مع رانيا.. عصاير وكوكتيلات لجمال بشرتك

صباح الخير عليكوا كلكو...رانيا عندى كام مشكلة ياريت الاقى عندك حل...اولا:الانتفاخ تحت العين ...لما بصحى من النوم بلاقى تحت عينى منتفخ وشكلى بيبقى وحش وأنا عينى منتفخة....ايه الحل ؟
ثانيا: ايدى بقت فحمة من السواقة..عشان الشمس بتيجى عليها على طول و انا تجاهلت المشكلة دى لحد مابقت ايدى عاملة زى ايد بكار؟؟؟ اعمل ايه عشان ارجعها ايد بنت تانى ؟ ثالثا وأخيرا: عندى فى خدودى مسام واسعة شكلها بيضايقنى اوى....إيه حلها و كمان وشى لونه مش متجانس ...إيه الحل برده؟؟

=======================
رد بص وطل :
صديقتى العزيزة بالنسبه للأنتفاج العين ممكن تحطى شرائح الخيار يومياً، ومن الأفضل تستشيرى دكتور لأنك ممكن تكونى محتاجه قطرة طبيه، وبالنسبه لأيدك أنصحك إنك تحطى صن بلوك عليها قبل ماتتعرضى للشمس وممكن تحطى ماسك الجلسرين والليمون وكمان ممكن تستخدمى لوسيون البطاطس وهتلاقيه فى العدد ده http://www.boswtol.com/health-and-beauty/beauty-and-styling/11/march/21/... وبالنسبه لبشرة وشك إستخدمى شرائح الطماطم عشان المسام وكمان لازم تحطى صن بلوك قبل ماتتعرضى للشمس وممكن تعملى ماسك الأرز وحبه البركة عشان البقع اللى فى بشرتك .

عايزة وصفة لتفتيح المناطق الحساسة ممكن سؤال الليمون والنشا لتفتيح المناطق الحساسة كويس ولا لأ ووصفة لتفتيح الركب.

===================
رد بص وطل :
صديقتى العزيزة الليمون فعلاً بيفتح ولكن إنتى ممكن تستخدمى الكريمات الطبيه للتفتيح بنفس الطريقه اللى قولناها، وبالنسبه للركب فممكن تعملى ماسك الزنجبيل لتفتيح الكوع والركب وهلاقيه فى العدد ده http://www.boswtol.com/health-and-beauty/beauty-and-styling/10/november/...

ازيك يارانيا انا بشكرك اوى بس عندى سؤال انا شعرى ناعم مش خشن لما اغسله بالمياه يبقى جميل بس لما ينشف يبقى هايش و ناشف اوى انا عاوز حاجه بحيث يفضل طرى ومش هايش وعاوز كمان حاجه تخليه يلمع وحاجه تانيه معليش بنت اخويا كمان شعرها قصير وهايش ياريت بردو تقولى حاجه ليها انا بشكرك جدا وحاجه اخيرة ياريت حضرتك لما يكون فى ندوة ممكن اى حد من متابعى بص وطل يحضر وإنتى كمان ارجو كل ندوة تقولى فى ندوة فى المكان و الوقت يارت ماشى يارانيا سورى على الاطاله.

===================
رد بص وطل :
صديقى العزيز أهلاً بيك أهم حاجة إستخدام نوع شامبو مناسب مع شعرك وكمان ممكن تبدء فى إستخدام ماسكات تنعيم الشعر وهتلاقيها فى العدد ده http://www.boswtol.com/health-and-beauty/beauty-and-styling/11/january/2... والأستمرار فى إستخدام الماسكات الطبيعيه بيدى للشعر لمعه، وبالنسبه لبنت أختك ممكن تعمل حمام زيت اللوز المخصص للأطفال، وأنا بانصح بالتغذيه الجيدة للأطفال.

هاى رانيا أنا عايزة أعرف طريقة سنفرة الملح والليمون و استخدمها لمدة اد إيه عشان تفتح وينفع لما أعمل ماسكات الزبادى وحبة البركة أعمل معاهم ماسك اللوز المطحون ولا لأ وعايزة أعرف انهو بيفتح أسرع ماسكات الزبادى وحبة البركة ولااللوز وعلى فكرة أنا عمالت لوسيون مغلى البطاطس هل أكمل فيه مع الماسكات ولا لأ مع العلم انه جاب معايا نتيجه وميرسى اوى يارانيا.

==================
رد بص وطل :
صديقتى العزيزة العدد ده هتلاقى فيه طريقه سنفرة الملح والليمون http://www.boswtol.com/health-and-beauty/beauty-and-styling/11/january/2... والماسكين كويسين بس أهم حاجة إنك تعملى الماسك بنفس الطريقه اللى بنقول عليها وكمان تستمرى فى الأستخدام .

السلام عليكم رانيا لو سمحتى عايزة حل لشعرى لانه من فوق ناشف ومن تحت ناعم جدا.

=====================
رد بص وطل :
صديقتى العزيزة إنتى ممكن تعملى ماسكات تنعيم الشعر وهتلاقيها فى العدد ده http://www.boswtol.com/health-and-beauty/beauty-and-styling/11/january/2...

إزيك يارانيا أنا كنت عايزة اسألك إزاى أفتح شعرى قبل الصبغة أنا شعرى اسود وكنت عايزة أعمله احمر غامق فعايزة أعرف افتحه إزاى وأستخدم إيه للتفتيح.

======================
رد بص وطل :
صديقتى إستخدمى صبغه نوعها كويس عشان تديكى اللون اللى إنتى عايزاة وأفضل أنواع الصبغه باليت أو جارنييه.

إزيك يارونى يارب تكونى بخير انا بس عندى سؤال ياريت تفيدينى فيه فى وصفه طبيعيه لأزاله شعر الوجه هى صابونه زيت زيتون مبشور وملح خشن وميه ورد وأخلطهم لحد ما يبقى زى الكريم واحطهم على وشى ساعتين والاقى شعر الوجه مش موجود ياترى ده فعلا صح ولو صح ممكن يكون فيه ضرر على بشرتى ولا لأ .

==================
رد بص وطل :
صديقتى العزيزة الحاجات دى كويسه لكن مالهاش أى علاقه بعدم ظهور الشعر وممكن تعملى وصفه نبات السعد لأنها مع الأستمرار فعلاً بتقلل من ظهور الشعر هتلاقيه عند العطار خدي 3 معالق من مسحوق النبات وضيفيه إلى لتر ميه وحطيه على النار لغاية ما يغلي وسبيه يتنقع لمدة ربع ساعة وحطيه على جسمك كغسول بعد إزالة الشعر لمدة 6 أيام متواصلة من كل شهر.

ازيك يارانيا عامله إيه انا عايزة اسالك ايه رايك فى حمام كريم فاشكول بالثوم وهل ينفع اضيفله معلقة عسل قبل ماأعمله على شعرى؟

======================
رد بص وطل :
صديقتى العزيزة الماسك اللى بنحط فيه العسل ومعلقه حمام كريم بتستخدمى أى ماسك مناسب مع شعرك وأفضل نوع حمام كريم ممكن تستخدميه لوريال .

ياريت يارانيا تقولي لى على حاجة كويسة تصبغ الشعر الابيض لانى والدتى شعرها ابيض من قدام وكل معملها صبغة متطلعش حلوة تطلع حلوة من ورا ومن قدام فى الشعر الابيض تطلع فاتحة قوى ومتديش الون اللى احنا عايزينه وياريت يكون فى حاجة طبيعيه تصبغ الشعر وتخليه اسود.

====================
رد بص وطل :
صديقتى العزيزة ممكن مامتك تستخدم حنه سودة وتضيف عليها خل أو ليمون عشان تديكى اللون اللى إنتى عايزاة وكمان ممكن تستخدم كريم ريستوريا لعلاج الشيب .

السلام عليكم يارب تكونى بخير يارانيا حبيبتى يارانيا انا مشكلة شعرى غريبة انا كان شعرى ناعم وفجأة من 8 سنين بدأ يبقى خشن ومقصف وباهت ولما كشفت الدكتور ادانى علاج وعالجة الانيميا وشعرى اتحسن بس مشكلتى انى شعرى من عند الجزور ناعم وكل ما تبعدى عن الجزور شعرى يبقى ناشف انا تعبت جدا من المشكلة دى بالله عليكى يارانيا سعدينى لانى فرحى باقى عليه 4 شهور ونفسى شعرى يتحسن وعلى فكرة انا حاليا بعمل حمام زيت جوز الهند وانا هاتواصل معاكى لغاية ان شاء الله موصل لحل انا بحبك كتير على فكرة

===================
رد بص وطل :
صديقتى العزيزة إبدئى فى الأهتمام بشعرك وممكن تقصى أطراف شعرك عشان مشكلة التقصيف وممكن تستخدمى ماسكات تنعيم الشعر وهتلاقيها فى العدد ده http://www.boswtol.com/health-and-beauty/beauty-and-styling/11/january/2... وبالنسبه لتقصيف الشعر ممكن تعملى ماسك الموز والكاموميل وهتلاقيه فى العدد ده http://www.boswtol.com/health-and-beauty/beauty-and-styling/11/march/14/...

لوسمحتي يارانيا عايزة اسألك على بذر القطون انا لما استخدمه بيخلي عيني تتنفخ او تورم على خفيف من تحت فهل استمر عليه ولا لأ.

=====================
رد بص وطل :
صديقتى العزيزة بذر القطون بيعالج الهالات السودة والخطوط الرفيعه اللى تحت العين، والتوريم اللى فى عينك ده أنصحك بأستشارة الطبيب لأن بذر القطون مالوش أى علاقه بالورم ده وممكن تبدئى فى إستخدام شرائح الخيار .

هاى يارانيا شكرا على وصفاتك أنا قرات عن فؤائد الليمون ووجدت انه بيعالج القشرة والوصفه هى (تفرك الفروه بنصف ليمونه فركا جيدا وفى الصباح يعسل بالماء المضاف اليه ورقتى نعناع ومعلقتى زنجبيل مطحون)هل الوصفه دى كويسه للقضاء على القشرة وشكرا على مجهودك .

==================
رد بص وطل :
صديقتى العزيزة بالنسبه لمشكلة القشرة فإنتى ممكن تشطفى شعرك بالخل وكمان ممكن تعملى ماسك الكاموميل لعلاج القشرة وهتلاقيه فىة العدد ده http://www.boswtol.com/health-and-beauty/beauty-and-styling/10/december/...

أنا كنت عايزة اسال سؤال أنا عارفه انه مش تبع الموضوع بس أنا مش عارفه ازاى بكتي سؤالى فى العنايه بالبشرة انا بشرتى دهنيه وعندى 19 سنه وعايزة اجيب صن بلوك ويكون حلو ايه افضل ماركه وبسعر معقول وانا عايزه اسال ان واحده صاحبتى قالتلى انه بيعرق البشرة اوى وبيخليها كانها مدهنه ده صيح ولا لأ شكرا اوى

====================
رد بص وطل :
صديقتى العزيزة أفضل نوع صن بلوك ممكن تستخدميه بايوديرما عامل حماية 100

عايزة اعرف وصفة لتفتيح المناطق الحساسة وياريت تقولي لى الوصفة دي حلوة ولا غلط لتحت الابط نصف ليمونه تحت الابط وبعدين نضع نشا ياريت تردى عليا

====================
رد بص وطل:
صديقتى العزيزة إنت ممكن تستخدمى الكريمات الطبيه بنفس الطريقه اللى قولناها لتفتيح المناطق الحساسه وهتلاقى الكريمات فى العدد ده http://www.boswtol.com/health-and-beauty/beauty-and-styling/11/january/3... والليمون طبعاً كويس جداً وبيساعد فى التفتيح .

هاى رانيا انا بس عايزة اعرف السنفرة دى بتعمل ايه للجسم وهل ده من اول مرة ولا إيه وكمان عايزه أعرف ينفع وانا حاطه الماسك اعمل مجهود وجسمى يعرق ولاده غلط وأنا عايزة اعرف ازاى اعالج الغمقان فى منطقة الظهر والقفا وكمان الكوع والركبه وميرسى ليكى اوى يا رانيا.

=====================
رد بص وطل :
صديقتى العزيزة السنفرة مهمه جداً للبشرة الجسم لأنها بتزيل الأتربه من الجسم وأنا بانصح دايماً إنك تعملى سنفرة لجسمك مرة فى الأسبوع ومافيش مشكلة إنك تعملى مجهود وإنتى حاطة الماسك وبالنسبه لتفتيح الغمقان اللى فى جسمك ممكن تعملى سنفرة الملح والليمون والعدد ده هتلاقى فيه ماسك الزنجبيل لتفتيح الكوع والركب http://www.boswtol.com/health-and-beauty/beauty-and-styling/10/november/...

السلام عليكم اذيك يا قمر ممكن اعرف احسن ماسك للتخلص السريع من الحبوب وطريقة استخدامه بسرعه لو سمحتى شكرا

==================
رد بص وطل :
صديقتى العزيزة إهتمى بنظافه بشرتك وممكن تستخدمى صابونه لمبادا وكمان العدد ده هتلاقى فيه ماسك للحبوب http://www.boswtol.com/health-and-beauty/beauty-and-styling/10/may/26/14186

إزيك يارنيا معلش انا تعباكى معايا انا كنت عايزة أغير لون شعرى أنا بشرتى خمرية وكنت عايزة أعمل لون احمر غامق بس انا شعرى مش بيلقط على طول اللون وانا كنت من سنه عمله لونه أسود مش عارفه أستخدم انهى صبغه واستعملها إزاى.

=====================
رد بص وطل :
صديقتى العزيزة أفضل أنواع الصبغه اللى ممكن تستخدميها باليت وجارنيه وهتلاقى طريقه الأستخدام مكتوبه عليها .

إزيك يارانيا معلش هتعبك معايا شويه انا بتابع حلقاتك كلها وهى مفيدة وبسيطة بس انا مشكلتى مش عارفة ابدا منين انا عندى 20 سنه بشرتى دهنية وسمرا وفيها حبوب وعندى الاماكن الحساسة غامقة وعندى خطوط بيضة فى جسمى انا مش عارفة ابدا منين واه الروتين اللى أمشى عليه.

======================
رد بص وطل :
صديقتى العزيزة إستخدمى صابونه مناسبه مع بشرتك زى لمبادا وكمان إستخدمى الماسكات المناسبه للبشرة الدهنيه وبالنسبه لجسمك إستخدمى الليفه العاديه مرتين فى اليوم والليفه المغربى مرتين فى الأسبوع وممكن تستخدمى الكريمات الطبيه لتفتيح المناطق الحساسه بنفس الطريقه اللى قولناها وكمان ممكن تعملى ماسك لسان البحر عشان مشكلة الخطوط البيضة وهتلاقيها فى العدد ده http://www.boswtol.com/health-and-beauty/beauty-and-styling/10/november/...

السلام عليكم ورحمة الله وبركاته رانيا لو سمحتي انا لما بعمل سويت بلاقي لسه فيه شعر صغير اعمل إيه مافيش حاجه تخلي الشعر كله يطلع مع السويت.

=====================
رد بص وطل :
صديقتى العزيزة لازم تعرفى إن أفضل طرقه لأزاله الشعر السويت أو جهاز الشمع .

ممكن تقولي لى على نوع كونسيلر كويس وازاى استخدمه جزاك الله كل خير

==================
رد بص وطل :
صديقتى العزيزة دي من أفضل ماركات الماكياج اللي ممكن تستعمليها وإنتي مطمنة فلوريل ومادينا وكيرولان وريمال وبورجوا وكريستيان ديور.

السلام عليكم انا سعيدة جدا انى لاقيت اخيرا مصدر اثق فيه وممكن اتواصل معاه ويارانيا انتى مثال للجمال والانوثه وشكرا على كل اللى بتقدميها ولا أنا مش عارفه نوع بشرتى كان فيها حبوب ودلوقتى اثار ومن وقت للتانى كام حبايه أوقات مدهنه وأوقات جافه استعملت ماسك الترمس هايل وبمسح من وقت للتانى بالليمون ولكن عاوزة زيت مرطب غير اللوز لانه هيجلى بشرتى وفى نفس الوقت يصلح لبدايه تجاعيد حول العين والفم ولايضرنى انا سنى 26 وكمان ايه رايك فى منقوع السدر للاستعمال اليومى للتنبيت الشعر ومنع تساقطه ارجو الرد وسورى طولت عليكم.

===================
رد بص وطل :
صديقتى العزيزة أهلاً بيكى وأتمنى إنك تستفيدى من كل موضوعات قمر 14 وإنتى ممكن تعملى ماسك الخميرة والعسل لأثار الحبوب وكمان ماسك الترمس والردة إستمرى فى إستخدامه وممكن تستخدمى صابونه لمبادا لأنها مناسبه للبشرة اللى فيها حبوب وممكن تستخدمى زيت جنين القمح وزيت الجوجوبا عشان التجاعيد وهتلاقى الوصفه فى العدد ده http://www.boswtol.com/health-and-beauty/beauty-and-styling/10/december/...

هاى يارونى ازيك انتى بجد بتفدينا اوى اوى ميرسى ليكى انا كنت عايزة اقولك حاجه انا شعرى غريب جدا هو ناعم اه وطويل اى حد ما بس بيوقع كتير وكمان كل شعرايا بتطلع من طرفها واحده تانى إيه رأيك اعمله إيه

==================
رد بص وطل :
صديقتى العزيزة إنتى لازم تقصى أطراف شعرك عشان مشكلة التقصيف وممكن تعملى حمام الزيت الثلاثى عشان مشكلة التساقط (الثوم والجرجير وجوز الهند) وممكن تعملى ماسك الموز والكاموميل لعلاج تقصيف الشعر وهتلاقيه فى العدد ده http://www.boswtol.com/health-and-beauty/beauty-and-styling/11/march/14/...

السلام عليكم أنا سؤال أنا عندى شفايفى اللى فوق عالطول بتقشر وبحط كريم مرطب وزبدة كاكاو تعمل قشر ناشف بيضايقنى فبشدة لحد من ينزل دم والحكاية دى بتكرر كتير لغاية المنطقة اللى فى نصف بقة لونها ابيض شوية والجلد بقى رقيق عن باقى الاماكن فهل الجلد اللى اتقطع والمنطقة اللى بقت عاملة علامة هترجع تانى زى الاول ولا الجلد مش بيطلع تانى وحكايه التقطيع عالطول بعملها لان الجلد بيضايقنى فكنت عايزة اسال عن حل للمشكلة دى لانى حتى لما بحط روج برضو المكان دة بيكون عامل علامه وشكله مختلف عن باقى الشفايف.

======================
رد بص وطل :
صديقتى العزيزة أهم حاجه إنك ماتلعبيش فى شفايفك لأنه ده غلط جداً وممكن تعملى ماسك شمع العسل لترطيب الشفاة وهتلاقيه فى العدد ده http://www.boswtol.com/health-and-beauty/beauty-and-styling/11/march/21/...

السلام عليكم لو سمحتى كنتى قولتى ان المايونيز مفيد للشعر وكده ينفع أعمله فى البيت ولا لازم الجاهز وكمان الحلبه مع الزبادى الخلطه اللى هى للشعر ريحتها قويه ولا لأ لانى عملت كماسك الحلبه والبن وقلبت ريحه الشقه ميرسى لمجهودك .

====================
رد بص وطل :
صديقتى العزيزة إنتى ممكن تعملى المايونيز فى البيت مافيش مشكلة، وطبعاً الحلبه بيكون ليها ريحة بس كويسه جداً للشعر .

ازيك ياروني وشكرا علي وصفاتك انا عندي مشكلة في بشرتي فيها حبوب صغيرة لونها أبيض مش عارفة اعملها ايه

=====================
رد بص وطل :
صديقتى العزيزة إنتى ممكن تستخدمى صابونه لمبادا مرتين فى الأسبوع وعرضى بشرتك للبخار وإستخدمى الليفه المخصصة للبشرة وكمان ممكن تعملى ماسك الترمس والردة .

hi rania mask elkhamira we 3asal yit3imal kam mara fi youm we kam mara fi osbou3 we ih heya moda illi lazem nista3milo fiha.

===================
رد بص وطل :
صديقتى العزيزة ماسك الخميرة والعسل ممكن تعمليه مرتين فى السبوع وممكن تستمرى عليه لمدة شهر .

ممكن وصفه لعلاج حب الشباب

=============
رد بص وطل :
صديقتى العزيزة العدد ده هتلاقى فيه ماسك لعلاج الحبوب http://www.boswtol.com/health-and-beauty/beauty-and-styling/10/may/26/14186

ezayek ya rony ya 2mr... kont

بعد اذنك يا رانيا
هضيف حاجة لتبييض الاسنان مع الليمون الملح الخشن جميل جدا
ولو اكلتي برا البيت ومش عارفة تنضفي اسنانك امضغي لبانة خاليه من السكر

لو سمحتي يارانيا عايزة اسأل علي مشكله التقصف من قدام يعني ايه زيت حبه البركه معصورة علي البارد؟؟ اروح اقول للعطار عايزة ايه؟ وكمان استعمالها ازاي يعني احطها واسيبها عادي؟ مع العلم اني بعمل مرتين في الاسبوع حمام زيت جوز جوز هند شكرااا

========================
رد بص وطل :
صديقتى العزيزة معظم الزيوت اللى بنستخدمها بتكون معصورة على البارد وإنتى بتشترى زيت حبه البركة إتأكدى من العطار إنه معصور على البارد وبتعملى بعد كده حمام زيت بالطريقه اللى قولنا عليها .

ميرسى ليكى انا شعرى مش بيطول خالص وكمان خفيف ياريت تقولي لى اعمل ايه عشان شعرى يطول ويتقل.

====================
رد بص وطل :
صديقتى العزيزة إبدئى فى إستخدام الماسكات الطبيعيه وممكن تعملى حمام الزيت الثلاثى (الثوم والجرجير وجوزالهند) وبالنسبه لتطويل الشعر ممكن تعملى حمام زيت القرفه بس بنفس الطريقه اللى قولناها وهتلاقيها فى العدد ده http://www.boswtol.com/health-and-beauty/beauty-and-styling/11/january/1...

السلام عليكم, شكرا على المجهود الرائع المبذول جزاكم الله خيرا, انا كنت جبت من العطار زيت لوز حلو ممكن اعرف ازاى استخدمه على الوجه, يعنى بحطه مباشره واسيبه وبعدين اشطفه ولابيدخل معاه حاجه تانيه ولا زيت اللوز الحلو للجسم فقط, شكرا جزيلا

=====================
رد بص وطل :
صديقتى العزيزة زيت اللوز الحلو كويس جداً للبشرة وممكن تدهنى بيه البشرة لوحدة أو تستخدميه مع الماسكات اللى بنقول عليها زى ماسك الترمس والردة .

السلام عليكم ازيك يارانيا انا جبت حبوب اللقاح وعملت منه الماسك اللى هو حبوب اللقاح وبياض البيض وليمون بس حرقني اوي ما قدرت اتحملو وعملي احمرار بالبشرة لو ممكن تقولي لي علي ماسك تاني اعمل منه حبوب اللقاح علشان التجاعيد الرفيعه اللى بالبشرة وشكرا

======================
رد بص وطل :
صديقتى العزيزة إنتى ممكن تكونى زوتى كميه الليمون وكمان الماسك ده مناسب للبشرة الدهنيه فالو بشرتك مش دهنيه ماتستخدميهوش وتابعينا عشان تعرفى كل اللى إنتى عايزاة .

هاى يارونى ممكن اعرف ماركة صبغة للشعر كويسة وكونسلير للعين وهل ان كريم فرد الشعر مستورد ومرسوم علية بنت افريقية دة كويس انا مش اعرفة اسمة بالضبط تقريبا اسمة سوفت وهل حمام كريم اسمة ايجو حلو ولا لاء ولوسمحتى عايزة اسم بودر وكريم اساس يكونو درجاتهم حلوة وفاتحة اوى وعايز ارسم حنة فى ايدى ممكن تقولنا ازاى اعمل حنة اللى بتترسم على الايد ازاى اعملها

===================
رد بص وطل :
صديقتى العزيزة أنا مش بانصح بأستخدام كريمات الفرد خالص ، وبالنسبه لصبغه ممكن تستخدمى باليت أو جارنيه وأفضل ماركات الميك أب اللى ممكن تستخدميها بورجوا وديور وريمال وتابعينا عشان تعرفى إزاى بنستخدم الحنه فى للرسم على اليد .

ميرسى ياقمر انا هبتدى اجرب الكريمات النهاردة وحعمل اللى قولتيه بالظبط وحبشرك بالنتيجة

انا بشرتى دهنيه ولازم ليها تقشير قبل المكياج لانها بتعطينى نتيجه حلوة وبتخفف البقع السودا وبتنعمه وبتسويه من القشور السؤال هنا ...هل ملح الحليب كويس لبشرتى .

================
رد بص وطل :
صديقتى العزيزة إنتى ممكن تعملى سنفرة السكر وزيت الزيتون أو الملح والليمون بس أى سنفرة فيها ملح مش بنسبها على البشرة أكتر من دقيقه وكمان ممكن تعملى ماسك الترمس والردة .

ازيك يا قمر ميرسى على وصفاتك الجميله دى بس كنت عايزه اسالك على مرهم البتاديرم انا سمعت انو بيفتح المناطق الحساسه ياترى ده اكيد ولا ايه ؟؟؟؟؟؟؟؟

=================
رد بص وطل :
صديقتى العزيزة فى عدد عن كريمات طبيه لتفتيح المناطق الحساسه ممكن تستخدمى الكريمات دى بنفس الطريقه اللى قولناها .

السلام عليكم يارونى معلش عندى سوال انا بشرتى التهبت وكشفت عليها واخدت العلاج والدكتورة قالتى وقفية بس انا بشرتى لسه واجعنى زى ماهى باحسها سخنة ومولعة وطبعا من باستحمل الشمس ولا الوقوف فى المطبخ نهائى انا تعبت وبطلت كريمات الاساس بحطها قليل خالص ومفيش فايدة والالتهاب كذا مرة يجيلى ويخف وجربت كذا دكتور ياريت تقوليلى على اى ماسك او كريم اواظب عليه يخلى الالتهاب يروح من وشى معلش طولت عليكى وياريت تردى عليه ضرورى 

==================
رد بص وطل :
صديقتى العزيزة أولاَ إنتى لازم تستشيرى دكتور جلديه متخصص وكمان ماتستخدميش أى مكياج الفترة دى وبعد كده لازم تستخدمى ماركات مكياج مضمونه عشان مضريش بشرتك .

سلام عليكم بصراحه يا رانيا وصفاتك كلها هايله وبحاول اطبق منها كتير كان ليه سؤال بخصوص زيت جنين القمح انا اشتريت منه ينفع استخدمه للهالات تحت العين وايه طريقته يعني ادهنه واسيبه شويه واغسله ولاايه لان عندي هالات كتيره اوي جزاكي الله كل خير

====================
رد بص وطل :
صديقتى العزيزة بالنسبه لمشكلة الهالات إعملى ماسك بذر القطون يومياً وشرائح الخيار .

السلام عليكم يارونى ازيك ياجميل ميرسى على كل وصفاتك الجميلة كنت عايزة اسالك على الروتين اليومي انا بانزل كام يوم فى الاسبوع فى النهار ينفع لما ارجع اعمل ماسك الزبادى والعسل مثلا على ساعة 7 وحبة البركة على الساعه 2 بالليل يعنى يكون الفرق بينهم 5ساعات ولا ارهاق لبشرتى ياريت تردى عليا لانى مش هينفع اعمل ماسك 3شهور وميرسى ليكى اوووى ياجميل

==================
رد بص وطل :
صديقتى العزيزة إنتى ممكن تعملى كده بس لازم يكون فى فرق 5 ساعات على الأقل .

بليز يارانيا انتى تقصدى حمام كريم كريستاس ولا الفيف من لوريال يعنى الاتنين لوريال بس انهو نوع فيهم؟

=================
رد بص وطل :
صديقتى العزيزة كل منتجات لوريال الأصليه كويسه جداً .

السلام عليكم ورحمة الله وبركاته ازيك يا حميل انا كنت عايزه اسألك هو مسك الترمس والرده يتعمل كام مره فى الاسبوع؟ واحنا قبل مانعمل اى مسك لازم نغسل بشرتنا بالليفه الخاصه بها؟

==================
رد بص وطل :
صديقتى العزيزة ممكن تعملى ماسك الترمس والردة مرتين فى الأسبوع وطبعاً لازم تستخدمى الليفه المخصصة للبشرة .

ازويك يا رانيا وصفاتك رائعة ربنا يكرمك ..عايزة اعرف طريقة عنايتك بايدك

====================
رد بص وطل :
صديقتى العزيزة إستخدمى الليمون والجلسرين وكمان كريمات الترطيب والعدد ده هتلاقى فيه لوسيون البطاطس لليد http://www.boswtol.com/health-and-beauty/beauty-and-styling/10/may/26/14186

بعد اذنك يارانيا انا سمعت عن فوائد سنفرة ملح البحر الميت عايزة اعرف اجيبها منين من عند العطار ولا من مراكز التجميل ولو فيه ماركة معينه من السنفرة دى لو سمحتى عايزة اعرفها وهل فعلا هى مفيده فى تفتيح المناطق الغامقة فى الجسم وكمان الصابونه بتاعتها والكريم المرطب معلش ارجوكى ردى عليا عشان عايزة اشتريهم

=======================
رد بص وطل :
صديقتى العزيزة كل منتجات البحر الميت كويسه جداً زى صابونه لمبادا واللى قلنا عليها قبل كده وهتلاقى المنتجات دى عند عطار كبير أو فى المحلات المخصصة لبيع أدوات التجميل .

هاي يااحلى رنوش أنا عملت كوكتيل التفاح مع القرفه والزبادي وكتثير طعمه حلو اشكرك على تعبك معانا وكثر الاسئله الي مابتخلص ( أنا كاني هديه زيت فاتكا الي بزيت الزيتون وزيت الصبار والليمون هل هو كويس ولا لاء ولو كويس كيف استعمله يعني اخلي عند الجذور ولا بس على الشعر ) وشكرا وتحياتي لكل بص وطل

====================
رد بص وطل :
صديقتى العزيزة أتمنى إنك تستفيدى من كل موضوعات قمر 14، وبالنسبه للزيت فهو كويس وممكن تستخدميه وتحطيه على فروة راسك .

السلام عليكم, كنت عايزه اعرف بشرتى الفتره دى فيها حبوب حمرا تحت الجلد كانها منقطه هى ظهرت فجاه وبقالها حوالى عشرين يوم كنت عايزه اعرف اذا فيه ماسكات معينه تودى الحبوب دى مع العلم انها ظهرت بعد ما عملت ماسك زبادى مرتين لتنظيف البشره, شكرا

=====================
رد بص وطل :
صديقتى العزيزة ماسك الزبادى مايسببش الحبوب دى إهتمى بنظافه بشرتك وممكن تعملى ماسك الخميرة والعسل والعدد ده هتلاقى فيه ماسك للحبوب http://www.boswtol.com/health-and-beauty/beauty-and-styling/10/may/26/14186

ايه رايك فى زيت فيفيدول ده عبارة عن اسبارى بينعم الشعر وبيطوله وبينعمه بيتحط منه مرة الصبح ومرة بليل وهو اسبراى طبى ايه رايك استخدمه جمب ماسكات تنعيم الشعر وزيت القرفة علشان يعطى فايدة ومفعول اسرع لانى شعرى قصير وبيهيش وفرحى قرب انصحينى.

=================
رد بص وطل :
صديقتى العزيزة أى علاج طبى محتاج إستشارة الدكتور وإستخدمى الزيوت اللى قولنا عليها بأستمرار وهتلاحظى الفرق .

هاى يارانيا انتى عسوله اوى وميرسى على كل اللى بتعمليه عشانا
بصى انا ليا سؤال هل كريمات التفتيح اللى كنت قايلة عليها للمناطق الحساسة تنفع كمان لأى مكان تانى بالذات الركب والكوع ولو لا اعمل ايه عشان افتح المناطق دى لأنها سمرا اوى عندى.

===============
رد بص وطل :
صديقتى العزيزة إنتى ممكن تستخدمى كريمات التفتيح دى لأى منطقه بس بنفس الطريقه وكمان ممكن تعملى ماسك الزنجبيل لتفتيح الكوع والركب وهتلاقيه فى العدد ده http://www.boswtol.com/health-and-beauty/beauty-and-styling/10/november/...

إزيك يارانيا كان عندى سؤال على بذر القطون ده هو زيت الحار اللى بينحط فى الاكل ولا حاجة تانى ياريت تفدينى.

=================
رد بص وطل :
صديقتى العزيزة بذر القطون مالوش علاقه بالزيت الحار .

هاى رانيا إزيك كنت عايزة اسألك إزاى اقدر اخفف زيت الورد بحيث استعمله كميه ورد وزيت اللوز ينفع ادهن بيه بشرتى كل يوم أنا بشرتى جافة اوى فأسيبه اد إيه وينفع اقعد بيه قدام الكمبيوتر عادى أو فى أى ضوء ولا فيه مشكلة وميرسى ليكى اوى .

========================
رد بص وطل :
صديقتى العزيزة إنتى ممكن تخففى زيت الورد بنسبه 3 إلى 1 يعنى لو حتحطى معلقه زيت ورد كبيرة تحطى 3 معالق ميه ولوشن زيت اللوز والورد بيستخدم لبشرة الجسم .

بحبك اوي ياروني ياريت اعرف رايك في كريم السمك ولو كويس ايه فايدته واحطه بالليل واغسله الصبح ولا إيه

======================
رد بص وطل :
صديقتى العزيزة ياريت توضحى أكتر إنتى بتستخدمى الكريم ده ليه .