السعادة كلمة تشغل بال جميع البشر ويصبو الكل لتحقيقها والوصول لها بأي طريقة ممكنة، ظانّين بأن تحقيقها قد يكمن فقط في الحصول على وظيفة جيدة والحصول على المال والشريك المناسب والأبناء؛ بالطبع كل هذه الأشياء تحقق السعادة، لكن ألا يشعر من يملك كل هذا أحياناً بالملل والحزن والإحباط؟ في هذا الوقت العصيب قد تصبح أشياء بسيطة وصغيرة كفيلة بإدخال السعادة إلى قلوبنا وتحقيق التأثير الإيجابي في حياتنا.
ولهذا قام العديد من كتّاب التنمية البشرية بكتابة الكتب التي تبحث عن طرق الوصول للسعادة والرضا؛ لعل أشهرها كتاب "2002 طريقة لتسعد نفسك" للمؤلفة سيندي هاينز الذي صدر عام 1998؛ وبرغم ذلك مازال يطبع حتى الآن ويترجم للعديد من اللغات. يقدم لنا هذا الكتاب 2002 طريقة لرفع روحنا المعنوية والوصول للسعادة من خلال مجموعة متنوعة من الأفكار المبتكرة والعلمية والممتعة اخترنا لكم منها 20 طريقة اليوم، وسنوالي نشر الطرق البسيطة للوصول إلى السعادة إذا أعجبتكم الفكرة وأخبرتنا تعليقاتكم برغبتكم في المزيد..
- قم بوضع قائمة تضم أهم الأشخاص بالنسبة لك، ولتضع اسمك على رأس القائمة.
- انظر إلى الجمال من حولك فلتشاهد هذا القمر الجميل الذي ينعكس ضيّه على سطح المياه، ولتتخيل نفسك في حالة هدوء واسترخاء.
- استيقظ مبكراً لتشاهد منظر الشروق الرائع.
- خذ حماماً دافئاً وانس كل همومك.
- حافظ على صلاتك دائماً وادع الله بما تحب.
- ابق في فراشك لمدة نصف ساعة بعد الاستيقاظ من النوم؛ حتى تستعيد نشاطك.
- اذهب إلى الأماكن المفتوحة، ولتذهب إلى الأماكن المثيرة.
- ادعم الحس الفكاهي لديك بقراءة الكتب المضحكة والمرحة.
- اقضِ يوماً كأنك سائح في بلدك، وشاهد معالمها بعين السائح.
- أمض الليل في مشاهدة البرامج التليفزيونية المضحكة التي تذكّرك بالأوقات السعيدة في حياتك.
- حل الكلمات المتقاطعة حتى تشغل نفسك عن التفكير في المشاكل.
- النظافة واحدة من أفضل الطرق للشعور بالبهجة، قم بتنظيف خزانة ملابسك والتبرع بملابسك القديمة للفقراء؛ فإن العطاء أيضاً إحدى أفضل الطرق للشعور بالابتهاج.
- ارسم ابتسامة عريضة على وجهك؛ حتى وإن لم تكن تشعر برغبة في ذلك.
- توقف عن تناول الطعام بشراهة في أثناء مشاهدة التلفاز.
- أمض خمس عشرة دقيقة يومياً لتتعلم فيها لغة أجنبية تمنيت أن تتقنها.
- القراءة، القراءة، القراءة؛ فإن قراءة الكثير من الكتب قد يساهم بشكل كبير في نجاحك في حياتك.
- اطلب هدية لنفسك من أي كتالوج عن طريق البريد وانتظر قدومها إليك.
- تناول العشاء في مطعمك المفضل الليلة ولا تنتظر مناسبة خاصة حتى تتناول طعامك فيه.
- أعط لنفسك زهرة كل شهر، حتى ينتهي العام فتكون معك مجموعة رائعة من الأزهار الجميلة.
- إذا كنت تشعر بالأرق ولا تستطيع النوم؛ فقم برشّ بعض العطور على وسادتك سيساعدك هذا على النوم السريع.
أخبرنا أنت أيضاً عن الأشياء البسيطة والجميلة التي تجعلك سعيداً... وانتظر المزيد في الحلقة القادمة....
معلومات جميلة جدا مشكوووورة ع
معلومات جميلة جدا
مشكوووورة ع الموضوع الرائع
شباب فلوس ايه ايوه احنا فى زمن العيشة صعبه فيه شوية بس خلى فى تفاؤل
من توكل ع الله فهو حسبه
قوله سبحانه وتعالى بسم الله الرحمن الرحيم
(وفى السماء رزقكم وما توعدون)
الارزاق ع الله يا شباب خلو ايمانكم اكبر واقوى من كده
وشكرا ليكم
ردا علي الناس اللي شايفين ان
ردا علي الناس اللي شايفين ان السعاده في الفلوس وان كل حاجه بنجيبها بتبقي بالفلوس فربنا يهديكو لان مفيش حاجه بتيجي بالفلوس ولا الاكل ولا الشرب ولا اي حاجه كله ده رزق بتاع ربنا وربنا اللي بيبتعه انت مش بتجيب حاجه لنفسك كله بفضل اللي خلقك وسواك وافتكر ان عندك نعم تانيه كتير غير الاكل والشرب ومن غير فلوس زي سمعك وبصرك وصحتك وانك لسه عايش اصلاوبتكتب كلامك ده دي لوحدها نعمه بس انت مش واخد بالك الواحد لازم يرضي باللي ربنا قاسمه حتي لو كان ايه عشان ربنا يرضي عنك واللي انت مش لاقيه في دنيتك وشايف انه مش بيجي غير بالفلوس فلو رضيت هيجيك في اخرتك احسن منه ميت مرة (جنات تجري بها الانهار) وحاجات ميقدرش يتخيلها عقل انسان وخليك متفائل والحياه حلوة وكفايه ان ربنا معانا فيها والحمدلله علي نعمه الاسلام وكفي بها نعمه
لنا شايفه ان اهم اسباب
لنا شايفه ان اهم اسباب السعاده (الرضا) الرضا بما قسمه الله لنا فعجبا لامر المسلم امره كله خير اذا اصابته ضراء صبر فكان خيرا له واذا اصابتع سراء فكان خيرا له ... الحمد لله
وليست السعادة جمع مال
وليست السعادة جمع مال
ولكن التقي هو السعيد
اتمنى وصفة مصرية من احد علماء
اتمنى وصفة مصرية من احد علماء النفس الافاضل و قولولنا ازاى نتواصل مع معارفنا ونص الشعب عايش برة البلد علشان يوفر احتياجات النص الثانى
بجد اللى كاتب تعليق الفلوس
بجد اللى كاتب تعليق الفلوس عنده حق فى كل كلمه بيقولها
لان
السعاده = الفلوس
الجواز = الفلوس
الراحه النفسيه = الفلوس
البهجه = الفلوس
الحب = الفلوس
التعليم = الفلوس
بمعنى اصح الحياه كلها = الفلوس
مشكووورين ع الموضوع القيم
مشكووورين ع الموضوع القيم والجميل ده
داومى فى كتابة المواضيع اللى تدعو للتفاؤل سلمت يداكى
انا حاولت اعمل العشرين نصيحة
انا حاولت اعمل العشرين نصيحة وفشلت من اول نصيحة جيت اكتب الاشخاص المهمين فى حياتى ملقتش حد اكتبه.................ز لا تعليق
اظن انا كده ماليش علاج ومستحيل ابقى سعيدة مش كده؟
عايز تبقى سعيد يبقى معاك فلوس
عايز تبقى سعيد
يبقى معاك فلوس تغنيك عن سؤال اى مخلوق
وتخليك مش محتاج حاجة
هتقولى مش كل حاجة بالفلوس
لا .. يا صديقى فى الدنيا كل شئ بالفلوس
هتاكل .. بالفلوس
هتشرب .. بالفلوس
هتسكن .. بالفلوس
هتتجوز وتحب .. بالفلوس ( لو معكاش فلوس اهل حبيبتك مش هيوافقوا عليك ولو معكاش فلوس مش هيكون عندك الجرأة اصلا انك تفكر تحب )
هتتعالج بالفلوس لوتعبت ولو معكاش فلوس هتقف فى طوابير العلاج الطوييييييييييييييلة
هتجيب الورد والبرفيوم وتشوف العالم والمناظر الطبيعية بالفلوس
اللى كتب المقال او الكتاب عشان معاه فلوس كتبه
السعادة = فلووووووووووووووووووس
الفلوس وسيلة لشراء أشياء
الفلوس وسيلة لشراء أشياء وللوصول لأشياء
الفكرة الأشياء دى بأه تقدر تجعلك سعيد ولا لأ ، دة مالوش علاقة بالفلوس. والمقال هنا بيوضح ازاى تخلى الاشياء تسعدك أبسط الأشياء .. مش ازاى تشترى الأشباء !
شكراً لكل القراء الذين علقوا
شكراً لكل القراء الذين علقوا على هذا المقال
-----------------------------------------------
هذه النصائح فعلاً من كتاب أجنبي ولكن ليه بنعتبر أن الأجانب دايماً ممكن يعيشوا أحسن مننا؟ ..الأجانب زي أي ناس فيهم الغني وفيهم الفقير وفيهم الشقيان وزي ما اتفقنا، حتى الغني اللي متوفرله كل حاجة أكيد بيجيله أوقات بيكون متضايق..ولهاذا فالكلام ممكن يتطبق على اي ثقافة.
وللأخوة اللي شايفين ان الحاجات دي مبالغ فيها:
الكتاب فيه 2002 نصيحة..أكيد هنطلع منهم بخمسين حاجة تسعدنا..لو طلعنا بحاجة واحدة فرحتنا بجد يبقى عملنا انجاز .
دمتم بالخير
لو كانت المؤلفة مصرية لما خطر
لو كانت المؤلفة مصرية لما خطر فى بالها ان تؤلف هذا الكتاب ولكنها امريكية ياريت نعرف دخلها الشهرى او السنوى ولو كان اقل من دولارين فى اليوم ام لا واذا كان كذلك فهل كانت ستكتب مثل هذا الكلام .صحيح اختلاف ثقافات وافكار .اذا كانوا هم يبحثون عن اسباب السعادة فى امريكا فنحن فى مصر نبحث عن اشياء اخرى اهمها اسباب الرزق ولقمة العيش اللى مش لاقينها.حسبى الله ونعم الوكيل {برجاء النشر حتى اكون سعيد}
انا حسيت براحة اوىىىىىى وحسيت
انا حسيت براحة اوىىىىىى وحسيت بكل كلمة انكتبت وتخيلتها بجد احساس جمييييييييييييييييييييييييل اوى ...................................................((كنارية))
والله بجد الكلام دا جميل جدا
والله بجد الكلام دا جميل جدا وشكرا ليكوا على الكلام الرائع ده وانا عن نفسى هجرب الكلام ده ويارب يجيب نتيجة
جميل جدا جدا بجد منتظرين
جميل جدا جدا
بجد منتظرين الحلقات الباقية
افضل وسيلة للسعادة ان تعيش فى
افضل وسيلة للسعادة ان تعيش فى الدنيا وقلبك فى الجنة
الايمان راحة وامان واطمئنان
ما اصابك لم يكن ليخطئك
وما اخطئك لم يكن ليصيبك
هى دى حقيقة الايمان
الاول اشكركم علي هذا المجهود
الاول اشكركم علي هذا المجهود وانا من اسعد الناس بهذا الموقع الجميل ولكن السعادة كل السعادة الحقيقية في رضا الله عز وجل يقول الله عز وجل في كتابة " الا بذكر الله تطمئن القلوب " فهذه هي السعادة وللمرة الاخيرة الف شكر علي هذه المعلومات القيمه
الرد موجه للاستاذ المملوك ردك
الرد موجه للاستاذ المملوك ردك واقعي جدا
لكن رد الاستاذة غادة محمود راااااااااااااااااااااائع
علي فكرة انا بوجه الكلام ده
علي فكرة انا بوجه الكلام ده لكاتب الموضوع و اقوله سيبك من اي هجوم و استمر احنا محتاجين نتغير و نعرف ازاي نسعد نفسنا .. و الناس اللي بتهاجم و تقولك زبالة في الشارع و عوادم السيارات و مش عارف ايه.. انا بس هسال سؤال اما كله بيشتكي كده اومال مين مبيشتكيش و مين اللي رمي الزبالة و مين اللي لوث البيئة مش انتو بردو .. بجد منطق غريب ان كله بيرمي اللوم علي كلو و كان الناس كلهاا بتشتكي من واحد بس هو اللي عمل الحاجات ده كلها .. يا جدعان بصو للدنيا بعين تانية و اتغيرو .. و الحاجات البسيطة ده هي البداية.. كريم ـ اولي اعلام
هو رد بسيط لكل الناس اللي
هو رد بسيط لكل الناس اللي شايلة الهم دي وفاكره ان هما اكتر ناس شايلين هم في الدنيا أقول لهم كن جميلا ترى الوجود جميلا وخلي احلامك وأملك في ربنا كبير وان بكرة هيكون احلى من النهاردة لكن اهم شئ انك تكون مؤمن ومتيقن انك هتكون بكرة احسن وان شاء الله هتكون انا واحد من الناس اللي كانوا بيشتكوا من كل شئ وحاسين ان الدنيا كلها ضدهم لكن اما رضيت بحالي حسيت ان كل حاجة في الدنيا رضيت عني وكل شئ بقى بيجي في مصلحتي
كلام زى الف اهم
كلام زى الف
اهم حاجة
الاخلااااااااااااااااااااااااااق
وربنا يديم المحبة
السلام عليكم بجد بهنيكم على
السلام عليكم
بجد بهنيكم على الموضوع الجامد ده احنا كلنا محتاجين اى حاجة بسيطة تفرحنا وتنور قلوبنا المظلمة
رنـــا
شكرا على هذا الموضوع الهادف
شكرا على هذا الموضوع الهادف اللى بجد كنا مستنيينه من سنين والافكار دى حلوة اوى وياريت تكملوا بقية الافكار
اذا كنت تريد السعادة فعليك
اذا كنت تريد السعادة فعليك بالرضا فهو اول طرق السعادة
انا كلامى ده موجه
انا كلامى ده موجه للمملوك....علي فكرة انت دمك خفيف اوي و ضحكتني بجد على تعليقك, يعني انت المفروض تحس بالسعادة لكدة. تصدق أول مرة آخد بالي من روعة الشروق المداري ورا عوادم العربيات!! دي حاجة نادرة و المفروض اننا نفخر بيها يا راجل. دانتا كده هتشجعني اني اقوم من النوم بدري نص ساعة عشان اصفي ذهني و أعرف أتأمل المنظر الجميل ده.برده أحب أشكرك انك نبهتني لحاجة مهمة تانية و هي ان بيتى ده بتاعي انا و ان اي حاجه يحتاجها و انا اجيبها انشالله حتى كيلو طماطم يبقى انا كده بهادي نفسي فعلا. بس عارف...يابختك فعلا ان عندك عربية فول مفضلة. انا هحاول اعمل زيك و اعزم نفسي كل يوم, بس مش هستنى رد العزومة عشان انا هعملها كده لوجه الله! و ايه رايك بأه نشتري احنا الاتنين أي ازازة منقوع براطيش بس تكون رخيصة و ريحتها معقولة و نخصصها للنوم بس؟ او حتي ممكن نشتري كلينكس من ابو 50 قرش و نحطه عالمخدة..اما بقي بالنسبه للورد فاحنا ممكن نحطة جوه كشكول و نجففه, ولا بلاش, في حل احسن و هو اننا نشتري وردة صناعي بحيث في الآخر يبقى عندنا 12 وردة نزين بيهم البيت, ماهو البيت أولى. بجد شكرا يا مملوك, والمفروض انك تكون سعيد دلوقتي لانك خلتني اعرف ازاي اكون سعيدة, و على فكرة انت ذكى لما حسيت ان المقال ده اللي كاتبه مش حاسس بمعاناة المصريين عشان هو فعلا كدة.. دي مجرد ترجمة لواحد مش مصري بس الذكى اللي زيك هو اللي يعرف ازاي يمصره.
ششششششششششششششششششششششششكرا"
ششششششششششششششششششششششششكرا" ياشوشو ع موضوعك الجميل _انااكتر حاجة بتسعدني لما يكون ربنا راضي عني وده لما بعمل كل شيء يرضيه ونتيجةده اني بحس بحب الناس ليه
والله حاجات جميلة جدا خصوصا
والله حاجات جميلة جدا خصوصا حكاية اجمع وردة دي
بس والنبي ماحدش يعرف 5طرق لتعيش سعيدا حتى اخر الشهر ب250 جنيه
عاوز تبقي سعيد روح المصلحة
عاوز تبقي سعيد روح المصلحة الحكومية وغير اسمك وخليه "سعيد" بدل اسمك وريح نفسك خالص وماتشلش هم
انا عن نفسى اكتر حاجه تسعدنى
انا عن نفسى اكتر حاجه تسعدنى انى اكون فى لمه حلوه مع ناس بحبهم وناكل سوا بس اهم حاجه عشان بجد الاكل مع الناس الى بتحبهم بيكون ليه طعم تانى وسعاده تانى خالص وبجد يا شيمو موضوع جااااااااااااامد اوى منك
محمد صبرى
انا عن نفسى اكتر حاجه تسعدنى
انا عن نفسى اكتر حاجه تسعدنى انى اكون فى لمه حلوه مع ناس بحبهم وناكل سوا بس اهم حاجه عشان بجد الاكل مع الناس الى بتحبهم بيكون ليه طعم تانى وسعاده تانى خالص وبجد يا شيمو موضوع جااااااااااااامد اوى منك
محمد صبرى
شششششششششششششششششششششكرا علي
شششششششششششششششششششششكرا علي هذا الموضوع الجميل و الشيق و المهم خصوصا هذه الايام المليئة بالحزن و الاخبار المحزنة و ياريت نكمل ال2002 سبب اللي في الكتاب.
شكرا
انا بشكركم على مجهودتكم وانكم
انا بشكركم على مجهودتكم وانكم بتحاولو تخرجو الناس من همومها اليوميه انا بجد بعمل كل الخطوات اللي قولتوا عليها دي في حياتي وبجد بلاقي فرق كبير صحيح الحياة مليانه بالهموم والمناظر اللي تنرفز بس حياتك ليها عليك حق برده لازم نختلس فرصه ونعيش وقت نقدر نعيد بيه يومنا او نشاطنا لازم والا الحياة هاتبقى جحيم وساعتها لا طولنا حياة ولا أخره ولا ايه ؟!!
شكرًا عى هذا الموضوع الرائع
شكرًا عى هذا الموضوع الرائع وأتمنى المزيد من تلك الموضوعات الهادفة ، ولازم الشباب العربي يعرف إن التنمية البشرية أصبحت الآن ضرورة لكل إنسان عايز يعيش سعيد في حياته ومميز في عمله ونفسه يخدم بلده ،مرة تانية شكرًا على المقال ونتمنى المزيد
دى طرق السعادة لواحد فاضى
دى طرق السعادة لواحد فاضى ومتريش بس الحلو فى الموضوع ان فى محاولة للبحث عن السعادة ودة طبعا شى ايجاب لازم نحى صاحبة المقال علية
اكتر حاجة بتبسطتني اما انجح و
اكتر حاجة بتبسطتني اما انجح و اما اكون مع اصحابي و اما بشوف اهلي مبسوطين و بجد الموضوع دة جااامد اوي ميرسي كتير و مستنين الباقي
احلى ما عجبنى فى الموضوع
احلى ما عجبنى فى الموضوع الحاجات المعنوية اللى بيشير ليها الموضوع و بتسعد الانسان و ان فعلا مش شرط ان الحاجات المادية بس هيا اللى تسعدنا
حاجة مهمة فعلا ان البنى ادم يدوّر على سعادته
انا مثلا من الحاجات اللى بتسعدنى اوى التغيير بحب دايما اغير فى حياتى كل فترة حتى و لو كان تغيير بسيط زى انى مثلا اغير مكان السرير فى اوضتى
بجد الموضوع هايل :)
فعلا ساعات الواحد بيكون فاكر
فعلا ساعات الواحد بيكون فاكر ان الفلوس او الحاجات المادية عموما هيا اللى بتسعده عشان كده عاجبنى الموضوع ده لانه مبين الحاجات المعنوية الموجودة فى حياتنا و لو فعلا بس بصينا ليها هتسعدنا و ده و احنا مش واخدين بالنا
و يمكن من الحاجات الللى بتسعدنى اوى التغيير انى اعمل اى تغيير فى حياتى كل فترة حتى و لو كان تغيير بسيط زى مثلا تغيير مكان السرير فى الاوضة
بجد الموضوع هايل و انا مستنية باقى الاساليب المعنوية الجميلة اللى بتبسط الانسان :)
كل ده جميل. بس لما تقوم من
كل ده جميل.
بس لما تقوم من النوم وتلاقى الميه مقطوعه...ومحصل الكهربا جايب فاتوه تخضك..ومش عارف تعمل حتى كبايه شاى..(اصل ميش انبوبه غاز) وتنزل مطنش كل ده..وتركب باص ولا اوتوبيس وتتبهدل...وبرضو تعديها.تروح الشغل.وتقعد فى مكان غير أدمى...وتعديها برضو..وترجع تلاقى المدام قالبه وشها.وعايزه تكسر زماره رقبتك...يبقى مفيش غير انك تدخل البلكونه..وتقفل على نفسك...وتبص للعصافير والشجر والقمر وال......
قوم يابنى انت بتحلم ...هو انت مش هتروح تستقبل البرادعى؟؟
بجد الموضوع تحفة فعلا سعات
بجد الموضوع تحفة
فعلا سعات كتير الواحد بيكون مخنوق و بيبقى عايز يخرج نفسه من الحالة النفسية دي ، و الافكار الموجودة كلها فعلا لما فكرت فيها لقيت انها بتساعد الواحد على الاسترخاء و راحة النفس ، و ياريت تكملوا في نفس الموضوع
السعاده بقت شىء صعب دلوقتى كل
السعاده بقت شىء صعب دلوقتى
كل حاجه حولينا بقت كئيبه
الواحد اتخنق
موضوع رائع جدا ومفيد بجد
موضوع رائع جدا ومفيد بجد الناس ناسية شىء مهم زور اثار مصر
العالم كله بيجى مصر عشان الاثار ويقف امامه وينسه بلده ويعيش
امام القدماء المصرين الذين لا يعرفه شى اسمه المستحيل
اذا زورت هذه الاماكن حاتسعد اانهم كانوا مصريين
الموضوع بجد تحفة الواحد فعلا
الموضوع بجد تحفة
الواحد فعلا بيبقى سعات مخنوق و مش عارف يعمل ايه ، و انا لاحظت ان فعلا اغلب الوسائل دي بتساعد فعلا على الراحة النفسية و هدوء البال و يا ريت تكملوا في نفس الموضوع
انا اكتر حاجة تسعدنى انى اكون
انا اكتر حاجة تسعدنى انى اكون فى مكان هادى وامامى الخضرا والسما والمناظر الطبيعية وانى افضل اتأمل خلق الله واكيد طبعا مش هكون لوحدى ويكون معايا شريك حياتى حلقة هايلة وفى انتظار الحلقة القادمة
معلومات جميلة و مفيدة شكرا .و
معلومات جميلة و مفيدة شكرا .و كمان أستخدام العطور إلي بتحبها بأثر جدا على الحالة النفسية و بيشعر الانسان بسعادة كبييرة.
nice topic,,i like it,,,and
nice topic,,i like it,,,and sure complete it
بصراحة انا حاسس ان انتى
بصراحة انا حاسس ان انتى ياشيماء رايقة قوى ومفيش حاجة شغلاكى او انك يمكن تكونى عايشة بره مصر او تكونى عايشه جواها بس مش من الناس الى مطحونين فيها وعندهم اولويات عن كتير من الى انتى قلتيه فمثلا :
لو سيادتك ساكنة فى رمسيس ولا العتبة اكيد مش حتشوفى الجمال الى بيحيط بيكى ولا حتستيقظى بدرى علشان تتفرجى على الشروق اللي مدارى ورا عوادم السيارات
ولو سيادتك من الناس الكادحين فى بلدنا ده اكيد مش حتصحى وتستنى نصف ساعة فى فراشك والا حتتأخرى عن عملك ويتخصم منك نصف اليوم
ولا تختارى هدية لنفسك من اى كتالوج لان حاجات البيت اولى او لان البريد حيضيعها فى السكة ولا حاتفكرى تتناولى العشاء بره اساسا لان كفاية عليكى فطارك من عربية الفول المفضلى اليكى صباحا
وعلى فكرة لو حتحطى برفيوم فى وثادتك مش حاتعرفى تنامى لان البرفيوم ده ساعتها حايهيج الجيوب الانفية عندك ومن الافضل تخليه لخروجة مهمة زى فرح ولا عزومة بره
واخيرا لو انتى جمعتى الورد كل يوم حتلاقيه فى نهاية الشهر دبلان وبقى اشبه بالملوخية او اقل فى القيمة طبعا
على فكرة انا عايزك تكونى مواطنة مصرية بجد ونشوفى الدنيا بعين مصرية جميلة
