أنا مش تخينة ووزني مثالي جداً؛ لكن عندي حاجة غريبة جدا: نسبة الكوليسترول في الدم مرتفعة رغم أنني لا أعاني من السمنة مش عارفة أعمل إيه ويا ترى فيه دواء يخفض نسبة الكوليسترول في الدم... ولو عاوزة أعتمد في أكلي على النشويات وأقلل من الدهون والبروتينات هل ده ممكن يساعدني؟ (منى)
ما فيش داعي للقلق المهم استشارة طبيب باطنة علشان ينصحك بالدواء المناسب، وطبعا لازم الإقلال من نسبة الدهون في الأكل خصوصاً الأكل المحمر... باستثناء الدهون غير المشبعة زي زيت الزيتون وعباد الشمس وزيت بذرة الكتان "الزيت الحار" ولكن بدون تسخينهم على النار.
من الحاجات المفيدة أوي الرياضة لأنها بتساعد على تحويل الكوليسترول الضار إلى الكوليسترول المفيد.
كمان النزول في الوزن يقلل نسبة الكوليسترول... فالكوليسترول دهون ذائبة في الدم تنزل بالريجيم مثل الدهون الموجودة تحت الجلد.
ونصيحتي الدائمة الأدوية الخاصة بخفض الكوليسترول بعد استشارة الطبيب.
وبالنسبة للجوء إلى النشويات فقط.. بصراحة أنا ضد الاعتماد على عنصر غذائي واحد؛ لأنه مضرّ على المدى الطويل والجسم بحاجة إلى كل العناصر الغذائية حتى تعمل أجهزة الجسم بكفاءة عالية..
والقاعدة أن أي خفض لعدد السعرات التي يحصل عليها الجسم في اليوم تساعد على نزول الوزن وإن كان أكثر المكونات الغذائية التي تحتوي على سعرات هي الدهون وليس النشويات... ولكن يجب أن يحتوي أي نظام غذائي على جميع العناصر الغذائية اللازمة للجسم بما فيها النشويات والدهون ولكن بكميات محسوبة.
أنا عندي مشكلة كبيرة جدا أنا رفيعة من فوق وجسمي مليان جدا عند منطقة البطن والأرداف أعمل إيه هل فيه ريجيم للمنطقه دي.. ويا ترى شفط البطن ممكن يساعد على تقليل كبر البطن مع الوقت.. وهل الكريمات المنتشرة في الأسواق لإذابة الدهون الموضعية مفيدة وفعالة!!
لا يوجد ريجيم لمكان معين في الجسم أو للسمنة الموضعية.. "شد البطن" باستمرار بمثابة رياضة لعضلات البطن، وإن كان تمارين البطن أكثر فائدة وأسرع في ظهور النتيجة.
بصراحة الكريمات وخاصة اللي بنشوفها في التلفزيون غير فعالة ولا توجد دراسات تثبت أمانها على المدى الطويل، وبالمناسبة نتائجها مؤقتة وسرعان ما تعود المنطقة لما كانت عليه.... ونفس الفكرة تنطبق على أحزمة السونا اللي بتدَّعي إنها ممكن تذيب الدهون في الأرداف أو في الذراع. السمنة الموضعية ممكن التعامل معها من خلال طبيب وجراح تجميل ماهر متخصص له خبرة في هذا المجال.
انا بقى وزنى 55 وطولى 160 بس
انا بقى وزنى 55 وطولى 160 بس مشكلتى منطقة البطن حاسة انها بقت بارزة اوى ايه الحل ارجوكم الرد.
============
رد بص وطل:
مماسرة التمارين الرياضية الخاصة بشد عضلات البطن هي أحسن حل حتى ولو كانت هتحتاج لبعض الوقت ولكنها أكثر صحة للجسم.
انا مليان من منطقه الصدر
انا مليان من منطقه الصدر والبطن بس وطولى 174 ووزنى 92 اعمل ايه؟
==============
رد بص وطل:
الصديق العزيز لابد من اتباع ريجيم صحي متوازن إلى جانب ممارسة التمارين الرياضية لعلاج مشكلة السمنة الموضعية.
انا عندي 19 وزني 88 ك وطولي
انا عندي 19 وزني 88 ك وطولي 156م مع العلم بان التخن في الارداف والمقعده (المؤخره) ومبادئ ظهور بطن ارجو الرد.
==============
رد بص وطل:
الصديقة العزيزة لابد من اتباع ريجيم صحي متوازن إلى جانب ممارسة التمارين الرياضية لعلاج مشكلة السمنة الموضعية.
انا عندى 24 سنة طولى 153
انا عندى 24 سنة طولى 153 ووزنى 66 وتخنى كله فى بطنى وباخد أدوية للقولون وعايزة اخس ومن ضمن الادوية حاجة لفتح الشهية وانا قليلة الحركة ياريت تفيدنى اعمل ايه؟
===============
رد بص وطل:
الصديقة العزيزة لازم تمارسي تمارين رياضية حتى لو كانت رياضة المشي لمدة نصف ساعة على الاقل يومياً إلى جانب اتباع ريجيم تحت إشراف كلا من دكتور الريجيم والدكتور المشرف على علاجك.
السلام عليكم انا طولى 153
السلام عليكم انا طولى 153 ووزنى 60 وعاوزة اخس انا جسمى متناسق بس عريضة من الجناب فعاوزة دواء للتخسيس لانى بدوخ لما اعمل ريجيم وانا اكلتى اصلا قليلة بحافظ على اكلى وقليل اوى لما الخبط.
===============
رد بص وطل:
الصديقة العزيزة لابد من عمل بعض التحاليل الطبية لمعرفة إذا كنت تعانين من مشكلة الأنيميا أو اختلال في نسبة الانسولين فى الجسم لان اختلال النسبة عن الحد الطبيعى تسبب هذه الاعراض من دوخه وعدم تركيز ولازم متابعه مع متخصص فى علاج الغدد الصماء وإذا لم يكن عندك اي مشاكل صحية يمكنك الأستعانة بدواء "الميريديا" اللي بيسرع معدل الحرق ولكن تحت إشراف طبيب متخصص مع ممارسة التمارين الرياضية حتى ولو كانت رياضة بسيطة زي رياضة المشي لمدة ساعة يومياً.
انا عندى 16 سنة وطولى 170
انا عندى 16 سنة وطولى 170 ووزنى مش عارفة اذا كان مناسب ولا لا بس انا تخنية من الارجل والذراع ومن الجناب ودي مشكلة حياتى ويا ريت ريجيم يكون تاثيره بسرعة.
=================
رد بص وطل:
الصديقة العزيزة ياريت تبعتي لنا وزنك الحالي علشان أقدر أحدد إذا كان مناسب مع طولك أو إنك محتاجة لريجيم بالإضافة إلى ضرورة ممارسة التمارين الرياضية حتى ولو كانت رياضة بسيطة زي المشي أو طلوع السلم.
عن تجربة شخصية لصديق مع حزام
عن تجربة شخصية لصديق مع حزام التخسيس والشورت (بدون ذبذبات) أثنى عليهم جدا وأشاد بنتيجتهم الجيدة جدا فى التخسيس.. استفسار هل هما جيدان مع كل الحالات وما هو رأى أهل الخبرة عن طريقة التخسيس هذه؟وجزاكم الله خيرا.
=====================
رد بص وطل:
النوعين لا علاقة لهم بالتخسيس ولكن تأثيرهم على المقاس فقط وتأثيرهم مؤقت سرعان ما يزول.
taib tamareen zay eh ana kman
taib tamareen zay eh
ana kman rofya3a mn fo2 w t5ena mn t7t
w toly 160 w wazny 55
keda el mfrod a5es ??.
=================
رد بص وطل:
صديقتنا العزيزة إنتي وزنك كده مناسب جداً ومش محتاجة تخسي خالص كل اللي عليكي إنك تحافظي على وزنك.. أما بالنسبة للمشكلة التانية فدي حلها إنك تمارسي رياضة في الجيم تحت إشراف مدرب رياضي متخصص علشان يديكي التمارين المناسبة لتخسيس كل جزء في الجسم.
انا ام وفى فترة رضاعه مشكلتى
انا ام وفى فترة رضاعه مشكلتى ان رفيعه من فوق ومليانه من تحت وزنى 84 وطولى 173 اريد النزول 7 كيلو فقط بس لما بعمل ريجيم بخس من فوق اولا فى حل انزل من الافخاد والارداف غير الرياضه لانى معنديش وقت خالص.
==========================
رد بص وطل:
للأسف مفيش اي ريجيم بيخسس منطقة معينة في الجسم والحل الوحيد هو ممارسة التمارين الرياضية أو اللجوء لعمليات شفط الدهون.
ana tolly 175 w waznny 75 hwa
ana tolly 175 w waznny 75 hwa ana keda 3ayaza akhes?, ana moshkelty f al ardaf 3ayza te7's a3ml eh. thnx
==========================
رد بص وطل:
الوزن الصحي المناسب مع طولك يتراوح بين 61 إلى 76 كيلو لذلك عليك بالمحافظة على وزنك ومراعاة السعرات الحرارية التي تتناوليها يومياً مع ممارسة التمارين الرياضية بانتظام حتى ولو كانت رياضة المشي أو طلوع السلم أو أي رياضة تقدري عليها. أما بالنسبة لمشكلة الارداف فدي حلها إما ممارسة تمارين خاصة تحت إشراف مدرب رياضي متخصص أو اللجوء لعمليات التجميل وشفط الدهون.
انا مشكلتى انا جسمى مش تخين
انا مشكلتى انا جسمى مش تخين بس من فوق عادى انا كتافى عريضة بس عندى من تحت المنطقة الخلفية والارداف كبيرة وانا عايز اخس منها ضرورى.
======================
رد بص وطل:
برجاء إعادة قراءة هذا العدد وستجدي الإجابة على سؤالك وفي انتظار مشاركاتك واسئلتك للرد عليها.
ana tuly 171 cm we wazny 79
ana tuly 171 cm we wazny 79 we 3ayza a5es we mwsh 3arfa a3mel eih ana 3ala fekra te5ena men ta7t we 3adeya men foa2 ya3ny la te5ena wala rofaya3a 3ayza 7al darory
=========================
رد بص وطل:
لازم تعرفي إن الوزن الصحي المناسب مع طولك يتراوح بين 58 إلى 72 كيلو وهذا يعني انك بحاجة لاتباع نظام غذائي تحت إشراف دكتور متخصص للوصول للوزن المناسب.. هذا إلى جانب ضرورة ممارسة التمارين الرياضية تحت إشراف مدرب رياضي متخصص للتخلص من مشكلة السمنة الموضعية أو اللجوء لعمليات التجميل وشفط الدهون.
انا عندي 26 سنة ووزني 79
انا عندي 26 سنة ووزني 79 وطولي 163 ومن شهر كنت 83 وانا تخينة من تحت الارداف والبطن والفخاذ ومش باقدر استمر علي عمل الرياضة لاني عندي الام في ظهري ممكن رد اعمل ايه؟
======================
رد بص وطل:
الوزن الصحي المناسب مع طولك يتراوح بين 52 إلى 66 كيلو.. وهذا يعني أنك بحاجة إلى انقاص حوالي 10 كيلو من وزنك حتى تكوني في الحدود الصحية المسموح بها وللوصول لهذا الوزن يرجى متابعة نظام غذائي متوازن تحت إشراف دكتور متخصص.. أما بخصوص مشكلة السمنة الموضعية فحلها هو ممارسة التمارين الرياضية تحت إشراف مدرب متخصص أو اللجوء لعمليات شفط الدهون.
انا عندى مشكله انا وزنى 90
انا عندى مشكله انا وزنى 90 وطولى 165 مشكلتى كلها فى الارداف عندى جوانب وهنش انا عاوزه اى ريجيم يخلصنى بسرعه لانه عامل لى مشكله كبيره اوى ارجو المساعده والرد من فضلكم.
=====================
رد بص وطل:
الصديقة العزيزة عليك باتباع نظام غذائي تحت إشراف دكتور التغذية أما بالنسبة لمشكلة السمنة الموضعية فدي حلها هو ممارسة التمارين الرياضية بجانب الريجيم أو اللجوء لعمليات شفط الدهون.
انا كمان نخينه من تحت ورفيعه
انا كمان نخينه من تحت ورفيعه من فوق يا ريت تنزلوا قائمة ريجيم تساعد على الخساره فى الوزن من تحت.
====================
رد بص وطل:
للأسف مفيش اي ريجيم بيخسس منطقة معينة في الجسم والحل الوحيد هو ممارسة التمارين الرياضية أو اللجوء لعمليات شفط الدهون.
شكرا جداااا بس كنت عاوزة اعرف
شكرا جداااا بس كنت عاوزة اعرف اخسس منطقة البطن ازاى؟
===========================
رد بص وطل:
الصديقة العزيزة المشكلة دي حلها حاحة من اتنين إما ممارسة التمارين الرياضية ودي بتاخد وقت طويل شوية لكنها صحية جداً أو اللجوء لعمليات شفط الدهون.
انا طولى 178 كان وزنى 92 ك
انا طولى 178 كان وزنى 92 ك نزلت الى وزن 74 ك بس للاسف فى ترهلات كتيير ومنطقه الارداف لسه فيها زياده وبكسب وزن تانى بسرعه غريبه مش عارفه اعمل ايه؟
=========================
رد بص وطل:
الصديقة العزيزة المشكله ان نمارس عادات فى الاكل لما بنعمل ريجيم بنوقفها و بمجرد ما نتوقف عن الريجيم بنرجع مرة تانيه لكل عادتنا الغذائية السيئة ونعوض ايام الحرمان باكل كميات هائلة من كل حاجه كنا محرومين منها وقت الريجيم وخاصة لو ما عملش تثبيت وبصراحه خسارة التعب اللى تعبه راح على الفاضى ...وهو ده سبب اننا بنرجع بسرعه وأكتر من الاول يعنى لو خسرنا خمسة كيلو ممكن نرجعهم عشرة لو لم نثبت الوزن.
أما بالنسبة لمشكلة الترهلات والسمنة الموضعية فدي حلها هو ممارسة التمارين الرياضية أو اللجوء لعمليات التجميل.
انا عندى 21 سنة طولى 159سم
انا عندى 21 سنة طولى 159سم ووزنى 62 كيلو انا بشرب شاى أخضر وشاى ريجيم من الصيدلية دايما ومعاهم اقراص شاى اخضر بردة وبدات من كام يوم اخد رليستات فانا عايزة اعرف دول بيجيبو نتيجة ولا لأ؟ والمفروض انا انزل اد ايه علشان يبقى وزنى مناسب وياريت لو فى ريجيم كويس وسريع.
=============================
رد بص وطل:
الصديقة العزيزة أولاً لازم تعرفي إن الوزن الصحي المناسب لطولك يتراوح بين 50 لـ 63 كيلو، يعني إنتي مش محتاجة لكل الادوية دي كل اللي إنتي محتاجاه إنك تاخدي بالك من كميات أكلك مع ممارسة الرياضة، كمان لازم تعرفي إن الشاي الأخضر يدخل تحت مسمى المواد التي لها تأثير محدود أو غير مؤثر في الريجيم، لكنه غير مضر وله فوائد تانية لا يمكن تجاهلها زي احتوائه على مواد مضادة للأكسدة ومهم لزيادة المناعة، لكن تأثيره في موضوع الريجيم لا يستحق أن أعتبره من أدوية الريجيم سواء أقراص أو شاي.
هل فى علاج للاسترتش
هل فى علاج للاسترتش مارك؟
===================================
رد بص وطل:
صديقتنا العزيزة بالنسبة للخطوط البيضاء او الـ Strech Mark's فهى نتيجه للسمنه وزيادة الوزن وايضا الحمل فكل هذه العوالم تؤدى لظهور الخطوط البيضاء.وهناك بعض الكريمات تساعد على الاسراع من أختفاء الـ Strech Mark's وان كانت فى الغالب ما تختفى تدريجياً ولكن بشكل غير كامل بنسبة 90% تقريباً سواء مع او بدون استخدام الكريمات، وبالنسبة لنوع الكريم الأمن والمفيد فيجب مراجعة طبيب الامراض الجلدية فى ها الشأن.
ممكن تعطوني نظام سهل
ممكن تعطوني نظام سهل وسريع.
========================================
رد بص وطل:
صديقتنا العزيزة ياريت تتابعينا وإن شاء الله هتلاقي كل اللي إنتي عايزاه على بص وطل.
انا جسمى متناسق ما عدا الهانش
انا جسمى متناسق ما عدا الهانش فقط كبير بالنسبه لجسمى اعمل ايه؟
==========================================
رد بص وطل:
أحسن حل هو ممارسة التمارين الرياضية والاستمرار عليها لفترة طويلة وبانتظام.
انا كنت بعمل ريجيم ونزلت 16
انا كنت بعمل ريجيم ونزلت 16 كيلو فى اقل من 6 اشهر..طولى 173 ووزنى حاليا 80 كيلو..قبل رمضان كان وزنى 76 كيلو..انا عاوز ارجع لوزنى قبل رمضان سريعا..وفى عندى مشكلة فى ترهلات الجسم..يعنى بعد ما نقصت الوزن ده حاسس ان انا مش نزلت لأن فى ترهلات كتيرة فى جسمى..ياترى ايه الحل؟
=================================
رد بص وطل:
الصديق العزيز..أولاً لازم تعرف إن الوزن الصحي المناسب مع طولك يتراوح بين 59 لـ 63 كيلو، وعلشان توصل للوزن ده لازم تتبع نظام غذائي مناسب ليك ويكون تحت إشراف دكتور متخصص، مع ممارسة تمارين رياضية بانتظام.
أما بالنسبة للترهلات فلابد من ممارسة الرياضة وطبعا كلا حسب امكانياته وقدراته المادية والمتاح امامه وان كان يفضل ان تكون تمرينات شد الترهلات مع مدرب رياضى لو كان ذلك ممكنا لكن مجرد المشى الجاد اليومى لمده ساعة كفيل بشد الجسم لكن بعد فترة من الالتزام والمواظبه على المشى.
انا جسمي متناسق وكويس بس ايدي
انا جسمي متناسق وكويس بس ايدي من تحت ورجلي من تحت رفيعه؟ فما الحل أرجو الرد..دودو ليسانس حقوق.
=======================================
رد بص وطل:
صديقتنا العزيزة يمكنك استشارة دكتور تجميل متخصص علشان يقول لك على الحل المناسب.
انا مليانة جداً من تحت وجسمي
انا مليانة جداً من تحت وجسمي من فوق كويس عاوزة اعمل ريجيم اعمل ايه علشان اخس من تحت؟
================================================
رد بص وطل:
صديقتنا العزيزة مفيش اي ريجيم لعلاج السمنة الموضعية وأحسن حل هو ممارسة التمارين الرياضية أو يمكنك استشارة جراح تجميل علشان يقول لك الطريقة المثالية لحل مشكلتك.
انا عندى 16 سنة ووزني 70 كيلو
انا عندى 16 سنة ووزني 70 كيلو وروحت لدكتور وكتير مش بستمر ومشكلتى انى قصيره القامه وهذا يسبب مشاكل نفسيه عندى لانى لا استطيع اللبس وعاوزه حل لجسمى انا عاوزه انزل فى اسرع وقت لانى فى 2 ثانوى ومش عاوزه ادخل كليه وانا فى هذا الحال لانى فعلا هتعب اريد حلا.
========================================
رد بص وطل:
صديقتي العزيزة لازم يكون عندك إرادة قوية علشان تقدري تخسري وزنك ولابد من المتابعة مع دكتور متخصص في علاج السمنة علشان يديكي النظام الغذائي المناسب مع طبيعة جسمك وده طبعاً مع ممارسة التمارين الرياضية.
