فرصة مميزة يُقدّمها المجلس القومي للشباب بالتعاون مع معهد القوات المسلحة للغات وفروعه بالمحافظات لكل الشباب الراغب في تعلّم اللغة الإنجليزية؛ حيث يقوم المجلس بتنفيذ البرنامج التدريبي لإعداد القيادات الشبابية "المستوى الثالث" لتعلّم اللغة الإنجليزية، ويتم تنفيذ عدد 16 دورة بواقع دورتين (مستويين متتاليين) في كل محافظة من المحافظات التي بها فرع لمعهد اللغات للقوات المسلحة، بإجمالي عدد 1000 مستفيد من الشباب والفتيات لكل دورة، حيث يتم ترشيح عدد 100 شاب وفتاة من كل محافظة من محافظات: القاهرة - الجيزة - حلوان - 6 أكتوبر - السويس - أسيوط - الشرقية - الإسكندرية - مرسى مطروح - الإسماعيلية.
ويتحمّل الدارس مبلغ 50 جنيهاً رسم تحديد المستوى فقط عن كل دورة، بإجمالي 100 جنيه للمستويين، ويتحمّل المجلس 250 جنيهاً لكل دارس عن كل دورة بإجمالي 500 جنيه للدورتين.
معايير الاشتراك:
تشمل معايير الترشيح للاشتراك في هذه الدورات أن يكون المتقدّم لم يسبق له الحصول على دورات اللغة الإنجليزية من قِبل المجلس، وأن يتراوح السن من 18 إلى 26 سنة، وأن يكون من طلاب الجامعات والمعاهد العليا أو حديثي التخرج.
على أن يقوم المتقدّم بإحضار عدد 2 صورة فوتوغرافية، بالإضافة إلى صورة الرقم القومي، وتسليمها لمدير إدارة التعليم المدني بمديرية الشباب والرياضة بكل محافظة بها فرع معهد القوات المسلحة للغات.
لمزيد من التفاصيل يرجى الاتصال بالإدارة العامة للتعليم المدني والقيادات الشبابية.
تليفون: 33468842
وعلى مَن يرغب في حضور تلك الدورات وتنطبق عليه الشروط بالأعلى أن يتصل بمسئول التنفيذ في محافظته الموجود رقمه بالأسفل، ليعلم منه الخطوات الواجب اتباعها لتسليم صورة البطاقة والصور.
|
بيان بالمحافظات التي بها أفرع لمعهد اللغات للقوات المسلحة
|
||
| المحافظة | مسئول التنفيذ | التليفون |
| القاهرة | سهام حسن | 23688477 |
| حلوان | منى سليمان محمد | 25560165 |
| الجيزة | حسين السيد | 35735012 |
| 6 أكتوبر | خالد الشرقاوي | 38349448 |
| الإسكندرية | نبيل طانيوس | 4847010 |
| الشرقية | سعيد ياسين | 2303496 |
| الإسماعيلية | عبد العظيم كامل | 3357595 |
| أسيوط | عبد الله ثابت هريدي | 2322828 |
| مرسى مطروح | فاطمة عبد الحليم محمد | 4932371 |
| السويس | سيد عامر | 3331296 |
يعنى هو مقتصر على اهل
يعنى هو مقتصر على اهل المحافظات دى بس ولاأنا ممكن اشترك عادى واروح لاقرب معهد ليا
=================
رد بص وطل:
إذا كنت من أهل المحافظات المذكورة فيمكنك التقديم، أما إذا لم تكن من أهل تلك المحافظات فلن يمكنك الاشتراك للأسف.
لوسمحتم عايزه اعرف فى تقديم
لوسمحتم عايزه اعرف فى تقديم دلوقتى ولا انتهى والمرحلة التانيه اكتملت ولا لسه اتمنى الرد
=================
رد بص وطل:
رجاء الاتصال برقم الإدارة العامة للتعليم المدني والقيادات الشبابيةالموجود بنص الخبر للاستفسار.
ياااااااااااااااااااااااااااا
يااااااااااااااااااااااااااااه الحمد لله اخيرا افتكروا الشرقية بحاجة انا بجد بدات احسن انى مصرية
انا اتصلت بالمسئولين عن
انا اتصلت بالمسئولين عن الدورات للاستعلام عنها وكيفية إيصال أوراقى وللأسف وجدت التليفون غير متاح ممكن حد يساعدنى فى الوصول لهم وشكرا
=================
رد بص وطل:
رجاء الاتصال برقم الإدارة العامة للتعليم المدني والقيادات الشبابيةالموجود بنص الخبر للاستفسار.
طيب واللى سنهم فوق الـ26
طيب واللى سنهم فوق الـ26 وعايز يتعلم اللغة يعمل ايه
ياجماعه واللى عنده اكتر من 26
ياجماعه واللى عنده اكتر من 26 سنه يموت ولا ملوش لزمه فى نظركم
للاسف الشديد المرحلة الاولى
للاسف الشديد المرحلة الاولى انتهت باالقاهرة .. ياريت نعرف معاد المرحلة التانية
عيب عليكم دمياط ام الدنيا
عيب عليكم دمياط ام الدنيا مايكنش فيها ازاي يا جماعه دمياط بتمسي عليكم وبتقولكم اهتموا بينا شوية احنا برضه بلد تفخر بيها الجمهورية
و فين طنطا .. العاصمة
و فين طنطا .. العاصمة التالته؟؟؟؟؟
مالهاش لازمه كل التعب دا عشان
مالهاش لازمه كل التعب دا عشان فى الاخر ناخد مستويين بس ب 100 جنيه بدل 500 طب محنا بعدها هنحتاج كتير اوى عشان نوصل لباقى المستويات
يابني بطل تشاؤم وسيب الناس
يابني بطل تشاؤم وسيب الناس تتعلم .
لو مش عاجبك ماتروحش بس سيب الناس تاخد فرصة .
و في حكمة بتقول : مالا يدرك كله ... لا يترك كله .
لا دمياط يا عم ولا المنصوره
لا دمياط يا عم ولا المنصوره ولا الغربيه ولا أي حاجه...أهم حاجه القاهره بمحافظاتها والاسكندريه...والباقي يولع
أي حاجه جديده تطلع حتى الحمامات قالك القاهره واسكندريه وبعدين الباقي وعلى مايخلصوهم يكونوا شافو حاجه جديده يعملوها برضه في القاهره وإسكندريه ويقولك القاهره زحمه ليه...؟حسبي الله ونعم الوكيل
طيب انا من الغربية, و صعب
طيب انا من الغربية, و صعب عليا اروح اى محافظة تانية, اعمل ايه؟؟؟؟؟؟
جميل والله طيب بقية المحافظات
جميل والله طيب بقية المحافظات فين
كمان احنا فين
انا مش هتكلم عن نفسي
انا الحمد لله اول دفعتي في قسم الترجمة الفورية بكلية اللغات والترجمة والحمد لله برضو سمعنا ااننا مش هنتيعين بس الحمد لله ماحدش بياخد غير رزقه والحمد لله ان ربنا ميسر لينا في شغل الترجمة احسن من اننا نقعد عاطلين بس بقية الناس فين يعني الناس التانية تروح فين تصرف منين تاكل وتعيش ازاى
بلاش يخرجوا ويلبسوا ويعملوا اي متعة لا انا بتكلم عن مايقيم الحياة الماكل والمشرب الضروري وليس المترف
يروحو فين ويجيبوا منين؟؟؟
سؤال بيطرح نفسه والناس بتسمعه بس ماحدش بيدور على اجابة ماهو لما واحد ياخد بكالوريوس ويروح يقعد في الشارع في الوقت اللى بتوع الدبلومات او الكورة او غيرهم بيقبضوا كويس يبقى كده المثلث بقى مقلوب وبنيجي نزعل لما بنلاقي واحد حرامي او واحد ارهابي او واحد نايم في الشارع مش لاقي بنيجي نزعل كلنا وبنقول حرام بس حرام على مين
ده حرام علينا كلنا
كفاية كلام
محمود سليمان
يعنى اللى هيشترك هياخد
يعنى اللى هيشترك هياخد مستويين بس مش كل المستويات؟
=================
رد بص وطل:
رجاء الاتصال برقم الإدارة العامة للتعليم المدني والقيادات الشبابيةالموجود بنص الخبر للاستفسار.
طيب انا من دمياط , ايه الحل
طيب انا من دمياط , ايه الحل فى نظركم؟؟؟؟؟؟؟؟؟؟؟؟؟؟؟؟ مش عارف ليه بحس ان دمياط دى مش فى مصر ومش فيها اى فروع لأى حاجه. رغم انها من احسن محافظات مصر. دايما مظلومين كدا. والله حرام.
