اصحوا يا شباب من غيبوبة الكمبيوتر.. (1)

جميل اوووووووى اللى قلته لكن الواحد مننا بتاخده النشوه دقائق ثم تزول

اكيد الكلام ده صحيح لكن ليه احنا طالما شباب نملك العلم ومهارات الكمبيوتر من الممكن انا نأسس منظمة لجمع هذه القدرات واستخدمها الاستخدام الامثل والاستفادة من بعضنا البعض حتي ننتقل من مستخدم ممتاز الي مطور ومبدع

طبعا كل كلامك حقيقي يادكتور وصحيح تماما بس عايز اقولك حاجه كده وربنا يستر بقي
اي حكومه في العالم العربي بتبقي مبسوطه اوي بالموضوع ده لان بدونه شبابنا مش هايلاقي حاجه يعملها غير انه يشتغل مظاهرات من اياها ويفتكر حالته ويبدا في المطالبه بالعمل والجواز واللاذي منه وبكده تبدا المشاكل
بس انا نفسي بجد وحقيقي طلاما احنا كده ولا كده بنقعد علي الكمبيوتر معظم ساعات حياتنا ياريت نخترع نبتكر نفكر في حاجه جديده نستخدم بها هذا الجهاز العملاق

فعلا كلامكوا صح انا لو ماقعدتش نت في يوم أحس أني خلاص هموت زي مايكون أدمنته ياريت حل سريع

هذه ما تسمى "بلعنة التكنولوجيا" زي ما ليها مميزات زي ما ليها عيووووب وكتير قوي، ال"Short Cuts"زي ما بنقول بلغة الحاسب ضيعت علينا فرصة الاكتشاف الشخصي ودمرت الذاكرة البشرية وانتقلنا من عالم الواقع الى عالم "الواقع الافتراضي" بلغة الكمبيوتر برضو!!

ابسط حاجة ودا مثل بقالي زمن بستشهد بيه!!
من يوم ما اخترعوا الموبيل وبقى صعب علينا جدااااااا حفظ ارقام التليفونات بنفسنا لانها ببساطة متخزنة على الموبيل!!
زمان كنا من واحنا عندنا سنتين نحفظ العنوان ورقم التليفون وتليفون الجيران وكأن دماغنا دي أجندة، اول ما استبدلناها بال"Memory Card" عليه العوض ومنه العوض.
طبعا دا ليس معناه اننا نتخلى عن استخدام التكنولوجيا ونستفيد منها في الحياة وتوفير والوقت و ...الخ لكن ليس على ان تكون البدييييل!!

موضوع أكثر من رائع
جزاكم الله خيرااا

والله والله والله معاكو الف حق علشان تقولوا كده انا واحده من الناس اللى حياتى كلها على الكمبييوتر و النت

الحقيقة ان الواحد الو طموحات بس ما بتصير لا بالكفاح ولا بالتعب هي بتصير من عند الله وتشغيل المخ

مقال رائع يا د نبيل , أغلب الشباب العربي مستخدم فقط للكومبيوتر لكن عندك حق في كلامك لا يوجد اختراع ولا ابتكار ولا علم حقيقي, لكن نأمل في الأعوام القادمة أن تتغير الأحوال للأحسن وأن يتغير تفكير الشباب للعلم والقراءة, وده دور حضرتك وغيرك لتوجيه الشباب وتغيير مسارهم للمفيد والنافع في كل نواحي الحياة.

موضوع هااااايل فعلاً

حقيقى جامد

الله على كلامك انت فعلا عندك حق أنا واحد من الناس اللى ادمنوا الكمبيوتر و أزراره و بجد متعة كبيرة و أنا بتحكم بأزراره نفسى ترجع الحياة بسيطة كما كانت تحيااااااتى

والله معاك حق يا دكتور..التكنولوجيا على اد ماهى مفيدة و مريحة بس اكيد لها اضرار و المشكلة مش في الكمبيوتر و بس المشكلة انه ماعرفناش ان في شيء اسمه ابتكار الا متاخر اوووى

السلام عليكم
اسمح لي ان اختلف معك تماما. ان استخدام الكمبيوتر كأداة تعامل بصورة مثلى لا يتطلب بالضرورة معرفة مكوناته وطريقة عمله. ولنضرب مثالا بجهاز التليفزيون. هذا الجهاز موجود بكل منزل تقريبا بالعالم كله منذ اكثر من نصف قرن ومع ذلك لم نجد اي فرد يطالب بان تكون على دراية بطريقة عمل التليفزيون حتى تستطيع ان تستعمله بالطريقة الصحيحة, نعم الكمبيوتر جهاز اكثر تعقيدا ولكن المبدأ واحد.غير ان دول العالم المتقدمة والتي تستخدام الكمبيوتر في شتى مجالات الحياة لا تطالب الافراد المتعاملين مع الكمبيوتر باكثر من قدرتهم على استخدامه الاستخدام صحيح, بل على العكس تماما وهذا ما لاحظته من خلال تجربتي الشخصية, فالكمبيوتر هناك يستخدم تقريبا مثل الورقة والقلم في كل شئ من اول حجز تذاكر الاتوبيس ودفع الفواتير الي الاستخدامات الاكثر تعقيدا وتخصصا ومع ذلك لا يتوقع منك حتى ان تكون على دراية بتنصيب نظام التشغيل مرة اخرى اذا حدث به اي عطب بل تطلب متخصص ليقوم بهذا العمل وبالتالي ما يعرفه طالب ثانوي بمصر عن المكونات الداخلية للكمبيوتر اكثر بكثير عن ما يعرفه اي مستخدم عادي للكمبيوتر باوروبا كلها مهما كان احتكاكه بهذا الجهاز.
شئ اخر لم افهمه هو علاقة استخدام الكمبيوتر , اياً كان هذا الاستخدام سواء للعمل او حتى مشاهدة الافلام او سماع الموسيقى, بقيم الكفاح والعمل. هل توافر المعلومات بطريقة سريعة ومريحة يؤدي الي الكسل والتواكل؟!!!, ثم هل من الافضل ان اقضي معظم الوقت للحصول على ما اريد لاستخدامه في الجزء الضئيل المتبقي؟!! او ابذل مجهودا في شئ يمكن الحصول عليه بدون هذا المجهود لمجرد الاحساس بلذة العمل؟!! لا يستطيع احد ان ينكر مدى اهمية " استخدام" الكمبيوتر حتى للشباب الذي يقضون وقتا طويلا امامه فلا اعتقد ان قبل ظهور وانتشار الكمبيوتر كان هؤلاء الشباب يقضون اوقاتهم في شئ اكثر افادة او اكثر تأصيلا لقيم الكفاح والعمل بل العكس فالشباب الجاد الباحث عن الافادة وجد في الكمبيوتر ضالته المنشودة للتواصل والحصول على المعلومة التى كان من الصعب , وفي بعض الاوقات من المستحيل, الحصول عليها اما من اراد غير ذلك فاختلاف الوسيلة او حتى سهولتها لا اعتقد انها تشكل فارقاً كبيراً.
واخيرا اقول انه ربط استخدام الكمبيوتر بالكسل واحلام الثراء السريع فيه ظلم بين لكل من المستخدم والجهاز نفسه.

استاذ نبيل انا بحس ان حضرتك واقف على اعلى قمة فى العالم وشايف الناس كلها بتعمل ايه وبتروج فين وبحس كمان ان عند حضرتك قوة خاارقة بتقدر تعرف كمان هما يفكروا فى ايه وبيحلموا بايه وحضرتك بتحزن من تفكيرهم التافه واعمالهم الرديئة وبتفضل تصرخ بعلو حسك وتنده عليهم وتقولهم لا متعملوش كده وفى اللى بيسمعك وبيسمع كلامك وفى اللى بيسمعك وبينفض وفى اللى مش بيسمعك خالص اصلا انا واحد من اللى بيسمعوك وبيعملوا بكلامك جدا والهى ودايما بحس ان نداء حضرتك موجه ليا انا بمعنى ان اى حاجة بعملها غلط او انا مش عارف ان هى غلط علطول حضرتك بتكتب موضوع على بص وطل وتفوقنى منه وتعرفنى ان هو غلط فى اللى بستجمع كل ارداتى وقوايا وامنعه وربنا بيقدرنى وامسحه تماما من حياتى وفى اللى مش بقدر امنعه خالص زى غيبوبة الكمبيوتر كل فلوسى صارفها عليه لدرجة ان لو فى حاجة مهمة جدا لازم اجيبها وحاجة تافهة جدا للكمبيوتر بسيب الحاجة المهمة واشترى الحاجة التفافهة للكمبيوتر بستنى يوم القبض بتاعى وافضل افكر قبل ماقبض اجيب ايه للكمبيوتر احدثه لا انا اشترى شوية اكسسورات والتحديث القبض الجاى والفلوس اللى انا بصرفها دى فى الكمبيوتر فى نفس الوقت البيت بيكون محتاجها جدا واحاول امنع نفسى وفى الاخر مش بقدر وبشترى باردوا كل تفكيرى فيه اباة مضايق ومتعصب ومخنوق ومتنرفز لو فى اى مشكلة فيه مش بعرف اركز مع حد ويسلام باة لما الكمبيوتر يكون تمام والنت تمام بباة طاير من الفرحة ومبسوط وبهظر وبضحك لدرجة احيانا ان لو فى مشكلة بسيطة فى الكمبيوتر بقول جوايا ان المشكلة دى لو اتحلت انا هصلى ركعتين شكر لربنا سبحانه وتعالى ولو المشكلة اكبر بيباة اربع ركعات ولو اكبر 10 ممكن لحد عشرين ركعة شوفت حضرتك لدرجة ايه مش عارف اعمل ايه عشان الائى حل للموضوع ده ارجوك يا استاذى ان ترسل لى الحل باسرع ما يمكن والسلام ختام

انا طبعا مع حضرتك في كل اللي قلته وعاوزه اقول كمان ان الشباب حاليا بمجرد انه يبقي كويس في استخدام الكمبيوتر يبقي فاكر نفسه حاجه كبيره اوي مع انه زيه زي ملايين ما اضفش جديد وشكرا

انتا مثل اعلا لنا جميعا لجميع القراء ولكن.
هل بمقدورك المساعدة الفعلية فى توجية عقول وقلوب الشباب نحو الادب والكتاب بديلا مناسبا لغيبوبة الكمبيوتر ,بل هل بمقدورك ان تبث روح الارادة والابداع بداخل عقول الشباب , ارى من وجهه نظرى ان ماكتبتو لا يقدم او ياخر , فسوف يستخدم الشباب الكمبيوتر وسوف تصبح كلماتك مثل لدغة البرغوث لم تلبث انتحدث الم خفيف وتذهب , فالسؤال الحقيقى الان هل بمقدور اى شخص ان يمسك بتلك الشمعة وتقديمها للشباب , هل بمقدر ذلك الشخص ان يجعل الحضارة الادبية والعلمية القديمة تاتى من جديد وعلى طريقة دكتور نبيل فى اخر جملة ..
هل ؟