اخسر 5-6 كيلو.. مع ريجيم رمضان العادي

Ana toli 165 w wazni kan 63 w b2ali shahr 3mala azid l7ad 68 m3 eni msh akola , kman bazid fi mnt2t el fe7'ad bass
eh a7san tari2a anzl beha el mnt2a di??

===========

رد بص وطل:
لابد من اتباع ريجيم صحي متوازن للجسم كله لإن مفيش ريجيم لمنطقة معينة في الجسم، وبالنسبة للسمنة الموضعية فلها طرق معينه لتساعد على فقد الدهون ولكن بجانب الريجيم وليس لوحدها وهى....
العمليات الجراحية وهذه الطريقة سهلة ولا تحتاج لمجهود عضلى
ولكن تدخل ضمن نطاق العمليات الجراحية والبنج الكلى والمشاكل المعتادة لهم الى جانب نظام ريجيم بعدالعملية حتى تحافظى على نجاح العملية وحتى لا تستردى الدهون او تفقدي تناسق الجسم، وثاني طريقة هي الرياضة وهى وسيلة أمنة وليس فيها خطورة ولكن تأخذ وقت لا يقل عن 6 الى 8 شهور بانتظام.

لو سمحتم انا عندى مناطق فى جسمى مليانه وعاوزة طريقة ريجيم سريعة ومفيدة انا عندى 19 سنة.

=========

رد بص وطل:
طيب تابعينا وإن شاء الله هنقدم ريجيمات صحية تقدري تتابعيها معانا، وكمان تقدري تستشيري دكتور متخصص علشان يديكي النظام الغذائي على حسب طبيعة جسمك مع ضرورة ممارسة التمارين الرياضية بانتظام.

انا عندى 30 عام ووزنى 68 وطولى 165 ومشكلتى في البطن عندى كرش بسبب الولادة ممكن تبعتي لى وصفة طبيعية او نظام غذائى لتنزيل الكرش ويكون سريع وشكرا لتعاونك.

===========

رد بص وطل:
الصديقة العزيزة لا يوجد ريجيم معين أو مخصوص لمنطقة معينة فى الجسم ولابد ان يتأثر الجسم كله بالريجيم ولكن بنسب مختلفة على حسب درجة الدهون الزائدة عن الطبيعى فى كل منطقة عن الأخرى، وعلشان تخسي لازم تتبعي نظام غذائي صحي ومفيد ولابد من أتباع التعليمات والارشادات الموصوفة بالتزام تام حتي تكون نسبة الاستفادة من الريجيم هي النسبة المثالية ويتم تحقيق اعلى نسبة نجاح، أما بالنسبة لموضوع السمنة الزائدة فى البطن والارداف لها طرق معينه لتساعد على فقد الدهون ولكن بجانب الريجيم وليس لوحدها وهى....
أولا العمليات الجراحية سواء شد الجلد أو شفط الدهون . هذة طريقة سهلة و لا تحتاج مجهود عضلى ولكن تدخل ضمن نطاق العمليات الجراحية والبنج الكلى والمشاكل المعتادة لهم الى جانب نظام ريجيم بعد العملية حتى تحافظى على نجاح العملية وحتى لا تستردى الدهون او تفقدي تناسق الجسم
ثانيا الرياضة وهى وسيلة أمنة وليس فيها خطورة ولكن تأخذ وقت لا يقل عن 6 الى 8 شهور بانتظام وتحتاج الى مجهود عضلى وتنظيم فى الاكل واتباع نظام مكتمل العناصر الغذائية حتى يتم فقد الدهون بانتظام ويجب مراعاة نظام الاكل بعد توقف الرياضة حتى لا يتم ارتجاع الدهون المفقودة.

أنا مشكلتي مش بعرف اعمل ريجيم ولا عمري عملت ريجيم ونفسي بجد اعمل ونفسي تكون عندي الارادة القويه قولوا لي اعمل ايه أنا طولي 163 ووزني والله ما اعرفه بس ممكن يكون 70 على حسب تقدير نفسي مش عارفه عاوزة اعمل ريجيم يكون كويس واقدر عليه شكراً لبص وطل اووويييي.

=============

رد بص وطل:
الصديقة العزيزة لازم تبعتي لنا طولك ووزنك بالتحديد، علشان نقدر نحدد إذا كنتي بتعاني من زيادة في الوزن ولا لا، وعموما حاولي تنظمي أكلك على أد ما تقدري وحاولي إنك توازني بين السعرات الحرارية اللي بتحصلي عليها في اليوم وبين المجهود اللي بتبذليه في اليوم، وكمان لازم تمارسي التمارين الرياضية.

ana toly 150 w wazney 63 w mesh 3arfa amshy 3ala regem

==========

رد بص وطل:
الصديقة العزيزة لازم يكون عندك إرادة وعزيمة علشان تقدري توصلي للوزن المناسب ليكي وللشكل المناسب، ولازم تعرفي إن خسارة الوزن مش بس للحفاظ على الشكل ولكنها كمان للحفاظ على صحتنا.

ممكن اعرف هل الصدر ممكن يخس ولا لا وازاى بالرياضه ولا الريجيم؟

=============

رد بص وطل:
لازم تمشي على ريجيم صحي ومتوازن علشان تنزلي وزنك، أما بالنسبة لمشكلة السمنة الموضعية في الصدر فدي حلها ممارسة الرياضة أو اللجوء لعمليات التجميل.

انا وزني 70 وابي اصير 60 شلوووون

===============

رد بص وطل:
يمكنك الوصول للوزن المناسب باتباع ريجيم صحي وممارسة الرياضة.

ana toly 152 w wazmy 53 aw 54 w ba7es en batny mesh menasba wazny w mesh 3arfa amshy 3la regem

============

رد بص وطل:
ممارسة التمارين الرياضية بانتظام هي أنسب حل لمشكلة البطن وهي بتحتاج لوقت واستمرار ولكنها طريقة صحية ومفيدة للجسم ككل، مع الاهتمام بكميات الأكل اللي بناكلها يومياً وإننا نحرق السعرات الحرارية اللي بنحصل عليها في اليوم علشان ماتتخزنش على هيئة دهون.

أنا وزني 70 كيلو وطولي 163 المفروض يكون وزني المناسب كام؟

============

رد بص وطل:
الوزن الصحي والمناسب مع طولك المفروض إنه يتراوح بين 53 إلى 66 كيلو.

انا عندى 21 سنه وعندى كرش وعندى الجناب عاليه بس مش عارف اعمل ايه بليز ردوا عليّ وأهم حاجه الجناب دى وشكرا.

==========

رد بص وطل:
لابد من اتباع ريجيم صحي متوازن مع ممارسة التمارين الرياضية حتى ولو كانت رياضة المشي كل يوم لمدة ساعة او نصف ساعة.

السلام عليكم ورحمة الله وبركاته أنا وزني 92 كيلو وطولي 166 ونفسي أعمل الريجيم ده بس أنا برضع ابنتي وهي عام ونصف هل يتناسب معي
وزيادة وزني تتركز في البطن والأرداف وتقبلوا فائق احترامي.

===========

رد بص وطل:
ممكن تتابعي ريجيم صحي تحت إشراف دكتور متخصص علشان يديكي نظام غذائي مناسب مع الرضاعة ومع طبيعة جسمك، وعموما في ريجيم الأم اللي بترضع لازم يكون نظام غذائى متوازن يعني ننزل بالكثير 4 كيلو فى الشهر، ويراعى إضافة بعض الزيوت، ولبن منزوع الدسم وخضروات ورقية وفاكهة وسوائل كثير، ومش لازم ننسى أهمية الرياضة مع الريجيم للتخلص من مشكلة السمنة الموضعية.

أنا وزنى 96 وطولى 175 وعندى منطقه الايدين مليانه اوى ونفسى اخس بطريقه سريعه.

=============

رد بص وطل:
مفيش ريجيم لمشكلة السمنة الموضعية، ولازم تتابعي ريجيم صحي علشان جسمك ينزل بشكل عام مع ممارسة التمارين الرياضية.

السلام عليكم أنا بقى مش تخينة أنا نحيفة ويا ريت تفيدنى يا دكتور اولا انا وزنى 35 وطولى 156 طبعا كده انا نحيفة وسنى 14 سنة عاوزة حل فى اسرع وقت.

===========

رد بص وطل:
لازم تستشيري دكتور متخصص وتعملي بعض التحاليل علشان تعرفي سبب النحافة اللي عندك وبعد كده تاخدي العلاج والنظام الغذائي المناسب لحالتك، وتابعينا وإن شاء الله هنقدم أعداد عن النحافة في الفترة اللي جاية.

ريجيم حلو بس مكلف جدا ياريت يكون فى ريجيم للناس الغلابه ولا هما مش موجودين على الخريطه ولا ايه؟

انتوا مش عايشين معانا في البلد

انا طولى 165 ووزنى 88 عاوزه اخس بس مش هقدر امشى على النظام ده الاحسن ليا اتابع مع دكتوره ولا الجيم ارجوكم الرد.

=============

رد بص وطل:
ممكن تستشيري دكتور متخصص علشان يديكي النظام الغذائي المناسب ليكي على حسب طبيعة جسمك مع ضرورة ممارسة التمارين الرياضية سواء في الجيم أو عمل بعض التمارين البسيطة في البيت.

انا عاملة ريجيم ولكن لا اتناول وجبة السحور هل هذا يعيق الريجيم

===========

رد بص وطل:
ضروري جداً إننا ناكل وجباتنا كاملة خلال اليوم، والسحور بيعتبر وجبة اساسية ومهمة جداً في رمضان لازم نهتم بها وناكل فيها حاجات مفيدة وصحية.

انا طولي 165 وعندي 21 سنه يا تري ايه الوزن المناسب ليا.

=============

رد بص وطل:
الوزن الصحي والمناسب مع طولك يتراوح بين 53 لـ 67 كيلو.

هاى دكتور ازيك يارب تكوت بخير وكل سنه وانتم طيبين انا بس كنت عايزه اسال العصاير اللى الواحد يقدر يشربها على الفطار وكمان انواع الفاكهه اللى اقدر اكلها بكثره وشكرا.

============

رد بص وطل:
كل الفاكهة مسموحة الا البلح، والمانجو، والتين، والموز، والمشمش، والعنب، والكاكا، والقشطة، والكريز.

انا وزنى 79 كيلو وطولى 165 سم انا عاوزة اخس عاوزة اعرف اخس كام كيلو عشان اكون متناسقه مع العلم انى اكتر اماكن بتخن فيها فى الجسم البطن والارداف ارجو الرد عشان عاوزة اغتنم فرصه رمضان فى الريجيم.

============

رد بص وطل:
الوزن الصحي المناسب مع طولك لازم يتراوح بين 54 لـ 68 كيلو، يعني إنتي محتاجة تنزلي حوالي 10 أو 12 كيلو من وزنك وده طبعاً باتباع ريجيم صحي وممارسة التمارين الرياضية.

أنا طولى 164 ووزنى 60 وعندى 16 سنه هل الوزن ده مناسب ليا ولا أخس شويه.

===========

رد بص وطل:
الوزن ده مناسب مع طولك بس لازم تحافظي عليه وتاخدي بالك من أكلك باستمرار وتتابعي وزنك على الميزان علشان لو زدتي عن الحدود الصحية لوزنك تلحقي تنزلي الوزن اللي زدتيه بسرعة ولام تعرفي إن الحدود الصحية لوزنك والمناسبة مع طولك تتراوح بين 53 لـ 67 كيلو.

انا وزنى 90 كيلو اعمل اية.

============

رد بص وطل:
لو وزنك مش مناسب مع طولك وفيه زيادة يبقى لازم تمشي على ريجيم صحي وتمارس تمارين رياضية بانتظام.

الريجيم ممتاز لكنه مكلف جداااا أرجوك عايزين ريجيم يكون أقل تكلفة.

نظام ممتاز بس معتقدش ان ممكن الوجبات الموجودة للريجيم ممكن تكون كل يوم متوفرة بالمنزل انا عندي كرش وعايز اعرف ازاي انزله وشكرا.

===========

رد بص وطل:
ممارسة التمارين الرياضية هي أحسن طريقة للتخلص من مشكلة السمنة الموضعية.

هو الرجيم حلو اوك بس مكلف جداااااا مش ممكن تعمل رجيم يكون معقول عن كده شويه

هو الريجيم ده كويس بس عايزة حاجة من الاكل اللي موجود في البيت

هو النظام حلو جدا
بس معتقدش انى ممكن امشى عليه

بجد ريجيم حلو اوى انا وزنى 70 وطولى 157 ياترى هنزل لو اتبعت الريجيم دة للوزن المثالى ياريت تردوا عليّ وينفع نشرب عصاير ولا ايه.

==========

رد بص وطل:
الريجيم ده هتقدري تنزلي معاه من 5 لـ 6 كيلو خلال الشهر.

ينفع نفس الوجبات دي بس مش بنفس ترتيب الأيام!! يعني ابدأ باليوم الرابع مثلا وبعدها وجبةاليوم الثاني!! ولا لازم أحافظ على الترتيب؟

===============

رد بص وطل:
لازم تمشي بنفس الترتيب اللي موجود في الجدول.