حذّر "محمد المرشدي" -رئيس غرفة الصناعات النسيجية- اليوم (الإثنين) من الملابس الصينية؛ لأنها تُصنع من مواد كيميائية ضارة تسبب التهابات جلدية، وأوراماً سرطانية، وتؤدي إلى العقم، مشيراً إلى أن جشع التجار وغياب الرقابة وراء ارتفاع أسعار الملابس في الأسواق.
وقال "المرشدي" في برنامج "صباح الخير يا مصر" إن عدم وجود رقابة على تجار الملابس أدّى إلى ظهور كميات كبيرة من الملابس الصينية المهرّبة التي يدخل في تصنيعها مواد كيميائية رخيصة الثمن، تسبب التهابات جلدية وأوراماً سرطانية وعقماً، مشيراً إلى أنه تم أخذ عيّنات من مختلف محافظات مصر، وبعد تحليلها تبيّن وجود مواد كيميائية خطيرة على صحة الإنسان.
وناشد رئيس الغرفة هيئة المواصفات والجودة بعمل مواصفة جودة للملابس المستوردة لحماية المستهلك، والحفاظ على البيئة من هذه الملوّثات المحظور استخدامها عالمياً، داعياً المستهلك بأن لا ينخدع برخص ثمن الملابس الصينية؛ لأن المنتج المصري مصنّع من خامات أفضل وأكثر أماناً على الصحة.
وأشار إلى أن هناك مغالاة في أسعار الملابس الجاهزة وبخاصة ملابس الأطفال، مؤكّداً أن هناك تبايناً في سعر الملابس بالمصانع وبين سعرها بالأسواق؛ وذلك لأن التجار يرفعون أسعارها وفقاً للموديلات التي عليها إقبال من المستهلكين، وليس تبعاً للخامات المستخدَمة في صنعها.
وأضاف "المرشدي" أن مستوى المستهلك الاجتماعي والمنطقة التي تباع فيها السلعة ومكان المحل التجاري والضرائب تتحكّم في سعر المنتج، كما دعا إلى تعميم صناعة الغزل والنسيج في مصر لتوفير سلعة بسعر يُناسب محدودي الدخل، وبخاصة في ظل الإغراق الذي تشهده الأسواق المصرية للملابس الصينية المهرّبة رخيصة الثمن التي تُهدد الصحة والبيئة.
عن موقع أخبار مصر
ايه الكلام ده أنا بصراحة
ايه الكلام ده أنا بصراحة مصدقة لأن في ناس كتير بقت كثيرة الشكوي من الأمراض الجلدية حقيقي بس لازمالناس كلها تعرف لأن في ناس كتيييير متعرفش حاجة لازم صوتنا يوصل لأعلي مكان لعدم دخول الملابس الضارة في البلد
وحسبي الله ونعم الوكيل
اصلها ناقصه الاورام قليلة هنا
اصلها ناقصه الاورام قليلة هنا هنستوردها كمان
المشكلة ان المسئول هو نفسه
المشكلة ان المسئول هو نفسه الللي اعلن الموضوع ده ... يعني الشعب الغلبان هو اللي هيعرف يوصل صوته للمسئولين اللي زيه .. ولا المفروض رئيس الغرفة ده هو اللي يوصل الكلام ده لللي يعرف يحله
والناس هتعرف بقى الملابس اللي فيها مواد مسرطنة من الملابس اللي مفهاش ازاي .. الشعب هيمشي يدوق الهدوم ولا يمشي بميكرسكوب ... حرام عليكم يا جدعان الواحد مش عارف يلاقيها منين ولا منين ...
ما هو طول ولاد الاغنية ما بيلبسوا حاجات نظيفة .. يبقى طز في الناس الغلابة .. ماهم بياكلوا وبيشربوا مسرطن اساسن
حسبي الله ونعم الوكيل
يا جماعة الكلام ده صح عن
يا جماعة الكلام ده صح عن تجربه.. انا الواد ابني الصغير سنتين ونصف اشتريت له شورت صيني ومن ساعتها والواد مش طايق يلبسه ولا مؤخذه بيقلعه وماشي لنا في الشقة وبيعمل حاجات تانية في البلكونة وبنلحقه اكيد ده بسبب المنتجات الصينية والواد خايف من العقم والسرطان!!!!
اللهم اني صايم
الحمد لله أفتكرت ان الاورام
الحمد لله أفتكرت ان الاورام السرطانية اللى موجودة فى المستشفيات بالملايين من القمح الفاسد او من مياه المجارى اللى بنسقى بها المحاصيل بتاعنا او من النفايات اللى بتدفن تحت سطح الارض وبتلوث المياه الجوفية أو من مياه النيل اللى بنرمى فيه مخلفات المصانع والمجارى وبعدين بنشرب منه أو من مياه الصرف اللى بتترمى فى مياه بحيرة المنزلة او الصرف الصناعى اللى مالى البحيرة أو........................................ الحمد لله انه من الصين والحكومة طلعت برية .....مبروك عليك البراءة يامصر
طب والحل ايه يا مرشدى بيه؟ اى
طب والحل ايه يا مرشدى بيه؟
اى أب بيكون حيران لما ينزل يشترى لبس لأولاده وبيكون عليه انه يختار بين خطرين كلاهما مررررر
الخطر الاول
بضاعه صينى بألون وموديلات واشكال وسعر مناسب...ومضره
والخطر التانى
منتج مصرى.. سعره مبالغ فيه ..مش قادر رب البيت يشتريه..واذا اشتراه..هيشحت باقى الشهر
سؤال بأه اعتراضى.. هو مش فيه برضو وزاره صحه فى البلد؟
هو مش فيه برضو جمارك فى البلد؟
هو مش فيه مراكز بحثيه للكشف عن خطوره المنتج الصينى؟
ولا اقولك...كل سنه وانت طيب
ماهو الحكومه سرطنتنا بالأكل والشرب..ناقص بأه اللبس..عشان نمشى بلابيص..ولا موءاخذه
مش عارفه ليه حاسه الحكايه
مش عارفه ليه حاسه الحكايه متفبركه
عشان الناس تشتري المنتجات المصريه..!!!!
عشان سعرها رخيص عايزين يلغوها
عشان سعرها رخيص عايزين يلغوها
يا ريت تهتموا بجد بالموضوع ده
يا ريت تهتموا بجد بالموضوع ده لان فى مصيبة تانبة مش واخدين بالكم منها فى ملابس صناعة صينى ومكتوب عليها صنع فى مصر لانه بالفعل مصنعينها فى مصر لكن بنفس المواد المؤذية الرخيصة اللى بيستخدموها وبعدين ياما دول كشفت منتجات الصين على انها كلها اذية احنا بس اللى متأخرين فى كشف الاذية لما اتمكنت منا وكل المنتجات صينى صينى صينى ده احنا خايفين نكتشف اننا فى الصين مش فى مصر ولما السوق يكون غرئان لعب اطفال صينى كلها بلاوى وملابس من اقمشة الله اعلم معاملينها بإيه علشان تصلح للإستخدام ومليانة فورمالين وغيره يا ريت تنقذوا الشعب من القرف ده وترحموه من جشع التجار اللى بيسترخصوا وعلى الرغم من كده بيبيعوا الصينى الزبالة ده بالغالى عجيبة والله يعنى مش مكفيهم منتجات مصرية غالية لا يغلوا المنتجات المضروبة المؤذية دى ربنا يرحمنا من الاهمال اللى المفروض يكون فى رقابة على كل ما يصنع فى البلد يا ريت يكون فى رقابة على المنتجات دى الحمد لله ان تم الكشف عن اضرار الملابس دى المهم استئصال كل المنتجات دى من الاسواق
تركنا موضوع الموبيلات الصينى
تركنا موضوع الموبيلات الصينى ومسكنا فى الملابس الصينى
بلا خيبه
بلد مش فالحه غير فى الكلام والتصريحات
حسبي الله ونعم الوكيل مش عارف
حسبي الله ونعم الوكيل
مش عارف ده ذنب مين يعني الشعب مالناس محدودة الدخل هتعمل ايه لما شاب يشتري تي شيرت مثلا ب 25 جنيه صيني وواحد تاني مصري ب 60 جنيه هيشتري ايه يعني الصيني طبعاً . وبعد كده الصناعه المصرية لا منظر ولا شكل وغاليه على الفاضي
بيطلب من المستهلك عدم شراء
بيطلب من المستهلك عدم شراء الملابس الصينيه
طب وهوما سيبنا تدخل البلد ليه ؟؟؟؟؟؟؟
