اخسر 2-3 كيلو.. مع ريجيم رمضان المعقول

انا عندي 15 سنة ووزني 72 وطولي 155 وزني المثالي كام؟

==============

رد بص وطل:
الوزن المثالي المناسب مع طولك يختلف يعني لو كنت ذكر فالوزن المثالي لطولك هو 51 كيلو أما لو كنت أنثى فالوزن المثالي المناسب مع طولك هو 48 كيلو.

انا طولي 155 بعد ما ولدت بقيصريه صار وزني 77 كيلو اتبعت حميه وخسيت فيها 11 كيلو وصرت 66 وظليت 7 اشهر على هذا الوزن وخففت في الاكل الان رجع وزني يرجع وعندي كرش وكارهه نفسي ساعدوني.

===========

رد بص وطل:
المشكله هي اننا نمارس عادات فى الاكل لما بنعمل ريجيم بنوقفها وبمجرد ما نتوقف عن الريجيم بنرجع مرة تانيه لكل عاداتنا الغذائية السيئة، والحل إنك تعملي تثبيت لوزنك مع ضرورة ممارسة التمارين الرياضية.

السلام عليكم وكل عام وانتم بخير انا طولى 155 وزنى 60 بس عندى بطن ومش عارفة ايه التمارين اللي ممكن اعملها او لو فى ريجيم بنزل البطن يبقى افضل.

==========

رد بص وطل:
مفيش ريجيم ينزل منطقة معينة في الجسم، لكن لازم نمشي على ريجيم صحي متوازن ينزل الجسم كله مع ممارسة التمارين الرياضية الخاصة بشد عضلات البطن.

السلام عليكم....... أنا طولى 178 او 180 سم تقريبا ووزنى 93 كم وعظمى شويه عريض وكنت عاوز اعرف الوزن المثالى ليا المفروض يكون كام وكنت عاوز اعرف نظام ريجيم مناسب ليا امشى عليه مع العلم اننى مش بلعب او مش بحب العب رياضه كتير ومش بخرج وبالخصوص فى رمضان كتير... ارجو افادتى بنظام ريجيم مناسب لى وشكرا.

============

رد بص وطل:
الصديق العزيز يمكنك اتباع ريجيم رمضان الموجود على بص وطل، وإن شاء الله بعد رمضان هنقدم ريجيمات صحية، وبالنسبة لوزنك المثالي المناسب مع طولك فهو 83 كيلو لو كان طولك 178 و85 لو كان طولك 180.

انا عايزة اخس ومنطقة الكرش عايزة اخلص منها باى شكل ونفسى ابقى رشيقة أنا عمري 17 سنة لو سمحتم ساعدونى قبل دخول المدارس.

===========

رد بص وطل:
لازم تمشي على ريجيم صحي وتمارسي تمارين رياضية وده لينك عليه ريجيم صحي مناسب مع سنك ممكن نمشي عليه بعد رمضان واللينك هو http://www.boswtol.com/health-and-beauty/diet/10/june/6/14848

انا طولى 160 وعايزة الوزن المثالى كام ووزنى 77

==============

رد بص وطل:
الوزن المثالي المناسب مع طولك هو 56 كيلو.

انا وزنى 90 وطولى 153 وخطوبتى اربت اوى وبجد محتاجة لكم اوى تساعدونى.

=========

رد بص وطل:
لازم تبداي تتبعي ريجيم تحت إشراف دكتور مع ممارسة التمارين الرياضية.

انا طولى 167 ووزنى 74 عاوزه اخس لان الدهون عندى متراكمة فى منطقة الارداف والمؤخره اعمل ايه.

=============

رد بص وطل:
لابد من اتباع ريجيم صحي متوازن مع ممارسة التمارين الرياضية للتغلب على مشكلة السمنة الموضعية.

لو سمحت انا عايزة اعمل ريجيم لتخسيس البطن والظهر.

==============

رد بص وطل:
مفيش ريجيم بيخسس مناطق معينة في الجسم، وعلشان تنزلي الدهون المتركزة في مناطق معينة في الجسم لازم تعملي ريجيم مع ممارسة التمارين الرياضية.

السلام عليكم الريجيم ده ينفع لمريص السكر.

==========

رد بص وطل:
لازم تستشير الدكتور المعالج لك علشان يقول لك إذا كان الريجيم ده مناسب مع حالتك ولا لأ.

لو سمحت انا طولي حوالي 153 ايه الوزن المثالي ليا؟

============

رد بص وطل:
الوزن المثالي والمناسب مع طولك هو 49 كيلو.

انا طولي 160 ووزنة 71 كيلو انا كنت رفيعة مثالية 62 كليو والزيادة دي كلها في رمضان اللي فات بس لانى كنت باكل وانام وطبعا معرفتش ارجع لوزني تاني لاني عمري ماعملت ريجيم ياريت تفيدوني في المحافظة في رمضان على اكلي.

==========

رد بص وطل:
ممكن تتابعي معانا ريجيم رمضان علشان تقدري تخسري وزنك وترجعي تاني للوزن المثالي.

بصراحه انا محتاجه اخس في رمضان مش لحاجه غير لاني بتمني ربنا يرزقني في شهر الخير بالذريه الصالحه يارب "ادعولي ككلكم " علشان كده قولولي الريجيم دي بيخسس اد ايه في الاسبوع ولا هو 3-4 كيلو في الشهر كله ياريت حد يرد عليه.

=============

رد بص وطل:
إن شاء الله ترزقي بالذرية الصالحة، وبالنسبة للريجيم فهو بيخسس من 2 لـ 3 كيلو في الشهر.

ايه الفاكهه المسموح بيها؟

===========

رد بص وطل:
كل الفاكهة مسموحة الا البلح، والمانجو، والتين، والموز، والمشمش، والعنب، والكاكا، والقشطة، والكريز.

عاوزين نظام غذائى لزيادة الوزن كل الناس بتهتم بأصحاب الوزن الزائد وناسين مشكلة النحافة اللى بيعانى منها عدد كبير جدا.

============

رد بص وطل:
تابعينا بعد رمضان وإن شاء الله هنقدم موضوعات أكتر خاصة بالنحافة.

سلام عليكم... كل سنه وانتم طيبين طبعا انا وزني 69 وطولي 168 وانا تعبانه جدا من جسمي وحاسه اني تخينه مع العلم إن الكل بيقولوا لي انه انا كويسه بس انا نفسي ابقى 60 ومش عارفه اعمل ايه ووزني عمال يزيد بدون سبب وانا مشكلتي مقدرش اضبط نفسي بريجيم لان كل اللي حواليه مبيشجعونيش وانا نفسي احيانا اشوف جسمي مش لدرجه اني اعمل ريجيم واتعب فيه بس مش عارفه اعمل ايه ممكن تساعدوني.

===========

رد بص وطل:
الصديقة العزيزة، مش لازم تعملي ريجيم فن وزنك فعلاً مش زيادة أوي لكن لازم تظبطي عاداتك الغذائية وتهتمي إنك تعملي مجهود يوازي السعرات الحرارية اللي بتحصلي عليها خلال اليوم علشان ما تتحولش لدهون وتتخزن في جسمك، وممكن تاخدي من رمضان فرصة علشان توصلي للوزن اللي إنتي عايزاه لو اتبعتي النصايح اللي قولنا عليها.

i loved your topics it is effective and interesting