السلام عليكم... لو سمحت أنا باعاني جداً من الوزن الزائد في منطقة الأرداف بشكل تاعبني نفسياً، عملت كل أنواع الريجيم أول مرة وصلت للوزن المثالي تقريبا لكن بعد كده رجعت تاني، ولما أرجع أعمل ريجيم بانزل ببطء، وكمان من الجزء العلوي فبازهق جداً وما بكملش، وكمان جربت كل الأدوية لكن أنا عرفت إن فيه جهاز بموجات LPG؛ فهل ده ممكن يساعد لما أعمله وأعمل ريجيم يخليني أنزل من المنطقة السفلية أسرع وما أرجعش تاني أنا طولي سم167 ووزني 92 كجم, شكراً.
الصديقة العزيزة... لا يوجد ريجيم لجزء معين في الجسم، الريجيم يساعد على نزول جميع أجزاء الجسم، ولكن لابد من عمل تثبيت بعد الريجيم؛ لأنه هام جداً.
أما موضوع الترهلات والوزن الزائد في منطقة معينة؛ فيحتاج واحد من اتنين..
أولاً: الرياضة؛ لكنها تأخذ وقتاً طويلاً؛ لكن مفعولها كويس.
ثانياً: العمليات الجراحية التجميلية لشد الجلد أو شفط الدهون أو أي منهما.
بجد ده كلام تمام جدا؛ لكن أنا عندي مشكلة إني عاوزة أخس أنا وزني 68 كيلو وطولي 153 سم وتخينة من أماكن معينة يعني أنا تخينة أوي من تحت. المهم أنا تابعت قبل كده مع دكتور؛ بس ما كملتش، وكنت ماشية على نظام رجيم عادي مع حبوب سمارتان على الريق، ونزلت فعلا؛ لكن تعبت جدا، وكنت باعاني من انخفاض في ضغط الدم وكنت هزيلة، فطبعا في البيت من ساعتها رفضوا نظام الريجم أنا كنت عاوزة أعرف ممكن أمشي على حبوب زي شيتوكال من غير طبيب مع التقليل من كمية الأكل والرياضة ولا لأ؟
الصديقة العزيزة...أنصحك أن تحاولي تظبيط الأكل والتقليل من السعرات الحرارية، لكن الشيتوكال ليس دواء هاما، وتأثيره ليس فعالا بشكل يرضي المريض.
أنت في حاجة لنظام غذائي متكامل العناصر الغذائية مع بعض الفيتامينات حتى تحصلي على أفضل النتائج.
لو سمحتم أنا عندي مشكله مضايقاني أوي بجد ومش لاقية ليها حل، أنا طولي 175، ووزني 70 كيلو أنا كده تمام بس مشكلتي رجلي من تحت تخينة جدااااااااا، منطقه السمانة ومش لاقية ليها حل، أنا باعمل رياضة وخسيت وبقيت كويسة أوي كده؛ بس رجلي مش بتخس، وشكلها وحش جدا، فيه حل ليها؟ ياريت تردوا عليّ.
الصديقة العزيزة... الحل سهل وبسيط إنتِ محتاجة رياضة من نوع fitness، لكن الموضوع بياخد وقت طويل جداً لا يقل عن سنة إلى جانب أنه توجد بعض الوسائل مثل اللف التنحيفي أو Injection lipolysisلإذابة بعض الدهون.
إزيك يا دكتور.. لو سمحت كان عندي سؤال أنا باسمع إن شرب المياه بعد ممارسة الرياضة بيضيع المجهود اللي عملته، وبتكون النتيجة زي ما أكون ما لعبتش رياضة أصلا .. أنا مش مقتنعة بالكلام ده بس أحب إني أتاكد يا ترى الكلام ده صح ولا غلط؟؟؟؟؟
الصديقة العزيزة... أكيد الكلام ده غلط وشرب الماء مفيد جداً للصحة العامة والكلى والقلب وجميع أجزاء الجسم إلى جانب أن شرب الماء يساعد على عملية التخسيس.
ازاي اثبت وزني بعد ما اوصل
ازاي اثبت وزني بعد ما اوصل للوزن المثالي.
============
رد بص وطل:
التثبيت هو ببساطة إنك تحصلي على سعرات توازي المجهود المبذول يوميا وان تراقبي ما تأكلي بعد التوقف عن الريجيم ومن المفترض إنك خلال فترة الريجيم تتعلمي طريقة الأكل الصح وتعودي نفسك عليها ويبقى ده اسلوب حياتك على طول.. وعلشان تعملي تثبيت لوزنك ففيه أكثر من شكل للتثبيت إما إنك تقللي كميات اكلك يعنى تاكلي كل حاجة لكن بكميات اقل مع الرياضة اليومية المتاحة، والطريقة التانية إنك تعملي توازن يعني لو يوم خرجت مع صحابك وهتاخدي راحتك فى الاكل اليوم اللى بعده تمشى على الريجيم، ولو لخبطي فى الاكل يومين اليومين اللى بعدهم اعملي ريجيم وهكذا.
واهم حاجة إنك توزني نفسك على الاقل مرة كل اسبوعين علشان لو لقيتي نفسك وزنك زاد تقللي فى الوجبات الحرة خلال الاسبوع يعني لو محددة ثلاث وجبات فى الاسبوع قلليهم لوجبه واحده اواتنين ولو بدأتِ تاكلِ قطعتين شيكولاته فى اليوم خليهم قطعه واحده كل يومين وهكذا، ولو لقيت نفسك نازلة على الميزان ممكن تزودي شوية الحاجات اللي بتحبيها ولكن بحدود.
مهم جدا مراقبة الوزن عشان ممكن الكيلو يجر كيلو ومن غير ماتشعر هاترجع اللى نقصته بسرعه .
لابد ان ناخذ فى الاعتبار ان التثبيت بيختلف من شخص لآخر حسب طبيعة النشاط وكمان طبيعة حالتى المزاجية فى ناس بتحب تاكل لما تشبع فى هذه الحالة عند التثبيت أكتر من الأكل اللى بيشعرنى بالامتلاء زى السلطة والفاكهه أكتر من الأنواع الاخرى ولو بتحبي الحلويات قللي من الكميات وهكذا بعد فترة كل واحد بيعرف طبيعة جسمه واستجاباته والفيصل وزنك على الميزان.
ازيك يا دكتور انا طولي تقريبا
ازيك يا دكتور انا طولي تقريبا من 160 ل 163 في الحدود دي يعني ووزني دلوقتي 73 ونفسي اخس في شهر اجازة نص السنة ومش عايزة اخس بسرعة برضه عشان ما ارجعش اللي خسيته تاني بسرعة وفي نفس الوقت اخس من 6 ل 8 كيلو في شهر وعندي نظام غذائي وبروح جيم 3 مرات في الأسبوع ومش عارفة ليه مش بخس وعايزة برشام لزيادة سرعة الحرق بس مايكونش لييه اعراض جانبية ويكون سهل أي حد يروح يشتريه من الصيدلية عادي ممكن تقولي عليه ولا لازم استشارة طبيب؟؟؟
============
رد بص وطل:
الصديقة العزيزة يمكنك الإستعانة بدواء زي الميريديا لكن بعد التأكد من عدم وجود أي موانع طبية من استخدامه.
انا امنية حضرتك قولت لى اتبع
انا امنية حضرتك قولت لى اتبع نظام ريجيم صحى ممكن تقولى اعمل اية بالظبط بس انا عندى انيميا انا تخنى فى رجلى من فوق الرقبة قولى على ريجيم من غير مايزود الانيميا.
==============
رد بص وطل:
طيب تابعينا صديقتنا العزيزة وإن شاء الله قريباً جداً هتلاقي أنظمة غذائية على الموقع ممكن تستفيدي منها.
لو سمحت يا دكتور ارجوك تفيدنى
لو سمحت يا دكتور ارجوك تفيدنى هل جهاز lbg جهاز تفتيت الدهون بيجيب نتيجه فى علاج السيليوليت لانى تعبت ومش عارفه له حل.
============
رد بص وطل:
الصديقة العزيزة يحتاج السيليوليت مراجعه طبيب امراض جلدية او جراح تجميل ولاعلاقة له بالريجيم لان هو عبارة عن تكتل الدهون والالياف بشكل معين تحت الجلد وهى تحتاج الى علاج مش مجرد حاجة تذوب الدهون ولا ينفع معها اللف التنحيفى او شفط الدهون
دكتور انا عندي مشكله وتاعبه
دكتور انا عندي مشكله وتاعبه نفسيتي وايد نزلت 49 كيلو اول 15 كيلو تقريبا نزلتها بدون ريجيم واثرت على جسمي وايد الترهل عندي كثير الحين وخصوصا يدي فوق اشتركت بنادي ايروبكس وامشي احس في تغيير بس جدا قليل واجريت 6 جلسات ليزر مع مساج ولكن دون فائدة وخطوبتي اذا شاء الله قريب ومو عارفه شو سوي يا ليت لو تفيدني وبكون شاكره لك.. تحياتي.
==============
رد بص وطل:
الصديقة العزيزة ياريت تستمري على ممارسة الرياضة لإنها من أكثر الاشياء تأثيراً في علاج مشكلة الترهلات حتى ولو كانت بتاخد وقت طويل شويه كما يمكنك اللجوء لعمليات التجميل وشد الجسم.
انا عندى 21سنة وطولى 156
انا عندى 21سنة وطولى 156 ووزنى 69 وروحت جيم علشان اخس بس اللى خس شكل جسمى بس ولسه وزنى زى ماهوا نفسى انزل الوزن انا عندى جناب وارداف.
===============
رد بص وطل:
لابد من اتباع ريجيم صحي مع التمارين الرياضية علشان توصلي للوزن الصحي المسموح به واللي بيتراوح بين 48 إلى 60 كيلو.
لو سمحت يادكتور انا وزنى 64
لو سمحت يادكتور انا وزنى 64 وطولى 164 يعنى وزنى مناسب بس مشكلتى انى عندى سيليوليت ومهما اخس ومفيش فايده فهل اللف التنحيفى بيجيب نتيجه وياريت تقول لى اسم كريم كويس للسيليوليت ارجوك يا دكتور ترد عليا.
=================
رد بص وطل:
الصديقة العزيزة يحتاج السيليوليت مراجعة طبيب امراض جلدية او جراح تجميل ولاعلاقة له بالريجيم لان هو عبارة عن تكتل الدهون والالياف بشكل معين تحت الجلد وهى تحتاج الى علاج مش مجرد حاجة تذوب الدهون ولا ينفع معها اللف التنحيفى او شفط الدهون.
السلام عليكم ورحمة الله
السلام عليكم ورحمة الله وبركاته ازى حضرتك يا دكتور انا عندى 22 سنة وزمان كنت تخينه ونزلت كتير اوى ودلوقتى الحمدلله وزنى كويس جدا وكمان مناسب مع طولى بس انا كنت بشرب ميه سخنة وعليها ليمون وسمعت ان ده بيؤثر على الكبد ده فعلا صح؟
وكمان شرب الميه اثناء الاكل بيعمل كرش؟ وميرسى لحضرتك
===================
رد بص وطل:
الصديقة العزيزة لازم تعرفي إن كثرة الماء مفيدة في التخسيس سواء سخنة أو باردة أو بالليمون أو بدون ليمون .. والليمون مفيد صحياً ومابيسببش اي مشكلة لو أخذناه على معدة مليانة وتكوني أصلا مش بتعاني من مشاكل في المعده.
مرحبا دكتور بس عندي مشكلة انا
مرحبا دكتور بس عندي مشكلة انا عمري 23 سنة وعملت ريجيم بس من دون رياضه قبل كان وزني 91 والحين صار 68 وطولي 158 بس جسمي ترهل وايد فاريد علاج لهذه المشكلة ولا عندي وقت اسير الGYM.
=====================
رد بص وطل:
الصديقة العزيزة لعلاج الترهلات لابد من ممارسة الرياضة وطبعا كلا حسب امكانياته وقدراته المادية والمتاح امامه وان كان يفضل ان تكون تمرينات شد الترهلات مع مدرب رياضى لو كان ذلك ممكنا لكن مجرد المشى الجاد اليومى لمده ساعة كفيل بشد الجسم لكن بعد فترة من الالتزام والمواظبه على المشى. ولو ماعندكيش وقت لممارسة التمارين الرياضية ممكن تلجأي لعمليات التجميل وإن كنت أرى أن الرياضة أكثر فائدة للجسم كله.
مرحبا دكتور انا عمري 22 سنه و
مرحبا دكتور انا عمري 22 سنه و عملت ريجيم من 91 كيلو الى 68 كيلو بس من غير رياضة والان الترهلات مشوهه جسمي بين الافخاذ واليدين فاريد حل لهذه المشكلة.
==================
رد بص وطل:
الصديقة العزيزة لعلاج الترهلات لابد من ممارسة الرياضة وطبعا كلا حسب امكانياته وقدراته المادية والمتاح امامه وان كان يفضل ان تكون تمرينات شد الترهلات مع مدرب رياضى لو كان ذلك ممكنا لكن مجرد المشى الجاد اليومى لمده ساعة كفيل بشد الجسم لكن بعد فترة من الالتزام والمواظبه على المشى.
السلام عليكم:انا عندى 21 سنة,
السلام عليكم:انا عندى 21 سنة, وزنى جيد لكن اعانى من وجود ترهلات فى المنطقة من اول الركبة الى الارداف تاعبانى نفسيا, انا امارس الان ايروبكس لمدة شهر ولكن لم الاحظ نتيجة وانا زواجى بعد 9 شهور, فهل استمرارى فى الرياضة سوف يكون له تاثير, وهل عمليات اللف التنحيفى والميزوثيرابى تؤدى الى ازالة ترهلات الجسم ام تؤدى الى فقدان الوزن فقط؟شكرا مقدما
=========================
رد بص وطل:
لعلاج الترهلات لابد من ممارسة الرياضة ويفضل ان تكون تمرينات شد الترهلات مع مدرب رياضى متخصص ومع الوقت هتحسي بالتأثير وكمان أنا بافضلها لإنها لها آثار صحية على الجسم كله.
السلام عليكم انا وزني 63
السلام عليكم انا وزني 63 وطولي حوالي 162 ووزني بيزيد مع اني باكل كميات بسيطه جدا ماتشبعش طفل صغير.. لكن دايما وزني بيزيد وحتي الوزن ده انا شايفه نفسي اني تخينه وسني 19 سنه بس انا بجد نفسي اخس وحاولت كتير بس منفعش لدرجه اني اوقات ببطل اكل خالص.. شكرا.
==================
رد بص وطل:
الصديقة العزيزة.. ليس معنى الامتناع عن الاكل طول النهار ان احنا نخس المشكلة.. علشان نخس لازم ناكل الثلاث وجبات فى اليوم عشان نظام الحرق فى الجسم يشتغل صح.. لأن عدم الاكل طول النهار او عدم الالتزام بالثلاث وجبات معناه ان الجسم يبدا يشعر انه فى مجاعه فيقاوم فقد الدهون وهى غريزة اوجدها الله فى الجسم حتى يحافظ على بقاءه ويقاوم الفناء.
وممكن تساعدي جسمك بممارسة الرياضة بانتظام علشان تزودي من سرعة الحرق.
ازيك يا دكتور انا وزنى 80
ازيك يا دكتور انا وزنى 80 كيلو وطولى 162 وعايزه اخس ومش عارفه اعمل ايه وانا مليانه من تحت اكتر اعمل ايه علشان اخس ارجوك بعد اذنك اعرف اخس ازاى ضرورى لانى والله متعقده جدا ومش عارفه اعمل ايه؟
=======================
رد بص وطل:
الصديقة العزيزة لازم تتابعي نظام غذائي تحت إشراف دكتور متخصص مع ممارسة التمارين الرياضية.
ازيك يا دكتور انا عندى مشكلة
ازيك يا دكتور انا عندى مشكلة انا وزنى 68 وطولى 160 وعاوزة اخس مش عرفة مشكلتى انى عندى جناب وبطن عاوزة اعرف شاى الرجيم ممكن يعمل نتيجة للتخسيس ولا فى ضرر وعاوزة اعرف ازاى اثبت وزنى على وزن معين والمفروض ابقى كام؟!! شكرا.
========================
رد بص وطل:
الوزن الصحي المناسب مع طولك يتراوح بين 51 إلى 64 كيلو جرام وعلشان توصلي للوزن ده لازم تتابعي نظام غذائي تحت إشراف دكتور متخصص مع ممارسة الرياضة علشان تعالجي مشكلة السمنة الموضعية.
وبالنسبة لتثبيت الوزن فهو ببساطة إنك تحصلي على سعرات توازي المجهود المبذول يوميا وان تراقبي ما تأكلي بعد التوقف عن الريجيم ومن المفترض إنك خلال فترة الريجيم تتعلمي طريقة الأكل الصح وتعودي نفسك عليها ويبقى ده اسلوب حياتك على طول .. صحيح مش معقول إنك هتعيشي طول حياتك تعملي ريجيم أو تتابعي مع دكتوروعلشان تعملي تثبيت لوزنك ففيه أكثر من شكل للتثبيت إما إنك تقللي كميات اكلك يعنى تاكلي كل حاجة لكن بكميات اقل مع الرياضة اليومية المتاحة، والطريقة التانية إنك تعملي توازن يعني لو يوم خرجت مع صحابك وهتاخدي راحتك فى الاكل اليوم اللى بعده تمشى على الريجيم، ولو لخبطي فى الاكل يومين اليومين اللى بعدهم اعملي ريجيم وهكذا.
واهم حاجة إنك توزني نفسك على الاقل مرة كل اسبوعين علشان لو لقيتي نفسك وزنك زاد تقللي فى الوجبات الحرة خلال الاسبوع يعني لو محددة ثلاث وجبات فى الاسبوع قلليهم لوجبه واحده اواتنين ولو بدأتِ تاكلِ قطعتين شيكولاته فى اليوم خليهم قطعه واحده كل يومين وهكذا، ولو لقيت نفسك نازلة على الميزان ممكن تزودي شوية الحاجات اللي بتحبيها ولكن بحدود.
السلام عليكم لو سمحت انا عندى
السلام عليكم لو سمحت انا عندى مشكلة الاردف انا بعمل ريجيم بس بخس من فوق لكن منطقة الاردف مابتخسش مش عارفة اعمل اية ياريت تقولى على حل.
==================
رد بص وطل:
الصديقة العزيزة لا يوجد ريجيم لمكان معين في الجسم أو لما يسمى بالسمنة الموضعية.. والتمارين الرياضية أكثر فائدة وأسرع في ظهور النتيجة أو يمكنك اللجوء لعمليات التجميل وشفط الدهون.
السلام عليكم ورحمة الله
السلام عليكم ورحمة الله وبركاته اولا شكرا جدا على الموقع الجميل ده وده اكتر موقع بستفيد منه, كنت عايزة اسأل الدكتور سؤال وياريت يفيدنى انا عايزة اعرف ايه اسباب ظهور الخطوط البيضاء فى الجسم وكيفية علاجها لانها تعبانى نفسيا وجزاكم الله كل خير.
======================
رد بص وطل:
شكراً ليكي صديقتنا العزيزة على متابعتك لينا ويارب نفضل دايماً عند حسن ظنك.. وبالنسبة للخطوط البيضاء او الـ Strech Mark's فهى نتيجه للسمنه وزيادة الوزن وايضا الحمل فكل هذه العوامل تؤدى لظهور الخطوط البيضاء.
هناك بعض الكريمات تساعد على الاسراع من أختفاء الـ Strech Mark's وان كانت فى الغالب ما تختفى تدريجياً ولكن بشكل غير كامل بنسبة 90% تقريباً سواء مع او بدون استخدام الكريمات، وبالنسبة لنوع الكريم الأمن والمفيد فيجب مراجعة طبيب الامراض الجلدية فى ها الشأن.
كنت عايزة اعرف موضوع الاعشاب
كنت عايزة اعرف موضوع الاعشاب ده مفيد وسمعت انه بيضر الكلى عايزة اعرف ايه اخبار الموضوع ده؟
=====================
رد بص وطل:
الأعشاب تمنع امتصاص الكثير من المواد الغذائية وبالتالى قد تساعد على فقدان الوزن ولكنها قد تضر الجسم..
هل فيه ريجيم
هل فيه ريجيم للحوامل!!!
=====================
رد بص وطل:
الصديقة العزيزة بالنسبة للحمل فالوزن يزيد طبيعياً بمعدل كيلو فى الشهر لذا فما هو أكثر من ذلك عبارة عن دهون زائدة ويمكن اتباع نظام ريجيم متوازن للمحافظة على هذا المعدل مع اضافة فاكهة بين الوجبات وبعض النشويات ولبن خالى الدسم مع متابعة حالة الجنين بانتظام.
سلام عليكم كيفك دكتور محمد ان
سلام عليكم كيفك دكتور محمد ان شاء الله تمام.. حبيت اسال حضرتك عن دواء اسمه الريدكتيل بصراحه انا بعمل دايت ورياضه بس ساعات بضعف او بحس اني مليت وبسير الخبط بالاكل نصحتني صديقتي بالريدكتيل مع الرياضه والتخفيف من الاكل طبعا فشو رايك في ها الدواء وهل ليه اي اعراض جانبيه خطيره على المدى القصير والطويل وشكرا الك.
=========================
رد بص وطل:
الصديقة العزيزة عند ضعف الإرادة يمكن الاستعانة بالادوية مثل meridian والذي يساعد على سرعة الاحساس بالشبع ولكن تحت إشراف طبي ومع اتباع ريجيم صحي مناسب لطبيعة جسمك.
دكتور عايزة اوصل للوزن
دكتور عايزة اوصل للوزن المثالى انا كان وزنى 110 وطولى 170 بس كل ما اجرب اى ريجيم احاول اقلل في الاكل مع نفسى اوصل حتى 101 وما بنزلش تانى خالص علما بان الغدة الدرقية فيا خمول, وهرمونtsh375 واتعالجت منها ورجعت تانى
ميرسى ليكم بجد.
=================
رد بص وطل:
لازم تتابعي ريجيم تحت إشراف دكتور التغذية ودكتور غدد وإن شاء الله توصلي للوزن اللي إنتي عايزاه.
لو سمحت يا دكتور انا وزنى
لو سمحت يا دكتور انا وزنى حوالى 65 كيلو وطولى 155 تقريبا انا محتاجه اخس جدااا انا يمكن مش باكل الاكل اللى يخلينى اتخن كده بس انا مش ببذل مجهود كتييير.. وعايزه استفسر عن حاجه هى حبوب اورليستات دى حلوه وبتعمل مفعول لان كذا دكتور قال انها حلوه. بجد تعبت ونفسى اخس لانى داخله على جواز انا عندى 20 سنه.. ارجو الرد ضروررررى جداااااااااا.
========================
رد بص وطل:
الصديقة العزيزة بالنسبة لدواء اورليستات فهو فعلاً كويس لكن لابد من ممارس التمارين الرياضية بانتظام واتباع ريجيم تحت إشراف دكتور متخصص علشان توصلي للوزن المناسب.
انا ايضا عملت ريجيمات واخدت
انا ايضا عملت ريجيمات واخدت جميع انواع العلاجات المتاحة للتخسيس فى البداية كنت بخس لكن ببطء شديد والان لو نزلت فى اسبوعين كيلو فده معجزة والدكتور قال لى الحرق عندى ضعيف ولا اعلم ما العمل رغم اننى اتابع مع طبيب ولا اعرف الجهة التى اتجه لها يكون طبيب ايه وتحاليل ايه اللى اعملها او لو فيه دواء لزيادة الحرق او فيتامينات معينة ارجو ان تتفضل وتشير اليها.
====================
رد بص وطل:
الصديقة العزيزة بعض الناس تتبع نظام ريجيم واحد لمده طويله متخيله انه صح او متبعه نظام فى الاكل مرتاحه عليه وفى هذا النظام لخبطه وهو لا يعرفها وبيكررها طول الوقت فالوزن بيثبت عند رقم معين ولا يتحرك او قد يزيد وزن المريض رغم الالتزام
وحل المشكلة دي هو إنك لازم تتأكدي ان النظام المتبع صح وثانيا تسجيل كل حاجه بتاكليها – حتى الشاى والقهوة اى حاجه بتدخل المعده - فى جدول لمده اسبوع وعرضها على دكتور متخصص عشان يقدر يحدد فين اللخبطه بالتحديد.
ولو استمر وزنك ثابت بعد الريجيم ممكن تساعدي جسمك بدواء يسرع عملية الحرق زي دواء "ميريديا" واللي بيساعد على زيادة معدل حرق الجسم وبيسرع من إحساسك بالشبع لكن لازم تاخديه تحت إشراف طبي ويكون مع الريجيم.
ولو بعد الالتزام والدواء المشكله مستمرة ممكن تعملي تحليل هرمونات لانه قد يكون هناك لخبطه فى الهرمونات او فى مشكلة ما تسبب زيادة الوزن او تمنع انقاص الوزن.
انا عندي 20 سنة ووزني 43
انا عندي 20 سنة ووزني 43 وعايزة اتخن وعايزة اعرف موضوع الاعشاب ده كويس ولا ايه مع العلم اني روحت لدكتور ومشيت على نظام بس كنت بتخن في الاسبوع كيلو او كيلو ونص بس.
====================
رد بص وطل:
الصديقة العزيزة لازم تعرفي إن عملية بناء الجسم وهي عملية صعبة جداً جداً حيث إن التخسيس يعد أسهل بكثير منها؛ لأن الهدم أسهل من البناء.. كمان علاج النحافة محتاج هدوء وصبر من المريض، ولا يستعجل النتيجة أبداً؛ لأن مشواره طويل ويقبل أي رقم يزيده حتى لو كانت الزيادة كيلو واحد في الشهر!! لأن في حالة النحافة الكيلو إنجاز للمريض والطبيب..
هاى يادكتور ازيك دكتور ممكن
هاى يادكتور ازيك دكتور ممكن بعد ازنك انا وزنى 55 وطولى 169 انا رفيعه جسمى كويس جدا بس المشكله منطقه البطن عندى كبيره ومش مظبوطه على وزنى هى ومنطقه الصدر قولى اعمل ايه عشان اخلى مستوى منطقه الصدر ومستوى منطقه البطن مظبوط مع جسمى وميرسى اوى يادكتور
=======================
رد بص وطل:
للأسف مفيش ريجيم للسمنة الموضعية وأحسن حل للمشكلة دي هو ممارسة تمارين رياضية تحت إشراف مدرب رياضي متخصص أو اللجوء لعمليات التجميل وشفط الدهون.
السلام عليكم ورحمة الله
السلام عليكم ورحمة الله وبركاته.. انا سنى 26 سنة ووزنى 118ك وطولى 165سم
انا جربت اعمل ريجيم كتير لكنى فشلت ولكن قبل زواجى بفترة اخدت دواء (ميريديا) ساعدنى بانقاص وزنى 10 كيلو لكن بعد زواجى بطلت اخد الدواء عشان الحمل والرضاعة فرجع وزنى تانى وازيد كمان لدرجة انى وصلت ل 128ك وانا حامل وكان خطر على البيبى طبعا بس الحمد الله بعد ما ولدت بقيت 118 ك فانا تعبانة من موضوع التخن جدا ومش عارفة اخس تانى ونفسى اخس عشان الحمل وحياتى الزوجية ولانى دلوقتى ابتديت احس بآلام في ركبتى وانا طالعة السلم وده بسبب التخن ارجو حضرتك يادكتور انك ترد على سريعا وشكرا.
======================
رد بص وطل:
الصديقة العزيزة لازم تستشيري دكتور متخصص وتعملي بعض التحاليل اللي يقدر عن طريقها يعرف إيه السبب في السمنة اللي عندك وبكده يقدر يديكي الريجيم والدواء المناسب لحالتك.. ده إلى جانب طبعاً ممارسة التمارين الرياضية وإن شاء الله تقدري توصلي للوزن المناسب.
دكتور انا عندى مشكله وعاوزة
دكتور انا عندى مشكله وعاوزة بجد حلها لانى تعبانه فسيا منها اوى. اناعندى 21 سنة وكنت من اربع سنين تخينة وعملت دايت وخسيت بس المشكله ان جسمى بقى فيه ترهلات لانى ماكنتش بقدر اعمل رياضه فممكن اعرف ايه الحل يعنى ممكن لو اعمل عمليات تجميل لشد جسمى وهل العمليات دى خطر؟ وعايزة اعرف ممكن البديل للعمليات جلسات الLPG وهل فعلا الجلسات دى ممكن تضيعها بجد ولا لأ؟ وسورى للاطالة.
====================
رد بص وطل:
موضوع الترهلات والوزن الزائد في منطقة معينة فيحتاج لحاجة من اتنين
أولاً الرياضة لكنها تأخذ وقت طويل لكن مفعولها كويس.
ثانياً العمليات الجراحية التجميلية لشد الجلد.
ازيك يا دكتور انا عندى مشكلة
ازيك يا دكتور انا عندى مشكلة انه وزنى 79 ك وطولى 165 وعاوزة اخس بس جسمى مش بيحرق سعرات خالص فممكن نظام غذائى يخلينى اخس عشان فرحى الزواج قرب وانا عاوزة اخس وانا متشكرة جدا من حضرتك.
====================
رد بص وطل:
صديقتنا العزيزة بانصحك باستشارة طبيب متخصص لإجراء بعض التحاليل لمعرفة السبب العضوي في إن جسمك غير قادر على حرق السعرات بطريقة طبيعية وعلى هذا الأساس يتمكن من إعطائك الدواء والنظام الغذائي المناسب لحالتك وهذا إلى جانب ضرورة ممارسة الرياضة بانتظام سواء تحت إشراف مدرب رياضي متخصص أو في البيت.
دكتور معلوماتك فعلاً مفيدة
دكتور معلوماتك فعلاً مفيدة جداً لينا بس أنا عايزة أعرف إزاي اعمل تثبيت لوزني بعد التخسيس.
====================
رد بص وطل:
صديقتنا العزيزة بالنسبة للتثبيت فهو ببساطة إنك تحصلي على سعرات توازي المجهود المبذول يوميا وان تراقبي ما تأكلي بعد التوقف عن الريجيم ومن المفترض إنك خلال فترة الريجيم تتعلمي طريقة الأكل الصح وتعودي نفسك عليها ويبقى ده اسلوب حياتك على طول .. صحيح مش معقول إنك هتعيشي طول حياتك تعملي ريجيم أو تتابعي مع دكتوروعلشان تعملي تثبيت لوزنك ففيه أكثر من شكل للتثبيت إما إنك تقللي كميات اكلك يعنى تاكلي كل حاجة لكن بكميات اقل مع الرياضة اليومية المتاحة، والطريقة التانية إنك تعملي توازن يعني لو يوم خرجت مع صحابك وهتاخدي راحتك فى الاكل اليوم اللى بعده تمشى على الريجيم، ولو لخبطي فى الاكل يومين اليومين اللى بعدهم اعملي ريجيم وهكذا.
واهم حاجة إنك توزني نفسك على الاقل مرة كل اسبوعين علشان لو لقيتي نفسك وزنك زاد تقللي فى الوجبات الحرة خلال الاسبوع يعني لو محددة ثلاث وجبات فى الاسبوع قلليهم لوجبه واحده اواتنين ولو بدأتِ تاكلِ قطعتين شيكولاته فى اليوم خليهم قطعه واحده كل يومين وهكذا، ولو لقيت نفسك نازلة على الميزان ممكن تزودي شوية الحاجات اللي بتحبيها ولكن بحدود.
مهم جدا مراقبة الوزن عشان ممكن الكيلو يجر كيلو ومن غير ماتشعر هاترجع اللى نقصته بسرعه .
لابد ان ناخذ فى الاعتبار ان التثبيت بيختلف من شخص لآخر حسب طبيعه النشاط وكمان طبيعه حالتى المزاجيه فى ناس بتحب تاكل لما تشبع فى هذه الحالة عند التثبيت اكتر من الاكل اللى بيشعرنى بالامتلاء زى السلطة والفاكهه اكتر من الانواع الاخرى لو بحب الحلويات اقلل من الكميات عشان احصل على قطعه شيكولاته وهكذا بعد فترة كل واحد بيعرف طبيعة جسمه واستجاباته والفيصل وزنى على الميزان.
