السلام عليكم أنا عندي مشكلة ومش عارفة أوصل فيها لحل يا ريت ألاقي حل عندكم لأني بصراحة تعبت.. أنا عندي 23 وطولي 155 ووزنى يعني لما زاد بالعافية وصل 40 وعلطول ثابت على 38 و39 ورحت لدكاترة كتير، منهم قال العبي رياضة ومنهم من عمل لي فاتح للشهية، وعملت تحاليل وقالوا لي مافيش عندي حاجة. قلت لهم أروح لدكاترة غدد قالوا إنهم بيضحكوا على الناس والرياضة طبعا مش متاحة لي إني أروح جيم طيب أعمل إيه بجد أنا زهقت لأن جسمي مش بيتغير وثابت أنا آسفة على الإطالة ويا ريت ألاقي حل يريحني.
الصديقة العزيزة..
لو التحاليل والكشوفات أثبتت إن مافيش مشكلة عضوية عندك.. يبقى أحسن حل هو إنك تزوّدي في كميات الأكل وتاخدي خمس وجبات في اليوم، وتدخلي في أكلك الحاجات اللي فيها سعرات حرارية عالية زي الحلاوة والعسل وغيرها ده بجانب ممارسة التمارين الرياضية لبناء الجسم.. ولازم يكون عندك إرادة وصبر وتعرفي إنك لو زدتي كيلو أو اثنين في الشهر فده معدل كويس جداً.
أنا عندي سؤال لدكتور محمد وهو إني عندي السكر وعمري 23 طولي 160 ووزني 78.. وعندي سكر نوع 1.. أنا بقالي 3 أسابيع باعمل ريجيم المفروض إني في الفترة دي أخس 7 كيلو بس أنا مش خسيت غير 4 كيلو بس.. أنا باخد كمان أورليستات هو المفروض بيعمل steatorrhea بس مش بيعمل معايا كده.. مش عارفة بقى هو طبيعة جسمي كده.. ولا ده بسبب السكر.. والمفروض المعدل للنزول الطبيعي لمريض السكر بالنظام اللي ماشية عليه يبقى إيه؟
الصديقة العزيزة..
يمكنك اتباع ريجيمات عادية مع إضافة 1/2 رغيف بلدي لكل وجبة وفاكهة بعد الوجبة بثلاث ساعات مع ممارسة الرياضة ويمكن الاستعانة بدواء ميريديا.
وللعلم مع العلاج بالأنسولين معدل التخسيس يكون عادةً 2-4 كيلو في الشهر وليس من الممكن إنه يكون 7 كيلو؛ لأن بكده المعدل هيكون أسرع من العادي.
انا طولى 170 عملت ريجيم كتير
انا طولى 170 عملت ريجيم كتير جدا بنزل واوصل ل75 واقف بس انا كدة كويس عندى مشكلة واحدة انى مش بعرف اثبت على الوزن ده حاليا بقيب 79 وخايفة ازيد اكتر نفسي فى حل اثبت بيه وزنى عن طريق دواء او اى شئ.
===============
رد بص وطل:
الصديقة العزيزة التثبيت هو ببساطة إنك تحصلي على سعرات توازي المجهود المبذول يوميا وانك تراقبي ما تأكلي بعد التوقف عن الريجيم ومن المفترض إنك خلال فترة الريجيم تتعلمي طريقة الأكل الصح وتعودي نفسك عليها ويبقى ده اسلوب حياتك على طول.. صحيح مش معقول إنك هتعيشي طول حياتك تعملي ريجيم أو تتابعي مع دكتور وعلشان تعملي تثبيت لوزنك ففيه أكثر من شكل للتثبيت إما إنك تقللي كميات أكلك يعنى تاكلي كل حاجة لكن بكميات اقل مع الرياضة اليومية المتاحة، والطريقة التانية إنك تعملي توازن يعني لو يوم خرجت مع صحابك وهتاخدي راحتك فى الاكل اليوم اللى بعده تمشى على الريجيم، ولو لخبطي فى الاكل يومين اليومين اللى بعدهم اعملي ريجيم وهكذا.
واهم حاجة إنك توزني نفسك على الاقل مرة كل اسبوعين علشان لو لقيتي نفسك وزنك زاد تقللي فى الوجبات الحرة خلال الاسبوع يعني لو محددة ثلاث وجبات فى الاسبوع قلليهم لوجبه واحده او اتنين ولو بدأتِ تاكلِ قطعتين شيكولاته فى اليوم خليهم قطعه واحده كل يومين وهكذا، ولو لقيت نفسك نازلة على الميزان ممكن تزودي شوية الحاجات اللي بتحبيها ولكن بحدود..أهم حاجة مراقبة الوزن علشان ممكن الكيلو يجر كيلو.
ولابد ان ناخذ فى الاعتبار ان التثبيت بيختلف من شخص لآخر حسب طبيعه النشاط وكمان طبيعه الحالة المزاجيه فى ناس بتحب تاكل لما تشبع فى هذه الحالة عند التثبيت بنحاول نكتر من الاكل اللى بيشعرنا بالامتلاء زى السلطة والفاكهه اكتر من الانواع الاخرى ولو بنحب الحلويات نقلل من الكميات وهكذا بعد فترة كل واحد بيعرف طبيعة جسمه واستجاباته والفيصل هو وزنك على الميزان.
السلام عليكم انا عندى مشكلة
السلام عليكم انا عندى مشكلة انا عندى 20 سنة وزنى 74 وزنى وعايزة اخس باى طريقة وقرفانة من نفسى بجد ياريت حل بأقصى سرعة عندك.
============
رد بص وطل:
صديقتنا العزيزة ياريت تبعتي لنا طولك بالظبط علشان نقدر نحدد إذا كنتي بتعاني من السمنة أم لا وعموماً علشان تقدري تخسري وزنك لازم تتبعي نظام ريجيم صحي مع ممارسة التمارين الرياضية.
السلام عليكم انا وزنى كان 101
السلام عليكم انا وزنى كان 101 واصبح 80 كيلو كنت ماشية مع دكتور وبعد كده جات لى حاله زهق مع انى لسه معدلى انى اوصل 73 كيلو طيب اعمل ايه علشان اكمل واشيل الملل ده من عندى عاوزه اخلص واثبت وزنى علما بان طولى 168سم دلوقتى بدات ازيد بقيت 83 ارجوك يا دكتور عاوزه طريقه سهله ومشكلتى إنى بزيد من فوق بس.
=================
رد بص وطل:
صديقتنا العزيزة لازم يكون عندك الإرادة والعزيمة علشان توصلي للوزن المناسب وممكن تغيري الريجيم بالإضافة إلى ممارسة التمارين الرياضية ويمكنك الإستعانة بدواء الميريديا ما لم تتواجد أي موانع طبية من استعماله ومادام تحت إشراف طبي.
لو سمحت يا دكتور انا عندى 22
لو سمحت يا دكتور انا عندى 22 سنة ومش متزوجة وكنت عملت دايت ونزلت من 87 كيلو ل 70 كيلو دلوقتى يعنى يعتبر فى الوزن المثالى بس لسه عندى اماكن ماخستش منها بطنى ودى اكبر ازمة والدكتور نصحنى بكريم موضعى اسمه violin كنت عايزة اسأل حضرتك عنه ياترى هو كويس ولا ممكن يضرنى وليه اى آثار جانبية؟؟
==============
رد بص وطل:
الصديقة العزيزة لا توجد كريمات تخسيس عليها دراسات تؤكد أنها آمنة على المدى الطويل وحتى لو أعطت نتيجة تكون مؤقتة.
طب والحل يا دكتور حضرتك
طب والحل يا دكتور حضرتك تنصحنى بايه؟؟
===========
رد بص وطل:
الحل هو ممارسة التمارين الرياضية الخاصة بشد عضلات البطن هو صحيح الطريقة دي بتاخد وقت طويل شوية لكن هي أكثر صحة للجسم كله.
السلام عليكم انا طولي 164
السلام عليكم انا طولي 164 ووزنى 66 عاوزة اعرف وزنى المثالي واحافظ عليه.
============
رد بص وطل:
الوزن المثالي لطولك يتراوح بين 53 إلى 67.
أنا طولى 160 سم ووزنى 80 ك
أنا طولى 160 سم ووزنى 80 ك وعاوزه اخس بسرعه جداً عشان جسمى ده مسبب لى اكتئاب وكمان انا مش باكل كتير بس الشيبسيات والكانز وكده دى حاجة عندى أساسية.. أرجو الرد.
============
رد بص وطل:
الصديقة العزيزة لازم يكون عندك إرادة قوية وتمنعي الحاجات اللي بتزود الوزن وممكن إنك توقفيها تدريجياً أو تستعملي بدائلها الدايت مع اتباع ريجيم صحي تحت إشراف دكتور متخصص.
السلام عليكم.. انا مشكلتي ان
السلام عليكم.. انا مشكلتي ان منطقة الهانش عاليه جدا اعمل ايه غير ان شغلي يتطلب اني قاعد طول الوقت.
============
رد بص وطل:
ممارسة الرياضة هي الحل الامثل أو يمكنك اللجوء لعمليات التجميل وإن كانت الرياضة أكثر صحة وفائدة للجسم.
السلام عليكم يا دكتور أنا
السلام عليكم يا دكتور أنا عندي 28 سنة وطولى 168 ووزنه 66 بزيد اكتر ما بخس ونفسى اثبت وانا بستعمل حبوب للتنظيم اسمها ياسمينا انا سمعت انها بتعمل ميه تحت الجلد انا استعملت شريط واحد وحاسة بزيادة بس بسيطة اوى ابطله ولا هو كويس والميريديا ممكن استعمله للتثبيت.
==============
رد بص وطل:
صديقتنا العزيزة ياريت ماتستعمليش أي دواء إلا تحت إشراف طبي وبالنسبة لدواء الميريديا فهو دواء كويس وآمن ما لم تتواجد موانع طبية من استعماله وعلشان تعملي تثبيت للوزن ففيه أكثر من شكل للتثبيت إما إنك تقللي كميات اكلك يعنى تاكلي كل حاجة لكن بكميات اقل مع الرياضة اليومية المتاحة، والطريقة التانية إنك تعملي توازن يعني لو يوم خرجت مع صحابك وهتاخدي راحتك فى الاكل اليوم اللى بعده تمشى على الريجيم، ولو لخبطي فى الاكل يومين اليومين اللى بعدهم اعملي ريجيم وهكذا، واهم حاجة إنك توزني نفسك على الاقل مرة كل اسبوعين علشان لو لقيتي نفسك وزنك زاد تقللي فى الوجبات الحرة خلال الاسبوع يعني لو محددة ثلاث وجبات فى الاسبوع قلليهم لوجبه واحده او اتنين ولو بدأتِ تاكلِ قطعتين شيكولاته فى اليوم خليهم قطعه واحده كل يومين وهكذا، ولو لقيت نفسك نازلة على الميزان ممكن تزودي شوية الحاجات اللي بتحبيها ولكن بحدود، ومهم جدا مراقبة الوزن عشان ممكن الكيلو يجر كيلو ومن غير ماتشعر هاترجع اللى نقصته بسرعه .
ولابد ان تاخذي فى الاعتبار ان التثبيت بيختلف من شخص لآخر حسب طبيعه النشاط وكمان طبيعه الحالة المزاجيه لإن فى ناس بتحب تاكل لما تشبع فى هذه الحالة عند التثبيت اكتر من الاكل اللى بيشعرنى بالامتلاء زى السلطة والفاكهه اكتر من الانواع الاخرى لو بحب الحلويات اقلل من الكميات عشان احصل على قطعه شيكولاته وهكذا بعد فترة كل واحد بيعرف طبيعة جسمه واستجاباته والفيصل هو وزنك على الميزان.
السلام عليك انا مختلفه عن كل
السلام عليك انا مختلفه عن كل الناس دى انا مشكلتى هى النحافه وجربت حاجات كتير منفعتش ومشيت مع دكتور تغذيه ومفيش فايده ياريت تقولى على حاجه تساعدنى.
============
رد بص وطل:
صديقتنا العزيزة ياريت تستمري في المتابعة مع دكتور ولازم تعرفي إن علاج النحافة بياخد وقت اكبر من السمنة لإن بناء الجسم اصعب بكتير من هدمه يعني لو زدتي كيلو واحد في الشهر فده يعتبر إنجاز.. وممكن تستعيني بدواء Mosegor بعد استبعاد الامراض العضوية.
السلام عليكم لو سمحت يا دكتور
السلام عليكم لو سمحت يا دكتور انا جسمى كله متناسق بس عند منطقة البطن كبيرة شوية ممكن حضرتك تقول لى على طريقة ريجيم للبطن ولك جزيل الشكر.
===========
رد بص وطل:
الصديقة العزيزة للأسف مفيش ريجيم لمناطق معينة في الجسم وأفضل حل للمشكلة دي هو ممارسة التمارين الرياضية وحتى لو الطريقة دي بتاخد وقت طويل شوية ولكنها أكثر صحة للجسم كله.
ازيك يا دكتور انا وزنى 80
ازيك يا دكتور انا وزنى 80 كيلو وطولي 160 انا عندي ميه زياده فى جسمى وجسمى طرى جدا وبخس بصعوبه جدا وبعمل الريجيم بخس فى وقت طويل ممكن اوزن اجد ان النزول حوالى كيلو نص بس وده حاجه بتخنقنى وكان لازم عليه اكل خضار بالاسبوع وزبادى بالاسبوع علشان احس بنزول أما لو مشيت على نظام عادي ومتوازن مش بخس بكون ثابتة وشكرا.
================
رد بص وطل:
الصديقة العزيزة يمكنك الإستعانة بدواء الميريديا وهو دواء آمن ويساعد على سرعة الحرق وسرعة الإحساس بالشبع ولكن يجب التأكد من عدم وجود أي موانع طبية ولازم يكون تحت إشراف طبي.
السلام عليكم ورحمه الله
السلام عليكم ورحمه الله وبركاته انا عندي استفسار من حضرتك يا دكتور انا وزني 95 وطولي 170 كنت عايز دايت امشي عليه مع العلم اني بشتغل من 9 الصبح ل9 بالليل ومش باكل في البيت ومش عارفه اعمل ايه ياريت حضرتك تعرفني نظام اقدر امشي عليه وانا بشتغل ولحضرتك جزيل الشكر.
==============
رد بص وطل:
صديقتي العزيزة ياريت تتابعينا لإن قريب هيكون فيه على الموقع أنظمة غذائية صحية ممكن تختاري اللي يناسبك منها.
إزيك يا دكتور انا شايفه ان فى
إزيك يا دكتور انا شايفه ان فى وسائل كتير للريجيم وأنظمة مختلفة ممكن ريجيم الواحد يعمله وهو فى البيت مع الرياضه مع العلم انى وزنى 78 وطولى 162 وعايز فعلا امشى على ريجيم واخس بجد نفسى اعمل ريجيم بس يكون نظامه حلو وبسيط يساعدنى انى اخس ممكن حضرتك تقول لى بس مش عايزة يكون ليه اثار جانبيه زى الهبوط والصداع.
===============
رد بص وطل:
طيب ياريت تتابعنا وإن شاء الله قريب جداً هتلاقي كل اللي إنت عايزه.
انا وزنى 80 كيلو انا مش باكل
انا وزنى 80 كيلو انا مش باكل كتير وفى ايام مابكلش اصلا مش عارف اعمل ايه طولى سم 184
==============
رد بص وطل:
الصديق العزيز إن وزنك الحالي صحي جداً ومش محتاج إنك تخس عدد كيلوات كتير وكمان لازم تعرف إنه ليس معنى الامتناع عن الاكل طول النهار ان احنا نخس وعلشان نخس لازم ناكل الثلاث وجبات فى اليوم عشان نظام الحرق فى الجسم يشتغل صح ...لأن عدم الاكل طول النهار او عدم الالتزام ثلاث وجبات معناه ان الجسم يبدا يشعر انه فى مجاعه فيقاوم فقد الدهون وهى غريزة اوجدها الله فى الجسم حتى يحافظ على بقاءه ويقاوم الفناء بالاضافة الى ان الاشخاص اللى بياخروا وجبه الغداء حتى وقت النوم بيكونوا عرضه اكتر لزيادة الوزن لان السعرات الحرارية الموجودة فى الاكل هاتتحول الى دهون وتتخزن فى الجسم ولن يكون هناك فرصة لحرقها وبالتالى بيكون صعب حرقها.
السلام عليكم ورحمة الله
السلام عليكم ورحمة الله وبركاته.. انا عندى 22 سنة طولى 166 ووزنى بين 79و80 جربت ريجيم كتير ورياضة وزنى ثابت بدات اجرب دواء سيبوتريم 15 لقيته بيعمل نتيجة معقولة احب اعرف ايه اثار الدواء ده وهل هى ضار ام لا؟
==============
رد بص وطل:
الصديقة العزيزة الدواء ده كويس وآمن لكن بعد التأكد من عدم وجود اي موانع طبية من استخدامه وطبعاً لازم تستخدميه إلى جانب اتباع ريجيم وممارسة الرياضة.
السلام عليكم ورحمة الله
السلام عليكم ورحمة الله وبركاته.. أنا عندي 32 سنة ووزني تقريبا 115 كيلو وطولي 159 سم انا طول عمري وانا جسمى مليان لكن كل لما اكبر فى السن وزنى بيزيد ومش بينزل تانى.. انا مشكلتى مش فى الاكل انا مش باكل كتير لكن سوء تنظيم وقلة حركة لانى شغلى يحتم عليّ انى اكون جالسه 12 ساعة امام جهاز الكمبيوتر وبستعمل سيبوتريم لانى لما ببطله اعتقد ان المياه بتزيد فى جسمى ممكن استعمل معاه الميريديا.. اسفة على الاطاله.
==============
رد بص وطل:
الصديقة العزيزة لابد من استشارة طبيب متخصص في علاج السمنة لعمل بعض التحاليل لمعرفة السبب في السمنة وحتى يتمكن من إعطائك الريجيم الصحي المناسب لطبيعة جسمك وكذلك الدواء المناسب.
السلام عليكم ورحمه الله
السلام عليكم ورحمه الله وبركاته.. كان ليا سؤال لدكتور محمد انا كان وزني 96 والحمد لله بفضل ربنا قدرت انزل وزني ل69 بس مش قادره اكمل حاسه ان عزيمتي قلت جدا وكمان مش قادره اعمل دايت تاني لاني نفسي اوصل لل60 وانا طولي 160 وعمري 23
==============
رد بص وطل:
الصديقة العزيزة أولاً نحب نحييكي على عزمك وإرادتك وقدرتك إنك تخسري كل هذا الوزن ولكن لازم تحافظي على الإرادة دي علشان تقدري توصلي للوزن الصحي المناسب لطولك واللي بيتراوح بين 51 إلى 63 كيلو يعني إنتي في حاجة إنك تخسري 6 كيلو كمان وبعد كده ممكن تعملي نظام للتثبيت.
السلام عليكم.. أحب اشكر
السلام عليكم.. أحب اشكر الدكتور أولاً وعندي سؤال: أنا وزني 93 كيلو وأكتر وزن كنت بوصل له95 وطولي 173 سم سني 18, ايه هو الوزن المناسب؟؟ وهل اقدر اوصل له في مده 5 شهور؟ وبطريقه صحية؟ هل فيه دواء استخدمه يساعد غير الميريديا؟ وكل سنة وكلكم طيبين.
==============
رد بص وطل:
الصديقة العزيزة إن الوزن الصحي المناسب لطولك يتراوح بين 59 إلى 74 كيلو وعلشان توصلي للوزن ده لازم تتبعي نظام غذائي صحي ومتوازن مع ممارسة الرياضة وفيه أدوية كويسة ممكن تستعمليها لكن لازم تكون تحت إشراف طبي.
السلام عليكم ورحمه الله
السلام عليكم ورحمه الله وبركاته انا عندي سؤال للدكتور محمد عايزه أسال انا كنت حامل واجهضت ووزني زاد جدا حاليا انا وزني 110 وطولي 168 وعايزه اعرف اذا كان ينفع امشي علي ريجيمات حملة "اخسر وزنك تكسب صحتك" انا عندي كل الانظمه للخمس مشاركين واي نظام منهم ينفع لي وإذا كان ممكن اخد دواء لزياده الحرق ايه هو؟ ارجوك يا بص وطل ما تتجاهلش سؤالي لاني بعت قبل كده ومحدش بيرد علي أرجوك لاني بجد محتاجه مساعدتكم ولكم جزيل الشكر.
=============
رد بص وطل:
حمداً لله على سلامتك صديقتنا العزيزة.. وبالنسبة لسؤالك عن الريجيمات فإنتي ممكن تختاري الريجيم اللي يعجبك وتمشي عليه وممكن تستعيني بدواء الميريديا لإنه دواء آمن ومضمون وبيسرع من عملية الحرق لكن لازم يكون تحت إشراف طبي.
