وظائف خالية.. خدمة جديدة في "بص وطل"

انا بصرحة مبهور بالمجهود العظيم انا خريج المعهد العالى للخدمة الاجتماعية بالقاهرة بتقدير جيد معى بكالوريوس ومعى شهادة icdl ومعى لغة انجليزية ومعى دبلومة فى التجارة وأريد من الله ثم منكم ان توفرا لى عمل فى بنك واشكركم على الا هتمام

انا خريجة كلية تجارة شعبة محاسبة دفعة 2008 ونفسى الاقى وظيفة مناسبة لان مافيش حد بيدى فرصة لمحاسبين انهم يدربواوانا متخرجة بتقدير عام جيد ياريت الاقى عندكم وظيفة مناسبة

السلام عليكم ورحمه الله وبركاته اهلا باسره بص وطل ويا جماعه انا خريج معهد منشات بحريه 2009 ومعايا جواز سفر بحرى البزبور الاسود وقسمى فى المعهد كهرباء وردار ونفسى اشتغل فى البترول او فى الشاركات الملاحيه

السلام عليكم
انا خريجه المعهد الفنى التجارى 2008 قسم سكرتاريه واجيد الكمبيوتر والطباعه حيث اننى من محافظه الشرقيه الحسينيه وابحث عن وظيفه فى مجالى وانا محبه للعمل جدا فممكن ان احصل على فرصه تناسبنى
شكرا

السلام عليكم
ياريت تساعدوا اى حد عايز يشاغل مذيع او مذيعة لان الموضوع ده بقة صعب جدا ومحتاج واسطة يعتنى لو فى اى اعلان او اى معلومات ياريت نلاقيها فى بص وطل وشكراااااا

انا حاصله على بكالريوس تجاره 2010 ونفسي اشتغل فى مكانه كويسه انا بحب اشتغل جدا وبعشق الحياه العمليه انا كنت فى تدريب فى شركه المياه

ازيكم يا احلي مجله في الدنيا
انا خريج علوم قسم كيمياء ونفسي اشتغل في شركه بترول يا ريت تشوفوا الموضوع ده ضروري جدا

==================

رد بص وطل:

يا ريت تتابعنا يا صديقي وإن شاء الله تلاقي اللي كل أنت عايزه موجود.

انا مدرسه لغه عربيه اقيم بالعاشر من رمضان ونفسى الاقى فرصه عمل بأى مدرسه فى العاشر من رمضان ...انا معى ليسانس اداب لغه عربيه جامعه عين شمس ومعى دبلومه عامه فى التربيه وشهادة ال icdl ودورة فى التعلم التعاونى...افيدونى ارجوكم

================

رد بص وطل:

أهلاً بيكي صديقتي العزيزة، ونصيحتي ليكي هي أنك تبدأي في تجهيز سيرتك الذاتية وتعرفي إيه هي المدارس اللي موجودة جنبك، وتروحي لها وتسيبي عندها سيرتك الذاتية علشان لو احتاجوا تخصصك تكوني أول المرشحين للوظيفة، وكمان يا ريت تتابعينا خلال الفترة الجاية علشان هيكون في فرص ووظائف كثيرة ممكن تلاقي منها اللي يناسبك بإذن الله.

فى البداية تحياتي لاسرة بص وطل واهتمامها بالجدد وبارك الله فيكم

اقتراحى ان يوجد تواصل بين الموقع والمواقع الاخري المختصة بالوظائف ليس بمصر ولاكن بالخيلج والدول العربية يعنى الى ميلاقيش فرصته فى مصر ممكن ربنا يكرمه بوظيفة مناسبة فى الخارج مع التواصل مع الطرف الاخر عبر وسائل الاتصال المختلفة وبكده يبقا كسرنا حاجز بيع الفيز والعقود الباهظه الثمن والنصب على الشباب فى البلد وتوفير اكبر عدد من فرص العمل لحبايبنا

=================

رد بص وطل:

شكراً لاهتمامك ومشاركتك واقتراحك البناء.

انا حاصلة على بكالوريوس تجارة شعبة محاسبة بتقدير عام جيد جدا 2004 وعملت ببعض الشركات حتى اصبحت رئيسة حسابات واتمنى فى العثور على وظيفة لى . حيث اننى من محافظة الشرقية -بلبيس

انا حاصل على بكالوريوس تجاره وعندى 27 سنه وعندى خبره كبيره فى هذا المجال

لماذا لم يتم الرد عليا؟؟؟؟

=================

رد بص وطل:

لقد تم الإجابة على استفسارك، أرجو منك مراجعة الردود بالأسفل.

الموقع شكله حلو ومحترم
انا طالبة بكلية اداب قسم اثار جامعة عين شمس
اتدربت ارشاد في الاجازة في المتحف المصرى
هل ممكن الاقى شغل يفيدنى وانا بدرس في شركة سياحة او ما شابه ذلك

====================

رد بص وطل:

يا ريت تتابعينا يا صديقتي العزيزة، لأن في وظائف وفرص كثيرة بنعلن عنها ممكن تلاقي اللي تناسبك منها.

السلام عليكم ورحمة الله وبركاتة أنا بكالوريوس خدمة اجتماعية خريجة2007 ونفسى فى وظيفة تناسبنى علاقات عامة سكرتارية فى شركة محترمة تعين تبع وزارةالتربية والتعليم تسويق العمل معكم واكون سعيدة الحظ اى وظيفة كويسة تناسب المؤهل والحمد لله ربنا كرمنى باللباقة وحسن المظهر والذكاء وتعلم الوظيفة بسرعة ومهارةارجوك ساعدونى اناقربت اتجوز وعايزة اجهز حاجتى بس مش لاقية وظيفةالحياة صعبة وبلادنا بلد الوسطة وأحنا وسطتنا ربنا سبحانة وتعالى وشكراً لمجهوداتكم وتفكيركم فى الشباب وحل مشكلتة الكبيرة فى البحث عن وظيفة كل سنة وأسرة برنامج بص وطل طيبين وربنا يبلغنا ويبلغكم رمضان على خيرااااااامين يارب
شكرآ للاهتمامتكم

======================

رد بص وطل:

كل سنة وانتي بصحة وسعادة، بس حاولي تتابعينا وإن شاء الله تلاقي عندنا وظيفة تناسبك.

فكرة جميلة ومتأكد انكم هتطورها مع مرور الوقت..
انا كنت حاليا بدور على موقع انشر عليه اعلانى لانى عاوز ابيع شقة
فهل ممكن بص وطل تضيف الخدمة دى خدمة اعلانات مبوبة مجانية؟

==================

رد بص وطل:

شكراً لاهتمامك ولتقتك في موقعنا، وبإذن الله سنعمل على دراسة اقتراحك ومدى إمكانية تنفيذه.

انا خريج كلية الاداب جامعة المنصورة قسم لغة انجليزية سنة 2001 وحصلت على دبلومة فى التربية سنة 2004 و حاليا انا متزوج و عندى ابن و فى امس الحاجة الى اى عمل لكى اوفر معيشة طيبة لاسرتى

السلام عليكم ورحمة الله وبركاتة
انا خريجة كلية اداب قسم اعلام شعبة علاقات عامة دفعة 2008 بتقدير عام جيد وحاصلة على icdl
هل من الممكن ان تقبلونى ام لا؟؟

==================

رد بص وطل:

صديقتي العزيزة، تقدري تبعتي السيرة الذاتية على البريد الأليكتروني المذكور بالخبر، وجهة الإعلان هي من ستقيمك وتحدد ما إذا كنت تتوافقين مع الوظيفة أم لا وليس نحن.

انا طالبه كليه اداب قسم انجليزى وبجد نفسى اعرف الاماكن اللى ممكن اشتغل فيها غير التدريس

====================

رد بص وطل:

تقدري تشتغلي في مجال السياحة أو الترجمة.

السلام عليكم انا اسمي وليد خريج كلية تربية شعبة مكتبات وتكنولوجيا التعليم ولسة متخرج السنة دي وبدور علي وظيفة كويسة يا ريت لو ليا وظيفة كويسة تبعتولي علي الميل بتاعي شكرا.

==================

رد بص وطل:

وعليكم السلام ورحمة الله وبركاته، كل الفرص والوظائف يتم نشرها على الموقع في باب التنمية يا وليد، فيا ريت إنك تتابعنا دائماً.

جزاكم الله خيرا علي الخدمة الجميلة دي
كان فيه من ضمن التعليقات تعليق عن العمل من المنزل فحبيت اضيف اللي اعرفه عن الموضوع ده
فيه مواقع كتير علي الانترنت بتتيح فرصة العمل من المنزل مثل scriptlancer, vworker, guru
ومواقع تانية كتير بس ممكن تقومي بعمل سيرش علي freelance websites
يا ريت لو نشوف مقال عن المواقع دي ولو في اي حد ممكن يضيف اي معلومة

مش حاجه جديده على بص وطل فهو دايما الموقع صاحب التجديد والافكار الجديده اللى بتخلى اى حد يتصفحه يلاقى اللى هو عاوزة
ويارب يوفقكم يارب فى الباب الجديد ده بس ياريت تبقى اعلانات الوظائف يبقى فيها حرص شويه منكم لانى بسمع كلام كتير جدا على موضوع وظائف النت والنصب بتاعها وانتم ان شاء الله أكيد مش هتفوتكم حاجه زى دى والله المستعان...

====================

رد بص وطل:

شكراً لاهتمامك ولذوقك.

بجد شكرا جدا جدا
انا تقريبا اقترحت الفكرة دى من 3 سنين تقريبا
مش مهم الوقت بس الحمد لله انها لاقت افادة من الموقع
جزاكم الله كل خير

بسم الله الرحمن الرحيم
بجد فكرة جبارة وانا ادعمها بشدة جدا وهاقترح عليكم اقتراح اتمني انة يعجبكم
اعملو جزء من الموقع برضة لعرض الاعمال والوظائف الشاغرة مثل اعلانات لبعض الوظائف من قبل اصحاب الاعمال

وشكرا

=================

رد بص وطل:

شكراً لاقتراحك يا صديقي العزيز وشكراً لاهتمامك.

الله يعينكم

السلام عليكم ورحمة الله وبركاته، الساده اعضاء الموقع الكرام
تحيه طيبه وبعد,,,,
بداية جزاكم الله خيرا على مجهوداتكم البناءه
كما اود ان اطرح على سيادتكم فكرة ان يكون هناك امكانيه لاعضاء الموقع لوضع السيره الذاتيه الخاصه بهم بالموقع مع دعوة اصحاب العمل للمشاركه كباقى مواقع التوظيف المعروفه.
وتفضلوا بقبول فائق الاحترام والتقدير
محمد شعلان

=======================

رد بص وطل:

وعليكم السلام ورحمة الله وبركاته، شكراً لاهتمامك ومتابعتك يا صديقي العزيز، وسوف نقوم بدراسة فكرتك ومدى إمكانية التنفيذ.

خدمه كويسه جدا انا خريج الجامعه العماليه شعبه علاقات صناعيه واداره اعمال سنه 2009_2010 ياريت الاقى وظيفه عندكم انا تعبت من كتر اللف وعلى النت انا كويس على الكوبيوتر وحسن المظهر وجزاكم الله خير ويبارك فيكم

السلام عليكم ورحمة الله وبركاتة

أنا أحد خريجوا كلية التعليم الصناعي

كنا نحلم بأن نتخرج من الكلية كمهندسين بعد 4 سنوات من الدراسة

درسنا في الكلية 85%أو أكثر و15% أو أقل مواد تربوية

وبعد هذه الداسة و4 سنوات من المشقة والسفر والتعب وأن معظم خريجوا الكلية ليسو من أهل البلد التي يدرسون بها

نظرا للعدد المحدود لهذه الكلية

فهي موجوده بأربعة مدن بالقاهرة جامعة حلوان الآن وبني سويف جامعة بني سويف الآن والسويس جامعة قناة السويس وسوهاج جامعة سوهاج وهي لم تخرج بعد أي دفعات فهي حديثة المنشأ

ومعظم الشركات التي نتقدم بها للعمل كمهندسين لايعرف عن هذه الكلية ويسأل هل هي دبلوم كيف تساوي بكالوريوس 4 سنوات معترف به من الدولة بدبلوم ثلاث سنوات وأول مشكلة هي النقابة فنحن ليس تابعين لأي نقابة، اذا كانت كلية التعليم الصناعى هدفها تخريج المدرسين فلماذا يقومون بمشاريع تخرج هندسيه ؟

واذا كانت كلية التعليم الصناعى هدفها تخريج المدرسين فلماذا يحصل خريجيها على بكالوريوس تكنولوجيا وليس بكالوريوس تربيه ؟

واذا كان الهدف هو مدرسين مرتفعين الكفاءه نظريا وعمليا فلماذا تم انشاء كلية بأكملها ولم تتم عمل توسعات تفى بالحاجه فى شعبة التعليم الصناعى بكليات التربيه ؟

حقيقه هذه الكليه يغفل عنها الكثيرون وهى انه لوحظ عزوف المهندسين عن التدريس فى المدارس الفنيه وتدهور الحاله العلميه ويراد عمل نهضه صناعيه وعماله مدربه فكيف بدون مهندسين ؟
فتم عمل هذه الكليه لتقبل المتفوقين من التعليم الفنى ويكملوا دراسه هندسيه من نفس الدكاتره المحاضرين فى نفس التخصصات فى الكليات الاخرى وتقوم بتخريج مهندسين على مستوى عالى جدا مجبرين رغما عنهم ولا خيار لهم الا التدريس فى المدارس الفنيه حيث تم تجنب الاسم الهندسى فى المؤهل الذى يثبت هوية دراستهم

ولا يتبعوا لأى نقابة ولا التطبيقين ( لانها خاصه بالمعاهد والدبلومات) ولا يمنحوا عضويه نقابة المهندسين لان دراستهم 4 سنوات والنقابة تشترط 5 سنوات ومحظور عليهم الانضمام لاى نقابه اخرى

ولا من حقهم دراسه سنه اضافيه او تكميليه لمعادله البكالوريوس الى الان 2009 وعندما يذهبون لسوق العمل يعاملون كفنيين طب هل يعقل معاملة خريج جامعى كفنى ؟ هل يعقل معاملة خريج جامعى بتخصص هندسى كفنى ؟؟ وذلك لعدم وجود كارنيه النقابة الممنوعين من الحصول عليه الذى يثبت دراستهم لمواد هندسيه.. نرجو نشر المقال والرد علينا

وازاى هنبعت الوظائف الخاليه ليكوا ممكن توضحوا؟

====================

رد بص وطل:

صديقي العزيز، تقدر أنت وأي قاريء وصديق لبص وطل أنه يبعت لنا الوظائف والفرص في مشاركة زي دي بالظبط وبنفس الطريقة.

أتقدم بالشكر الجزيل لإدارة الموقع لحرصها على تلبية إحتياجات زوار الموقع

انا خريج كلية الاداب جامعة المنصورة سنة 2001 بتقدير مقبول وحصلت على دبلومة عامة فى التربية سنة 2004 بتقدير جيد انا حاليا متزوج ولدى ابن ونفسى اشتغل اى حاجة توفر لى معيشة طيبة دة كل املى وعلى فكرة مافيش مسابقة نزلت فيكى يا منصورة الا وكنت اول المتقدمين بجد انا فى امس الحاجة الى عمل وشكرا على مجهوداتكم

===================

رد بص وطل:

تابعنا صديقي العزيز وبإذن الله تجد مبتغاك لدينا.

يا ريت وظيفة تنفع لمهندس ميكانيكا حديث التخرج ضرورى من فضلكم

===================

رد بص وطل:

صديقنا العزيز، انتظرنا لأننا قريباً سنعلن عن فرصة ممتازة لكل خريجي الهندسة، أرجو أن تتابعنا وتشاركنا برأيك.

يا جماعة بعد إذنكم لو موجود وظيفة من البيت يبقى كتر خيركم والله لأني أنا متواجدة في البيت على طول وكنت موظفة في شركة وكانت وظيفتي تايبينج وداتا إنتري يعني لو فيه حاجه تناسبني ممكن تقولوا لأني أنا دلوقتي مش باشتغل وأعده في البيت وأنا الحمد لله سريعة جداً في الطباعة والحمد لله برده كويسه في الكمبيوتر

====================

رد بص وطل:

إن شاء الله هتكون معانا وظائف كثيرة في كل المجالات، وممكن تلاقي معانا إن شاء الله وظيفة تناسبك، تابعينا إنتي بس دائماً وشاركينا بآرائك، وإذا صادفتك أي فرصة لوظيفة في أي مجال من المجالات، يا ريت تبعتيها لنا وتشاركي بيها القراء.

هو كل مره وظيفه واحده بس؟

==================

رد بص وطل:

ستكون وظيفة واحدة في البداية ولكن فيما بعد سيكون معنا وظائف عديدة إن شاء الله.

ميرسى على الخدمات الرائعة وفكرة الوظائف الخالية كويسة
بس ياريت تعملوا summer jobs للطلبة كمان

======================

رد بص وطل:

بإذن الله سيكون معانا كل اللي بتطلبوه وبتستنوه من بص وطل، بس إنتوا اطلبوا وتابعونا وما تنسوش دايماً تشاركوا معنا بآرائكم واقتراحاتكم.

شكرا جدا علي الخدمه الجميله دي
بس ممكن تخلوا الاعضاء يحطوا هما كمان الوظائف الكويسه المتاحه يعني لما حد يلاقي وظيفه يضيفها
وكمان ممكن تقسموا القسم إلي اقسام (وظائف اداره ـ تدريس ـ اطباء ........)

=====================

رد بص وطل:

شكراً على متابعتك واهتمامك بالمشاركة، وبالفعل كل أسرة بص وطل بتناشد القراء أنهم لو صادفوا أي فرصة لوظيفة يبعتوها لنا وهننشرها بإسمهم علشان تعم الفائدة على كل القراء.
وبالنسبة لتقسيم الوظائف فهي فكرة بناءة وسنعمل على دراسة كيفية تنفيذها إن شاء الله.

انا معايا تجارة قسم محاسبة بس مشوها تسويق عادى شغال برضه مستنى الرد

==================

رد بص وطل:

صديقي العزيز، تقدر تبعت السيرة الذاتية الخاصة بيك على العنوان البريدي الموجود بالخبر، وإن شاء الله بالتوفيق.

فعلا حدمة متميزة جدا مفيدة جدا جزاكم الله كل خير على المجهود الرائع ومستنسه مزيد من الوظائف خاصة ان انا حديثة التخرج وشكرا 

السلام عليكم طيب ممكن الحاصلين على ليسانس اداب وتربية قسم لغة انجليزية بتقدير عام جيد مرتفع ودبلومة مهنية فئات خاصة يكون ليهم وظيفة ايه وممكن لو فيه اى مجال للشغل يناسبهم ممكن الاعلان عنه فورا وشكرا

====================

رد بص وطل:

وعليكم السلام ورحمة الله وبركاته، بالنسبة للوظائف المناسبة للشهادة المذكورة فدي ممكن تناسبها وظائف زي التدريس أو الترجمة، وبالتأكيد إذا صادفت أسرة بص وطل وظيفة مناسبة سيتم الإعلان عنها فوراً.

يا جماعة يا ريت لما تنزلوا اعلان للوظايف تزودوا الناس بمميزات الوظيفة يعني الراتب ؟ البدلات ؟ والذي منه يعني الحاجات دي بتفرق برضه

====================

رد بص وطل:

صديقنا العزيز دي خدمة جديدة مجانية بيقدمها الموقع لقراءه ولا يوجد لدينا اتصال مباشر بالمعلنين عن هذه الوظائف، فإذا تقدمت أنت أو أحد القراء لشغل الوظيفة وتم قبولك يمكنك الاستفسار من صاحب العمل عن هذه المعلومات الإضافية.