منى الشاذلي والريموت كنترول

اتفق جدا جدا
"تابع ببساطة حركات عينَيْ منى الشاذلي وهي تتحدث عن موضوع ذي طبيعة أمنية أو منطقة شائكة سياسيا وسيقع في قلبك ما أقول لك.. فالمذيعة القوية تبالغ في الحذر والتوجّس والمبالغة في التنصل إلى حد الإنكار في مواقف معينة ذات طبيعة خاصة."
أكثر من صحيح .. وكنت اعتقد دائما انها خوافة جدا و تدعى الاشجاعة فى طرح االموضوعات لكنها تتنصل بسرعة و تتبنى رأى الحكومة فى كل الامور الشائكة "و ليس فى كل الامور حتى لا تفقد جماهيريتها طبعا"
عموما مقال رائءع و صحيح 100%

بعد ان رأيت حلقه منى الشاذلى مع مرشد الاخوان فان مقتنع تماما برأيك

فى اول مشاركة لى بالرد ..اختلف معك تماما فمنى الشاذلى من افضل الأعلاميين وهذا ليس رأى وحدى بل الكثير جدااااااامن المصريين بدليل كما قلت شعبية البرنامج والمتابعة القوية لة اضافة على طرحها موضوعات مختلفة واهتمامات عديدة لكل الفات واعتقد انك متحامل عليها وتبحث لها عن اخطاء ولكن لم تفلح فى بحثك فحركات عينها كما قلت هى نوع من الأستنكار للأمور وليس تواطئ معها وواضح انك انت المنحاز لجهة معينة والشجرة المثمرة هى التى نحدف عليها الطوب فلا تكن انت هذه الطوبة وابحث عن غيرها لترشقة بمثل هذا لكلام ...عجبى علينا مبيعجبناش حد ابدا لا اللى بيقول الحق ولا اللى ساكت عنه واضعف الايمان ياسيدى بعينها مش بقلبها عشان نشوف .....حرام كدة عليك

انا على عكس هذا المقال ومش شايف له أى أساس من الصحه المذيعه الامعه منى الشاذلى من أشطر وأمهر المذياعات على الفضائيات ومقالك ده ملوش أساس من الصحه

انا مش بتفق معاك خالص ومقالك ده مالوش اى اساس من الصحه . انا بتابع برنامج منى الشاذلى بانتظام وهى محايده ولا مع معارضه ولا احزاب ولا حكومه ولا حزب وطنى . هى بتعرض موضوع وبتشوف وجهات نظر الاخرين . انت اكيد متحامل على اجمل اعلاميه فى الدنيا كلها وروح قلبى منى الشاذلى .

اتفق جداااااااااااااااا مع المقال وكاتبه لأن ببساطه منى الشاذلي دى مكانها الحقيقي المسرح او السينما لأن هى ممثله كبيييييره وشخصيه ولا ليها اااااى لزمه وواخده شهره وضجه ع الفااااضي والله حرام ناس كتير بتبقي مغموره مع انها احسن منها مليووووووووون مره واسألونى انا طلبة اعلام وعارفه كويس

فعلا بالظبط ومعظم مقدمي برامج التوك شو أو كلهم تقريبا عاملين زي اللي قاعد علي الرصيف وبيوزع اي حاجه في اي حاجه مجرد بينقلوا اخبار بايته وخلاص وبرنامجها لا بيحل ولا بيربط يعني ملهوش لازمة كل الاخبار بايته وتعبانه وبنعرفها قبل ما تتقال

اختلف تماما مع كاتب المقال ومنى الشاذلي من اعلام الاعلام في مصر والوطن العربي وبعدين عبارة الناس بتقول دي حقيقيه لانها بتسأل كل الاسئله ال الناس عايوه تسألها وهو ده الاعلامي الصح والمثقف

اولا انا بكره عمرو اديب ولا احترمه
ثانيا ممكن نقارن الاستاذ محمود سعد والاستاذه منى الشاذلي ببعض لان برامجهم افضل البرامج لكن معتز لاء وبيهبل كتير

طيب يا جماعة حد يقول رايكم ايه في حلقة خالد سعد؟
لو حد عايز يعلق يعلق على نقطة محددة ويقول رايه
في الحلقة ديه هي جابت الحقائق ولا كانت بتجيب راي الحكومة بس

انا بخالفك الراى تماما
منى الشاذلى اكتر مقدم برامج زكى فى مصر
انا بتابعها دايما كل حركتها وكل كلامها
بيفهمنى هى عاوزة تقول ايه
صحيح انها مش بتعبر عن مواقفها بالكلام الصريح
زى الباقى بس بتعبر عنه بمضمون كلامها وحركاتها
وده بعتبره زكاء مهنى
مش لازم اقعد ازعق واهتف واصرح انى ضد الحكومة
بس ممكن من تصرفاتى ونظراتى ومضمون كلامى يوضح موقفى

ارى و هذا راى شخصى ان كل ما تناوله المقال عكس الحقيقة انا لا اشعر ابدا مع منى الشاذلى انها موجهه من قبل الامن او ما شابه

هو مين البرادعى ده
بجد هو انا غايب بقالى كتير ولا ايه

بسم الله الرحمن الرحيم
انا بختلف كل الاختلاف مع المقال اولا مفيش وجه مقارنه بين معتز او محمود سعد او عمر اديب دول هم الحكومه يطلقوهم بالزعيق والمعارضه العاليه لامتصاص هبل الشعب اما مني الشاذلي بعمق مواضيعها وثقافتها العاليه وهدوء مناقشتها وصدق معلوماتها بيتعمل لها الف حساب وتراقب مراقبه شديده لما لها من تاثير علي الطبقه المتعلمه المثقفه فعليا ولكي تستطيع الاستمرار لابد لها من بعض الحتياط والحذر وحتي الحلقتين الذكورين لو اتسمعو صح واتفهموا صح لن تجد بهم ما قلت

طبقا لمتابعتى الشبه دائمه لمعظم برامج اتوك شو واشهرها
فانى أرى ان منى اشاذلى هى اكتر مذيعه محترفه ومثقفه وتحترم مهنيه الاعلام وصاحبه اجرأبرنامج توك شو.
اما اللى بتتكلموا عليهم وبتحبوهم زى
محمود سعد فهو اقل واح فى الحرفيه والمهنيه بس هو بسيط جدا والناس بتحبه عشان كده.
وعمرو اديب بتاع الموز وفله شمعه منوره اكتر واحد بتاع الحكومه.
وللاسف انا شايف تحامل من صاحب المقال على منى الشاذلى ومفيش اى موضوعيه.
وشكرا

اختلف تماما مع المقال ده ... انا من متابعين العاشرة مساءاو مبشفش خالص اى مجاملات او انحراف عن الحياد زى متقال ... بدليل مثلا لما عملت مناظرة بين مرشحى حزب الوفد كانت فى كامل الحيادية و جاملتش حد على حساب التانى لأنه تبع الدولة مثلا ده غير تقارير كتيرة بتهاجم فيها الدولة بمفاسدها ... و بعدين انا شايف ان المقال ده بيحمل العبء كلو على منى الشاذلى و هى ليست الا جزء من كيان كبير يصنع البرنامج.

مش عارفه حاسه انها حياديه
هى بتاخد بالها طبعا من الجهات الأمنيه لكن مش بتسايسهم و لا تجاملهم

ana gheer mwafek 3la haza el makal 3la el etlak!!!

بصراحة مابحبهاش لا هي و لا شعبان عبد الرحيم .. الإتنين ماسكين في نغمة واحدة لحد ما زهقت .. >"<

انا مختلف معاك بصراحة ، لان مني الشاذلي فى حلقة الدكتور البرادعي ، هي قالتلة انا همثل الوجة المعارض ن او وجهة نظر الحزب الوطني ، عشان يبقى فية نوع من التوازن ، لا هي عايزة تبقي مع البرادعي ولا عايزة تبقى ضدة ، ويعدين لو هي خايفة او ن الاجهزة الامنية مكنتش هتجيب الدكتور البرادعي ، وبعدين مهي كانت لازم تمثل الوجة المعرض لية عشان تشوف هو بيفكر ازاي ، وردودة هتبقى عاملة ازاي ، عشان دة مترشح يبقى رئيس للجمهورية مش اى كلام يعني . انا شايف ان مني الشذالي طبيعي انها تخاف من الاجهزة الامنية ، لانها واحدة ست فى الاخر وفي الاول ام لاولاد ، مهياش راجل ممكن يقول كل حاجة وفي الاخر يدخل يتحبس .

الكلام دا ملوش قرائن قوية يا ريت تديني أمثلة كتيييير مش مجرد حلقة واحده او حلقتين ؟؟؟!!!

والاكتر حلقتها مع احمد عز اللي كانت شبه قاطعه الاتصالات فيها هي بالتاكيد متواطئة وانا عن نفسي مش مقتنع بيها

لي رأي آخر

بجد يرفع لك القبعة علي هذا المقال
احييك وبشدة
هذه ليست مجرد مشاكسات بل هي حقائق
واكثر شئ اثار اعجابي قولك بان مني الشاذلي تقدم برنامج علي عكس الاخرين الذين حقا يصنعون برنامج