آه يا بلد مواسيرها ضاربة!

انا بس اموت واعرف ازاي حصل زيادة في استخدام الكهربا دي الناس كلها بتقفل ع طول الانوار والاجهزة وكل حاجة كهربائية بسبب الفواتير العملاقة الي بتيجي كل شهر وبعد دة كلة في زيادة في استعمال الكهربا وعايزين يعملوا ترشيد وبيقطعوا النور
شئ جميل فعلا .

مصر اصبحت مثل الرجل الكبير فى السن المريض كل يوم يزداد مرضه الى ان يموت يوم من الايام

بجد بجد بجد حكومة تضحك تؤؤؤؤؤؤؤؤؤؤؤ دى تفطص من الضحك

اولا اشكرك على الاسلوب البسيط اللى بتتكلم بيه وثانيا انا اشاركك الراي فى كل نقطة تطرقت لها ولكن السؤال هو؟ اين الحل ؟ وعند من؟ انت وضعت يدك على المتسببين فى الوصول بنا الى هذه المرحلة الت ارها من وجهة نظري انها اسوء حالة وصلت بها مصر منذ فترة طويلة واسوء مرحلة وصل بها المواطن المصري بكل اعماره (الرجل المسن وتعسره فى الحصول على معاشه ولا الرجل الذي يعول وليس قادر على سداد التزاماته تجاه عائلته ولا الشاب الذى يريد ان يعف نفسه وليس قادر على تحقيق ذلك ولا الاطفال الذين فقدوا اوقات اللعب واللهو من كثرة الواجبات والدروس المثقلة عليهم ولا ولا ولا ...) وانت عارف الباقي ولكن الى متى سنظل هكذا ألن يأتى اليوم لكى يحاسب المسؤولين على ما فعلوه بنا ألن يأتى يوما يرتفع الظلم عنا ومتى يفيق المسئول الاكبر ويشعر بحقوقنا التى تنتزع منا ولكن راي ليس المسئول فقط عليه ان يحاسب ونحن ايضا يجب ان نحاسب انفسنا على ما فعلنا بانفسناووصنا الى هذا الحد .... وشكرا

واللهى عندك حق يابرنس
بس حد يقولى نعمل أيه أزاى نقدر نغير الواقع ونقدر نعيش حياتنا اللى أحنا نختارها مش اللى هما يختاروهلنا
ياريت حد يقولى

(الباشمهندس) نظيف بتعامل مع مشكلت مصر وكأنها ويندوز لما يهنج أسهل شيء عمله هو إغلاق الجهاز وفتحه مرة أخرى ، بدون محاولة إتعاب نفسه بالبحث عن المشكلة فين ومحاولة حلها بشكل قاطع.

ينصر دينك يا أستاذ خليييييييييييييفة

لا يا عم محمود... أمي طبعا, ويلعن أم جوز امي ده اللي كابس على نفسنا... الله ينتقم منه

والله انتم بتفخوا فى قربه مقطوعه مهما قولتم او عدتم مش هيحصل حاجه
انا بيتهالى لو الشعب المصري صحى يوم من غير ميكون فى مشاكل بيتهالى ان يبقي القيامه قامت فى الوقت ده

عليا النعمة انت راجل محترم وكلامك مفيش اصح منه ..
بس هى المشكله ..مين يسمع يا صاحبى ؟؟؟؟
احنا هنا بنّادى فى مالطة ,,تقولى يمكن مالطة فيها ناس ,,
اقولك يبقى احنا بننادى فى الفضاء الخارجى حيث لا صوت ينتقل
.....
قولى انت واكيد انت جربت طبعا ..شعورك و انت بتفطر فى الظلام الدااامس ..شوية والماء يحصل النور وينقطع هو كمان ..
راحت التراويح يا معلم ,,,
قولى لما ابويا يبقى ضغطه داخل على 200 وهو لا عارف ينام ولا يصحى ولا يصلى ولا ... ولا ... ولا ...
قولى ..فى وزير واحد يوحد ربنا ممكن تنقطع عنه المية ولا النور ولو ل 5 دقايق من غير ما الدنيا تقوم على حيلها ويقلب عاليها واطيها ؟؟
احنا ايه اللى رّخصنا اوى كدة ؟؟
صبرنا يا رب على ما ابتليتنا به ..
ولا تؤاخذنا بما فعل السفهاء منا..

الحكومه طبعا ياسيدى الفاضل انت بتكلم مين الناس نايمه والله ماحد هيفوق انت عارف الفساد اللى احنا فيه ده بسببين احنا والحكومه الحكومه بتبوظ عشان محدش يمسك ورها ولو حد مسك نقول ولايوم من ايام الحزب الوطنى كهربا ومياه واسعار نار وغاز مش مضمون وسدودو هتتعمل تحت كلها امور مش بتبشر بالخير انا مش عارف لوحد تانى مسك هيقدر يصلح كل ده ازى اكيد هما معاهم المفتاح لو متصلحتش الفتره اللى جايه صدقنى مصر هتضيع وممكن تبقى عراق تانيه الهرم باظ مبقاش فى 3 طبقات بقى فى فقير اوووووووووووووووووووووووووووووووووووووووووى وغنى اووووووووووىىىىىىىىىىىىىىىىىىىىىىىىىىىىىىىىىىىىىىىىىىىىىىىىى وده غلط هيحصل حاجات مش كويسه ربنا يفك كربك يامصر ويهدى المسلمين اجمعين يارب

و الله الواحد بيتقهر لما بيقرا الكلام ده لانه بيدوس على الجرح انا واحدة من الناس اللى بتتاثر بكل العوامل دى مع بعض و مش حتصدقوا ان مفيش دلوقتى معايا فى البيت الا 16 جنيه و نصف مع انى اعتبر من الطبقة المتوسطة يعنى مش فقيرة امال الفقرا و الغلابة بيعملوا ايه دلوقتى و قطع المياه و الكهرباء ده حدث و لا حرج و الحمد لله انا من ساعة ما اتجوزت من 3 سنين عرفت معنى الاستحمام بالكوز فى عز الشتا و عدم توفر مياه الشرب فى عز الحر و مصر مظلومة يا ناس زى ما احنا مظلومين لو ينفع احنا ناخد البلد و نطفش من الناس دى يقعدوا فى العدم يبقى ده العدل و الله

مقال جامد

يا راجل حرام عليك دي حكومة زي الفل
هو في كده
ده لو أبونا مش هيبقي حنين كده
لألأ انت أكيد متقصدش او كنت بتهزر
عييب اوعي تهزر مع الاسد

جميله المشاكسه دى فعلا مصر محتاجه لترميمات وتقنيات وووووووو تغيرات شامله

السلام عليكم
للاسف الشديد انا محاسب نزلت مصر بعد اربع سنين غربة وللاسف الشديد اللى يجعلنى قلبى يبكى انى نزلت مصر لقيتها اتاخرت فى اخر اربع سنين اتاخرت مية سنة عن اربع سنين فاتوا الحل اه ؟؟؟؟؟؟؟ الحل اه؟؟؟؟؟؟؟؟؟؟؟؟؟؟؟؟؟؟؟ يا ناس البلد خربت باظت انتهت اتباعت البلد بقت رقصات وممثلات وعيال تافهة وبلطجية ماشيين فى الشارع. اه الحل ؟؟؟؟؟؟؟؟؟؟؟؟؟؟؟؟؟ مافيش حاجة شغالة فى البلد مافيش حاجة قابلة للاستعمال مصر مصر بلد نهر النيل اقعد فيها يومين مهعرفش استحمى لغاية لما اجيب مية معدنية استحمى بيها يا بلد اتبلت بحكومة المسخرة والضحك على الدقون مش عارف اقولكم اه وضع البلد بقى مصدر سخرية لجميع البلاد العربية اى بلد عربى تقوله انا مصرى يقولك الله يعينكم على حكومتكم المسخرة مافيش عيش ولا انابيب ولا غاز ومية ولا كهرباء كمان اه اللى ناقص اه اللى ناقص عشان تتحركوا يا بشر ولا حول ولا قوة الا بالله

والله الراجل دا بيقول كلام زى الفل,
بس مين يسمع و مين يتكلم ما الشعب برضة زى الحكومة حاطط رأسه فى الرمل,
طيب و بعدين ...............