هذه هي مصر، وهذا هو أحد أهم أسباب النكبة التي تعيشها تلك المسكينة التي كانوا يسمّونها أمّ الدنيا، فأصبحت أمّ الكوارث وأمّ الفساد، وأمّ العجز والتردي..
وطن تاه فيه العدل في سراديب البيت المعمور الذي تزاوج فيه المال بالسلطة..
وطن يعاني الصمت العاجز الذي تحوّل بفعل ميراث الأجيال إلى نوع من الخرس المقيت..
وطن مسجون في مساحة كبيرة تحيطه أسلاك شائكة من المحسوبية والسرقة والفساد..
لقد شاهدت صورة ذلك المراكبي الذي تسبّب في موت تسعة أفراد كانوا في نزهة نيلية.. شاب لا يتجاوز عمره بضعة وعشرين عاما.. يقف مذهولا وحوله رجال الشرطة يحيطون به من كل مكان..
هنا، تذكرت على الفور صورة ممدوح إسماعيل، الذي تسببت عبّارته في مقتل أكثر من ألف مواطن مصري، وظل يماطل ويماطل، وظلت القضية تتداولها المحاكم المصرية حتى خرج الرجل من صالة كبار الزوار متوّجاً بتاج كرامة المحسوبية والفساد، ذاهبا ليجلس على أريكة ممدّدة بأحد قصور لندن..
هذا هو عين الفساد.. وهذا هو عين الهلاك لهذا الوطن..
شاب لم يجد عملا سوى أن يقود هذا المركب، أخطأ كما يخطئ الجميع، ولكنه خطأ جسيم، لاحظ أنني لا أجد له تبريرا بل أرسم صورة للحدث.. طمع كما نطمع كلنا في المزيد من الرزق، حمولة زائدة كرّرها قبل ذلك كثيرا ومشيت الدنيا -هكذا فكّر- وربك الستار، ولكن شاءت الأقدار أن تتسرب المياه وتغرق المركب فيموت تسعة أفراد..
أخطأ؟ نعم، عوقب على خطئه؟ نعم، هل في عقابه مبالغة؟ لا أعتقد؛ فهو يعمل في مهنة يكون فيها مسئولا عن حياة بشر.. ما المشكلة إذن؟
المشكلة على الجانب الآخر يا سيدي..
حيث يقف رجل ملياردير تسبب في قتل ما يزيد على ألف مواطن مصري..
ثم لم يلتفّ حوله رجال الشرطة كما تراهم ملتفين حول هذا الشاب المسكين..
رجل كان يدخل النيابة بسطوته وعزّه وحوله المحامون وتسبقه تليفونات أهل السلطة الفاسدة؛ ليحسنوا معاملته ولا يحمّلوه فوق طاقته..
ثم يأتي المشهد على هذا الشاب الذي تسبب في موت تسعة أفراد.. وقد حُكم عليه بالحبس مع الشغل لمدة 10 سنوات..
أما السيد ممدوح إسماعيل فقد وصل إلى لندن ورتّب حياته وعاش أوقاته، وبعدها بكتييييييييير صدر عليه الحكم بالسجن لمدة سبع سنوات مع الشغل..
طبعا كلنا نتذكر أن السيد ممدوح إسماعيل كان عضوا معينا بمجلس الشورى، وقد تأخّر رفع الحصانة عنه، ولم يصدر الحكم وهو على الأراضي المصرية.. مما جعل الكثيرين يتهمون شخصيات ذات نفوذ بتسهيل هروبه هو ونجله إلى لندن.
نظرة واحدة إلى صورة هذا الشاب وحوله الرجال الأشداء من الشرطة وهم يحيطونه ليأخذوه من التخشيبة إلى السجن..
ثم ارجع البصر كرتين ينقلب إليك البصر خاسئا وهو حسير؛ حيث ستشاهد صورة أخرى لرجال الشرطة وهم يحيطون السيد ممدوح إسماعيل كحراس له ليخرجوه من الوطن إلى لندن، محملا بعار الفساد الذي أخرجه من تحت يد العدالة..
فصلاة ربي وسلامه عليك يا سيدي يا رسول الله، يا من حذّرتنا من أن نصل إلى ما وصلت إليه بلادنا من ظلم مهلك فقلت:
"إنما أهلك الذين كانوا قبلكم أنهم كانوا إذا سرق فيهم الشريف -صاحب المكانة العالية- تركوه، وإذا سرق فيهم الضعيف أقاموا عليه الحد"، هذه هي الصورة التي رسمها النبي للفساد المهلك للأمم، فكوِّن معي الصورة التالية:
المركب الغارق وأمامه العبارة الغارقة..
المراكبي الضائع.. وممدوح اسماعيل الهارب..
الشرطة وهي تسوق هذا للسجن.. والشرطة وهي تحرس هذا ليخرج مسافرا إلى لندن..
الشاب في زنزانته يبكي حظه ويسأل الله العون.. وممدوح إسماعيل وهو يسقي الزهور في حديقة الفيلا بلندن مستقبلا نهاره بقراءة أخبار البورصة..
أما مصر.. فكأنها تجلس في وحدتها تبكي حظها العثر، وتشتكي إلى الله من الظالمين ومن المظلومين معا.
انتوا شباب ... قاعدين تبكوا
انتوا شباب ... قاعدين تبكوا علي اللبن المسكوب
مالحراميه قدامكو كتير في الشارع البقال وبتاع الفاكهه واللي اكبر منه واللي بيديله
انتو ساكتين اشربو ومتقولوش لا بلاش كلام فاضي
وكان وكنا
ده يستاهل والتاني ابن .... برده ويستاهل اكتر بس انتو فين
اكبر طموح عندو انكم تاكلو وتشربو وتتجوزو وبس مش صح؟
عملتو ايه لما اللحمه غلت والسكر والزيت وغيره وغيره؟
اكيد منكم ناس اصلا مش حاسه بالغلا ده تصحي علي الفطار اللي جاهز والعيشه المرتاحه البلد دي مفيهاش مكان للفقير الفقرا هينقرضو والغني مصيره ميلاقيش ياكل
محدش قال للبنات يركبوا المركب
محدش قال للبنات يركبوا المركب الصغير كلهم
محدش ضربهم على أيدأهم
والله شافوا المركب فيه ميه ميركبهوش
هو مفيش غير مركب واحد فى النيل كله
وهما قالوا أنا المراكبى قالهم ده سعته كبيره
همه مابيشفوش خالص
وحسبى الله ونعم الوكيل
بصراحة لا توجد اى مقارنة بين
بصراحة لا توجد اى مقارنة بين هذا الملعون الذى كان المركب يغرق امام عينيه تدريجيا.بداية من وجود الماء بين احذية البنات الى ان غطت ارجلهم بالكامل .ثم هروبه من المركب وتركه للبنات دون محاولة منه لانجاد ولو طفلة واحدة منهم .( شهامة مصرى ) وبدن اى مبرر
.كانه كان يقصد الغدر بالفتيات الصغيرات !!!
بالعكس فان عقابه غير رادع بالمرة...
وبين ممدوح اسماعيل الذى لم يكن حتى يقود السفينة بنفسه !!!!
كيف لا توجد
كيف لا توجد مقارنة!!!!!!!!!!!!!!!!
تعددت الأسباب و الموت واحد الأثنان أخطأ وكانا أن يساوا فى العقاب ممدوح الذى تسبب فى مقتل ألف و سبعين روح أصبح برىء لنه لم يقوم بقيادة العبارة و هو الذى تسبب بجشعه و اهمال وسائل الأمان برىء و الذى هرب من محاكمة برىء و الذى تسبب فى مقتل 200 مواطن فى عبارة السلام فى التسعينات برىء و ألمح من كلامك تلميحا عندما تقولين أنه كان يقصد الغدر بالفتيات و ان عقابه عشر سنوات غير رادع و الذى قتل 1070 برىء ألمح من كلامك العنصرية الواضحة فى الحديث و أظن كل الناس و انتى أيضا تعلمين ماذا أقصد
ياعم الله يكرمك مش ناقص وجع
ياعم الله يكرمك مش ناقص وجع قلب... كلامك كله جميل بس مين اللى هيسمع الكلام ده ويعمل بيه... دا ربنا الستار
عزيزى عاطف حسانين
عزيزى عاطف حسانين
نفسى اشكرك...
بس ازاى مش عارف..
اعزك الله
حفظك الله
اعانك الله
تحياتى وقبلاتى!
ــــــــــــــــــــــــــــــــــــ
شكرا أخي الكريم على رسالتك الكريمة ودعواتك الطيبة جعل الله لك نصيبا عظيما منها.. ولك مني كل تقدير وامتنان.. تقبل تحيتي ودمت بكل خير
عاطف حسانين
كلامكم بجد جميل اوي وانا مش
كلامكم بجد جميل اوي وانا مش عارفة اقول ايه بس والله العظيم احنا الشباب مظلومين في البلد دي وبلدنا حاميها حراميها معدش فيها أمان وحكومتنا ظالمة وكل اللي يهمها أصحاب المكانات العالية اما الناس الغلبانة بيدوسوا عليها كمان حصل عندنا في الصعيد في الانتخابات واحد ابن بلدنا كان مرشح وفاز الحكومة بقى خلته يتنازل غصب عنه وعذبوه بالكهرباء لحد ما فقد الوعي عشان يتنازل لواحد تبع الحزب تبع الحكومةيعني ولما الناس قامت وقالت لا بالمظاهرات قالوا علينا كدابين وطبعاً الجرايد كتبت اننا كدابين طبعاً حسبي الله ونعم الوكيل
مقال ممتاز علي فكره الله
مقال ممتاز علي فكره الله يعطيك الف عافيه
اللي سكن في قصور واللي ماشفش
اللي سكن في قصور واللي ماشفش النور
واللي سند عالجبل تحت الصخور اندفن
قولوا ورايا حبيبتي ماتت .... مصر ماتت
عذرا "لمن هرب من عداله الدنيا
عذرا "لمن هرب من عداله الدنيا فلا هروب من عداله الاخره"
مسبتليش حاجه اقولها ياريت لو
مسبتليش حاجه اقولها ياريت لو كلامك دا بس يوصل لل(ملاعيـــن)
ههههههههههههههههههه ممكن اقتل
ههههههههههههههههههه ممكن اقتل 50 بس واطلع رحله 10 ايام باريس ........ على دى حكومه
حرااااااااااااام
حرااااااااااااام حراااااااااام اللى بيحصل فى مصر دة مش لاقى كلام اقوله اكتر من كدة لان فعلا الكيل طغح ليه بلدنا بقت قاسية اوى على اهلها كدة بالله عليكم تمشوا تبصوا فى عيون ووجوه الناس وتتأملوها كويس مش هتلاقوا غير الحزن والكبت والهم والغم.. وليه بيحصل معانا كدة هو حرام علينا نعيش كويس دة حتى القليل مش راضى بينا ومش لاقيينه هو لازم الواحد دلوقتى يبقى واصل وموصول ومنافق ومرتشى ووصولى وحرامى عشان يعرف يعيش فى البلد دى لازم يعنى عيشته تبقى حرام فى حرام هو دة بقى زمن الحرام ولا اي؟؟؟؟ حد فاهم حاجة والنبى لو حد فاهم يفهمنى ويجعلها خربانة مش عمرانة مع الاعتذار لعمنا احمد رجب وميعجعلوش عامر
حسبي الله ونعم الوكيل ولا حول
حسبي الله ونعم الوكيل ولا حول ولا قوة الا بالله
مش كفاية انه قتل 9 وهيقضى
مش كفاية انه قتل 9 وهيقضى يادوب كام سنة سجن؟؟؟؟كمان بتدافع عنه
؟لو كانت منهم اختك ولا بنتك....كان هيبقى ده تعليقك؟؟اتقوا الله شوية.
ومش معنى انهم سابوا ممدوح اسماعيل لانه من اصحاب النفوذ حسب كلامك يبقى الكل يبلطج ويعاند ولا مبلاها امن فى البلد ونبلطج كلنا!!!!
المراكبى اللى بتعتبره مسكين كان هو اللى بيسوق بنفسه اما ممدوح اسماعيل وضعه مختلف تماما ولو كان مكان المراكبى ما فعل نفس الشىء
هذا المراكبى لا يستحق ادميته بالمرة ده اقرب للحيوانات...
مش فاهمة والله واحد زى ممدوح
مش فاهمة والله واحد زى ممدوح اسماعيل ده شوفوا بقى رشى كام واحد لحد ما مشيت أموره والولد ده غلط بس هو بإيدة إية يعمله,, كمان هو لا لقى تعليم ولا اهل تديله كان هايعمل اية يعنى الملايكة اللى ماتت دى لانهم اطفال اغلبيتهم ده قدرهم والولد ليه ذنب بس العقاب كتير عليه يعنى على مايخرج يلاقى نفسة شارف على سن الاربعين عمل اية بقى فى حياته.. ووالله والله كنت فى محكمة وولد زى القمر سنة 19 سنة مسكة امين شرطة بيشرب سيجارة بانجو واتعملت لة اتجار واخد 20 سنة بقى يلطم ويقول عملت كام عشرين سنة فى حياتى . ربنا موجود وهو اللى هاياخد حق الناس الغلابة الممصوص دمها دى
تسلم ايدك والله هو دة حالنا
تسلم ايدك والله هو دة حالنا حسبي الله ونعم الوكيل . الناس دي اية مفيش خوف من ربنا ابدا بس ان شاء الله في يوم معلوم كل واحد هيا خد فية حقة
لا يغير الله ما بقوم حتى
لا يغير الله ما بقوم حتى يغيرو ما بأنفسهم
هي دي مصر حسبى الله ونعم
هي دي مصر حسبى الله ونعم الوكيل على كل ظالم
ده كلام من الآخر بجد بجد إنت
ده كلام من الآخر بجد بجد إنت بتجيب من الآخر الله ينور عليك
بس ممكن تقولنا إيه الحل نعمل إيه؟
إِنَّ اللَّهَ لا يُغَيِّرُ
إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ
حسبي الله ونعم الوكيل...
حسبي الله ونعم الوكيل... اللهم أهلك الظالمين بالظالمين وأخرجنا منهم سالمين.. آمين
فعلا أول صورة جت في بالي
فعلا أول صورة جت في بالي ممدوح إسماعيل
سرعه قياسية لاصدار الحكم الخاص بالمراكبي
و ممدوح إسماعيل.. حِلّني
إن شاء الله ممدوح إسماعيل
إن شاء الله ممدوح إسماعيل هياخد جزاءه فى الآخره وأخرته فى الدنيا دى هتبقى طين....
بصوا أنا قعدت أكتب فى تعليق
بصوا أنا قعدت أكتب فى تعليق كله هجوم و دعا و حسبى الله ونعم الوكيل طبعا نتيجة الاستفزاز لكن بعدها سألت نفسى طب و بعدين,ايه اللى هيتغير بعد ماطلع شحنة الغضب دى,كلكم عارفين الإجابة,فبكل بساطة مسحته.
الفساد بقى أكبر مننا كلنا.أكبر منى و من الكاتب ومن الناس كلها.معتقدش ان الفساد ده جاى من فراغ أو زرع شيطانى صحينا الصبح لقيناه,أكيد كلنا مشاركين فيه بصورة أو بأخرى لكن مش حاسين أو مش عايزين نحس.
أصله مستحيل فساد بالحجم ده يبقى بسبب 100 أو حتى مليون فرد فى البلد مينفعش.لو مليون فاسدين المفروض ان قصادهم 79 مليون هيحاربوه ومحدش يقوللى اصلهم فى ايديهم السلطة و القوة,القوة دى احنا اللى ادينهالهم متولدوش بيها.بس احنا سكتنا عليهم وكانت لازم تبقى دى النتيجة.
فيه مقولة لمارتن لوثر كينج بتقول (ليست المصيبة فى ظلم الأشرار ولكن المصيبة فى صمت الأخيار).
بعد ماتقروا المقال ياريت كل واحد يقعد مع نفسه يشوف هو عمل ايه غلط النهاردة,والأهم يشوف هو سكت عن كام غلط شافه النهاردة.
صدق رسول الله(صلى الله عليه وسلم) عندما قال:{من رأى منكم منكرا فليغيره بيده،فإن لم يستطع فبلسانه،فإن لم يستطع فبقلبه،وذلك أضعف الإيمان} وللأسف كلنا اختارنا الأضعف لأنه الأسهل.
ربنا يستر من اللي جاي...
ربنا يستر من اللي جاي... الصورة الواضحة لحد دلوقتي وأنا في قمة التفاؤل والأمل إنه من سيئ إلى أسوأ
الله... كلام جميل وكويس جدا
الله... كلام جميل وكويس جدا وبيعكس حال ام الدنيا التي ملأها الفساد في كل شيء وضاع الضمير.. والذمه اصبحت تشتري وتباع بارخص الاثمان وفعلا ضيعوا مصر بلدي وحبيبتي ام الدنيا
ليتغمد الله بلادنا بلمسة عدله
ليتغمد الله بلادنا بلمسة عدله ورحمته
لا حول ولا قوة إلا
لا حول ولا قوة إلا بالله
سبحانك ربى إنى كنت من الظالمين
