"اضربني ولسوعني شكرا" من أجل عودة هيبة المدرسين

ماحنا لو كنا فى بلد محترمة بتحترم أدمية الانسان ما كانش الكلام دة اتقال ابداً و كان الوزير اتشال فيها على طول..ضرب ايه دة ان شاء الله !!! هو احنا بنربى فيهم القهر آه ه ه صحيح دة انا نسيت ما هو دة اللى عايزينه دة انا هبلة صحيح !!!!
عموما الكلام ما بقاش منه فايدة ماحدش بيسمعنا و اللى عايزينه بيعملوه... لا حول و لا قوة الا بالله العلى العظيم

ههههههههههههههههههههههههههه
بجد طريقتك لذيذة اوى يادنيا

السؤال هل نربي اطفال ام حيوانات ؟!!!!! العقاب مطلوب و ليكن بالتذنيب او اي وسيله ادميه .. لكن الضرب هو قهر للطفل و ليس تعليم ولا يعني تعرض البعض لخبرات مؤلمه و لكن حظه الحسن انه تقدم ف الحياة ان نعرض اولادنا لهذا العنف و هذة الاهانه ثم نطلب جيل له كرامه و كبرياء

الأنسه - او السيده دنيا
المفروض انك تشوفي الفلكه- وتجربيها- علشان لاتحكمي قبل ان تعرفي- الظرف الزياده بتاعك ده لامعني له- انجلترا تفكر فى اعاده الضرب للمدارس.. ولم تقتل الفلكه احد!

ya captain (shutdown4eve)
التعليم بره من غير ضرب و طلع اينشتاين و شكسبير و نيوتن و اديسون و..و..و..و..و...و..و.و...و...و...و.... مالا نهاية .
شمعنا بره يعنى , كلامك صح جدا يا دينا .

والله انا مدرس وشخصيتى معروفة بين الطلاب مش هاقول مش بضرب لا
ضربى بحدود بس نفسي الناس الطيبين اللى بيتكلموا عن الوزير باستهزاء يبطلوا خفة دم
ويجوا يشفوا اولادهم ان كانوا انهم بيربوا خنافس دلوقتى فى بيوتهم اولادهم شعور ولا البنات ومفيش حد منهم قادر يمشى كلمته على ابنه نسيتم اتعلمتم ازاى ولا ايه
مش الضرب دا اللى اتربى به زويل والباز ويعقوب والعقاد والحكيم ولا شوفوا حالكم وحال ولادكم دلوقتى بتصرفوا الاف مؤلفة على الدروس على فكرة برده انا مدرس ثانوى عام وبدى دروس خصوصيه وكتير اللهم لا حسد بس مش بسبب الضرب
لحد يقول بيضرب علشان يجيلوا عيال ومش بقبل طلاب فى الخصوصى من فصولى
راجعوا انفسكم وانظروا كيف تربيتم وكيف رباكم اباؤكم

حاله الطفل اللى مات فى ايد المدرس دى كانت فى فتره ماكان الوزير مانع فيها الضرب يعنى ماتفتكروش ان الضرب ممنوع فعلا
والله كلام ع الورق احنا عندنا لازم العيل ينضرب ع الخطأاللى بيعملوا
طاب الواد لو غلط أعمله ايه أطبطب عليه ولا أجيبله شيكولاته ولا أقوله شاطر يا حبيبى
بس عرفونا
اللى مش عايز ينضرب ياعم الحج مايطلعش من بيته ؟
مابيقى الواد من دول صايع وبينضرب من طوب الأرض بره المدرسه
وأول المدرس مايحط ايده عليه تلاقى ولى الأمر واخده وطالع الشرطه محررله محضر
ليه عشان ازاى ابن (فلان)حته مدرس يضربه
ياناس حرام عليكوا والله

انا بايد القرار ده جدا انا مكنتش بعرف اسيطر علي العيال لان بمعني اصح هما شايفين اني مليش اي لازمه وكمان مفيش اي حاجه في ايدي ممكن اعملهالهم ياريت القرار ده يتنفذ

لازم يكون فى وسيلة للعقاب وانا واحدة لما بتساهل مع بعض الاطفال فى الدروس بيكون رد الفعل سئ ونتيجة الطفل منيلة وبيقل ادبة كمان لاكن لما بخوفة خلاص بيمشى زى مانا عايزة ودا خلانى بقول لولى الامر انى هعاقب من اولها الجيل بتاع اليومين دول والله بيتدلع وبيبجح .ما علينا فى المدرسة الواحد مبيعملش حاجة فى المدرسة لاكن الاطفل ممكن يقل ادبة علينا فمن رايى لازم يكون فية عقاب تحت لجنة مخصصة لكدة يعنى المدرس اول ميلاقى الطفل دة يستاهل الضرب يروح للجنة دى تحت اشراف المدير وينضرب الطفل لمخالفتة
ممكن حد يقول احنا معندناش قلب لاكن العقاب تدريجى ولما بنستخدم كل الاساليب ما عدا الضرب مبتجبش نتيجة مع معظم الاطفال واللى مش عاجبة الكلام يجى يشتغل مدرس سنة

نصيحه منى استاذه دينا/متناميش كتير علشان متحلميش كتيييييييييييييير

انا كده مش عايزة اخلف عيال
واذا خلفت شكلي حخليهم متسربين من التعليم
ويا ترى يا سيادة الوزير مع التصريحات اللي نازلة ترف علينا حتلغي كتب علم النفس ومبادئ ابن خلدون اللي دوشونا بيها في ثانوى ولا حيبقى ضرب وكمان ابن خلدون
مش كفاية التقويم الشامل اللي رجع للدروس هيبيتها كمان الضرب حيرجع يا هنا الطلبه

دلوقتى المدرس هو للى بيحاف من الضرب

طيب مااحنا اضربنا لما طلع عين ابوبنا ... والحمدلله اتعملنا والله العظيم .. انا كنت احفظ القراءن الكريم فى جامع فى المنصورة..وكان استاذي (ربنا يعطيه الصحة ) والله كان بيضربني لغاية ما هو يتعب ..والحمدلله رب العالمين اتممت حفظ القرأن الكريم وانا فى الأعدادية .
لابد من الشدة فى التعليم ...لان الأطفال عايزين يعلبوا ...

مش كفايه الحكايات الي بنشوفها من مدرس قتل ولد ولا مدرس اتعدى على طفل كفايه بقى

الضرب اهانة يا جماعة
والمدرس اللي ميعرفش يكسب احترام التلميذ من غير ضربه مينفعش يدرس
وانا كأب لا يؤمن بالعقاب الجسدي اعمل ايه ف قرار ذي ده اطلع عيالي من مدارسهم ولا اقول للعيال(8-10سنين) ميغلطوش
واللي يتخلى عن حقه ف القانون ميبقاش ينتقده بالسلب
يعني اللي يهدد المدرس عشان يغشش ولاده يتعمله محضر بشهود
انما نسبق ونضرب العيال عشان يذاكرو وهما خايفين ميطلعش زويل يطلع انسان جبان
والتلاميذ مبدأوش يتطاولوا على المدرسين الا لما المدرسين بقوا يسترضوهم عشان الدروس

بصراحة الموضوع مهم جدا لكن ما اغضبنى هو استهزائك يادينا بالمدرس وهيبته وان كان موضوع الضرب بالنسبة ليك موضوع هزلى فهو فى العملية التعليمية امر هام للتقويم كلنا اتعلمنا فى مدارس حكومية ومدرسينا كانوا بيعاقبونا عند الخطأ ورغم كده كنا بنحبهم وبنحترمهم وبنقدرهم وبعد مابنخلص دراسة بنفضل نودهم لاننا حبناهم انما دلوقتى اتلغى اى سلطة للمدرس على الطالب ورغم كده الطالب بيستهزىء بالمدرس وبيعتبروا بيشتغل عنده وبقينا نلاحظ اهانات اولياء الامور والطلبة للمدرسين بعد ماكان زمان ولى الامر يقول للمدرس اضرب ابنى لو اخطأ وانا كمان اكملك عليه
ومش معنى ان مدرس اخطأ واتعامل باسلوب خطأ مع طالب ادى لوفاته ان كل المدرسين كده وبقوا جزارين وسفاحين
ياريت نتقى الله وقبل مانتريق نقارن بين زمان وبين دلوقتى شوفوا جيل العصايا خرج منه مين وجيل منع الضرب فى المدارس خرج منه مين
وياريت كلنا نتوحد بافكار تساعد على بناء البلد دى وحماية الاجيال الجاية بدل مانتريق
وشكرا

مش هو الضرب الى هيرجع هيبة المدرس دا المدرسين الرجالة بيفضلو يهزروا مع البنات ولا كأنهم قاعدين فى كافى شوب احترام المدرس يجى بتخلقة بالاخلاق الكريمة مش بالضرب

والخدمة دي موبونيل ولا فوتافوت ولا انفصالات

على كدا انا لازم اتجوز بسرعة واخلف اسرع

واجيب لي عيلين تلاته اعلمهم في مدارس الحكومة

الحق التربية يابويا على حق

وياترى الباشمودرّس أحمد ولاده مدارس حكومية ولا انتطرناشيونال

طب وهل فيلم حليم اللي عمله بعد ما مات كان عارف انه هيموت ولا عشان كدا صور بسرعة

المهم عندي

ان الخدمة دي تكون مجانية

وننزلها اوبشن في المنتدى للاعضاء ان شاء الله

وسلامتها ام ابراهيم .. ام حسن مشغوله شويه

حرام عليكم ضرب ايه مش كفايه ملف الانجاز اللى مخلى روح العيال فى ايد المدرسين ال عشان يحد من الدروس الخصوصية ده زودها ولو الطالب ماخدش درس عند المدرس ملوش اعمال سنه وحصلت فعلا حسبى الله ونعم الوكيل

احلى حاجة كل واحد بيفتى كأن المدرسين دول دراكولا وسفاحين وقتلة وغير تربويين درسوا نظريات التربية وعرفوا ازاى يعاملوا الاولاد احسن من اهاليهم كمان اتقوا الله فى المدرسين المدلرسين الان بينضربوا من الطلبة ومن اهاليهم فماذا فعلتم للمبادىء تعطون فرصة للفشلة ليعلقوا فشلهم على المدرس فقط حسبنا الله ونعم الوكيل

دنيا ماهر دي بتستظرف

ياجماعه انا واحده من الناس كنت هنضرب فى اللجنه من ولية امر علشان جايه تقولى انتى مش بتغششى الواد ليه اصبح الغش حق مكتسب والولد بمنتهى التبجح يقولى اه انتى خدتى منى الورقه وماحلتش وهو اللى قال والله ما هحل زى مايكون عدم حله عقاب ليا علشان مش بغششه ياجماعه لازم شوية شده زى ايامنا كنا بنخاف ونحترم المدرس ونذاكر

عارفين التلامذه بيعملوا ايه فى مدرسينهم من يوم مااتلغى الضرب ؟ أكيد الكل عارف بس احنا بنشجع المياعه والانحلال . الضرب خرّج زويل ونجيب محفوظ والعقاد و........ اما تعليم اليومين دول خرّج تامر حسنى ونجلا وميمى وتوتو . جاتك خيبة قويه يا دينا هانم قصدى يا دودو .( فرفوره )

ربنا يستر على اولادنا ومن الوزير (...) ده بيبص للوزاره من بره انما تعليم حقيقى ينفع اولادنا لا وشكرا على الموضوع

أرى أن تناول هذا الموضوع الهام بهذه الطريقة غير مقبول . كما أرى أن الأستاذة دينا تبالغ جدا جدا فى حكاية الضرب ، ونحن جميعا تعلمنا فى المدارس وكان الضرب مباح ولم يكن المدرسين جلادين ولكن كانوا آباء لنا وكنا نحترمهم ونجلهم .
أما الآن فالطالب يرى أن المدرس يعمل عنده وليس لديه الحق فى تقويمه أو معاقبته .
وعندما يضرب المدس الطالب فإنه أب يربى أبنه فالمدرس ليس جلادا ياأستاذة دينا ، وجميعنا يعاقب ابنائه ويضربهم .

يجب ان يكون المدرس المربى الفاضل والقدوه الصالحة الطيبة التى يقتدى بة ابناءة او تلاميذة ويجب ان يكون هناك ثواب وعقاب (هل يستوى الذين يعلمون والذين لا يعلمون)بالطبع لا يستون اذا زى ما فى ثواب لازم يكون فى عقاب مش شرط الضرب لكن لازم يكون عقاب. وهيبة المدرس لا تاتى من الضرب ولكن تاتى من علمة وحبة لتلاميذة وخوفة عليهم كى يصبحوا اناس ينفعون نفسهم واهلهم ووطنهم.فالتدريس من اشرف المهمن فالرسول علية الصلاة والسلام هو المعلم والقائد وهو الذى علم المسلمون تعاليم دينهم. ومن علمنى حرفا صرت له عبدا من هنا تاتى الهيبة والاحترام والوقار ليس من الضرب ولكن بالعلم الدنيوى والاخروى وفضل كل انسان فى المجتمع.وشكرا

ماذا ننتظر من وزير لا يعرف اسم وزارته ... الحقيقة ان التعليم فى مصر محظوظ جدا ... فإما وزير يلغى الضرب و لا يعطى المدرس اى سلطة للعقاب ... و إما وزير يصرح بالضرب و لا يهتم بما يمكن ان يحدث من توحش المدرسين على الاطفال ... ولا داعى ان اذكركم بالطفل - هذا ان كان واحدا فقط - الذى قتله المدرس من الضرب .... وكأن المهم فى الوزارة هو إلغاء الضرب أو السماح به ... وليس المهم تطوير التعليم ... رائعة هى مشاكساتك يا أستاذه دنيا ... تحياتى .

ya3ne 3awzeen eih men wa7ed aboh kan men aswa2 wazra2 el gahlia sorry el da7'lia fe masr

الموضوع مهم جدا ولكن اضافة بعد كوميدى على الموضوع افقده حلاوته وافقدنى الرغبة فى الحوار