كل عام وأنتم بألف خير، نهنئكم بحلول شهر رمضان المبارك أعاده الله عليكم بالخير واليُمن والبركات، آثرت أن أهنئكم بهذه "الاسطمبة" الثابتة من التهنئة التي دائماً ما كانت ترددها مذيعة الربط على القناة الأولى قبل الإفطار، وذلك في محاولة يائسة مني لإعادتكم مرة أخرى للأجواء الرمضانية التي ذهبت ولم تعُدْ، وفي مقولة أخرى أكثر تشاؤماً، ذهبت ولن تعود.
وبما أننا في بداية الشهر الكريم، وعايزين نبتدي على نظافة، ونكمل على المنوال ذاته، ولأن مسبّبات كسر الصيام في مصر أكثر بكثير من وسائل الحفاظ عليه، فإليك "مانيوال" سريع بالطرق المثلى للوصول لصيام سليم من بداية النهار وحتى آخره.
في كثير من الأحيان يكون لدى بعض السيدات شيء ما أسميه أنا هَوَس التحرّش فتتعامل مع أي رجل وكأنه ذئب بشري
مترو الأنفاق
مترو الأنفاق واحد من الأماكن الواجب عليك أن ترفع فيها من درجة استعدادك للدفاع عن صيامك بمجرد اقترابك من بواباته الحديدية، وإذا حدث وأطلقت ماكينة الدخول صافرة الإنذار اعتراضاً على تذكرتك التي اشتريتها لتوّك، فلا تحاول مجرد المحاولة أن تُزعج موظف الأمن المسئول عن مراقبة هذه الماكينات، وتستهلك من مجهوده وتجعله يبرح مكانه حتى يأتي ليتفضل على جلالتك بالمساعدة؛ فإما يصوم يا إما يساعدك!.. على أية حال اكتفِ بالنظر إليه وسيكتفي هو بالنظر إليك نظرة مفادها أن تعبر من الماكينة الأخيرة حيث لا صفافير ولا زمامير.
المعركة الكبرى والجهاد الأكبر للدفاع عن الصيام يكون -بحقٍ- داخل المترو نفسه؛ حيث التلاحم البشري الحميمي غير العادي، حيث يتشارك المواطنون في حبّات عرقهم المتساقطة وروائحهم المنبعثة من قمصان وبلوزات اعتصرها الحر اعتصاراً.. وعليه؛ إياكَ أن تفكر مجرد التفكير وأنت بالداخل أن تتأفف من أي شخص قرّر من تلقاء نفسه أن يجعلك تستكشف العالم السري الخفي أسفل إبطه، ووضَع رأسك كما هي داخل فتحة قميصه المؤدّية لسرداب إبطه.. تحمّل وأنت ساكت وإلا يبقى عملت بالضبط ما يريده.. تقول لي وما الذي يريده؟ أقول لك الخناق يا صديقي العزيز.. سوف يشرع في الخناق معك بكل ما يملك من طاقة تبقّت له من سحور إمبارح، وسوف يصبّ عليك جام غضبه ولَعَنَاته من الحر والزحام والعطش والجوع والناس التي لا تقدّر مجهوده العظيم في تحمّل الصيام في هذا الحر؛ برغم أنه -ويا للعجب- هناك أشخاص في العالم ذاته يصومون مثله، وبالطبع لن تتوقف أمامه مكتوف اليدين، بل ستردّ عليه الصاع صاعين والشتيمة شتيمتين.. وسلم لي على الصيام.
سائقو الميكروباصات
هذا الاختبار هو الآخر أحد أكثر الاختبارات صعوبة بالنسبة لك في بداية اليوم، ألا وهو سائقو الميكروباصات، وحتى تتفادى أن تشتبك معهم في صدام يتطور إلى تشابك لفظي أو يدوي - بالتأكيد ستكون أنت الخاسر فيه في كل الحالات- وبالتالي ففي حال وجدته يسير بسرعة 120 في طريق لا يساعد على هذه السرعة على الإطلاق، أو وجدته مثلاً يترك الطريق المسفلت ليسير في طريق آخر متعرج وتزينه المطبات، متخيلاً نفسه سائقاً لسيارة لاند كروزر، أو حتى وجدته يرفع من صوت التسجيل لدرجة تصيبك أحياناً بالصمم المؤقت؛ فحاول "إنك تعمل من بنها" وتتجاهل ما يفعل، وإياك أن تسأله عما يفعل، أو غيرها من المداخلات التي تثير غضبه من نوعية "على مهلك شوية يا اسطى" أو "وطّي التسجيل حرام عليك"... إلخ؛ لأنك ساعتها ستكون قد ظلمت السيدة الوالدة والسيد الوالد لما سيلحق بهما من شتائم مش ظريفة بالمرة.
غرفة مكيّفة بالتراب و"الكتمة" ومقاعد بالية، ومروحة مكتئبة تنعي حال الموظفين البائسين، ورجل غارق في عرقه، الذي تزحلقت فوقه النظارة الطبيّة واستقرت في طرف أنفه
الستات
في كثير من الأحيان يكون لدى بعض السيدات شيء ما أسميه أنا هَوَس التحرّش أو كما أسميه بالإنجليزية أيضاً harrassephopia فتتعامل مع أي رجل وكأنه ذئب بشري، وبالتالي لو حدث وصادف أن جلست بجوار سيدة ما بالميكروباص أو المترو، حاول على أن تحافظ على مسافة بينك وبينها لا تقل عن شبر ونصف حتى لو تطلّب الأمر أن تشاركها في ربع الكرسي فقط وليس نصفه، وإذا لم تفعل سوف تبدأ في سماع همهمات من نوعية: (أوووف، يااارب، هووووف، ممكن تبعد شوية، لو سمحت حاسب الجيبة، يا ستي إنتي لابسة بنطلون، بس ما تغيّرش الموضوع) ولو حدث وبدأ الشجار -وهو أمر غير مستحب- لأنه في النهاية قد أوصانا رسولنا الكريم "رفقاً بالقوارير"، سوف تجد أنك المخطئ، وسيجامل على حسابك الجميع، وستدخل في شجار مع الجميع ستفقد فيه صيامك غالباً.
الموظفون
أكبر مشكلة صيامية يمكن أن تقع فيها هو أن تضطر إلى قضاء مصلحة حكومية ما في شهر رمضان.. بالفعل لقد وقعت في شر أعمالك، ولنرَ سوياً ما يحدث عادة هناك..
غرفة مكيّفة بالتراب و"الكتمة" ومقاعد بالية، ومروحة مكتئبة تنعي حال الموظفين البائسين، ورجل غارق في عرقه، الذي تزحلقت فوقه النظارة الطبيّة واستقرت في طرف أنفه، وإن لم تستقر وحدها بل استقرت معها روحه لينطبق عليه القول المأثور "روحه في مناخيره"، ويا سلام لو كان الموظف بالأساس هو شخص مدخن؛ فأياً كان ما تطلبه منه ستكون الإجابة -بعد النفخ والتأفف- بكرة، وإذا أخبرته بأنك أتيت أمس وأن بكرة أصبح اليوم سوف يطلب منك طلبات تجعلك تنصرف وتأتي بكرة برضه، وإذا انفعلت عليه في الحديث يبقى وقعت في شر أعمالك، وقتها سوف يتطاول عليك بكل الأشكال التي تتخيلها أو لا تتخيلها، هو ومعه الموظفون الصائمون المدخّنون من أمثاله، وسيفرغ كل منهم غضبه فيك وفي شخصك، ولو حاولت إبداء أي ردّ فعل، فلترسل لي رسالة على موبايلي وقتها باسم القِسْم الذي تمّ حجزك فيه بتهمة التعدّي على موظف عام أثناء تأدية عمله.
آه نسيت أقول لك رمضان كريم
كل عام والامة الاسلامية بخير
كل عام والامة الاسلامية بخير وبركات بمناسبة حلول شهر رمضان شهر الرحمة والغفران والعتق من النيران اللهم إجعلنا من صوامه وقوامه وأعنا على ختم كتابك يأرحم الراحمين"
بجد عندك حق ميرسى كتيرر على
بجد عندك حق ميرسى كتيرر على المقال الحلو دة
رمضان كريم وكل سنه وانتو
رمضان كريم وكل سنه وانتو طيببن ياغاليييييييييييييييييييييييين
اه طبعا فوبيا التحرش انا مره
اه طبعا
فوبيا التحرش
انا مره خبطت بكعب جزمتي عن غير قصد ف ميني باص مدجج بالناس
ف كعب رجل ست كانت واقفه ياعيني ف وسط علبه المربي دي
وسمعت من المنقي يا خيار لدرجه ان الميني باص كله منزلش عينه من عليا لحد مانزلت بعد ساعه .. وابل من السهام اخترق جسدي من نظرات كل من راكب ولو تيسر الامر كانو هيفرسوني ككبش فدا و كوسيله لاخراج كل اشلحنات الملتهبه بداخلهم من كبت واحباط وخلافه
فعلا دا الروتين اليومي
فعلا دا الروتين اليومي الطبيعي للمصريين ف رمضان كمية خناقات غير طبيعية بالمرة انت لو ماشي ف شارع طويل شوية هاتلاقي كل متر فيه حناقة ايان كان ايه الوقت مادام قبل الفطار بدرجة تخليك تكره تنزل الشارع من كتر الخناقات والالفاظ اللي هاتسمعها غصبن عنك
وبعد الفطار بقي خلاص تحس ان دا شهر تاني خالص كل واحد ماشي ف ايده 5 سجاير والمقاهي والكافيتريات شغالة ع الاخر ومسلسلات كمان ومناظر ماتنفعش ف الايام العادية ولازم يعدي عليها مقص الرقيب
بجد مش عارفة دا رمضان مصري واللا كل الدول العربية والاسلامية بقت كده
ربنا يستر
اه صحيح رمضان كريم
thanks a lot 3ala el makal
thanks a lot 3ala el makal enta begad lazem neshoflak a3mal akter, tari2tak betmawet men el da7k, thanks again and best wishes
بجد اكثر من رائع اسلوبك زي
بجد اكثر من رائع اسلوبك زي العسل ربنا يوفقك وكل سنة وانت طيب
جامدة...........موتنى من
جامدة...........موتنى من الضحك فى الجزئية دى "لو سمحت حاسب الجيبة، يا ستي إنتي لابسة بنطلون،" ههههههههههه
مقال دمه خفيف بس في حاجات اهم
مقال دمه خفيف بس في حاجات اهم بتفسد الصيام وانا داخلة اقرأ توقعت اشوف حاجات اهم من كدا ربنا يحمينا ويعافينا ويقوى ايماننا
استاذ واللة وشاعر كمان انت
استاذ واللة وشاعر كمان انت جبت الكلام الجميل دة منين بس ياريت الناس كلها تنفذة وشكرررررررررررررررررررا وكل عام وانتم بخير
يجب أن تكتب لفظ الجلالة بهذا
يجب أن تكتب لفظ الجلالة بهذا الشكل "الله" بالهاء وليس"اللة" بالتاء المربوطة لأنها تعنى الات
والله الراجل ده بيقول كلام زي
والله الراجل ده بيقول كلام زي الفل
كل سنة وانت جميعا بكل
كل سنة وانت جميعا بكل خير
احيك بشده على المقال الرائع
ولكنك نسيت تكمل لنا البقية (( التعامل في المواقف التاليه ))
طابور العيش
الجزار
السوق
السوبر ماركت ((مش بقالة علشان مش نبقى متخلفين اسمها سوبر ماركت))
الطرق والشوارع ( لمن يمتلك سيارة او ينتقل كثيرا بالمواصلات )
فاتورة الكهرباء وانقطاع التيار في وقت الذروة خصوصا وقت الافطار(( وطبعا وزير الكهرابء معندوش اي حلول تانية غير قطع الكهرباء ))
ال الخ الخ الخ
ونسيت اهم شيء في الموضوع
(((( ولو حاولت إبداء أي ردّ فعل، فلترسل لي رسالة على موبايلي وقتها باسم القِسْم الذي تمّ حجزك فيه بتهمة التعدّي على موظف عام أثناء تأدية عمله.)))))
فين رقم تليفونك علشان نبعتلك عليه تيجي تلحقنا في القسم وتجيبلنا عيش وحلاوة والا انت تدبسنا في الموضوع وتخلع منه
مقال رائع
شاكرين مجهوداتك
تحيا مصر والمصالح الحكومية
تحيا مصر والمصالح الحكومية اكبر اختبار وربنا يصبرنا
يعني فعلا دمك مش خفيف
يعني فعلا دمك مش خفيف بالمرة
يعني ايه تعمل نفسك من بنها انا شايفة ان ده نوع م الاستظراف الزيادة شوية انت عارف اصلا بنها دي فين وتاريخهاايه وناسها ازاي وهي مدينة والا قرية من الاساس اعتقد من الذوق انك تحذف الجملة دي وانت وذوقك باه وخصوصا ان بنها دي اقرب مدينة مصرية ف المسافة من العاصمة القاهرة يعني ماهياش في مجاهل افريقيا كمان دي عاصمة محافظة القليوبية اللي جزء كبير منها داخل ضمن القاهرة الكبري مع القاهرة والجيزة كمان بالنسبة لفوبيا التحرش حضرتك كنوع من الاستظراف بتقول انك تبعد عنها شبر ونص اعتقد انه من الدين ومن الاخلاق ومن الذوق انك فعلا تحافظ ع مسافة بينك وبين اي فتاة معلش خليها عليك وابقي اعتبرها زي اختك او بنتك متهيالي هتبقي مش مبسوط لو لقيت حد لازق جنبها ف المواصلات حتي لو كانت سليمة ومعافاه تماما من فوبيا التحرش والافترا ع الرجال الغلابة المؤدبين
بالنسبة باه للمصلحة الحكومية اعتقد ان سيادتك بس متأثر بالافلام القديمة شوية يعني ياريت الناس تبعد شوية عن القولبة والافكار المسبقة اكيد هترتاح اكتر
اه نسيت تضيف للمانيوال تبعك:
بص وطل المقال ده بالذات
يعني لو كان الصايم من بنها وانثي (طبيعية والله من غير فوبيا ولا حاجة )وموظف حكومة زيي كده وقرا المقال ده ياريت يحاول يمسك اعصابه
يالا رمضان كريم
تحياتي لك استاذ عمرو وكل سنه
تحياتي لك استاذ عمرو وكل سنه وحضرتك بالف خير والامه الاسلاميه كلها يارب ويعود الايام دي عليكو بالخير
بس كلامك جامد وجارح اوي علي الستات في كتير محترمين وانا مش بشوف الكلام ده خالص في ثقه وكل الرجال في المقام الاول والاخير اخواتنا في الاسلام وابائنا
hhhhhhhhhhhhhhhh l2 gmda dy
hhhhhhhhhhhhhhhh l2 gmda dy :D
كل رمضان و انت بخير و ربك راض
كل رمضان و انت بخير و ربك راض عنك يا استاذ عمرو
وبالنسبة لكله حصرى على
وبالنسبة لكله حصرى على التلفزيون المصرى عادى .؟؟ ولا نتفرج على مذكرات سيئة السمعة واحنا مطمنين ؟؟؟
مقال جامد جدااااا بصراحة
ههههههههه بس انا ملاحظ ان
ههههههههه بس انا ملاحظ ان الانسان اللي مش شغال حكومه او امن مترو او سيده ....... هوا اللي بيحصل فيه كل الاشياء اللي مش ظريفه عادتاااا ... يله ربنا يحفظ الجميع
مم المؤقت؛ فحاول "إنك تعمل من
مم المؤقت؛ فحاول "إنك تعمل من بنها" وتتجاهل
ممكن اعرف ليه بالزات من بنها - يعنى من المرج مثلا ولا من اى مكان تانى شكرا على النصائح يا باشا
مقال جامد موت وفي
مقال جامد موت وفي الجووووووووووووون
جامد يا مان
ههههههههههه هم يبكي وهم يضحك
ههههههههههه هم يبكي وهم يضحك ، فعلا والله كل ده بيحصل ارحمنا يارب
بصراحه 40% من الحاجات ديه ف
بصراحه 40% من الحاجات ديه ف مصر
هههههههههههههههههههههههههه وا
هههههههههههههههههههههههههه
والله كلام صح الصح ،، بس بأمه دمك خفيف جداً ،، تسلم والله
