السلام عليكم ورحمة الله وبركاته أنا شاب عمري 19 عاما أمارس رياضة كمال الأجسام من سنة تقريباً، أنا كنت مليان جداً ولكن الحمد لله خسِّيت كتير جداً جداً بس مشكلتي إن عندي دهون على العضل وبتخلي شكلي ضخم جداً ودكتور التغذية قال لي على نظام غذائي مش باقدر أعمله مع التمرين لأن التمرين بيحتاج أكل كتير وماقدرش أسيب التمرين، أنا نفسي في نظام غذائي يخسس وفي نفس الوقت يكون مُغذي علشان التمرين لأني جربت أتمرن مع النظام الغذائي حصل لي هبوط، ياريت تساعدوني وتقولوا لي أعمل إيه.. وشكراً
صديق "بص وطل" العزيز... لعبة كمال الأجسام تحتاج إلى بروتين كثير ولكن ليس دهونا أو حلويات، فمن الممكن أن تأكل بروتين كثير مع السلطة والخضار وقبل التمرين تأخذ 1/2 رغيف عيش أو 4 ملاعق أرز حتى يكون عندك الطاقة اللازمة للحرق في التمرين، والإكثار من شرب المياه ضروري علشان الكلى مع كثرة أكل البروتين.
إزيكم يا "بص وطل"، ميرسي جداً على القسم الجامد ده وكان عندي سؤال لدكتور محمد... يا دكتور أنا عندي هرمون الـgh نسبته عالية إزاي أنزِّله، أنا باخد "جلوكوفاج" وممنوعة من أكل العيش والأرز والسكريات، فقط لحوم وخضار بس ممنوعة من كل النشويات ساعدني يا دكتور أرجوك؟
الصديقة العزيزة... هرمون الـ GH ليس له علاقة بالأكل ولكن ننصح باستشارة طبيب الغدد الخاص بك حتى يتسنى لنا فهم الموضوع كاملاً والرد عليك.
الدكتور العزيز محمد أبو الغيط.. حضرتك اتكلمت على الكميات اللي هنشتريها من الأكل بس أنا كنت عايزة أعرف الكمية اللي المفروض ناكلها من الكحك والحلويات هتبقى بمقدار أد إيه في اليوم؟ وهل ينفع مثلاً إننا نشيل وجبة ونحط مكانها حلويات كنوع من التوازن في السعرات؟ يعني أعتقد إن ده أفضل من إننا ناكل 3 وجبات وكمان معاهم حلويات؟ رأي حضرتك إيه؟
صديقتنا العزيزة.. الحلويات والكحك من الأشياء التي سعراتها الحرارية عالية جداً جداً وسوف تضر ضرراً بالغاً بالنظام الغذائي ولا ينفع أن نستبدلها بوجبة لكن من الجائز أن تكون في الوجبة الحرة مرة أو مرتين فقط.
برجاء إنكم تساعدوني، ماما عمرها حوالي 54 سنة ووزنها 100 كيلو أو يزيد قليلا، عندها خشونة وتآكل في مفاصل الركبة وتعبانة قوي، بالإضافة إلى أنها مريضة وعندها "السكر" أرجو إعطائي الحل المثالي علشان تخس ولو فيه حل للخشونة بدون عملية يبقى كتر خيركم، تحياتي.
الصديقة العزيزة...الحل المثالي للتخسيس هو أن تتبع نظام غذائي كامل متكامل العناصر الغذائية وأن تستمر عليه وأن يكون تحت إشراف استشاري تغذية حتى يكون مستوفيا الشروط الصحية، وبالنسبة لموضوع الخشونة يرجى الاتصال بدكتور لعلاج العظام.
السلام عليكم اشكركم علي هذا
السلام عليكم اشكركم علي هذا الجهد والموقع المفيد عندي سؤال للدكتور انا لاعب كمال اجسام وطولي 173 ووزني 80 واريد انزل الوزن الي 75 ويكون لدى بكن نحيف والصدر بارز مع الاكتاف مع انني ماشي علي برنامج غذائي قليل الدهون والحلويات وشكرا
=============
رد بص وطل:
الوزن الزائد في هذه الحالة قد يكون بسبب نوع الرياضة او الاحمال التى تتدرب عليها وتكوين عضلات في الجسم.. وياريت تابعنا لإن قريباً جداً هيكون معانا أنظمة غذائية للاعبي كمال الأجسام.
أنا بلعب كمال اجسام وسنى 15
أنا بلعب كمال اجسام وسنى 15 سنة وطولى 147 وخايف ان طولى مايزيدش فهل لعب كمال الاجسام فى السن ده صح ام خطأ.. أرجو الرد.
===========
رد بص وطل:
الصديق العزيز لابد من استشارة أخصائي علاج طبيعي في هذا الموضوع.
انا بلعب كمال اجسام اتمرن منذ
انا بلعب كمال اجسام اتمرن منذ 8 اشهر عندي شوية بطن وكمان صدر هم ضعيف انا استعمل بروتين كيف اكل بروتين ممكن توضح لي طريقة اكل بروتين سلام عليكم.
==========
رد بص وطل:
الصديق العزيز البروتين بيكون متواجد في اللحوم والبيض والألبان.
عجبني ردود حضرتك المفيده بس
عجبني ردود حضرتك المفيده بس انا عندي مشكله صغيره مش عارف اعمل ايه انا عندي 24 سنة بلعب باسكت بس بحكم الشغل ببطل المشكله ان عندي زياده في الوزن وفي مناطق معينه من الجسم زي الكرش والارداف بتيجي لما ابطل على الاقل شهر ومش عارف اعمل ايه لان طولي 180 ووزني 78 مش قادر احدد المشكله ولا حتى حلها.
=================
رد بص وطل:
إن وزنك الحالي صديقي العزيز لازال في الحدود الصحية المسموح بها والمناسبة مع طولك أما بالنسبة لمشكلة تركز الدهون في بعض المناطق من الجسم فدي أنسب حل لها هو ممارسة التمارين الرياضية بانتظام.
يا دكتور لو سمحت انا طولي 159
يا دكتور لو سمحت انا طولي 159 ووزني 62 وبعمل دايت بس انا مشكلتي إنى بحب الحلويات مش الفاكهة ويا ريت لو في حاجة ممكن تخليني اطول شوية.
========================
رد بص وطل:
الصديقة العزيزة علشان نتغلبي على المشكله دى لازم تبدأي واحده واحده يعنى ماتمنعيش الحلويات مرة واحده والخطوة الاولى إنك نقللي الكميات اللي بتاكليها وبشكل تدريجي...
الخطوة التانيه حاولي تبدلي الحاجات اللي بتحبيها من الحلويات بالبديل المتوافر منها بس "دايت" وحاليا متوفره فى الاسواق البدائل الدايت سواء شيكولاته مربى. بسكويت... حلاوه.. ولكن مع الاخذ فى الاعتبار ان هذه البدائل تحتوى على سعرات حراريه وليست دايت 100% او لا تسبب زياده الوزن بالعكس الفكرة ان مكون واحد فقط من مكوناته دايت وباقى المكونات عاديه ولكن نلجأ اليها لحل هذه المشكله والى حد ما بعد ما توصلي الى هذه المرحله تبدأي فى الاستغناء عنها تماما ولما تقدري تسيطري على نفسك ابدأي تمشى فى باقى الريجيم كويس يعنى تخلى الحلويات والشيكولاته آخر حاجه لان عمليا من الصعب إنك تبدأي بأصعب حاجه.. ومع الاراده وتحقيق نتائج مرضيه على الميزان هايتولد عندك الحافز القوى للاستغناء عن الحلويات والشيكولاته مع الوقت .وهذه الطريقه تنطبق كمان على الناس اللى بتحب السكر كتير فى الشاى.
أما بالنسبة لمشكلة زيادة طول القامة فيرجى مراجعة طبيب العلاج الطبيعي وحاولي ألا تحملي أوزاناً ثقيلة وأن يكون وزنك مثالياً حتى لا تعيقي الطول الطبيعي للجسم.
لو سمحت يا دكتور انا امارس
لو سمحت يا دكتور انا امارس كمال الاجسام ووزنى مش بيزيد ممكن ااكل ايه علشان يزيد وزنى وشكرا.
=====================
رد بص وطل:
الصديق العزيز لابد من إجراء بعض التحاليل للتأكد من إن مفيش اي سبب عضوي بيخلي وزنك مايزيدش والتحاليل دي زي
• تحليل بول
• تحليل براز
• تحليل كورتيزون
• تحليل سكر
• الغدة الدرقية
ولو إتأكدت إن مفيش اي سبب عضوي للمشكلة دي ممكن تستعمل دواء Mosegor
مرحبا ازيك دكتور انا وزني 58
مرحبا ازيك دكتور انا وزني 58 يعني نحيف عاوز زياده في الوزن عاوز نظام غذائي كويس ميرسي.
======================
رد بص وطل:
الصديق العزيز برجاء إرسال طولك حتى نتمكن من معرفة إذا كنت فعلا تعاني من النحافة أم أن هذا الوزن مناسب لك.
وإذا كنت فعلاً تعاني من مشكلة النحافة فعليك عمل التحاليل اللازمة لمعرفة غذا كنت تعاني من سبب عضوي يسبب لك النحافة، وإذا تأكدت من أنك لا تعاني من مشكلة عضوية يمكنك تناول دواء Mosegor بعد استبعاد الامراض العضوية.. كما أن هناك رياضات تساعد على زيادة الوزن وتكوين عضلات مثل رياضات القوى.
لو سمحت يا دكتور انا كان وزنى
لو سمحت يا دكتور انا كان وزنى 74 وطولى 158 وخسيت بقيت 64 بس ثبت على كده وبعمل دايت كتير ومفيش فايده ايه النظام اللى امشى عليه علشان اخس وفى نفس الوقت وشى خس اوى عايزه نظام ماينزلش وشى وجزاك الله خيرا.
==============================
رد بص وطل:
الصديقة العزيزة لابد أن يكون النظام الغذائي اللي بتمشي عليه متكامل ومتوازن علشان ما يأثرش على صحتك وعلى شكل وشك ولازم تستشيري دكتور متخصص علشان يديكي النظام المناسب مع طبيعة جسمك.
مساء الخير يا دكتور انا اسمى
مساء الخير يا دكتور انا اسمى محمد وبلعب كمال اجسام برده وعندى 19 سنة بس انا عندى العضل بقى ضخم قوى وكل حاجة بس عندى كرش ومش عارف اعمل ايه ولما اتكلمت مع الدكتور قال لى مفيش حل غير الشفط وانا خايف من الموضوع ده ياريت يا دكتور تفيدنى وشكرا.
==============================
رد بص وطل:
الصديق العزيز بالنسبة لمشكلة السمنة الموضعية فحلها بيكون إما عن طريق ممارسة الرياضة أو العمليات الجراحية زي شفط الدهون ودي مفيهاش أي خطورة بس لازم تعملها عند دكتور كويس ومضمون.
بسم الله الرحمن الرحيم الاول
بسم الله الرحمن الرحيم
الاول احب اشكر الجميع على القسم ده
ثانيا انا عندى 19 سنة وطولى 190 بس رفيع جدا ووزنى حوالى 65 كيلو وبلعب كمال اجسام نفسى اتخن شوية اعمل ايه مش لاقى اى حل وبجد بتعب نفسيا من رفعى ارجوكم الرد
=============================
رد بص وطل:
الصديق العزيز عليك باستشارة دكتور متخصص في علاج النحافة وعمل بعض التحاليل للتأكد من عدم وجود سبب عضوي للنحافة، وبعد الاطمئنان على حالتك الصحية ممكن تستعمل دواء Mosegor
