بسم الله الرحمن الرحيم لوسمحتم أنا عندي 20 سنة طولي 173 ووزني 89، أنا عاوزة أخس بس المشكلة إني كل ما أروح لدكتور مش باكمِّل لأني باكل كتير بس من غير ما أكون جعانة لأني مش باقدر أتحكم في نفسي، ولاحظت إني مهما عملت ريجيم مش بانزل عن 89 ولما بازيد باوصل لـ102 ودي أكتر حاجة وصلت لها، بس كمان فيه مشكلة إني بانزل بسرعة وبازيد كمان بسرعة فأنا عاوزة أعرف هل فيه حاجة ممكن تقلل إحساسي بالرغبة في الأكل طول الوقت؟ وإيه الريجيم اللي ممكن أعمله؟ وإيه الوزن اللي المفروض أوصل له؟ ولكم جزيل الشكر
الصديقة العزيزة.. الوزن المثالي المناسب لك المفروض يكون 68 وللوصول لهذا الوزن لابد من اتباع ريجيم سليم يقلل من الإحساس بالجوع ولو أحسستِ بجوع ممكن تاخدي خيار أو خس علشان تشعري بالشبع وبعد كده تعملي تثبيت علشان الوزن ما يزيدش تاني.. وممكن تستعملي دواء "الميريديا" لو كان الضغط أقل من 140 على 90 ومش بتاخدي أي دواء لأي حاجة تانية معاه.
السلام عليكم أنا عندي مشكله مضايقاني جدا، أنا كان وزنى 60 كيلو وطولي 163 سم، وكنت مبسوطة جدا من نفسي، أنا لسه متجوزة جديد، أول ما اتجوزت جسمي باظ وشكله اتغير وطلعت لي بطن كده من تحت السُّرة ومليت من تحت ولما أوزن نفسي ألاقي إني زايدة بس من 2 إلى 3 كيلو، مع إني شكلي زاد أكتر، أنا مش عارفة أعمل إيه؟
الحل لصاحبة هذه الحالة هو ممارسة الرياضة؛ فزيادة الوزن البسيطة دي لا تغير شكل الجسم ولكن يجب زيادة الحركة، يعني على الأقل 40 دقيقة يومياً مشي سريع 5 أيام كل أسبوع.
السلام عليكم لو سمحت يا دكتور أنا عمري 32 سنة متزوجة، طولي 168 وزني98 وقبل الزواج كنت متبعه ريجيم تحت إشراف طبيب وكنت باخذ أدوية للتخلص من الماء والدهون مع بعض الفيتامينات، وأحاول الآن أن أتبع ريجيم ولكن دون نتائج واضحة، علما بأن مشكلتي إني ممتلئة من الجزء العلوي وخصوصا منطقة الظهر وبها ترهلات ولا أعرف ماذا أفعل؟ وأيضا أعاني من ارتفاع في ضغط الدم المزمن، وقال لي الطبيب إنه نتيجة لأدوية التخلص من الماء فهل هذا صحيح؟ مع العلم إن علاجي حاليا للضغط هو حبة كابوزايد صباحا وحبة اتينو10 مساءا.
أدوية التخلص من الماء غلط جداً جداً في علاج السمنة ولكن تناولها لا يمكن أن يكون السبب في ارتفاع ضغط الدم لاحقاً ويجب اتباع ريجيم سليم لإنقاص الوزن مرة ثانية ولكن في هذه الحالة بدون أي أدوية علشان احتمال الحمل وأدوية الوزن بتخفض الضغط.
وبالنسبة لمشكلة الترهلات وتركز الدهون في الظهر فدي محتاجة لممارسة الرياضة أو عمل حقن للدهون.
كنت عايز أعرف أكتر عن الحقن الموضعي الجديد، أين و كيف وما هو سعره؟
الحقن الموضعي أمان جداً ويصلح لـ 71% من الناس ولا يؤثر في 29% وهو عبارة عن حقن بمادة معينة وهو يحتاج لجلستين وبيكون غالي شوية.
أنا عندى 26 سنه وطولى 157
أنا عندى 26 سنه وطولى 157 ووزنى 58المشكله عندى فى بطنى كبيره اوى وعايزه انزلها ممكن نصيحتك يادكتور مع العلم انى بحب اشرب مشروبات ساخنه كتير زى الشاى باللبن وبعمل تمارين للبطن بس مش منتظمه.
================
رد بص وطل:
عليكي بالانتظام في ممارسة تمارين البطن وممارسة الرياضة بشكل عام زي رياضة المشي أو أي رياضة بسيطة، مع تنظيم العادات الغذائية اليومية.
يا دكتور أنا عندى 17 سنة
يا دكتور أنا عندى 17 سنة ووزنى 40 كيلو انا محتاجة اتخن جامد أنا مش طويلة أوى بس انا وزنى كده مش عاجبنى خالص مع انى باكل بس مش بيبان عليّ ممكن تقولى اعمل ايه يا دكتور ضرورى مع انى باخد فاتح للشهية وأدوية كتير وأنا عندى انيميا بس مش حادة وعالجتها.
==============
رد بص وطل:
صديقتي العزيزة فيه بعض التحاليل اللي لازم تعمليها علشان تعرفي سبب النحافة اللي عندك والتحاليل دي هي تحليل بول، تحليل براز، تحليل كورتيزون، تحليل سكر، الغدة الدرقية.
لو سمحت يا دكتور انا انسه
لو سمحت يا دكتور انا انسه عمرى 20 سنه طولى 157 ووزنى بيزيد ما بين 66 الى 68 وانا نفسى وزنى يقل اقل من كده بس انا فى صعوبه عندى فى انقاص الوزن معرفش ليه كا ما اقل مفيش اسبوع وازيد تانى ممكن لو سمحت تفيدنى اكل ايه او اخد علاج ايه لانى بصراحه انا مش حبى جسمى كده وكمان خايفة ازيد اكتر بعد الجواز خصوصا ان خطيبى محذرنى من التخن جدا اتمنى المساعده ولكم جزيل الشكر.
============
رد بص وطل:
الصديقة العزيزة لابد من اتباع ريجيم صحي تحت إشراف طبيب متخصص ويمكنك الإستعانة بدواء الميريديا ما لم توجد أي موانع طبية مع ممارسة الرياضة حتى ولو كانت رياضة بسيطة زي رياضة المشي يومياً لمدة ساعة.
انا كان وزنى 137 ونصف وطولى
انا كان وزنى 137 ونصف وطولى 169 وعملت ريجيم وبقى وزنى 100 وبيزيد كل شويه وباخذ ريجيتريم 15 ومش عارفه اعمل ايه ومش عارفه اوقف شهيتى ولو اخذ علاج الميريديا هينفع معايا وما هى طريقه اخذه ارجوك يا دكتور ساعدنى أنا نفسيتي مدمرة جداً ومش عارفه اعمل ايه عمرى 30 سنه ومعى 3 اطفال ولى بطن كبيره وعندى ترهلات فى الذراعين والبطن أنا يائسه لإن السمنة مشكلة في حياتي الزوجية.
============
رد بص وطل:
صديقتنا العزيزة لابد من استشارة دكتور متخصص في علاج السمنة لعمل بعض التحاليل ومعرفة السبب في السمنة عندك وبالتالي يقدر يعطيكي الريجيم الصحي والدواء المناسب لكي مع ضرورة ممارسة التمارين الرياضية للقضاء على مشكلة الترهلات والسمنة الموضعية.
لو سمحت يا دكتور أنا طولي 157
لو سمحت يا دكتور أنا طولي 157 ووزني 65 وساعات يزداد ل 67 وبجد موضوع وزنى ده ملغبط كل حياتى لانى انا الوحيده فى البيت اللى وزنى زايد وكمان انا مش بحب السمنه حاولت اعمل ريجيم وريجيم قاسى كمان لكن دون جدوى أنا باختصار بواجه صعوبة بالغه فى انقاص الوزن معرفش السبب ياريت لو سمحت تساعدنى ولكم جزيل الشكر.
===============
رد بص وطل:
الصديق العزيز إن وزنك الصحي المناسب لطولك يتراوح بين 49 إلى 61 كيلو وهذا يعني أن الزيادة في وزنك زيادة بسيطة وتحتاج لممارسة الرياضة مع التقليل في كميات الأكل هتوصل للوزن اللي يناسبك.
أنا عمري 18.5 سنة وطولي
أنا عمري 18.5 سنة وطولي يتراوح بين 1.69 و1.70 وأريد زيادة في طولي هل من حل؟ هل تنصحني بشيء أفعله أو تتبعه.
============
رد بص وطل:
الصديق العزيز يمكنك الإستعانة بأخصائي علاج طبيعي علشان يقول لك على بعض التمارين الخاصة بزيادة الطول.
كنت عايزة اعرف الوزن
كنت عايزة اعرف الوزن المناسب.. بيكون ازاي وإزاي احسبه صح.. مثلا لو كان طولي كام يبقى وزني كام؟ وجزاكم الله خير.
=============
رد بص وطل:
طيب ياريت صديقتنا العزيزة تبعتي لنا طولك بالظبط علشان نقدر نقول لك على الوزن المناسب لكي.
السم عليكم ورحمة الله وبركاتة
السم عليكم ورحمة الله وبركاتة انا بشكر موقع بص وطل على المجهود انا بحب الموقع دة وكنت عاوزة اسال الدكتور انا عندى 25 وطولى 167 ووزنى 68 وكنت عاوزة اخس وعلمت دايت بس رجعت زدت تانى دلوقتى بحس بجوع رهيب انا عاوزة اعرف برشام يخسس الى زدته نفسى اوصل 60 وخصوصا انى عريضة من تحت وشكرا لحضرتك.
============
رد بص وطل:
شكراً ليكي صدقتنا العزيزة على مجاملتك الرقيقة دي وبالنسبة لوزنك فهو صحي جداً ولم يتعدى الحدود الصحية المناسبة لطولك ولو عايزة تقلليه عن كده فكل اللي عليكي إنك تقللي كميات أكلك مع ممراسة التمارين الرياضية بانتظام ويمكنك الإستعانة بدواء الميريديا ما لم تتواجد أي موانع طبية من استخدامه لإنه دواء أمن بيقلل الإحساس بالجوع وبيزيد من معدل الحرق.
السلام عليكم كل سنة وحضرتك
السلام عليكم
كل سنة وحضرتك طيب يادكتور انا عندى مشكلة انى من 4 سنين عملت دايت بدون ادوية لكن كنت بمارس رياضة فى البيت وخسيت تقريبا 10 / 11 كيلو لكن بعد سنتين لقيت جسمى زاد وهكذا لحد ما زاد جدا انا طولى 175 ووزنى 80 مش قادرة اتحكم فى الاكل ولانى مش عارفة اعمل ايه فمش عارفة اكل ايه ولا ازاى ولا يبقى ايه نظام اكلى وغير كدة انى مقدرش اروح لدكتور ولا اتابع معاه ياريت يادكتور نظام غذائى يساعدنى.
===========
رد بص وطل:
طيب ياريت تتابعينا صديقتنا العزيزة وإن شاء الله تلاقي كل اللي إنتي عايزاه قريب جداً.
انا عندي 19 سنه ووزني 57
انا عندي 19 سنه ووزني 57 وطولي 152 ومش عارفة اخس الخمسة كيلو دوول خالص وكمان انا رفيعة من فوق وماليانة من الارداف ومش عارفة اعمل ايه ياريت تردوا عليا بسرعة عشان موعد خطوبتي كمان شهر وعايزة اخس ولو في أدوية لمنع الشهية وزيادة الحرق ياريت تقول لي عليها يا دكتور وشكراً.
================
رد بص وطل:
الصديقة العزيزة علشان تتغلبي على هذه الزيادة البسيطة في الوزن لابد من ممارسة الرياضة مع تنظيم العادات الغذائية اليومية ويمكنك استعمال دواء زي الميريديا ولكن لازم تتأكدي إن مفيش عندك أي موانع طبية من استخدامه لإنه دواء آمن وبيسرع من عملية الحرق وبيقلل الإحساس بالجوع.
انا مشكلتى في زوجي هو عنده
انا مشكلتى في زوجي هو عنده سمنه في الحقيقه انا مش عارفه هو كام كيلو بالظبط مش بيقول لى بس طبعا شكله باين عليه المشكله بقى ان سلوكه في الاكل غلط تماما بياكل كل حاجه غلط بياكل كميه كبيره من اللحوم والبروتينات بتعتبر العنصر الاساسي في وجباته طبعا ده ادى عنده مشاكل صحيه كتير من اولهم النقرس ولسه مكتشفه من كام يوم انا بقى مشكلتى انه عنيد جدا ومعندوش اي استعداد انه يستجيب لاي كلام او اي تغيير في اسلوب اكله او حتى يمشي على اي نظام.
انا تسيت اقولكم اننا متجوزين من شهر بس وهو سافر دلوقتى وانا لسه لي شهر او اكتر على ما احصله بس انا خايفه عليه اوي ومش عارفه اتصرف معاه انا عارفه ان مشكلته الاساسيه هي سلوكه في الاكل.. انا الحمد لله وزنى كويس 52 كيلو وانا طولى 155 وعكسه تماما في الاكل بعتمد اكتر حاجه في اكلي على الخضار نفسي يتعود يبقى زيي بس مش عارفه اعمل ايه ساعدونى ارجوكم وكمان عاوزه حد يطمنى كل المشاكل دي اللي عند جوزي ممكن تتلحق ولا لا خاصةً إنه لسه عنده 29 سنه.
===============
رد بص وطل:
طبعاً صديقتنا العزيزة المشاكل دي ممكن تتلحق بس لازم إنتي يكون عندك صبر علشان تقدري تغيري عاداته وتعوديه على الأكل الصحي وممكن إنك تبداي معاه واحدة واحدة يعني بلاش تحاولي إنه يبطل كل حاجة بيحبها مرة واحدة لإن ده مش هينفع.. ولازم كمان تشجعيه على ممارسة الرياضة حتى ولو كانت رياضة بسيطة زي رياضة المشي كل يوم لمدة نص ساعة.. ولازم طبعاً إنه يتابع مع دكتور علشان يعالج النقرس وإن شاء الله مع الصبر هتقدري توصلي لاللي إنتي عايزاه.
salam 3alikom ana fatema min
salam 3alikom ana fatema min maghreb wazni 45 kilo toli 1.63 3awza a3raf ilwazen lmonasib we merci gidan 3la maw9i3 ljamil
==============
رد بص وطل:
الصديقة العزيزة إن وزنك الصحي المناسب لطولك لابد ان يتراوح بين 53 إلى 66 كيلو.
السلام عليكم.. يا دكتور انا
السلام عليكم.. يا دكتور انا طولي 162 ووزني 82 كيلو وكل مدة وزني بيزيد وعندي 23 سنة انا لما كان عندي 18 سنة كان وزني 91 كيلو ولما نزلت مصر للدراسة نزلت خالص بقى وزني 65 كيلو لكن بعد ما رجعت البلد اللي انا مقيمة فيها حاليا بقى وزني 70 كيلو وفضل ثابت على كدة لحد شهر 5/2009 بدأت ازيد وخاصة لما والدي الله يرحمه وصاني بأهلي بقيت في حاله اني عايزة اكل وبس وبعد وفاته بقيت باكل اكتر لدرجة اني مابكنش جعانة وبرضه باكل واكتر وقت باكل فيه هو بالليل ونفسيتي تعبانه جدااا عايزة حل بجد ولو في دواء ممكن اخده ياريت لو حضرتك تقولي عليه وعلى فكرة انا مابحبش الريجيم لان مابحبش ابقى ماشيه على حاجة روتينيه معرفش جربت أكتر من مرة ومانفعش معايا جربت المشي ماعملش حاجة معايا حاول حضرتك تساعدني.. شكرا.
============
رد بص وطل:
الصديقة العزيزة لازم يكون عندك إرادة وعزيمة علشان تخسري وزنك وتوصلي للشكل المناسب وتحافظي على صحتك وأكتر حاجة لازم تتجنبيها هي إنك تاكلي بالليل متأخر وتنامي وممكن إنك تكثري من تناول الخضروات الطازجة زي الخيار والخس علشان تقللي من إحساسك بالجوع ولإن الأكلات دي سعراتها الحرارية قليلة جداً ويمكنك تناول دواء الميريديا لإنه دواء آمن وبيقلل من الإحساس بالجوع وبيسرع عملية الحرق لكن لازم تكوني متأكدة من إن مفيش عندك اي موانع طبية من استعماله إلى جانب ممارسة التمارين الرياضية حتى ولو كانت رياضة المشي يومياً لمدة 30 دقيقة أو على حسب الإمكانيات المتاحة عندك.
السلام عليكم لو سمحت يا دكتور
السلام عليكم لو سمحت يا دكتور انا بعمل دايت وباخد سليماكس 15 وريجيريتم وسيبوترم وكروماكس وسيدوفاج وجلوكوفاج ووزنى كان 100 وحاليا 80 وطولى 166 بس المشكلة انى دلوقتى مش بقدر اتحرك ودايما تعبانه وضربات قلبى زادت جدا عن المعدل الطبيعى ممكن اعرف هل هناك تأثير سلبى من الادوية على القلب ولا لا.
=================
رد بص وطل:
الصديقة العزيزة الأدوية اللي إنتي بتاخديها دي كلها لازم تكون تحت إشراف طبي علشان يقدر يحدد لك إيه العلاج المناسب لكي وكمان يديكي النظام الغذائي المناسب والمتوازن علشان ما يأثرش على صحتك.
عزيزى... انا عندى 43 سنة
عزيزى...
انا عندى 43 سنة وطولى 156 ووزنى 95 كليو انا مش من هواة الاكل بس وزنى زيادة باشتغل تقريبا كل يوم 11 ساعة فى مكتب انا محتاجة اعمل ريجيم يناسبنى وكمان عندى خشونة فى الركبة وكنت مشتركة فى جيم بس بطلت اروح من رمضان الماضى علشان ظروف الشغل والبيت اعمل ايه انا ساعات بحس انى خسة وساعات لا هل يوجد ريجيم معين أو دواء يساعد على تقليل الشهية يكون امن بالنسبة لى مع العلم بإنى لا آخذ أى ادوية والحمد لله.
=============
رد بص وطل:
الصديقة العزيزة ياريت تتابعينا لإن قريباً جداً هيكون معانا أنظمة غذائية صحية ممكن تختاري اللي يناسبك منها وتمشي عليه ويمكنك الإستعانة بدواء الميريديا لإنه دواء آمن وبيسرع من عملية الحرق وبيقلل الإحساس بالجوع وكمان لازم ترجعي تمارسي رياضة حتى لو كانت رياضة بسيطة زي رياضة المشي أو صعود السلم.
salam ana fatima min maghreb
salam ana fatima min maghreb sini 21 sana wazni 45 kilo toli 1.63 merci gidan 3la maw9i3 ljamil
انا وزني الحالي 63 وطولي 156
انا وزني الحالي 63 وطولي 156 ومش مضايقه من الوزن لكن عندي بطن مش عارفه انزلها.
============
رد بص وطل:
أفضل حل لمشكلة البطن دي هي إنك تمارسي تمارين رياضية خاصة بشد عضلات البطن لإنها أكثر فائدة وصحة للجسم حتى وإن كانت بتاخد وقت طويل.
السلام عليكم.. دكتور أنا وزنى
السلام عليكم.. دكتور أنا وزنى 64 وطولى 157 وعملت دايت 10 ايام ونزلت لحد 60 بس زدت تانى لانى كنت مكتئبه أوى الفتره اللي فاتت ومش عارفه أنزل تاني كنت باخد دايت ماكس إيه النظام اللى ممكن امشى عليه عشان انزل ل60 تانى واكمل على دايت ماكس؟؟ وشكرا لحضرتك.
==============
رد بص وطل:
دواء دايت ماكس كويس وهو يساعد على رفع معدل الحرق فى الجسم وإسراع الإحساس بالشبع وهو دواء امن مالم تتواجد اى من موانع الاستعمال ومادام تحت اشراف الطبيب المتخصص إلى جانب طبعاً اتباع ريجيم صحي ومتوازن وممارسة الرياضة.
السلام عليكم ورحمة الله دكتور
السلام عليكم ورحمة الله دكتور انا طولى 169 سم ووزنى 70 كيلو بعد الولادة وكنت الأول 65 ونفسى ارجع تانى بس بطريقة بسيطة.
=============
رد بص وطل:
الصديقة العزيزة وزنك الحالي صحي ومناسب لطولك ولو عايزة تقللي بعض الكيلوات من وزنك ممكن إنك تمارسي رياضة حتى ولو كانت رياضة بسيطة زي رياضة المشي لمدة 30 دقيقة يومياً مع التقليل في كميات الأكل.
انا طولي 150 ووزني 55 وعمري
انا طولي 150 ووزني 55 وعمري 11 سنة وعايز اعرف ايه الوزن المناسب ليا وايه عدد السعرات اللي مفروض اخده في اليوم وايه الوزن المناسب ليا.
============
رد بص وطل:
الصديق العزيز إن وزنك الصحي المناسب مع طولك يتراوح بين 45 إلى 56 يعني إنت لازلت في الحدود الصحية لوزنك لكن لازم تمارس تمارين رياضية بانتظام علشان تحافظ على وزنك مع تقليل كميات الأكل ووالريجيم الصحى المعتدل يكون بإعطاء الجسم اقل احتياجاته بنحو 500 سعر فى اليوم.
سؤال بخصوص حقن الميزوثرابى..
سؤال بخصوص حقن الميزوثرابى.. من فضلك يا دكتور حضرتك ذكرت ان الحقن الموضعي أمان جداً ويصلح لـ 71% من الناس ولا يؤثر في 29% . ال 29% هل لهم مواصفات معينه لذلك لايصلح لهم الميزوثرابى؟ انا طولى 164 ووزنى حاليا 66 وكنت اتبعت رجيم سابقا وثبت عند 60 كيلو ولكن رجعت زدت تانى فهل ممكن اعمل الحقن لمنطقه البطن وتستجيب للحقن؟ مع العلم ان جسمى بيزيد بسرعه فائقه هل فى بعض الادويه التى تساعد على الحرق؟
===========
رد بص وطل:
الصديقة العزيزة ممكن تستعملي دواء الميريديا لإنه يساعد على رفع معدل الحرق فى الجسم وإسراع الإحساس بالشبع وهو دواء امن مالم تتواجد اى من موانع الاستعمال ومادام تحت اشراف الطبيب المتخصص.. أما بالنسبة للحقن فالدكتور المتخصص هو اللي يقدر يحدد إذا كان الحقن هيكون مناسب ليكي ولا لأ.
أنا عندى 14 سنة وعايزة اخس من
أنا عندى 14 سنة وعايزة اخس من غير اضرار على نموى وصحتى.
============
رد بص وطل:
لازم تتابعي ريجيم صحي ومتوازن مع ممارسة الرياضة بانتظام حتى ولو كانت رياضة المشي لمدة 30 ساعة يومياً.
أنا عندي 23 سنه من دمنهور
أنا عندي 23 سنه من دمنهور طولى 165 ووزنى 78 ونفسى اوصل للوزن المثالى بس مش بحب المياه أصلا وبعمل ريجيم دلوقتى بس على طول جعانه.
==============
رد بص وطل:
الصديقة العزيزة ممكن تتغلبي على إحساسك بالجوع بإنك تكثري من تناول الأكلات اللي فيها فيها ألياف عاليه جدا وسعرات قليله جد بتخلى الجسم يبذل مجهود فى هضمها فيحرق سعرات حرارية اكتر من السعرات التى حصل عليها الشخص ومن الحاجات الاساسية التى تحتوى سعرات سلبية الخيار والكرنب، مع ممارسة التمارين الرياضية.
دكتور محمد ..شكرا جدا على
دكتور محمد ..شكرا جدا على المعلومات الهايلة اللي بتقدمها لنا..
دكتور أنا طولي 162 ووزني 70 ...من سنة ونص وصل وزني 61 وكان جسمي وقتها متناسق ومكنتش حابة أنزل أكتر من كده ..حافظت على الوزن ده لأكتر من سنة ..ولما كنت بلخبط في الأكل كنت برجع أظبط تاني.. بس المشكلة ان وزني زاد 3 كيلو تقريبا بعد أكتر من سنة فأخذت دواء الدكتورة قالت لي عليه بيقلل الشهية ، طبعا كان أسوأ دوا أخدته في حياتي ..الشهية قلت أول يومين فقط ، وبعدها كنت بحس ان شهيتي عادية ..ففضلت إني أوقفه ..وفي خلال 4-5 شهور وزني زاد 9 كيلو مرة واحدة ومش عارفة أوقف الزيادة أبدا ..الزيادة بقت فظيعة
1- بشرب شاي مرة واحدة بسكر (ماتش)ما يعادل معلقة سكر واحدة
2- بيبسي دايت (ده لما بشربه )
3- يوميا لازم أكل سلطة وخضار كتير
4- الفطار ربع رغيف بلدي و بيضة / الغداء رز بسيط و بروتين و خضار وسلطة / العشاء: فاكهة أو عشا بسيط جدا بدون دهون أو نشويات أبدا
5- بروح جيم أو بتحرك كتير (مشي يعني)من مرتين لتلاتة في الاسبوع
ورغم ده كله وزني مبينزلش بالمرة ..بالمرة يا دكتور ، ومن كتر إحباطي بقيت ألخبط في الأكل في الشهرين الأخيرين لأني بئست فعلا
أسفة جدا على الإطالة ..لكن حبيت أقول التفاصيل علشان حضرتك تساعدني في الحل (هل فيه دواء أو أي شيء يزيد من حرق السعرات ؟وهل دواء ميريديا آمن ولا بيعتمد برضه على تقليل الشهية؟
================
رد بص وطل:
يمكنك استعمال دواء الميرديا حيث اثبتت الدراسات انه دواء امن مالم تتواجد اى من موانع الاستعمال ومادام تحت اشراف الطبيب المتخصص ويمكن فقدان من 5- 10 كيلو فى سنه إذا تم المواظبة على دواء الميريديا حتى بدون رياضة او ريجيم لذا يمكن الاستعانه به حتى لمن لا يستطيع اتباع نظام ريجيم لا يتعارض مع حالة المريض.. وهو يساعد على رفع معدل الحرق فى الجسم وإسراع الإحساس بالشبع.
أنا طولى حوالى 170 سم ووزنى
أنا طولى حوالى 170 سم ووزنى كان 73 كجم وأخيرا اصبح 74,50 كجم.المهم انى كنت من فترة بلعب فى جيم gym لكن بعد اسبوعين زهقت و سبته. الاهم بعد كده تخنت لدرجة أن بنطلوناتى ضاقت عليا وظهر لى بطن "كرش صغير" رغم انى مش بأكل كتير ولا حاجة لكن أكيد فى سبب أنا مش عارفة خلى ده يحصل مع العلم أنى نادرا لما بمارس رياضة فى البيت الصراحة أنا كسلان فى حكاية الرياضة دى لكن أن شاء الله هرجع الجيم تانى السؤال أيه السبب انى بعد ما سبت الجيم وزنى زاد وهل لو رجعت للجيم مرة تانية لو سبته بعد فترة طويلة وزنى هيزيد برضه.أسف للإطالة وأرجو الافادة جزاك الله خير
أحمد مصطفى - الاسكندرية.
============
رد بص وطل:
الصديق العزيز لازم تعرف إن ممارسة الرياضة أمر لابد منه لتثبيت الوزن ولابد من الانتظام عليها حتى لا يعود وزنك للزيادة مرة أخرى حتى ولو كانت رياضة بسيطة زي رياضة المشي.
السلام عليكم ورحمة الله.. أنا
السلام عليكم ورحمة الله.. أنا عمرى 20 سنة.. ووزنى 100 كيلو.. زدت منهم 22 كيلو فى حملى.. ومش عارفة اتخلص منهم لحد دلوقتى.. طولى165.. بمشى كتير بس مع المشى جسمى بيشد بس بدون ما اخس.. ممكن بعد اذن حضرتك يا دكتور تكتب لى نظام غذائي اقدر امشى عليه شهر.. وايه الادوية اللى ممكن استخدمها بس يكون سعرها حلو.. المشكلة الاساسية عندى انى لما باكتئب باكل كتير.. وايام بفضل طول النهار مليش نفس من الاكل واجى على بالليل واجوع واكل كتيير.. ياريت تساعدنى يادكتور لانى ماعنديش فرصة انى اتابع مع دكتور.. وجزاك الله خيرا.
===========
رد بص وطل:
صديقتنا العزيزة ياريت تتابعينا لإن قريب جداً هيكون معانا على بص وطل أنظمة غذائية كتير ممكن تختاري اللي يناسبك منها وتمشي عليه.. لكن نصيحتي ليكي حالياً إنك لازم تنظمي عاداتك الغذائية يعني لازم تاخدي 3 وجبات في اليوم لإنه ليس معنى الامتناع عن الاكل طول النهار ان احنا نخس المشكلة.. علشان نخس لازم ناكل الثلاث وجبات فى اليوم عشان نظام الحرق فى الجسم يشتغل صح.. لأن عدم الاكل طول النهار او عدم الالتزام بالثلاث وجبات معناه ان الجسم يبدا يشعر انه فى مجاعه فيقاوم فقد الدهون وهى غريزة اوجدها الله فى الجسم حتى يحافظ على بقاءه ويقاوم الفناء بالاضافة الى ان الاشخاص اللى بياخروا وجبه الغداء حتى وقت النوم بيكونوا عرضه اكتر لزيادة الوزن لان السعرات الحرارية الموجودة فى الاكل هاتتحول الى دهون وتتخزن فى الجسم ولن يكون هناك فرصة لحرقها وبالتالى بيكون صعب حرقها..
يا دكتور انا تخين فى منطقة
يا دكتور انا تخين فى منطقة الصدر اكتر من اى حتة تانى اعمل ايه عشان اقلل الدهون فى جسمى بس بعيد عن العمليات الجراحية.
=============
رد بص وطل:
الصديق العزيز يمكنك استشارة دكتور الغدد خالد الحديدي ورقم تليفونه 0105440212 وبعد ذلك يمكنك سؤال دكتور أحمد عادل أستاذ التجميل ورقم تليفونه 0122181025
عايزه وصفه تزود
عايزه وصفه تزود الوزن.
===========
رد بص وطل:
يمكنك تناول الوجبات التي تحتوي على سعرات حرارية عالية زي العسل والحلاوة وغيرها.. ولو كنت تشعر أنك تعاني من نحافة شديدة لابد من عمل التحاليل لمعرفة سبب النحافة ومعالجتها والتحاليل دي زي...
تحليل بول
تحليل براز
تحليل كورتيزون
تحليل سكر
الغدة الدرقية
السلام عليكم ورحمه الله
السلام عليكم ورحمه الله وبركاته يا دكتور لقد ارسلت رساله من قبل ولم يتم الرد عليها ارجو الرد بعد اذنكم على رسالتى انا فتاه عمرى 28 سنه وطولى 161 ووزنى الحالى 80 كيلو اعرف انا لدى زيادة فى الوزن انا كان وزنى 93 ووصلت لهذا الوزن مع دكتور ريجيم وانا الان لا اذهب له المهم انه كان يكتب لى على بعض الادويه المساعدة اريد من حضرتك ان تقول لى هل هى مفيدة ام لا فائدة لها وهم ابل لايت و مالتى تريت هما اكثر الادويه التى استخدمتها وتوجد مشكلة لدى هو انى وزنى زائد من فوق اكثر من تحت فهل لهذا ريجيم خاص واسفة للاطاله وشكرا جزيلا على حسن تعاونكم معانا لنصل لوزن مثالى.
=============
رد بص وطل:
نأسف صديقتنا العزيزة للتأخير في الرد وذلك نظراً لكثرة المشاركات التي ترد إلينا يومياً.. وبالنسبة للسمنة الموضعية أو وجود منطقة في الجسم بها تركز للدهون أكثر من الأخرى فدي أمثل حل لها هو ممارسة التمارين الرياضية في النوادي الصحية أو الجيم ويمكنك الإستعانة بدواء زي الميريديا لإنه آمن واثبتت الدراسات انه يمكن فقدان من 5- 10 كيلو فى سنه إذا تم المواظبة على صهذا الدواء حتى بدون رياضة او ريجيم لذا يمكن الاستعانه به ولكن بعد الـاكد من عدم وجود اي موانع طبية عندك من استخدامه.
السلام عليكم ورحمه الله
السلام عليكم ورحمه الله وبركاته لو سمحت يا دكتور انا عايزه اعرف عدد السعرات الحراريه اللي الجسم محتاجها اثناء الريجيم انا طولي 170 ووزني 95 وياريت تعمل لنا عدد فيه اشهر الماكولات والمشروبات وعدد السعرات الحراريه فيهم.
=============
رد بص وطل:
الصديقة العزيزة لازم تعرفي إن كمية السعرات التى يحتاجها الإنسان فى اليوم تختلف من شخص لآخر لكن عادة فى السيدات تكون من 1900- 2300 سعر/ اليوم، والريجيم الصحى المعتدل يكون بإعطاء الجسم اقل احتياجاته بنحو 500 سعر فى اليوم.. وياريت تتابعينا وإن شاء الله تلاقي كل المعلومات اللي إنتي عايزاها قريب جداً.
انا وزني 75 وطولي 172 وعايزه
انا وزني 75 وطولي 172 وعايزه اخس اعمل ايه وليا بطن من بعد الولاده وزادت شويه ومضايقاني في اللبس كتير المشكله اني انا بتخن من بطني ولما باخس برده من بطني.
============
رد بص وطل:
لابد من اتباع ريجيم صحي متوازن مع ممارسة التمارين الرياضية الخاصة بشد عضلات البطن لإن دي هي أحسن طريقة لتخسيس منطقة البطن.
انا لسة والدة قيصرى بقالى 3
انا لسة والدة قيصرى بقالى 3 شهور ووزنى زاد 5 كيلو بس المشكلة انى عندى بطن مش عارفة انزلها ازاى والارداف مليانة شوية اعمل ايه
============
رد بص وطل:
لابد من ممارسة الرياضة علشان تعالجي مشكلة السمنة الموضعية مع اتباع ريجيم صحي ولاتباع ريجيم مع الرضاعة لابد ان يكون نظام غذائى متوازن يعني يخسس بالكثير 4 كيلو فى الشهر مع إضافة بعض الزيوت ولبن خالى الدسم وخضروات ورقية وفاكهة وسوائل كثير.
انا عندي مشكله انا وزني 90
انا عندي مشكله انا وزني 90 وطولي 167 وعاوزة اخسي مش عارفه اعمل ايه ممكن اقعد يوم من غير اكل وبعد كده اعوض في يوم تاني وهي ده المشكله.
=============
رد بص وطل:
الصديقة العزيزة لازم يكون عندك إرادة قوية علشان تقدري تخسري وزنك وتكسبي صحتك وتحافظي على شكلك ولازم تتبعي نظام غذائي متوازن تحت إشراف دكتور متخصص مع ممارسة الرياضة حتى ولو كانت رياضة المشي يومياً لمدة 30 دقيقة على الأقل ولازم تعرفي إن ليس معنى الامتناع عن الاكل طول النهار ان احنا نخس لإننا علشان نخس لازم ناكل الثلاث وجبات فى اليوم عشان نظام الحرق فى الجسم يشتغل صح لأن عدم الاكل طول النهار او عدم الالتزام بالثلاث وجبات معناه ان الجسم يبدا يشعر انه فى مجاعه فيقاوم فقد الدهون وهى غريزة اوجدها الله فى الجسم حتى يحافظ على بقاءه ويقاوم الفناء بالاضافة الى ان الاشخاص اللى بياخروا وجبه الغداء حتى وقت النوم بيكونوا عرضه اكتر لزيادة الوزن لان السعرات الحرارية الموجودة فى الاكل هاتتحول الى دهون وتتخزن فى الجسم ولن يكون هناك فرصة لحرقها وبالتالى بيكون صعب حرقها.. والصحى حرق السعرات التى نحصل عليها خلال اليوم عن طريق الحركة والرياضة وننام من غير ما نخزن دهون.
مساء الخير انا كنت عاوزة حاجة
مساء الخير انا كنت عاوزة حاجة تقلل منطقة الصدر مع العلم ان جسمي مش مليان انا وزني 63 وطولي 164 وعندي 22 سنة وخايفة بعد الجواز يكون اكبر من كده وشكراً.
==============
رد بص وطل:
الصديقة العزيزة التمارين الرياضية هي أنسب حل للمشكلة دي.
ميرسى اوى اوى اوى لبص وطل
ميرسى اوى اوى اوى لبص وطل وللدكتور كمان وانتم موقع فوق كلمة ممتاز وكمان بتردوا على زواركم بجد ميرسى
السلام عليكم أنا عندى 23 سنة
السلام عليكم أنا عندى 23 سنة وطولى 153 ووزنى 76 بتابع مع دكتورة على نظام اكل وباخد كويك سليم وكروماكس وكمان باخد هاى كروم وأوميجا 3 وعاوز أعرف هل فى أضرار منهم؟ وأريد أن اعرف ايضا هل فى أضرار من شرب الشاي الأخضر الصينى وأعشاب التخسيس زى المريمية والقرفة والجنزبيل والشمر والبردقوش والخردل وغيرها أم لا؟ لأنى سمعت بأحد البرامج ان الشاى الاخضر مضر للسوائل بالجسم. وهل عشبة الارقطيون بتخسس فعلا؟ وماهى نصيحتك لى يادكتور محمد بالنسبة لشرب الشوربات مثل شوربة الكرنب والطماطم والخرشوف وغيرها من شوربات التخسيس فماهى فوائدها وأضرارها؟ بالنسبة لى.وشكرا جزيلا لسيادتكم...
==============
رد بص وطل:
الصدبقة العزيزة الأدوية اللي بتستخدميها كويسة لكن لازم تكون تحت إشراف من الدكتور المعالج أما بالنسبة للأعشاب اللي ذكرتيها فأحب اقول لك إنها بتمنع امتصاص الكثير من المواد الغذائية وبالتالى فهي قد تساعد على فقدان الوزن ولكن كثرة استخدامها قد تضر الجسم.. أما بالنسبة للشوربات فهي جيدة ولكن لازم الوجبة تكون متوازنة.
انا نفسى انزل 3 كيلو بس مش
انا نفسى انزل 3 كيلو بس مش عارفة لانى باكل حاجات فيها شيكولاتة كتير وانا عمرى 18 سنة اعمل اية يا دكتور اوفات بلاقى بطنى زادت وبحس انها مليانة مية انزل المية دى ازاى
==========
رد بص وطل:
الصديقة العزيزة هناك ما يسمى بإدمان الشيكولاته وهناك أقاويل أنها تحتوى على مواد مضاده للاكتئاب ولها علاقه بالحاله المزاجيه ولكن مهما كانت الاسباب الموضوع فى النهايه ارتباط نفسى بالشيكولاته.. وعشان نتغلب على المشكله دى نبدا واحده واحده يعنى مانمنعش الشيكولاته مرة واحده الخطوة الاولى نقلل الكميه وبشكل تدريجي.. الخطوة التانيه ابدل الشيكولاته بالبديل المتوافر منها بس "دايت" وحاليا متوفره فى الاسواق البدائل الدايت ولكن مع الاخذ فى الاعتبار ان هذه البدائل تحتوى على سعرات حراريه وليست دايت 100% او لا تسبب زياده الوزن بالعكس الفكرة ان مكون واحد فقط من مكوناته بيكون دايت وباقى المكونات عاديه ولكن نلجأ اليها لحل هذه المشكله والى حد ما بعد ما نصل الى هذه المرحله نبدا فى الاستغناء عنها تماما لغاية لما تبداي تسيطري على نفسك.. وبالنسبة للميه فدي حلها إنك تشربي ميه كتير علشان تنزل الميه اللي في جسمك.
