كشف د. عمرو حمزاوي -أستاذ العلوم السياسية- للمرة الأولى عن تنازله عن جنسيته الألمانية في الأول من أكتوبر الماضي في السفارة الألمانية، قبل تقدّمه للترشح في انتخابات مجلس الشعب المقبلة.
وأوضح حمزاوي: "تنازلت عن جنسيتي الألمانية ليس فقط لأنني أتخوف من معضلات قانونية ولكن لأنني أدرك أنني لو انتخبت للبرلمان بتخصصي ربما إذا ذهبت للجان كلجنة أمن قومي أو لجان بها معلومات حساسة لا يستقيم معها ازدواج الجنسية، كما أنني صمدت طوال هذه الفترة في الدفاع عن حق المواطنين المصريين بالخارج في الترشح".
وأكد أنه لا بد من إدارة النقاش من جديد حول حق المصريين من مزدوجي الجنسية بالخارج في الترشح؛ لأن مصر مجتمع يغادره الكثير من المصريين، ويعود إليه الكثير أيضا من المصريين؛ على حد قوله.
وأعلن حمزاوي تأديته للخدمة العسكرية في القوات البرية من 1988 إلى 1989، بعد تخرجه مباشرة من كلية الاقتصاد والعلوم السياسية.
يأتي هذا في أولى مناظرات برلمان الثورة التي بدأها الإعلامي عمرو الليثي أمس (الأربعاء) بين الناشطة السياسية أسماء محفوظ -أحد مؤسسي حركة شباب 6 إبريل، وبين حمزاوي، وهما منافسان على مقعد الفئات الفردي بمصر الجديدة.
وكانت قد ترددت شائعات حول عدم تأدية حمزاوي للخدمة العسكرية، وكذلك ازدواج جنسيته.
للأخ خالد نجم حضرتك فى دولة
للأخ خالد نجم
حضرتك فى دولة زى المانيا مينفعش تاخد الجنسية غير لما تتنازل عن الجنسية بتاعتك. ومن الامور الطبيعية هناك انك بتتنازل وبعد اسبوعين بترجع تتقدم بطلب لسفارة بلدك عشان ترجع جنسيتك يعنى هوا مستناش لما رجع مصر ولا حاجة
واى واحد فى مكانة لية مصلحة هناك عشان يقعد بكرامتة هايعمل كدة ودا كان بيتعلم هناك يعنى مكنش رايح لأغراض تانية
هو كان وضعه المادى كويس ومع
هو كان وضعه المادى كويس ومع ذلك قبل جنسية غير جنسية بلده اللى مارجعلهاش غير عشان حاجة معينة مع ان تلت اربع المصريين والله لو بيشحتوا ف مصر ماهيتنازلو عن جنسيتها
جاي دلوقتي تاكل من الفتة لما
جاي دلوقتي تاكل من الفتة لما المعزة وقعت كترت سكاكنها كنت فين حضرتك السنين اللي فاتت طبعا كنت بتدافع عن المصريين في المانيا .. اكيد عضوية مجلس الشعب فيها حاجات كتير تخلي امثال عمرو دة يسيبو المانيا ويجوا يموتوا بعض على العضوية
عمرو حمزاوي لا تعليق علي
عمرو حمزاوي لا تعليق علي تصرفاته غير ساعة الانتخابات سواء هو او بنت ...محفوظ
الاخ الغالى شوف ياعمى انا فى
الاخ الغالى شوف ياعمى انا فى اعتقادى ان اى حد بيتنازل عن الجنسيه المصريه لاى سبب كان يبقى مايستحقش يرجعلها تانى. حضرتك بتقول هو تنازل عنها فى ظل ظروف صعبه لواى مصرى جتله جنسيه ولوهنديه هيوافق لالالا ياسيدى الفاضل مش هيوافق الا الانسان اللى ماعنده انتماء انت مش قادر تتصور تخلى انسان عن جنسيته دى مصيبه وجاى يرشح نفسه باى وجه هيرشح نفسه وبعدين ماتعلقش الامر على الظروف لان الظروف دى كانت على الكل مش هوة بس انا مغترب فى السعوديه وكان عندى فرصه اخد جنسيه كنديه وببلاش ورفضت .....
اما بالنسبه للباسبور اللى عامل زى دفتر التموين فده شرف لكل مصرى ده اللى سفرنى وسفرة وسفرك وسفر كل شخص فى ايه بتدافع عنه وبتنتقد فى رمز خروج من البلد البسبور بتاع التموين وبعدين بتقولى شوف ضحى بايه يعنى هيضحى بايه مدام الوضع المادى بتاعه كويس حضرتك بتنتقد نفسك على فكرة يمكن بتدافع عنه لانه صحبك اوتعرفوا بعض وده حقك ولك حريه الحق فى التعبير ولى حريه الحق فى الرد
إلى الأخ شريف يعني فعلاً
إلى الأخ شريف يعني فعلاً أتنازل عن الجنسية المصرية.. ده لو من وجهة نظرك حاجة كويسة من وجهة نظر ناس كتير انا منهم أن دي حاجة عيب دي فراغة عين هو مكانش بيشحت في مصر
شريف طنطاوي دا منطق العبيد
شريف طنطاوي
دا منطق العبيد يعني احمدوا ربنا انه ساب الجنسية الفلة دي عشان يرجع يرضى بالجنسية المصرية دا كلام يا شريف
السيد خالد نجم احب ارد عليك
السيد خالد نجم
احب ارد عليك واقولك ايه ممكن نفهمه من شخصية عمرو حمزاوي
نفهم انه شاب مصري استاع الحصول على جنسية اوربية في وقت لو اي حد في مصر جاتله الجنسية الهندية حايوافق و مش يتنازل عن الجنسية المصرية بس لا ده يرمى الباسبور من البلكونة زي احمد حلمي ما عمل في عسل اسود و انا باقولك الكلام ده من واقع اني اعيش خارج مصر من 2007 مما يدل على وضعة المادي و الاجتماعي الكويس (المانيا ما بتديش الجنسية لاي معزة معدية لازم سين و جيم و تحريات و قلق كبير) و على ثقافته انه يجيد التحدث بالالمانية . انا الحقيقة لسه ماشوفتش المناظرة بس انا نوعا ماه حاسس ان عمرو حمزاوي انسان كويس حايكون شوكة في حلق الحكومة داخل المجلس لانه فاهم قانون و متحدث لبق و هادئ الطباع و كون انه اتنازل عن الجنسية المصرية زي ما حضرتك تفضلت و قولت عشان يحصل على الالمانية و بعد كده تنازل عن جنسية اوربية تفتح لها جميع الدول الباب على مصراعيها من غير فيزة و لا يحزنون و يرجع للبسبور الاخضر الي شبه دفتر التموين و يحتاج فيزة عشان يروح ليبيا ده يوضحلك هو ضحى بايه عشان يكون في مجلس الشعب و ماتقوليش طمعان لانه كما سبق ووضحت وضعه المادي كويس هو و عائلته
الاخ عمرو حمزاوي: من شروط
الاخ عمرو حمزاوي: من شروط الحصول على الجنسية الألمانية التخلي عن اي جنسية اخرى يحملها مقدم طلب الحصول على الجنسية.
نفهم من حضرتك انك تخليت عن الجنسية المصرية علشان تبقى الماني برة و لما رجعت لمصر رجعت الجنسية مرة تانية؟
طيب نفهم من كده ايه عن شخصية حضرتك؟
