يُجيب على الاستشارات:
د.محمد أبو الغيط
الأستاذ بكلية الطب جامعة القاهرة
وسكرتير عام الجمعية المصرية الطبية لدراسة السمنة
النحافة هي النقيض للسمنة وزي ما فيه ناس مشكلتها الوزن الزائد والدهون المتراكمة في كل مكان في الجسم... فيه ناس مشكلتها إنها مش عارفة تتخن رغم محاولاتها المتكررة لزيادة الوزن... وزي ما السمنة ممكن تسبب إحراج لصاحبها، النحافة كمان مشكلة قد تدفع البعض للانطواء ويشعر بسببها بالإحراج من الآخرين... وعشان نفهم ونمشي صح معانا الدكتور "محمد أبو الغيط" هيكلمنا عن النحافة..
يا ترى النحافة لها أسباب مرضية؟!!
النحافة مشكلة حقيقية... قد يكون هناك سبب عضوي أو مرض ما أو أنيميا أو قد يكون الشخص مصاباً بالسكر أو عنده اضطرابات في هرمونات الغدة الدرقية ممكن يكون هرمون الغدة عالي جدا، وهو السبب في فقدان الوزن والنحافة، أو قد يكون هناك مشاكل في الجهاز الهضمي أو قد يكون المريض مصاباً بأنواع من الأمراض المرتبطة بالديدان والطفيليات التي تُؤثر بالسلب على امتصاص الجسم للأكل.. ولاكتشاف أي من هذه العوامل وراء النحافة يجب إجراء تحاليل متكاملة ترصد بدقة الحالة الصحية للمريض؛ لأن العلاج والتخلص من المشاكل التي تعوق أجهزة الجسم المختلفة من الاستفادة من الأكل يساعد جداً في التخلص من النحافة والوصول إلى الوزن المثالي.
لكن ممكن الشخص النحيف وبعد ما يعمل كل التحاليل المطلوبة يكتشف أنه سليم جداً ولا يعاني من أي مرض والحمد لله.. هنا يمكن أن تكون الأسباب وراثية بمعنى أن يكون الأب أو الأم أجسامهم نحيفة، وبالتالي الأولاد عندهم نفس المشكلة.
والحل..!!
لو اكتشفنا المرض بنعالجه وخلاص مافيش مشكلة؛ لأن المريض خلاص تخلّص من المانع اللي بيحول دون زيادة وزنه، لكن المشكلة الحقيقية لو كانت النحافة سببها وراثي ولا علاقة لها بأي أمراض.. وهنا بنلجأ إلى ما نسميه "التسمين" أو "بناء الجسم" وهي عملية صعبة جداً جداً حيث إن التخسيس يعد أسهل بكثير منها؛ لأن الهدم أسهل من البناء.
علاج النحافة محتاج هدوء وصبر من المريض، ولا يستعجل النتيجة أبداً؛ لأن مشواره طويل ويقبل أي رقم يزيده حتى لو كانت الزيادة كيلو واحد في الشهر!! لأن في حالة النحافة الكيلو إنجاز للمريض والطبيب..
بعض الأطباء يلجأ للرياضة لتكوين عضلات في الجسم لتغيير شكل الشخص بدلاً من الاعتماد فقط على زيادة نسبة الدهون في الجسم... الرياضة المكثفة وتحت إشراف متخصص ممكن تربي عضلات وتزيد من حجم بعض مناطق في الجسم بسهولة، وقد ترفع من معدل الزيادة الشهرية لتصل إلى 2 كيلو في الشهر وهي بالطبع الاتجاه الأفضل دون الاعتماد على الدهون فقط؛ لأنها ممكن ترفع نسبة الكوليسترول في الدم، وقد لا يزيد الوزن بل يُصاب الشخص النحيف بمرض يكون مقدمة لأمراض أخرى مرتبطة بالضغط أو انسداد الشرايين على المدى الطويل..
هل تنصح بمكملات غذائية تُساعد في علاج النحافة؟؟
لو التحاليل أظهرت نقصاً في عنصر ما أكيد الدكتور هيستعين بالمكمل الغذائي الناقص في الجسم أو بمجوعة من الفيتامينات لكن في أغلب الحالات هؤلاء الأشخاص لا يوجد لديهم نقص في أي عنصر غذائي.
السلام عليكم.. من فضلك يا
السلام عليكم.. من فضلك يا دكتور أنا عندى استشارة لحضرتك انا عندى 23 سنه ووزنى 47 كيلو وطولى 60 سم وعندما ذهبت للطبيب وعملت صوره دم كامله وتحليل غده ففعلا اكتشفت ان فيه ذياده فى افرازات هرمون الغده الدرقيه واستمريت فى العلاج حوالى 6 شهور والان الدكتور طلب منى ان اتوقف عنه لان الحمد لله وصلت نسبه افراز الغدة للطبيعى وانا الان ماعنديش الحمد لله اى مشاكل خالص وليا اكتر من شهر وزنى مش راضى يزيد والدكتور بيقول لى انتى مفيش أى نقص لحديد أو فيتامين فسيبى الامور تيجى براحتها ولكن أنا عايزة حل سريع ممكن؟؟؟
==============
رد بص وطل:
أسرة بص وطل بتهنيكي على شفائك ونتمنى لكي المزيد من الصحة والعافية وفعلاً زيادة الوزن وبناء الجسم بيحتاج لوقت أكبر بكثير من هدم الجسم يعني لو زدتي كيلو واحد في الشهر فده يعتبر إنجاز ويمكنك الإكثار من الأكلات اللي فيها سعرات حرارية عالية زي العسل والحلاوة وغيرها من الحلويات.
انا عايز اعرف كل الاكلات اللى
انا عايز اعرف كل الاكلات اللى بتتخن والمفروض اكل اد ايه في كل وجبة أرجو الرد بسرعة.
==============
رد بص وطل:
يمكنك الإكثار من الأكلات التي تحتوي على سعرات حرارية عالية زي العسل والحلاوة وغيرها من الحلويات ولازم تعرف إن زيادة الوزن بتحتاج لوقت طويل شويه.
انا اسمى حسين 24 سنة وطولى
انا اسمى حسين 24 سنة وطولى 178 ووزني 50 كيلو ونفسى اتخن شوية وحاسس ان مفيش امل انى اتخن تانى.
==============
رد بص وطل:
الصديق العزيز لازم الأول تعمل بعض التحاليل لمعرفة إذا كان فيه سبب عضوي للنحافة اللي بتشتكي منها وبالتالي لو فيه سبب تبدأ في علاجه لكن لو مفيش أي سبب عضوي ممكن إنك تستعين بدواء Mosegor وممكن إنك تكثر من الأكلات اللي فيها سعرات حرارية عالية زي الحلاوة والعسل والحلويات ولازم تعرف إن بناء الجسم وزيادة الوزن أصعب بكتير من التخسيس علشان كده لو زدت حتى ولو كيلو واحد في الشهر فده معدل كويس.
مساء الخير يا دكتور انا شهد
مساء الخير يا دكتور انا شهد جربت اتخن بكل الطرق وما نفعتش ولا طريقة بس انا لسة عندى امل انى اتخن وخصوصا انى داخلة على مرحلة جواز انا وزنى 58 كيلو وطولى167 ممكن يكون وزنى مناسب طولى بس انا شايفة نفسى انى فعلا رفيعة فاناهاتبع التمرينات الرياضية عشان اتخن فكنت عايزة اعرف اقول للكابتن ايه بتاعت الجيم بحيث تخلينى اتخن من منطقة الارداف والفخدين ويحتاج فترة قد اية الموضوع ده. مرسىىىىى لحضرتك.
==============
رد بص وطل:
الصديقة العزيزة أنت في حاجة لعمل تمارين رياضية لبناء الجسم ودي ممكن تحتاج لوقت طويل شوية لكن هتجيب نتيجة مع الوقت وهي صحية للجسم.
السلام عليكم انا طولى 157
السلام عليكم انا طولى 157 ووزنى 56 كده محتاجه اتخن ولا كده كويس مع انى شايفه نفسى لسه نحيفه.
=============
رد بص وطل:
وزنك الحالي صحي ومناسب جداً لطولك ولست في حاجة أبداً لزيادة كيلو واحد على وزنك.
سلام عليكم ازيك يا دكتور محمد
سلام عليكم ازيك يا دكتور محمد منور انا نفسى اتخن ومش عارف اعمل ايه طولى 160 ووزنى 50 ونفسى اتخن ينفع اخد ادوية حقن يعنى قولى جميع الحلول اللى تسعدنى اتخن وعايز حضرتك تقولى على حاجة تسعدنى على تحمل الشغل انا شغال فى شركة أيجيبت فوذز عامل انتاج ومحتاج حاجة تخلينى عندى باور للشغل متعبش بسرعة كنت باخد الترامادول بس الحمد لله بطلت لما ضرنى فى حاجات كتيرة ممكن يا دكتور تفدنى لانى بجد حالتى النفسية وحشة اوى وشكرا يا دكتور.
=============
رد بص وطل:
الصديق العزيز يمكنك استعمال دواء Mosegor بعد استبعاد الامراض العضوية وعليك يزيادة تناول الأكلات التي تحتوي على سعرات حرارية عالية زي العسل والحلاوة إلى جانب ممارسة التمارين الرياضية اللي بتبني الجسم.
طيب أنا شاب ونفسى اتخن عندى
طيب أنا شاب ونفسى اتخن عندى 22 سنة طولى 162 ووزنى 50 اعمل ايه؟!
============
رد بص وطل:
الصديق العزيز إن وزنك الصحي المناسب مع طولك يتراوح بين 52 إلى 65 كيلو ولو تأكدت إن مافيش عندك أي مشاكل عضوية زي الأنيميا أو غيرها هي اللي مسببة لك النحافة ممكن تكثر من الأكل اللي فيه سعرات حرارية كتير زي الحلاوة والعسل وغيرها وممكن تستعمل دواء الMosegor ويمكنك أيضاً استشارة د. عمرو مطر ورقم هاتفه 0122160630.
السلام عليكم انا طولى 155
السلام عليكم انا طولى 155 ووزنى 52 بس انا حسه انى رفيعه لان انا بتخن من الارداف والبطن بس منطقه الصدر والكتاف لا ايه الحل؟! وشكرا وضرورى الرد.
==================
رد بص وطل:
الصديقة العزيزة وزنك اللي إنتي عليه ده صحي ومناسب ليكي جداً أما بالنسبة لمشكلة توزيع الدهون في الجسم فدي حلها إما ممارسة التمارين الرياضية تحت إشراف مدرب رياضي ودي بتاخد شوية وقت ولكنها صحية جداً للجسم أو ممكن تلجأي لعمليات التجميل.
انا وزنى 50 كيلو جرام وطولى
انا وزنى 50 كيلو جرام وطولى 168 سم وعملت تحاليل ومفيش عندى حاجة الحمد لله واخدت مكملات غذائية ومفيش فايدة واخدت فواتح للشهية ومفيش فايدة ومعنديش وقت العب رياضة عشان طبيعة عملى يدوب بخلص على 9 بليل بس بروح الظهر اتغدا وارجع تانى مع العلم انى مغترب فى الامارات عشان يعنى لو ذكرتوا اى ادوية مصرية ايه الحل مع الشكر.
=========================
رد بص وطل:
الصديق العزيز ممكن تستعمل دواء Mosegor بعد استبعاد الامراض العضوية.
انا اسمي شيماء عندي مشكلة
انا اسمي شيماء عندي مشكلة جامدة انا جسمي قابل للتخن اوقات واوقات لا وبدخن بس دائما ونفسي اعرف ايه السبب مع اني فرحي قرب ومحتاجة يكون شكل جسمي حلو ارجو الرد بسرعة وعملت كل التحاليل الطبية ولايوجد عندي اي سبب ومحتاجة اسم فيتامين لاني بزيد بالفيتامينات دي.
=======================
رد بص وطل:
الصديقة العزيزة عليك بالامتناع عن التدخين لإنه التدخين بيضر بكل وظائف الجسم.. كما أن الحالة النفسية من اكثر الحاجات التي تؤثر على الوزن.. ويمكنك الاستعانة ببعض الأدوية الفاتحة للشهية زي Mosegor.
السلام عليكم انا عندي 14 سنه
السلام عليكم
انا عندي 14 سنه ووزني 35 وطولي 145 انا رفيعه جدا وده بيسبب لي مشاكل واحراج وبالذات انا في سن المراهقه وده بيأثر في حالتي النفسيه وانا عندي انيميا حاده بليز انا عايزه الرد.. وشكرا.
=========================
رد بص وطل:
الصديقة العزيزة لابد من علاج مشكلة الأنيميا تحت إشراف دكتور متخصص وذلك يعتبر خطوة في طريقك لعلاج مشكلة النحافة.
انا عمرى 19 سنة وطولى 168
انا عمرى 19 سنة وطولى 168 ووزنى 49 وبجد نفسى اتخن وعملت محاولات كتيرة وروحت لدكاترة كتير بس مافيش فايدة وبجد نفسى الاقى حل لانى عمرى مازدت عن 50 ونفسى حد يساعدنى وانا عملت تحاليل واخدت علاج وعملت نظام غذائى لحد ما خلاص يئست من الحياة.
===========================
رد بص وطل:
الصديقة العزيزة.. هناك دواء Mosegor لفتح الشهية يمكنك استعماله ولكن بعد استبعاد الامراض العضوية.
دكتور انا طولى 174 ووزنى 68
دكتور انا طولى 174 ووزنى 68 عاوز اعرف الوزن المثالى ليا.
==========================
رد بص وطل:
الوزن الصحي المناسب مع طولك يتراوح بين 60 إلى 75 كيلو.
السلام عليكم انا طولي 157
السلام عليكم
انا طولي 157 ووزني 55 ممكن اعرف الوزن المثالي لي؟
==============================
رد بص وطل:
الصديقة العزيزة الوزن الصحي المناسب مع وزنك يتراوح بين 48 لـ 61 كيلو وهذا يعني أن وزنك الحالي مثالي جداً مع طولك وعليك الحفاظ عليه.
انا نفسى وزنى يزيد شوية انا
انا نفسى وزنى يزيد شوية انا طولى 165 ووزنى 58 والزيادة والنقصان عندى بيتراوح ما بين 2 كيلو تقريبا يعنى لو خسيت بوصل ل 56 ولو زدت بوصل ل 58 بس نفسى وزنى يزيد شوية اعمل ايه مع العلم انا تحليلى الحمد لله كويسة بس انا حركتى كتير اعمل ايه بقى ياريت تساعدونى.
==============================
رد بص وطل:
الصديقة العزيزة احب اقول لك إن وزنك في الحدود المسموح بها والمناسبة جداً مع طولك ولذلك فأنت لست في حاجة للسعي وراء زيادة وزنك لإنك لا تعاني من مشكلة النحافة.
ايه يا جماعة التعقيد ده ؟! هو
ايه يا جماعة التعقيد ده ؟! هو في حد وزنه في الاربعينات . يا لهوي!!! ده انا بخس تلت كيلو في الاسبوع تلت مش تلاتة !!! يعني احط نفسي في الفرن يمكن اسيح الدهون ولا اعمل ايه بس!!!
انا طولى 182 ووزنى 64 بس انا
انا طولى 182 ووزنى 64 بس انا عايز اتخن شوية ياريت الاقى حل.
===================================
رد بص وطل:
الصديق العزيز.. الوزن الصحي المناسب مع طولك يتراوح بين 66 لـ 82 كيلو، وحتى تصل إلى الوزن المناسب عليك بممارسة الرياضة وتناول أكل صحي ومتوازن يحتوي على كل العناصر الغذائية.
كنت عايزه اعرف ايه هو الوزن
كنت عايزه اعرف ايه هو الوزن اللى اعرف بيه اني بقيت نحيفه يعني انا مثلا طولي162 ووزني 50 هل انا كده نحيفه؟؟؟
=========================================
رد بص وطل:
الصديقة العزيزة..وزنك المثالي المناسب لطولك يتراوح بين 52 لـ 65 كيلو.
انا عندى 21 سنة وجسمى وزنه 54
انا عندى 21 سنة وجسمى وزنه 54 كيلو وطولي 157 بس عندى منطقة البطن مليانة شوية اعمل ايه علشان تخس، ملحوظة انى مش بعمل رياضة على طول ممكن يوم كده او يومين وباقى الايام لأ وشكراعلى الموقع الجميل ده.
===============================================
رد بص وطل:
صديقتنا العزيزة أحسن علاج لمشكة البطن دي هي ممارسة التمارين الرياضية بانتظام، ويمكنك استشارة جراح تجميل علشان تعرفي أحسن طريقة توصل لك للشكل اللي إنتي عايزاه.
شكررررررررررررررررررررررررررر
شكررررررررررررررررررررررررررررررررررررررررررررررررررررررررررررررا
انا عملت كل التحاليل وطلعت
انا عملت كل التحاليل وطلعت الحمد لله سليمه ومفيهاش اي حاجه دلوقتي ممكن اعمل نظام غذائي او أدويه.
==============================
رد بص وطل:
صديقتنا العزيزة..الحمد لله إنك اطمنتي إن مفيش اي اسباب عضوية للنحافة ودلوقتي ممكن تتابعي نظام غذائي وكمان فيه بعض الأدوية اللي ممكن تستعمليها لكن كل ده لازم يكون تحت إشراف دكتور متخصص في علاج النحافة.
السلام عليكم احب اشكركم على
السلام عليكم احب اشكركم على الموضوع ده جدا لانى كنت محتاجاه جدا انا وزنى 55 كيلو وطولى حوالى 165 سم ونفسى اتخن بس يعنى بشكل كويس ,انا كنت عايزة اعرف هل انا محتاجة للزيادة دى ولا وزنى مناسب لطولى؟ لانى بحس انى شوية رفيعة فى الهدوم وجسمى مش قابل للزيادة بشكل سريع..ارجو الرد..شكرا
==============================
رد بص وطل:
الصديقة العزيزة نحب نطمنك إن وزنك كده مناسب جداً لطولك لإن الوزن الصحي المناسب لطولك يتراوح بين 53 لـ 62 كيلو.
انا كان وزنى 47 و بعانى من
انا كان وزنى 47 و بعانى من نحافة لان طولى 163 و تابعت مع الدكتور وماعمليش اى تحاليل و لا حاجة وصلت ل 53 بس ماكملتش بسبب المذاكرة و كدة و رجعت خسيت تانى و بقيت خمسين كيلو او اقل ..وعاوزة اتابع مع دكتور تانى بس معرفش ليه مع الدكتور بتخن و لوحدى لأ..مع ان اكلى مش بيختلف كتير بس حقيقي انا زهقت و باكل حاجات المفروض تتخن بس مش لتخن و المشكلة رخمة فعلا و بسمع كلام يضايقنى من قرايبي يمكن لو كنت مشكلتى السمنة كانت بقت اسهل.
=============================================
رد بص وطل:
الصديقة العزيزة..لازم يكون عندك صبر لإن زي ما قلنا قبل كده إن بناء الجسم بياخد وقت أكتر من هدمه وعلشان كده لازم تستمري في المتابعة مع الدكتور علشان توصلي للوزن المناسب واللي بيتراوح بين 53 لـ 66 كيلو.
انا مش عارفة انا رفيعة و لا
انا مش عارفة انا رفيعة و لا جسمى مضبوط! اهلى فى البيت بيقولولى انتى جسمك مضبوط و هتتملى شوية شوية و اصحابى يقولولى فى المدرسة انتى رفيعة جدا و انا بتضايق جدا وانا عندى 15 سنة ساعدونى.
==================================
رد بص وطل:
ياريت تبعتي لنا وزنك وطولك بالظبط علشان نقدر نقول لك إذا كان وزنك مناسب ولا لأ؟
انا عندى 21 سنة ووزنى 49 ومش
انا عندى 21 سنة
ووزنى 49 ومش وراثه وكنت باخد تركيبات بس زهقت لما مالقتش نتيجه قولوا لى اعمل ايه؟
==========================================
رد بص وطل:
صديقتنا العزيزة ياريت تبعتي لنا طولك بالظبط علشان نقدر نحدد إذا كان الوزن ده مناسب ليكي ولا لا؟
أنا شخص نحيف والمشكله ان وزنى
أنا شخص نحيف والمشكله ان وزنى ثابت جدا 50 كيلو جرام وطولى 165 سنتيمتر مشكلتى ان وزنى لا يزداد او يقل رغم انه فى فترات من الشهر يكون كمية الاكل اكتر فى اشهر معينه والاحظ الفرق ولكن نفس الوزن ثابت ايضا واعتقد ان العيب وراثى بأنى والدى كان نحيف وهو صغير لكنه اصبح جسمه جيد بعد ما كبر فى السن ارجو حل مشكلتى فهى تسبب لى احراج دائما
==========================
رد بص وطل:
الصديق العزيز..لازم تستشير دكتور علشان تعمل بعض التحاليل وتقدر تعرف إيه سبب النحافة اللي عندك وعلى الأساس ده يقدر الدكتور يديك الدواء المناسب لحالتك.
لو سمحتم انا عاوزه اعرف اى
لو سمحتم انا عاوزه اعرف اى الحبوب دى يساعد على تخسيس اسرع للبطن من غير ما يعرضنى لمشاكل تانيه (دايت ماكس- سبيرتوم - اورليستات سيجما) ولو فيه حاجه اقوى ياريت تقولي لى عليها من غير ما تسبب مشاكل وفيه خلطه اعشاب عاوزه اعرف دى فعلا بتخسس البطن ولا لأ؟ هى عباره عن (كمون - نعناع- زنجبيل- شاى اخضر )هما كلهم مع بعض وبيتشربوا ارجوكم افيدونى انا محتاجه الرد جدا.
=====================================
رد بص وطل:
صديقتنا العزيزة..أحسن حل لمشكلة السمنة الموضعية هي ممارسة التمارين الرياضية لإن مفيش أي علاج ممكن يخسس منطقة بعينها في الجسم، كمان ممكن تستشيري جراح تجميل.
اما بالنسبة لسؤالك التاني فمفيش اي دراسات أثبتت إن فيه مشروبات بتساعد على التخلص من الوزن الزائد.
السلام عليكم انا اسمى ياسمينا
السلام عليكم انا اسمى ياسمينا وانا فعلا عندى مشكلة النحافة دى ورحت لدكتور وعملت تحاليل من ضمنها تحليل الغدة وطلع التحليل مافيهوش حاجة بس كانت المشكلة اللى عندى كلها هى ان كان عندى عسر فى الهضم وجسمى مش بيستفيد بالاكل خالص والدكتور كتب لى على كذا دوا وكان من ضمنهم مقويات وفاتح للشهية واقراص كدة للهضم وفعلا وزنى زاد بعد اسبوع 3 كيلو بس المشكلة دلوقتى انى حاسة انى خسيت تاني مش عارفة عشان نزلت الكلية وطول اليوم برة ومش باكل كويس ولا جسمى مثلا مش بيزيد عن كدة ياريت حضرتك ترد عليا.
================================
رد بص وطل:
الصديقة العزيزة لازم تعرفي إن علاج النحافة بياخد وقت أكبر من علاج السمنة لإن بناء الجسم بياخد وقت، علشان كده لازم تصبري شوية مع المتابعة مع الدكتور والانتظام على الأدوية والاهتمام بالتغذية الصحية المتوازنة.
السلام عليكم انا عندى 22 سنه
السلام عليكم
انا عندى 22 سنه وشهرين ووزنى 48 كيلو عملت تحليل وكان فيه نسبه انيميا واخدت برشام حديد مع العلم ان وزنى كان ازيد من كده بس من حاله نفسيه قطعت الاكل ووزنى نزل بس نفسى ازيد تانى ومش عارفه اعمل ايه وايه الجدول اللى المفروض امشى عليه؟
===================================
رد بص وطل:
صديقتي العزيزة..لازم تعرفي إن علاج المحافة بياخد وقت أطول من علاج السمنة وعلشان كده لازم تصبري مع الاهتمام بتناول الغذاء اللي بيحتوي على كل العناصر الغذائية اللازمة للجسم من بروتين وخضروات ونشويات وغيرهم من العناصر المهمة لبناء الجسم، كمان لازم تعملي بعض التحاليل علشان تتأكدي إن مفيش سبب عضوي للنحافة اللي عندك والتحاليل دي زي
• تحليل بول
• تحليل براز
• تحليل كورتيزون
• تحليل سكر
• الغدة الدرقية
وياريت تطمنينا عليكي.
