اخسر من 5-6 كيلو.. في الأسبوع الثالث من ريجيم رمضان العادي

صراحه انا جربت كتير وكان وزنى ينزل لكن للاسف رجع وكإنه ما صار شىء تعبت صراحه من الريجيم ومن تكاليفه.

============

رد بص وطل:
المشكله اننا بننمارس عادات فى الاكل لما بنعمل ريجيم بنوقفها بمجرد ما نتوقف عن الريجيم وبنرجع مرة تانيه لكل عاداتنا الغذائية السيئة ونعوض ايام الحرمان باكل كميات هائلة من كل حاجه كنا محرومين منها وقت الريجيم وخاصة لو ما عملناش تثبيت وبصراحه خسارة التعب اللى تعبناه يروح على الفاضى.. وهو ده سبب اننا بنرجع بسرعه وأكتر من الاول يعنى لو خسرنا خمسة كيلو ممكن نرجعهم عشرة لو لم نثبت الوزن.

وزنى 73 وطولى 163 ما هو الوزن المثالى وانا ماشية على الريجيم ومش عارفة اخس وسني 14.5 اعمل اية.

==========

رد بص وطل:
الوزن الصحي المناسب مع طولك المفروض إنه يتراوح بين 53 لـ 66 كيلو، ويمكنك اتباع ريجيم الأطفال الموجود على "اخسر وزنك" وده اللينك بتاعه http://www.boswtol.com/health-and-beauty/diet/10/june/6/14848

انا وزني 104 وطولي 190 وابتديت ريجيم من 1 اغسطس وبعدين كملت معاكم...انا بروح جم وخسيت 10 كيلو لحد دلوقتي يعني انا كنت 114 ودلوقتي 104.. وزني بينزل ببطء دلوقتي مع العلم اني باكل اقل من المكتوب كمان.. أعمل ايه؟

==============

رد بص وطل:
مش شرط إن الوزن ينزل بسرعة لكن المهم إننا نحافظ على الوزن اللي نزلناه لإن النزول السريع في الوزن من السهل إنه يرجع تاني.

اريد نظام ريجيم سريع وقاسي بالاكل العادي

مش عارفه امشى على النظام اعمل ايه انا باكل الاكل اللي والدتي بتعمله بس قليل.

===========

رد بص وطل:
لازم يكون عندك إرادة قوية علشان تقدري تخسري وزنك وتوصلي للوزن اللي إنتي عايزاه، والريجيم اللي إحنا مقدمينه مش صعب يعني ممكن تاكلي الحاجات اللي احنا بنقولها مع كميات سلطة كبيرة، وممارسة التمارين الرياضية مهمة وضرورية جداً حتى ولو كانت رياضة المشي يومياً لمدة نصف ساعة.

انا وزني 80 وطولي 164 ما الوزن المثالي please

===========

رد بص وطل:
الوزن الصحي والمناسب مع طولك يتراوح بين 53 وحتى 67 كيلو.