة الجهل ده ايه بس والله نفسي اعرف الدكتوراه دي خدها منين بالظبط ولا هو اصلا في حاجه اسمها ماجسيتير في اخراج الجان

يادكتور ايضا من العلم ان لايتكلم الانسان في اشياء لايعلمها سواء كان راضي عنها ام لا ارجو ان تحترم علية القاريء نحن نعرف الصح من الخرافة وبعدين ايه دخل القدر مع الجان والعفاريت هناك فرق ولو مش معتقد فقرر مصيرك واختار قدرك بنفسك

السلام عليكم
انا محمد من المنصورة
اولا نحن نؤيدك تماما وبكامل الاراده التى خلقها الله فينا والتى يحركها العقل الذى يجب ان نستعمله فى التفكير بمنطقيه وعقلانيه والرجوع الى تعاليم الدين للحصول على الدعم والمصداقيه فيما وصلنا اليه.
ثانيا طبيعه هذا العقل انه لا يؤمن الا بما يقع فعلا امامه ويوجد له تفسير جاهز ويلجاء الى التفسيرات الغيبيه ليريح هذا العقل الكاسل والكاسد.
ثالثا ان موضوع الجن والسحر يوجدفيهم اراء قاطعه ونهائيه تقول ان هذه المعتقدات موجوده ومؤمنون بها ولا ننكرها ولكن لا يوجد لها تاثير من ذاتها انما النفع والضر باذن الله وبحق قول الله فى سورة البقرة ( وما هم بضارين به من احد الا باذن الله ) صدق الله العظيم.
ولكن ما هى الا اسباب يحركها الله ليختبرنا هل نرد هذه الاحداث والاقدار الى هذه القوى ام الى اراده الله .
ان زمن الغيبات والمعجزات انتهى بوفاة سيد لخلق عليه وعلى انبياء الله الصلاه والسلام وان اخر من وقع عليه الضر بالسحر هو رسول الله .
وفى النهايه نشكرسيادتكم يا د/ شريف على رايك ومحاولتك ولكن اضم صوتى لراى ا/حسام عادل فى ضرورة الفصل بين مفهوم القدر وهذه المعتقدات
وندعو الله ان ينير العقول ويهدى القلوب الى ما يحب ويرضى.

اكيد متفقة معاك....اكيد

احنا متفقين معاك واضافة لراي حضرتك وده اولا واخيرا ان ما دام في قرأن كريم ولسان رطب بذكر الله تكون المشكله محلوله بس الاهم الايمان بالله وعدم الانسياق وراء التخاريف التي نراها في ايامنا هذه من كتب وسحرة ودجالين على مرئى ومسمع جميع البشر بالاخص ان هذه الكتب تقوم بعمل غسيل لعقل قارئها وتدخل في ذهنه اعتقادات وافكار خاطئه كانت غائبة عنه ولم يتخيلها لو لم يقرأ هذه الكتب او اندمج في هذا المجال الذي اعتبره من وجهة نظري الشخصيه باب سهل للنصب على العقول الغير المتفتحه الغير قادره على فهم وحلول القرآن الكريم لكثير من المشكلات ولا اخص بالعلاج بالقرآن مشكلة ما وانما في القرآن الكريم علاج لكل شئ بس أحنا نقرئه .

متفقون جدا

موضوعك يا دكتور فى البدايه ملك على حواسى
وفى وسطه جعلنى اشعر بحزن شديد لما نحن فيه من جهل وعدم درايه بالامور وقد ايه احنا بارعين فى ان نخدع انفسنا بمثل هذه الامور كى نتخلص من تأنيب الضمير وكأننا بنكدب على نفسنا وللاسف بنصدق

اما اخر الموضوع شوقنى بانى اكتب تعليقى هذا كى اخبرك بانى متفقه معك تماماووجهك نظر حضرتك وصلتلى وعلى اتم استعداد بالمسانده

للاسف فى ناس تحت مسمى العلم بتستغله لمصلحتها وبتتاجر بيه معتمده على جهل طبقة كبيرة من المجتمع وتصديقهم للدجل والشعوزة غير مهتمين بالعواقب اللى ممكن تضر المجتمع ككل من نشر كتاب زى ده...

يا جماعة المشكله مش فى الكتاب اللى اتباع ...المشكله فى الافكار اللى جواه اللى بتسمم عقليه المجتمع بافكار ليس لها اساس من الصحة وبتساعدهم على الكسل والتواكل...الافكار ديه اكيد هتأثر بالسلب وممكن تأخرنا سنين اكتر ما احنا متأخرين..

حسبى الله ونعم الوكيل
استمر يا د/شريف فى الطريق اللى بدأته واحنا هنساندك باذن الله على الاقل كقراء وربنا يعينك

انا مش متخيلة ان لسة في حد بيؤمن العفاريت و اخراج الجان و تسخير الجان و الكلام دة..اه الجن موجود و مذكور في القران لكن مفيش الكلام الفاضى اللى هما بيقولوه دة..كل حاجة بنعجز عن تفسيرها نقول جن و عفاريت لانه الناس مش عاوزة تشغل مخها و للاسف ناس كتيرة اوى محترفة في النصب في الحاجات دى و الناس للاسف بتصدق و شفت بنفسي نماذج كدة لناس بيؤمنوا بالكلام دة بشدة..ربنا يهديهم و ربنا يوفقك يا دكتور شريف و يارب ربنا يجعلك احد الاسباب اللى تخلى الناس تسيب الجهل دة لانه عيب نكون في القرن الواحد و العشرين و لسة في ناس بتصدق الكلام دة ...

انا معجبه بحضرتك جدا يا دكتور شريف بس انا نفسى اعرف حضرتك دارس فين علشان انا عايزه أسلك المجال ده وشاددنى جدا لو سمحت قولى الطريق لدراسته

انا موافقة جدا على الكلام ده.
بس للأسف احنا ماعندناش وعي كافي عشان نفكر ونحلل اللي بيتقال لنا قبل مانصدقه

اكيد معاك يا دكتور شريف وياريت بجد يقرا كلامك دة الناس اللي مش عاوزة تتغير من مبدأ ان التغيير ضد الدين وعلي اساس انهم عاوزين الاخرة فبيرضوا بالجهل وعدم التطوير بكل سعادة وفاكرين ان هو دة الايمان

د.شريف
حضرتك -ولا أعرف ان كنت متعمدا أم لا - وضعت القدر بجوار الجن والعفاريت جنبا الى جنب...وهذا فى رأيى خطأ فادح لأن القدر شأنا أم أبينا هو من يحركنا فى طرق الحياة..وليس الجن من يفعل هذا...فيمكننى أن أرفض تصديق قوة الجن أو سيطرتهم على الناس ولكن لا يمكننى ألا أضع القدر فى حسبانى..هذه واحدة
أما الاخرى فيكفينى أن أعرف أن الجن والعفاريت وحتى قوى السحر نفسها لا تقوى على ايذائى الا بشىء قد كتبه الله على ...هذا ما قاله رسولنا وهذا ما أن موقن به..فأنا أتمننى حقا لو تخلصنا من تلك الترهات بدلا من أن نعطى أهمية لأنصاف العقلاء كى يتحكموا فينا وفى مصائرنا

على فكرة انا مع حضرتك جدا....السحر و الجن مذكورين في القران وعلينا نامن بيه.... بس في ناس بتعتقد ان محرك اساسي في الحياة ودة سبب الجهل انهم فاكرين ان دة ممكن يغير الواقع او ياثر في القدر

لن يصيبنا الا ما كتب الله لنا

معاك يا دكتور شريف

انا بصراحة مقريتش لحضرتك غير لماذا من حولك اغبياء و عجبني جدا واشتريته لمجرد اني احترمتك فعلا و حبيت يكون في مكتبتي كتاب ليك.
حضرتك مش واضح في كلامك في المقال ده ( لأنني تكلمت عن القدَر وعن السحر وعن تسخير الجان) , اكيد مش كل واحد هيتكلم عن القدر و السحر هيتشتم بس برده اكيد مينفعش اي واحد يتكلم عن حاجة منرفزاه من المجتمع لمجرد ان هي منرفزاه , الدنيا ابسط من كده بكتير حوار القدر و السحر و كده مرتبط بالخلفية الدينية الصحيحة و الصحيحة دي تحتها 1000 خط فلو انت واثق انك عندك الخلفية دي ممكن تحاول توضح اللي الناس مش فاهماه

د/شكرا على اهتمامك بهذا الموضوع لاكن مايحزنا الاعتقاد بهذه الخرافات مع ان الله دلنا على الحل وهو فى كتابنا المقدس المنزه من كل عيب لكن دكتورنا الغالى نحن نبتعد بعدا كبيرا عن الدين فضعف ايمانا وايمانا بمعتقدات خرافيه ومشينه لو ان الاعتقاد فى الجان ومصباح علاء الدين وغير ذلك فى تحقيق احلامنا ورغبتنا لما كنا وصلنا الى ماوصلت به البشريه من تقدم علينا ان نتقرب الى الله حتى لاننجرف الى مثل هذا

ASSALAM 3ALYAKOM
VRAIMENT LES GENS PRENNENT EN CONSIDERATION CES CHOSES DANS TOUTES LEURS ACTIONS.
CA EST DU PRINCIPALEMENT A UNE EXPERIENCE VECUE AINSI QUE LA CULTURE ET LES TRADITIONS DE LA FAMILLE.
MAIS CA NE DOIT PAS INFLUENCER NOS CHOIX DANS LA VIE QUI ONT DES EFFETS AVANTAGEUX SUR NOTRE QUALITE DE VIE

كلام جميل يا دكتور شريف
بارك الله فيك

العزيز د. شريف عرفة ..
يظل الدور الطبيعي لمثقفي كل عصر هو الضرب بيد من حديد فوق الخرافة التي يصنعها أهل كل زمان وتفنيد زيفها ووهنها وسخافتها .
تلك الخرافة التي يجني البعض من ورائها الربح الكثير ..
ويجني باقي المجتمع من ورائها الفشل والإحباط والتخلف ..
وتظل الخرافة ـ المحتمية غالبا بدين أو عادة متاصلة ـ كبيرة متطاولة على العلم والمنطق، إلى أن يأتي من يفندها ويفضحها ..
فإلى الأمام يا صديقي ..
وأول من يعينك بعد توفيق الله هو العقل الناضج الذي يرفض أن يتلوث بمثل هذه الترهات .. وأحسب أن جل قرائك منهم ..
مودتي
كريم الشاذلي

اللهم لا تآخذنا بما فعل السفهاء منا

بص يا دكتور هو السحر والجن ذكر فى القرآن ممكن يكون الكتاب اللى بتتكلم عنه دجل فعلا ومش طريقة صحيحة لعلاج السحر او مس الجن .
بس ده ما يمنعش ان الحاجات دى موجودة وعلاجها بالقرآن وطبعا دة كلام اجماع العلماء واظن كان فى حاجة المفتى عندكم هنا اتكلم عنها بخصوص الموضوع ده.