مصر تدرس استيراد الغاز من العراق وقطر لتلبية احتياجات قطاع الصناعة

أنا مش عارف الأخوة والأخوات زعلانين ومقهورين وحيجلهم الضغط والسكر والكبد والمرارة وكل الأمراض المستوطنه اللى فى الدنيا كلها علشان أيه ما هو اللى بيحصل معروف أنه حيحصل أوامر من ماما إننا نبيع الغاز لإسرائيل برخص التراب وطبعاً منقدرش نقول غير حاضر (لأنهم كاسرين عينا بأيه معرفش؟) وبعدين يحصل عجز فى ميزانية إسرائيل قوم ماما تقول بسيطه الغاز اللى بتستوردوه تصدروه تانى لدوكهما بس بالأسعار العالمية بس يا ماما الموضوع كده حيبقى مفضوح أكتر ما احنا مفضوحين خلاص دوكهما يقولوا أنهم يستوردوه من العراق وقطر ودول بتوعنا ومحدش يقدر يعترض ولا يفتح بقة (برضه كسر عين) وطبعاً فى الآخر محدش يقدر يزعل أمه علشان بر الوالدين والله يحرق دول على دوكهما على دولهما بالغاز اللى بيقولوا عليه.

مسخرة وإهانة نخطت كل الخطوط الحمراء- مش كفاية كل لما واحد من إخوانا العرب بيتكلم ويقول علينا بنصدر غاز لإسرائيل - الواحد بيخرس وما يعرفش يرد ولا يقول حاجة - " وهنقول إيه أصلاً لو هنرد" -- ومش كفاية إن إحنا بعنا الغاز فى صفقة فاشلة تماما ً بالنسبة لأسعار الغاز العالمية -- لالالا ده لازم كمان نزود الطين بلة --- يطلع باب النجار مخلع - مصر نفسها محتاجة غاز- ووزارة الطاثة " ما عرفتش تقدر إحتياجات القطاعات كويس " يا سلالالالالالالالالام - حاجة روعة -- وكأني مصر خلاص بتعشق إسرائيل بتطلع الغاز من إرضها وهي محتاجاه وتدهلوها بسعر رزمي جداً - وهى تستورد بأسعار غالية - حاجة تدعو للإستياء بجد - حسبنا الله ونعم الوكيل

واله العظيم حرام اللى بيحصل فينا عايمين على غاز وندى لاسرائيل ببلاش يموتو به الفلسطبين ونستورد احنا ان لم تستحى فستورد ماشئت وحسبنا الله ونعم الوكيل

احيانا احس ان الحكومه بتاعتنا عندها فقر فى المخ وشلل في التفكير او بيتظاهروا بعدم القدره على التفكير ومحدش عارف دا في مصلحه ميين !

بجد انا مرارتي هتتفقع و هيجيلي الضغط من ام دي حكومة هبلة و غبية.... اسرائيل مالقناش غير اسرائيل نصدرلها الغاز و نبني جدار بنا و بين فلسطين لحسن هما خطر علينا لكن اسرائيل حلوة شطرة ماشية في حالها و بتحبنا اويييييييييييييييييييييييييييييييييييييييييييييييييييييييييييييييييي....
يااااااااااااااااااااااااارب انا هموت ناقصة عمر بسبب الحكومة دي

انالله وانا اليه راجعون

هههههههههههههه يبقي انت اكيد اكيد في مصر لما تصدر الغاز لعدوك وباسعار تافهه وتستورده غالي
لما تبيع قطنك خام باسعار قليله وتشتريه هدوم مصنعه وباسعار اغلي يبقي انت اكيد اكيد في مصر

رساله للحكومة (قال رسول الله صلي الله عليه وسلم ما من رجل يولي امر من امور المسلمين ثم لم يجتهد لهم ويتعب إلا لم يكن معهم يوم القيامة)
بالله عليكم افهمو الحديث

ههههههههههههههههههه

لا اله الا الله
حسبى الله ونعم الوكيل
هو مش لسه من يومين تقريبا كان فيه تصريح على لسان احدهم يقول ان مصر مش محتاجه استيراد من اسرائيل او اى مكان لما معاريف صرحت ان اسرائيل هتصدر الغاز لمصر اللى استوردته منها ولكن بسعر اعلى
لحد امتى هنفضل كده انا مع التحرك الجماعى فى عدم دفع فاتوره الغاز والكهرباء لهذا الشهر
لكن عاوزين محاكمه عاجله لكل الحرميه اللى بيبيعو فى البلد عينى عينك " وماذا لو وقفنا تصدير الغاز لاى مكان لتحقيق اكتفاء ذاتى " ماذا لو اهتمينا بالزراعه والصناعه وكل الانشطه الداخليه على ايدى اناس يتقون الله ويخافونه ماذا لو تم عمل عداله فى توزيع الدخل ويكفى النظر لرواتب عائله نظيف "الله يحاسبه على اللى بيعمله فينا " ده نظفها خالص
اعتقد ان حان الوقت للصحوه من الشعب عشان اللى جاى هايكون تكرار لما حصل فى العراق والله لو دخل اى جيش للبل\ دى هبتكرر ما حصل بالعراق من تحطيم وتكسير وهدم وخراب من الشعب على بلدهم
نفسى اعرف المسئولين فى البلد عاوزين ايه
يارب ارحمنا برحمتك

الاخبار دى تخلينى اكره بلدى اكتر واكتر واكتر وبجد مستعد للتنازل عن الجنسيه لو لبلد معندهاش نصف تاريخ بلدى يعنى نستورد غاز واحنا بنصدر لاسرائيل بتراب الفلوس دى لو الحكومه عايزه تجننا مش هتعمل كده فى ايه

الناس دي عاملين زي اللي ابنه على كتفه و بيدور عليه

والله العظيم حاجة تبكي

انتم عارفين ان حاخاقان يهودى بيدعو له بطول العمر والله بيقول انه عمل فى المصريين اكثر ممما كنا نتخيل مساكين المصرين

ياريت فعل محدش يدفع فواتير كهرباء ولا غاز اما نشوف المهزله دى اخيرها ايه

ههههههههههههههههههههههههههههههههههه نكته دي

وحسب بيانات الهيئة العامة للبترول؛ فإن الإنتاج الكلي لمصر من الغاز الطبيعي بلغ ٢١٤٩ مليار قدم مكعب في العام المالي ٢٠٠٨/ ٢٠٠٩، وصلت حصة مصر العينية منها إلى نحو ١٠٦٢ مليار قدم مكعب، ارتفعت إلى ١٢٣١ مليار قدم مكعب، فيما بلغ الغاز المصدر من حصة مصر بمعرفة هيئة البترول وبتعاقد طويل الأجل "غاز طبيعي ومسال" ٤٦٦ مليار قدم مكعب.

إن لم تستحي ففعل ما شئت

بنصدر الغاز لاسرائيل باسعار رمزية
ونروح نستورد من قطر
يالهوىىىىىىىىى
انا هيجيلي الضغط

نستورد الغاز............بركاتك يا .....
الغاز نستورده بعشر قروش ونبيعه بقرش للصديقة اسرائيل
حد يفهمني الناس دول بياخدوا منا الغاز بالسعر ده ازاي؟؟
هما ماسكين علينا زلة؟؟؟
لويين دراعنا؟؟؟؟
ليكون الغاز ده بتاعهم واحنا اللي بنقاسمهم في رزقهم
حد يقولي

أخبار مستفزة بشكل غير معقول، المثل البلدي بيقول اللي بيحتاجه البيت بيحرم على الجامع
كيف يتم تصدير غازنا إلي إسرائيل بهذه الأسعار ونقوم نحن باستيراد الغاز؟؟ وأكيد هناك فرق سعر عالي بين ما ننتجه من أرضنا والذي سوف نستورده ويتم نقله بالسفن او خطوط الأنابيب
حسبنا الله ونعم الوكيل يارب لطفك بنا.

نستورد غاز نكتة دي والله طيب حد يفهني ليه واحنا ارضنا كلها مليانه غاز!!!!!!!!!!!!!!

متهيألى لو سكتنا نبقى شعب يستاهل يطلعله شهادة وفاة.
ماهو مش معقول فيه ناس عندها ذرة كرامة تاخد من قوتها و قوت عيالها عشان يدوا لعدوهم.
المصيبة انى خايف ليكون الاستيراد دا كمان عشان نديه لإسرائيل,يمكن انتاجنا ميكفيهاش ولا حاجة و مينفعش الأخ الإسرائيلى الشقيق نقطع عنه الكهربا ولو لنص ساعة.احنا نستحمل و يتقطع عننا الكهربا و المية بالأيام فى سبيل دعم أشقاؤنا فى تل أبيب.
أنا عن نفسى مش هرضى بده و أقسم بالله العظيم مش هدفع فاتورة الغاز و الكهربا الشهر ده و ده يبقى أضعف الإيمان.
ياريت يبقى تحرك جماعى و الكل يشارك فيه ومندفعش فواتير الطاقة من غاز و كهربا لغاية مايتقدم كل مسئول عن المهزلة دى للمحاكمة بتهمة الخيانة العظمى.