لو سمحتم أنا عندي 20 سنة طولي 173 ووزني 89 أنا عاوزة أخس بس المشكلة إني كل ما أروح لدكتور مش باكمل؛ لأني باكل كتير بس من غير ما أكون جعانة مش باقدر أتحكم في نفسي، ولاحظت إني مهما عملت ريجيم مش بانزل عن 89 ولما بازيد باوصل لـ102 دي أكتر حاجة وصلت لها، بس كمان في مشكلة إني بانزل بسرعة وبازيد كمان بسرعة فأنا عاوزة أعرف.. هل فيه حاجة ممكن تقلل إحساسي بالرغبة في الأكل طول الوقت؟ وإيه الريجيم اللي ممكن أعمله؟ وإيه الوزن اللي المفروض أوصل له؟!! ولكم جزيل الشكر..
الصديقة العزيزة الوزن المثالي المناسب لكِ المفروض يكون 68، وللوصول لهذا الوزن لا بد من اتباع ريجيم سليم يُقلل من الإحساس بالجوع ولو حسيتِ بجوع ممكن تاخدي خيار أو خص علشان تشعري بالشبع، وبعد كده تعملي تثبيت علشان الوزن ما يزيدش تاني.. وممكن تستعملي دواء الميريديا لو كان الضغط أقل من 140 على 90 ومش بتاخدي أي دواء لأي حاجة تانية معاه.
السلام عليكم.. كنت عايزة أسأل دكتور محمد.. أنا كمان وزني 77 وطولي 156سم أعمل إيه أنا مش باكل كتير بس باشرب بيبسي ممكن كل يومين...
الصديقة العزيزة شرب البيبسي لا يُسبب مشكلة طالما كان بكميات قليلة.
السلام عليكم ورحمة الله وبركاته.. أنا عايزة أسأل عن الميه السخنة بالليمون الصبح على الريق قبل ما آكل أي حاجة دي بتخسس أنا بقالي فترة باشربها، وباشربها ممكن برضه قبل ما أنام وفي أي وقت أحس فيه إن بطني فاضية هيّ فعلا بتخسس ولا لأ؟؟ وهل كترها يضر بالمعدة يعني في ناس بتقول الميه السخنة بتخسس وكمان ناس بتقول إن كتر الميه السخنة بالليمون هيتعب المعدة مع العلم إن عندي أنيميا؟!! وشكرا جزيلا لحضرتك...
الصديقة العزيزة... كثرة الماء مفيدة في التخسيس سواء ساخنة أو باردة أو بالليمون أو بدون ليمون.. والليمون مفيد صحياً وما بيسببش أي مشكلة لو أخذناه على معدة مليانة وتكوني أصلا مش بتعاني من مشاكل في المعدة.
السلام عليكم ورحمة الله
السلام عليكم ورحمة الله وبركاته
دكتور/محمد انا عندي 43 سنة وطولى 156 ووزنى 95 كيلو لااعانى من اى امراض عاوزة ريجيم علشان وزنى بياثر على ركبتى (عندى خشونة فى الركبة) لا اخذ اى ادوية ارجو الافادة مع العلم انى لا اكل كثيرا العادى يعنى وهل يوجد دواء معين يمكن ان يساعد على انقاص الوزن مع العلم إني اعمل حوالي من 10- 12 ساعة يوميا لسيادتكم جزبل الشكر.
==============
رد بص وطل:
الصديقة العزيزة يمكنك الإستعانة بدواء الميرديا في حالة عدم وجود أي موانع طبية مع اتباع ريجيم صحي وممارسة الرياضة حتى ولو كانت رياضة بسيطة زي رياضة المشي يومياً لمدة ساعة.
انا طولى 160 ووزنى 74 وعايزة
انا طولى 160 ووزنى 74 وعايزة اعرف اخس اد اية عشان يكون وزن مثالى.
=============
رد بص وطل:
الصديقة العزيزة إن وزنك الصحي يتراوح بين 50 إلى 64 كيلو.
السلام عليكم ورحمة الله
السلام عليكم ورحمة الله وبركاته لو سمحت يا دكتور ممكن تعطيني طريقة للريجيم مثلا كام ريغيف في اليوم وهل شرب كمون مغلي ونصف ليمونة عليه الصبح قبل الاكل كويس للتخسيس وكمان ياريت اعرف طريقة للرياضة التي تخسس كل مناطق الجسم
وانا عندي 22 سنة وطولي 163 ووزني 73.
============
رد بص وطل:
الصديق العزيز ده ريجيم كويس وبإمكانيات قليلة ممكن تمشي عليه وهو عبارة عن
الصبح: 1/2 رغيف بلدى مع فول او جبنة قريش او 2 ملعقة مربى
الغداء: لحوم+ سلاطة+ خضار
العشاء: فاكهة
وياريت تتابعنا لإن قريب جداً هيكون عندنا أنظمة غذائية على موقع بص وطل..
أما بالنسبة لشرب الكمون المغلي والليمون فهي مشروبات لا ضرر منها ولكن لا يوجد أي دراسات تؤكد فعاليتها في التخسيس.. أما بالنسبة للرياضة فإنت ممكن تمارس أي رياضه زى المشى ولو غير متاح ممكن طلوع السلم او ركوب العجله او السباحه لو متاحه او لو احنا مش قادرين وقاعدين على المكتب طول النهار فى بعض الاجهزة الخفيفة المطاطه زي سوست الضغط التى يمكن الامساك بها فى اليد الضغط عليها دى بتحرق سعرات حرارية لإن كل مجهود بيقوم به الانسان بيحرق سعرات حراريه حتى المجهود الذهنى –وان كان سعرات قليله- حتى هضم الاكل فى حد ذاته بيساعد على حرق السعرات الحراريه.. يعني ممكن تمارس اى رياضة حسب امكانياتك.
عاوز اخس بطرقة سهلة تخسس
عاوز اخس بطرقة سهلة تخسس بسرعة انا عندى 14 سنة ووزنى 85 وطولى 155 ومقدرش اتحكم فى نفسى ياريت تقولى طريقة سهلة.
===============
رد بص وطل:
الصديق العزيز لابد أن يكون عندك الإرادة وقوة التحمل والصبر علشان تقدر توصل للوزن الصحي المناسب لك وتحافظ على صحتك وعلى شكلك وممكن تتبع ريجيم صحي تحت إشراف دكتور متخصص مع مساعدة جسمك بالدواء زي الميريديا اللي بيسرع معد الحرق وبيسرع الإحساس بالشبع إلى جانب طبعاً ممارسة التمارين الرياضية.
دكتور محمد انا نفسي أسال سؤال
دكتور محمد انا نفسي أسال سؤال وحد يرد عليا يكون مصدر ثقه زي حضرتك انا عندي 23 سنة وعايزه هل الابر الصينية ليها اضرار ام لا وياترى لو اسيبها وزني بيزيد اكتر من الاول برجاء الاجابة على سؤال؟؟!!
=============
رد بص وطل:
الابر الصينيه لها استخدامات طبية عديدة مثل علاج الالم المزمن والصداع النصفى ولكن بالنسبة للتخسيس فقد اعلن مؤتمر الجمعية الاوروبية لدراسة السمنه منذ عام 96 إنها لا تأثير لها على فقد الوزن.
دكتور انت هايل بجد.. انا طولى
دكتور انت هايل بجد.. انا طولى 158 ووزنى 57 بس انا عندى بطن وهى دى اللى مضيقانى اوى ومش عارفه اتخلص منها ازاى ارجوك ساعدنى.
=================
رد بص وطل:
التمارين الرياضية هي أحسن حل لمشكلة السمنة الموضعية وإن كانت تحتاج لبعض الوقت لكنها أكثر صحة للجسم كله.
دكتور لو سمحت انا عمري 29
دكتور لو سمحت انا عمري 29 سنه وطولي 160 سم ووزني 104 عملت ريجيمات كتير ووصل وزني لحد 78 وبعد 5 سنين وزني زاد تاني ووصل 104 ومش عارفه امشي علي ريجيم صح اعمل ايه؟!
==============
رد بص وطل:
الصديقة العزيزة لابد من استشارة طبيب متخصص في علاج السمنة لعمل التحاليل اللازمة ومعرفة سبب السمنة اللي عندك وأخذ النظام الغذائي الصحي المناسب لكي ويمكنك مساعدة جسمك بالدواء زي الميريديا ولكن بعد التأكد من عدم وجود اي موانع طبية وإلى جانب طبعاً ممارسة التمارين الرياضية حتى ولو كانت رياضة المشي.
لو سمحت يا دكتور ممكن تقولي
لو سمحت يا دكتور ممكن تقولي أسباب زيادة الوزن بعد الولادة وأزاي أتجنبها عشان انا ميعاد ولادتي كمان أسبوع مع العلم اني مش بحب الموغات ولا الحلاوة ولا العسل وان شاء الله هرضع طبيعي بس انا خايفة خالص عشان انا كان وزني زايد زمان و قعدت قرب السنة أخس و مش عاوزة أمر بالتجربة دي تاني. شكرا وأسفة على الأطالة.
============
رد بص وطل:
الصديقة العزيزة نتمنى من الله أن يتم حملك على خير إن شاء الله ولازم تعرفي إن أثناء الحمل الوزن بيزيد طبيعي بمعدل كيلو كل شهر والوزن وبعد الحمل ممكن تعملي ريجيم مع الرضاعة بشرط إنه يكون نظام غذائى متوازن يعني تنزلي بالكثير 4 كيلو فى الشهر مع إضافة بعض الزيوت ولبن خالى الدسم وخضروات ورقية وفاكهة وسوائل كثير مع الريجيم.
انا عندي 22 سنة وطولي 163
انا عندي 22 سنة وطولي 163 ووزني 73 كيلو عايزة اعرف المفروض وزني يكون كام واعمل ايه عشان اخس واثبت؟!
=================
رد بص وطل:
الوزن الصحي المناسب مع طولك يتراوح بين 52 إلى 66 كيلو.. وعلشان تخس لابد من اتباع نظام غذائي صحي ومتوازن مع ممارسة الرياضة حتى لو كانت رياضة المشي.. وبعد الوصول للوزن المطلوب يمكنك عمل تثبيت لوزنك بأن توازي المجهود المبذول يوميا وان تراقب ما تأكل بعد التوقف عن الريجيم ومن المفترض إنك خلال فترة الريجيم تتعلم طريقة الأكل الصح وتعود نفسك عليها ويبقى ده اسلوب حياتك على طول.. صحيح مش معقول إنك هتعيش طول حياتك تعمل ريجيم أو تتابع مع دكتور وعلشان تعمل تثبيت لوزنك ففيه أكثر من شكل للتثبيت إما إنك تقلل كميات اكلك يعنى تاكل كل حاجة لكن بكميات اقل مع الرياضة اليومية المتاحة، والطريقة التانية إنك تعمل توازن يعني لو يوم خرجت مع صحابك وهتاخد راحتك فى الاكل اليوم اللى بعده تمشى على الريجيم، ولو لخبط فى الاكل يومين اليومين اللى بعدهم اعمل ريجيم وهكذا.
واهم حاجة إنك توزن نفسك على الاقل مرة كل اسبوعين علشان لو لقيت نفسك وزنك زاد تقلل فى الوجبات الحرة خلال الاسبوع يعني لو محدد ثلاث وجبات فى الاسبوع قللهم لوجبه واحده اواتنين ولو بدأت تاكل قطعتين شيكولاته فى اليوم خليهم قطعه واحده كل يومين وهكذا، ولو لقيت نفسك نازل على الميزان ممكن تزود شوية الحاجات اللي بتحبها ولكن بحدود.
السلام عليكم ورحمته وبركاته
السلام عليكم ورحمته وبركاته انا كان وزنى 105 ك وعملت ريجيم والحمد لله ربنا وفقنى وكملت وبقيت 85ك واحمد الله على ذلك بس دلوقتى بقى كل ما أكل حاجه حلويات بس نسب معينه وقليله يبان على جسمى ومن كتر ما أنا بقلل اكلى بقت قدراتى ضعيفه ومعدتش زى الاول قوتى بقت ضعيفه ومش عارفه ايه ممكن لو لقيت حلى ردوا عليا مستنيه الرد وشكرااااا.
============
رد بص وطل:
الصديقة العزيزة لازم تعملي تثبيت بعد ما توصلي للوزن اللي إنتي عايزاه وده هتعمليه بإنك توازي المجهود المبذول يوميا وان تراقبي ما تأكلي بعد التوقف عن الريجيم ومن المفترض إنك خلال فترة الريجيم تتعلمي طريقة الأكل الصح وتعودي نفسك عليها ويبقى ده اسلوب حياتك على طول .. صحيح مش معقول إنك هتعيشي طول حياتك تعملي ريجيم أو تتابعي مع دكتوروعلشان تعملي تثبيت لوزنك ففيه أكثر من شكل للتثبيت إما إنك تقللي كميات اكلك يعنى تاكلي كل حاجة لكن بكميات اقل مع الرياضة اليومية المتاحة، والطريقة التانية إنك تعملي توازن يعني لو يوم خرجت مع صحابك وهتاخدي راحتك فى الاكل اليوم اللى بعده تمشى على الريجيم، ولو لخبطي فى الاكل يومين اليومين اللى بعدهم اعملي ريجيم وهكذا.
واهم حاجة إنك توزني نفسك على الاقل مرة كل اسبوعين علشان لو لقيتي نفسك وزنك زاد تقللي فى الوجبات الحرة خلال الاسبوع يعني لو محددة ثلاث وجبات فى الاسبوع قلليهم لوجبه واحده اواتنين ولو بدأتِ تاكلِ قطعتين شيكولاته فى اليوم خليهم قطعه واحده كل يومين وهكذا، ولو لقيت نفسك نازلة على الميزان ممكن تزودي شوية الحاجات اللي بتحبيها ولكن بحدود.
مهم جدا مراقبة الوزن عشان ممكن الكيلو يجر كيلو ومن غير ماتشعر هاترجع اللى نقصته بسرعه.
سني 31 عام رجل ووزني 89 كيلو
سني 31 عام رجل ووزني 89 كيلو وطولي 174 ممكن ريجيم عشان اخس؟؟؟
============
رد بص وطل:
الصديق العزيز ياريت تتابعنا لإن قريب جداً هيكون فيه أنظمة غذائية على اخسر وزنك.
لو سمحت يادكتور انا بعت لك
لو سمحت يادكتور انا بعت لك قبل كده بس للاسف ما وصلنيش الرد وانا بجد محتاجه رايك ضروري انا عمري 22 سنه عندي زياده في الوزن كبيره
المشكله اني عملت ريجيمات قبل كده كتير من وانا في اولي ثانوي وكنت بخس وبرجع تاني بسرعه علي الرغم من اني بكون عامله تثبيت وحاليا ما بقتش بعرف انزل بسهوله وانا اصلا اكلتي عاديه مش باكل كتير وحاليا انا تعبت من الانظمه وما بقتش عارفه امشي عليها نهائي وانا دلوقتي عديت ال 125 كيلو بس مش عارفه بقيت كام بالظبط ده غير ان جسمي بقي فيه ترهلات وبروزات شكلها صعب جدا انا فكرت اعمل عملية تدبيس المعده لاني محتاجاها بجد بس عايزه اعرف راي حضرتك ايه او اي طريقه تانيه وزني ينزل عليها شويه وانا احاول اكمل الباقي وشكراا ليك يادكتور محمد
===============
رد بص وطل:
الصديقة العزيزة نأسف على التأخير في الرد وبالنسبة لاستفسارك فيمكنك استشارة دكتور متخصص في علاج السمنة واتباع علاج دوائي لمدة سنة أو عمل تصغير للمعدة ويمكنك استشارة دكتور أسامة طه ورقم تليفونه 0169468684
السلام عليكم دكتور انا بمشى
السلام عليكم دكتور انا بمشى يوميا حوالى ساعه بس ساعات تضطرنى الظروف انى ما استمرش على المشى يوميا بسبب الامتحانات فهل ده ممكن يخلينى اتخن ولا مالهاش تأثير.
==============
رد بص وطل:
الصديقة العزيزة ياريت تحاولي على أد ما تقدري إنك تنتظمي في المشي حتى ولو لمدة خمس ايام في الأسبوع ولازم تعرفي إن حتى الأعمال المنزلية والمجهود الذهني بيساعدوا على زيادة معدل الحرق.
اناطولى 161 وكان وزنى 44 ونص
اناطولى 161 وكان وزنى 44 ونص ومشيت على نظام اكل ووصل وزنى ل55 كيلو لكن حاسه انى لسه رفيعه ممكن تقولوا لى ايه الوزن اللى اوصل له وخايفه اوصل للوزن ده واظهر رفيعه برده وكمان انا الدكتور اللى متابعه معاه ماعمليش تحاليل او قال لى امارس رياضة هو ادانى نظام اكل بس لكن الحمد لله زدت عليه ياريت تجاوبوا عليّ وميرسى ليكم قوى ربنا يجازيكم كل خير.
===============
رد بص وطل:
الصديقة العزيزة لازم تعرفي إن بناء الجسم أصب بكثير عن فقدان الوزن وعدد الكيلوات اللي إنتي زدتيهم يعتبر إنجاز ولازم تعرفي إن وزنك الصحي المناسب لطولك يتراوح بين 51 إلى 64 كيلو يعني إنتي حالياً لا تعانين من حالة نحافة.
السلام عليكم انا سني 22 عام
السلام عليكم انا سني 22 عام طولي 157 ووزني 55 ك اريد ان اعرف ما هو الوزن المناسب لطولي وعمري.
==============
رد بص وطل:
الوزن الصحي المناسب مع طولك يتراوح بين 49 إلى 61 كيلو.
ايه هو الدواء اللى بيزود
ايه هو الدواء اللى بيزود الوزن انا اول مره اسمع عنه.
===============
رد بص وطل:
هناك أدوية كثيرة بتستخدم لفتح الشهية وزيادة استفادة الجسم من الأكل.
انا عندى 22 سنه ووزنى 58
انا عندى 22 سنه ووزنى 58 وعملت تحاليل وما عنديش اى حاجه ونفسى اتخن وطولى 163 اعمل ايه؟!
==============
رد بص وطل:
الصديقة العزيزة إن وزنك الصحي المناسب لطولك يتراوح بين 53 إلى 66 كيلو يعني وزنك الحالي مثالي جداً ومش محتاجة تتخني خالص.
لو سمحت يا دكتور انا وزنى 47
لو سمحت يا دكتور انا وزنى 47 كيلو و طولى 165 و عندى انيميا و نفسى اتخن شوية بس لما بتخن بتخن من تحت بس فلو ممكن حضرتك تقولى ازاى اتخن من جسمى كله.
==============
رد بص وطل:
الصديقة العزيزة لابد من استشارة دكتور متخصص لعلاج الأنيميا علشان وزنك يزيد وياريت تكثري من الأكلات اللي فيها سعرات حرارية عالية زي الحلاوة والعسل مع ممارسة تمارين رياضية لبناء الجسم.
السلام عليكم لو سمحت يادكتور
السلام عليكم لو سمحت يادكتور انا وزنى كان 84 كجم وطولى 153 وتابعت مع دكتورة ونزلت حتى اصبح وزنى 76 لكن المشكلة هى ان وزنى ينزل ببطء ونسبة الدهون عندى لا تقل عن 53% مع العلم ان الدهون تكاد تكون معدومة فى نظامى الغذائى وبمارس رياضة وبآخد كروماكس قبل الاكل ومعاه كويك سليم وكمان دايت ماكس يوميا فهل عند حضرتك نصائح تساعدنى على حرق وتنزيل نسبة الدهون .وأيضا فى الشكل نزلت كتير وملابسى وسعت عليا لكن وزنى بينزل ببطء وبعانى من بطنى السفلية وكبر صدري والترهلات والسيلولايت ممكن وصفة طبيعية للترهلات والسيلولايت.شكرا لصبركم.
===================
رد بص وطل:
الاستمرار في الريجيم مع ممارسة التمارين الرياضية بانتظام هيساعدك في إنك تخسر وزنك لكن مع بعض الصبر والإرادة أما بالنسية لمشكلة السيليوليت مراجعه طبيب امراض جلدية او جراح تجميل ولاعلاقة له بالريجيم لان هو عبارة عن تكتل الدهون والالياف بشكل معين تحت الجلد وهى تحتاج الى علاج مش مجرد حاجة تذوب الدهون ولا ينفع معها اللف التنحيفى او شفط الدهون.
لو سمحت يا دكتور ياريت
لو سمحت يا دكتور ياريت تساعدنى لانى تعبت انا سنى 19 ووزنى 100 كليو وطولى 183 سم وباكل عادى مش كتير اوى بس مش قليل واحيانا بلعب رياضة بس على فترات متباعدة وماعنديش اى مشاكل صحية الحمد لله ياريت حضرتك تقول لى امشى على ريجيم ايه عشان عايز اوصل ل80 او اقل بس فى شهر بالكتير ياريت تقولى اعمل ايه؟
=============
رد بص وطل:
صديقنا العزيز لازم تستشير دكتور متخصص في علاج السمنة علشان تعمل التحاليل اللازمة ويقدر بالتالي يعطيك الريجيم الصحي المناسب لك وياريت تتابعنا لإن قريب جداً هيكون موجود على بص وطل أنظمة غذائية للريجيم تقدر تمشي عليها علشان تخسر وزنك ده إلى جانب ممارسة الرياضة وبإمكانك أيضاً الإستعانة بدواء الميريديا في حالة عدم وجود اي موانع طبية لإن الدواء ده بيساعد على زيادة معدل الحرق وإسراع الإحساس بالشبع.
انا زعلانة جدا وزهقت انا
انا زعلانة جدا وزهقت انا وزنى 52 كيلو عملت كل التحاليل طلعت كويسة ماعدا البراز طلع عندى اميبا واخدت الدواء وحللت وراحت مشيت على الميسجور والحلبة والعسل والرياضة وبقيت باكل يمكن بعدى الرغيف ونصف او اكل طبق كامل بس كل اللى زدته فى شهرين كيلو ولو عييت اخس 2 كيلو لغاية ما زهقت وزعلانة خالص.
============
رد بص وطل:
الصديقة العزيزة لازم تعرفي إن بناء الجسم بيحتاج لوقت أكتر من الريجيم وحتى لو زدتي كيلو واحد في شهر فده بيعتبر إنجاز لازم تفرحي به.
انا عمرى 24 سنة وطولى 165
انا عمرى 24 سنة وطولى 165 ووزنى 69 مشكلتى ان افخاذى متعرجة مش مستوية ومليانة بعمل ريجيم وبخس وهى بتخس لكن متعرجة مشكلتى ان انا كسولة عن التمارين بس قولى لو المفروض ان حلها التمارين اعمل واسفة للازعاج.
============
رد بص وطل:
ممارسة التمارين الرياضية فعلاً هي الحل كما أنها صحية جداً لباقي الجسم ولكنها تحتاج لصبر لإنها بتحتاج لوقت علشان تشعري بالنتيجة.
أنا والدة بقالي سنة بس بطنى
أنا والدة بقالي سنة بس بطنى لسه كبيرة ولسه في الخطوط من آثار الولادة اخسسها ازاى مع انى مش باكل كتير بس مقدرش على التمارين ايه الحل.
===============
رد بص وطل:
التمارين الرياضية هي أحسن طريقة لشد ترهلات الجسم وعلاج تركز الدهون في منطقة البطن أما بعد الحمل و الولادة مرات عديدة واصبحت البطن مترهله جدا ولم يعد يجدى معها نفعا فالجراحة تاتى بنتائج افضل من الرياضة، أما بالنسبة للخطوط البيضاء هناك بعض الكريمات تساعد على الاسراع من أختفاء الـ Strech Mark's وان كانت فى الغالب ما تختفى تدريجياً ولكن بشكل غير كامل بنسبة 90% تقريباً سواء مع او بدون استخدام الكريمات، وبالنسبة لنوع الكريم الأمن والمفيد فيجب مراجعة طبيب الامراض الجلدية فى هذا الشأن.
دكتور بليز طيب عايزة الاكلات
دكتور بليز طيب عايزة الاكلات اللى فيها سعرات حرارية عالية واكل بكمية قد ايه فى الاسبوع ولمدة قد ايه انا 53 كيلو وطولى 163.
==================
رد بص وطل:
الصديقة العزيزة يمكنك تناول الحلاوة والعسل وغيرها من السكريات ده بجانب ممارسة التمارين الرياضية لبناء الجسم ولكن لابد من متابعة وزنك على الميزان باستمرار حتى لا يزيد وزنك عن الحدود الصحية المسموح بها والتي تراوح بين 53 إلى 66 كيلو.
انا بقى سنى 22 سنة ووزنى 45
انا بقى سنى 22 سنة ووزنى 45 وطولى 165 ايه الحل؟
==============
رد بص وطل:
الصديقة العزيزة لابد من استشارة دكتور متخصص في علاج النحافة وعمل التحاليل اللازمة ودي هي التحاليل المطلوبة "تحليل بول، تحليل براز، تحليل كورتيزون، تحليل سكر، الغدة الدرقية" ولو كنتي لا تعاني من أي أمراض عضوية يمكنك استخدام دواء ال Mosegor .
