دكتور لو سمحت أنا متابعة مع دكتور ريجيم، وباعمل أسطوانات مرتين في الأسبوع، المشكلة عندي الجزء العلوي من الجسم.. أنا من الأرداف تقريباً ما فيش خالص وزني 86 وطولي 165 بس عندي مشكلة إن دايماً ضغطي واطي والدكتور بيقول لي إن جسمي بيقاوم الريجيم.. أفيدوني لو سمحت لأني زهقت.
الصديقة العزيزة.. لإنقاص الوزن في مناطق معينة من الجسم لابد من اتباع نظام غذائي مع أحد الاختيارات التالية:
- رياضة تحت إشراف طبيب علاج طبيعي، وهذه الطريقة قد تستلزم وقتاً طويلاً ولكنها مفيدة للجسم.
- طرق الجراحة التجميلية بالمتابعة مع جراح تجميل وسوف تعطيك النتائج المطلوبة بسرعة أكبر.
وبالنسبة للمشكلة الثانية عليكِ أن تتأكدي من اتباعك لنظام غذائي صحي وسليم يمد جسمك بجميع العناصر الغذائية اللازمة، ويمكنك مراجعة طبيب باطنة للتأكد من عدم وجود خلل في الهرمونات.
هل شرب القرفة بيساعد على زيادة الوزن أو نقصانه؟
الصديقة العزيزة.. تكثر الادعاءات الخاصة بتناول مشروبات وأكلات مختلفة تساعد على التخلص من الوزن الزائد أو العكس، ولكن حتى الآن لا توجد دلائل علمية دامغة على فائدة أو ضرر هذه المشروبات بالنسبة للوزن، وهذا ينطبق على القرفة.
صديقتنا العزيزة.. يمكنك شرب القرفة دون أي إحساس بالذنب، حيث إنها لا تؤدي إلى زيادة الوزن ولكنها أيضاً لا تساعد على الحرق.
هل هناك تمرين يمكن أن يُطوّل القامة.. أنا عندي 16 سنة وطولي 154 ووزني 55؟
صديقتنا العزيزة.. يُرجى مراجعة طبيب العلاج الطبيعي وحاولي ألا تحمِلي أوزاناً ثقيلة، وأن يكون وزنك مثالياً حتى لا تعيقي الطول الطبيعي ومازال جسمك قابلاً للطول.
كنت عاوزة أسأل هل الترمس بيتخن ولا لأ.. والشيبسي فيه كام سعر حراري؟؟ وشكراً لأفادتك لنا ولمعلوماتك.
الصديقة العزيزة.. أي أكل ممكن يتخن ومن الممكن ألا يُؤثر في النظام الغذائي، ولكن الترمس والشيبسي ممنوع بين الوجبات.
لو سمحت يا دكتور انا وزنى كان
لو سمحت يا دكتور انا وزنى كان 75 كيلو وطولى 152 نزلت بقيت 55 كيلو وعايزة اثبت على كده عايزة اعرف نظام كويس للتثبيت.
===================
رد بص وطل:
بالنسبة للتثبيت فهو ببساطة إنك تحصلي على سعرات توازي المجهود المبذول يوميا وان تراقبي ما تأكلي بعد التوقف عن الريجيم ومن المفترض إنك خلال فترة الريجيم تتعلمي طريقة الأكل الصح وتعودي نفسك عليها ويبقى ده اسلوب حياتك على طول .. صحيح مش معقول إنك هتعيشي طول حياتك تعملي ريجيم أو تتابعي مع دكتوروعلشان تعملي تثبيت لوزنك ففيه أكثر من شكل للتثبيت إما إنك تقللي كميات اكلك يعنى تاكلي كل حاجة لكن بكميات اقل مع الرياضة اليومية المتاحة، والطريقة التانية إنك تعملي توازن يعني لو يوم خرجت مع صحابك وهتاخدي راحتك فى الاكل اليوم اللى بعده تمشى على الريجيم، ولو لخبطي فى الاكل يومين اليومين اللى بعدهم اعملي ريجيم وهكذا.
واهم حاجة إنك توزني نفسك على الاقل مرة كل اسبوعين علشان لو لقيتي نفسك وزنك زاد تقللي فى الوجبات الحرة خلال الاسبوع يعني لو محددة ثلاث وجبات فى الاسبوع قلليهم لوجبه واحده اواتنين ولو بدأتِ تاكلِ قطعتين شيكولاته فى اليوم خليهم قطعه واحده كل يومين وهكذا، ولو لقيت نفسك نازلة على الميزان ممكن تزودي شوية الحاجات اللي بتحبيها ولكن بحدود.
مهم جدا مراقبة الوزن عشان ممكن الكيلو يجر كيلو ومن غير ماتشعري هاترجعي اللى نقصتيه بسرعه.
ولازم تاخذي فى الاعتبار ان التثبيت بيختلف من شخص لآخر حسب طبيعه النشاط وكمان الحالة المزاجيه فى ناس بتحب تاكل لما تشبع فى هذه الحالة عند التثبيت اكتر من الاكل اللى بيشعرنى بالامتلاء زى السلطة والفاكهه اكتر من الانواع الاخرى لو بحب الحلويات اقلل من الكميات عشان احصل على قطعه شيكولاته وهكذا بعد فترة بتعرفي طبيعة جسمك واستجاباته والفيصل وزنك على الميزان.
انا عندى 30 وطولى 162 سم وكان
انا عندى 30 وطولى 162 سم وكان وزنى 110 كيلو وعملت ريجيم لمدة سنة وخسيت ووصلت 90 كيلو بعد كده بطلت ريجيم فى خلال 6 شهور رجع وزنى 100 كيلو والزيادة عندى فى منطقة البطن والارداف ودلوقتي مش عارفه اخس تانى؟
===========================
رد بص وطل:
الصديقة العزيزة لابد من استشارة دكتور متخصص لإعطائك النظام الغذائي والدواء المناسب لحالتك الصحية والوصول للوزن المناسب في سنك هذا المفترض إنه يكون سهل وسريع ولكن عليك بالالتزام وممارسة الرياضة للتخلص من مشكلة السمنة الموضعية أو اللجوء للعمليات الجراحية مثل شفط الدهون.
بسم الله الرحمن الرحيم .. انا
بسم الله الرحمن الرحيم .. انا عندى 20 سنه ووزنى 89 وطولى 173 حاولت اعمل ريجيم اكتر من مره بس مش بكمل المشكله ان وزنى ينقص بسرعه وبيزيد بسرعه وكمان بحس انى عاوزه اكل كتير بالرغم انى مش بكون جعانه كمان انا لاحظت ان وزنى مش بينقص عن 89 فى اى مره عملت فيها ريجيم او حتى لعبت رياضه.
=======================
رد بص وطل:
الصديقة العزيزة.. بعض الناس تتبع نظام ريجيم واحد لمده طويله متخيله انه صح او متبعه نظام فى الاكل مرتاحه عليه وفى هذا النظام لخبطه وهو لا يعرفها وبيكررها طول الوقت فالوزن بيثبت عند رقم معين ولا يتحرك او قد يزيد وزن المريض رغم الالتزام
والحل... التاكد ان النظام للمتبع صح وثانيا تسجيل كل حاجه بناكلها – حتى الشاى والقهوة اى حاجه بتدخل المعده - فى جدول لمده اسبوع وعرضها على متخصص عشان يقدر يحدد فين اللخبطه بالتحديد .
لو استمر الوزن ثابت نلجأ الى مساعدة الجسم بالدواء يسرع عملية الحرق التى تختلف من شخص لاخر فى ناس تأكل كل حاجه ومش بتتخن وناس تانيه اى لخبطه فى الاكل تتخنها .
لو بعد الالتزام والدواء المشكله مستمرة ممكن نجرى تحليل هرمونات لان قد يكون هناك لخبطه فى الهرمونات او فى مشكلة ما تسبب زيادة الوزن او تمنع انقاص الوزن.
ارجوك يا دكتور رد عليا انا
ارجوك يا دكتور رد عليا انا بعت لحضرتك قبل كدا انا طولى 172 ووزنى 80 عايزة اعرف اخس ولا لأ وازاى اعمل برنامج تثبيت ارجو الرد وشكرا جزيلا لمجهودتات حضرتك.
=============================
رد بص وطل:
الصديقة العزيزة الرد على سؤالك هتلاقيه موجود في نفس الصفحة بعد 3 مشاركات من هذه المشاركة.
السلام عليكم ورحمة الله
السلام عليكم ورحمة الله وبركاته من فضلكم عندي مشكلة انا تقريبا بلعب 3ساعات في 3ايام من الاسبوع كان وزني 85 والحمد لله اصبح 76 لكن مش بحس اني بنزل اكثر وده بدأ يسبب لي احباط مش عرفة فين المشكلة وانا لازم يكون وزني 70 يعني 76 وكانها ثبتت معايا على فكرة بعمل رياضة بس مش بضبط في الاكل.
=============================
رد بص وطل:
الصديقة العزيزة.. أولاً لازم تتبعي نظام غذائي متوازن تحت إشراف دكتور وذلك مع ممارسة الرياضة.
ولو استمر الوزن ثابت نلجأ الى مساعدة الجسم بالدواء يسرع عملية الحرق التى تختلف من شخص لاخر فى ناس تأكل كل حاجه ومش بتتخن وناس تانيه اى لخبطه فى الاكل تتخنها .
لو بعد الالتزام بالنظام الغذائي والرياضة والدواء المشكله مستمرة ممكن نجرى تحليل هرمونات لان قد يكون هناك لخبطه فى الهرمونات او فى مشكلة ما تسبب زيادة الوزن او تمنع انقاص الوزن.
انا يا دكتور عندى 21 سنة
انا يا دكتور عندى 21 سنة وقليلة الحركة جدا.شكرا
ميرسى جدا على مجهود حضرتك يا
ميرسى جدا على مجهود حضرتك يا دكتور معانا .. من فضلك انا عندى سؤال انا طولى 172 ووزنى 80 .. انا نفسى اعمل نظام تثبيت لجسمى.
==================================
رد بص وطل:
الصديقة العزيزة.. أولاً لازم تعرفي إن الوزن اللي إنتي عليه دلوقتي مش هو الوزن الصحي المناسب مع طولك لإن وزنك الصحي يتراوح بين 58 لـ 73 كيلو، وعلى ذلك فأنتي في حاجة لاتباع نظام غذائي متكامل للوصول للوزن المناسب لكي.
أما بخصوص تثبيت الوزن ففيه أكثر من شكل للتثبيت إما إنك تقللي كميات اكلك يعنى تاكلي كل حاجة لكن بكميات اقل مع الرياضة اليومية المتاحة، والطريقة التانية إنك تعملي توازن يعني لو يوم خرجت مع صحابك وهتاخدي راحتك فى الاكل اليوم اللى بعده تمشى على الريجيم، ولو لخبطي فى الاكل يومين اليومين اللى بعدهم اعملي ريجيم وهكذا.
واهم حاجة إنك توزني نفسك على الاقل مرة كل اسبوعين علشان لو لقيتي نفسك وزنك زاد تقللي فى الوجبات الحرة خلال الاسبوع يعني لو محددة ثلاث وجبات فى الاسبوع قلليهم لوجبه واحده اواتنين ولو بدأتِ تاكلِ قطعتين شيكولاته فى اليوم خليهم قطعه واحده كل يومين وهكذا، ولو لقيت نفسك نازلة على الميزان ممكن تزودي شوية الحاجات اللي بتحبيها ولكن بحدود.
مهم جدا مراقبة الوزن عشان ممكن الكيلو يجر كيلو ومن غير ماتشعر هاترجع اللى نقصته بسرعه.
انا عايز اخسس من الوزن انا
انا عايز اخسس من الوزن انا لما باكل الوزن بيزيد مش عارف اعمل ايه وكمان ماعنديش وقت اني العب جيم فعايز اعرف تعليمات على الاكل امشى عليها.
=============================
رد بص وطل:
الصديق العزيز.. ده ريجيم بامكانيات قليلة ممكن تمشي عليه وهو عبارة عن
• الصبح: 1/2 رغيف بلدى مع فول او جبنة قريش او 2 ملعقة مربى
• الغداء: لحوم+ سلاطة+ خضار
• العشاء: فاكهة.
كل الفاكهة مسموحة الا البلح، مانجو، تين، موز، مشمش، عنب، كاكا، قشطة، كريز.
ولابد من ممارسة الرياضة مع الريجيم حتى تحقق النتيجة المطلوبة وممكن تعمل رياضات بسيطة زى المشى ولو غير متاح نطلع السلم او ركوب العجله او السباحه لو متاحه او لو احنا مش قادرين وقاعدين على المكتب طول النهار فى بعض الاجهزة الخفيفة المطاطه " سوست الضغط " التى يمكن الامساك بها فى اليد الضغط عليها دى بتحرق سعرات حرارية كل مجهود بيقوم به الانسان بيحرق سعرات حراريه حتى المجهود الذهنى – وان كان سعرات قليله- هضم الاكل فى حد ذاته بيساعد على حرق السعرات الحراريه.
لو سمحتى انا عندى مشكلة انا
لو سمحتى انا عندى مشكلة انا وزنى مظبوط وطولى مظبوظ وزنى 65 وطولى 164 بس مشكلتى ان دورتى مش مظبوطة بتختلف عن ميعادها 10 ايام 15 يوم بس بلاحظ لو شربت مياه ساخنة على غيار ريق او قرفة اوجنزبيل بتتظبط وبتيجى فى ميعادها 30 يوم بالظبط انا عايزة اعرف اعمل ايه لو عندى تكيسات على المبيض او اشرب ايه؟
===============================
رد بص وطل:
الصديقة العزيزة عليكي باستشارة طبيبة أمراض نساء.
انا كان وزني 55 وطولي 159
انا كان وزني 55 وطولي 159 وزاد 62 وكنت عاوزه انقص وزني ل 55 تاني ياريت نظام غذائي والوزن المثالي عندي 23 سنه شكرا.
======================================
رد بص وطل:
الوزن الصحي لكي والمناسب مع طولك يتراوح بين 50 لـ 63 كيلو.. وهذا يعني أنك لازلت في الحدود المسموح بها، ولكن عليك بالمحافظة على هذا الوزن.
السلام عليكم انا عندى 20 سنه
السلام عليكم انا عندى 20 سنه وطولى 159 ووزنى 65 وبلعب رياضة وعندى مشكلة برضه هى بطنى نفسى اخس اوى منها ومش عارفة اعمل ايه ياريت تفيدنى وبلعب رياضة بقالى سنتين شكرا.
====================================
رد بص وطل:
الصديقة العزيزة إن الوزن الصحي المناسب مع طولك يتراوح بين 50 لـ 63 كيلو، لذا فإن عليك أن تخسري بعض الكيلوات من وزنك حتى تصلي إلي الوزن المناسب لكي، أما بالنسبة لمشكلة البطن فممكن تعملي التمارين الخاصة بشد عضلات البطن تحت إشراف مدرب رياضي متخصص، أو استشارة دكتور تجميل لمعرفة الحل لهذه المشكلة.
ارجو تثبيت موضوعات الريجيم
ارجو تثبيت موضوعات الريجيم اثناء الرضاعة.
=====================================
رد بص وطل:
الصديقة العزيزة نوعدك بعمل أعداد عن الريجيم أثناء فترة الرضاعة واحب اقول لك إن لاتباع ريجيم مع الرضاعة لابد ان يكون نظام غذائى متوازن "بالكثير 4 كيلو فى الشهر" مع إضافة بعض الزيوت، لبن خالى الدسم، وخضروات ورقية، فاكهة، وسوائل كثيرة.
انا عندى مشكله فى البطن جسمى
انا عندى مشكله فى البطن جسمى حلو ووزنى كويس بس مشكلتى انى ليا بطن وانا عمرى 32 سنه وعندى بنتي اريد حل لمشكلة البطن.
===================================
رد بص وطل:
أحسن حل للسمنة الموضعية هو ممارسة التمارين الرياضية تحت إشراف مدرب رياضي أو في البيت.
انا طولى 166 ووزنى كان 100
انا طولى 166 ووزنى كان 100 وبعدين عملت ريجيم ووصلت لـ 85 ومازلت مستمرة فى الريجيم ولكن دون جدوى حيث ان وزنى ثابت عند 85 ارجو افادتى.
===============================
رد بص وطل:
الصديقة العزيزة فيه بعض الناس تتبع نظام ريجيم واحد لمده طويله متخيله انه صح او متبعه نظام فى الاكل مرتاحه عليه وفى هذا النظام لخبطه وهو لا يعرفها وبيكررها طول الوقت فالوزن بيثبت عند رقم معين ولا يتحرك او قد يزيد وزن المريض رغم الالتزام.
والحل هو إنك تتأكدي ان النظام المتبع صح وثانيا تسجيل كل حاجه بناكلها – حتى الشاى والقهوة اى حاجه بتدخل المعده - فى جدول لمده اسبوع وعرضها على متخصص عشان يقدر يحدد فين اللخبطه بالتحديد.
لو استمر الوزن ثابت نلجأ الى مساعدة الجسم بالدواء يسرع عملية الحرق التى تختلف من شخص لآخر فى ناس تأكل كل حاجه ومش بتتخن وناس تانيه اى لخبطه فى الاكل تتخنها .
لو بعد الالتزام والدواء المشكله مستمرة ممكن تجرى تحليل هرمونات لان قد يكون هناك لخبطه فى الهرمونات او فى مشكلة ما تسبب زيادة الوزن او تمنع انقاص الوزن.
انا وزنى 80 ك وعندى 21 سنة
انا وزنى 80 ك وعندى 21 سنة محتاجة برنامج دايت مناسب والمفروض وزنى المثالى يبقى كام؟ وشكرا.
============================
رد بص وطل:
الصديقة العزيزة يرجى ارسال طولك بالتحديد حتى يمكننا حساب الوزن المناسب لكي.
انا كنت نحيفه يا دكتور وتابعت
انا كنت نحيفه يا دكتور وتابعت مع دكتورة تغذية ووزنى زاد.. المشكله ان ظهر عندى فى منطقة الارداف والفخدين خطوط زرقاء شبه الدوالى كده متركزه فى منطقة الارداف وشكلها وحش جدا وانا مضايقة منها..هل دى شئ خطير؟؟ ولا هتروح مع الوقت؟؟
====================================
رد بص وطل:
الصديقة العزيزة.. الخطوط دي لزيادة وزنك، وهناك بعض الكريمات تساعد على الاسراع من أختفاء هذه الخطوط وان كانت فى الغالب ما تختفى تدريجياً ولكن بشكل غير كامل بنسبة 90% تقريباً سواء مع او بدون استخدام الكريمات،وبالنسبة لنوع الكريم الأمن والمفيد فيجب مراجعة طبيب الامراض الجلدية فى هذا الشأن.
شكرا جزيلا يا دكتور على
شكرا جزيلا يا دكتور على الاجابة على سؤالى
دكتور انا عندى 16 سنة وطولى
دكتور انا عندى 16 سنة وطولى 161.5 ووزنى 44.5 وعايزة اتخن شوية باكل كويس ومفيش اى وسيلة نفعت علشان اتخن ومش عارفة اعمل اية والنحافة مأثرة عليا جدا.
=======================================
رد بص وطل:
الصديقة العزيزة عليك باستشارة دكتور متخصص في علاج النحافة وعمل بعض التحاليل مثل تحليل بول، تحليل براز، تحليل كورتيزون، تحليل سكر، الغدة الدرقية، لمعرفة إذا كان فيه اسباب عضوية للنحافة اللي عندك دي ولا لأ.
لو سمحت ارجوكو انا مش عارفه
لو سمحت ارجوكو انا مش عارفه اعمل ايه انا عندى 21 سنه ووزنى 117 وطولى 165 ومشكلتى انى كل ما بعمل ريجيم بخس وبعديها بتخن وزهقت وانا بنوته اتخنقت من شكلى مابقتش انزل بتكسف من وزنى اعمل ايه ارجو الرد.
================================
رد بص وطل:
المشكله ان نمارس عادات فى الاكل لما بنعمل ريجيم بنوقفها، وبمجرد ما نتوقف عن الريجيم بنرجع مرة تانيه لكل عادتنا الغذائية السيئة ونعوض ايام الحرمان باكل كميات هائلة من كل حاجه كنا محرومين منها وقت الريجيم وخاصة لو ما عملش تثبيت وبصراحه خسارة التعب اللى تعبه راح على الفاضى ...وهو ده سبب اننا بنرجع بسرعه وأكتر من الاول يعنى لو خسرنا خمسة كيلو ممكن نرجعهم عشرة لو لم نثبت الوزن، لذا عليك باتباع نظام للتثبيت.
انا وزنى كان 70 ولما حملت
انا وزنى كان 70 ولما حملت وولدت كان96.5 وعندى شرايين رجلى ضعيفة ومش عارفة اخس وشهيتى مفتوحة وبرضع بنتى وهى عندها 4 شهور وانا 22سنة.
===============================
رد بص وطل:
اتباع ريجيم مع الرضاعة لابد ان يكون نظام غذائى متوازن يعني تنزلي بالكثير 4 كيلو فى الشهر مع إضافة بعض الزيوت، لبن خالى الدسم، وخضروات ورقية، وفاكهة، وسوائل كثير، ويفضل إنك تتابعيه تحت إشراف دكتور متخصص.
لوسمحت يادكتورانا عندي 19 سنة
لوسمحت يادكتورانا عندي 19 سنة انا عملت ريجيم وبقي وزني 48وطولي 158 وبعدين حصل اضطرابات في الدورة اخدت دواء منع الحمل وانتظمت وبعدين اتأخرت واخذت فيتامين وانتظمت وبعدين اتأخرت تاني مع العلم انها كانت منتظمة قبل الريجيم.
================================
رد بص وطل:
الصديقة العزيزة لازم تعرفي إن الوزن الصحي المناسب مع طولك وسنك يتراوح بين 49 لـ 62 كيلو. أما بالنسبة لمشكلة اضطراب الدورة عليك استشارة دكتورة أمراض نساء لمعرفة السبب في هذه الاضطرابات.
انا وزنى 43 وطولى 157 وباكل
انا وزنى 43 وطولى 157 وباكل كويس وانا عايزة اتخن ومش عارفه اعمل ايه؟
=============================
رد بص وطل:
الصديقة العزيزة أولاً عليك معرفة أن الوزن الصحي المناسب لطولك يتراوح بين 49 لـ 61 كيلو، وحتى تتمكني من الوصول للوزن المناسب عليك استشارة دكتور متخصص في علاج النحافة وعمل بعض التحاليل وهي
•تحليل بول
•تحليل براز
•تحليل كورتيزون
•تحليل سكر
•الغدة الدرقية
وذلك لمعرفة إذا كان هناك سبب عضوي للنحافة وأخذ العلاج المناسب على حسب حالتك.
