مقتل شاب مصري شنقاً بالعَلَم اللبناني

انا مواطن ليبي واحب واحترم الشعب المصرى البطل وهذا العمل عمل شنيع سواء شخصى أو سياسى لكن الذى اوصل المصريين إلى ذلك هى الحكومة لأن الشعب المصرى هو العروبة ولو مات وسكت المواطن المصرى سكتت كل العروبة

حسبى الله ونعم الوكيل فى حكومتك يامصر وكل مسؤل معندوش ضمير
نفسى مصر تحضن اولادها وتحافظ عليهم

يا الف خسارة علي كل شئ
ع الكرامة
ع الدم
ع المصري اللي سعره بقي ف التراب ولا يساوي حتي التراب
احنا اللي عملنا كده ف نفسنا ورخصنا ف دمنا وبعنا نفسنا وبلاش !!!!!!!!!!!!!!!!!!!!!!!!!!!!!!!!!!!!!!!!!!!!!!!!

الله يرحم كل ولاد مصر اللى ماتوا في غربتهم امين يارب العالمين

انا عايز اقول مصر ام الدنيا كلها والمصرى فرعون مينغلبش انا مصرى وبقولها لكل شعوب الارض كلها انا مصرى واللى يعرف يعمل معانا حاجة لو راجل يقول انا اهوة مصر حبيبتى وامى

بصرااااااااااااااااحه حكومتنا خلتنا ارخص دم حسبى الله ونعم الوكيل

خدو بالكو خلافات عائلية ومشنوق بعلم للبنان

حرررررررررررررررررررررررررررررررررررام على اللى سايبين الناس بتتقتل دى وساكتين وقال ايه خايفين على العروبه يحرق دى عروبه يا جدع اللى تهين وتقتل اخوه العربى وياريت تفوقوا بقا الدور علينا احنا لو فضلنا ساكتين وحسبى الله ونعم الوكيل فى اللى قال ان كرامه المصريين من كرامه مصر ومصر لاتتهاون مع من يسئ لاولادها خخخخخخخخخ كلام وبس ياحلو

بدون تعليق
انا مش عارف نهايتى هتكون على يد مصرى ولا امريكى ولا اسرائيلى ولا عربى زى ولا صعيدى غبى ولا ايههههه
على فكرة انا اخوكم فالله اسلام الزيروووو من سوهاج

لا حول و لا قوة إلا بالله العلي العظيم

متضايقين ليه ؟؟؟ عادى .... ما فى زيه اتقتل فى ارضه وبايدنا احنا مصريين زينا زيه ... واقتلناه ولسه بنقتل ... فمفهاش حاجه بقى لما نتقتل من الغرب على الاقل اسمهم اغراب !!!! الله يرحم خالد سعيد وكل اللى ماتوا سواء على ايد مصريين او غير مصريين ... يارب هون يارررب

طب وبعدين
هيبقى بره وجوه
احنا كده خلاص بقينا كده
ولا نسوى من كل كلاب الارض بقت تشخ علينا

حسبى الله ونعم الوكيل لما نشوف اخرتها ايه مع العالم دى يا رب انجدنا برحمتك

يلا كل يوم فى انسان من المصريين لازم يتقل فى لبنان والمانبا وتركيا وفى بلدنا كمان فى امان على الاقل يكون فى رمضان احنا عايش فينا

حسبى الله ونعم الوكيل وربنا يرحمه هو فى ايه ليه احنا بتعمل فينا كده ليه فينا الا اسمها الحكومه ولا هيه شاطره فى حاجات وحاجات لا

وزير خارجيه مصر ياراجل ده مش فاضي بيشتم حماس. هوه هيشتم ولا هيشوف مصالح المصريين في الخارج ماهي حاجه من الاتنين انتم مفتريين ليه الراجل هيقطع نفسه وخدلك تصريح ملوش لازمه من عمك حسام زكي وخلاص والحكايه خلصت وانتهينا ونشوفكم في قضيه تانيه ان شاء الله

مواليد 1995؟؟؟؟؟؟
لا إله إلا الله ربنا يرحمه ويصبر اهله

دى خلافات ممكن تحصل بين اى شباب مش حكاية مصرى ولبنانى

والسلطات ألقت القبض على القاتل

الحمد لله كرامة المصرى فى النازل وقتله واهانته بات نصر قومى كأنه يهودى وذلك لان المسؤلبن عننا لاتهتز لهم شعرةعندما يسمعوا بمقتل شاب فى ايطالبا ولا مقتل شابة فى المانيا ولا التمثيل بشاب فى لبنان لاننا اصبحنا بلا كرامة كما سبق0

تانى لبنانين ياجماعة لازم اى لبنانى نطرده من مصر دول عالم ....

ههههههههههههه والله يا جماعه احنا قلنا كل الكلام ريحوا دماغكم بقى انا بقول ان احنا نبدأ نقتل شوية ويا ريت نركز على الجنسيات المختلفة جايز الناس تكش مننا شوية

مين يحميتا في الغربه يارب العدوى ما تنتقل لدول الخليج وبكره نسمع العجب الله يرحم ايام السادات وجمال

ياجماعة واضح ان الموضوع خلاف عائلى
ودا احنا معرضين ليه فاى مكان
بس بالعلم اللبنانى؟!
مكانوش لاقيين حاجة تانيه يخنقوه بيها؟!!!

خلاص المصريين بقوا يتقتلوا بكل سهولةو بقي عادي يتقتل كل يوم واحد مادام الحكومة متاخرة وواقفه حطه ايديها ورا ضهرها حسبي الله ونعم الوكيل

عادي قتل مصري في لبنان أو على الحدود المصرية برصاص إسرائيلي او في الكويت او السعودية او في ليبيا او ايطاليا او المانيا او نيجريا او........او........الخ
ما احنا ما لينا قيمة في زمن ابو الغيظ ونظيف فالمصري الان ما ليه تمن وان مات حكومته تقبض الثمن وربما يكون ثمن بخس ويا ليتها دراهم معدودة ربما تكون سهرة أو شربة أو خلافه.. او بدون ثمن من الاساس ولسه يا ما هيحصل لينا ولكم كمصريين واحنا نستاهل اللي بيحصل لاننا سكتنا على الوضع الداخلي واحنا ما لينا قيمة او تمن في مصر هل يكون لنا تمن بالخارج حكومتنا تقتلنا بالمبيدات والمسرطنات وخلافه والمواد الفاسدة المستوردة واكياس دم ملوثة وقمح مسوس و.....و.....و
يا عمي كفاية وحسبنا الله ونعم الوكيل في حسني وحكومته
أرجو من الاخوة اضافة المشاركة وتسجيلها

والله هيا دى فعلا الاخوه والاتحاد العربى مشاء الله اللهم لا حسد

لا حول ولا قوة الا بالله ... الف رحمة و نور على كرامة المصرى ... متهيألى بعد شوية هيبئى فيه اوكازيون "اقتلو مصرى و عليه واحد مقتول هدية" ... ربنا على الظالم و المفترى.

السلام عليكم
خبر احزننى كثيرا عندما قراته وتعرفت على تفاصيله الجرائم اليوم لم تعرف معنى الانسانية حتى فى بلدنا الاخ يقتل اخيه والابن يقتل امه او ابيه ... بدافع ماذا الدنيا غرور ... هذه ضمن الحوادث الكثير التى تحصل ةستحصل فى الايام المقبله لكن الاهم هو لا ننساق خلف هذه الرموز العلم اللبنانى والعلم السورى وغيره عندما يفعل ذلك فرد من الدولة هدف واحد يجعله يفعل ذلك وهو الانتقام مثل ما ورد فى القضية حتى لو كان كرها لمصر فالحكومات لا تمثل الشعب والفرد الشاذ عن القاعدة لا يمثل الشعب اعوذ بالله من الشيطان الرجيم -- واتقوا فتنة لا تصيبن الذين ظلموا منهم خاصة --

دي خلافات عائلية بتحصل تقريبا كل يوم بين اهل الجنوب
هما هناك عاملين زي الصعايدة واسخم بكتييييير
حياتهم تقليدية جدددداااا حتي في طريقة لبسهم والعيشة هناك
اضف لده كله وجود حزب الله اللي عامل فيها رئيس جمهورية المنطقة

ربنا انا لا نسألك رد القضاء ولكنا لا نسألك اللطف فيه

ياترى مين فينا اللى عليه الدور يتقتل اويتذبح او يتشنق خارج بلده لاننا ببساطه حكومتنا مش مخليه لينا تمن وسط دول العالم وارخص حاجه عندها ابناء مصر وبكدا محدش بقدر يعتب على اى حد خارج مصر وبعدين يقولو ليه الشباب بتسافر غير شرعى وتغرق فى البحر لما يغرق فى البحر احسن مايموت على ايد شرطى فى قسم شرطه ولا على ايد لبنانى وكمان مشنوق بالعلم اللبنانى ونرجع ونقول الامه العربية ومصر ام العرب والكلاب اللى لا يودى ولا يجيب ياريت نسيب الماضى بقا فى حاله وامجدنا القديمه وحكومتنا تحاول تبنى لبنا شخصيه تعرف العالم كله قيمتنا ووضعنا الاول فى بلدنا وبعدين وسط الدول العربيه وباقى دول العالم بعدها هيتحسب للمصرى الف حساب فى كل مكان وفى الاخر مش قادر اقول غير حسبى الله ونعم الوكل وربنا يصبر امه وياخد اخته لو لها يد فى الوضوع
انشر ياعم انشر

أولا الله يرحمك يامحمد ويغفرلك ويسكنك فسيح جناته
ثانيا لازم نقرا المقال كويس خطيب اخته هو المشتبه به يعني خلاف عااااااااااااائلي مالهوش دعوة بالجنسيات اكيد الراجل وهو بيقتله مافكرش قبل مايقتله انه مصري والمصري متهزا وحكومته سايباه فلازم نقتله . بلاش بقى الكلام الغبي دة اسمها واحد اتقتل من خطيب اخته وخلاص

اعتقد ان ده كله مالوش لزمة احنا نسيبنا من الحكومة ومن المصريين اللى بيتقتلوا و نبص بس على الاخت اللى ممكن تشترك فى جربمة قتل اخوها. اعتقد احنا مش المفروض نلوم على اى حد رأيى ان احنا نلوم بس ع الدم اللى بقى مايه

انا زهقت من الحكومة ضايعت حقوق المصريين فى الداخل والخارج والمصريين عايشين من غير كرامة حتى فى بلدهم نتيجة للمصالح الشخصية للحيتان انسان عايش بدون كرامة فى بلدة كيف يدافع عنها او يحبها ولية اصلا عشان الحيتان يترفهو فيها والله هذا مايحصل ابدا مصرى غيور على بلدة

دى اكيد ان بقى المصرى مالوش اى كرامه مهو لو كان فى موقف من موق المصرى الى قبل كده كان يبقى فى حاجه هتحصل انما طول محنا ساكتين هيخلصو على الى قدامهم واحد واحد مهما شافو الجزائرين بهدلولنا وهنونا ومفيش حاجه حصلت يلا اشمعنى هما يا عنى بالمره كمان انا لله وانا اليه راجعون

الله الله

تانى مصرى يتقتل فى لبنان

ضعنااااااااااااااااااااااااااا

واللى كان كان

دى همجيه و تخلف
الله يرحم كرامه المصرى ؟

ياترى لسه ايه تاني ممكن يحصل فينا و حكوماتنا ساكته و وزير خارجيتنا ............
وبعدين لما هو خلاف عائلي ايه دخل العلم اللبناني في الموضوع الا اذا كان اشارة معروفة الدلالات
و اللي نسي يفتكر الراجل اللي سحلوه وعجنوه ضرب لحد لما مات و في الاخر ماحدش عارف الموضوع وصل لفين و لا حد من عندنا طالب بيهم
الجزاير و مش عايز اتكلم كتير في الموضوع ده عشان كلنا عارفين اللي حصل يبقى اخرتها نتبهدل في نتقتل في لبنان في بلد ماتجيش مساحتها نص مساحة سيناء و عجبي
انا عاشرت اللبنانين و بالذات اللي من الجنوب
برغم انهم مستواهم التعليمي متدني جدا يعني اللي بياخد دبلوم صنايع عندهم ده يبقى المتعلم اللي في العيلة الا ان عندهم عزة نفس و افتخار ببلدهم غريب.
للاسف انا يمكن ربنا اداني شكل الاوربيين و انا هنا في الامارات في اوقات كتيره بنكر ان انا مصري و بتقمص اني اوربي عشان ما ادخلش في نقاش و جدال مش حاوصل في الاخر لنتيجة غير ان احنا بقى وضعنا مزري شعبا و حكومة
و الله المستعان

لا حول ولا قوة إلا بالله... يا رب
دلوقتى اللى هيقرا الموضوع هيقول مصرى ولبنانى كالعادة

الواحد بقى يقرأ أخبار قتل المصريين ف الخارج كل يوم زى ما بيقرأ ( صدق او لا تصدق او حظك اليوم ) عادى يعنى وبقى شئ طبيعى حسبي الله ونعم الوكيل ف اللى رخص مصر وشباب مصر فى عيون دول العالم كله