مع رانيا.. الموز واللبن والكاموميل للبشرة الحسّاسة

السلام عليكم لو سمحتي يارانيا هو فعلا الموز سواء اكلته او عملت منه ماسك بيعمل تجاعيد في البشرة ولا العكس عشان متلغبطه ومش عارفه فين الصح
؟؟ وشكرا

========================
رد بص وطل :
صديقتى الموز مفيد جداً سواء بتكليه أو بنستخدمه فى الماسكات .

انا بنت 23 سنه بشرتى في خد حبوب والخد التانى مفهوش حاجه وأنا مضايقة اوى ياترا زيت اللوز الحلو ينفع استخدمه ووشي فيه حبوب واستخدمه امتى وشكرا .

===========================
رد بص وطل :
صديقتى إنتى ممكن تستخدمى ماسم الخميرة والعسل وممكن تستخدمى زيت اللوز الحلو لبشرتك مافيش مشكله وإستخدمى صابونه مناسبه مع نوع بشرتك .

هاى يارانيا ممكن اعرف زيت جدايل كويس للشعر وكمان عايزة أعرف بديل الزيت من بانتين كويس للشعر.

=============================
رد بص وطل :
صديقتى زيت جدايل كويس بس لازم تتأكدى إنه أصلى، وبالنسبه لبديل الزيت أنا مش بفضل إنك تحطى كريم أو زيت وتحطيه على شعرك وتسبيه أكتر من 24 ساعه، ولو إنتى شعرك ناشف جداً ممكن تحطى نقطه .

ازيك يارانيا شكرا لردك على كل الاسئله ولى سؤال عصير الفجل ده بيبقى من راس الفجل الاخضر ولامن الفجل الابيض وفى انتظار الرد ارجوكى

==========================
رد بص وطل :
صديقتى إنتى بتعصرى راس الفجل فى عصارة البرتقال .

هاي رانيا ماسك الأرز وحبة البركه عملته وبقت منه كميه كبيره شوي اقدر احتفظ بيها بالتلاجه واستخدمها اليوم اللي بعده لا لازم كل يوم اعمله من اول وجديد ؟؟

=====================
رد بص وطل :
صديقتى إنتى ماينفعش تستخدمى الماسك ده يوم تانى لأنه لازم تستخدميه وهو سخن .

إيه الفرق بين زيت اللوز الحلو وزيت اللوز المر وكل واحد فيهم بنستخدمه فى ايه ؟؟

=========================
رد بص وطل :
صديقتى إحنا بنستخدم زيت اللوز الحلو فى ماسكات الشعر والبشرة وتابعينا عشان تعرفى إستخدام زيت اللوز المر .

ازيك رانـــــــيا ممكن اسم صن بلوك كويس للبشرة الجافة ؟؟

=====================
رد بص وطل :
صديقتى أفضل صن بلوك ممكن تستخدميه بايوديرما .

رانيا لو حطيت كل يوم قبل ما أنام زيت اللوز الحلو على بشرتى وغسله الصبح ينفع كمان احطه تحت عينى علشان الهالات ولا غلط؟

==========================
رد بص وطل :
صديقتى زيت اللوز كويس جداً للبشرة وممكن تحطيه وبالنسبه للهالات أفضل ماسك ممكن تستخدمى ماسك بذر القطون وشرائح الخيار يومياً .

ازيك يارانيا لو سمحتى انا فرحى بعد 3شهور وعندى اماكن داكنه ايه احسن ماسك او سنفرة ممكن اعمله ويجيب نتيجه بسرعة وشكرا ليكى

========================
رد بص وطل :
صديقتى ألف مبروك مقدماً وإنتى لازم تستخدمى الليفه العاديه مرتين فى اليوم والليفه المغربى مرتين فى الأسبوع وممكن تعملى سنفرة الملح والليمون والعدد ده هتلاقى فيه ماسكات مناسبه معاكى http://www.boswtol.com/health-and-beauty/beauty-and-styling/11/august/22...

ازيك يارانيا ممكن أعرف منك اسم اسبراي للشعر وبيكون استخدامه امتي وممكن تقولي لي علي اسم مكواة شعر كويسه انا كنت سمعت عن البيبي ليس بس لاقيت منها انواع كتير علي النت ممكن تعرفيني الاحسن ايه انا شعري مش ناعم اوي ولا وحش اوي بس انا بجهز وعايزة تكون عندي انا اسفه بس سؤال تاني انا كنت سمعت عن الفير هي دي برضوا نوع مكوه للشعر ياريت تفهميني وعرفيني ايه احسن في الاتنين واخر حاجه انا اسفه تقولي لي كمان عن نوع بروان كويسه لازاله الشعر وسعرها يكون كويس ممكن تساعديني واسفه اني طولت عليكي.

=====================
رد بص وطل :
صديقتى أنا مش بفضل إنك تحطى سبراى أو كريم على شعرك وتسبيه أكتر من 24 ساعه، والبيبى ليس ممكن تستخدميها بس مش كتير وممكن قبل ماتعملى شعرك تحطى سيروم لأنه بيقلل من أضرار السشوار والفير هى المكواة اللى بيستخدمها الكوافير لما بيعمل شعرك والبيبى ليس أفضل وأحسن الأنواع اللى ممكن تستخدميها براون، فيليبس وبالنسبه لبروان فهى كويسه لأزاله الشعر وإنتى هتلاقى أنواع كتير بتكون حسب الأستخدام اللى إنتى محتجاة.

مساء الخير إزيك يارانيا انا لو سمحتي كنت عايزة اسئل عن الحبوب اللي بتظهر في الظهر والمنطقه اللي بين الصدر والرقبه أنا بشرتي دهنيه والحبوب دي مضيقاني ممكن لو في صابونه للحبوب دي او اي وصفه وعندي خطوط بيضه في الركب دي ليها حل ومعلشي سؤال اخير هو في طريقه او رياضه معينه لتخسيس الرجل بس من المنطقه اللي فوق الركب ومتشكرة لحضرتك جدا

===========================
رد بص وطل :
صديقتى إستخدمى الليفه العاديه مرتين فى اليوم وكمان ممكن تستخدمى لوسيون الميه والملح وهتلاقيه فى العدد ده http://www.boswtol.com/health-and-beauty/beauty-and-styling/11/january/2... وبالنسبه لبشرتك لازم تستخدمى صابونه مناسبه مع بشرتك زى لمبادا وكمان ممكن تستخدمى ماسك الخميرة والعسل وعشان تخسسى منطقه معينه فى جسمك لازم تحفظى على أكلك وتمارسى رياضه بأستمرار زى رياضة المشى مثلاً .

السلام عليكم انا بس كنت عايزة اعرف وصفة طبيعية للتفتيح بين رجلى عشان المنطقة دى غامقة بزايدة؟ ومعلش عايزة اعرف نتيجة الوصفة دى حتبان كمان قد ايه؟وشكرا

=========================
رد بص وطل :
إستخدمى الليفه العاديه مرتين فى اليوم والليفه المغربى مرتين فى الأسبوع وكمان ممكن تستخدمى سنفرة الملح والليمون وممكن تستخدمى ماسك الأرز وحبة البركة .

رانيا حبيبتي انا عندي فرح اخويا عاوزة اجيب فستان سواريه انا بيضه أجيب لو ايه موضة وهل الازرق الزهري كويس

==========================
رد بص وطل :
صديقتى العزيزة ألف مبروك مقدماً واللون ده موضه جداً وكمان هيكون مناسب معاكى .

السلام عليكم......لو سمحتى يارانيا انا خطوبتى فى شهر 2 اللى جاى ان شاء الله.. وأنا هكمل العشريين فى شهر 2 برضو ان شاء الله.....انا كنت عايزة من حضرتك ازاى اعمل مسكات واستخدم ايه لبشرتى وجسمى انا بيضه وجسمى وبشرتى حساسين اووووى و كمان بشرتى دهنيه بس فى الشتاء لما بغسلها بتكون ناشفه من عند شفايفى وأنا مش بستعمل حاجه خالص......وعندى حبوب واثار حبوب وأعمل وشى امتى وسيبه قبلها بمده اد إيه؟؟؟وأنا بيطلعلى شعر فى دقنى ورقبتى وده حاجه مضايقنى اوووووى و جاتلى وانا كبيره وروحت للدكتور وكان فيه شويه اضطرابات فى الهرومانات و فالولى ان ده مرحله وهتعدى ان شاء الله وكمان بيتلعلى شعر فى مناطف تانيه فهمانى... وعايزة اعرف منك اعمل ايه و تنصحينى يايه؟؟؟؟؟ متشكرة اووووى على تعبك يا قمر ومنتظرة ردك.......
شكرا.....السلام عليكم .

=======================
رد بص وطل :
صديقتى ألف مبروك مقدماً والعدد ده هتلاقى فيه الروتين المناسب مع البشرة الحساسة ممكن تبدئى فى إستخدامه وبالنسبه لجسمك لازم تستخدمى الليفه العاديه مرتين فى اليوم والليفه المغربى مرة فى الأسبوع وممكن تستخدمى ماسك الأرز والياسمين اللى عملناه قبل كده لتعطير وترطيب الجسم وهتلاقيه فى العدد دهhttp://www.boswtol.com/health-and-beauty/beauty-and-styling/11/september/26/41423 وبالنسبه لوجود الشعر فى بعض مناطق الجسم فده شىء طبيعيى أما بالنسبه لوجود الشعر فى منطقه الذقن بيكون بسبب إطراب فى بعض الهرمونات وعشان كده تخدى علاج طبى .

ازيك يارانيا عامله ايه أنا يارانيا شعري بيتكسر اوى مش عارفه اعمله ايه انا كنت فردته من سنه ودالوقتى بيتكسر اوى وهايش وجاف ومتقصف وفى كل حاجه وحشه بس اهم حاجه قولى التكسير دا اعمل فيه ايه شكرا ليكى

=======================
رد بص وطل :
صديقتى الفرد مضر جداً للشعر، وبيسبب مشاكل والعدد ده هتلاقى فيه ماسكات ممكن تبدئى فى إستخدامها http://www.boswtol.com/health-and-beauty/beauty-and-styling/11/may/9/33112

هاي رانيا شكرا على وصفاتك الحلوه أنا كنت عايزة اسألك انا شعري متقصف الأطراف وخفيف يعني فيه فراغات وخشن من الأمام ومابيطولش من فترة طويله تنصحيني أعمل إيه من ماسكات وحمام زيت معليش طولت عليك لكن هل ممكن استعمل ماسكين مختلفين في نفس الاسبوع ولا لأ؟ ارجو الرد علي انا بثق في رأيك جدا وانا يائسه.

======================
رد بص وطل :
صديقتى إنتى ممكن تستخدمى ماسك الثوم وماسك القرفه لتطويل الشعر وهتلاقيه فى العدد ده http://www.boswtol.com/health-and-beauty/beauty-and-styling/11/may/9/33112 وإنتى ممكن تستخدمى 3 ماسكات فى الأسبوع .

كيفك يا قمر بدي طريقه تخلي الايدي ناعمه وبيضاءمش مكرمشه وتكون وصفه ممكن اعملها يوميا مشكوره مغلبينك دائما

========================
رد بص وطل :
صديقتى العدد ده هتلاقى فيه ماسكات لليد http://www.boswtol.com/health-and-beauty/beauty-and-styling/11/january/1... وكمان ممكن تستخدمى الكريمات المرطبه .

سلام رانيا أخبارك أنا بأشكرك كثييير على وصفاتك وأنا اول مرة أشارك معكم سؤالي عن خلطه اخذتها من احدى المنتديات لتفتيح الجسم والمناطق الحساسة ومكوناتها عبارة عن صابونه غار مبشورة مع ماء ورد وبعد ماتذوب نضيف لها كريم الجليسرين والجليسوليد الاحمر وكركم الجسم وفنجال قهوة من زيت الخروع وزيت الزيتون وزيت اللوز المر وعلبة فكس المستخدم للحروق ويدهن به الجسم يوميا ويترك ساعتين ثم يغسل لمدة شهر وأنا فعلا حصلت نتيجه خاصه في تفتيح المناطق الحساسه بس بديت اخاف ليكون لهذي المكونات تاثير على المناطق الحساسه وش رايك انت بالمكونات وهل فيها خطورة فديتك رانيا تجاوبي على سؤالي واسفه كثير على الاطاله.

========================
رد بص وطل :
صديقتى أنا معرفش الوصفه دى وكمان الفكس مش صح إستخدامه للمناطق الحساسة، وإنتى هتلاقى ماسكات كتير لتفتيح زى ماسك الأرز وحبة البركة، وممكن كمان تستخدمى ماسك الطين والزهرة الزرقا لتفتيح وهتلاقيه فى العدد ده http://www.boswtol.com/health-and-beauty/beauty-and-styling/11/august/15...

بعد اذنك يارانيا أنا بعمل حمام الزيت الثلاثى للتساقط وبعمل المايونيز للتقصيف بس بحس ان شعرى ناشف ومفيش اى حيويه والتقصيف من الجدور وبيهيش فا إيه الحل وإزاى اقسم الماسكات دى على الاسبوع السؤال التانى أعمل حمام البخار لوشى كام مرة فى الاسبوع أنا ماشيه كويس فى ماسك الرز وحبه البركه بس مش بحط على رقبتى فدا غلط ولا إيه أنا بشرتى مختلطه أعمل ماسك إيه كمان مع ماسك حبة البركة وشكرا السؤال التالت هل بعد حمام الزيت الثلاثى ممكن اغسل شعرى وأحط ماسك البلسم وعسل النحل ولا ده هيبقى كتير وهيجهد شعرى لان انا شعرى ناشف قوى وبيقع اكتر.

========================
رد بص وطل :
صديقتى حمام الزيت الثلاثى ممكن تعمليه مرتين فى الأسبوع وممكن تعملى ماسك المايونيز مرة فى الأسبوع وممكن تستخدمى بلسم بعد الشامبو لأنه بيطرى الشعر وممكن تعملى ماسك البلسم وعسل النحل مرة وماسك المايونيز مرة وبالنسبه لبشرتك ماسك الأرز وحبه البركة .

رانيا حبيبتي انا بشرتي مختلطه وكنت عايزة غسول وتونر ومرطب كويسين استخدمهم كل يوم .

=========================
رد بص وطل :
صديقتى أفضل الماركات اللى ممكن تستخديها نيفيا وديور ونتروجينا .

اذيك يارانيا عامله اييه انا كنت حعمل ماسك الزهره الزرقا ولما روحت العطار عشان اشتررريها اعطاني حاجه زي الحجر واقالي عادي تنطحن لوونه اززق خفيف مش ثقيل اووي ومش عارفه اذا كلامه صح او لا .. وهذا راابط صور للزهره اللي جبتها من العطار http://store1.up-00.com/Oct11/0iS19946.jpg
واذا مافتح معاكي الرابط ياريت تووريني انتي صووره ليهاواذا مش هى ياليت توصفيها ليه واذا لها اسم تاني ياريت تقول ومشكوووره تعبتك معاااي كثير

=====================
رد بص وطل :
صديقتى الزهرة اللى بنستخدمها فى الماسك ده هى زهرة الغسيل ومش لازم تجبيها من عند العطار والزهرة بتكون زى البودرة مطحونه عشان تكون سهلة فى الأستخدام

السلام عليكم لو سمحتي أنا بشرتي بتبقى في الشتا جافه جدا وبتقشر وبتحرقني
أنا عايزة غسول او ماسك مرطب لاني بجد بتعقد منها أوي وخاصه إن الشتا داخل
وشكرا اوي ليكي.

=======================
رد بص وطل :
صديقتى ممكن تستخدمى غسول ديور وكمان ممكن تستخدمى منتجات نيفيا وكمان صابونه دوف هتكون مناسبه معاكى جداً وإستخدمى كريم مرطب لبشرتك وكمان الماسكات المخصصة للبشرة الجافه .

هاى يارانيا ممكن أعرف رايك فى ماركه سيبال المانى .

======================
رد بص وطل :
صديقتى سيبال من الماركات الكويسه اللى ممكن تستخدميها .

هاى يارانيا انا كنت عايزة اسالك ايه رايك فى فرد تشى للشعر

=======================
رد بص وطل :
صديقتى أنا مش بانصح بفرد الشعر لأنه مضر جداً .

السلام عليكم إزيك يارانيا يارب تكوني بخير ممكن اعرف بذر القطون للهالات والتجاعيد الرفيعه استخدامها إزاي يعني كل يوم وله ايام معينه في الاسبوع ولفتره اد إيه وحضرتك قولتي في نوع بلدي ونوع مستورد أنا اجيب من العطار اي نوع انا عندي مشكله في شعر هو مش ناعم اوي ولا وحش اوي بس هو بيكسر من اول الشعر بس من الجناب وكمان من نص شعري وحاولت اجرب لف الطاقيه دي بس تتتعبنى اوي ومش قادره اتحملها ممكن لو في طريقه للتكسير ده تقولي لي عليها انا شعري خفيف اوي وخفيف خالص من قدام بس من الجنب لو سمحتي لو في حاجه برضوا تقوليها انا اسفه انا عندي سؤال ممكن يكون محرج شويه انا لما بعمل سويت في منطقة الابط بيكون عندي فالمنطقه دي زي خطوط رفيعه شكلها مضايقني اوي ومش عارفه دي ايه ممكن استخدم ليها بذر القطون في المكان ده او لو في اي حاجه تانيه ممكن تقولي لي وبرضوا نفس الخطوط الرفيعه دي في الرقبه بس بسيطه مش اوي ممكن استخدم برضوا بذر القطون ده ليها او لو في حاجه حضرتك تقوليها شكرا ليك جدا وأأسفه طولت عليكي.

==========================
رد بص وطل :
صديقتى بذر القطون إستخدميه كل يوم وكمان إستخدمى شرائح الخيار وممكن تستخدمى بذر القطون البلدى أو المستورد بس أنا بفضل إستخدام البلدى وبالنسبه لشعرك ممكن تستخدمى حمام زيت جوز الهند أو السمسم، وبالنسبه للخطوط اللى بتكون فى الجسم ممكن تستخدمى ماسك لسان البحر وهتلاقيه فى العدد ده http://www.boswtol.com/health-and-beauty/beauty-and-styling/10/november/...

السلام عليكم إزيك يارانيا عاوزة وصفه تبيض الاسنان وبتشيل الصفار ؟

=========================
رد بص وطل :
صديقتى أهم حاجة علشان تحصلي على أسنان بيضاء وبتلمع إنك تغسلي أسنانك بفرشة الأسنان بعد كل وجبة وياريت تجددي فرشة أسنانك كل فترة، واستعملي معجون أسنان مبيض وده موجود في الصيدليات، وكمان ممكن تستخدمي السواك كل يوم قبل ماتنامي، ولازم تهتمي بإنك تاكلي خضار وفاكهة كتير وعلى فكرة الفراولة لها تأثير مبيض على الأسنان.

لو سمحتى ينفع انام بكريم نيفا وإمتى احطه بالظبط وشكرا

======================
رد بص وطل :
صديقتى الكريم بتحطيه وإنتى فى البيت وممكن تحطيه قبل ماتنامى .

هاى يارونى انا جبت النخاع من الجزار ادانى النخاع بس من غير الماسورة اسلق النخاع من غير ماسورة عادى ولا اسيحة علشان فايدته متروحش وعايزة اعرف سنفرة الملح والليمون انتى قلتى انها مع الاستمرار بتدى نصف درجه تفتيح استمر عليها قد ايه واعملها كام مرة فى الاسبوع علشان تفتح واحس بنتيجة كويسه .

=========================
رد بص وطل :
صديقتى ممكن تستخدمى النخاع من غير الماسورة مافيش مشكله، وسنفرة الملح والليمون فعلاً مع الأستمرار عليها بتفتح وإستمرى عليها لمدة شهرين .

رانيا لما نروح عند العطار اشترى زيوت بيكون فى زيوت سايبه وزيوت معلبه ياريت تنصحينى انهو الصح؟ وايه رايك فى زيت الليمون لتفتيح مكان اثار الحبوب

=========================
رد بص وطل :
صديقتى المهم فى الزيت إنه يكون أصلى وأهم حاجه إنك تشتريه من عطار مضمون وممكن ولو إنتى عايزة تبقى مطمنه أكتر إشترى الزيوت المعلبه عشان تتأكدى من تاريخ الأنتهاء .

رانيا واحدة صحبتى ليها صاحبتها بشرتها رايقه اوى ماشاء الله سالتها انتى بتعملى إيه قالتلها بجيب زيت زيتون خاص بلبشرة واحطه كل يوم بليل واغسله الصبح ايه رايك ؟؟؟؟

======================
رد بص وطل :
صديقتى زيت الزيتون كويس جداً وكمان زيت اللوز الحلو لأنه بيروق البشرة وكمان بيساعد فى التفتيح ومافيش مشكله فى الطريقه دى بس أهم حاجه إنك ماتتعرضيش للشمس وإنتى حاطه الزيت .

ازيك يا رانيــا انا عندي حبوب في وشي حبوب ملتهبة وحبوب برؤوس بيضاء
كنت عايزة اعرف ازاي اعالج المشكلة دي وازاي اعتني ببشرتي انا بشرتي دهنيه وحساسه اوي وعندي 17 سنه ومش بحط ميك اب خالص .

============================
رد بص وطل:
صديقتى من الأفضل إنك تستشيرى دكتور جلديه فى الأول لأنك محتاجه علاج طبى وبعد كده ممكن تستخدمى الماسكات الطبيعيه .

أنا بشكرك يارانيا انا جربت ماسك الحنه والبن وزيت جوز الهند بجد جميله ياترى هي بتطول الشعر ولا بينعم بس وان كان في حاجه لتطول الشعر ياريت تقولي لي عليها وشكرا .

============================
رد بص وطل :
صديقتى عيزاكى تعرفى إن كل الماسكات اللى بتغذى الشعر وبتقويه بتساعد فى تطويل الشعر وفيه ماسكات بتسرع فى إطاله الشعر زى ماسك القرفه وهتلاقيه فى العدد ده بس لازم تعمليه بنفس الطريقه http://www.boswtol.com/health-and-beauty/beauty-and-styling/11/may/9/33112

لو سمحتى يارونى انا جبت شامبو بانتين والبلسم بتاعو وبديل الزيت ومش عارفه استخدم البلسم ازاى قد ايه اسيبو على شعرى وبحطو عادى على فروة راسى وبديل الزيت برضو مش عارفه طريقه استخدامو ازاى بالظبط وقد ايه اسيبو على شعرى بغسلو بعدها ولا هما قصدهم ايه معلشى انا اول مره استخدمهم

=======================
رد بص وطل :
صديقتى البلسم بتحطيه على شعرك بعد الشامبو وبتغسلى شعرك على طول لأنه بيطرى الشعر وبتحطيه على شعرك نفسه، وبالنسبه لبديل الزيت أنا مش بفضل إنك تحطى كريم أو زيت وتسبيه على شعرك أكتر من 24 ساعه، إنتى ممكن تحطى نقطه منه بس لو شعرك جاف جداً .

بجد شكرا ليكى على المعلومات دى وكنت عايزة اسئل حضرتك سؤال انا بشرتى كانت صافيه جدا وخاليه من اى عيوب وانا اصلا مش بحط عليها اى ميك اب بس الايام دى حطيت عليها كريم اسمةyogurtوكريم fair&lovely ظهرلى فيها حبوب على الرغم انى مكنتش ساعتها بخرج فى الشمس والايام دى لما حطيت عليها كريم اساس وكونسيلر بس وبخرج طبعا بيهم علشان الجامعة ظهر فى وشى بثور بيضة وبشرتى اصبحت بهتانة وظهرت قشرة اعلى الحاجب وعند منطقة الفم.... ارجوا الرد وياريت حضرتك تنصحينى بماسكات معينة لانى مش عارفة نوع بشرتى ايه ..هيه دهنية من نحيه الانف وباقى وشى عادى

========================
رد بص وطل :
صديقتى أنا مش بفضل إستخدام كريمات التفتيح وإنتى لازم تستخدمى صن بلوك قبل ماتتعرضى للشمس وأفضل صن بلوك ممكن تستخدميه بايودرما، وأنا مش بفضل إستخدام كميات كبيرة من الميك أب الصبح ولازم تستخدمى ماركات مكياج مضمونه عشان تحفظى على بشرتك، والعدد ده هتلاقى فيه روتين مخصص للبشرة المركبه ومنطقه الأنف غالباً بتكون منطقه دهنيه .

السلام عليكم ازيك يارانيا لو سمحتى انا بشرتى دهنيه ومضاياقنى فالحبوب واثارها عاوزة حل ليها وازاى اعتنى بيها كل يوم وعاوزه حل للشعر الخفيف لتتقيله بلييز ارررجو الرد

========================
رد بص وطل :
صديقتى العدد ده هتلاقى فيه الروتين المناسب للبشرة الدهنية http://www.boswtol.com/health-and-beauty/beauty-and-styling/11/june/20/3... وبالنسبه لشعرك ممكن تبدئى فى إستخدام حمام الزيت الثلاثى لمدة 3 شهور ومكوناته( زيت الثوم والجرجير وجوز الهند ) .

هاى رنوش ميرسى ياقمرتى على الوصفات الجميلة دى أنا عندى سؤال بصى انا بحط بودرة مائية بقالى حوالى سنتين دلوقتى بس انا اتعودت عليها وبحس وشى من غيرها وحش اوى اوى ومش كله لون واحد انا دلوقتى عايزة ابطل احطها عايزة حاجه بديله ليها وياريت لو فى اسم كريم حلو لعلاج بشرتى قولي لى عليه مع العلم انى قمحاويه وسؤال كمان أنا شعرى ناعم بس خفيف جدا جدا أنا عايزة وصفه سريعه علشان يتقل لان خطوبتى بعد اسبوعين ياريت تردى عليه بليز .

============================
رد بص وطل :
صديقتى البودرة المائيه مضرة جداً للبشرة وأنا مش بانصح بأستخدامها وإنتى ممكن تستخدمى اللوس بودر (البودرة السايبه) وكمان لازم تستخدمى كريم أساس قبل البودرة وممكن تبدئى فى إستخدام الماسكات الطبيعيه وبالنسبه لشعرك فالازم تعرفى إن الماسكات بتحتاج وقت وإستمرار فى الأستخدام عشان تحسى بالنتيجه وممكن تستخدمى حمام الزيت الثلاثى (الثوم والجرجير وجوز الهند).

رورو أنا كل ما أجيب صابونه لمبادا مكتوب عليها ماسك سريع وسهل يعنى أعملها زى الماسك ولا إيه وفيه منها بالطين ينفع لبشرتى وأنا بشرتى مختلطه وبعد ما أغسل وشى بيها أحط مرطب إيه الصبح وأنزل اصل ماينفعش احط زيت عشان بروح الجامعه .

==========================
رد بص وطل :
صديقتى صابونه لمبادا مناسبه للبشرة الدهنيه وأى صابونه بيكون فيها طين بتساعد فى تفتيح البشره وممكن تحطى كريم مرطب أو زيت لوز حلو بس ماينفعش تتعرضى بالزيت أو الكريم للشمس ولازم تستخدمى صن بلوك قبل ماتنزلى .

إزيك يارانيا لو سمحتى انا كان عندى سؤال عن طريقه تقلل من نمو الشعر بعد ازاله ولمدة كام يوم لازم استعملها بعد كل مرة اشيل فيها الشعر وميرسي كثير .

========================
رد بص وطل :
صديقتى لازم تستمرى فترة على إستخدام نبات السعد بعد إزاله الشعر عشان تبدئى تحسى بالنتيجه .

السلام عليكم ياقمرنا رانيا لو سمحتي انا بشرتي جافه تقريبا هل يصلح ان اعمل لوسيون البرتقال والليمون للبشرة أو لأ السؤال التاني لو تكرمتي أنا احياناً بمسح شويه فازلين فقط على بشرة الوجه خصوصا قبل النوم ايه رايك هل يفيد بشرتي .

==========================
رد بص وطل :
صديقتى لوسيون البرتقال والليمون مناسب أكتر للبشرة الدهنيه، وفى ماسكات كتير مناسبه للبشرة الجافه عملناها إختارى منها المناسب معاكى، وممكن تستخدمى بدل الفازلين زيت اللوز الحلو .

رانيا بليز انا بشرتى مرهقه جدا لانى بسافر كتير وبتعرض للتراب والشمس حوالى 12 ساعه فى اليوم محتاجه ماسك يخلى بشرتى نضره كدا فى اسبوع لان جايلى عريس يوم الخميس الجاى ان شاء الله ويارب يجى بقى لان كل شوية بيأجل المعاد المشكله ان دى اول مره هيشوفنى وهشوفه ونفسى تبقى بشرتى نضره كدا لانها مرهقه جدا من السفر وإزاى احافظ عليها خلال سفرى من التراب والشمس انا بستعمل صن بلوك بس بحطه الصبح وبكسل اجدده بصراحه .

===========================
رد بص وطل :
صديقتى ربنا يتمم لك بخير إن شاء الله، ولازم تستخدمى صن بلوك قبل ماتتعرضى للشمس وأفضل نوع ممكن تستخدميه بايوديرما، وممكن تبدئى فى إستخدام الروتين اليومى لتفتيح وهتلاقيه فى العدد ده http://www.boswtol.com/health-and-beauty/beauty-and-styling/11/june/6/34947

لو سمحتى انا مطلخبطه شويه أنا بشرتى مخطلته جافه ودهنيه وكمان حساسه وفيها حبوب وبجرب كل الحجات اللى حضرتك بتقولى عليها وأنا عندى 22 سنه ممكن أعرف إيه اكتر حاجه امشى عليها تحمينى من ظهور التجاعيد لانى بتعبها جدا من المسكات .

========================
رد بص وطل :
صديقتى والعدد ده مناسب للبشرة المركبه وإنتى لازم تستخدمى صابونه مناسبه وممكن تستخدمى صابونه للبشرة الدهنيه زى لمبادا وبعد كده ترطبى المناطق الجافه بزيت اللوز الحلو http://www.boswtol.com/health-and-beauty/beauty-and-styling/11/june/20/3...

رانيا ممكن نستعمل مرهم او صابونه لازاله اثر الحبوب ولا ده مش كافي

=====================
رد بص وطل :
صديقتى إستخدمى صابونه لمبادا ولو عايزة تستخدمى مرهم طبى يبقى لازم يكون تحت إشراف دكتور وممكن تستخدمى الماسكات الطبيعيه زى ماسك الخميرة والعسل وحبوب اللقاح .

شكرا جدا علي مجهودتك الرائعه لو سمحتي عندي 32 سنه وظهر لى رقم 11 بين الحاجبين لوسمحتي عايزة ماسك يخفف من هذا المنظر حيث نفسيتي سيئة جدا .

=======================
رد بص وطل :
صديقتى إنتى ممكن تبدئى فى إستخدام كريمات الليل والنهار إبدئى فى إستخدام الماسكات الطبيعيه بأستمرار والعدد ده هتلاقى فيه ماسكات مناسبه معاكى إبدئى فى إستخدامها وإستمرى عليها http://www.boswtol.com/health-and-beauty/beauty-and-styling/10/december/...

رانيا حبيبتي انا سمعت كلامك وبطلت ادهن شعري اي زيت او كريم مع اني شعري جاف وناشف جدا بس استخدمت السيروم الزيرو فريز كدهان احطه لما اغسل شعري يعني مرة واحدة مش كل يوم وبحط كميه قليله و بصراحه هو هايل ياروني وشعري جاي عليه قوي هل ده فيه غلط.

===============================
رد بص وطل :
صديقتى مافيش مشكله إنك تستتخدميه بس يكون كميه قليلة جداً وممكن تدهنى شعرك بنقطتين من زيت اللوز .

هاي ياقمر روني حبيبتي أنا شعري الحمد لله اتعدل وبقي جميل جدا متتخيلييش كان بايظ إزاي واتبعت كل اللي قولتي عليه والحمد لله اتعدل كتير أنا دلوقتي ماشيه علي المايونيز ومرتاحه عليه جدا وبحط عليه معلقه عسل نحل بس شعري فيه قشرة أعمل فيها إيه من غير ما يرجع ينشف تاني .

=========================
رد بص وطل :
صديقتى إستمرى فى إستخدام ماسك المايونيز وممكن تحطى عليه عسل مافيش مشكله،
وممكن تعملى ماسك البرتقال والعسل لعلاج القشرة وهتلاقيه فى العدد ده http://www.boswtol.com/health-and-beauty/beauty-and-styling/11/march/6/2...

رانيا لو سمحتى كنت عايزة اتاكد منك ان ماسك الخميرة والعسل ده ينفعلى انا بس عندى مكان اثر حبايه هى واحده بس بعد ما الحبايه راحت سابت أثر مكانها بلون أغمق بليز ردى عليه ضرورى.

============================
رد بص وطل :
صديقتى إنتى ممكن تستخدمى ماسك الخميرة والعسل وتضيفى عليه حبوب اللقاح عشان مشكله الحبوب وممكن تعملى الماسك ده عشان هنعمل خليط من عصير الفجل وعصير الليمون وشرش اللبن الزبادي بمقادير متساويه، ونحطه في الثلاجه لمدة 48 ساعة، وبعدين نبدأ نحطّه على مكان البقع سواء الناتجة عن آثار حبوب أو نمش أو كلف، ونسيبه نصف ساعة وبعدين نشطفه .

انا نفسى استخدم الحنه ولكن بيقولوا بتخلى الشعر ابيض واشتريت حنة من عند العطار اسمها العروسه استخدمها ولا ايه.

===================
رد بص وطل :
صديقتى الكلام ده مش صحيح والحنه الطبيعيه كويسه جداً للشعر بس أهم حاجه إنك تتأكدى إنها أصليه عشان كده لازم تجبيها من عند عطار مضمون والعدد ده هتلاقى فيه ماسكات بالحنه http://www.boswtol.com/health-and-beauty/beauty-and-styling/11/march/14/...

هاي روني كنت عايزة اسئلك عن ميه الورد هي بيبقى لونها شفاف ولا لونها وردي أنا جبتها من الصيدليه ولونها وردي من ايفا وجبتها من عند العطار شفافه وريحتها غير ريحه اللى جبتها من الصيدليه ممكن تقولي لي موصفات ميه الورد الاصليه وعايزة اعرف نوع كريم تشقير للوجه كويس لو سمحتي وكمان سؤال زيت الاس بينحط علي فروة الراس بس ولا علي الشعر كمان وميرررسي اوي ليكي ياسكره.

====================
رد بص وطل:
صديقتى ميه الورد الأصليه بيكون لونها شفاف زى الميه وريحه الورد باينه فيه،وبالنسبه للتشقير ممكن تستخدمى بودرة جولى إيفا وبالنسبه للآس هتلاقى الماسك فى العدد ده http://www.boswtol.com/health-and-beauty/beauty-and-styling/11/august/29...

هاى يارانيا ازيك..ربنا يقدرك وتردى على كل الاسئله اللى بتجيلك دى
بس إنتى قلتى ان حمام الكريم بيتساب نص ساعه وبعدين نغسل الشعر بالشامبو ولا ميه عاديه؟! يعنى اغسل شعرى بالشامبو قبل وبعد حمام الكريم؟ حاجه كمان معلش..حمام الزيت الثلاثى أنا مش بعمله بكميه متساويه بزود مقدار زيت جوز الهند اكتر عشان الريحة وعشان يطرى شعرى عادى ولا فيها حاجه؟ كمان هو انا ممكن استخدم زيت جوز لهند كحمام زيت لوحده؟؟ الفف شكر ليكى يارونى و ميرسيييي جدا

=======================
رد بص وطل :
صديقتى حمام الكريم بنغسلى شعرك قبل ماتعملي حمام الكريم وبعده، ومافيش مشكلة لو زوتى كميه زيت جوز الهند بس من الأفضل إن النسب تكون متساويه وكمان ممكن تستخدمى حمام زيت جوز الهند لوحدة .

كيفك يارانيا ان شاء لله بخيير ..حابه اسالك عن طرريق انظف بيها الجسم من الجلد المييت والاوساخ غير الحمام المغرربي لاني بجد بتعب فيه ومابنكتم اووي من البخار وبنفس الووقت عاوزه وصفه تفتح الجسم وتووحيد اللون وتشيل اللون الغامق بالجسم لانه انا بااماكن فتحه وبااماكن ثانيه بكون غامقه شووي ؟
وانا بشررتي مختللطه عايزه برنامج يومي ليها بيفتحها ويعطيها نضارة وروونق وكمان اعاني من نجاعيد حوول العين وحوول الفم وانا لسسس صغيره عمري 23 وعندي كلف على عضمه الخديين ؟ ومشكوورة كثير ياررانيا ربنا بجزززيكي الف خيير

=======================
رد بص وطل :
صديقتى إستخدمى الليفه العاديه مرتين فى اليوم والليفه العاديه مرتين فى الأسبوع، وممكن تعملى سنفرة الملح والليمون وممكن تعملى ماسك الزهرا الزرقا وهتلاقيه فى العدد ده http://www.boswtol.com:8088/health-and-beauty/beauty-and-styling/11/augu... وبالنسبه لبشرتك ممكن تستخدمى الروتين اليومى وإختارى منه المناسب معاكى http://www.boswtol.com:8088/health-and-beauty/beauty-and-styling/11/june...