"مش عايزين ندخل جوه المفرمة" صرخة جديدة تنادي بها إحدى البنات اللائي فشلن في إقناع المجتمع بوجهة نظرهن وبأفكارهن، قامت أحداهن بعمل جروب على الفيس بوك تنقل من خلاله المشاكل التي تواجه البنات من خلال الأهل والمقربين منها عندما يطرق بابها أحد العرسان، فتجد من حولها يقولون لها بالحرف الواحد: "آهو عريس والسلام".
تدافع بسمة عبد الباسط مؤسسة الجروب عن حق البنات في اختيار عريس على اتفاق وتوافق معها، وتقول في مقدمة الجروب "مش عايزين ندخل جوه المفرمة.. (المفرمة) اللي بتطلب من كل البنات والولاد الجواز بدون أى اتفاق أو قبول أو اقتناع بين الطرفين، وكل ده علشان يكملوا الشكل الاجتماعي، ويدخلوا جوه مفرمة الحياة اللي فرمت ملايين الناس اللي عايشين في بيت واحد وكل واحد في وادي، واللي بيدفع الثمن بعدهم الأطفال اللي بيعيشوا في بيت كله مشاكل، وكل طرف في ناحية، ويطلعوا في الآخر معقدين نفسيا، ولأن للأسف لسه فيه اعتقاد إن الجواز هو نهاية المطاف مع إنه المفروض يكون بداية لمطاف ولحياة جديدة"..
وعن كيفية تغيير أفكار المجتمع في أمر الجواز تقول بسمة: "أول حاجة إننا كلنا نحاول نتكلم مع أهلنا، ونصِّر على موقفنا طالما إحنا مش غلط، ولأن الموضوع مش موضوع جوازة وخلاص علشان نبقى زي باقي الناس، وعلشان الناس ما تاكلش وشّنا".
ولكن الموضوع حياة ومستقبل جداد هنعيشهم، وأطفال هنجيبهم للدنيا، ولازم قبل ما ييجوا يبقى البيت بتاعهم مستقر.
الموضوع مش خروجة ولا أكلة ولا حاجة هنعملها وهتعدى.. دي سنين هنعيشها، ويا إما نعيشها صح، وبناءً على اقتناع واتفاق ووفاق، يا إما بلاش نعيشها ونفضل زي ما إحنا.
ثاني حاجة: نحاول نغيّر فكرنا والموروثات اللي للأسف بقت مالية عقول كتير مننا، وبرضه على الرغم من تقدمنا في حاجات كتيرة إلا إننا في مسألة الارتباط والجواز بتجيلنا حالة انفصام في الشخصية وبننسى كل شيء، ونثبت على أفكار قديمة ومتخلفة للأسف، وتلاقي الواحد والواحدة بقوا عاملين زي تمثال رمسيس التاني بالظبط، وماشيين بالمسطرة زي الأفكار اللي مالية عقول ملايين الناس.. وفى النهاية يوصلوا لجوازة أي كلام، وعدم وفاق، ومشاكل لا حصر لها.. وكل ده علشان كل واحد وواحدة يقول لك أنا هاعمل زي الناس وخلاص، وهاتجوز أي حد ييجي في طريقي.. إشمعنى أنا اللي هاتغير يعني؟ أنا اللي هاجيب الديب من ديله؟!! ونوصل لبيوت كلها مشاكل، وأحيانا طلاق، وأطفال مشتتين، ومعقدين نفسيا.
ثالثاً:" بلاش نخاف ونخلي الجبن ماشي معانا وملازمنا.. إيه يعني علشان نوصل وجهة نظرنا نتعرض لمشكلة ولا اتنين ولا حتى مليون.. ما هو لو فضلنا نخاف من المشاكل ونسكت، ونعمل اللي الناس عايزاه، عمرنا ما هنتغير.. ومافيش تغيير هييجي وإحنا حاطّين إيدينا على خدنا".
رابعاً: "ليه ما نخلقش لينا حياة مختلفة بأفكارنا ودماغنا وشخصياتنا، ونحاول نعيشها؟ ليه بنسيب نفسنا ماشيين تبع اللي ماشي وخلاص وزي ما تيجي تيجي"؟
وتختم الجروب الخاص بها بدعوة لجميع الشباب بعدم دخول مفرمة الجواز بعبارتها: "يا ترى كام واحد وواحدة هيقولوا لا مش عايزين ندخل جوه المفرمة؟".
المفرمة مين فينا مدخلش
المفرمة
مين فينا مدخلش المفرمة
واللي دخلها خرج منها إزاي
ويتري اسفاد من اللي حصل
ولا احنا مبنتعلمش من اللفات عشان اللي جاي
اسالة كتير والاجوبة اكتر ولازم يكون ليها حل
وانا واحدة من الناس اللي دخلت المفرمة بس للاسف بعد الخروج منها انا اتغيرت فيا حجات كتير واتكسر فيا حجات كتير واهمها الثقة
يتري الثقة سهل تتبني من اول وجديد ولا دايما هيفضل الماضي الاليم قدام عنينا
طيب حد يرد عليه انا مخطوبه
طيب حد يرد عليه انا مخطوبه وبحب خطيبي اوي وهو كمان بس هو عنده مشكله كل الشباب الشرقين ان هو لازم يثبت رجولته وبتخانق معايه علي كل حاجه صغيره او كبيره غلط او صح انا اعمل ايه بقي في المشكله ديه وكمان انا معاكم ما ينفعش الولد او البنت تجوزي الجواز اي بيقوله عليه جواز صلونات علشان معظم اللي بيتجوزه كده مش بيبقوي متفهمين اصلا وبتحصل مشاكل كتير وفي الاخر يتم الطلاق وممكن يكون في طفل والبنت تخش في مفرمه انها مطلقه وكلام الناس عليها يزيد وتطر تتجوز جوازه تانيه بنفس الطريقه علشان تسكت الناس وزن اهلها عليه وهكذاااااااااااااااااااا
تفكير سليم مينفعش وحدة تتجوز
تفكير سليم مينفعش وحدة تتجوز واحد مش عارف يعني ايه مسئولية وتربية واطفال واسرة لازم يكون تفكيره واسع وملتزم ويعرف ربنا ويعرف يعيش ابناءه في مستوى حلو مش قصدي يكون مستوى عالي لكن يدخلهم مدارس كويسة يكون قدوه ليهم يكون سند الاسرة وراجل بمعنى الكلمة لكن للاسف اغلبية البنات دلوقتى بيعجبها الشاب الروش اللي موقف شعره ومسقط بنطلونه ولابس سلسلة مع احترامى للجميع
التربية دي مسئولية كبيرة الجواز اصله مسئولية كبيرة جدا
اتمنا للجميع التوفيق
لالالالالالالالالالالالالالال
لالالالالالالالالالالالالالالالالالالالالالالالالالا للمفرمة احنا بنات ملتزمين الحمد لله وبنقول لا لاى شى غصب عننا اوعوا حد يقول بنات عايزة تمشى ع كيفها وكلام الغرب ده احنا لينا شخصية مستقلة وراى وبنوضحه للعالم كله
انا عندى22 سنة وبفكر ما تجوزش واتبنى طفل ادخل بيه الجنه ان شاء الله واربيه احلى تربية باذن الله بس الاهل عندى معارضين ع فكرتى دى
الواحد يتجوز جوازة صح ياما بلاش احسن
وبالتوفيق للجميع لحياة هادئة ومستقبل افضل ويارب اللى جاى فى حياتنا يكون احلى
المفرمة مصطلح جديد وفية معانى
المفرمة مصطلح جديد وفية معانى كتير لية مش عاوزة تدخلى المفرمة اوعى تفتكرى ان ما طال الزمن مش هتدخوليها كان غيرك اشطر واعرفى ان مهما طال الوقت لازم تدخلى المفرمة وهوزى ما انتى قولتى حياة ومستقبل جداد هنعيشهم ولازم يكون فى استقرار فى الحياة على شان تقدرىتربى جيل جديد صح /نيجى للكلمة لية منخلقش جيل جديد وافكار جديدة ولية لا كل انسان لازم يعمل افكار جديدة ويبتكر علشاننخلق جيل جديد صح ومفيد للمجتمع /اخر حاجة بتسالى كام واحد ووحدة هيقولوا لا مش هندخل المفرمة حقيقى انا مش هقدر ارد على هذا السوءال لانى دخلتها خلاص تعرفى انتى تقوليلى اخرج منها ازاى/وسلا لالالالالالالام
والله كلام سليم جدا و مظبوط و
والله كلام سليم جدا و مظبوط و انا معجبة جدا بفكر بسمة و بفكرة الجروب...انا مؤمنة بشدة بالكلام دة و عمرى ما هدخل المفرمة دى حتى لو عنست...انا كدة هكون بحكم على نفسي انى بعيش باقي ايام حياتى تعيسة و دة عمر هيضيع و اهم قرار في حياة اى انسان و لازم يكون على اقتناع و حتى لو اخترت غلط هبقى على الاقل انا اللى اخترت بنفسي مش كنت مجبرة على حاجة ...
أوافق وبشده على هذا الجزء
أوافق وبشده على هذا الجزء "نحاول نغيّر فكرنا والموروثات اللي للأسف بقت مالية عقول كتير مننا، وبرضه على الرغم من تقدمنا في حاجات كتيرة إلا إننا في مسألة الارتباط والجواز بتجيلنا حالة انفصام في الشخصية وبننسى كل شيء، ونثبت على أفكار قديمة ومتخلفة للأسف، "
وأوضحه اكثر بهذه الامثلة:
العادات والتقاليد ان الناس فى الفرح تجيب مغنى او دى جى واللى ترقص واللى يتنطط ونسينا اننا مسلمين
زفة العربيه الغبية اللى بتجيب صداع لكل اللى فى الشارع وممكن تسبب حوادث (غباء فى غباء)
الولد والبنت بياخدو راحتهم شويه قبل الخطوبه وشويتيين بعد الخطوبه بالرغم م نانهم اجنبيين عن بعض
ناس كتير تعمل مشكله على مساحه الشقة والعربيه مع ان معظم الناس مستواهم المادى بيزيد وبيتحسن بعد الجواز بس الناس بتبص تحت رجلها
قن نكون صح وقد نكون غلك المهم نشغل دماغنا ونفكر
ومناخدش الامور بمبدأ انا كذلك وجدنا ابائنا يفعلون
يعنى الشاب هيعمل اية ولا اية
يعنى الشاب هيعمل اية ولا اية من دهب وغرف نوم وشقة ومنين يجيب دة كلة وانتم عرفين البلد عملة الزاى وتروح عند والد العروسة يطلب مطالب كتير واما الشباب يمتعو عن الزواج تقولو ان نسبة العنوسة ارتفع نعمل اية بس حرام عليكم انتم مش حسين بينا
طب واللى دخل
طب واللى دخل المفرمه؟؟؟؟
يابنات لو لقيتو حل لعدم دخول المفرمه..ينوبكو ثواب فى اللى جواها ..تفكرو فى حل للخروج...
