في مصر لا تكن .. المهم أن تبدو
الآن مرت أعوام منذ كان ابني في الصف السادس الابتدائي، عندما كتبت في جريدة شهيرة مبديًا الذهول والقرف الشديدين من كتاب الكمبيوتر المقرر عليه. قد مرت أعوام أربعة، وابنتي في الصف السادس الآن .. فلابد أن الوزارة تداركت أخطاء الكتاب القاتلة، ولابد أن العلم تطور، ولابد أن كل شيء صار رائعًا.
تعالي يا ابنتي نستذكر هذا الدرس معًا .. هاتي الكتاب ..
هنا بدأت أدرك الحقيقة المرعبة: الكتاب لم يتغير فيه شيء .. حتى لأكاد أسمع الشاويش عطية وهو يتأمل إسماعيل يس في شك، ثم يقول وهو موشك على البكاء: "هو بعينه وغباوته وشكله الغلط !" فقد عرفه عبر الأفلام وأدرك الكارثة القادمة.
الغلاف – ذات الغلاف – عليه عشرة أسماء كأنهم مخترعو الكمبيوتر، أو كأن هذه أول ترجمة أمينة للأوديسة. على الغلاف نكتشف أن الأستاذ (مجدي حنين) هو Sinia inspector وطبعًا Sinia هذه هي Senior كما سمعها الأخ الذي كتب الغلاف فكتبها حرفيًا على طريقة محلات العصير. أما الأستاذة (نادية حجازي) فتعمل Concellar of the minister's
هكذا .. مهنة لا نعرف ما هي، لكنها تخص شيئًا ما للوزير.. هل هي مستشار الوزير ؟.. إذن لماذا تضع حرف الملكية يا أخي ؟ وما هذا الهجاء الغريب لكلمة councilor ؟
إخراج الكتاب بدائي وقبيح جدًا كأنه مخصص ليتلقى أولادنا درسهم الأول في القبح. الأخطاء لا تنتهي .. مثلاً هناك إصرار جهنمي على Row material بدلاً من Raw Material. أي المواد التجديفية لا المواد الخام.
تأمل هذه المعلومة: "الأقمار الصناعية تتجسس على أية أمة. وسائل الاتصال تنقل كل ما تريد من معلومات زائفة عن دولها. يتم التلصص على الأفكار والمعلومات، وليس بوسع أحد منعها. والغرض الرئيس هو الاقتصاد". فهمت حاجة ؟.. أما أمثلة عيوب المعلومات فهي : الإنترنت – الاختراق. هل الإنترنت من عيوب المعلومات ؟.. وهل تتساوى بالاختراق ؟.. مثلاً هل يتساوى البرتقال بسرطان المثانة ؟
مخاطر أجهزة الكمبيوتر عندما تتصل بالنت هي:
1-Dangers that personal computers have when join to the internet.
هل هناك حقًا شيء اسمه when join to ؟... هناك أربعة راجعوا وأربعة قاموا بالترجمة، ولا يمكن أن يخطئوا .. الحل الوحيد هو أنني أحمق. وهم يفاجئونني بتعبير عبقري آخر :
2-Lack of experience when dialing with some programs
طبعًا يريدون قول dealing .. عليك أن تكون عبقريًا طيلة الوقت وتحاول استنتاج ما وقر في صدورهم. ثم هل هذا خطر يتعرض له الكمبيوتر أم هو نقطة ضعف تمهد لهذا الخطر ؟.. لا فارق فالكلام لا معنى له، وليس سرًا أن كل مدرسي الكمبيوتر للصف السادس يبدءون السنة بشتيمة الكتاب قليلاً والدعوة على مؤلفيه، ثم يعلنون:
ـ"دعوكم من هذا السخف، وسوف نكتفي بالنقاط التي ألخصها لكم"
أما عن اتقاء أخطار الإنترنت فله طريقة عبقرية:
Using programs to discover and erase these programs.
أي أننا سوف نستعمل برامج لمسح البرامج ..جميل جدًا. ثم عليك كذلك أن تأخذ الحذر:
Taking care in receiving E-mail messages that contain enclosed.
بس كده .. لم يقل ما هو المغلف .. يعني خذ بالك من البريد الإلكتروني الذي يحوي(....) مغلفة ..
When putting a program on the set from a site on the net.
هذه جملة تامة وليست مقتطعة. عندما تضع برنامجًا على الجهاز من موقع على النت................. تعمل ايه ؟.. ليس من حقك أن تعرف فالجملة انتهت، وأنت مصري لا تستحق أكثر.
زهقت ؟.. تذكر أننا لم نتجاوز صفحة 14 بعد، بينما الكتاب 160 صفحة ..
الآن نعرف ما هي الملكية الفكرية:
Mental property is protection private thinking of the program thing it made.
(الملكية الفكرية هي الحماية التفكير الفردي لشيء البرنامج الذي صنعه)
أي مدرس لغة إنجليزية سوف يسمم أولاده ثم يطلق الرصاص على رأسه لو قرأ هذه الجملة، وهذا الخلط الفاحش في الأفعال والأسماء. وما معنى program thing it made ؟
إضافة جميلة أخرى هي May by بدلاً من Maybe الغبية التي يصر عليها الأجانب.
Internet is join amory many nets and base in most countries
يبدو أن Amory many تعبير عبقري آخر لا أعرفه لأنني رجل طنطاوي.
أعتقد أنهم حذفوا أسماء الفيروسات العجيبة التي كانت في الكتاب القديم. كان هناك فيروس اسمه trwada virus وهي الترجمة الحرفية لاسم (فيروس خيول طروادة).. فالسادة الخبراء لم يعرفوا أن طروادة ينسب لها في الإنجليزية بلفظة تروجان trojan ، وكلمة (تروجان) دخلت العربية ويستعملها الجميع ويعرفها أي طفل يلعب في ناد لألعاب الفيديو، ما عدا أربعة المترجمين الأعزاء الذين يترجمون على طريقة (دو يو سبيك لندن ؟). فقط تخيل أن تنقش هذه الكلمات في صدر الأطفال، ويقف الفتى أمام العالم ليقول (طروادة فيراس) .
هناك من سيقول لي إنها أخطاء غير قاتلة، و(لا تكن متحذلقًا).. الخ. لكن هل تجد هذه الأخطاء بسيطة فعلاً ؟.. إنها كافية لتجعل النص مستحيل الفهم. ثم ما نتيجة هذا الهراء والتفكك على عقول أطفالنا ؟. إنهم يتنفسون تصميمًا فنيًا رديئًا ولغة رديئة ومعلومات رديئة ومنطقًا رديئًا. وأنا أتكلم عن كتاب الكمبيوتر فقط، بينما لم أر الكوارث التي تنتظر في كتب اللغة العربية والتاريخ والعلوم. وكيف تمر أربعة أعوام والكتاب ما زال يحتفظ بذات الأخطاء ؟.
في مصر لا يهم أن تكون بل أن تبدو .. تبدو مصرًا على أن يلحق أولادك بالعصر، وأن يجتازوا الفجوة العلمية، وأن يصير الكمبيوتر في دمهم، لكن ما يحدث فعلاً هو هذا السخف. سبوبة للحصول على بعض المال دون جدية من أي نوع. نفس سياسة سد الخانات التي نعرفها جيدًا. والمهم أن يبدو الأطفال جميلي المنظر وهم يحملون كتب الكمبيوتر، كأننا في اليابان يا اخواتي.
أنت في مصر .. لا تكن .. المهم أن تبدو. والآن خذي الكتاب وابتعدي يا ابنتي .. أعترف بأنني لا أفهم شيئًا على الإطلاق، ولا أستطيع تقديم أي عون لك. لكن المهم أن أبدو لأمك كأنني أساعدك.
السؤال الذي يؤرقني حقيقة
السؤال الذي يؤرقني حقيقة هو،
لماذا يتم تدريس الكتاب بالإنجليزية؟
إذا كان المؤلفين عرب، والطلاب عرب.. ومن والواضح من النتيجة أنه لا علاقة بين معرفة الانجليزية ومعرفة الكمبيونر..
لماذا الإصرار على إهمال اللغة العربية، والتعليم بلغة (شبيه بالإنجليزية، برغم أنها ليست كذلك؟
دكتور أحمد .. اعرف أن هذا
دكتور أحمد .. اعرف أن هذا خارج الموضوع ولكن هذا المكان الوحيد الذي أعرف أنك تقرأه .. أرجو منك أن تكتب شيئا عن النار المستعرة بين المصريين والجزائرين حول مباراة كأس العالم القادمة .. أعلم أنك لست كرويا ولكن صدقني الأمر لم يعد يتعلق بالكرة .. انها حرب مجنونة لا نعلم إلام ستفضي بنا في النهاية .. أرجو أن تكتب شيئا قبل المباراة لتهدئة الأجواء قليلا و تذكير هؤلاء المخابيل من الطرفين اننا نلعب ليس أكثر
It's been translated using
It's been translated using GOOGLE
حضرتك كاتب الكلام ده علي كتاب
حضرتك كاتب الكلام ده علي كتاب الصف السادس الابتدائي
تعالي شوف كتب الحاسبات اللي كتبها الدكاترة "مش المراجع اللي نقلنها وكاتبين عليها اسمائهم" كتب كده مئلفنها من لكتب الانجليزية او كتبنها بالانجليزي بصيغة تانية واتفرج علي اللغة الجميلة والامكانيات الرائعة في الجمل والمصطلحات
أفهم من الكلام ده انك بتزاكر
أفهم من الكلام ده انك بتزاكر لأولادك
و مش بتوديهم دروس خصوصية
هذا خيال ياناس
و الله ما مصدق ها الحكي
تسلم يا دكتور
من زمان وأنا نفسى مصر تبقى
من زمان وأنا نفسى مصر تبقى أحسن بلد فى الدنيا لكن للأسف مفيش فايدة
أنا بدرس في كلية هندسة قسم
أنا بدرس في كلية هندسة قسم حاسبات وعندي Dr دماغه شبة الكتاب دا شوفو لدرجة إيه !! معندوش logic فى الحياة
دخل كلية هندسة ماشي! لكن طلع professor دي ازاي معرفش
أنا رأيى إنك مفهمتش اللى وراء
أنا رأيى إنك مفهمتش اللى وراء الكتاب إيه (بيكوز يو دونت سبيك لندن) !!!
يعني احنا هنمسك ف كتاب
يعني احنا هنمسك ف كتاب الكومبيوتر وننسى الكتاب الجاهلي
الدنيا بحالها بتقول من 2007 تقريبا ان المجموعة الشمسية 11 كوكب وان بلوتو مش من ضمنهم
لسة عيالنا ف الاعدادي بيدرسوا "المجموعة الشمسية بها 9 كواكب ابعدها عن الشمس واصغرها حجما يسمى بلوتو"
ليه لان احنا اللي صح وهما اللي غلط فممكن نبطل نظلم الحكومة
وكمان مش لازم ناخد مناهجنا من المجتمع الدولي احنا ممكن نعتمد على نفسا ونخلينا ف وكالة الفضاء بتاعتنا "المتطورة جدا" عن اي وكالة ف "الكون" مش ف كوكبنا وبس
من يوم ماعرفت التعليم عرفت
من يوم ماعرفت التعليم عرفت انه مفروض علينا بملحقاته اللى هى مشاكله ومنذ ابد الابدين اسمع الجمله المأثوره لابد من اصلاح التعليم وتطويره والنهضه به بس كل سنين دراستى دى ماشفتش حاجه من دى بس املى كبير ان احفادى يكون حظهم احسن ولو على الاقل فى كتب الوزاره وبلاها سياسة التعليم بقى لان من الواضح انها اكبر من استيعابنا وعمرنا ما هنفهمها علشان نطبقها
"بالفكر الجديد مصر هاتتقدم
"بالفكر الجديد مصر هاتتقدم بينا من أجلك أنت"
الأطفال مظلومين جدا ثقافيا و تعليميا في مصر و مادام (...) بتوع الشعارات دول كابسين علينا هنتخلف أكتر و أكتر
أنا مفتقدك دايما يا دكتور
فعلا مقال جميل و رائع كالعادة
فعلا مقال جميل و رائع كالعادة منك يا دكتور ..
أنا لسه فاكرة كتاب 6 ابتدائي ... هههههههه غير انهم بيحطوا الصور للتوضيح .. ده المفروض يعني.. الصور في الكتب المصرية للتعقيد ..
طباعة فاخرة .. انها حقا لفاخرة ..
الانبهار الأكبر سيكون في كتاب الصف الثالث الإعدادي .. أكبر كتاب في المنهج .. ثلاثة أرباعه صور لا ترى تفاصيلها بالعين المجردة .. و لا بإستخدام أي أداة أرضية معروفة .. و عليك أن تتأقلم وحدك على حقيقة أن تلك المادة ( اللظيظة ) في المجموع عليك أن تداعب ال VisualBasic قليلا .. شيء أشبه بالكابوس .. كتب العلوم نحن معتادين عليها .. حتى ان المعلمين يحفظون موضع الخطأ ..حسبنا الله
والله حاجة تكسف انا فاكر كتاب
والله حاجة تكسف
انا فاكر كتاب الحاسب الالى دا من وانا فى ابتدائى واعدادى
وكان المدرسين اللى بيشرحوا المنهج مدرس اى مادة ومعاه اى مؤهل
اهو يسد فراغ الحصة وخلاص
وكتاب الكمبيوتر مش اخر الكوارث
استنى شوية لغاية كتب الثانوية العامة ونماذج الوزارة اللى كلها اخطاء مطبعية وعلمية وكل انواع الاخطاء
لازم بعد دا كله يبقى فيه طلبة فى اعدادى ومش بيعرفوا يقروا ولا يكتبوا
شكرا يا دكتور على المقال التحفة والاحسن تدخل اولادك مدارس اجنبى
لا بجد ازاى كدة؟ كمان الملكية
لا بجد ازاى كدة؟ كمان الملكية الفكرية بتترجم على انها Intellectual Property مش Mental Property
بجد احنا ايه اللى عمل فينا كدة. عموما على ما أتذكر كان فيه مواد بالكامل مابنفتحهاش ولا بنفتح الكتاب بتاعها زى كتاب الاقتصاد المنزلى والحاسب الالى
مقال أكثر من رائع يادكتور أحمد :-)
وزارة ذكية لحكومة أذكى (جتهم
وزارة ذكية لحكومة أذكى (جتهم خيبة)
حقيقي ما فيش فايدة. أبدا أبدا
حقيقي ما فيش فايدة.
أبدا أبدا أبدا
فعلا مشكلة البلدان
فعلا مشكلة البلدان البيروقراطية هى ان تبدو و حكاية الشخص الللى معاه شهادة وفاة وهو حى اوضح مثال , ان تبدو غنيا بموبيل حديث وليس معك ثمن العشاء, دفتر تحضير الدروس الذى يفتش عليه الموجه أهم من ان يفهم الطلاب الدرس كان عندى مدرس يقضى وقت الحصة ينسق الدفتر باقلام ملونة وصور ستيكر رغم انه لم يكن يشرح اى شىء
انا فاكر لما كنت في ثانوي
انا فاكر لما كنت في ثانوي اللي باخد عنده الدرس كان بيحب يتريق دايما علي كتاب الكيميا بتاعنا و كان مسمية "الكتاب المخرج"..يعني ايه كلما اخراج لما تتكتب علي كتاب؟ و يبقي فيه امم عملت مراجعات و الغلطات باينة اوي كانت حاجه فعلا مستفزة
بجد ضحكت من قلبي يا دكتور
بجد ضحكت من قلبي يا دكتور ..رائع كالعادة
وعجبني اوي فيراااس طروادة ..عليكو شوية تحكماااات ..يا سيدي ما هي الحكومة عاملة فيها بتعلم العيال ...و العيال بتستعبط و عاملة فيها بتفهم
طول عمرك عسل يا دكتور ... :)
طول عمرك عسل يا دكتور ... :)
انت كاتب ودكتور كبير ودى
انت كاتب ودكتور كبير ودى ولادك مدرسه اجنبيه او سافر برة وابعت مقالاتك بالميل
المهم متتهاونش فى حق اولادك انهم يتعلمو صح
وخصوصا لو كنت مقتدر
لان الموضوع لا يحتمل الانتظار او الصبر
رائع يا دكتور بجد وغالبا مفيش
رائع يا دكتور بجد وغالبا مفيش حل، احنا قعدنا 15 سنه انا و اخواتي على التوالي ناخذ موضوع الحاسب الآلي بتاع اعلنت مدرسة اخي احمد على رحلة للحاسب الآلي، احنا 6 اخوات كلنا درسنا نفس الموضوع المستفز وخلصنا تعليم و منعرفش لسه الموضوع شغال ولا لا، الموضوع كان في القراءة بالمناسبة يعني ما يجري على الكومبيوتر يجري على غيره وربنا يرحمنا
من الغريب أن الحمية لا تأخذنا
من الغريب أن الحمية لا تأخذنا بذات الدرجة عند الحديث عن الأخطاء اللغوية باللغة العربية .. أتمنى أن يمر هذا التعليق من الرقابة إلى الدكتور...
الاول يا دكتور احب اقولك انك
الاول يا دكتور احب اقولك انك كنت منور المنصورة النهاردة
والندوة كانت جامدة
والصورة اللي اخدتها مع حضرتك هبروزها واحطها فوق مكتبي
بالنسبة للمقال يا دكتور:
دي حاجة مش جديدة علينا
من وانا في اعدادي - انا كنت في السعودية في الابتدائي - والكتب مليانة بلاوي والله يا دكتور
ولما وصلت للثانوي
مكنتش بذاكر من كتب الوزارة خالص
ولما روحت الكلية برده مذاكرتش من كتب الكلية
ومقضيها مذكرات
لان الكتب اللي جواها كلام جرايد مش مادة علمية
طيب ايه الحل يادكتور ,حضرتك
طيب ايه الحل يادكتور ,حضرتك قلت في روايتك ان العربة بتتجه للهاوية وبتصرخ حد يلحقها ,هي العربة وقعت من الهاوية اساساومحدش لجقها ,هي العربية كان فيها ركاب يادكتور؟,انا طلبت مقال عن الامل فين مقال الامل والنبي مقال الامل ابوس ايدك عايز مقال عن الامل,وفي النهاية احب اقول (مجنون ,وجناني ده عين العقل,العقل ده داء بيعي).
