تابع معانا مشوار الرشاقة.. في الأسبوع الرابع من الريجيم

لو سمحت يا دكتور أنا أتابع نظام غذائي من 3 اشهر ونزلت حوالي 15 كيلو وجسمي توقف ومش بينزل خالص و حاولت ازود مجهودي الرياضي واقلل السعرات عن 1000 كالوري بس جسمي مش بينزل.. يعني ممكن شكل جسمي بيخس بس على ميزان مفيش تغير.. أرجو الرد.

==========

رد بص وطل:
أولا بنهنيكي على نجاحك في خسارة 15 كيلو من وزنك وإن شاء الله تقدري تكملي المشوار وتوصلي للوزن المناسب، وعلشان تقدري تكملي ممكن تغيري النظام الغذائي اللي انتي ماشية عليه وممكن تمشي فترة على نظام تثبيت وبعد كده تبدئي الريجيم من جديد، والأفضل إنك ترجعي لدكتور متخصص علشان يقدر يديكي نظام غذائي مناسب لطبيعة جسمك وحالتك النفسية.

بعد ما نخلص الأربع أسابيع نعمل ايه؟

==========

رد بص وطل:
ممكن تبدأ الريجيم من أول وجديد.

انا قرأت عما يسمى ريجيم البروتين فى احد المواقع، وانه يكون طعام الشخص خلال الاسبوع كل البروتين ويتم منع النشويات والسكريات واى شىء غير البروتينات وانه قادر على انقاص 7 كيلو اسبوعيا
فهل اتباع مثل هذا النظام لمدة اسبوع واحد فقط يشكل ضرر ؟

===============

رد بص وطل:
الريجيم الصحي لازم يكون بيحتوي على كل العناصر الغذائية اللي بيحتاج لها الجسم من بروتينات ونشويات وأملاح معدنيه وغيرها من العناصر الضرورية للجسم.

الطول 178 والوزن 105 والسن 20 المفروض الوزن المثالي يكون كام؟؟؟

=========

رد بص وطل:
الوزن الصحي المناسب مع طولك لابد أن يتراوح بين 63 إلى 70 كيلو.

هل شرب الماء اثناء الرياضة ممكن يضر ولا لا؟؟ وهل شفط البطن لفترة طويلة ممكن يشد عضلات البطن؟؟ وشكرا جزيلا

=============

رد بص وطل:
شفط البطن من التمارين المهمة جدا لشد عضلات البطن وتقويتها، وبالنسبة لشرب المية فيفضل إنها تكون قبل ممارسة الرياضة بفترة ساعة مثلا أو بعد ممارسة الرياضة بنصف ساعة.

لو سمحت يا دكتور أنا عندي 16 سنة ووزني زايد وعندي كرش كبير ووشي مليان انا حاولت اعمل ريجيم بس فشلت انا دلوقتي بدات بس انا مش هقدر اعمل رياضه لاني في ثانوية ومعنديش وقت أنا كنت بسأل ينفع اخد دواء يساعد على التخسيس ولو أخدت آخد إيه وعلى فكرة أنا عندي السكر.

===========

رد بص وطل:
ممكن تستشيري دكتور تغذية علشان يديكي ريجيم صحي مناسب مع حالتك الصحية وكمان يقول لك إيه الدواء المناسب لكي، ولكن مع الرجوع للطبيب المعالج لحالتك ولكن لابد أن يكون عندك إرادة ورغبة قوية في البدء في الريجيم والانتظام فيه والوصول للوزن الصحي، ويمكنك الرجوع للريجيم اللي موجود على بص وطل والخاص بمرضى السكر وده اللينك http://www.boswtol.com/health-and-beauty/diet/10/june/28/16113

انا عندي 21 سنه وطولي 178 ووزني 105 نفسي اخس مش عارفه المشكله اني عايزه اشوف نتيجه بسرعة علشان بزهق من الريجيم ومش بتحكم في نفسي اعمل اييييه.

===========

رد بص وطل:
علشان تقدري تقاومي لازم يكون عندك رغبة من جواكي إنك تخسي وتوصلي للوزن المناسب، لأن ده أهم حاجة في الريجيم ولازم تعرفي ان الموضوع مش بالسرعة لأنك ممكن تخسي في شهر وترجعي للوزن اللي خسرتيه وأكتر بعد كده، لكن أهم حاجة إنك تمشي على رجيم صحي ومتوازن وتعدلي من عاداتك الغذائية علشان بعد ما تخلصي الريجيم ما ترجعيش تلخبطي في الأكل مرة تانية، وماتنسيش طبعا أهمية ممارسة التمارين الرياضية حتى ولو كانت تمارين بسيطة زي رياضة المشي بس أهم حاجة إنك ماتفقديش الأمل ويكون عندك صبر وإرادة.

انا عندي مشكله وياريت تردي عليّ ضروري ارجوكي انا وزني زايد عشرة كيلو وعملت ريجيم وخسيت خمسه كيلو بس انا وشي خس جدا مع الريجيم وكل ريجيم بعمله وشي بيخس اوي وكل الناس تقولي ارجعي اتخني تاني شكلك بقى وحش ممكن اعمل ريجيم إزاي من غير ما وشي يخس أرجوكي ردي عليّ ضروري.

==========

رد بص وطل:
اهتمي بأكل الخضراوات والفاكهة أثناء فترة الريجيم وكمان اهتمي بشرب كميات كبيرة من المية علشان تحافظي على وشك وكمان النوم لفترات كافية من الحاجات المهمة جدا أثناء الريجيم وكمان ممارسة التمارين الرياضية.

hi doc ana 7amel w wazny 54 kg w tooly 159 w nfsy mazedsh tool el7aml 3'er 5 kilo ynfa3?ana sa2lt doc ely btab3 7amly m3aha aletlly a2l 7aga tzedeha 10 aw 12 kilo da sa7e77

==========

رد بص وطل:
الموضوع ده بيتغير من إمرأة لأخرى، ولكن عامة من المفترض إنك تزيدي كيلو كل شهر أثناء الحمل.

أنا بستفاد جدا من المواضيع وبستفاد أكتر من الاسئلة والايجابيات اللى بقراها وكان ليا اقتراح ياريت يلاقى قبول منكم وهو عمل قسم خاص بتمرينات التخسيس بالفيديو يعنى لو هتتكلموا عن نزول البطن تحطوا فيديو خاص بتمارين البطن وهكذا بجد هيلاقى قبول من ناس كتير جدا وهيفيد ناس كتير جدا مش عارفة تعمل رياضة أو مش منتظمة عليها
وسؤالي: عن نط الحبل هل يحرق سعرات حرارية عالية؟ وممكن يفيد في شد الجسم وإزالة الترهلات ولا لأ؟!

==========

رد بص وطل:
بنشكرك جدا صديقتنا العزيزة على اقتراحك الجميل ده ونوعدك إننا نحاول تطبيقه في أقرب وقت، وبالنسبة لرياضة نط الحبل فهي من الرياضات المفيدة جدا للجسم واللي بتساعد على حرق سعرات حرارية مش بس كده ده كمان طلوع السلم بيعتبر من الرياضات اللي بتحرق سعرات حرارية في الجسم.

طيب ان شاء الله لما أخلص الأسبوع ده أنا لسه محتاجة أكمل، ابتدي تاني من أول أسبوع ولا ايه؟؟

============

رد بص وطل:
ممكن تبدئي تعيدي الريجيم مرة تانية من الأسبوع الأول وتستمري عليه فترة.

شكرا جدا على المعلومات اللي انتم بتقدموها، انا كنت عايزه اسال هل فعلا الشاي بيفقد اللبن فوايده لانى مش بحب اللبن بس بشرب الشاي باللبن.. ياريت اعرف الرد.

==============

رد بص وطل:
شكرا ليكي يا dody، وبالنسبة لسؤالك فإنتي ممكن تدخلي اللبن مع بعض العصاير الفريش زي الموز باللبن والفراولة باللبن والجوافة باللبن علشان تاخدي فوايد اللبن وكمان الفوايد والفيتامينات اللي موجودة في الفاكهة.

سلام عليكم انا عمري 19 سنه وطولي 168 كان وزني 68 وعملت ريجيم وصلت لحد 64 وده كان مناسب ليا وكنت فرحانه بالوزن ده بعدين رجعت تخنت وصلت لغايه 73 والوزن ده عمري موصلتلوش بحيث بقيت مرعوبه من حاجه اسمها ريجيم وفي نفس الوقت تعبانة نفسيا من وزني ده ونفسي اخس وارجع 64 ياريت تساعدوني.

============

رد بص وطل:
الموضوع يا ياسمين بسيط جدا ومش محتاج رعب ولا حاجة كل الحكاية إنك تلتزمي بنظام غذائي صحي وتظبطي عاداتك الغذائية اليومية، مع ممارسة بعض التمارين الرياضية وبكده هتقدري توصلي للوزن اللي إنتي عايزاه وممكن تمشي على الريجيم ده وإن شاء الله تلاقي نتيجة هايلة في وقت قريب.

بصراحه مش قادره التزم معرفش ايه السبب؟
هل النط والجرى فى المكان وبعض تمارين البطن تشد الجلد وتحرق الدهون ؟

============

رد بص وطل:
طبعا التمارين الرياضية من الحاجات المهمة جدا لحرق الدهون الزائدة وشد الجلد والترهلات، لكن لابد من اتباع ريجيم صحي متوازن مع ممارسة الرياضة للوصول للوزن الصحي، والموضوع مش صعب ولا حاجة المهم إننا يكون عندنا إرادة ورغبة في الوصول للهدف وهو القوام الصحي الممشوق.