جمهورية "الفيس بوك".. ورئيس مصر الافتراضي

الفيس بوك بوابة كل واحد يحط رائيه الي عايزة يرشح نفسة مايرشحش دة حاجة ترجع لكل واحد مبدا حرية الراي مكفول للجميع الناقص انهم يحجبو الفيس بوك
عشان ترتاحو

اقوي رد شفته رد sir abozedبجد بجد دماغ صح وياريت يبقي في منك كتير في مصر ولو 30% حتي. عيبنا ان الشعب دة متعلم بس أمي بجد أمي.

شايفهاسكر او بنجراهو كله بيعبر
بالتأكيد الفيس بوك مينفعش لوحدة انه يكون منظومه سياسيه لكن بالطبع له قوة جماهيريه ودعائيه كبيرة . فلو كان هناك اللى واخدة تسالى وممكن يشترك فى جروب مش مقتنع باللى فيه او حتى مش فاهمه لكن فى العشرات اللى بيعبرو فيه عن نفسهم بصدق على قد مستواهم فتلاقى اللى بيتكلم عن الرئاسه ومخلص فى اللى بيقوله فى نفس الوقت اللى فى اللى بيتكلم عن صبغه الشعر ودة كل اهتمامه ... بالمناسبه البرادعى طلب من مصر انها ترشحه بإسمها لرئاسه الوكاله الدوليه لكنها رفضت تحت ضغوط اميريكيه عشان موقفه فى حرب العراق قاترشح مستقل وفاز 3 دورات.حتى إيران من ايام قالت صريحه ان البرادعى العاقل ترك منصبه لواحد موتور جاى موجه ضدالشرق الاوسط والمسلمين .

الحديث دائر الان عن مقعد مشغول وهناك من يجلس بالفعل على هذا المقعد بالله عليكم هل هذا تفكير سليم ؟ هل سيجلس القادم لشغل المقعد على حجر الجالس مسبقا ؟؟ عندما يصبح الكرسى شاغرا نتحدث عن القادم.
هذه واحده اما الثانيه فليخبرنى احدكم عن الشروط التى وضعها شاغل المقعد لمن سيخلفه وهى بمثابه القوانين بل هى قوانين فعلا من يخالفها لايجوز له التقدم لشغل المقعد اذن احرى بنا ان نطالب بتغيير القوانين اولا حتى نستطيع ان نختار س او ص صح الكلام ؟
القوانين الموجوده لا تسمح لنا الا باختيار من تنطبق عليه ومن تنطبق عليه موجود وجاهز فلماذا محاولة الالتفاف والسعى والبحث عن اخر هذا لسان حال شاغل المقعد يقول. اذن فالقضيه ليست برادعى او زويل او غيرهم القضيه فى القوانين طالبوا بتغيير القوانين اولا التى تسمح لهذا او ذاك بالترشيح فالقانون الحالى يقول مرحبا لكل من تنطبق عليه الشروط ننظر حولنا فلا نجد الا من يريده القانون ان يكون شاغلا للمقعد لان القانون تم تفصيله بدقه على جسم القادم لا هو واسع ولا هو ضيق ويبدو القانون على جسده له جمالا براقا وهنا يقول له الجميع مباركا عليك الكرسى .
دعونا من هذه المراهقه السياسيه والعبوا الجيم بجديه اذا رغبتم فى لعبه ودعوكم من لعب الهواه افهموا قواعد اللعبه تعلقكم بالبرادعى او غيره الان فى ظل هذه القوانين الخاصه بالترشييح هو لعب عيال ومخالفه صريحه لها المطالبه بتغيير القوانين اولا والترشيح ثانيا هكذا يكون التفكير السليم والقانونى فى نفس الوقت تغييرها بما يتيح لك شريف يستطيع ان يخدم بلده ان يتقدم ولا تكون حكرا على واحد بعينه حتى لو كان شريفا لان فى هذا اسقاط لابسط قواعد العداله فالجميع يجب ان يحظوا بفرص متساويه ومتكافئة وليقدم ساعتها كل منهم مالديه ونختار نحن بحريه تامه وربما يوفز وقتها هذا الشريف الاوحد لو قدم مالديه من خبرات وكفاءات وطرح برامج مجديه ربما تكون ليست لدى الاخرين ويكون فوزه مستحق من بين اقرانه . ما اجمل الاختيار الحر بارادتى وليس باراده غيرى

اعتقد من الصعب لان النتيجة معروفةبس اتمنى يكون فى تغير وديمقراطية فى اختيار الرئيس القادم واتمنى يكون البرادعى لانة حاسس بمصر وحاسس بالانهيار اللى بقت فى

بقى أخرتها هنرشح البرادعى..
إصحوا يا عالم
فوقواااااااااااااااااااااا
البرادعى اللى حط أعناق العراقيين تحت رحمة الأمريكان؟؟؟
علشان كده ادوله جايزة السلاااام
ماهو اللى قدملهم الشعب العراقى على طبق من ذهب
امال احنا هيعمل فينا إيه؟؟؟؟؟
مش كل من هب ودب هيكون رئيس
وتذكروا إننا هنسأل يوم القيامة عن إختيارنا ده
فلو كل واحد مش قد السؤال مايختارش
ويقعد فى بيته أحسن

برادعي مين وزفت مين انا بقول ان البرادعي مينفعش يكون غير عالم وبس انما رئيس جمهرية لا يصح تماماً

انا واحدة من المشتركين فى جروب تأييد البرادعى رئيس للجمهورية ودة مش كلام فاضى احنا بنحاول نحرك نفسنا ونشجع بعض على الرأى الصح والحر ياعنى انا مثلا كنت عايزة انتخب احمد زويل بس فى الجروب دة عرفت اية عيوبة اللى ماينفعش يكون بيها رئيس للجمهورية واقتنعت بالبرادعى ولن شاء الله كل الشباب هيعملوا بطاقات انتخاب ومتهيألى هيكون دة لاول مرة فى مصر ... الفيس بوك دلوقتى بالنسبالى قوه بقدر اعبر وبجد ومن قلبى عشان نفسى اغير فى البلد ومش بحس انى لوحدى لا دة احنا قوة عظمى

هيا الناس دي مش عاشة ف مصر ولا ايه ؟

باختصار المقال يستحق اقل من صفر او قل سالب عشرة على عشرة
عارف ليه لأنه دمج حقائق مع سخريه مع استهزاء مع امور مضحكه
مسألة الترشح للرئاسه والاستعانه بالفيس بوك كوسيلة اعلاميه ونشريه للاستخدام الملايين لها ليس فيه حرج ولا هبل ولا عدم منطقية
عدم المنطقية منك ان تدرج اسم جروب لمناصرة فيفى عبده كل عدده عشرة افراد مع جروب لمناصرة البرادعى يصل عدده الآن 160 ألف شخص
على الأقل هناك 50 ألف شخص منهم نشطين وعلى الأقل على ارض الواقع يتحرك منهم 10 ألاف شخص فى النهايه ستجد ان الفيس بوك حقق تجمع حقيقى واقعى لحوالى 10 الاف شخص
ما يبقاش هنا المجال للحديث عن هبل وخزعبلات الفيس بوك
لا يعنى الفيس بوك يؤثر والانترنت اصبح وسيلة فى هذا العصر للعمل والجواز والربح وايضاً للاجتماعات والدعايه والاعلان

المهم انا عاوز اقول سوال واحد بس انا الله مافى دماغى رايس ولا وزير علشان كلة شبه بعضو انا بتكلم على الشعب المصرى البجيرى ورائ الكورة والهبل بيتاع السينما وبقول كلام ملوش لزمه خلاص انا عاوز واحد يرد علية وهو سوال مححدد من كلمتين بس ( إحنا بنحب بلدنا تمام بلدنا بقى المفروض الهية تحبنا زاى محنا كمان بينحبها ولا كلام غلاط وشكرا

بصراحة الى فهمته من هذا المقال وده الواضح فعلان
ان الفيس بوك ( الفيس بوق ) كلام في كلام وساعة الجد كله بيهرب ويخترع أسباب
يعني كما جاء في المقال
( والأهم من ذلك، أن تدخل المجموعة وتكون مثلاً ضمن "مليون مصري يقولون نعم لجمال مبارك"، لن يكلفك هذا على "الفيس بوك" سوى ضغطة زر على كلمة (اشترك).
ولكن تخيّل إن قال لك شخص فلتنزل معي إلى الشارع لتؤيد من ترشّحه، أو "خلي عندك صوت، واعمل بطاقة انتخابية أو انزل إلى صناديق الاقتراع".. ستجيب بأنك: "آسف.. ما اعطلكش؛ فأنا مشغول بلقمة العيش، وكل ما أستطيع أن أقوم به هذه الأيام هو الضغط على أزار الريموت لأحوّل قنوات التليفزيون، والضغط على وصلات المواقع لأشاهد العالم من الخارج... فقط من الخارج )
فهذا فعلا ما يحدث
بيتكلموا وخلاص وبالغة العامية بتاعتنا ( بيطبش )
الى عايز يشارك يكون على الساحة على أرض العمل مش الكلام وخلاص
وكمان أنا ضد فكرة مناقشة موضوعات تخص الدولة على الفيس بوك ( الفيس بوق )
لانك لا تعرف مع من تتحدث أو من الذي يدلى برأيه أو يعرض موضوعا
فقد يكون من أهل الفتن .......إلخ .
وأكبر دليل على ان الناس دي فاضية ومش وراها شغلة ولا مشغلة سوى الكلام وخلاص
+انهم مش مقدرين حجم المسؤالية
موضوع ترشيح فيفي عبده ههههههههههههههه
وساعتها هتخلى البلد ترقص
+ ان الشباب هتتحزم وعلى واحده ونص
هههههههههههه
والله العظيم عالم فاضية صحيح.

جمهوريه الفيس بوك .... ايه الهبل ده احنا ناقصين الناس تعبانه وعايزة حلول حقيقيه لمشاكلها مش كلام نت وناس فاضيه
ومعلش يعني هو د/ البرادعي عمل ايه لمصر عشان ننتخبه او هو يفرق ايه عن غيره ..............

فى ناس بتاخد الموضوع بهزار زى لولو ومش عارفه ايه تانى رؤساء للجمهوريه بطبيعه الشعب المصرى شعب ساخر فى اغلب حياته بس رغم ذلك بيأثر الفيس بوك لان مفيش حد بيقرا جرايد لمتابعه الحياه السياسيه الا قله فحل الفيس المشكله دى
ويمكن يحصل يبقى بدل البطاقه الانتخابيه الانضمام للجروب الرئيس المرشح
ومين عارف

والله انا بدخل عالفيس بوك دا وبشارك براىى فالجروبات
بس مش عارفة ليه انتو مدينه اكبر من حجمه
واشمعنا الفيس بوك هدمنه يعنى ما زيه زى باقي المواقع يعنى

الفيس بوك منبر من لامنبر له هذا أصح تعبير

السلام عليكم ورحمة الله وبركاته ..
احنا ممكن نقول اننا فعلا مؤيدين لفكرة ترشيح شخص معين .. او نقول اننا بنقول راينا بصراحة وبحرية مطلقة في كل حاجة علي الفيس بوك .. بس اعذرني اللي عايز يقول حاجة او يعمل حاجة هيعمل ومش الفيس بوك بس هو اللي هيعملها له .. لما قلنا هنعمل اضراب 6 ابريل فعلا الناس عملت اضراب صحيح مكنش عدد كافي بس عملنا - ويكفينا شرف المحاولة - ولما اتناقشنا في اقتراح رئيس جمهورية كل واحد قال رايه بصراحة .. حتي ولو مفيش فيس بوك .. انا اقصد من كلامي ان الامر مش متوقف علي وجود الفيس بوك في حياتنا ...
انا معاكم ان الفيس بوك بيعرفك احوال البلد واخبار اصدقائك الشخصية ودي ميزة .. بس دايما خليك فاكر اننا بنكتب اللي احنا عايزين الناس تعرفه عنا .. يعني مش اي حاجة ممكن تتكتب ..
اما موضوع الجروبات ده .. انا شايف انه بيكون نوع من التهريج المحترم .. يعني كل واحد بيقول رايه حتي ولو بيقول كلام هو مش مقتنع بيه . بيقوله لمجرد انه يشارك .. وفيه ناس مش فاهمه اصلا وبتشارك .. وفيه شباب مجانين بتشارك .. وزي ما انت قلت في مقالك .. ان الشباب بتشترك في جروب معين ونقيضة ودي حقيقة .. ودي بتوضح اننا فعلا بنقول رأيينا لمجرد اننا نشارك وبس .. بس انا حاسس اننا لو نزلنا الشارع وقلنا يالا نرشج رئيس للجمهورية هتلاقي شباب كتييييييير ممكن تقف وتشارك وتعمل حاجة بجد ... بس للاسف ممكن ننضر وتحصل مشاكل .. بس يالا نجرب نعمل حملة قانونية لترشيح رئيس جمهورية معين .. وشوف الشباب هتعمل ايه ؟؟؟
وتقبلواااا مروري
** من مدمني الفيس بوك **

أولاَ السلام عليكم ورحمة الله وبركاته
بسم الله الرحمن الرحيم
بخصوص هل سيؤثر الفيس بوك فى إختيار رئيس مصر القادم أم لا فأنا أقولك هو لن يؤثر بشكل مباشر وهوضح أكثر التأثير هيكون على النحو التالى وهو إن كل شخص رايح يرشح لما يدخل يشوف رئى الشباب والكبار والصغار على الفيس بوك أكيد هياخد خلفيه كبيره عن المرشحين وممكن يكون هو مخدوع فى مرشح ما وبعد دخوله للفيس بوك يكتشف حقيقته وبدليل وده ممكن يغير فى إختياره أعتقد ده هو تأثير الفيس على الإنتخابات القادمه
*****
بخصوص تأييدى للمصطلع القائل جمهورية الفيس بوك أعتقد بكده هنظلم شريحه كبيره من المجتمع مننا كتير جداً مش بيدخلو نت ولا يعرفو يستخدمو كومبيوتر ومنهم ناس كبيره فى السن وناس شباب ولكن مهتم بحياته العمليه بعيداً عن مجال الكومبيوتر بشكل كبير جداًأنا من رئيى إنه يتم تحديد نسبه من التصويت للإنترنت ويتم تحديد المواقع المشاركه فى التصويت بشكل رسمى كيفما يتم تحديد أماكن الترشيح التقليدى على أن تكون نسبة الإنترنتت حوالى 25% من أصوات الناخبين ويجب أن لا تذد تلك النسبه فى الوقت الحالى حتى يذيد الوعى الثقافى لمجتمعاتنا حيث أنها لو ذادت من الممكن أن تستخدم بشكل سئ من أجل تأييد رجل واحد حيث أنه سيصعب السيطره عليها نظراً لعدم تطور المجتمع المصرى بشكل كافى فى علوم الحاسب الآلى أما إذا قلت النسبه عن 25% سيتم الإستهانه بمجتمع الإنترنت الكبير وذلك من الممكن أن يولد غضب غير معلوم إلى أين يتجه مجراه

أعتذر بشده عن الإطاله عليكم
والسلام عليكم ورحمة الله وبركاته

علي فكرة دة كلام فاضي وكلو عشان محدش يترشح في الانتخابات بس اللي الريس عاوزو في الاخر هايمشي ماهي ماشية كوسة من زمان

فعلا الفيس بوك بقى محور اساسى لكتير من الناس ويعتبر من الاساسيات دلوقتى

انا سمعت واحد مش فاكر اسمه للاسف ومش عاوز اعرفه من الحزب الوطني كان بيقول بتهكم مبالغ فيه:"مصر مش الدولة اللي هتتحكم بالفيس بوك" بسخرية شديدة عند كلمة الفيس بوك
وعلى العكس د. محمد سليم العوا المفكر الإسلامي والمين العام للاتحاد العالمي لعلماء المسلمين في حواره مع رولا خرسا قال أنه متأكد من التغيير والإصلاح لأن من خمس سنين مكنش في قوات فضائية بتتكلم بجراة وتستضيف ناس زيه ومكنش فيه فيس بوك يعبر عن رأي الشباب ويعلقوا على أي حوار يشاهدوه
ولو مكنش الفيس بوك مهم مكنش الرئيس المنتظر عمل حوار مفتوح بلينه وبين الشباب على النت ومكنش المتحدث الرسمي باسم الجيش الاسرائيلي ليه اكونت بيرد على العرب والمصريين بنفسه
وبذلك أعلن تأييدي لجمهورية الفيس بوك وسمعنى احلى نشيد وطني