كنت عايزة أسأل الدكتور.. يا ترى للساونا أو حزام الساونا دور في التخسيس؟ وماذا عن الإبر الصينية؟ وإيه دورها في التأثير على مراكز الإحساس بالشبع؟ وهل لها نفس الفكرة؟
الساونا من العوامل المصاحبة للريجيم، ولكن الساونا لا تعني الاستغناء عن الريجيم، وليست تخسيساً حقيقياً، ولكنها حاجة وقتية.. تدخل الساونا ووزنك 100 كيلو تخرج منها وزنك 96 كيلو وهافرح جداً بالأربعة كيلو، ولكن بمجرد ما أشرب ميه هيرجع وزني تاني.. إذن الساونا ليس لها دور حقيقي في التخسيس ممكن تكون مفيدة في حاجات تانية.
وبالنسبة لحزام الساونا بيعمل تخسيس موضعي مع استخدام بعض الحقن الموضعية للدهون، ولكنه وقتي بيزول بسرعة.
أما عن الإبر الصينية فقبل 1996 كان هناك اعتقاد أن للإبر الصينية دورا في التخسيس، ولكن ظهرت أبحاث بعد ذلك تؤكد أن الإبر الصينية لا علاقة لها بإنقاص الوزن، وأن الأمر مجرد إيحاء، ولكن قد تكون الإبر مفيدة في علاج الألم المزمن والصداع النصفي... بالمناسبة كنت أستخدم الإبر في التخسيس لما كان الطب بيقول إنها بتقلل الشهية، وبتزوّد معدل حرق الدهون في الجسم، لكن لما الأبحاث أثبتت عكس كده توقفت عن استخدامها.
الطب النهارده قائم على "الأدلة"، وحكاية إن دكتور يقول: أنا عملت بحث أو خبرتي أثبتت لي إن الحاجة دي بتخسس؛ طبعاً ده كلام غير صحيح.
إزيك يا دكتور.. أنا محتاجة إلى التخسيس في أماكن محددة في الجسم.. يا ترى يمكن الاعتماد على وسائل أخرى غير الريجيم وتكون مؤثرة؟
ناس كتيرة جداً بتسألني عن ريجيم المناطق.. بمعنى لو بنت وزنها مثالي 50 كيلو جرام، لكن الدهون المتجمعة في منطقة الأرداف أو الذراع بتمنعها من لبس حاجات هي بتحبها... أو لو فيه شخص عايز يفضل جسمه ممتلئ لكن نفسه يخسس منطقة البطن فقط في الحالات دي ننصحهم باختيار إحدى هذه البدائل:
اللف التنحيفي = wrapping: وهو عبارة عن لف المنطقة المراد تخسيسها بنوع خاص من الأحزمة وعلى مدى عدة جلسات تقلل المقاس 4 سم أو أكتر حسب عدد الجلسات.. واللف التنحيفي له علاقة بتغيير المقاس يعني لو بتلبسي 46 بعد الجلسات تلبسي 44 مثلاً، لكن ده مش ريجيم، وهو مؤقت بعد ثلاثة أو ستة شهور ممكن ترجع الدهون تاني تتراكم في نفس المنطقة.
الحقن الموضعي: وهو التعديل لـ"الميزو ثربي" وتعتمد هذه الطريقة على الحقن تحت الجلد للمنطقة المراد تخسيسها بمادة اسمها "فوسفاتي دايل كولين" لتفتيت الدهون.. العملية دي ممكن تحتاج جلستين، الفرق بين الجلسة والتانية شهرين، وممكن لا تحتاج إلى جلسة أخرى والنتيجة فرق في محيط الجسم لعدة سنتيمترات ميزتها أنها طويلة الأمد، ما تفقده لا يعود مرة أخرى.
ولازم نؤكد إن الطريقتين لا علاقة لهما بالميزان؛ يعني بعد اللف أو الحقن الوزن قد يبقى كما هو.. ده مجرد إعادة توزيع الدهون في الجسم؛ للحصول على شكل جسم معين أو ما نطلق عليه الـshaping.
إزيك يا دكتور محمد وإزيكم يا "بص وطل".. أنا سمعت عن "الميزو ثربي" وكنت عايزة أعرف هل الحقن آمن ولا يسبب أمراضاً على المدى البعيد وخصوصاً في مصر؟!!
حتى الآن منظمة الأغذية الأمريكية لم تصرح به.. لكن الأبحاث التي أجريت عليه أثبتت أنه آمن، وخاصة أن المادة المستخدمة في الحقن يستخدمها الأطباء منذ فترة طويلة في علاج تصلب الشرايين، لكن طريقة استخدام المادة جديدة.
أما بالنسبة لعمل الحقن في مصر فأي حاجة بتتعمل في مصر أو خارج مصر ممكن تتم صح، وممكن تتعمل غلط ويكون لها آثار جانبية؛ مثلاً زي ما فيه جرّاح تجميل بيعمل عمليات ناجحة فيه جراح ممكن يعمل نفس العملية وتبقى تشويه.. الفكرة أو القاعدة الأساسية لازم أتأكد من الطبيب ومن المكان وأسأل عن التجارب وعمليات الحقن اللي عملها الطبيب من قبل، وهل نجحت وإيه حالة المرضى.
السلام عليكم ازيك يا دكتور
السلام عليكم ازيك يا دكتور انا عندى 22 سنة وزنى 70 كجم وطولى 163 ومخطوبة وفرحى بعد شهرين مشكلتى الكرش انا بطنى كبيرة شوية وعاوزة اخس قبل الفرح ممكن بعد اذنك تقولى اعمل ايه وشكرا.
===============
رد بص وطل:
الصديقة العزيزة مفيش اي ريجيم لمشكلة السمنة الموضعية وأحسن حل لها هو ممارسة التمارين الرياضية في الجيم.
انا عمري 21 وطولي 155 سم
انا عمري 21 وطولي 155 سم ووزني 49 او 50 ونفسي اتخن شويه بس مش عارفه وانا باكل كل حاجه وبحاول اكل كتير بس برده مش بتخن ياتري ده ليه؟
=============
رد بص وطل:
الصديقة العزيزة وزنك الحالي ده صحي ومناسب لطولك جداً ومش محتاجة تزيدي خالص.
يا دكتور انا مشكلتي الارداف
يا دكتور انا مشكلتي الارداف ممتلئة جدا وهي عقدتي وجسمي من الاعلى طبيعي واعتقد انها وراثة انا مليت دايت وغيره ومش حابة اخس من فوق.
==============
رد بص وطل:
الصديقة العزيزة ياريت تقري العدد كويس علشان تتعرفي على الحلول المتاحة لمشكلة السمنة الموضعية.
السلام عليكم تحياتى للدكتور
السلام عليكم تحياتى للدكتور محمد ولاسرةبص وطل لو سمحت يا دكتور انا طولى173 سم ووزنى80 ك ويا ريت حضرتك تفيدنى انااعانى من مشكلة الدهون في البطن من 4 شهور وهى بتزيد زيادة ملحوظة مع العلم ان جسمى كويس من كل المناطق ولكن المشكلة كلها في البطن (الكرش) ارجو الافادة.
===============
رد بص وطل:
وعليكم السلام صديقتنا العزيزة وبالنسبة لسؤالك فشد البطن باستمرار يعتبر بمثابة رياضة لعضلات البطن وإن كانت تمارين البطن أكثر فائدة وأسرع في ظهور النتيجة.
السلام عليكم ورحمه الله
السلام عليكم ورحمه الله وبركاته.. لو سمحت يا دكتور انا وزنى 120 ك وطولى 170
روحت عملت ريجيم بس مش بقدر اكمل اكتر من اسبوع او اتنين وكان الدكتور كاتب لى على برشام سبيدوترم وبران ونزلت اول اسبع 5 كيلو والاسبوع التانى مانزلتش حاجه عشان بوظت النظام ومن ساعتها مبوظه بقالى 10 أيام.
==============
رد بص وطل:
الصديق العزيز لازم يكون عندك الإرادة والعزيمة علشان تقدر تخسر وزنك وتوصل للوزن الصحي المناسب لك علشان تحافظ على صحتك وعلشان كده لازم تمشي على تعليمات الدكتور بالظبط وممكن تاكل خضار كتير زي الخس أو الخيار طول اليوم علشان تقلل من إحساسك بالجوع ده إلى جانب ممارسة التمارين الرياضية.
ارجو الرد.. انا عندى 18 سنه
ارجو الرد.. انا عندى 18 سنه وزنى 55 كم وطولى حوالى 168.5 سم اولا عايزة اعرف الوزن المثالى ليا المفروض يكون كام كم؟ ثانيا انا اعانى من صغر حجم الثدى جدا فقد يبدو وكأنه لا ينمو وشكري للدكتور ولفريق بص وطل.
================
رد بص وطل:
الشكر لكي صديقتنا العزيزة وبالنسبة لمشكلتك فالتدخل الجراحى هو الحل الوحيد والآن اصبحت العمليات امنه جدا وتجرى فى مصر المهم اختيار الطبيب المناسب والتاكد من سمعته الطبيه والسؤال عن مدى نجاحه فى إجراء عمليات مشابهه.. واسرة بص وطل تنصحك بمراجعه طبيب جراح تجميل ثقة ومن واقع خبرتنا يمكنك التعامل مع الدكتور أحمد عادل نور الدين - استاذ جراحات التجميل بكلية الطب جامعه القاهرة عنوان العيادة 2ش الثورة خلف نادى الصيد – المهندسين – أمام نادى الزراعيين ت :37488728-0122181025
howa doctor emad ya e5tesaso
howa doctor emad ya e5tesaso eh bezabt ya doctor?
==================
رد بص وطل:
هو متخصص في العلاج الطبيعي.
لو سمحت يا دكتور انا عندى
لو سمحت يا دكتور انا عندى مشكله مش عارف احلها انا جسمى كويس جدا بس عند كرش ومش عارف انزله.
=====================
رد بص وطل:
الصديقة العزيزة أحسن حل للمشكلة دي هو إنك تمارسي التمارين الرياضية الخاصة بشد عضلات البطن تحت إشراف مدرب رياضي متخصص أو تعمليها لوحدك في البيت.
dear DR mohamed ,i was a
dear DR mohamed ,i was a client with you then i lose 20 kilo but i'm still having a big twist , so i want to get more about the new "methoserabi" how , where and the price please
???
===========
رد بص وطل:
الميزوثيرابي أمان جداً ويصلح ل 71% من الناس ولا يؤثر في 29% وهو عبارة عن حقن بمادة معينة وهو يحتاج لجلستين وبيكون غالي شوية.
انا عندى 15 سسن ووزنى بين 68
انا عندى 15 سسن ووزنى بين 68 وال70 بزيد وينقص بس مش عارفة اخس نهائى جسمى مش بيستجيب لاى نظام غذائى ببقى مقللة في اكلى وباكل بدايت متوازن وبمشى كتيير جدا وفي اخر الاسبوع ماكنش خسيت كيلو حتى وممكن اكون زايدة
عايزة اعرف حاجة مناسبة تساعد في إنى اخس.
===============
رد بص وطل:
الصديقة العزيزة فيه بعض الناس تتبع نظام ريجيم واحد لمده طويله متخيله انه صح او متبعه نظام فى الاكل مرتاحه عليه وفى هذا النظام لخبطه وهو لا يعرفها وبيكررها طول الوقت فالوزن بيثبت عند رقم معين ولا يتحرك او قد يزيد وزن المريض رغم الالتزام
والحل... التاكد ان النظام للمتبع صح وثانيا تسجيل كل حاجه بناكلها – حتى الشاى والقهوة اى حاجه بتدخل المعده - فى جدول لمده اسبوع وعرضها على متخصص عشان يقدر يحدد فين اللخبطه بالتحديد .
لو استمر الوزن ثابت نلجأ الى مساعدة الجسم بالدواء يسرع عملية الحرق التى تختلف من شخص لاخر فى ناس تأكل كل حاجه ومش بتتخن وناس تانيه اى لخبطه فى الاكل تتخنها .
لو بعد الالتزام والدواء المشكله مستمرة ممكن نجرى تحليل هرمونات لان قد يكون هناك لخبطه فى الهرمونات او فى مشكلة ما تسبب زيادة الوزن او تمنع انقاص الوزن.
السلام عليك ورحمه الله انا
السلام عليك ورحمه الله انا وزني 80 كيلو وطولي 177 ونفسي اخس 10 كيلو ومش عارفه خالص عشان كنت عملت دايت قبل كده ونزلت من 104 لغايه 78 ودلوقت بلعب بين ال80 و78 ونفسي اوصل لل 70 ومش عارفه اعمل ايه لو في اي دواء يساعد او اي حاجه.. ياريت حد يفيدني.
========================
رد بص وطل:
ممكن تستعملي دواء "الميريديا" بعد استبعاد الموانع الطبية مع ممارسة التمارين الرياضية والمشي على ريجيم مناسب.
لو سمحت يا دكتور فى عندى
لو سمحت يا دكتور فى عندى استفسار انا خدت كبسولات سيبوتريم لمده 4 ايام وماشفتش منها اى مفعول ممكن اعرف ليه ولا انا اللى استعجلت شويه وممكن اعرف نتيجه الحبوب دى بتبان بعد كام يوم.
================
رد بص وطل:
الصديقة العزيزة الحبوب دي كويسة وبتجيب نتيجة كويسة بس لازم تصبري شويه لإن 4 أيام مش كفاية علشان تحسي بالنتيجة.
لو سمحت يادكتور انا عندى 21
لو سمحت يادكتور انا عندى 21 سنه ووزنى 117 كيلو وطولى 165 وعملت ريجيم كتير اوى اخس واتخن وانا زهقت حاسه انى مش عايشه زى اى بنت والمشكله انى والدتى مريض عندها جلطه وصعب انزل الى النادى اعمل جيم فماذ افعل ارجوكم وغير كده انا مرة جالى عريس اتريق عليا ارجوك انا تعبانه اوى والله ارجو الحل.
=======================
رد بص وطل:
الصديقة العزيزة ياريت تستشيري دكتور متخصص في علاج السمنة لكي يتم الكشف عليكي ومعرفة سبب السمنة اللي عندك وعلى هذا الأساس يمكن للدكتور أن يعطيكي النظام الغذائي المناسب لطبيعة جسمك ويمكنك ايضاً استعمال دواء الميريديا اللي بيساعد على زيادة معدل الحرق والإحساس بالشبع لكن لازم تتأكدي إن مفيش عندك أي موانع طبية من استخدامه.. وطبعاً الرياضة مهمة جداً وممكن تعملي اي رياضة بسيطة تقدري عليها زي المشي أو طلوع السلم.. وإن شاء الله تقدري تخسري وزنك ومع تمنياتنا لوالدتك بالشفاء العاجل إن شاء الله.
انا كنت 87 و دلوقتى انا 73 بس
انا كنت 87 و دلوقتى انا 73 بس انا فى مناطق خست فى جسمى ومناطق لا
فهل لو عملت اللف التنحيفى ده و فى نفس الوقت هابقى ماشية على نظام اكل معين فهل برضه تأثيره هيروح بعد كام شهر.. و ياترى ايه تكلفته ده؟؟ انا عندى 16 سنة.
==================
الصديقة العزيزة يمكنك استشارة د.عماد ورقم تليفونه 0101367302
انا بشكرك جدا يا دكتور محمد
انا بشكرك جدا يا دكتور محمد على مجهودك معانا وانا عندى مشكله انا سنى 19 سنه ووزنى 78 وطولى 170 وعايزه اخس انا قللت اكلى وباكل كميات بسيطه وبطلت احط سكر على المشروبات وباخد كبسولات سيبوترم 15 بس بقالى يومين بس باخدها وباخد شاى اخضر وبعمل تمارين فهل كده هخس ولا لأ؟ وكمان عايزه اعرف راي حضرتك فى برشام سيبوترم 15 هو كويس ولا لأ؟
=====================
رد بص وطل:
إن شاء الله هتقدري تخسي وتوصلي للوزن اللي إنتي عايزاه ودواء سيبوتريم ده كويس ولكن لازم تاخديه تحت إشراف طبي والأكل لازم يكون صحي ومتوازن وممكن تكثري من اكل الخضروات زي الخس والخيار علشان تقللي احساسك بالجوع.. وبالنسبة للشاي الأخضر فهو يدخل تحت مسمى المواد التي لها تأثير محدود أو غير مؤثر في الريجيم، لكنه غير مضر وله فوائد تانية لا يمكن تجاهلها زي احتوائه على مواد مضادة للأكسدة ومهم لزيادة المناعة، لكن تأثيره في موضوع الريجيم لا يستحق أن أعتبره من أدوية الريجيم سواء أقراص أو شاي.
