الجسم الرياضي.. محتاج لريجيم مخصوص

عايزة اخس يا ناس طولي 167 ووزني 79 الناس كلها بتقول ميبنش عليّ اني وزني كده اصلا بس انا كنت رياضيه قديمه :) ودلوقتي بعد ماخلصت دراستي واشتغلت وبطلت الرياضة وزني زاد وبقي بالشكل ده
:( وللاسف شغلي فترتين وبينهم 4 ساعات راحه بس والوقت ده كله بيبقي حركه ومشاوير وبروح الجيم العب لكن وزني ثابت مبخسش
وبقلل في الاكل جدا يعني النظام المكتوب فوق يبقي كتيييير اوي هتخن عليه وللاسف وجبتي الاساسية بالليل ومش عارفة اغيرها
اعمل ايه؟

==============

رد بص وطل:
بعض الناس تتبع نظام ريجيم واحد لمده طويله متخيله انه صح او متبعه نظام فى الاكل مرتاحه عليه وفى هذا النظام لخبطه وهو لا يعرفها وبيكررها طول الوقت فالوزن بيثبت عند رقم معين ولا يتحرك او قد يزيد وزن المريض رغم الالتزام والحل هو التاكد ان النظام المتبع صح وثانيا تسجيل كل حاجه بناكلها – حتى الشاى والقهوة اى حاجه بتدخل المعده - فى جدول لمده اسبوع وعرضها على متخصص عشان يقدر يحدد فين اللخبطه بالتحديد.
لو استمر الوزن ثابت نلجأ الى مساعدة الجسم بالدواء يسرع عملية الحرق التى تختلف من شخص لاخر.
لو بعد الالتزام والدواء المشكله مستمرة ممكن نجرى تحليل هرمونات لان قد يكون هناك لخبطه فى الهرمونات او فى مشكلة ما تسبب زيادة الوزن او تمنع انقاص الوزن.

عايزة اخس يا ناس طولي 167 ووزني 79 الناس كلها بتقول مايبنش عليّ اني وزني كده اصلا بس انا كنت رياضيه قديمه :)
ودلوقتي بعد ما خلصت دراستي واشتغلت وبطلت الرياضه وزني زاد وبقي بالشكل ده :(
وللاسف شغلي فترتين وبينهم 4 ساعات راحه بس والوقت ده كله بيبقي حركه ومشاوير وبروح الجيم العب لكن وزني ثابت مابخسش وبقلل في الاكل جدا يعني النظام المكتوب فوق يبقي كتيييييييير اوي هتخن عليه وللاسف وجبتي الاساسيه بالليل ومش عارفه اغيرها.. اعمل ايه؟

==============

رد بص وطل:
أهلاً بيكي صديقة عزيزة للموقع، نتمنى إنك تتابعينا باستمرار، وبالنسبة لسؤالك لازم تعرفي إن بعض الناس تتبع نظام ريجيم واحد لمده طويله متخيله انه صح او متبعه نظام فى الاكل مرتاحه عليه وفى هذا النظام لخبطه ومش بنكون عارفينها وبنكررها طول الوقت فالوزن بيثبت عند رقم معين ولا يتحرك او قد يزيد وزن المريض رغم الالتزام، والحل هو التاكد ان النظام المتبع صح وثانيا تسجيل كل حاجه بناكلها – حتى الشاى والقهوة اى حاجه بتدخل المعده - فى جدول لمده اسبوع وعرضها على متخصص عشان يقدر يحدد فين اللخبطه بالتحديد، ولو استمر الوزن ثابت نلجأ الى مساعدة الجسم بالدواء ليسرع عملية الحرق التى تختلف من شخص لاخر، و
لو بعد الالتزام والدواء المشكله مستمرة ممكن نجرى تحليل هرمونات لان قد يكون هناك لخبطه فى الهرمونات او فى مشكلة ما تسبب زيادة الوزن او تمنع انقاص الوزن، ولا تنسي أهمية الرياضة في الحفاظ على الوزن وصحة الجسم بشكل عام.

انا وزنى 79 وطولى 163 وعملت ريجيم كتير كنت بعمل وابطله كل فترة لحد ما وزنى ثبت على 79 بقالى سنة ومش عارفة اخس اكتر من كدة اعمل ايه؟

===========

رد بص وطل:
الصديقة العزيزة بعض الناس تتبع نظام ريجيم واحد لمده طويله متخيله انه صح او متبعه نظام فى الاكل مرتاحه عليه وفى هذا النظام لخبطه وهو لا يعرفها وبيكررها طول الوقت فالوزن بيثبت عند رقم معين ولا يتحرك او قد يزيد وزن المريض رغم الالتزام والحل هو التأكد ان النظام المتبع صح وثانيا تسجيل كل حاجه بناكلها – حتى الشاى والقهوة اى حاجه بتدخل المعدة - فى جدول لمده اسبوع وعرضها على متخصص عشان يقدر يحدد فين اللخبطه بالتحديد، ولو استمر الوزن ثابت نلجأ الى مساعدة الجسم بالدواء يسرع عملية الحرق التى تختلف من شخص لاخر ولو بعد الالتزام والدواء المشكله مستمرة ممكن نجرى تحليل هرمونات لان قد يكون هناك لخبطه فى الهرمونات او فى مشكلة ما تسبب زيادة الوزن او تمنع انقاص الوزن.

انا وزنى 67 وطولى 157 ومش عارفة انزل وزنى خالص بخس وبرجع بسرعة جدا اتخن تانى مش عارفة اعمل اية بجد.

===========

رد بص وطل:
لازم تمشي على نظام غذائي صحي تحت إشراف دكتور متخصص علشان يديكي النظام المناسب مع طبيعة جسمك ومع المجهود اللي بتبذليه، ومش لازم إنك تنزلي وزنك بسرعة، وبعد ما توصلي للوزن اللي غنتي عايزاه لازم تمشي على نظام تثبيت واللي بيكون وسط بين الريجيم ونظام الأكل العادي.

انا مشكلتى انا طبيعة شغلى قاعد طول النهار عشان انا شغال مصمم جرافيك قاعد على جهاز كمبيوتر طول النهار فوزنى زاد بدأت اروح الجيم بس ساعات بكسل كتير بس انا بطبيعتى بمشى كتير بس برده وزنى بدأ يزيد عن الاول ومش عارف اعمل ايه قللت من أكلى بس المشكله فى قعدتى فارجو النصيحه.

=============

رد بص وطل:
اهم شى إنك تتبع نظام غذائى صحي وان تاكل ال 3 وجبات منتظمين وان يكون فى وقت بينهم على الاقل 5 ساعات، ولابد أن يكون النظام الغذائى معتدل ويناسب ظروفك واسلوب حياتك الشخصي وان يراعى فية نظام الاكل ومعدل المجهود فى الشغل، مع ضرورة الانتظام على ممارسة الرياضة.

اوافق الأخت بان الرقص يعتبر من التمارين الرياضية لاننى امارس الرقص بالاضافة الى استعمال وسيلة اخرى للتخسيس وهى الدخان او الساونا السودانية بدون اى مغذيات اضافية.

أنا عايزة اعرف انا مش بامكاني اروح جيم انا طولي 160 ووزني 77 هل الرقص يعتبر من التمارين الرياضية اللي بتخسس ولا لا وايه الوزن المثالي وانا بمشي علي انظمة مع دكتور مثلا الافطار ربع رغيف وبيضة أو جبن قريش وشاي بلبن والغذاء قطعة لحمة او ربع فرخة او سمكة وطبق سلطة كبير وربع رغيف أو 4 معالق أرز العشاء كوب زبادي خالي الدسم و2 موز او 2 تفاح مع العلم بيتغير كل اسبوع هل هو صحي.

=========

رد بص وطل:
الرقص يعتبر من التمارين الرياضية وبيحرق سعرات حرارية، واي حركة بتعمليها بتحرق سعرات حرارية وكمان المشي مهم ومفيد جداً، والوزن الصحي المناسب مع طولك يتراوح بين 51 إلى 63 كيلو.

ياريت تحديد نوع الرياضه, بس انا لاحظت وزن فأستنتجت انها لعبه حديد فلو هكذا فهذا النظام يعد نوعا ما ضعيف وطبعا من الخطأ شرب سفن اب قبل التمرين ويفضل استبداله بأي ماده تحتوي على نسبه من السكر وكمان اليوم الثالث نوعا ما ضعيف الا لو كان القصد تخفيف الوزن.