في شهر رمضان المبارك هنتابع الريجيم مع الدكتور "محمد أبو الغيط".. اللي هيساعدنا إننا نجد حافز يدفعنا للانتظام في الريجيم، وخاصة إن "سفرة" رمضان وأطباقها الجامدة جداً بتخلّينا نضعف ونبطّل ريجيم... والحِجة "الدنيا صيام"، والجو حر "جوع" و"عطش"، هنعمل إيه؟!!
- أصعب حاجة في الريجيم قرار البداية... فما بالك في رمضان وبيوتنا تتنافس في المحمرات والحلويات.. إزاي نبدأ؟
رمضان شهر مهم جداً للناس اللي عاوزة تخس وتحقق رقم على الميزان، وخاصة من يلجأ للريجيم من أجل هدف محدد؛ بمعنى لو واحدة خطوبتها في العيد... بالمناسبة لاحظت من خلال عيادتي أن العيلة اللي منتظرة مناسبة بعد رمضان بيعملوا ريجيم مع العروسة ابتداءً من الأم وحتى بنات الأقارب علشان الفستان والصور والفرح والبحث عن عريس بالمرة!!
وكمان لو واحد بيدوّر على وظيفة وشايف إنه لازم ينزل شوية علشان يكون شكله معقول في البدلة.. وعلى كل الأحوال البحث عن حافز يساهم جداً في تحقيق معدلات مرتفعة في إنقاص الوزن.
وطبعاً رمضان فرصة مميزة وحقيقية؛ فنحن نمتنع عن الأكل لمدة تزيد على 12 ساعة.. في الأيام العادية بنستعين بالدواء علشان نقلل من شهيتنا للأكل.. لكن في الصيام الامتناع عن الأكل بيكون إجباري، وبكده نصف المهمة بتتحقق؛ يعني مش هاقدر "ألخبط في الأكل" خلال اليوم، وعلشان نستفيد عملياً لو ما فيش مناسبة بعد العيد تدفعنا للريجيم.. ممكن حط هدف تاني مهم.
- هل الصلاة بتساعد مع الريجيم؟!
لازم يكون في أذهاننا معلومة مهمة جداً؛ إن الجسم لا يحرق السعرات الحرارية بكفاءة في رمضان؛ لأن معدل الحرق بيكون أعلى في النهار، علشان كده كثرة الصلاة والعبادة بتساعد جداً الجسم في حرق السعرات الحرارية.
- يا ترى ممكن نحصل على وجبة حرة؟
طبعاً من الممكن أن نحصل على وجبة حرة في الأسبوع خلال الأيام الثلاث الأولى من كل الريجيم، وممكن "نأجّلها" ليوم فيه عزومة أو هنخرج مع أصحابنا أو عندنا إفطار جماعي أو أي مناسبة يتعذّر فيها أن نفطر وجبة ريجيم وناكل في الوجبة أي حاجة نفسنا فيها بحرية، لكن طبعاً دون إسراف.
|
والمفاجأة.. د."محمد أبو الغيط" بيقدّم لنا نوعين ريجيم لرمضان هيستمروا معانا لمدة 4 أسابيع.. |
النوع الأول: ريجيم معقول ممكن نخس عليه لو اتبعناه بدقة من 2 - 3 كيلو، وهو مخصوص للناس اللي خايفة تتخن في رمضان، بس مش هتقدر تقاوم القطايف والخشاف والحاجات الحلوة.. هيكون للمجموعة دي نظام هيكون منشور على الموقع -وأرجو من قرّائنا إنهم يبعتوا بالنتائج أوّل بأوّل- ولو بتواجههم مشاكل يبعتوا علشان أقدر أساعدهم فيها، والمهم إننا في نهاية كل أسبوع نوزن نفسنا ونراقب النتيجة.
النوع الثاني: الريجيمات العادية اللي هنتّبعها في الأيام العادية، هذا الريجيم هو ريجيم قاسي شوية لو اتبعناه في رمضان؛ ولكن نتيجته مضمونة جداً، وممكن المريض يحقق رقم ممتاز، ويخس عدد كبير من الكيلوات بنهاية رمضان على أقل تقدير؛ ممكن يخس 5 - 6 كيلو أو أكتر بشرط أن يجعل وجبة الغداء هي وجبة الفطار، ووجبة العشاء الساعة 12، ووجبة السحور الساعه 4 وهي وجبة الإفطار في الأيام العادية، وممكن يتخلى عن وجبة السحور ويكتفي بوجبة العشاء ويعتبرها السحور.
وعلشان تتابعوا الريجيم معانا اضغطوا على اللينكات التالية:
أنا اول مره اشترك فى الموقع
أنا اول مره اشترك فى الموقع انا عندى مشكله فى وزنى ومش عارفه اخس خالص انا وزنى 80 وطولى 163 ونفسى اخس والمشكله انى مش باكل كتير بس ممكن مش بتحرك كتير يعنى انا تخنى ده مش عارفه اعمل فيه ايه.
=========
رد بص وطل:
أهلاً بيكي يا سهى ويا ريت تتابعينا دايماً، وبالنسبة لسؤالك فإنتي لازم الأول تستشيري دكتور متخصص وتعملي بعض التحاليل علشان تعرفي إيه سبب السمنة اللي عندك وبالتالي تاخدي النظام الغذائي والعلاج المناسب لحالتك ولازم تعرفي إن أهم حاجة للحفاظ على الوزن إننا نبذل مجهود مساوي للسعرات الحرارية اللي بنحصل عليها في اليوم.
انا وزنى 50 وطولى 160 وعايزة
انا وزنى 50 وطولى 160 وعايزة اعرف المفروض وزنى المثالى يبقى قد ايه وعايزة طريقة علشان اتخن؟؟؟
=============
رد بص وطل:
الوزن الصحي المناسب مع طولك يتراوح بين 50 لـ 64 كيلو، ولو عايزة وزنك يزيد شوية يبقى حاولي تكثري من الأكلات اللي فيها سعرات حرارية عالية زي العسل والحلاوة وكمان لازم تاخدي الوجبات الغذائية كاملة، ولازم تعرفي إن اكتساب الوزن بيحتاج لوقت أكتر من خسارة الوزن لإن بناء الجسم أصعب من هدمه.
أنا طولي 176 ووزني 75 انا
أنا طولي 176 ووزني 75 انا بطني مناسبة مش مليانة أوي بس مليانة من الجزء اللي تحت عايزة اعرف ايه هو الوزن المثالي لطولي.
===========
رد بص وطل:
الوزن الصحي المناسب مع طولك لازم يتراوح بين 61 لـ 77، وبالنسبة لمشكلة السمنة الموضعية فأحسن حل لها هو إننا نمارس التمارين الرياضية.
أنا طولي 160 ووزني 55 انا
أنا طولي 160 ووزني 55 انا حاسه انه مناسب بس انا عندى مشكله انى عريضه من تحت وعندى بطن وانا عاوزة اخفي موضوع البطن ده لانه مضايقني اعمل ايه.
============
رد بص وطل:
وزنك فعلاً مناسب مع طولك، وعلشان تتغلبي على مشكلة البطن دي لازم تمارسي التمارين الرياضية الخاصة بشد عضلات البطن.
في يوم فات ممكن تمشي مع نفس
في يوم فات ممكن تمشي مع نفس الريجيم.
===========
رد بص وطل:
ممكن تبدأي الريجيم من النهارده وتتابعي معانا.
طيب ممكن تكتبوا لنا نظام
طيب ممكن تكتبوا لنا نظام للنحافة امشى عليه في رمضان امشى عليه طول الشهر واكل فيه ايه وازاى ازود في الاكل مع انه في رمضان بيبقى الفطار بس والسحور او ايه اللى ممكن اكله يساعد على زيادة وزنى بسرعة بجد زهقت من رفعي انا وزنى 50 وطولى 100 حاجة وستين وتابعت مع دكتورة بس مكملتش ياريت بجد تقولوا لى وتقروا رسالتى ضروررررى وكل سنة وانتم طيبين.
==========
رد بص وطل:
لازم تتابعي علاجك مع دكتور متخصص علشان تاخدي النظام الغذائي والأدوية المناسبة مع حالتك، وإن شاء الله نقدم أعداد في الفترة الجاية نتكلم فيها عن النحافة وأسبابها وطرق علاجها بالتفصيل.
بجد الموقع ده جميل جدا واكتر
بجد الموقع ده جميل جدا
واكتر موقع بحبه
وشكرا ليكم لاهتمامكم بينا وصحتنا
رجاء عمل نظام غذائى يتناسب مع
رجاء عمل نظام غذائى يتناسب مع ظروف الاسرة المصرية المتوسطة مش الفقيرة لان انا شايف ان الوجبات دى مكلفة جدا فرجاء وضع بدائل تكون فى متناول الاسر محدودة الدخل
ولكم جزيل الشكر ( وكل عام وانتم بخير ) وتقبل الله منا ومنكم
اقصد يعنى اعمل ايه لو الأكل
اقصد يعنى اعمل ايه لو الأكل اللى هاكله غير متفق مع النظام اللى وضعتوه اعمل ايه يعنى مثلا لو هاكل سمك وانتم حاطين لحمه او خضار ايه اللى المفروض اعمله؟
==============
رد بص وطل:
طبعاً إنتي بتبقي عارفة النظام الغذائي بتاعك عامل إزاي وبتنظمي أكلاتك على أساسه، يعني لازم تمشي على الريجيم مظبوط من غير اي خلل علشان توصلي للنتيجة اللي إنتي عايزاها.
بخصوص الريجيم التاني اللي هو
بخصوص الريجيم التاني اللي هو العادي بتقولوا من 5-6 كيلو؟ هل في الشهر ولا في الاسبوع، ولو في الشهر يبقى ملهوش اي لازمه انا لو مشيت كل يوم ساعه قبل فطار واكل اللي انا عايزه هخس وهيكون احسن بكتير من الريجيم ده أرجوكم التوضيح لان وزني كان 70 وفجاه بقيت 93 وعايز انزل وزني بس مش 6 كيلو بس في شهر عايز اكتر من كده.
===========
رد بص وطل:
الريجيم العادي بيخسس 6 كيلو في خلال الشهر، ولازم تعرف إن النزول السريع في الوزن مش حاجة كويسة لإن الوزن اللي بننزله بسرعة بيكون من السهل إنه يرجع تاني، وطبعاً ممكن تعمل الريجيم ده مع ممارسة الرياضة وتكمل بعد رمضان الريجيم.
رجاءا يكون الكلام اكثر دقة
رجاءا يكون الكلام اكثر دقة يعنى يتكتب خسارة الوزن خلال شهر او اسبوع.
==========
رد بص وطل:
خسارة الوزن بتكون خلال الشهر.
كل سنة وانتم طيبين رمضان
كل سنة وانتم طيبين رمضان كريم.
معلش ال 2-3 كيلو دول نخسهم في
معلش ال 2-3 كيلو دول نخسهم في الاسبوع ولا الشهر.
===============
رد بص وطل:
ال2-3 كيلو دول هتنزليهم في خلال الشهر.
كل سنه وانتم طيبين بمناسبه
كل سنه وانتم طيبين بمناسبه رمضان اعاده الله علينا باليمن والبركات انا هجرب معاكم الريجيم بس لو فى يوم متفقتش الحاجه مع النظام اللى كتبينه اعمل ايه؟
================
رد بص وطل:
كل سنة وإنتي بصحة وخير وسعادة صديقتنا العزيزة، ونرجو منك أن توضحي سؤالك.
