د.محمد أبو الغيط يكتب عن: نفسي أخس.. والهرمونات منعاني!

موقع حلو

مشكور يا دكتور علي مجهودك
انا شاب عمري 27 سنه وزني 131 وطولي و 191 نفسي اخس وعملت ريجيم ولم يضيف اي تاثير ممكن تفيدني انا مشكلتي عندي صدر كبير وباطن وارداف ايه الحل يا دكتور في مشكلة الثدي الكبير عند الشباب.

===============

رد بص وطل:
الصديق العزيز لابد أن يكون عندك صبر وإرادة ولا تستعجل نتيجة الريجيم ولو حسيت إنه فعلاً مش بيجيب نتيجة ممكن تغير نظام الريجيم اللي إنت ماشي عليه ويمكنك مساعدة جسمك بالدواء لكن لازم يكون تحت إشراف طبي إلى جانب طبعاً ممارسة التمارين الرياضية للتخلص من مشكلة السمنة الموضعية وبالنسبة لمشكلة كبر حجم الصدر فلابد من استشارة دكتور غدد متخصص

موضوع جميل.. ازيك يا دكتور ممكن استفسار صغير انا الدكتور بتاعي كتب لي علي برشام تخسيس اسمة سليماكس 15 عشان اخس انا سني 19 سنه ووزني حوالي 80كليو وطولي حوالي 174 هل وزني مناسب لطولي ولا ايه وهل للبرشام السليماكس اعراض جانبية ولو له اعراض جانيبة يا ريت اعرفها لاني اشتريت شريط بس مش علبة يعني معرفش ايه اللي في النشرة الداخلية لاني جبت شريط فقط ارجو الافاده من فضلك فيدني لان خطيبي عايزاني اخس وانا هتجوز في شهر 4 ولازم اخس قبل شهر 4 ارجوك ساعديني وفيديني منتظرة الرد في اقرب وقت ممكن.

=============

رد بص وطل:
الدواء ده كويس في حالة عدم وجود اي موانع طبية.

انا طولى 153 وزنى 60 وانا عندى 15 سنة وعاوزة اخس بس مش عرفة ازاى اخس وانا بحاول اظبط اكلى بس برده مش بخس.

==============

رد بص وطل:
الصديقة العزيزة عليكي باتباع ريجيم صحي ويفضل إنه يكون مع دكتور متخصص وطبعاً إلى جانب ممارسة الرياضة بانتظام حتى ولو كانت رياضة بسيطة زي المشي يومياً لمدة ساعة أو طلوع السلم.

انا عندى 17 سنة وزنى 110 وطولى 170 جربت كتير اعمل ريجيم بس مش بقدر اكمل يوم واحد انا بحب الاكل جدا هو حياتى كلها وبجد تعبت نفسى اخس بس مش عارفه اعمل ايه؟!

================

رد بص وطل:
الصديقة العزيزة لازم يكون عندك إرادة قوية علشان تقدري تخسري وزنك وتوصلي للوزن اللي إنتي عايزاه ويمكنك الاستعانة بالادوية مثل meridian الذي يساعد على سرعة الاحساس بالشبع ولكن بعد استشارة دكتور متخصص.. وعليكي بتناول الفاكهة والخضراوات والسلطة لإنها تعطي إحساس بالشبع مع سعرات قليلة في أغلبها ده بالإضافة إلى ممارسة التمارين الرياضية بانتظام حتى ولو كانت رياضة المشي.

ازيك يا دكتور عامل ايه (انا عندى 14 سنة وطولى 158 ووزنى 69 انا عايزة اخس مش عارفة اعمل ايه مع ان انا مش باكل اوى وساعات بتخن لوحدى بليز ساعدنى اعمل ايه والوزن المناسب لطولى ايه هو؟

=====================

رد بص وطل:
الصديقة العزيزة أولاً لازم تعرفي إن الوزن الصحي المناسب مع طولك يتراوح بين 49 إلى 62 كيلو.. وكمان لازم تعرفي إن مش معنى الامتناع عن الاكل طول النهار ان احنا نخس، لإن علشان نخس لازم ناكل الثلاث وجبات فى اليوم عشان نظام الحرق فى الجسم يشتغل صح.. لأن عدم الاكل طول النهار او عدم الالتزام بالثلاث وجبات معناه ان الجسم يبدا يشعر انه فى مجاعه فيقاوم فقد الدهون وهى غريزة اوجدها الله فى الجسم حتى يحافظ على بقاءه ويقاوم الفناء
بالاضافة الى ان الاشخاص اللى بياخروا وجبه الغداء حتى وقت النوم بيكونوا عرضه اكتر لزيادة الوزن لان السعرات الحرارية الموجودة فى الاكل هاتتحول الى دهون وتتخزن فى الجسم ولن يكون هناك فرصة لحرقها وبالتالى بيكون صعب حرقها .. والصحى حرق السعرات التى نحصل عليها خلال اليوم ونام من غير ما نخزن دهون.

لو سمحت يادكتور كنت عايزة اسال حضرتك عن ادويه الدايت هل هى مضرة للجسم مثل ال سليماكس 15 وريجيريتم وكروماكس وسيدوفاج وجلوكوفاج وسيبوترم واورليستات انا اخدت كل الادوية دى علشان اخس وفعلا خسيت بس دلوقتى بحس بتعب من اى مجهود صغير جدا.

==================

رد بص وطل:
الصديقة العزيزة بعض الأدوية اللي إنتي ذكرتيها كويسه ولها تاثير كويس في مجال الريجيم وبعضها ليس له تأثير كدواء السيدوفاج هو عبارة عن دواء لعلاج مرض تكيسات المبيض" p.c.o" وقد ثبت انه لا تأثير له على الوزن نهائياً. ونصيحتي لكي هي عدم أخذ أي دواء إلا تحت إشراف طبي لمعرفة غذا كان هذا الدواء مناسب لحالتك الصحية أم لا.

انا عندى انيميا مرحلة شديدة وتحت عينى اسود اوى للدرجة انى كل اللى بيشوفنى بيلاحظ ارجوك يادكتور شوف حل سريع.

====================

رد بص وطل:
الصديقة العزيزة يرجى استشارة دكتور باطني متخصص لمعرفة الحالة وإعطاؤك العلاج المناسب لحالتك.. مع خالص تمنياتنا لكي بالشفاء العاجل.

السلام عليكم.. انا ايمن وزنى 176 وطولى 175 نفسى اخس علشان فرحى قرب جربت مع دكاتره كتير الرجيم بس نزول الوزن بعد الاسبوع الاول بيبقى ضعيف نفسى وبكل صراحه فى حل سحرى من غير تعب او برشام ينزل الدهون علشان اخس بسرعه يا ريت تردوا عليا بحل غير تقليدى انا ممكن اعمل ريجيم مع نفسى من غير دكتور وعندى برامج كتيره من دكاتره قبل كده بس النتائج كانت ضعيفه علشان كده بزهق من طول المده والنتائج لا ترضينى.. وشكرا السلام عليكم.

==============================

رد بص وطل:
الصديق العزيز عند اتباعك لنظام غذائي مع دكتور لابد من التأكد من تنفيذ هذا النظام بكل دقة لكي تشعر بنتيجته وبالطبع هذا إلى جانب ممارسة الرياضة حتى ولو كانت رياضة المشي أو طلوع السلم.. ولو شعرت بضعف الإرادة يمكن الاستعانة بالادوية مثل meridian الذي يساعد على سرعة الاحساس بالشبع ولكن ده لازم يكون تحت إشراف دكتور متخصص.. ولو شعرت إن مفيش نتيجة ممكن تجرى تحليل هرمونات لان قد يكون هناك لخبطه فى الهرمونات او فى مشكلة ما تسبب زيادة الوزن او تمنع انقاص الوزن.

ازيك يا دكتور انا دلوقتى حامل وكنت قبل الحمل عملت ريجيم ونزلت 15 كيلو وبقيت 63 كيلو وطولى 160 او 162 وبعد الحمل بدات ازيد لدرجه انى بقيت 74 وانا لسه فى الخامس وكل لما اشتكى للدكتوره تقول انه كله هينزل بعد الولاده وان دا بسبب انى مش بتحرك لانى فى السعوديه و الخروج قليل قوى
انا دلوقتى عندى اكتئاب شديد وحاسه ان كل تعبى فى الريجيم راح المشكله انى بجوع كتير بس مش حاسه ان اكلى كتير للدرجه دى و مشكله تانيه انى مش بحب اللبن فابضطر اشرب لبن بالفواكه بدل اللبن الدايت ارجوكو الحل ايه؟ياريت الرد بسرعه عشان انا خايفه من الاكتئاب ياثر على النونو وبقت عندى نوبات اكتئاب كتير وجزاكم الله خيرا.

===========================

رد بص وطل:
الصديقة العزيزة في أثناء فترة الحمل يزيد الوزن طبيعياً بمعدل كيلو فى الشهر لذا فما هو أكثر من ذلك عبارة عن دهون زائدة ويمكن اتباع نظام ريجيم متوازن للمحافظة على هذا المعدل مع اضافة فاكهة بين الوجبات وبعض النشويات ولبن خالى الدسم مع متابعة حالة الجنين بانتظام.

انا نفسى اخس انا طولى 173 ووزنى 130 وحاولت ان اعمل ريجيم ولكن بزهق وابطل لان مفعوله بطيءوانا بزيد بمعدل 5 كيلو فى السنه اعمل ايه وشكلى بيعطينى اكبر من سنى والمشكلة اكثر فى البطن والارداف.

=========================

رد بص وطل:
الصديقة العزيزة لازم يكون عندك القوة والإرادة علشان تقدري تخسري وزنك وتكسبي صحتك لإن زيادة الوزن اللي إنتي فيها مش بس هتقصر على شكلك لا دي كمان لها أضرار صحية كتيرة.
ولابد من المتابعة تحت إشراف دكتور متخصص وعمل التحاليل اللازمة لمعرفة سبب السمنة وأخذ النظام الغذائي والدواء المناسب لحالتك.. وكل ده هيحتاج لوقت وصبر منك علشان توصلي للنتيجة اللي إنتي عايزاها.
أما بالنسبة لمشكلة تركز الدهون في منطقة معينة من الجسم فدي حلها حاجة من اتنين إما ممالاسة تمارين رياضية تحت إشراف مدرب رياضي متخصص او اللجوء لعمليات شفط الدهون.

انا عاوزة اعرف وزنى المثالى لطولى 155

========================

رد بص وطل:
الوزن الصحي لطولك يتراوح بين 47 لـ 60 كيلو.

السلام عليكم ورحمه الله وبركاتو
ازيك يا دكتور محمد انا كنت سالت حضرتك قبل كده سؤال ومردتش عليا فيه اتمنى انك تفيدنى وترد عليا هو بخصوص :-
الميه السخنه بالليمون الصبح على الريق قبل ما اكل اى حاجه دى بتخسس انا بقالى شويه بشربها وبشربها ممكن برده قبل ما انام وفى اى وقت احس فيه ان بطنى فاضيه هيا فعلا بتخسس ولا لاء وهل كترها يضر بالمعده يعنى فى ناس بتقول الميه السخنه بتخسس وكمان ناس بتقول ان كتر الميه السخنه بالليمون هيتعب المعده مع العلم انى عندى انيميا وشكرا جزيلا لحضرتك.

==============================

رد بص وطل:
الصديق العزيز لابد من استشارة طبيب لعلاج الانيميا.. أما بالنسبة لسؤالك عن شرب الميه السخنة فاحب اقول لك إن شرب الماء العادي فقط اثناء التخسيس مفيد جدا حتى اذا كان اثناء الاكل لانه بيساعد على سرعة امتلاء المعدة وبحسب دراسة اجريت عام 2008 ترفع معدل الحرق فى الجسم بسبب غير معروف، كما انه لا يؤدى الى ظهور الكرش كما يعتقد البعض.

انا نورهان عندى 17 سنه ووزنى 76 وطولى 164 انا لما كان عندى 15 سنه كان وزنى 85 وبدات انزل كتير وانا جسمى بيستجيب بسرعه بس انا نفسى اوصل لوزن 60
كيلو بس مش عارفه انا ممكن فى اليوم اكل وجبه واحده مع الرياضه بس انا محتاجه اخس بسرعه.

=====================

رد بص وطل:
صديقتنا العزيزة لازم تعرفي إن الريجيم ليس معناه الامتناع عن الاكل طول النهار.. وعشان نخس لازم ناكل الثلاث وجبات فى اليوم عشان نظام الحرق فى الجسم يشتغل صح.. لأن عدم الاكل طول النهار او عدم الالتزام بالثلاث وجبات معناه ان الجسم يبدا يشعر انه فى مجاعه فيقاوم فقد الدهون وهى غريزة اوجدها الله فى الجسم حتى يحافظ على بقاءه ويقاوم الفناء
بالاضافة الى ان الاشخاص اللى بياخروا وجبه الغداء حتى وقت النوم بيكونوا عرضه اكتر لزيادة الوزن لان السعرات الحرارية الموجودة فى الاكل هاتتحول الى دهون وتتخزن فى الجسم ولن يكون هناك فرصة لحرقها وبالتالى بيكون صعب حرقها .. والصحى حرق السعرات التى نحصل عليها خلال اليوم ونام من غير ما نخزن دهون .
وعدد الكيلوجرامات المسموح بها في الشهر أو بمعنى أصح الحد الآمن لفقد الوزن فى الشهر من 4 الى 6 كيلو وهو ده المتوسط ممكن يزيد عن كده شويه اويقل مافيش مشكله وده راجع الى طبيعه الشخص وطبيعه حياته ونوعه يعنى الرجل بيخس أسرع من المرأة وأصحاب الاوزان الثقيلة بيخسوا أسرع من أصحاب الوزن القليل لأن الشخص اللى عتده زياده مثلا 30 كيلو كانه شايل على ظهره شنطه طول الوقت بالوزن ده فمن الطبيعى ان معدل حرق السعرات يكون عنده اعلى من الشخص كم الدهون فى جسمه اقل.

انا طولى 161 ووزنى بين 69 وال70 71 وعندى 15 سنة ومشكلتى في البطن ومنطقة الفخذين.. بس المشكلة انى مش متوفر ليا انى اعمل رياضة او انتظم فيها عشان الدراسة بس بحاول انظم اكلى على قد ما ااقدر ياريت حضرتك تقولى اعمل ايه في الاكل ولتنزيل المنطقة الزايدة في جسمى؟ وتقول لى ايه الوزن المثالى لجسمى؟

========================

رد بص وطل:
صديقتنا العزيزة الوزن الصحي المناسب مع طولك يتراوح بين 51 إلى 64 كيلو.. أما بخصوص مشكلة السمنة العضوية فدي حلها حاجة من اتنين وهما ممارسة التمارين الرياضية تحت إشراف مدرب متخصص.. أو اللجو لعمليات شفط الدهون.

دكتور انا عندي 19 سنه و طولي 162سم و وزني 67كم و عاوزه اخس بس من منطقه البطن لان باقي جسمي مظبوط الى حد ما و المشكله ان الرجيم بيخسس وشي وبيبقى شكله وحش لما يخس لانه مدور وانا حباه كده وعاوزه اعرف ايه الوزن المثالي المناسب ليا؟..و شكرا.

=========================================

رد بص وطل:
أحسن حل لمشكلة البطن هو ممارسة التمارين الرياضية تحت إشراف مدرب رياضي، وبالنسبة للوزن الصحي المناسب لكي فهو يتراوح بين 52 لـ 65 كيلو.

انا عايزه اخسس منطقة البطن بس ويبقي بطني مشدوده بس بطريقة غير التمارين لأني مش بلاقي وقت خالص للتمارين.

=================================

رد بص وطل:
الصديقة العزيزة ممارسة التمارين الرياضية الخاصة بشد عضلات البطن أنسب الطرق لعلاج هذه المشكلة، أو اللجوء لعمليات التجميل.

السلام عليكم انا وزني 106 وطولي 180 انا عارف وزني زايد بس انا كنت اكتر من كدة بكتير المشكلة دلوقتي انا مكسل جدا اكمل الريجيم كنت بجري علي البحر دلوقتي مابجريش كنت عايز نصيحة منك يا دكتور وايه اسرع طريقة في تقليل الوزن
والخضروات اللي بتساعد في الريجيم شكرا ليك جدا.

================================

رد بص وطل:
الصديق العزيز عليك الاحتفاظ بإرادتك القوية حتى تتمكن من الوصول للوزن الذي تريده، وعليك استشارة دكتور متخصص في علاج السمنة لمعرفة سبب السمنة وأخذ العلاج والنظام الغذائي المناسب لك.
والكرنب هو من أكثر الخضروات التي تساعد على التخسيس.

اناعندي 19 سنه طولي 168.5 ووزني كان 80 وبقي 68 بس حاسه ان وشي هو اللي خس جسمي بقى كويس لكن مش المثالي محتاجه انزل قد ايه عشان يكون المثالي؟

================================

رد بص وطل:
الوزن الصحي المناسب مع طولك يتراوح بين 56 لـ 71 كيلو، وهذا يعني أنك في الحدود الصحية.

لو سمحت يادكتور انا عندي مشكلة انا عندي 19سنة وطولي 157 ووزني 47 حصل اضطرابات في العادة الشهرية واخدت دواء منع الحمل ورجعت شهرين وبعدين راحت شهرين واخدت فيتامين ورجعت منتظمة وبعدين راحت تاني ارجوك يا دكتور انا محتاجة مساعدة عشان الحكاية دي عاملة لي قلق جامد

==================================

رد بص وطل:
الصديقة العزيزة عليك بمراجعة طبيبة أمراض نساء لمعرفة السبب في اضطراب الدورة الشهرية عندك.

مرحبا دكتور انا عمري 25 طولي 158 ووزني 69 وانا ولدت منذ 10 شهور وما عم بنزل نزلت شوية ورجعت نصحت والمشكلة بنزل بصعوبة جدا جدا مش عارفة اش اعمل؟.. رد لي بسرعة لو سمحت.

==================================

رد بص وطل:
من الطبيعي أن يزداد الوزن قليلاً بعد الولادة، وعليك معرفة أن الوزن الصحي المناسب لطولك يتراوح بين 49 وحتى 62 كيلو، وحتى تتمكني من خسارة الوزن الزائد عليك باتباع ريجيم تحت إشراف دكتور ولاتباع ريجيم مع الرضاعة لابد ان يكون نظام غذائى متوازن يعني تنزلي بالكثير 4 كيلو فى الشهر مع إضافة بعض الزيوت، لبن خالى الدسم، خضروات ورقية، فاكهة، سوائل كثير.

انا عاوزة اعرف الوزن المثالى لطولى 155 وهل هناك اكلة طبيعية لأذابة دهون البطن؟

===========================

رد بص وطل:
الوزن الصحي المناسب لطولك يتراوح بين 47 لـ 60 كيلو، وأحسن حل لإذابة دهون البطن هو ممارسة التمارين الرياضية.

لو سمحت يا دكتور محمد انا طولى 163 ووزنى 74 عايزه اعرف ايه الوزن المثالى ليا وكمان عندى كتل دهنيه فى ظهرى ازاى اتعامل معاها وايه الرياضه المناسبه ليها؟

====================================

رد بص وطل:
الوزن الصحي المناسب لطولك يتراوح بين 52 لـ 66 كيلو، وعليكي المتابعة مع دكتور متخصص في علاج السمنة لعمل بعض التحاليل ومعرفة السبب في هذه الزيادة وأخذ العلاج والنظام الغذائي المناسب لحالتك، أما بالنسبة للرياضة فعليك ممارسة التمارين الرياضية تحت إشراف مدرب رياضي متخصص.

شكرا

السلام عليكم انا لاحظت ان كل اللى بعتوا اسئلة بنات ياريت ماتكونش الاسئلة مخصصة للنساء فقط وياريت تجاوب على سؤالي لو تكرمت أنا وزنى 86 كيلو وطولى 176 سم عايز اعرف اولا الوزن المثالى كام مع العلم ان وزنى زاد لانى كنت بلعب لعبة الكونغ فو لمدة كبيرة وبطلت عشان الدراسة بقالى 5 سنين المشكلة كلها فى بطنى اما بقية جسمى مظبوط ايه الحل للتخلص من الشحوم فى منطقة البطن؟

====================================

رد بص وطل:
الصديق العزيز تقدر تبعت لنا أسئلتك في أي وقت وهتلاقي الرد في أسرع وقت ممكن، ورداً على سؤالك فاحب اقول لك إن الوزن الصحي المناسب مع طولك يتراوح بين 61 لـ 77 كيلو، حتى تصل للوزن المطلوب عليك اتباع ريجيم تحت إشراف طبي، مع ممارسة التمارين الرياضية تحت إشراف مدرب رياضي أو تعملها بنفسك في البيت، أما بالنسبة لمشكلة شحوم البطن فأنسب حل لها هو ممارسة التمارين الرياضية الخاصة بشد عضلات البطن.

السلام عليكم.. مشكلتى انى مش بقدر اعمل ريجيم لانى اتعودت انزل بالادوية بس معدتى تعبتنى وبالاكتر ان القولون عندى تعبان مش عارفة اعمل ايه وتعبت من ريجيم الدكاترة بيبقى قاسى جدا.

========================================

رد بص وطل:
الصديقة العزيزة لازم تعرفي إن الوصول للوزن المناسب مهمة مش سهلة ومحتاجة لإرادة قوية علشان تقدري تخسري وزنك وعليك اختيار دكتور موثوق فيه والانتظام على الريجيم وعدم أخذ أي أدوية إلا تحت إشرافه..

السلام عليكم..انامشكلتى وزنى 85 وطولى 168 وانا كنت رياضيه اصلى لمدة 12 سنه بمارس لعبة الجودو وانا جسمى من تحت كويس جدا بس مشكلتى كلها فى منطقه الصدر والذراعات وانا بخس ببطء فظيع ورحت لدكاتره كتيييييير جدا والله ويقولوا لي هرمونات فمش عارف اعمل ايه؟ انا تعبت من اللبس جسمى مش مظبوط مع بعض يعني اخس من تحت فى اسبوع اخس من فوق فى ثلاث اسابيع انا شاكره جدا لو قولتوا لي الحل.

================================

رد بص وطل:
الصديقة العزيزة يجب عليك مراجعة طبيب باطني متخصص في الغدد الصماء للاطمئنان على هرمونات الجسم، وحتى في حالة اختلال الهرمونات ينصح بانقاص الوزن حيث أن ذلك يساعد على تصحيحها وذلك يكون بالتعاون بين دكتور التغذية ودكتور الغدد.

السلام عليكم..انا طولى 161 ووزنى دلوقتي 66 وده لانى خلصت دراسه وقعدت فى البيت فطبعا مش بنزل وبعمل شغل البيت العادى، انا لسه مخلصه دراسه السنه دى وكنت خسيت جدا ووصلت ل 54 وده لانى لما كنت فى الجامعه كنت بمشى كتير جدا جدا جدا فدلوقتي بعد ما خلصت قعدت فى البيت ووزنى زاد، انا باكل وجباتى عادى اكل مفيد ومغذى وممكن بين الوجبات اكل بردو والبطن والارداف عاملين عندى مشكله ونفسى ارجع زى الاول ممكن تردوا عليا.

===================================

رد بص وطل:
الصديقة العزيزة..اعتقد إن مشكلة هي مشكلة بيقابلها ناس كتير، والحل هو إنك تاخدي بالك من كميات الأكل اللي بتاكليها، وإنها تكون صحية ومتوازنة والأفضل إنك تتابعي مع دكتور علشان يديكي النظام الغذائي المناسب ليكي، ده بجانب ممارسة التمارين الرياضية بانتظامحتى ولو كانت رياضة المشي لإنه مفيد جداً للجسم. ولازم طبعاً تتابعي وزنك على الميزان طول الوقت مع العلم إن الوزن الصحي المناسب مع طولك يتراوح بين 51 لـ 64 كيلو.

هاى بص وطل انا عندى 21 سنه وزنى 57 وطولى 164 والمشكله فى بطنى وعايزه اعرف ايه هو وزنى المثالى بالظبط؟

====================================

رد بص وطل:
الصديقة العزيزة الوزن الصحي المناسب لطولك يتراوح بين 53 لـ 67، يعني وزنك كده مناسب ليكي جداً، أما بالنسبة لمشكلة البطن فأحسن حل هو ممارسة التمارين الرياضية.

لو سمحت يا دكتور محمد انا عندى 15 سنه و طولى 159 ووزنى 70 وعايزه اخس ومش عارفه إزاي؟ ولما بطلب من والدتى انى اروح لدكتور واتابع معاه تقول لى انتى صغيره والريجيم غلط على المرحله اللى انتى فيها علشان هرموناتك ارجو الرد على الكلام ده صح ولا غلط وياريت الافاده اخس ازاى مع العلم انى بمشى كل يوم حوالى نصف ساعه.

================================

رد بص وطل:
الصديقة العزيزة يجب عليك معرفة أن الزيادة في الوزن قد تسبب خلل في الهرمونات أما انقاص الوزن فيساعد على تصحيح الهرمونات ولذلك فعليك استشارة دكتور متخصص علشان يديكي نظام غذائي مناسب مع طبيعة جسمك وطبعاً مع ممارسة الرياضة حتي ولو كانت رياضة المشي.

السلام عليكم..انا وزنى 83 وطولى 172 هل وزنى مناسب لطولى ولا لأ؟وهل المشى طريقة كويسة لاخفاءالبطن؟انا لما زدت ظهر عندى خطوطا حمراء فى منطقة البطن وزيها ابيض فى منطقة الارداف والذراعين فإيه الحل كى اتخلص منهم؟

=========================================

رد بص وطل:
الصديقة العزيزة..الوزن الصحي المناسب لطولك يتراوح بين 58 لـ 74، وعلشان توصلي للوزن المناسب لازم تعملي ريجيم تحت إشراف دكتور متخصص علشان يديكي النظام الغذائي المناسب ليكي، طبعاً مع ممارسة التمارين الرياضية والمشي من التمارين المفيدة جداً وممكن كمان إنك تمارسي التمارين الخاصة بشد عضلات البطن تحت إشراف مدرب رياضي أو في البيت.
أما بالنسبة للخطوط البيضاء والحمراء فهناك بعض الكريمات تساعد على الاسراع من أختفاء الـ Stretch Mark's وان كانت فى الغالب ما تختفى تدريجياً ولكن بشكل غير كامل بنسبة 90% تقريباً سواء مع او بدون استخدام الكريمات، وبالنسبة لنوع الكريم الأمن والمفيد فيجب مراجعة طبيب الامراض الجلدية فى ها الشأن.

انا عندي 16 سنه وطولي حوالي 163 ووزني 60ك اعمل ايه علشان اخس؟

=====================================

رد بص وطل:
الصديقة العزيزة..وزنك كده مناسب جداً لإن الوزن الصحي المناسب لطولك يتراوح بين 52 ل66.

انا عندى 19 سنة ووزنى 75 كيلو وطولى 158 وكل ما اعمل ريجيم اخس ببطء واحبط من النتيجة وحاليا انا زهقت وكنت بعمل رياضة بس دلوقتى بطلت اعمل اى حاجة ونفسى اخس ضرورى ارجو الرد.

======================================

رد بص وطل:
الصديقة العزيزة..في بعض الناس تتبع نظام ريجيم واحد لمده طويله متخيله انه صح او متبعه نظام فى الاكل مرتاحه عليه وفى هذا النظام لخبطه وهو لا يعرفها وبيكررها طول الوقت فالوزن بيثبت عند رقم معين ولا يتحرك او قد يزيد وزن المريض رغم الالتزام.
والحل هو التاكد ان النظام المتبع صح وثانيا تسجيل كل حاجه بناكلها – حتى الشاى والقهوة اى حاجه بتدخل المعده - فى جدول لمده اسبوع وعرضها على متخصص عشان يقدر يحدد فين اللخبطه بالتحديد.
لو استمر الوزن ثابت نلجأ الى مساعدة الجسم بالدواء يسرع عملية الحرق التى تختلف من شخص لاخر لإن فى ناس تأكل كل حاجه ومش بتتخن وناس تانيه اى لخبطه فى الاكل تتخنها.
ولو بعد الالتزام والدواء المشكله مستمرة ممكن نجرى تحليل هرمونات لان قد يكون هناك لخبطه فى الهرمونات او فى مشكلة ما تسبب زيادة الوزن او تمنع انقاص الوزن.

ana 3ndy 15.5 sana toly 150 w wzny 60 ana gsmy gamel gdn mshklty eny msh toyla 3ayza nzam t5ses plz ya dr

===============================

رد بص وطل:
الصديقة العزيزة لازم تكوني عارفة إن الوزن الصحي المناسب لطولك يتراوح بين 44 لـ 56 كيلو، وعلشان تقدري توصلي للوزن ده لازم تمارسي تمارين رياضية بانتظام حتى ولو كانت رياضة بسيطة زي رياضة المشي، وممكن تستشيري دكتور متخصص علشان يديكي النظام الغذائي المناسب ليكي.

جميل الموقع فعلا والموضوعات اجمل بس انا عندى سؤال انا كمان وزنى 80 وطولى160 وبحكم شغلى منطقة البطن فى ازدياد لإنى بفضل على المكتب اكتر من 8 ساعات ومش عارفه اعمل ايه؟

====================================

رد بص وطل:
الصديقة العزيزة أولاً لازم تعرفي إنك في حاجة لعمل ريجيم تحت إشراف طبي علشان تقدري للوزن الصحي المناسب لطولك والذي يتراوح بين 51 لـ 63 كيلو، أما بالنسبة لمشكلة البطن فأحسن حل لها هي ممارسة التمارين الرياضية الخاصة بشد عضلات البطن تحت إشراف مدرب رياضي.

انا طولى 158 ووزنى 75 وعمرى 22 سنة عايزة نظام غذائى مناسب ليا لانقاص الوزن وياريت يكون 3 كيلو فى الاسبوع لان الحرق عندى بطى جدا شكرا.

============================

رد بص وطل:
الصديقة العزيزة ياريت تستشيري دكتور علشان يقدر يديكي النظام الغذائي المناسب ليكي على حسب طبيعة جسمك مع ضرورة ممارسة الرياضة بانتظام.

انا طولى 179 ووزنى 91 ومش عارفة اخس ازاى؟ وخطوبتى قربت.

=============================

رد بص وطل:
الصديقة العزيزة..ياريت تستشيري دكتور علشان يقدر يعرف إيه سبب السمنة اللي عندك بعد عمل بعض التحاليل، وبالتالي يقدر يديكي النظام الغذائي والدواء المناسب لحالتك. وطبعاً مع ممارسة الرياضة بانتظام.

انا عندي 18سنة ووزني 115 وطولي 166 بجد كل ما حد يشوفني يقول لي كده حرام عليكي صحتك وانا بحاول اقلل من اكلي لكن برجع اضعف قدامه قول لي يا دكتور اعمل ايه انا دلوقتي عندي عزيمة علي اني اخس فياريت يا دكتور محمد تيديني رايك واعمل ايه احب اقول لحضرتك برده حاجة انا بتمشى تقريبا نص ساعة الصبح ونص ساعة علي المغرب كده.

=========================

رد بص وطل:
الصديقة العزيزة..حلو جداً إنك بتمارسي رياضة المشي بانتظام يومياً لإن دي حاجة هتساعدك كتير علشان تخسري وزنك، بس أهم حاجة في الوقت الحالي إنك تستشيري دكتور متخصص في علاج السمنة مع إجراء بعض التحاليل لمعرفة سبب السمنة اللي عندك وبالتالي يقدر يديكي الريجيم والدواء المناسب لحالتك، وياريت تحافظي على إرادتك القوية علشان تقدري تخسري وزنك في أسرع وقت.

ممكن اسأل الدكتور محمد أنا وزنى 83 وطولى 178 عندى مشكلة في منطفة الفخذين والبطن بس هى دى مشكلتى وكل ما اروح لدكتور أو مدرب لياقه بدنيه يقول لى ان المنطقه دى اخر حاجه بتخس فى جسم الانسان.

===========================================

رد بص وطل:
للأسف مفيش أي ريجيم لعلاج مشكلة السمنة الموضعية وأحسن حل لها هي المتابعة مع مدرب اللياقة بانتظام للوصول للشكل الذي تريده.

السلام عليكم ورحمة الله وبركاتة انا طولي 159 ووزني 84 وعندي نقص في افراز الغده الدرقية وتكيسات على المبيض وعدم إنتظام الدورة الشهريه ووالله مش باكل كتير خالص اللهم إني باكل شوكولاته يعني كل يوم واحده وفرحي قرب ونفسي اخس ومش عارفه اعمل ايه ياريت تساعدوني وجزاكم الله كل خير..

===================================

رد بص وطل:
عليكي مراجعة طبيب باطني متخصص في الغدد الصماء، وحاولي تنقصي الوزن حيث أن ذلك يساعد على علاج مشكلة الهرمونات وذلك يكون بالتعاون بين دكتور التغذية ودكتور الغدد.

السلام عليكم يا دكتور محمد كنت عايزة اسأل حضرتك عن كيفية تثبيت الوزن انا اتبعت نظام غذائى اعتمدت خلاله على تقليل كميات الاكل وعدم الاكل بين الوجبات وعدم تناول وجبة العشاء طولى 156 سم ووزنى 54 كجم..انا من ساعة ما تمكنت من انقاص وزنى وموضوع الاكل اصبح يسبب لى حالة من الهلع لو جيت فى يوم زودت معلقة ارز او قطعة بطاطس او ايس كريم..ارجوك يا دكتور تساعدنى على اتباع نظام للتثبيت بدون حرمان ودون ان تتأثر صحتى لان وجهى اصبح شكله مجهد للغاية.

=================================

رد بص وطل:
صديقتنا العزيزة،بالنسبة للتثبيت فهو ببساطة إنك تحصلي على سعرات توازي المجهود المبذول يوميا وان تراقبي ما تأكلي بعد التوقف عن الريجيم ومن المفترض إنك خلال فترة الريجيم تتعلمي طريقة الأكل الصح وتعودي نفسك عليها ويبقى ده اسلوب حياتك على طول.. صحيح مش معقول إنك هتعيشي طول حياتك تعملي ريجيم أو تتابعي مع دكتور وعلشان تعملي تثبيت لوزنك ففيه أكثر من شكل للتثبيت إما إنك تقللي كميات أكلك يعنى تاكلي كل حاجة لكن بكميات اقل مع الرياضة اليومية المتاحة، والطريقة التانية إنك تعملي توازن يعني لو يوم خرجت مع صحابك وهتاخدي راحتك فى الاكل اليوم اللى بعده تمشى على الريجيم، ولو لخبطي فى الاكل يومين اليومين اللى بعدهم اعملي ريجيم وهكذا.
واهم حاجة إنك توزني نفسك على الاقل مرة كل اسبوعين علشان لو لقيتي نفسك وزنك زاد تقللي فى الوجبات الحرة خلال الاسبوع يعني لو محددة ثلاث وجبات فى الاسبوع قلليهم لوجبه واحده اواتنين ولو بدأتِ تاكلِ قطعتين شيكولاته فى اليوم خليهم قطعه واحده كل يومين وهكذا، ولو لقيت نفسك نازلة على الميزان ممكن تزودي شوية الحاجات اللي بتحبيها ولكن بحدود.
ومن المهم جدا مراقبة الوزن عشان ممكن الكيلو يجر كيلو ومن غير ما تشعري تلاقي نفسك بتزيدي اللى نقصتيه بسرعه.
ولابد ان ناخذ فى الاعتبار ان التثبيت بيختلف من شخص لآخر حسب طبيعة النشاط وكمان حالتك المزاجية لإن فى ناس بتحب تاكل لما تشبع فى هذه الحالة عند التثبيت حاولي تكثري من الاكل اللى بيشعرك بالامتلاء زى السلطة والفاكهه اكتر من الانواع الاخرى ولو بتحبي الحلويات تقللي من الكميات عشان تحصلي على قطعة شيكولاته وهكذا بعد فترة كل واحد بيعرف طبيعة جسمه واستجاباته والفيصل هو وزنك على الميزان.

السلام عليكم..أنا 22 سنه ووزنى 75 كيلو وطولى 150 أو 160 مش فاكره بالظبط أنا تخينه وعندي بطن عالية جداً وأنا ملاحظه انى جسمى مش بيقل عن 75 ازيد لكن مش بخس انا كسوله جدا بس نفسى فى حل لبطنى لإنها مضايقانى جداً وياريت تردوا عليا لانى فرحى قرب ومش عارفه اعمل ايه؟

======================================

رد بص وطل:
الصديقة العزيزة..لابد من اتباع نظام غذائي تحت إشراف دكتور متخصص مع ممارسة التمارين الرياضية.

دكتور محمد بعد اذن حضرتك انا طولى 164سم ووزنى 53 كيلو عاوزه اعرف من حضرتك الوزن المثالى لطولى مع العلم انى بخس بسرعه جدا وبتخن ببطء شديد ومش عارفه ايه السبب انا عمرى 21 سنه.

===============================

رد بص وطل:
صديقتنا العزيزة..وزنك الصحي المناسب مع طولك يتراوح بين 53 لـ 67 كيلو.

اولا بجد شكرا جدا يا دكتور على المجهود الرائع وربنا يزيدك من علمه
رجاء بس يا دكتور ليا استفسار دلوقتي أنا شغال في السعودية وعندي 23 سنة وطولي 170 سم ووزني 87 وطبعا حضرتك عارف ظروف الشغل هنا إنها بتصعب على الواحد ممارسة الرياضة بس أنا بمشي لمدة ساعة 3 مرات في الأسبوع..المشكلة إني مش بقدر احافظ على نظام أكل معين عشان يعني أنا عازب وكده وصعب اني اعمل اكل وكده فباضطر اني اكل أكل جاهز..عايز من حضرتك بس تقول لي ايه الطريقة الصح اني اخس على الاقل 6 كيلو في الشهر..اسف اني طولت عليكم بس بجد أنا مستني ردكم ضروري لإني خايف اتخن كمان عن كده..

======================================

رد بص وطل:
الصديق العزيز..أولاً لازم تعرف إن الوزن الصحي المناسب مع طولك يتراوح بين 57 لـ 72 كيلو، مما يعني أنك دخلت في مرحلة السمنة وليس مجرد زيادة في الوزن، مما يتطلب منك بعض المجهور والإرادة حتى تتمكن من انقاص وزنك، وعليك مراجعة طبيب متخصص لمعرفة الأسباب وراء هذه الزيادة في الوزن حتى يتمكن من اعطاءك النظام الغذائي المناسب لك، مع الاكثار من ممارسة التمارين الرياضية..وإن شاء الله تقدر تخسر وزنك في أقرب وقت.

السلام عليكم
أنا عندي مشكلة في موضوع الخسسان أنا بقالي سنييين بحاول اخس يعني تقريبا من وأنا في إعدادي وأنا دلوقتي 21 سنه بجد مش عارفة اعمل إيه؟ عملت ريجيم كتير ومشي وايروبكس وبرده ماكنتش بخس أوي، كنت من فترة متابعة مع دكتور كويس وكنت عامله ريجيم وماشيه عليه مظبوط وبامشي تقريبا كل يوم أو 5 أيام في الاسبوع لمده ساعه و كنت بخس ببطء فظيع يعني في خلال3 او 4 اسابيع ممكن ما اخسش اكتر من كيلو بصراحه أنا نفسيتي تعبت خلاص والموضوع ده مخليني مش عندي ثقة في نفسي خالص...وانا طولي 164 ووزني تقريبا 85 نفسي اخس ارجو المساعده..شكرا جزيلا علي مجهوداتكم الرائعة.

==========================================

رد بص وطل:
صديقتي العزيزة..لازم يكون عندة الإرادة القويةعلشان تقدري تخسري وزنك وتوصلي للوزن المناسب، وطبعاً لازم تتابعي مع دكتور متخصص وحتى لو كان معدل النقص في الوزن قليل شوية لكن لازم تعرفي إن أي خسارة في الوزن فهي مكسب ليكي ولصحتك.