هذه فضيحة جامعية احترت في أمرها. إذا عرضت وقائعها فسيكون ذلك من قبيل نشر غسيلنا القذر، وتشويه صورة الجامعات المصرية في كل مكان. وإذا صرفت النظر عنها فسيكون ذلك من باب التستر على كارثة من العيار الثقيل. ورغم أني لست واثقا من أن خيار النشر يمكن أن يوقف الجريمة أو يؤدي إلى محاسبة المسئولين عنها، فإنني رجحته، التزاما بمبدأ سرت عليه منذ زمن هو أنك إذا لم تستطع أن تُصلح وضعا معوجّا فقد يفيد أن يسلط عليه الضوء لتفضحه.
لقد تلقيت رسالة من الدكتور سالم الديب الأستاذ بكلية الطب بجامعة الزقازيق، قال فيها إنه قبل امتحان البكالوريوس الأخير شكلت لجنة ثلاثية لمتابعة أعمال الامتحان. كان هو أحد أعضائها. وبعد مضي ثلاثة أيام من مباشرتها لعملها أدركت أن ثمة تجاوزات جسيمة تعصف بمصداقية الامتحان، وتحول دون تمكين اللجنة من أداء مهمتها على النحو المطلوب، فاعتذرت عن القيام بما كلفت به، وقدم أعضاؤها تقريرا إلى عميد الكلية سجلت فيه تلك التجاوزات، التي كان منها ما يلي:
• تعمد توجيه ممتحِنين معينين لامتحان طلاب محددين على نحو يكشف عن رغبة صريحة في المجاملة.
• الموافقة على أن يغير الممتحنون اللجان، التي تحددت لهم سلفا، ليباشروا مهمتهم في لجان أخرى، ولا يفسر ذلك إلا بتعمد إشرافهم على امتحان طلاب بذواتهم، ليكيلوا لهم درجات لا يستحقونها.
• إجراء الامتحان لطلاب قبل الموعد المحدد لهم، لكي يقفوا أمام ممتحِنين معينين لذات السبب.
• إجراء قرعة صورية لتوجيه طلاب معينين إلى من يمنحهم الدرجات النهائية، في حين طبقت القرعة الحقيقية على آخرين من الطلاب، الأمر الذي يعمق من عدم تكافؤ الفرص مع زملائهم الموصى عليهم.
• في حالة محددة اختار الأستاذ المشرف على الامتحان عددا محدودا من الطلاب "المحاسيب" لكي يمتحنهم بنفسه بما يضمن حصولهم على الدرجات النهائية.
• في واقعة أخرى شكلت لجنة بها ممتحنون مختارون لامتحان لجنة محظوظة ضمت طالبات من بنات ذوي الحيثية.
• أحد الممتحنين قدم مساعدة مباشرة لطالب كان مطلوبا منه كتابة تشخيص لصور طبية تظهر على شاشة العرض، هكذا بمنتهى الفجاجة والجرأة.
ما أفزعني في هذه التفاصيل ليس حدوثها في الحرم الجامعي فحسب، ولكن أن يحدث ذلك مع طلاب السنة النهائية، الذين يفترض أن يتخرجوا هذا العام، وأن يؤتمنوا على صحة المواطنين. ومنهم من سيحصل على درجات التفوق التي تؤهلهم للانخراط في هيئة التدريس بالجامعة. وقد تحوّل الفزع إلى ذهول حين رجعت إلى من أعرف من أساتذة الطب، الذين قالوا لي إن هذه الوقائع وأكثر منها معلومة لدى إدارة الجامعة، ولذلك فليس فيها ما يفاجئهم أو يصدمهم.
الذين تحدثت إليهم قالوا إن كلية طب الزقازيق شهدت فضيحة أخرى تسرب طرف منها ثم تم التكتم عليها، خلاصتها أن أحد أساتذة الأمراض الباطنة اكتشف اختفاء ورقتي إجابة تخصان طالبين من "الكنترول"، فسارع إلى إبلاغ النيابة بذلك. وحين انتقلت النيابة لجرد الأوراق وإثبات الحالة، فوجئت بأن الورقتين أعيدتا إلى مكانهما الأصلي في هدوء. وتبين أن الورقتين كانت إحداهما تخص ابنة رئيس الجامعة، والثانية تخص ابن عميد الكلية، ولم يستبعد أحد أن تكون الورقتان قد أعيدت كتابتهما من جديد للحصول على الدرجة النهائية. المهم أن الموضوع تم احتواؤه، وأعلنت نتيجة البكالوريوس وكان "المحروسان" من العشرة الأوائل على الدفعة!
ثمة قصة وفضائح أخرى ترسم صورة الكارثة في طب الزقازيق، التي يروعني ألا يكون الأمر مقتصرا عليها، إحدى تلك الفضائح أن هذا الذي حدث مسكوت عليه من الجميع، في حين أنه كفيل بالإطاحة بأكبر الرءوس في التعليم وفي الحكومة بأسرها، هذا إذا وقع في أي بلد يحترم العلم أو يحترم مواطنيه، الذين سيكونون الضحايا في نهاية المطاف.
إن جامعاتنا مشغولة بمنع المنتقبات من دخول الامتحانات، ولا يستوقف مسئوليها وقوع جرائم من هذا القبيل. وهو ما يوفر لنا إجابة عن سؤالين مهمين، هما: لماذا تعيد بعض الدول الخليجية امتحان حملة الدكتوراه من الطب في الجامعات المصرية؟، ولماذا خرجت الجامعات المصرية من تصنيف الجامعات المحترمة في العالم؟
عن جريدة الشروق
حسبى الله ونعم الوكيل يعنى هى
حسبى الله ونعم الوكيل يعنى هى جت على الجامعه دول بقوا ماشيين بنظام التوريث انا دكتور لازم ولابد ابنى يبقى كتورومش مهم الطلبه الغلابه مايتحرقوا يولعوا بجاز يسقطوا مش مهم ولو اتخرجوا يعنى خلاص هايشتغلوا دى مش كوسه بس دى باذنجان كمان انا جامعه بنها الكليه فيها اكثر من 10 اقسام ولله الحمد كل ولاد الدكاتره دفعتى كل واحد اتربع فى قسم وبعد سنتين هايكون رئيس للقسم مش بالكوسه ولكن ببركه دعاء بابا الدكتور ياجماعهادعلهم كده وخلوا ولاد الدكاتره الغلابه يعيشوا حياتهم وبلاش الحقد ده بقى وكفا لنا النظر بحسره على تعبنا سنين طويله
فعلا الكلام ده حقيقى انا خريج
فعلا الكلام ده حقيقى
انا خريج طب الزقازيق ياجماعه كل اللى فى طب الزقازيق عارف ان الفساد انتشر فى خلال الخمس سنين اللى فاتوا اوى وده لسبب كلنا عارفينه او بمعنى من بعد استاذنا الدكتور عصام نور الدين عميد الكليه السابق الراجل المحترم اللى رفض انه يكون شريك فى الفساد والظلم اما بعده كانت قمة الكوسه
المهم كنت فى امتحان الشفوى فى امتحان الكوميونتى
داخل امتحن الدكتور بعت معيد ينده لطابه زميلتى من اعيان الجامعه والكليه فاسرتها كلها فى الكليه
قالها ايه بقى انتى..... بنت الدكتور............
قالت ايوه انا
قالها سلمى على بابا كتير وقوليله يابختك عندك بنت عسوله زيى
ومع الف سلامه وهو ده الامتحان
اما انا بقى اسئله ماشاء الله اتظبطت
منهم لله ضيعوا مننا التعيين والجامعه بسبب اولادهم
طبعا مش كل اولاد الدكاتره لان زميلنا ووالده وولادته اساتذه فى الكليه وبعد ماكان التانى على الدفعه دمروه لانهم بيكرهوا والده لانه بيكره المحسوبيه
كلية فاسده كلها كوسه ومحسوبيه وفساد
منهم لله كرهونا فى كل حاجه وعاوزين نسيب البلد فى اقرب وقت لان دى مش بلدنا دى بلدهم هما
اصل ازاى يكون حد فينا من الغلابه واللى بيحلموا بالجامعه والتعيين يكون معيد ولا نايب وولادهم بره لا ازاى احنا نكون مكانهم دول ولاد الناس وده البرستيج بتاعهم وشكل اجتماعى ليهم انما لينا ده حلم
مش هنقول غير حسبنا الله ونعم الوكيل
والله حرام ولكن مش
والله حرام ولكن مش مستبعد
والاهم هل الامر قاصر على الطب ولا شامل الكل
من كليات قمه وخلافه
طب ما احنا عارفين الكلام ده و
طب ما احنا عارفين الكلام ده و بنشوفه بعينينا كل امتحان من اربع سنين .. ايه الجديد ؟؟
الموضوع ده عادى جدا ومش جديد
الموضوع ده عادى جدا ومش جديد ومنتشر فى كليات الطب بصورة كبيرة ومن زمان زى ماهو منتشر فى حاجات تانية كتير ده بقى سلوك عام عند الناس كلها وعلشان يتصلح محتاجين كلنا اعادة تقويم
طيب انا عشت تلت شهور بقى فى
طيب انا عشت تلت شهور بقى فى مستشفى جامعة (...) لمرض والدتى انا بنت عمرى 23 سنة ولك ان تتخيل سفالة الدكاترة الموجودين نفسى افهم يعنى اية دكتور عندة 24 سنة يمسك نيابة قسم فية اكتر من 48 مريض لعلاقتى بالممرضات هناك عرفت بالاوووووووى اولهم ان التلاتة الدكاترة اللى ماسكين نيابة فى القسم التلاتة ولاد دكاترة ووالله مايعرفوا الالف من كوز الدرة مرة واحد منهم ابن دكتور كبير كان المفروض يبذل لولد ماية فى المخ جايب السرنجة ورايح يبزلة فى العنبر الجماعى وناسى ألف ب ت الطب هى التعقيم ههههههههههههههههه وام الواد هى اللى صرخت وقالت يالهوى يا دكتور انت عاوز تموت الواد وفكرتواوالتانى ابن بروا دكتور كبيررررررررررررر ادى فى يوم دوا لمريضة بورم بدون ما يشوف اذا الدوا دة هيأثر على وظايف القلب ولا لا وماتت الست الله يرحمها وطبعا الفقير ملوش دية واقسم بالله قدامى ما عرف يفرق بين الاشعة القديمة والجديدة لمريضة وغيروا وغيروا يارب صبرنى يا تاخودهم ياتاخودهم
عايزه أقول إنى خريجة طب و مش
عايزه أقول إنى خريجة طب و مش الزقازيق و كان بيحصل عندنا كده و أكتر كمان
حتى فى تجارة ولاد الدكاترة
حتى فى تجارة ولاد الدكاترة بيهم معاملة نانية والمعدين هما ولاد الدكاترة فى دكتور كبير فى تجارة وقف يعتذر لبنت دكتور تانى علشان كخدش بالة منها دة جوة الامتحان دة غير المعيدين الى رايحين جايين يقولولها الاجابة والورق الى بينظبط بع الامتحان
فعلاااااااااا الغش مش فى
فعلاااااااااا
الغش مش فى الجامعات بس فى المدارس كمان و عادى جدا بقى شئ معترف بيه لحد ما العيال مخها تخن و ياسلام لو كان الاب من هيئة التدريس الاوائل على طول
فى الجامعة بقى فى المنصورة بنت العميد تقريبا جابت فى كلية (...) سبحان الله سبحان الله 95%
هههههههههههههههههههه
ثانوية عامة يا جماعة و طبعا بقت هى المعيدة و اللى تستحق من عندنا جابت 90 %
و دماه يعينى محروق بنت ناس غلابة صحيح
ازاى تبقى من هيئة التدريس انتم بتتكلموا ازاى
عادى
الحق عند ربنا و هو اللى بيكرم من ناحية تانية مش شرط اللى عينا عليه
و عسى ان تكرهوا شئيا و هو خير لكم و عسى ان تحبوا شيئا و هو شر لكم
بس ياريت بجد الناس المسؤلين يصحصحوا و يسيبوهم من اللى هما فيه من الهببل اللى بيعملوه و ضمائرهم تصحى شوية
حسبى الله و نعم الوكيل
مش إشاعة ولا حاجة الكلام ده
مش إشاعة ولا حاجة
الكلام ده بيحصل في كل الجامعات مش الزقازيق بس وإحنا في طنطا ياما شفنا زيه كتير...بقت مهزلة يعني دايما أولاد الأستاذة في مقدمة الأوائل حتى لو فيه ناس منهم بتذاكر وتجتهد بس برضه الشفوي والعملي بيتقفل لها ومش ممكن تدخل لجنة وحشة زي غيرها من المجتهدين وطبعا درجات الشفوي والعملي بتاعت السنين الأخيرة تفرق جامد ياما رفعت ناس
لو البكالوريوس نتيجته طلع فيها الأول مش ابن حد تبقى حديث الناس وحاجة غريبة
حسبي الله ونعم الوكيل ، انا
حسبي الله ونعم الوكيل ، انا اداب فرنساوي (...) وقمة الاحباط والكره والاشمئزاز جوايا من رئيس الجامعة والعميد والدكاتررررة المفروض اني ف اخر سنة وخلاص تيرم واتخرج بس للاسف لسه ف تانية طبعا بتقولوا فشل ذررريع بس اقسم بالله ابدااا بالرغم من اني داخل القسم غصب عني الا اني كنت ببدع فيه ادرجة ان الطلبة كانوا مسمييني وكيل قسم فرنساوي كنت اشرحلهم واترجم ليهم وادلهم وافهمهم واساعدهم واجي ف الاخر انزل ، انا لو قصرت كنت اولت اه استاهل بس والله والله تعببببت ف القسم ده اول سنة ظلموني ونزلوني تيرم اول كنت ناجح ف لغة عربية واتفاجيء ف نتيجة اخر السنة اني شايل لغة عربية ومادتين كمان ض يعني سنة اتشالت والسنة دي ينزلوني السنة علي درجة واحدة؟؟؟ درجة واالله وكنت اطلع تالتة وكلهم تيرم تاني النتيجة ع النت ناجح وف كشف الكلية راسب علي درجة بذمتكم ده حلال ولا حرام؟ انا اكتشفت بلاوي كبيرررة يعني مثلا دكتور معين بدون ذكر اسم استاذ بنات وقلة ادب بنت صاحبتي عادت السنة والسبب ايه؟؟؟ الدكتور اللذيذ ده كان عايز ينام معاها ورفضت شوفتوا قمة البشاعة والجشع وقلة الادب؟؟؟ هو ده العلم؟؟؟ بلاش واحدة صاحبتي تانية قالتلي انا بدي رئيس الكنترول 6000 ف السنة ويظبطني لو ض بيرفعها ل ولو جايبة ل يرفعني جيد وهكذا واهو بسلامته اترقي ومسك وكيل كلية اداب بلاش دي كمان واحدة تالتة قالتلي انا واحدة من الناس الدكاترة بيشيلوا طلبة انتساب سنين بالظلم عشان يعدوني مجاملة لبابا والله بجد حرررررام اللي بيحصل فينا ده حررررررررررررام حسبي الله ونعم الوكيل
الكلام ده بيحصل من سنين طويلة
الكلام ده بيحصل من سنين طويلة وطبعا زاد في الفترة الأخيرة
وأي طالب في كلية الطب شاف الكلام ده واكتر منه
حضرتك بتستغرب ان ليه بيحصل كده في البكالريوس
لأن للأسف البكالريوس 70% من درجاته في ايد الدكاترة شفوي وعملي يعني
دول كفيلين يظبطو أي حد ويبعدو أي حد
مش كده وبس دول كمان في الشفوي
مش كده وبس دول كمان في الشفوي بيسألو ولاد الدكاترة عن صحة بابي وليه مبقاش يظهر زي زمان وبلغوا بابي ومامي سلامي ..
وكمان التراكمي (الترتيب التراكمي ) السنة دي بالذات في عهد معدوم الضمير اتأخر اسبوعين .. ياتري ليه ؟؟ علشان يظبطوه ويرتبوا ويحطوا اللي هما عايزينه ويرموا اللي مش عايزينه .. لأ وايه مطلعين استمارة النجاح يوم آخر وقت لتقديم الطلبات في المستشفيات التعليمية لقضاء فترة الامتياز وبالتالي الناس قدامها حل من اتنين يا إما هيطالبو بحقهم وطبعا مش هييخدوه ( العادي يعني ) أو يجرو بسرعة علشان يلحقوا يقدموا في المستشفيات التعليمية وبكده مش هيطالبو بحقهم
أقسم بالله أنا كرهت البلد دي ولو عرضوا عليا جنسية الصومال هطالب بيها ع الاقل الاقي شوية ضمير وناس تخاف من ربنا .. ليه يارب مخلقتنيش صومالي أو موزمبيقي
حقيقة لا اعرف ماذا أقول من حق
حقيقة لا اعرف ماذا أقول
من حق حضرتك انك تدافع طبعا عن الفساد
بالفعل هذه أحداث مؤسفة
ونتمنى زوالها
بس لي رجاء عند حضرتك
بما انك صاحب مبادئ في قلمك
انك لما تنشر خبر زي ده
تنشره على انه استثناء مش قاعدة
والله حرام اللي بيحصل في ولاد الاستاذة
انا لسة متخرجة من كلية طب وبنت استاذ في كلية الطب
ولا عمري اعتمدت على براشيم ولا خدت زيادة عن حقي زي ما قال الاخوة الأفاضل
ومليش نيابة في الجامعة
وللاسف الاخبار اللي بتنشروها سبب في انها بتخلي الناس تشوف الدنيا سودة وتفقد الامل في اي حاجة حلوة
الناس ناسية ان فوق الكل رب رقيب
واللي بياخد زيادة عن حقه ربنا مش بينصفه
ومش محتاجة اضرب امثلة لانها كتيرة جدا
ياريت الناس تفهم ان مش كل الاستاذة فاسدين
وان ولادهم للاسف مش بيتقدروا صح
للما يكونوا محتهدين
بيرجعوه للاباء
ياريت تراعوا مشاعرنا احنا برضه بشر من لحم ودم!!!!!
وشكرا سيدي الفاضل
احب اشكر الاستاذ فهمى على
احب اشكر الاستاذ فهمى على المقاله الجميله دى بس ده مبيحصلش فى طب الزقازيق بس دى كل كليات الطب فى مصر كده حتى فى تقديم الماجستير فى وسطه وحسبى الله ونعم الوكيل
أنا سعيدة جدا بمقالات أ فهمي
أنا سعيدة جدا بمقالات أ فهمي هويدي وأشكر الموقع كثيرا على نشره لهذه المقالات جزاكم الله خيرا, أما عن مستوى التعليم في بلدنا والواسطة والغش والمحسوبية في الامتحانات فهي فعلا فضيحة وكارثة لكنها معروفة ومسكوت عنها, ربنا يكون في عون الطلبة المجتهدين اللي مجهودهم بيضيع وغيرهم من الفاشلين وغير المستحقين بياخدوا أعلى الدرجات والمناصب.
انا طالب فى كلية الهندسة
انا طالب فى كلية الهندسة جامعة الزقازيق وبقولكو الكوسة موجودة فى كل حتة حتى عندنا دالطلبة عندنا بيطلعوا فى وسط الامتحان علشان يدخلو الحمام وقدام عينى البراشيم والمزكرات بيتفتحو ودى مش كوسة دة فساد علنى ورسمى ونظمى والهام,,,,وشكرا
السلام عليكم للاسف شىء مخزى
السلام عليكم
للاسف شىء مخزى جدا المستوى الذى وصل اليه التعليم ف مصر و انشغالهم بالمنقبات و الملتحين و منعهم من دخول الامتحانات اما الغش و الوسطه فشىء مباح و معترف بيه ف جامعاتنا ...... ربنا يرحمنا برحمته
ده اقل حاجه يا بيه انا طبيب
ده اقل حاجه يا بيه
انا طبيب بشرى
و شفت اللى ارغب من كده
فى جامعة المنصوره
أقسملك
ان مستوايا ومستوى بعض زملائنا أفضل من النواب الحاليين زملائنا
أبناء اساتذتنا الافاضل
و الحمد لله
هما فى الجامعه
و أنا فى اسيوط
فى نيابتى
و لا حول و لا قوة الا بالله العلى العظيم
و حسبنا الله و نعم الوكيل
اقسم بالله العظيم بعيني شفت
اقسم بالله العظيم بعيني شفت في لجنة امتحان في كلية تجارة مراقب قعد قدام طالب معين و مسك ورقة اجابة بتاعة واحد من اللي سلموا و مشيوا و فضل يقرا منها و الطالب بيكتب
يا فندم ده بيحصل ادامنا كل
يا فندم ده بيحصل ادامنا كل امتحان عملى او شفوى او كلينيكال
ومحدش عارف ان كان بيحصل فى التحريرى ولا بيحصل اكتر منه
بدايه من سنه خمسه ترتيب الدفعه بيبقى حاجه تانيه
ولو ملكش دكتور فى الجامعه هتتبهدل يعنى هتتبهدل الا لو كان ربنا رايدلك بحاجه تانيه
هو القوى العليم
الله عليك يا دكتور فهمى ربنا
الله عليك يا دكتور فهمى
ربنا يبارك فيك
