أزمات ورا أزمات.. هنموت على بعضنا!

الغلط على الشعب اللى اتعلم يسكت ومش ينطق ولا يتكلم كل واحد يقول وانا مالى عندى عيال عايز اربيهم . والله العظيم بلدنا فيها خير كتير وممكن كل المشاكل دى تتحل فى ايام مش شهور ولا سنين بس بشرط ( ناس يكون عندها ضمير وتخاف ربنا ) تمسك البلد وتحكمها . اما الاخ نظيف ومجموعه المنظفات اللى معه فى الحكومه دى عقابها هيكون اليم ان شاء الله .

انا عندي راي تاني كل دا مش بايد الحكومه دا احنا السبب فيه لان عدننا كتر جدا ولو احنا رحنا في المدن الجديده البعيده عن القاهره الخدمات هناك هتبقى تمام والزحمة هتقل من القاهره بس احنا نتوزع التوزيعه الصح ونرتب نفسنا وكلو هيبقى تمام

حلو اوي ودمه خفيف بس يا تري هل من مجيب!؟

فعلا شر البلية مايضحك
بس مش حل ان الدرس هو اللى يتغير
ولا تصدق فكرة فعلا
الدرس يتغير عشان لما بيكون مقرر مش بنطبقه يبقى يتغير عشان نطبقه صح.... ولا ايه؟؟
ماهو احنا كده ((( خالف تعرف )))

والله فعلا هم يبكي وهم يضحك بس انت نسيت حاجه كمان الكهرباء الحكومه دايما بتتفاجئ في الصيف ان استهلاك الكهربا بيزيد وكل صيف بنواجه نفس الأزمه الكهربا تتقطع بالساعات ولما تتصل بالأعطال ده اذا حد عبرك ورد اصلا حيقولك اصل الكابل ضرب سبحان الله كل سنه نفس الكابل بيضرب وفي نفس المكان ده غير المتروا اللي مابيعطلش غير في أوقات ذروة ذروة الذروة ولا الميكروباص اللي بيتحكم فينا ويقسم المشوار الواحد على مرتين تلاته علشان يضاعف الأجره والله ما انا عارفه حنقول ايه والا ايه يالا هي الحكومه مش عارفه تعمل ايه بصراحه علشان تقضي على أزمة المواطنين وتتخلص منهم جابتلنا انفلونزا طيور وخنازير صمدنا منعت الأنابيب والناس بتقتل في بعض وبرضه لسه عايشين سمموا الزرع والأكل والشعب عايش لوثوا الميه واحنا مستمرين طيب كتر خيرها حتعمل ايه أكتر من كده ده غير انها رفعت ضغط نص الشعب وجابت سكر للنص التاني بتصريحاتها اللي تشل من تصدير الغاز لإسرائيل وبعدين شوف الجبروت نرجع نستورده تاني من الجزاير والعراق وعجبي ,,,, كفايه كده أحسن ضغطي علي بما فيه الكفايه اه ونسيت حوادث القطرات والعبارات وحوادث الطريق وغيره وغيره الخ ....الخ

ازمة مرور ومدارس ومية وانابيب بس ؟!
احنا بقالنا شهرين يجماعة فى اسكندرية فى ازمة جديدة وهى اركب
معنى اركب "" وهو مصطلح من الشرطة للشعب "" عاطل على باطل اركب
انا كنت قاعد مع مراتى وبناتى الصغيرين فى القلعة وقال اية عايزين يخدونى وانا وهى عشان بيقولو انى كنت ببوسها !!
بزمة دة اسمة كلام ؟
ولا وقفين قدام الجامعة يلمو الشباب الى طالعين من الكلية
والشباب الى طلعين من المدرسة الثانوى وقدام المعاهد التعليمة
احنا فى حاجة لتغير شامل فى النظام ككل مش قصدى انقلاب بس عايز حكمة وعقل الناس مشية فى الشارع فى امان الله سيبونا فى حالنا خارجين نفك عن نفسنا فيها اى دى ؟ ولا حرام يعنى
لو فى ناس مزعلاهم طيب الناس الى فى حلهم سيبوهم فى حالهم
يارب يكون صوتى مسموع

nice article but i want say something why the government care about that and they not feel anything about all you write they have all things and the street be empty when they go to any place and they have water and all thing go to there houses , so why they care about the what happen

على قد ما ضحكت من قلبى على قد مهى حاجه تحزن والله وربنا يرحمنا برحمته وربنا يستر عى عيالنا إللى لسه هيطلعوا

جامد اخر حاجه بس امسك قرارات التربيه والتعليم الجديدة

انحني لك احتراما علي مقالك الرائع بس يا تري مين هيسمعك

موضوع جميل جدا يا استاذ محمود احييك عليه بجد.. فعلا كل ازمة تحصل بنتعامل معاها على انها بتحصل لاول مرة ولاخر مرة فلا ضرورة لاستعداد ولا حتى في التفكير لو لو حصلت الازمة مرة تانية..
وكمان موضوعك لفت انتباهي ان الحكومة بتتعامل مع الازمات اللي الاعلام مركز فيها زيادة يعني لو جريدة ولا برنامج عامل حملة لمحاربة الفقر ولا حملة لمحاسبة الفاسدين ولا مركز على ازمة البوتاجاز ولا جراكن المية تبقى قضية الساعة عند الحكومة ولما الاعلام يبطل يتكلم الامور تهدا مع ان الازمة لسه مستمرة، يبقى كده لازم يبقى عندنا قناة طول الوقت تتكلم عن ازمة الميه في بلد النيل، وقناة تانية كل يوم تتكلم عن ازمة رغيف العيش، وتالتة عن ازمة المرور، ورابعة عن البطالة علشان الحكومة تفتكرهم وتهتم بيهم شوية..