السلام عليكم.. أنا عندي 20 سنة طولي 156 ووزني 75، عملت ريجيم، وكنت بانزل في المقاسات بس؛ يعني باقيس محيط البطن والأرداف والوسط والحاجات دي، وكانت بتنقص فعلاً، لكن على الميزان ما بانزلش خالص، وكنت باخد دواء تخسيس، ممكن يكون الدواء ده هو اللي عمل معايا نتيجة عكسية ولّا إيه؟ ولّا ممكن يكون بسبب الهرمونات؟!!
ومن فضلكم أنا عايزة أعرف أكتر عن موضوع الهرمونات ده؛ علشان أنا سمعت إنه ممكن يكون بسبب الهرمونات بس مافهمتش إزاي؟ وإيه النظام الغذائي المناسب ليّ، مع العلم إني بالعب رياضة باستمرار، آسفة إني طوّلت بس يا ريت تساعدوني.
صديقتنا العزيزة...
أولاً: من الممكن أن يكون الريجيم ليس مناسبا لحالتك أو غير متوافق مع طبيعة جسمك، أو أنكِ لا تلتزمي بالتعليمات التزاماً تاماً، إلى جانب أنه من الممكن أن يتم إعادة لتوزيع الدهون في جسمك؛ بمعنى أن تنتقل الدهون من مكان إلى آخر، فيتم الإحساس بأن هذا الجزء فَقَدَ بعض الوزن، وقلّ تدريجياً عن بقية الجسم.
ثانياً: أنا لا أعرف ما هو هذا الدواء حتى أتمكّن من شرح كل شيء عنه بالتفصيل، وهل هو آمن وفعّال أم إن له ظروفا واحتياطات خاصة وتعليمات يجب اتّباعها.
ثالثاً: بالنسبة لموضوع الهرمونات؛ فهو موضوع مهم جداً، ومجاله واسع، ومن الممكن كثيراً أن يُؤثّر على موضوع الوزن، وأن يتم زيادة الوزن بسبب الهرمونات، ولكن هذا الموضوع لا بد أن يتحدّد بناءً على تحاليل وفحوصات كثيرة، وكشف خاص عن طريق طبيب النساء الخاص بكِ؛ حتى يتم التأكّد من أي مشكلات صحية مرتبطة باختلال الهرمونات في جسمك، وإن شاء الله يكون الموضوع سهل، ويتم علاجه بسهولة إذا ما وجد خلل ما.
رابعاً: بالنسبة للنظام الغذائي المناسب لكِ، فهذا يُحدَّد عن طريق طبيب التغذية المتابع لحالتك؛ حتى يتسنّى له اتّباع الأسلوب العلمي والمثالي في وصف نظام غذائي صحي، ومنتظم ومناسب لطبيعة جسمك، لكي يتم فقدان الوزن بصورة منتظمة وآمنة على صحتك.
أنا عايزة أسألكم.. أنا وزني 86 كيلو، وطولي 168 سم، ممكن آخد سيبوتريم أو أي أدوية للتخسيس؛ لأني بطبيعتي أصلاً ما باكلش ولا باخرج، وكان عندي كسر في الرجل، وخفيت الحمد لله، بس وزني زاد أوي؛ يعني كنت 76 كيلو، وبقيت 86 كيلو خلال 5 شهور.
أولاً: علشان تخسّي لازم تتبعي نظام غذائي صحي ومفيد، ولا بد من اتّباع التعليمات والإرشادات والأدوية الموصوفة بالتزام تام؛ حتى تكون نسبة الاستفادة من الريجيم هي النسبة المثالية، ويتم تحقيق أعلى نسبة نجاح بدون استرجاع للوزن المفقود، وذلك باتّباع أنظمة التثبيت.
ثانياً: الأدوية الخاصة بالتخسيس تساعد على إنقاص الوزن، ولكن بمفردها لا تؤدي إلى نتيجة ملحوظة؛ فأهم شيء هو النظام الغذائي؛ لأنه هو الأساس، ومن الممكن أن يكون معه عوامل مساعدة كالأدوية، ولكن لا بد أن تكون تحت إشراف طبي.
ثالثاً: الحركة مهمة جداً، وتساعد على زيادة معدل الحرق في الجسم، ولكن عندما تقل الحركة لا بد من التدّخل حتى يتم تنظيم الأكل؛ بحيث تناسب الحالة الصحية والبدنية للمريض حتى نحافظ على وزنه.
انا متزوجه وعندى طفل وعندى 25
انا متزوجه وعندى طفل وعندى 25 سنه ووزنى 86 وطولي متوسط انا ست بيت وانا بحب الاكل قوى وغير كده انا جربت اعمل ريجيم كذا مرة بس مش بقدر اقاوم الاكل وجوزى كتير يقول لي اعملي ريجيم وانا مش عارفه عامل ايه شوفوا لي حل.
==============
رد بص وطل:
لازم يكون عندك إرادة ورغبة قوية إنك تخسي وتوصلي للشكل المناسب مش بس علشان تحافظي على جمالك ولكن علشان تحافظي على صحتك وحيويتك من أجل زوجك وأولادك، ولابد من متابعة الريجيم مع دكتور متخصص علشان يديكي النظام المناسب ليكي ويغيره لك كل ما يحس إن جسمك بدا يقاوم الريجيم، وطبعاً إلى جانب ممارسة الرياضة حتى ولو كانت رياضة المشي.
بجد مش عارفة اعمل ايه لما
بجد مش عارفة اعمل ايه لما باخد السيبوترم ريقي بيبقى ناشف كاني هموت!! مش عارفة اعمل ايه.
=============
رد بص وطل:
موضوع أدوية التخسيس دلوقتى أثار جدل كبير جدا وحدث فيه تغيرات كبيرة جدا ومنظمة FDA العالمية منعت تماما تماما الدواء الذي يحتوى على مادة السيبيوترامين وهى مادة اثبت انها تؤدى الى مشاكل كثيرة للجسم وتضر بالانسان ضرر بالغ وتؤدى الى ذبحات صدرية وأزمات قلبية كثيرة جدا جدا فلابد أن نمنع تماما كل الأدوية اللى فيها مادة السيبيوترامين وهى دايت ماكس،Meridea ،sibotrim slimax واتباع نظام غذائي صحي ومتوازن مع ممارسة الرياضة.
انا بحب الأكل موت طولي 175 سم
انا بحب الأكل موت طولي 175 سم ووزني 80 كيلو وفرحي بعد شهر بالظبط وعايزة انزل والريجيم مش بيأثر معايا وبتحرك بس بعشق حاجة اسمها الاكل وخاصة المكرونة الإسباجتي تقريباً مش باكل غيرها ومش برمرم ايه الحل؟؟؟
=============
رد بص وطل:
الصديقة العزيزة.. موضوع التخسيس والريجيم بيكون في الأول والآخر في إيديكي إنتي يعني لازم يكون عندك الإرادة والرغبة في إنك توصلي للوزن المناسب والشكل المثالي وتتحدي رغبتك الشديدة في الأكل.
اريد المساعدة؟؟ انا بعمل دايت
اريد المساعدة؟؟ انا بعمل دايت منذ حوال 2 شهر ومانزلتش غير 5 كيلو، والآن بعمل دايت اخر بس بنزل بطيء جدااا.. كنت أريد أن اضعف حوالي 25 كيلو إلى 30 خلال 4 شهور؟؟؟ هل يمكن؟ وما هو الحل..
وخصوصاً ان نفسيتي تعبت جدااا.. عايزة حاجة تساعد مع الريجيم ادوية تخسيس وهعمل معاها رياضة.. وشكرا.
==========
رد بص وطل:
الصديقة العزيزة المعدل الصحي للنزول في الوزن هو 2 كيلو شهرياً يعني المعدل اللي كنتي بتنزلي به ده كويس وصحي جداً، لإن النزول البطيء في الوزن يضمن لك إنك مش هترجعي لوزنك مرة تانية بسهولة، بس أهم حاجة في الريجيم إنه يبقى صحي ومتوازن وإن نظام الريجيم يتغير أسبوعياً لإن الجسم لما بيتعود على نظام معين بيقاومه وبيبقى تأثير الريجيم ضعيف عليه، وبلاش تلجأي لموضوع الأدوية ده إلا لما الدكتور يكتبها لك على حسب حالة جسمك وطبيعته لإن موضوع أدوية التخسيس دلوقتى أثار جدل كبير جدا ومنظمة FDA العالمية منعت تماما الأدوية اللي بتحتوى على مادة السيبيوترامين وهى مادة اثبتت انها تؤدى الى مشاكل كثيرة للجسم وتضر بالانسان ضرر بالغ وتؤدى الى ذبحات صدرية وأزمات قلبية كثيرة جدا جدا وعلشان كده لابد أن نمتنع تماما عن كل الأدوية اللى فيها مادة السيبيوترامين وهى دايت ماكس، Meridea sibotrim ،slimax
السلام عليكم، بتمني الاقي
السلام عليكم، بتمني الاقي الرد منكم، اولا بشكر الموقع الرائع علي خدماته العديده المتميزه، ثانيا انا عندي 19 سنه طولي 155 وزني 46، وما بتخنش عشان عندي قرحه سببها بكتيريا، ممكن اعرف انا ممكن اعمل ايه عشان اتخن شوية اصل شكلي بيدي اصغرررررر بكتيييييير من سني ودي حاجه بقت تضايقني.. وشكرا لكم.
==============
رد بص وطل:
الصديقة العزيزة، أولاً بنشكرك على رأيك فينا وكلامك الجميل ونتمنى إننا نفضل دايماً عند حسن ظنكم بينا، وبالنسبة لمشكلة النحافة اللي بتعاني منها فدي حلها إنك الأول تعالجي المشكلة اللي عندك تحت إشراف دكتور متخصص، ولازم تتابعي مع دكتور تغذية علشان يديكي نظام غذائي مناسب لحالتك ولطبيعة جسمك، ولازم تعرفي إن علاج النحافة أصعب من علاج السمنة لإن بناء الجسم بياخد وقت أكثر من هدمه، علشان كده لازم تصبري وتواظبي على النظام اللي هيديهولك الدكتور.
ارجوكي انا فرحي بعد شهرين
ارجوكي انا فرحي بعد شهرين وعندي كرش انا وزني 67 وطولي 167 بس عندي كرش وبطن وعاوزه نظام ريجيم كويس لتخسيس الكرش أرجوكم في اسرع وقت لإن فرحي بعد شهرين ان شاء الله ارجو الاهتمام بالرسالة.
============
رد بص وطل:
للأسف مفيش ريجيم لتخسيس منطقة معينة في الجسم، لكن الريجيم بيخسس الجسم كله، وعلشان تخسسي منطقة البطن فده بيكون عن طريق ممارسة التمارين الرياضية أو اللجوء لعمليات التجميل.
هل فعلا احسن ريجيم هو انى آكل
هل فعلا احسن ريجيم هو انى آكل كل حاجة ومحرمشي نفسي ولكن بكميات قليلة واعمل رياضة وهل ينفع مع طبيعة أي جسم؟ وشكرا.
===========
رد بص وطل:
الريجيم الصحي هو اللي بيحتوي على كل العناصر الغذائية اللي بيحتاج لها الجسم لكن الكميات بتكون على حسب طبيعة الجسم ومعدل السعرات الحرارية اللي بيحرقها لإن ده بيختلف من شخص لشخص،
