السلام عليكم.. أنا كان عندي سؤال، أنا عندي 17 سنة ووزني 76، وطولي 164، أنا لما كان عندي 15 سنة كان وزني 85 وبدأت أنزل كتير، وأنا جسمي بيستجيب بسرعة؛ بس أنا نفسي أوصل لوزن 60 كيلو؛ بس مش عارفة أنا ممكن في اليوم آكل وجبة واحدة مع الرياضة؛ بس أنا محتاجة أخس بسرعة.
الصديقة العزيزة.. غير صحي تماماً إنك تاخدي وجبة واحدة يومياً، ولازم على الأقل تاخدي 3 وجبات في اليوم، وللسرعة لازم تمشي على ريجيم صحي تحت إشراف دكتور متخصص وتلتزمي به تماماً، وكمان لازم تواظبي على رياضة المشي السريع كل يوم لمدة ساعة، وممكن تاخدي دواء يسرع من عملية الحرق؛ لكن تحت إشراف طبي. ومع الصبر والمواظبة هتوصلي للوزن اللي إنتي عايزاه بسرعة.
أنا كنت عايز أستشير دكتور محمد.. أنا عايز أقلل من الوزن، أنا لما باكل الوزن بيزيد، مش عارف أعمل إيه، وكمان ما عنديش وقت إني ألعب جيم؛ فعايز أعرف تعليمات للأكل أمشي عليها.
الصديق العزيز.. فيه نصائح بسيطة ممكن تعملها علشان تقلل من وزنك، وهي إنك تقلل من كميات الأكل اليومية، وتقلل من نسبة الدهون؛ مع الإكثار من تناول الفاكهة ما عدا البلح والمانجو والتين والموز والمشمش والعنب والكاكا والقشطة والكريز.
ومن الممكن ممارسة رياضة بسيطة جداً زي نزول السلالم أو المشي السريع.
كنت عاوزة أسأل الدكتور: هل سكر الدايت ممكن يكون فيه أي ضرر على البيبي؟ أنا عندي بيبي عنده 8 شهور، وعاوزة أعمل ريجيم، ومشكلتي في سكر الدايت. أرجو الرد للأهمية.
الصديقة العزيزة.. ما فيش مشكلة خالص من السكريات البديلة على البيبي، وده على حسب آخر أبحاث اتعملت سنة 2004، وممكن تاخدي السكر العادي؛ لكن بكميات قليلة علشان تكوني مرتاحه نفسياً.
انا نفسى اخس بس مشكلتى صدرى
انا نفسى اخس بس مشكلتى صدرى من فوق كبير جدا وعايزة كله يخس مع بعض.
=============
رد بص وطل:
يمكنك اللجوء لعمليات التجميل بس لازم تتأكدي إن الدكتور اللي هتتعاملي معاه دكتور شاطر ومضمون.
سلام عليكم ازيك يا دكتور كنت
سلام عليكم ازيك يا دكتور كنت عاوزة اسال حضرتك كام سؤال الاول هو ممكن استخدم اورليستات ولو ينفع كام مرة فى اليوم وللعلم انا مش بروح لدكتور بس بقلل من اكلى انا وزنى 63 وطولى 157 عاوزة اعرف اخس قد اية وهل فعلا طلوع السلالم يعتبر رياضة وممكن ينزل وزنى يا ريت حضرتك ترد عليا فى اسرع وقت لانى محتاجة اخس.
==============
رد بص وطل:
إن وزنك الصحي يتراوح بين 49 إلى 60 كيلو وهذه الزيادة البسيطة في الوزن حلها هو تنظيم عادات الأك عندك مع ممارسة التمارين الرياضية وفعلا طلوع السلالم يعتبر رياضة وممكن تنزل الوزن.
انا سالى وعندى 22 سنة
انا سالى وعندى 22 سنة ومتجوزة وعندى طفلة عندها 4 سنوات انا طولى 162 ووزنى 104 ومش عارفة اعمل ايه انا مابخرجش وعاوزة اخس أنا شكلى بقى فظيع وجوزى مش عاوز يودينى للدكتور وبيقعد يقول لى خسى بس انا مش عارفة اعمل ايه ارجوا الافادة ووصف امشى على ريجيم ازاى لان انا فى حالة اكتئاب شديدة وارجوك يا دكتور ساعدنى.
================
رد بص وطل:
الصديقة العزيزة ياريت تتابعينا لإن قريب جداً هيكون معانا أنظمة غذائية صحية على الموقع تقدري تختاري اللي يناسبك منها وتمشي عليه ويمكنك الإستعانة بدواء الميريديا لإنه دواء آمن يساعد على رفع معدل الحرق فى الجسم وإسراع الإحساس بالشبع وهو دواء امن مالم تتواجد اى من موانع الاستعمال.
سلام عليكم انا أول مرة ادخل
سلام عليكم انا أول مرة ادخل الموقع وبصراحة أول مرة اتكلم فى موضوع الريجيم
انا وزنى حوالى 95 ك وطولى 180 سم بس المشكلة مش عندى فى الوزن المشكلة عندى فى الفخد اكتر حاجة فيها دهون وشكلها ظاهر اوى وبصراحة عاملة ليا مشكلة
وعايز اتخلص من الدهون اللى فى الفخد وياريت اجابة سريعة ومفيدة وميرسى مقدما.
===============
رد بص وطل:
أهلاً بيكي صديقتنا العزيزة ونتمنى إنك تكوني صديقة دائمة للموقع.. وبالنسبة لسؤالك فاحب اقولك إنك في حاجة لخسارة بعض الوزن علشان توصلي للوزن الصحي المناسب مع طولك واللي بيتراوح بين 64 إلى 80 كيلو أما بالنسبة لمشكلة السمنة الموضعية أو تركز الدهون في بعض مناطق من الجسم فدي حلها هو ممارسة التمارين الرياضية أو اللجوء لعمليات شفط الدهون.
لو سمحت يا دكتور انا وزني 59
لو سمحت يا دكتور انا وزني 59 وطولي حوالي 155 سم لازم يكون وزني المثالي، انا بعمل ريجيم قاسي (الافطار:بيضة مسلوقة +1 خبز اسمر + برتقالة)، الغداء: مش دائما باكل وجبة الغداء واذا اكلتها ما باكل كتير، العشاء: لا يوجد
شو نصيحتك الي، أرجو الرد بسرعة.
=============
رد بص وطل:
الصديقة العزيزة إن وزنك الصحي المناسب لطولك يتراوح بين 47 إلى 60 كيلو وهذا يعني أنك لازلت في الحدود الصحية لوزنك وحتى إن كنتي تشعرين بأن هناك زيادة فهي زيادة طفيفة جداً لا تستحق هذا الريجيم القاسي ولكن ممكن تتغلبي عليها بممارسة التمارين الرياضية حتى لو كانت رياضة المشي يومياً لمدة نصف ساعة، أما هذا الريجيم القاسي الذي لا يحتوي على الثلاث وجبات الأساسية من الممكن أن يكون السبب في زيادة وزنك لإن عشان نخس لازم ناكل الثلاث وجبات فى اليوم عشان نظام الحرق فى الجسم يشتغل صح.. لأن عدم الاكل طول النهار او عدم الالتزام بالثلاث وجبات معناه ان الجسم يبدا يشعر انه فى مجاعه فيقاوم فقد الدهون وهى غريزة اوجدها الله فى الجسم حتى يحافظ على بقاءه ويقاوم الفناء، بالاضافة الى ان الاشخاص اللى بياخروا وجبه الغداء حتى وقت النوم بيكونوا عرضه اكتر لزيادة الوزن لان السعرات الحرارية الموجودة فى الاكل هاتتحول الى دهون وتتخزن فى الجسم ولن يكون هناك فرصة لحرقها وبالتالى بيكون صعب حرقها.
السلام عليكم اشكر سيادتكم على
السلام عليكم اشكر سيادتكم على المجهود الاكثر من رائع وفعلا الارشادات المقدمه مفيده جدا.. انا بعمل تمارين فى البيت قبل النوم بس ماعنديش وقت كافى طوال اليوم للتمارين فكرت فى شراء دراجه رياضية او ما شاية لممارسة التمارين بسرعة فى المنزل ولكن الداجة لوحدها هتاثر على عظام الركبه وهكذا المشاية ممكن حضرتك تنصحنى اعمل ايه مع العلم انا معنديش وقت خالص للرياضة طول يومى عمل على الكمبيوتر.. ارجو افادتى اى نوع الة رياضية مفيد ولكم منى خالص التحية والشكر..
===============
رد بص وطل:
يمكنك الإستعانة ببعض الاجهزة الخفيفة المطاطه "سوست الضغط" التى يمكن الامساك بها فى اليد والضغط عليها لإنها بتحرق سعرات حرارية حيث أن كل مجهود بيقوم به الانسان بيحرق سعرات حراريه حتى المجهود الذهنى –وان كان سعرات قليله- وهضم الاكل فى حد ذاته بيساعد على حرق السعرات الحرارية.
لا تستطيع الكلمات الاعتراف
لا تستطيع الكلمات الاعتراف بمدى سعادتنا بنصائحكم لنا ومساعدتكم لنا نحن شاكرين لجميع اسرة بص وطل واتمنى ان اجد رد علي سؤالي انا فتاة ابلغ من العمر 22 عام طولي 163 ووزنى الحالي 68 بين انخفاض وزيادة منذ عامين بدأ جسمي ينزل لوحده وعندما لاحظت حاولت ان اكمل ذلك بعمل ريجيم ونزلت حتى وصلت الى 65 بعد ان كان وزنى فوق السبعين حوالي 79 وبعد ذلك عندما زدت مرة اخري حوالى اتنين كيلو استخدمت برشام سيدوفاج وبعد ذلك لاحظت اننى ازيد في وزنى ماذا افعل لكى اخس الي 60 كيلو واثبت علي ذلك مع العلم انى وسطي رفيع وعندى جناب والهنش كبير وهما ما أعانى بسببهم ارجو الافادة جزاكم الله خيراً.
==============
رد بص وطل:
الصديقة العزيزة لازم تمشي على ريجيم صحي مع ممارسة التمارين الرياضية وبعد الوصول للوزن المطلوب لابد من عمل نظام تثبيت بأن تحصلي على سعرات توازي المجهود المبذول يوميا وان تراقبي ما تأكلي بعد التوقف عن الريجيم ومن المفترض إنك خلال فترة الريجيم تتعلمي طريقة الأكل الصح وتعودي نفسك عليها ويبقى ده اسلوب حياتك على طول.. صحيح مش معقول إنك هتعيشي طول حياتك تعملي ريجيم أو تتابعي مع دكتوروعلشان تعملي تثبيت لوزنك ففيه أكثر من شكل للتثبيت إما إنك تقللي كميات اكلك يعنى تاكلي كل حاجة لكن بكميات اقل مع الرياضة اليومية المتاحة، والطريقة التانية إنك تعملي توازن يعني لو يوم خرجت مع صحابك وهتاخدي راحتك فى الاكل اليوم اللى بعده تمشى على الريجيم، ولو لخبطي فى الاكل يومين اليومين اللى بعدهم اعملي ريجيم وهكذا.
واهم حاجة إنك توزني نفسك على الاقل مرة كل اسبوعين علشان لو لقيتي نفسك وزنك زاد تقللي فى الوجبات الحرة خلال الاسبوع يعني لو محددة ثلاث وجبات فى الاسبوع قلليهم لوجبه واحده اواتنين ولو بدأتِ تاكلِ قطعتين شيكولاته فى اليوم خليهم قطعه واحده كل يومين وهكذا، ولو لقيت نفسك نازلة على الميزان ممكن تزودي شوية الحاجات اللي بتحبيها ولكن بحدود. مهم جدا مراقبة الوزن عشان ممكن الكيلو يجر كيلو ومن غير ماتشعر هاترجع اللى نقصته بسرعه.
أنا وزني 74 وطولي 172 وعايزة
أنا وزني 74 وطولي 172 وعايزة أخس اعمل ايه يا دكتور وعندي مشكلة البطن وعايزه اعرف ايه هي تمرينات البطن وسني 27 سنه ومتزوجة.
============
رد بص وطل:
الصديقة العزيزة الوزن الصحي المناسب مع طولك يتراوح بين 58 إلى 74 كيلو وهذا يعني أنك في حاجة فقط للحفاظ على كميات أكلك والحصول على سعرات حرارية قليلة.. وبالنسبة لتمرينات البطن فدي ممكن تعمليها في أي جيم أو نادي صحي.
أنا طولى 168 ووزنى 50 فهل
أنا طولى 168 ووزنى 50 فهل وزنى مثالى ام لا وانا عايزة احافظ على وزنى اعمل ايه؟
==============
رد بص وطل:
الوزن الصحي لكي صديقتي العزيزة يتراوح بين 56 إلى 70 كيلو وهذا يعني أنك في حاجة إلى زيادة بعض الكيلوات في وزنك.
أنا طولى حوالى 161 ووزنى 54
أنا طولى حوالى 161 ووزنى 54 وباكل كل حاجة طبيعى جدا يعنى مش بفكر ان ده ممكن يخلينى اتخن او اى حاجة من دى بس خايفة ان كل ده ممكن يكون بيتخزن فى الجسم والاقى نفسى تخنت مرة واحدة زيادة عن اللزوم وانا مش متزوجة وعندى 24 سنة ممكن تجاوبنى هل ده ممكن وهل المفروض احافظ على اكلى من دلوقتى.
================
رد بص وطل:
أكيد لازم نحافظ دايماً على إننا ناكل أكل صحي ونحافظ دايماً على نسبة الدهون اللي بنحصل عليها لكن من غير ما نحرم نفسنا من اي حاجة وكمان لابد من ممارسة التمارين الرياضية حتى لو كانت رياضة المشي علشان نحرق السعرات الحرارية اللي بنحصل عليها خلال اليوم.
السلام عليكم انا وزني كان 148
السلام عليكم انا وزني كان 148 كيلو واصبح 107 وتزوجت وزاد وزني ما يعادل 8 كيلو بعد ثبات لمده 6 اشهر وارغب في خسر وزني الي 60 مع العلم اني العب رياضه وامشي علي نظام غذائي ولكن افشل ماذا افعل.
==========
رد بص وطل:
الصديقة العزيزة لابد من استشارة دكتور متخصص في علاج السمنة علشان يعرف إيه سبب السمنة اللي عندك ويديكي العلاج المناسب لحالتك والنظام الغذائي المناسب.
دكتور لو سمحت انا بجيب لبن
دكتور لو سمحت انا بجيب لبن عادى بدون تخفيف واحط عليه نسكافية زى ما اكون بحط علية سكر هل ده يفقد اللبن قيمته وهل ايضا ده بيقلل من تاثير النسكافية ولا بيبقى زى النسكافية العادى.
===============
رد بص وطل:
مفيش أي مشكلة خالص من اللي إنتي بتعمليه.
لو سمحت يا دكتور انا عايزه
لو سمحت يا دكتور انا عايزه حاجه اخس بيها بسرعه يعني اخس كل اسبوع 5 كيلو انا وزني 150 كيلو وكل ماحد يتقدم لي يقول لي لازم تخسي الاول وعندي اكتئاب علي وزني انا طولي 170 سم اعمل ايه بس عملت ريجيم وخسيت قبل كده 20 كيلو بس بزهق عايزه اخس بسرعه انا عندي 27 سنه ياريت ترد عليا بسرعه لان عندي اكتئاب فظيع.
==============
رد بص وطل:
الصديقة العزيزة لازم يكون عندك إرادة قوية علشان تقدري تخسري وزنك وتوصلي للوزن الصحي وللشكل المناسب لكي وياريت تستشيري دكتور متخصص علشان يديكي الريجيم المناسب لحالتك والدواء المناسب وإن شاء الله قريب جداً هيكون فيه على اخسر وزنك أنظمة غذائية ممكن تمشي عليها وتتابعيها معانا.
انا طولى 170 ووزنى 88 انا
انا طولى 170 ووزنى 88 انا عايزة اخس بس مش عارفة ازاى ياريت اى نظام امشى عليه انا عندى 16 سنة واعمل رياضة اد ايه فى اليوم.
==============
رد بص وطل:
انتظرينا لإن قريب جداً هيكون فيه على اخسر وزنك أنظمة غذائية كويسة جداً ممكن تمشي عليها وبالنسبة للرياضة فعلى الأقل ساعة يومياً.
لو سمحت يا دكتور انا طولي 164
لو سمحت يا دكتور انا طولي 164 ووزني 68 وكان وزني 58 وتخنت 10 كيلو في 6 شهور فجأه ومشكلتي الجزء اللي تحت بيتخن بسرعه جدا وكما جسمي كله طري جدا ولما بخس بطني بتكون رفيعه جدا ومع ذلك بطني وظهري طريين جدا وأفخاذي فيها تنيات كتير عايزه حل عشان اخس وجسمي يتشد شويه ومش بقدر اعمل رياضه بسبب مشاكل في الظهر والركبه اعمل ايه؟! وايه هو وزني المثالي اسفه اني طولت عليكم.
================
رد بص وطل:
الصديقة العزيزة وزنك الصحي المناسب لطولك يتراوح بين 53 إلى 66 كيلو وعلشان توصلي للوزن المناسب ممكن تستعيني بدواء الميريديا ولابد من ممارسة الرياضة حتى ولو كانت رياضة خفيفة ويمكنك الإستعانة بمدرب رياضي متخصص علشان يقول لك على التمارين الرياضية المناسبة لكي.
أنا فتاه عندي 22 سنه طولي 157
أنا فتاه عندي 22 سنه طولي 157 ووزني كان قبل مااخس 75 خسيت والحمد لله بالاصرار والجيم وبقيت 62 فى شهر.. بس وقفت الجيم والدايت لأسباب انشغالي فى الماجيستير بس زدت تلاته كيلو بقيت 65 وحاسه انهم فارقين معايا جدا وعايزه انزلهم بس اهلى مانعين شايفينى كده احلى بس انا الحمد لله جسمى قابل للتخن والدايت فاتمنى الرد وابدا الراى.
==============
رد بص وطل:
الصديقة العزيزة لازم تعرفي إن الوزن الصحي المناسب لطولك يتراوح بين 48 إلى 61 كيلو ولازم دايماً تكوني محافظة على الحدود دي علشان تحافظي على شكلك وعلى صحتك.
انا وزنى 46 كيلو وعندى 16 سنة
انا وزنى 46 كيلو وعندى 16 سنة وعايزة وزنى يزيد شوية واوصل ل55 كيلو او اكتر لحد 60 كيلو وطولى 160 ووزنى مش ماشى مع طولى اعمل ايه رغم ان انا باكل كتير بس مش بيبان عليّ وكان عندى دودة الاميبا بس اتعالجت منها اعمل ايه علشان وزنى يزيد.
=================
رد بص وطل:
الصديقة العزيزة لازم تاكلي أكل صحي ومتوازن وممكن تكثري من الأكلات اللي فيها سعرات حرارية عالية زي الحلاوة والعسل كما يمكنك الاستعانة بدواء الMosegor بعد استبعاد الامراض العضوية.
شكرا على الرد السابق بس ياريت
شكرا على الرد السابق بس ياريت يادكتور تقولنا مجموعة نصائح تخلينا نخس انا وزنى 65 وطولى 164 وعمرى 18 سنة وحضرتك قولت لى خسى 2 او 3 كيلو بس ازاى وانا مقدرش امشى على نظام معين علشان الجامعة.
================
رد بص وطل:
الصديقة العزيزة يجب ان تحتوى الوجبات على سعرات حرارية قليلة حتى اذا كنت فى الجامعة.. فيمكنك مثلا تناول السندويتشات الدايت الموجودة فى الكثير من المحلات الان وممكن تناول فاكهة واذا لم تتمكني من الحصول على مثل هذه الوجبات فعليك تقليل كمية الاكل ذو السعرات الحرارية العالية فى الجامعة على ان تكون باقى الوجبات خضار+ فاكهة+ بروتينات مشوية او مسلوقة وقليل من النشويات.
هاى انا عندى 19 سنه وزنى 69
هاى انا عندى 19 سنه وزنى 69 وطولى 158 سم ايه وزنى الصحى؟! ممكن الرد.
===========
رد بص وطل:
وزنك الصحي يتراوح بين 49 إلى 62 كيلو.
هو ينفع يا دكتور وجبة الفطار
هو ينفع يا دكتور وجبة الفطار مثلا أو العشاء تكون فاكهة بس ولا دي ما تحسبش و يبقى كأني باكل وجبة واحدة بس وهي الغدا؟و لو سمحت ممكن تقولي وزنى المثالي كام...انا طولي 166 و شكرا
==================
رد بص وطل:
الصديقة العزيزة ممكن تكتفي بالفاكهة في وجبة العشاء بس أما وجبة الفطار فممكن تاخدي فيها رغيف بلدى مع فول او جبنة قريش او 2 ملعقة مربى.. وبالنسبة للوزن الصحي المناسب مع طولك فبيتراوح بين 54 إلى 68 كيلو.
انا عندي 18 سنه طولي 157
انا عندي 18 سنه طولي 157 ووزني 46, بحس دائما اني تخينه ولازم اخس, ايه هو الوزن المناسب لي؟
=================
رد بص وطل:
الصديقة العزيزة على العكس تماماً لإن وزنك محتاج يزيد بعض الكيلوات حيث أن الوزن الصحي المناسب مع طولك لابد أن يتراوح بين 49 إلى 61 كيلو.
انا عندى 17 سنة ووزنى 50 كيلو
انا عندى 17 سنة ووزنى 50 كيلو وطولى 158 سم وعايزة دواء أو غذاء علشان اتخن بالرغم إنى تناولت أدوية فاتح شهيه ولكن لا تعمل شىء.
===================
رد بص وطل:
الصديقة العزيزة لازم تعرفي إن وزنك الصحي لابد ان يكون يتراوح بين 49 إلى 62 كيلو وهذا يعني إن وزنك الحالي صحي ومناسب مع طولك.. ولو كنتي عايزة تزودي من وزنك شوية ممكن تاكلي الحاجات اللي فيها سعرات حرارية عالية زي الحلاوة والعسل وغيرها ده بجانب ممارسة التمارين الرياضية لبناء الجسم.
يا دكتور انا عايزة وزنى يزيد
يا دكتور انا عايزة وزنى يزيد انا طولى 164 ووزنى 53 عايزة ازيد انا عندى 21 سنة بليز ساعدنى.
==================
رد بص وطل:
الصديقة العزيزة لازم تعرفي إن وزنك الصحي يتراوح بين 53 إلى 67 كيلو ولو كنتي عايزة تزودي من وزنك شوية ممكن تاكلي الحاجات اللي فيها سعرات حرارية عالية زي الحلاوة والعسل وغيرها ده بجانب ممارسة التمارين الرياضية لبناء الجسم.
السلام عليــكم.. أنا بجـد يا
السلام عليــكم.. أنا بجـد يا دكتور بشكرك جداا, أنا عندي 17 سنه والسنه اللي فاتت كان وزني 86 كيلو وعملت رجيم مع دكتور و كنت باخد دواء (slimax 10) و معاه اتنين كمان مش فاكره اسمهم :) وخسيت جدا ووصلت لاقل من 70 كيلو وكان وزني ممتاز بالنسبه لطولي.. لكن حصلت مشاكل نفسيه ورجعت اكتر من الاول ودلوقتي انا 95 كيلو وجاتني صدمه اما عرفت كده ايه احسـن دايت ممكن اعرف اخس بيه انا طولي 173 سم وبالنسبه للدواء ده ممكن استخدمه تاني؟؟ مش عندي اي مشاكل صحيه؟؟ شكـــــرااا وممكن حضرتك تقول لي علي مده ممكن اوصل بيها ل 69 او 70 كيلو؟؟ شكرررا.
============
رد بص وطل:
الصديقة العزيزة عليك باستشارة دكتور متخصص ليعطيكي النظام الغذائي المناسب والدواء الل ذكرتيه كويس جداً ولكن لازم يكون تحت إشراف طبي وياريت تتابعينا لإن قريب جداً هيكون معانا أنظمة غذائية ممكن تمشي عليها.
انا عندى 19 وطولى 195 ووزنى
انا عندى 19 وطولى 195 ووزنى 136 كنت بمارس الرياضه وجسمى كان عضل كله حصل ظروف امتنعت عن ممارسه الرياضه ونزل كله بترهلات بس فى بعض المناطق مثل الصدر والفخد وماعنديش وقت للجيم او الرجوع للرياضه اعمل ايه أرجو الرد سريعا.. شكراً.
================
رد بص وطل:
الصديق العزيز يمكنك اللجوء لعمليات التجميل وإن كانت ممارسة الرياضة أكثر فائدة وصحة للجسم.
i'm 22 years w my weight is
i'm 22 years w my weight is 58 w height 160 da kwessa wla m7taga a2ell zyada?
==============
رد بص وطل:
وزنك الحالي مناسب جداً مع طولك.
أنا أم عندى 24 سنة طولى 165
أنا أم عندى 24 سنة طولى 165 ووزنى 70 كنت خسيت لحد 65 لكن حاليا بخاف اخس لان وجهى بيخس بطريقة غريبة وصدرى ايضا مع العلم إن صدرى أصلا مش كبير وبالعب رياضة مش عارفة اعمل ايه؟
==============
رد بص وطل:
الصديقة العزيزة عليك باتباع ريجيم صحي ومتوازن ويكون تحت إشراف دكتور متخصص وعلشان وشك ماينزلش أثناء عمل الريجيم عليك بشرب ميه كتير والنوم فترات كافية ويمكنك عمل علاج بالMULTIVITAMIN .
من فضلك يا دكتور انا عندي
من فضلك يا دكتور انا عندي منطقة الجناب هي المشكلة أنا طولي 174 ووزنى 79 كجم ونفسي اخس اوى من سنتين خسيت وجنابي نزلت بس كانت حاله نفسيه وكنت بعمل مجهود ورجعت تخنت تانى بس مش عارفه اخس وتعبت اوى ونفسي اعمل حاجه ممكن تساعدنى سمر.
==================
رد بص وطل:
الصديقة العزيزة عليكي اتباع ريجيم صحي متوازن مع ممارسة الرياضة حتى ولو كانت رياضة المشي لمدة ساعة يومياً.
شكرا يا دكتور ولو سمحت ممكن
شكرا يا دكتور ولو سمحت ممكن حضرتك تعمل لنا نظام كويس وبحيث نقدر ننزل عليه ونتشجع نكمل من غير لما نزهق وانا عندي 20 سنة فلو خدت ادويه مثلا تساعدنى بجانب الرجيم ده غلط ولا لا وممكن اخد ادويه زى ايه الميريديا ولا ايه الحضرتك تنصحنى بيه لان بجد نفسي اخس اوى اوى.
==============
رد بص وطل:
الصديقة العزيزة إن شاء الله قريب جداً هيكون فيه أنظمة غذائية على موقع بص وطل، وبالنسبة لدواء الميريديا فهو دواء جيد جداً ولكن لابد من التأكد من عدم وجود اي موانع طبية.
أنا وزني 64 كيلو وطولى 160
أنا وزني 64 كيلو وطولى 160 وسني 26 سنه وجسمي تقريبا مابيحرقش خالص جربت ريجيمات كتير ومش بخس أعمل ايه؟!
==============
رد بص وطل:
الصديقة العزيزة لازم تعرفي إن الوزن الصحي المناسب مع طولك يتراوح بين 50 إلى 64 كيلو يعني يعني إنتي لسه في الحدود الصحية المسموح بها لوزنك لكن لو عايزة تقللي وزنك شوية كمان لازم تمارسي رياضة حتى ولو كانت رياضة بسيطة زي رياضة المشي مع اتباع ريجيم صحي ومتوازن وممكن تساعدي جسمك بالدواء زي الميريديا لزيادة معدل الحرق ولكن لازم يكون تحت إشراف طبي وبعد التأكد من عدم وجود اي موانع طبية.
أنا عندى 27 سنة ووزنى 95
أنا عندى 27 سنة ووزنى 95 وطولى 159 وعايزة نظام ريجيم او اى طريقة لتقليل الوزن شكرا.
=====================
رد بص وطل:
الصديقة العزيزة عليكي باستشارة دكتور متخصص في السمنة لمعرفة سبب السمنة اللي عندك بعد إجراء بعض التحاليل وأخذ النظام الغذائي والدواء المناسب لكي إلى جانب ممارسة التمارين الرياضية بانتظام حتى ولو كانت المشي كل يوم لمدة ساعة.
أنا عندى 45 سنة ووزنى 140
أنا عندى 45 سنة ووزنى 140 وطولى 167 وعايزة اى طريقة اخس بيها مع العلم انى عندى خشونة فى الركبتين وما بقدرش اعمل رياضة.
===============
رد بص وطل:
الصديق العزيز لابد من استشارة دكتور متخصص لعمل التحاليل اللازمة ومعرفة سبب السمنة اللي عندك وبالتالي إعطاؤك الدواء والنظام الغذائي المناسب لحالتك.
زوجتى طولها 150 سم ووزنها 95
زوجتى طولها 150 سم ووزنها 95 كجم وعندها اليوريك اسيد عالى وركبتها الشمال تؤلمها جدا ولاتستطيع الرياضة وعاوزه تنزل وزنها هل يوجد حل لها ولسيادتكم جزيل الشكر.
==================
رد بص وطل:
الصديق العزيز لابد من عرض زوجتك على دكتور متخصص في علاج السمنة لعمل التحاليل اللازمة وإعطاؤها الريجيم الصحي المناسب مع حالتها الصحية.
انا وزنى 77 كيلو وطولى حوالى
انا وزنى 77 كيلو وطولى حوالى 165 وانا نفسى اخس ومش عندى وقت اروح جيم او اعمل رياضه وباخد برشام اورليستات هو ممكن يساعدنى انى اخس ولا لأ لانى عندى بطن عاليه جدا لو البرشام مش حلو ممكن اخد ايه بداله؟؟؟
=================
رد بص وطل:
الصديقة العزيزة دواء أورليستات كويس وممكن تستعمليه لكن بالنسبة لمشكلة البطن فدي لازم تمارسي تمارين رياضية علشان تنزليها.
أرجو الرد انا عندى 15 سنة
أرجو الرد انا عندى 15 سنة طولى164 سم وزنى 80 كيلو عايزة اخس وخصوصا منطقة البطن والمشكلة ان وزنى بينزل بصعوبة.
================
رد بص وطل:
الصديقة العزيزة لابد من اتباع ريجيم صحي تحت إشراف دكتور متخصص ويمكنك الإستعانة ببعض الأدوية اللي بتساعد على زيادة معدل الحرق وعدم الإحساس بالجوع زي دواء الميريديا في حالة عدم وجود اي موانع طبية.. إلى جانب ممارسة التمارين الرياضية بانتظام.
لوسمحت انا طولى 164 ووزنى 65
لوسمحت انا طولى 164 ووزنى 65 وسنى 18 سنة هل يا ترى وزنى ده كويس؟!
==============
رد بص وطل:
وزنك الحالي صحي لكن إنتي لازم تحافظي عليه ولو نزلتي 2 أو 3 كيلو هيكون أفضل لإن وزنك الصحي يتراوح بين 53 إلى 67 كيلو.
انا طولى 172 ووزنى 61 وعندى
انا طولى 172 ووزنى 61 وعندى 23 سنه وحاسه ان جسمى مش مناسب مع طولى وسنى عايزة ازيد لحد 70 بس وبشبع بسرعة جدا ومش بقدر اكل أكل دسم مش بجوع بسرعة عايزة اكلات تزود من وزنى.
==============
رد بص وطل:
الصديقة العزيزة لازم تعرفي إن وزنك الحالي صحي جداً ومناسب معاكي ومش ممحتاجة تزيدي خالص.
هل يا دكتور شرب كوب من الماء
هل يا دكتور شرب كوب من الماء المغلي وعليه نص ليمونه علي الريق بيساعد علي ازاله الكرش مع الانتظام؟؟؟
==============
رد بص وطل:
الصديقة العزيزة لازم تعرفي إن كثرة الماء مفيدة في التخسيس سواء سخنة أو باردة أو بالليمون أو بدون ليمون.. والليمون مفيد صحياً ومابيسببش اي مشكلة لو أخذناه على معدة مليانة وتكوني أصلا مش بتعاني من مشاكل في المعده.
طيب كنت عايزة اعرف يا دكتور
طيب كنت عايزة اعرف يا دكتور هو لازم امشى كل يوم وامشى اد ايه من الوقت؟!
==============
رد بص وطل:
ممكن تمشي كل يوم نص ساعة على الأقل.
السلام عليكم ورحمة الله
السلام عليكم ورحمة الله وبركاته انا عندى 22 سنة وطولى 150 ووزنى الحالى 58 انا كنت الاول ثابتة على 53 كيلو وبعد كده كنت باخد علاج طبيعى علشان ظهرى واتمنعت من لعب الجيم والمشى فترة طويلة والدكتور نصحنى انى ما احاولش اتخن باى شكل انا كمان اللى زود وزنى انى لما قعدت فى البيت لما كنت بتضايق كنت باكل عسل اسود بجوز الهند وهو ده اللى زودنى 3 كيلو فى اسبوعين ومش عارفة انزل وزنى تانى انا دلوقتى بلعب سباحة كنوع من العلاج الطبيعى وانا اعرف ان السباحة بتخسس ازاى اخس وانا بلعب سباحة معلش سؤال تانى انا لما كنت بلعب جيم كان جسمى بيزيد ممكن اعرف ليه؟ وشكرا.
=============
رد بص وطل:
الصديقة العزيزة ممارسة رياضة السباحة أكيد هتساعدك في إنقاص وزنك مع المواظبة واتباع ريجيم صحي.. أما بالنسبة لسؤالك عن زيادة وزنك رغم ممارسة الرياضة لإن هناك بعض التمرينات اللى ممكن تربى عضلات او بتبنى الجسم بشكل معين وفى الحالة دي الوزن على الميزان قد يزيد حسب نوع الرياضة.
شكرا يادكتور على اجابتك
شكرا يادكتور على اجابتك السريعه لسؤالى السابق بس لو سمحت عندى سؤال اخر هو المشى يوميا لمده ساعه هيشد الجسم ويساعد على منع الترهلات ولا في حلول اخرى لشدها وهل المشى فعلا بيضبط منطقه الارداف ويخليها ما تكونش بارزه.
==============
رد بص وطل:
فعلاً رياضة المشي بتساعد على شد الجسم ومنع الترهلات وبيظبط الجسم كله.
أنا عندى 18سنة وزنى 68
أنا عندى 18سنة وزنى 68 والطول154 وعندى كرش نفسى فى حاجة تخسس الكرش
من غير جسمى ما يخس.
==============
رد بص وطل:
الصديق العزيز إنت في حاجة لإنقاص وزنك علماً بأن الوزن الصحي المناسب مع طولك يتراوح بين 47 إلى 59 كيلو وبالتالي لابد من اتباع ريجيم صحي تحت إشراف دكتور متخصص مع ممارسة التمارين الرياضية الخاصة بشد عضلات البطن للتخلص من مشكلة الكرش.
وكمان عندى مشكلة مضايقانى جدا
وكمان عندى مشكلة مضايقانى جدا جدا عندى بطن ومش عارفة البس لبسى خالص منها اعمل ايه علشان تنزل وبرده من غير تمارين؟
=============
رد بص وطل:
المشكلة دي لها حلان إما ممارسة التمارين الرياضية ودي بتاخد شوية وقت لكن لها آثار صحية جداً على الجسم.. والحل التاني هو اللجوء لعمليات التجميل وشفط الدهون.
انا طولى 165 ووزنى 60 كيلو
انا طولى 165 ووزنى 60 كيلو انا مدايقة جدا لانى بتخن بطريقة سريعة ده طبعا من وجهة نظرى بس نفسى ارجع 55 كيلو اوى اعمل ايه مع العلم انى داخله على الامتحانات يعنى مفيش وقت للتمارين والمشى يا ريت الرد بسرعة انا بتعذب.
===============
رد بص وطل:
الصديقة العزيزة لازم تعرفي إن وزنك الحالي ده صحي جداً لإن الوزن المناسب مع طولك يتراوح بين 54 إلى 68 كيلو وعلشان وزنك مايزيدش فياريت تاكلي خضار طازة كتير زي الخس والخيار علشان ماتشعريش بالجوع.
انا مشكلتى غريبة شوية انا مش
انا مشكلتى غريبة شوية انا مش باكل كتير يعنى ممكن وجبة فى اليوم بالعافية وفيه ايام مش باكل اى وجبات زى فطار او غداء او عشاء يعنى اى حاجة صغيرة جدا ومباكلش بعدها حتى لو جعت ده مش ريجيم بس انا بجد ما بيبقاش ليا نفس اكل وعندى انيميا ورحت لدكتور كتب لى على فاتح شهية وبعد ما خلص رجعت تانى انى ما اكلش وعندى مشاكل كتيرة زى شعرى اللى بيقع ووجهى اللى على طول اصفر وغيرها وعلى الرغم من كده بتخن ممكن يكون بسبب انى بقعد فى البيت كتير ومش بخرج الا قليل ومش بعمل مجهود كتير انا عندى 20 سنة وعايزة نظام غذائى كويس امشى عليه وحاجة لشعرى اللى اصبح خفيف جدا
واسفة انى طولت على حضرتك.
===============
رد بص وطل:
الصديقة العزيزة ليس معنى الامتناع عن الاكل طول النهار ان احنا نخس المشكلة .. عشان نخس لازم ناكل الثلاث وجبات فى اليوم عشان نظام الحرق فى الجسم يشتغل صح ...لأن عدم الاكل طول النهار او عدم الالتزام ثلاث وجبات معناه ان الجسم يبدا يشعر انه فى مجاعه فيقاوم فقد الدهون وهى غريزة اوجدها الله فى الجسم حتى يحافظ على بقاءه ويقاوم الفناء
بالاضافة الى ان الاشخاص اللى بياخروا وجبه الغداء حتى وقت النوم بيكونوا عرضه اكتر لزيادة الوزن لان السعرات الحرارية الموجودة فى الاكل هاتتحول الى دهون وتتخزن فى الجسم ولن يكون هناك فرصة لحرقها وبالتالى بيكون صعب حرقها..
وبالتالي عليكي تنظيم أكلك والحصول على الثلاث وجبات اثناء اليوم مع ممارسة التمارين الرياضية ولابد من استشارة طبيب متخصص لعلاج مشكلة الأنيميا وإعطاؤك نظام غذائي مناسب مع حالتك الصحية.
انا بنت عندي 18 سنة وجسمي
انا بنت عندي 18 سنة وجسمي مظبوط لكن منطقة البطن والوسط هي اللي بها دهون وعاوزة اعرف طريقة سهلة انا بمشي كتير جدا وبتحرك كتير لكن حاسه اني مش بخس بجد عاوزة ابقي جسمي متناسق اعرف البس اللي عاوزاه حتي فساتين السواريه كموديل.
===============
رد بص وطل:
الصديقة العزيزة يمكنك ممارسة التمارين الرياضية الخاصة بشد عضلات البطن تحت إشراف مدرب رياضي متخصص أو يمكنك اللجوء لعمليات التجميل وشفط الدهون.
دكتور انا بقالى شهرين بروح
دكتور انا بقالى شهرين بروح الجيم ووزنى بينزل ببطء انا وزنى 69 وطولى 164 وانا بنزل بس ببطء وتابعت مع دكتوره وباخد برشام ونظام اكل بس بحس اللي بيخس هو الجزء العلوى وانا رفيعه من فوق ومليانه من تحت فى حاجه اعملها تنزلنى من تحت بس ووشى بدأ ينزل فى حاجه تخلى وشى يرجع زى الاول ارجو من حضرتك الرد شكرا.
=================
رد بص وطل:
الصديقة العزيزة مع الإشراف طبي والصبر والمواظبة هتوصلي للوزن اللي إنتي عايزاه بسرعة وبالنسبة لمشكلة السمنةالموضعية في أحد مناطق الجسم فدي حلها هو المواظبة على ممارسة التمارين الرياضية وعلشان الوش مايخسش أثناء عمل الريجيم عليك بشرب ميه كتير والنوم فترات كافية ويمكنك عمل علاج بالMULTIVITAMIN
انا عندى 17 سنه وبخس ببطء اوى
انا عندى 17 سنه وبخس ببطء اوى كنت عاوزه اعرف اسم دواء يزيد من الحرق ومايكونش ليه اثار جانبيه ارجو الرد.
==============
رد بص وطل:
الصديقة العزيزة ممكن تستعملي دواء الميريديا لإنه بيساعد على رفع معدل الحرق فى الجسم وإسراع الإحساس بالشبع وهو دواء امن مالم تتواجد اى موانع للاستعمال ومادام تحت اشراف الطبيب المتخصص.
انا وزنى 73 وطولى 160 وعندى
انا وزنى 73 وطولى 160 وعندى 17 سنة.. المشكلة انا عملت ريجيم قبل كده وكنت اقل فى الوزن، لكن كنت بلعب رياضة فكنت بخس. ودلوقتى انا بطلت رياضة علشان ماعنديش وقت وبمشى على ريجيم وبخس بمعدل بطئ جدا (200 جم/اسبوع)وعايزة اخس بسرعة او بمعدل ملحوظ.
=================
رد بص وطل:
الصديقة العزيزة ممكن تستعيني بدواء زي الميريديا اللي بيساعد على زيادة معدل الحرق وإسراع الإحساس بالشبع وهو دواء آمن ما لم تتواجد اي موانع طبية ولكن لابد من ممارسة الرياضة حتى لو كانت رياضة بسيطة زي المشي أو طلوع السلم.
انا وزنى 63 وطولى 164 بس انا
انا وزنى 63 وطولى 164 بس انا عايزه اخس لغايه 56 فهل يكفى امشى كل يوم ساعه ولا لازم كمان نظام غدائى.
==============
رد بص وطل:
الصديقة العزيزة وزنك الحالي صحي.. ولكن لو عايزة تقللي وزنك حاولي إنك تقللي كميات أكلك شوية وتاكلي خضار طازة زي الخس والخيار علشان تزودي احساسك بالشبع وطبعاً المشي لمدة ساعة كل يوم هيساعدك جداً في تقليل وزنك.
