السلام عليكم إزيكم يا "بص وطل" أنا كان عندي سؤال، وكنت عايزة آخد رأي الدكتور، فيه علاج اسمه ديكسازون وكيرتيزون وبي زد وكمان ترياكاتين ودول بيساعدوا على فقد الوزن، بس في ناس قالت إنه مضر.. يا ترى إيه رأيك؟
الصديقة العزيزة.. الدواء اللي اسمه ديكسازون ده خطير جداً؛ لأن فيه مادة الكورتيزون وهي خطيرة جداً وتزيد الوزن، لكن في صورة ماء وتنفخ الجسم بصورة مضرة جداً، أما الترياكاتين فهو فاتح للشهية يساعد على زيادة الأكل.
كنت عايز أستشير الدكتور في حالتي.. أنا تخين وجسمي مش بيفقد الوزن إلا بصعوبة جداً حتى مع ممارسة الرياضة ما بين المش والسويدي، أنا طولي 173 ووزني 105، أنا خسيت مرة واحدة قبل كده 15 كيلو في شهر بس كان عمري 16 سنة، وأنا حالياً عندي 24 سنة، وعايز أعرف التشخيص وأسماء التحاليل بالضبط؛ لمعرفة سبب التخن إيه وإيه السبب في عدم القدرة على فقد الوزن؟؟ وشكراً.
الصديق العزيز.. لابد من اتباع نظام غذائي سليم متكامل العناصر الغذائية مع الالتزام بيه وعدم اللخبطة حتى يحصل التأثير المطلوب إلى جانب أنك صغير وعمرك مناسب جداً للرجيم فليس هناك ما يدعو أن تخس ببطء.
السلام عليكم.. أنا وزني 93 كيلو وطولي 165، وزني زاد حوالي 35 كيلو في أربع سنين، بس بعد الجواز وأنا لا أقدر على عمل رجيم بالأكل؛ لأني أشعر باكتئاب فظيع لما بحس إني مجبورة على أكل الكمية دي رغم إني مش بأكل بشراهة ولا بحب الأكل ومع ذلك جسمي بيزيد أنا جربت أنواع كثيرة من أدوية التخسيس، وبخس بس بارجع تاني بس إن شاء الله هابدأ في نظام جديد بس عاوزة رأي صح من حضرتك.. إيه رأيك في الدواء اللي اسمه أورليستات وهاخد معاه شاي الرجيم هو دكتور صيدلي اللي قال لي عليه بس لو سمحت ترد عليّ؟؟؟ شكراً جزيلاً.
الصديقة العزيزة... أهم شيء في إنقاص الوزن هو اتباع نظام غذائي سليم وممكن المساعدة ببعض الأدوية، لكن أهم شيء هو اتباع نظام متكامل وتوجد أنظمة غذائية تكون فيها الكميات مفتوحة.. ودواء الأورليستات دواء هام وتأثيره كويس جداً لكن ما ينفعش لوحده لازم يصاحب بنظام غذائي.
السلام عليكم.. ليه مش عايزين
السلام عليكم.. ليه مش عايزين تردوا علي بقالي كثير وانا بابعث سؤالي انا تعبانة كثير بس انتم مش مهتمين انا برضك اختكم ولا انتم رايكم ايه.
===========
رد بص وطل:
أكيد طبعاً صديقتنا العزيزة لكن إحنا دايماً بنهتم بالرد على كل الأسئلة اللي بتوصل لنا وياريت تبعتي لنا سؤالك واكيد هنرد عليكي في أقرب وقت.
السلام عليكم انا عمري 14 سنة
السلام عليكم
انا عمري 14 سنة ووزني 59 طولي 154 سم لازم يكون وزني المثالي.
===========
رد بص وطل:
إن وزنك الصحي المناسب مع طولك يتراوح بين 47 إلى 59 كيلو.
وزنى 130 كيلو وطولى 163 كيلو
وزنى 130 كيلو وطولى 163 كيلو وعمرى 45 عام ونفسى اخس باى طريقة مناسبة عملت ريجيم كتير لكن برجع تانى.
===========
رد بص وطل:
الصديقة العزيزة لابد من استشارة دكتور متخصص في علاج السمنة لكي يتم الكشف عليكي مع عمل التحاليل اللازمة لمعرفة سبب السمنة وعلى هذا الأساس يتمكن من إعطاؤك نظام غذائي مناسب لطبيعة جسمك مع بعض المساعدات الدوائية ومع ممارسة الرياضة بانتظام والإصرار والإرادة هتقدري تخسي وتوصلي للوزن اللي إنتي عايزاه وبعد كده ممكن تتابعي نظام تثبيت علشان تحافظي على وزنك.
شكرا على ردك على الاسئلة التى
شكرا على ردك على الاسئلة التى افادتنا كثيرا انا عندى 35 سنة كان وزنى 95 السنة الماضية وخسيت بالابر الصينية لحد 75 كيلو ولكن رجعت تانى فى خلال 6 شهور مع الرغم باتى رجعت للابر الصينية مرة اخرى لكن نفسيا جسمى مش قابل اى ريجيم مع العلم بانى مازلت متابعة مع الدكتور ماذا افعل علشان اصل لوزنى المثالى لطولى وهو 167 سم وهل الابر الصنينة مضرة للجسم فى شئ اشكرك وارجو الرد.
============
رد بص وطل:
الابر الصينيه لها استخدامات طبية عديدة مثل علاج الالم المزمن والصداع النصفى ولكن بالنسبة للتخسيس فقد اعلن مؤتمر الجمعية الاوروبية لدراسة السمنه منذ عام 96 إنها لا تأثير لها على الوزن.. وعلشان توصلي للوزن اللي إنتي عايزاه لازم تمشي على ريجيم صحي متوازن مع ممارسة الرياضة وممكن تساعدي نفسك بدواء زي الميريديا ولكن لازم يكون تحت إشراف طبي وبعد التأكد من عدم وجود أي موانع طبية.
السلام عليكم أنا وزني 98
السلام عليكم أنا وزني 98 وطولى 165 عملت ريجيم بقالى تلات اشهر بعمل ريجيم الهرم الغذائى ونزلت 18ك ووزنى الحالى 80ك كنت عايزة اعرف من حضرتك وزنى المظبوط ايه وهل الدواء اللى اسمه أورليستات مناسب ليا ولا ليه أضرار مع العلم إنى كنت باخد السيبوتريم15 بس مش بانتظام وياترى الريجيم ده صحى ولا لأ متشكرة.
===============
رد بص وطل:
الصديقة العزيزة وزنك الصحي المناسب لطولك يتراوح بين 54 إلى 67 كيلو ودواء أورليستات كويس ولكن لابد أن يكون تحت إشراف طبي
السلام عليكم اول شي أحب اشكر
السلام عليكم اول شي أحب اشكر كل القائمين على هالموقع المميز والمفيد
انا عمري 20 ووزني 94 وطولي 167 وعايز انزل وزني للوزن الطبيعي لكن والله تعبت انا بقالي شهرين اتمرن ما قدرت انزل الا 60 جرام بس مع العلم اني ماشي على نظام غذائي وجسمي ممكن يزيد بسرعه رهيبه ومش عارف وايش ممكن اسوي ياريت تفيدوني وتساعدوني بصراحه حالتي نفسيا صارت سيئه من هذا الموضوع.
==================
رد بص وطل:
الصديق العزيز لابد من استشارة طبيب متخصص وعمل التحاليل اللازمة لمعرفة سبب السمنة اللي عندك وإعطاؤك النظام الغذائي المناسب لحالتك والدواء المناسب وإلى جانب طبعاً ممارسة التمارين الرياضية.
دكتور كنت عايزة اسال حضرتك هى
دكتور كنت عايزة اسال حضرتك هى ادويه التخسيس زى شيتوكال وزينيكال ممكن اى حد ياخدها من غير وصفه طبيب مختص بالتغذيه وهى لها اعراض جانبيه زى ما باسمع عنها ولا لا؟
===============
رد بص وطل:
الصديقة العزيزة دواء الشيتوكال مصنوع من مادة الشيتوزان وهى لا علاقة لها بالتخسيس.. أما دواء الزينيكال فهو يمنع امتصاص 30% من الدهون الموجودة فى الوجبة وهو دواء جيد مالم يكن هناك مانع طبي من استخدامه ولابد أن يكون تحت إشراف طبيب متخصص.
ميرسى جدا على الرد يا د.محمد
ميرسى جدا على الرد يا د.محمد بس انا مش بعانى من مشاكل صحية فى الجهاز الهضمى وكشفت بدل المرة اتنين وتلاتة يبقى العيب مش فى الجهاز الهضمى هل فى اكل اتمنع عنه عشان مش يعمل لى مشاكل مع بطنى بس يا ريت اعرف من حضرتك
طولى مناسب مع وزنى ولا مش مناسب على العلم ان وزنى 68 وطولى 168.
=============
رد بص وطل:
الصديقة العزيزة واضح أنك تعانين من مشكلة في القولون ولابد من استشارة دكتور متخصص.. وبالنسبة للوزن الصحي المناسب مع طولك فهو يتراوح بين 56 إلى 70 كيلو.
أنا عندى 21 سنة ووزنى 68 كيلو
أنا عندى 21 سنة ووزنى 68 كيلو وطولى 168 انا معنديش اى مشاكل خالص
غير انى كل ما أكل اى حاجة يبان على بطنى انى اكلت وبضطر انى ما أكلش اى حاجة وانا خارجة عشان مش يبان عليا او ممكن اخرج بعد ماالاكل يتهضم مثلا بساعتين او تلاتة على الرغم انى باكل بكميات مش كبيرة ووجبتي الاساسية الفطار والغداء اما العشاء فمتعودة اكل زبادى وبس. وبالرغم انى بمارس تمارين رياضية ومواظبة عليها ويعتبر بطنى مشدودة بس مش عارفة ليه بيبان عليها أي أكل أو حتى لو شربت مياه.
===============
رد بص وطل:
الصديقة العزيزة ممكن يكون فى مشكلة فى الجهاز الهضمى ولازم استشارة طبيب باطنه متخصص فى الجهاز الهضمى.
اناطولى 160 ووزنى 57 كيلو ومش
اناطولى 160 ووزنى 57 كيلو ومش عارفة ازيد اعمل ايه نفسى وزنى يوصل ل63 كيلو عشان فرحى قرب ونفسى العظم البارز اسفل الرقبة يختفى عشان شكله مضايقنى شكرا.
===================
رد بص وطل:
الصديقة العزيزة وزنك الحالي مثالي ومناسب جداً مع طولك ومش محتاجة تزيدي خالص.
السلام عليكم انا عندي 21 سنه
السلام عليكم انا عندي 21 سنه طولي 161 ووزني 86 انا كنت 95 كيلو من سنتين ووصلت لحد 76 كيلو بس للاسف عملت عمليه رباط صليبي وغضروف في ركبتي للاسف تخنت تاني وكمان ممنوع امارس رياضه عشان العمليه اعمل ايه وكمان انا بيجي لي اكتئاب وشعري بيقع لما بمشي علي نظام انا لازم اخس عشان العمليه بس جسمي بيتخن اكتر ارجوك رد عليا.
===================
رد بص وطل:
الصديقة العزيزة لابد من اتباع ريجيم تحت إشراف دكتور متخصص ويمكنك الإستعانة بدواء الميريديا ولكن تحت إشراف طبي.. ويمكنك استشارة الأخصائي النفسي ضياء الدين حسني ورقم تليفونه 0108349803 .
انا عندى 19 سنة ووزنى 85
انا عندى 19 سنة ووزنى 85 وطولى 165 ونزلت 5 كليو وكنت باخد سليماكس 10 وباخد كروم ماكس وسمارتان بس بحس انى مش بخس خالص بس مشكلتى ان عندى ارداف عاوزة اسم علاج كويس امشى عليه علشان أنزل حوالى 15 كيلو ولو سمحت وزنى المثالى ايه هو؟!
====================
رد بص وطل:
الوزن الصحي لكي يتراوح بين 54 إلى 67 كيلو.. وهذا يعني إنك في حاجة لإنزال حوالي 17 كيلو.. والأدوية اللي إنتي بتستخدميها دي كويسة لكن لازم تاخديها تحت إشراف طبي وكمان لازم تستشيري الدكتور علشان يديكي الريجيم المناسب لطبيعة جسمك.. وبالنسبة لمشكلة الأرداف فممارسة التمارين الرياضية هي أحسن حل وهتجيب نتيجة مع الوقت وخاصةً إن سنك صغير.
انا عندى 12 سنه كان وصل وزنى
انا عندى 12 سنه كان وصل وزنى ل50 في اجازة اخر السنه وقبل كده كنت بقيت 43 بس بردو بخس بس ناو يعنى 40 بس مش طايقه نفسي خالص عايزة اخس لان عند بطنى دهون وفتحت كلام بنات قالوا لي انك قربتى على ميعاد الدورة الشهريه سورى بس مش عارفه ده صحيح ولا ايه؟
==================
رد بص وطل:
الصديقة العزيزة فعلاً قد يزيد الوزن عند اقتراب موعد الدورة الشهرية وحل مشكلة البطن دي هي ممارسة التمارين الرياضية.
أولا أحب أن أشكر الدكتور شكر
أولا أحب أن أشكر الدكتور شكر كثير جدا جدا وسؤلاي هو: أنا وزني 40 وعندي 17 سنه أريد أن يزيد وزني وأريد حتي أراهه مناسبا وشكر ا جدا.
================
رد بص وطل:
الصديق العزيز لمعرفة المزيد عن النحافة يمكنك استشارة د. عمرو مطر ورقم هاتفه 0122160630.
انا نفسيتي تعبانه جدا لاني
انا نفسيتي تعبانه جدا لاني قربت اتجوز وعايزه اعمل ريجيم اقبل ما اتجوز عشان البس الفستان اللي نفسي فيه ولكن بحس اني بعاند مع نفسي وباكل كتير انا وزني 68 كيلو وطولي 169 سم بس مش بالوزن انا عندي بطن ومعده مش عارفة اخسسهم ازاي.
====================
رد بص وطل:
الصديقة العزيزة إن وزنك الحالي مازال في الحدود الصحية المسموح بها بالنسبة لطولك وبالنسبة لمشكلة تركز الدهون في منطقة البطن فدي يمكن حلها إما بممارسة الرياضة أو اللجوء لعمليات شفط الدهون ويمكنك استشارة د.أحمد عادل ورقم تليفونه 0122181025
السلام عليكم انا عندي 18 سنة
السلام عليكم انا عندي 18 سنة وطالبة جامعية ووزني حوالي 65 وطولي 154 عاوزة اخس لان نفسيتي تعبانة وانا بحب المشي وطبيعة الدراسة بمشي كتير فارجو نظام غذائي يساعدني علي التخسيس ويساعدني علي عدم تغير وجهي ويبان عليه الريجيم ويساعدني في المذاكرة.
==============
رد بص وطل:
الصديقة العزيزة علشان الوش مايخسش أثناء عمل الريجيم عليك بشرب ميه كتير والنوم فترات كافية ويمكنك عمل علاج بالMULTIVITAMIN واتباع ريجيم صحي متوازن.
وعموماً تعتمد عملية فقدان الوزن على الفارق بين السعرات الحرارية الداخلة للجسم والسعرات التى يحرقها الجسم، وبالتالى يجب ان تحتوى الوجبات على سعرات حرارية قليلة حتى اذا كنت فى الجامعة.. فيمكنك مثلا تناول السندويتشات الدايت الموجودة فى الكثير من المحلات الان وممكن تناول فاكهة واذا لم تتمكني من الحصول على مثل هذه الوجبات فعليك تقليل كمية الاكل ذو السعرات الحرارية العالية فى الجامعة على ان تكون باقى الوجبات خضار+ فاكهة+ بروتينات مشوية او مسلوقة وقليل من النشويات.
انا بطنى فيها دهون زيادة بس
انا بطنى فيها دهون زيادة بس مش كتير ايه احلى وصفة تكون مفيدة ليها وتكون سريعة.
=====================
رد بص وطل:
المشكلة دي حلها إما ممارسة الرياضة أو اللجوء لعمليات شفط الدهون ويمكنك استشارة د.أحمد عادل ورقم تليفونه 0122181025
انا طولى 162 ووزنى 59 وعندى
انا طولى 162 ووزنى 59 وعندى 23 سنه انا كنت 95 كيلو بس الحمد لله قدرت اخس واثبت بقالى سنه الحمد لله بس المشكله انى بتعب اوى لما بصوم وبكون دايخ وفي رمضان بيوصل وزنى 56 كيلو مع إنى باتسحر كويس.. انا بلعب رياضه كل يوم جري 40 دقيقه وسويدى وعقله وكده 40 دقيقه ولما بصوم مابقدرش اعمل اى حاجه.. وشكرا.
====================
رد بص وطل:
الاحساس ده طبيعى جدا وخاصه مع الاسبوع الاول فى الريجيم أو في الصيام لان الجسم بيكون متعود على عدد معين من السعرات الحراريه وهو فى الغالب لايستمر طويلا وبيختفى بنسبة 70% مع الاسبوع الثانى لإن شويه شويه الجسم بياخد على النظام الجديد ويتكيف معه..
لكن لو الموضوع استمر بعد الاسبوع الاول ممكن فى هذه الحالة الكشف عن نسبة الانسولين فى الجسم لان اختلال النسبة عن الحد الطبيعى تسبب هذه الاعراض ولازم متابعه مع متخصص فى علاج الغدد.
انا طولى 160 ووزنى 62 كيلو
انا طولى 160 ووزنى 62 كيلو وعندى 21 سنه وكنت عاملة ريجيم لغايه ماوصلت للوزن ده ولكن اردافى عريضة شوية مش كتير اوى يعنى ومش بعرف امارس رياضه باستمرار ولا حتى المشى ومش هقدر اعمل اى عمليه او حتى ميزوثيرابى لانى مش اقدر على تكلفته فهل دواء اورليستات ممن يساعد فى تنحيف الارداف ولو ماينفعش حضرتك شايف ايه الحل المناسب ليا لانى مخنوقه من الموضوع ده اوى
=================
رد بص وطل:
الصديقة العزيزة دواء أورليستات كويس وبيساعد على إذابة الدهون لكنه مش هيحل مشكلة السمنة الموضعيه وحل المشكلة دي هو ممارسة الرياضة حتى لو كانت رياضة بسيطة.
السلام عليكم .. اولا اشكرك يا
السلام عليكم .. اولا اشكرك يا دكتور علي كلامك الممتاز.. انا طولي 172 ووزني 92 كيلو انا عارفه اني مفترض اخس بس مش قادره ايه الوزن اللي المفروض ابقي فيه و يكون صحي عشاني؟؟ تاني حاجة كان فيه ريجيمات هنا كتير قبل النيولوك حق السايت فينها دلوقتي؟؟؟
=================
رد بص وطل:
الصديقة العزيزة الوزن الصحي المناسب لطولك يتراوح بين 59 إلى 73 كيلو جرام.. وإن شاء الله قريب جداً هتلاقي ريجيمات جديدة على الموقع.
كام سعر العلبه من دواء
كام سعر العلبه من دواء الأورليستات واستخدمه ازاى؟
==================
رد بص وطل:
الصديقة العزيزة بالنسبة لطريقة استخدام الدواء والجرعات فدي حاجة بيحددها الدكتور المتابع على حسب الحالة.. وبالنسبة لسعر العلبة فإنتي ممكن تسألي في الصيدلية.
انا عندى 31 سنه ومش متجوزه
انا عندى 31 سنه ومش متجوزه ووزنى 103 كيلو ونفسى فى نظام يخلينى اقدر اخس بسرعه وكنت عايزه اسأل على السيبوترام هل له اثار جانبيه والترمس بيتخن ولا لا وشكرا.
====================
رد بص وطل:
الصديقة العزيزة لازم تستشيري دكتور متخصص في علاج السمنة علشان تعملي بعض التحاليل ويقدر من خلالها إنه يعرف سبب السمنة اللي عندك ويديكي النظام الغذائي المناسب.. ودواء سيبوترام كويس لكن لازم تاخديه تحت اشراف طبي.. أما الترمس فهو بيتخن لاحتوائه على نسبة عالية من الكربوهيدرات بجانب البروتين.
اولا احب اشكر الدكتور علي
اولا احب اشكر الدكتور علي اهتمامه بالرد علي اسئلتنا وكان عندي سؤال لحضرتك انا عندي 19 سنة وطولي حوالي 160 ووزني 70 ك كنت عايزة اعرف الوزن المناسب المفروض يكون كام وكنت عايزة نظام غذائي كويس امشي عليه thanks
===================
رد بص وطل:
الصديقة العزيزة الوزن الصحي المناسب مع طولك يتراوح بين 51 إلى 64 كيلو.. وعلشان توصلي للوزن الصحي عليك بإستشارة دكتور متخصص وعمل بعض التحاليل وعلى هذا الاساس يستطيع الدكتور أن يعطيكي النظام الغذائي المتوازن المناسب لطبيعة جسمك والدواء المناسب. بالإضافة غلى ممارسة الرياضة بانتظام حتى ولو كانت رياضة المشي.
السلام عليكم ... اناعندي 17
السلام عليكم ... اناعندي 17 سنه ووزني 84 كيلو طولي 172 نفسـي اخس جد, انا مره جربت ريجيم وخسيت فعلا بس كان قبل ما ادخل الجامعه ودلوقتي الجامعه مبوظه لي الدنيا خالص.السؤال هنا بقي بليز ريجيم سهل اقدر امشي عليه المده دي (4 شهور). واخس خلالها حوالي ال23 كيلو.. سؤال تاني انا كنت عايزه اسأل عن حبوب الشاى الاخضر ,,, slimax 10 دول استخدمتهم مره عايزه اعرف اجيبهم تاني يساعدوني في الدايت؟؟؟
==================
رد بص وطل:
الصديقة العزيزة.. لازم تعرفي إن عملية فقدان الوزن تعتمد على الفارق بين السعرات الحرارية الداخلة للجسم والسعرات التى يحرقها الجسم، وبالتالى يجب ان تحتوى الوجبات على سعرات حرارية قليلة حتى اذا كنت فى الجامعة.. فيمكنك مثلا تناول السندويتشات الدايت الموجودة فى الكثير من المحلات الان وممكن تناول فاكهة واذا لم تتمكن من الحصول على مثل هذه الوجبات فعليك تقليل كمية الاكل ذو السعرات الحرارية العالية فى الجامعة على ان تكون باقى الوجبات خضار+ فاكهة + بروتينات مشوية او مسلوقة وقليل من النشويات.
أما بالنسبة لدواء slimax 10 فهو يساعد على رفع معدل الحرق فى الجسم وإسراع الإحساس بالشبع وهو دواء آمن مالم تتواجد اى من موانع الاستعمال ومادام تحت اشراف الطبيب المتخصص.
وبالنسبة للشاي الأخضر فهو يدخل تحت مسمى المواد التي لها تأثير محدود أو غير مؤثر في الريجيم، لكنه غير مضر وله فوائد تانية لا يمكن تجاهلها زي احتوائه على مواد مضادة للأكسدة ومهم لزيادة المناعة، لكن تأثيره في موضوع الريجيم لا يستحق أن أعتبره من أدوية الريجيم سواء كان في صورة أقراص أو شاي.
