شدّد وزير الكهرباء والطاقة الدكتور حسن يونس في مقابلة مع برنامج "ملف خاص" الذي يقدّمه الإعلامي عبد اللطيف المناوي أمس (الأربعاء) على أن الوزارة تتخذ إجراءات عنيفة مع الموظفين الذين يقومون بقطع التيار أكثر من ساعة على المواطن يوميا، مشيرا إلى أن مصر تمتلك الكوادر البشرية القادرة على بدء تنفيذ مشروع المحطة النووية بالضبعة، والذي أطلق الرئيس حسني مبارك إشارة البدء في تنفيذه، وأكد أنه خطوة هامة في طريق الدخول إلى عصر الاستخدامات السلمية للطاقة النووية.
وأكد "يونس" أن انقطاع الكهرباء مرتبط بدرجة حرارة الجو، مشيرا إلى أن نسبة تخفيف الأحمال كانت بالأمس 5% فقط واليوم 3%، لافتا إلى أن الأمور تتجه إلى الأفضل، وعند حدوث مشكلات بشأن الكهرباء يتم حلها فورا، مشيرا إلى أنه خلال الفترة القادمة سوف يتم إدخال 550 ميجاوات قدرات إضافية على الشبكة الكهربائية، وذلك قبل يوم 10 سبتمبر القادم، مما سيساعد بشكل كبير في حل الأزمة.
وأشار إلى أنه خلال شهر أكتوبر القادم سوف يضاف 350 ميجاوات، وأيضا في شهر ديسمبر القادم سوف يضاف 490 ميجاوات، مشيرا إلى أنه بعد جمع هذه الأحمال سوف نقترب من 1400 ميجاوات في نهاية العام، مما يشير إلى وجود إنتاج كبير وإضافة جديدة على الشبكات الكهربائية.
وقال إن الوزارة قامت بطرح مناقصة لعمل 1000 ميجاوات قبل صيف عام 2011، مشيرا إلى أن العروض ستكون خلال الأسبوع الأول من شهر سبتمبر القادم بحيث ننتهي منها قبل صيف 2011.
وأشار وزير الكهرباء والطاقة إلى أن الوزارة تقوم بتخفيف أحمال الشبكة الكهربائية خلال فترة الذروة ما بعد الغروب وهي لمدة ساعة فقط، وعلى سبيل المثال أمس كان 3% من إجمالي الأحمال الموجودة، وانقطاع الكهرباء كان لمدة ساعة فقط، وليس كما نقرأ في الصحف أن الانقطاع يصل لمدة 12 ساعة وأكثر، وأعتقد أن ذلك فيه نوع من المبالغة في حقيقة الأمر.
عن وكالة أنباء الشرق الأوسط (بتصرّف)
والله حاجه تبكي انتوا يا وزرا
والله حاجه تبكي انتوا يا وزرا مش حسين بحاجة انتوا قاعدين في التكيفات ومش دريانين باي حاجه
انزلوا الشوارع شوفوا البيوت عامله ازاي شوفوا العشوائيات عاملة ازاي واعدلوا بقي لا معظم الامم السابقة اللي هلكت هلكت بسبب الظلم اعدلوا قبل ما ربنا ينشر غضبه علينا
بزمتك فيه ايه فى البلد مفهوش
بزمتك فيه ايه فى البلد مفهوش ازمه أقرأ بس شريط الاخبار
أزمه كهرباء أزمه بطاله ازمه عيش اعتصامات مظاهرات اعتراضات ازمه ميه ازمه فى الحوم لحوم فاسده ادويه فاسده الخ الخ الخ
الوزير ده لو يتقى الله فى
الوزير ده لو يتقى الله فى كلامه
بس هل الناس دى اقصد الوزراء دول لسه بيعرفو ربنا
ادعو الله يا ناس ساعه الافطار ان يشملنا برحمته
ويرزق هذا البلد بحاكم عادل وبطانه صالحه ناصحه وان يبدلنا خيرا من هؤلاء
ياريت يكون نصيب الشعب الغلبان
ياريت يكون نصيب الشعب الغلبان حر الدنيا
ويارب كل مسئول فاشل فاسد يكون نصيبه حر جهنم ان شاء الله
احنا اما النور عندنا بيقطع الميه كمان بتقطع ..هل ده ليه علاقه بغلاء الاسعار ؟؟؟
عيب ايه يا نوسه انتي محترماه
عيب ايه يا نوسه انتي محترماه اوعي يا سياده معالي الوزير خلي عندك دم
عيب لما يكون وزير ومش عارف
عيب لما يكون وزير ومش عارف احنا قعدنا اسبوع الكهربا بتشتغل ساعة واحدة فى اليوم يبقى كلامه ايه ( كدب )عيب يا سيادة الوزير حسه بالناس شوية احنا بنتفع برضه فاتورة الكهربا من غير نص كلمة مش بنعترض حرام تعذب الناس على فكرة الناس بتدعى عليك دعى وتقول حسبى الله ونعم الوكيل
كهربااااااااااااااااااا شعب
كهربااااااااااااااااااا
شعب مصر بيلالى..واحنا بنلالى وياه..وبيغنى للكهربا
اصلها...ساعه تروح..هييييهه وساعه تيجى......هههههههه
(مع الاعتذار لاسماعيل ياسين وفتله)
عفوا ايها الوزير حتي لو ساعة
عفوا ايها الوزير حتي لو ساعة واحدة فان للوقت ثمن
نشكرك علي مساعدتنا للدخول لعصر القرون الوسطي في القرن الواحد والعشرين
فعلا واااااااااااااااضح انها
فعلا واااااااااااااااضح انها ساعة فعلا حرااااااااااااااام بقى اتقوا الله انتوا ايه ناسين وجود ربنا ولا ايه ارحمونا بقى ارحمونا الواحد دمه اتحرق منكم والله
ماهو لو الكهربا بتقطع في بيت
ماهو لو الكهربا بتقطع في بيت معالي الوزير كان عرف ان الله حق ،،قال ساااااااااعه قال يا راجل اتقي ربنا ده اقل واجب بتعملوه معانا خمس ساعات ،،ارحموووووو ..حسبنا الله ونعم الوكيل..
حرام والله البلد دى مش ناقصه
حرام والله البلد دى مش ناقصه خراب
يقولوا ساعه وهيه مبتشتغلش غير ساعه
فعلا الرسول قال عندما يوسد الامر لغير اهله فانتظر الساعه
واهو كل واحد بيتحكم فى الناس بمكانه ويقول اسباب ومبررات
فين اقتصاد البلد المنهوب
مش هما مبسوطين
تتتتتتتييييييييييت فى الشعب الجعان
"ساعة واحدة يوميا" ؟؟ يعني يا
"ساعة واحدة يوميا" ؟؟ يعني يا سيادة الوزير لو عدى يوم من غير م الكهربا تقطع.. نتصل بشركة الكهربا نشتكي ؟؟؟
نفسى اعرف فين الحقيقة اصل كلة
نفسى اعرف فين الحقيقة اصل كلة بيضحك على كلة وسلملى على احلى وزارة واجمل حكومة
ساعة واحدة اية يوميا ياعم
ساعة واحدة اية يوميا ياعم يابتاع الكهربا انت هو انت عايش فى بلد تانية ولا احنا هى فعلا مابتوصلش لـ12 ساعة زى ماحضرتك قولت بس الحق يقال دحنا فى شهر كريم وحاسب فولتك يعلا
الراجل دا يا اما بيقول اي
الراجل دا يا اما بيقول اي كلام عشان التليفزيون ياما ميعرفش حاجة عن وزارته دي .. النور بيقطع فترات طويلة جدا .. قبل الفطار وبعد الفطار .. مرات بيقطع بالست ساعات ومرات بيقطع بال12 ساعة .. حرام عليهم خصوصا وقت قبل الفطار دا الجو بيكون حر جداااااااا والواحد صايم .. نفسي النور يقطع عنده هو كمان ياااااااااارب
ياجماعة انقطاع الكهربا بقي مش
ياجماعة انقطاع الكهربا بقي مش طبيعي مثلا انهرده بقت تنقطع كل شوية وانا عندي اجهزة اتحرقت ارجو سرعة الحل في الموضوع ده
طب يا جماعة بمناسبة الحديث عن
طب يا جماعة بمناسبة الحديث عن الكهرباء ما حد يكلم لنا حد من المسؤولين يوصل لي كهرباء في شقتي.. بقالي 3 سنين بجري على الوصلة والعداد وماحدش سائل في مع العلم ان المنطقة مش جديدة والبيت كله في كهربا ماعدا شقتي. أعمل ايه عشان اتجوز؟ أسرق كهرباء؟ والله لو يبيعوها لنا في اسطوانات زي بتاعة الغاز كنت ماشيلتش هم.. ارحمونا الله لا يرحمكم لا في الدنيا ولا في الآخرة
للهم اخرجنا منها على خير حسبى
للهم اخرجنا منها على خير
حسبى الله ونعم الوكيل
فى حكامنا
احنا عندنا فى قرية تل بنى
احنا عندنا فى قرية تل بنى تميم كل يوم بقطع الكهرباء اقل حاجه 3 ساعات بس لما جه رمضان مبقاش يقطع والحق يقال انما قبل رمضان كنا نقوم من النوم نلاقى المياه منقطعه وعندما تاتى فالليل تنقطع الكهرباء وكانهما متداومين
مشكلة الكهرباء فعلا مشكلة
مشكلة الكهرباء فعلا مشكلة عامة بس مهما كان لازم نفهم ان الوضع صعب وربنا يستر
يا جماعة لو الوزير دا النور
يا جماعة لو الوزير دا النور عنده بيقطع فى بيته (الفيلا) كان هد الدنيا, لكن طالما على الناس العاديين خلاص مش مهم بقى ساعة, 12 ساعة مش هتفرق, طالما ابنه قاعد على النت و بنته قدام المرايا, يبقى تيييييييييت فى الباقى ..........
فين الربط؟..... مش كان فيه
فين الربط؟.....
مش كان فيه ربط بين شبكات الدول العربيه المجاوره؟.
مش كان فيه محطه توليد نوويه للكهرباء؟
مش كان فيه حر السنه اللى فاتت؟
استقيلوووووو...يرحمكم الله
