بالأغلبية: "الشعب" يرفع الحصانة عن طلعت السادات

كل يوم تطلع قضية شكل علي الساحة
في مصلحةمين كل الحاجات ده وخلاص يعني الدنيا بتنضف اليومين دول ولا ده فعلا علامات الساعة ( الشريف حرامي والحرامي شريف )
كل اللي أقدر أقوله إن أحسن حاجة إن كل واحد يمشي جنب الحيط عشان ميزعلش حد منه أو يقطع لسانة أحسن عشان اللسان ده أس المشاكل كلها.
وإنته ياعم طلعت لو برئ ربنا يفك عنك ولو مدان ربنا يخدك عشان إنته قدوه لناس كتير
حاجة غريبة والله الواحد بيدخدع في ناسك كتير
بصراحة أنا خايف أكون مخدوع في نفسي
وكفاية كده عشان أنا إتخنأت
ومن غير سلام

واضح جدا جدا جدا انه ملعوب بس مش كبير لاننا خلاص اتعودنا على كده فى البلد ذات افسد حكومة فى العالم وعلى مر العصور هما فاكرين اننا لسه بنصدقهم لو كان فعلا حرامى ومرتشىكانت هاتفضل معاه الحصانة وكانوا يخدوه بالاحضان لكن بما انه عامل لهم صداع فحبوا يخلصوا منه ويشوهوا صورته وسمعته

تستاهل كل اللي جرالك عشان انت مش كويس و

واللهي المتهم بريي حتي تثبت ادانته وبعدين طلعت السادات مشمحتاج علي ما اظن عشان يرتشي لان المبلغ هايف

طلعت السادات محامى كبير ولو فكر فى رشوه مش هيقع بسهوله كدا . اكيد فى ملعوب كبير اوى ضده من اى جهه للتخلص منه . وبعدين ليه دايما الشرفاء هما اللى بيتحاسبوا على الفساد والرشاوى فى البلد دى وفيه ناس كتير والشعب المصرى كله يعرفهم بالاسم مبيجيش سيرتهم فى اى حاجه وهما كلهم فساد من فوق لتحت . مع تحيات حديد عز .

حسبي الله و نعم الوكيل في كل ظالم

بسم الله الرحمن الرحيم

الحمد لله الذى لا يحمد على مكروه سواه.
اصبر يا استاذ طلعت ان الله مع الصابرين على فكره انا معرفكشى بس متأكد بنسبه 100 فى الميه انك برئ برئ برئ لان احنا اليوم فى زمن مقلوب الشريف يقال عليه مرتشى وحرامى والفسد الفاجر الحرامى الظالم الظالم يقال عليه الشري المحترم الوطنى اللى بيعمل من اجل مصر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مستحيل يكون الاستاذ المحترم طلعت السادات مرتش لانه اشجع واحد بيقف في وجه الفساد دا اولا اما ثانيا انا ما كنتش مستغرب وانا بقراء الخبر ده لاني كنت متوقع حاجات اكتر من كده من النظام الفاسد وكويس انها جت علي قضيه رشوه ومش قتل او خطف او حرق واحب اقوله الله معاك يشددك ويقويق الصعيدي

نحن معك يا أستاذ طلعت نرجو أبلاغ النقابات الفرعيه للتضامن معك

طبعا للأسف ناس كتير مفكرة ان طلعت السادات رجل شريف علشان هو بيشتم الحكومة
انا اكثر واحد بكره الحكومية لكن احب اقول ان طلعت السادات من اكثر الشخصيات فسادا في مصر
نظرا لطبيعة عملي وارتباطي بالمحامين والعمل معهم ونظرا لان طلعت السادات محامي وعندي اخبار عن مكتبه من جوه
احب اقول انه فعلا ارتشى دهمن اكبر المرتشين في مصر مش كده بس ده احيانا بيشغل نفوذه علشان يجبر بعض الناس على انهم يدفعولوه ويدفوا كتير كمان علشان ميسلطش عليهم الحي او الحكومة عموما علشان ميوقفوش شغلهم زي البناء بدون تراخيص وغيره
للأسف اللي ميعرفش بيقول عدس

والله يا استاذ طلعت لو كنت مرتشى احنا راضيين بيك ولو هما شرفاء احنا مش راضيين بهم وفتحى سرور بتاع الحكومة اللى بيوضع لهم قوانين لحسابهم دا هما اللى راضين عنة احنا ناس من الشعب ولكنعارفين مين المرتشى ولو نزلت الانتخابات احنا وراك بردة واحنا بنحب السادات ابن المنوفية

و الله يا استاذ طلعت هو ده مصير الشرفاء في بلد انتشر فيها الفساد و الرشوة و أني على يقين انك لو كنت مرتشي مثلهم ما كنت قدمت للمحاكمة . و عندما قرأت هذه المقالة تذكرت قول الله تعالى ( أخرجوا آل لوط من قريتكم إنهم أناس يتطهرون ) يخرجوا من البلد لحفاظهم على الطهارة فهو زمن انقلبت فيه الموازين و لكن في النهاية لا يصح إلا الصحيح فاصبر و احتسب فالنار لا تزيد الذهب إلا لمعانا و بريقا و لا تقضي إلا على كل خسيس و في النهاية حسبي الله و نعم الوكيل في كل ظالم

لو القضيه دى تم ثبوتها هتبقى مشكله كبيره
بصراحه كنت بحترم طلعت السادات .. اكيد لو ثبتت قضيه الرشوه عليه وجهه نظرى ههتغير 180 درجه بالنسبه له
واحتمال كبير تتغير لباقى المعارضه مثل علاء عبد المنعم ومصطفى بكري
يا خوفى ليكون كلهم حراميه واحنا مصدقنهم

مش فارقة

شيلوا الحصانة او حطوها

طلعت ده يعتبر قطرة من محيط الفساد اللي في مصر ولو اتشالت هايدوها لواحد تاني من أهم شروطه انه يكون فاسد