مع رانيا.. الكيوي والبرتقال للمعان الشعر وعلاج القشرة

hi ranouch ana ba3mil neutogena sunblock 9abl ma a7ot foundation lama bakhroj choghl ba3d dohr 3achan choghli.inti jawibtini 9abl kidah bas ana mafhimtich radek.ya tara dah kwayiss wa kaman ba3mil maskat tabi3ia we bamsa7 wishi bi mayat ward.

انا zo ممكن اشارك معك يارانيا فى هذا البرامج

===================
رد بص وطل :
صديقتى العزيزة أهلاً بيكى وإنتى تقدرى تبعتى مشاركتك .

هاى رانيا أنا طلعت على النت وشفت الوصفه دي لزيادة سمك الشعر اخلطي 3 ملاعق خميرة فورية مع كوب زيت جوز الهند وادهني شعرك به لمدة ساعتين هل الوصفه دي مفيده ولا هتاثر على شعرى أرجوكى رد عليى شكرا.

==================
رد بص وطل :
صديقتى العزيزة الوصفه دى مش صح وإحنا عملنا ماسك قبل كده لكثافة وهو عبارة عن معلقه عسل كبيرة ومعلقه حمام كريم .

هاى رانيا شكر على وصفاتك الجميله وانا شعرى ضعيف جدا فتلته ضعيفه فممكن تساعدينى من فضلك اقولى انا ممكن اعمل ايه علشان ازيد من سمك الشعره شكرا يارانيا.

===================
رد بص وطل :
صديقتى العزيزة إنتى ممكن تعملى حمام الزيت الثلاثى (الجرجير والثوم وجوز الهند) والعدد ده هتلاقيه فيه ماسكات لتقوية الشعر http://www.boswtol.com/health-and-beauty/beauty-and-styling/10/december/...

هاى ازيك يارونى ياقمر انا خطوبتى كمان شهر.. وبشرتى مسمرة من الشمس وفيها حبوب بس بتظهر وتختفى لكن انا بلعب فيها دايما
فبسيب بقع مكانها..انا سمعت نصيحتك واستخدمت صابونه لمبادا وعملت لوسيون الميه والملح وعملت ماسك الخميرة وماسك الرز وحبة البركه كل يوم ... ياترى كده كويس ولا اعمل حاجه تانى
ومعلش يارونى انا سمعت عن الكريمات اللى بتفتح زى تروسيد ياترى دى مضره لو استخدمتها على وشى من غير استشارة دكتور.. وبليز تقولي لى هى بتفتح ولا لا...ميرسى ياقمر اسفه طولت عليكى.

==================
رد بص وطل :
صديقتى العزيزة ألف مبروك مقدماً والماسكات اللى إنتى بتستخدميها دى كويسه جداً والعدد ده كمان هتلاقى فيه ماسك للحبوب وأثارها http://www.boswtol.com/health-and-beauty/beauty-and-styling/10/may/26/14186 وكريم تروسيد مش بنستخدمة للبشرة وأنا مش بانصح بأستخدام كريمات التفتيح للبشرة .

رانيا بليز كنت عايزة اسألك عن منتجات البودى شوب هي غالية شوية بس هل هي تستاهل ؟؟ وأنا عايزة اجيب لوشن وشاور بث من هناك اجيب انهى نوع لانى محتارة اوى انواع كتيرررر جدا وحاجات غريبه الصراحة اول مرة اسمع عنها لو تعرفى نوع معين من البودى شوب قولي لى.

===================
رد بص وطل :
صديقتى العزيزة منتجات بدى شوب كويسه جداً وممكن تستخدمىيها وإنتى بتختارى المناسب مع نوع بشرتك .

هاي رانيا أنا مروه من العراق أنا معجبه كتير بالبرنامج وشكرا ليكي علا الماسكات الجميله احب أسالك سؤال عن زيت الافوكادو واهميته وكيفيه ادخاله في ماسكات للشعر علما أن شعري دهني عند الجذور وجاف عند الأطراف وشكرا.

===================
رد بص وطل :
صديقتى العزيزة أهلاً بيكى وبالنسبة لزيت الأفكادو تابعينا عشان تعرفى إستخدمات الزيت والعدد ده هتلاقى فيه ماسكات بالأفوكادو ممكن تستخدميها http://www.boswtol.com/health-and-beauty/beauty-and-styling/11/january/1...

أنا شاب عندى 18 سنه شعرى هايش ولونه باهت ومش بيطول بسرهة وكمان بقى خفيف بس هو الاول كان عكس كده خالص بس بسبب استخدامى لكريمات الفرد بقى كده ياريت حل علشان نفسى يرجع زى الاول .

==================
رد بص وطل :
صديقى العزيز كريمات الفرد دى مضرة جداً وأنا مش بانصح بأستخدامها إنتا ممكن تستخدم حمام الزيت الثلاثى عشان تساقط الشعر (الجرجير والثوم وجوز الهند) وبالنسبه لهيشان الشعر فممكن تعمل حمام زيت جوز الهند أو السمسم .

هاي رانيا كنت عايزة أعرف طريقة عمل الحمام المغربي في البيت ومكوناتة إيه وكمان ماسك حبه البركه والارز أعمله كام مرة .

=====================
رد بص وطل :
صديقتى العزيزة إنتى ممكن تعملى الحمام المغربى فى البيت والعدد ده هتلاقى فيه الطريقة http://www.boswtol.com/health-and-beauty/beauty-and-styling/09/october/6... وبالنسبة لماسك الأرز وحبة البركة فاده الروتين اليومى وهتلاقيه فى العدد ده وإنتى بتعمليه يومياً http://www.boswtol.com/health-and-beauty/beauty-and-styling/10/november/...

السلام عليكم انا متشكرة اوى يارانيا إنك رديتى على رسالتى الاولى وربنا ينفعك بعلمك ويزيدك اللهم امين من فضلك انا ايدى بقالها حوالى اسبوعين واكتر ناشفه جدا وفيها جروح مش عارفه ليه مع انها كانت كويسه قبل كده لكن بقت مشققه جدا واشتريت كريم جونسون بالزبادى والخيار لكن ماجابش اى نتيجه خااااااالص وللاسف عملت سويت واتجرحت اكتر من الاول لان بشرتى حساسه اوى من فضلك تقولي لى وصفه اعملها لايدى تنعمها وتزيل التشققات دى مع العلم انها مجروحه وحساسه جدا .

=================
رد بص وطل :
صديقتى العزيزة أهلاً بيكى ماتعرضيش إيدك للميه كتير والعدد ده هتلاقى فيه ماسكات لليد ممكن تعمليها http://www.boswtol.com/health-and-beauty/beauty-and-styling/11/january/1...

تسلم إيدك علي كل شغله بتقدميها بجد متعبينك معنا أنا معجبه كتير بجميع الحلقات اللى بتقدميها واللى الامام أنا عايزة بشغله ضروريه وإذا مابنفع تردي علي علي الموقع ممكن علي الايميل انا عندي مشكله صدري بكون مرات متناسق مع جسمي ومرات بكون لا ...انا غير متزوجه لسا بمنتصف العشرين ولقيت علي النت خلطه لبنات جربوها (المره +كريم نيفيا)هل هي بتشد صدر حسيتو بيكبر انا بدي خلطه بتشد الصدر تكون طبيعه انا بصراحه استخدمت الخلطه مرتين وخفت يكون الها ضرر بجد محتاجه تساعديني يارنيا ودليني علي رياضه كمان بتشد الصدر وبتصغرو انا وزني 61 وطولي 164
ممكن تكبيلي خلطه ادهن فيها طبيعيه ما إلا مضاعفات بالتكبير
الله يسعدك ردي علي وتساعديني بارك الله فيك .

==================
رد بص وطل :
صديقتى العزيزة أهلاً بيكى بصى إنتى وزنك مناسب مع طولك جداً بس أهتمى جداً بالرياضة والأستمرار عليها لأن الرياضة هى الحل وأنا مش بانصح بأستخدام أى ماسكات للمنطقة دى .

السلام عليكم ازيك يارنيا بجد انا اسفة لانى هتعبك معايا شويه
انا عايزة اسألك علي حاجة انا بشرتى مختلطه وعندى بثور سوداء في الانف وعندى روؤس سوداء عند الخد والدكتور كان قايلى استخدم صابون ساكنل للحبوب بس الصابون ده مش عامل حاجة للحبوب بس هو بيققل من الدهون في البشرة انا سمعت ان صابون ديتول حلو للحبوب وعايزة اعرف رأيك ؟ كمان عايزة اعرف رول غارنيه للهلات السوداء حلو ولا وحش كمان عايزة حل للأثار الغامقة اللى بتكون ناتجة عن الحبوب اللى بتظهر في الجسم حاجة كمان أنا عايزة اقولك على برنامجى لبشرتى وتقولى لى ده صح ولا لأ انا كل يوم بسمح بشرتى بماء الورد مرتين أول ما اصحى وقبل ما انام وبغسلها بصابون ساكنل مرتين برضة صبح وليل وبعد كل مرة بحط كريم مرطب دوف لانها بتكون بقت جافة جدا بعد كده بقي كل اسبوع مرة اعمل حمام بخار وصنفرة خوخ والاسبوع التانى بعمل ماسك بياض بيض وخل وماء ورد والاسبوع الثالت بعمل حمام مخار وماسك طمى او ماسك مينك والاسبوع الرابع بعمل صنفرة السكر وزيت الزيتون او صنفرة ترمس وبجد انااسفه اوى على الاطاله بس بجد محتاجة اعرف كده صح ولا غلط ؟؟

=================
رد بص وطل :
صديقتى العزيزة إهتمى بنظافة بشرتك وممكن تعرضيها للبخار قبل ماتعملى أى ماسك وكمان إستخدمى الليفه المخصصة للبشرة اللى قولنا عليها وممكن تعملى ماسك الفجل الوجود فى العدد ده وكمان هتلاقى ماسك للحبوب وأثار الحبوب فى نفس العدد ده http://www.boswtol.com/health-and-beauty/beauty-and-styling/10/may/26/14186 وصابونة ديتول قوية على البشرة إنتى ممكن تستخدمى صابونه لمبادا 3 مرات فى الأسبوع والماسكات اللى بتعمليها دى كويسه بس خلى بالك إن الأسكراب بيتعمل مرتين فى الشهر بس عشان متضريش بشرتك .

hi ranouch ana lama a3mil make up 3achan a7mi bachriti a3mil sunblock we ba3daha foundation walla a3mil 3aks we ih raayik fi crimat illi fiha hydroquinone

=====================
رد بص وطل :
صديقتى العزيزة إنتى لازم تهتمى ببشرتك وتستخدمى الماسكات الطبيعيه بأستمرار وإنتى بتستخدمى الصن بلوك قبل الميك أب وعامة أنا مش بانصح بأستخدام الميك أب كتير الصبح .

هاى رونى ازيك انا اول مرة اشارك بس بجد افكارك حلوة اوى وعجبتنى جدااا انا كان عندى بس سؤال حاخد رائيك فى حمام كريم LORY`S كويس ولا فى نوع تانى احسن وخصوصا أن شعرى جاف وكان عندى مشكلة انى شعرى خفيف جدا كنت عايزة وصفه تغذيه وتقيله وميرسى ليكى كتيييير على الحاجات الحلوة اللى بتقديمهلنا.

===============
رد بص وطل :
صديقتى العزيزة حمام الكريم ده كويس وممكن تستخدميه وكمان ممكن تستخدمي حمام كريم لوريال، وممكن تعملى حمام الزيت الثلاثى الجرجير وجوز الهند والثوم والعدد ده فيه وصفات لتقويه الشعر http://www.boswtol.com/health-and-beauty/beauty-and-styling/10/december/...

هاى يارونى انا خايفة استخدم الكريمات الطبيه للمناطق الحساسة مش عارفة ليه بس انا هجربها بس سؤالى هى تنفع بين الفخذين .

=================
رد بص وطل :
صديقتى العزيزة ماتقلئيش من إستخدام الكريمات الطبيه لأنها مضمونه بس إستخدميها بنفس الطريقه اللى قولناها وإنتى ممكن تستخدميها بين الفخدين مافيش مشكلة .

هاى رانيا عاوزة أعرف ماسك لتفتيح البشرة بالترمس المطحون ولكن مش بتاع لسان البحر لأنى مش عارفة أجيبه منين حاجة كمان ممكن استخدم ماء الورد الخام مش اللى مخفف بمية بدل زيت الورد ولا ده حاجة وده حاجة .

===================
رد بص وطل :
صديقتى العزيزة ميه الورد بتكون مخففه ودى ممكن تحطيها على بشرتك لكن زيت الورد بنستخدمه فى الماسكات بنخففه وماينفعش تحطيه على بشرتك على طول، أما بالنسبه لماسك الترمس ممكن تعملى ماسك الترمس والردة وهتلاقيه فى العدد ده http://www.boswtol.com/health-and-beauty/beauty-and-styling/10/october/2...

رانيا بليز كنت سألتك على صن بلوك فوتوديرم إيه رأيك فيه؟؟ وإزاى أعرف إنه الاصلى ولا لأ وأنا بشرتى عاديه أجيبه الميلكى ولا الكريمى ومعلش حاجه كمان أنا عندى حوالين الفم ناشف شويه اعمله ماسكات ولا أعمل إيه لان بحط مرطبات وبردو مفيش نتيجه ثانكس يارنوش اوى.

===================
رد بص وطل :
صديقتى العزيزة صن بلوك فوتوديرم كويس جداً وفيه منه نوعين واحد مخصص للحبوب وواحد للبشرة العاديه، وبالنسبة لجفاف حول الفم ممكن تعملى ماسكات طبيعيه لترطيب البشرة والعدد ده هتلاقى فيه ماسكات لجفاف البشرة ممكن تستخدميها http://www.boswtol.com/health-and-beauty/beauty-and-styling/10/december/...

ممكن ماركه بودرة كويسه احطها بعد كريم الاساس وياريت تقولى هل البوردة المضيئه كويسه ولا لأ وشكرا .

=======================
رد بص وطل :
صديقتى العزيزة إنتى ممكن تستخدمى اللوس باودر (البودرة السايبه) ودى أفضل الماركات اللى ممكن تستخدميها وإنتي مطمنة فلوريل ومادينا وكيرولان وريمال وبورجوا وكريستيان ديور .

الله يجزاك خير على الخلطات والنصائح اللى تقدميه..
يلت تتكلمين عن زبدة الشيا .

hi roni ya rb tkoni b5er ya amar ana 3ndi so2alin bs amana 3liki tgwbini 3lihm we sry eni dymn t3baki m3aya bi as2lty...ana sob3i mtr7 el shose m3rfsh lih b2a fih n2ta soda keda!!! fkrtha fel 2wel lon a3dt ad3k fiha gamd bs msh btro7 we b2lha ftra twila keda 7wlai shhrin :( we hya oryba mn el gedr y3ni odamha w2t twil awe 3la ma twsl li mnt2a ynf3 22sha we shklha w7esh awe olili plz a3algha ezay :(( tani so2al ana ro7yt l dr ktbli 7mam zet 5rw3+soya+loz 3wza a3rf da yt7t 3la frwt el ras wla 3l sh3r klo shkrn mkdmn ya roni :)

====================
رد بص وطل :
صديقتى العزيزة إنتى ممكن تعملى إسكراب الملح والليمون عشان السواد ده، وبالنسبه للزيت ده إنتى ممكن تحطية على شعرك كلة مافيش مشكلة وهتلاقى حمامات زيت كتير فى الأعداد القديمة .

تسلم ايدك يارونى على الوصفات الهايله دى ورنا يجازيكى كل خير كنت عايزة اسال فى جروب منزل نوع كيرتين بيرازيلى ودى مواصفات اللى مكتوبه (البيو كيور الجديد مكون من مواد طبيعيه 100% وبه مادة اخري غير الفورمالين ونسبه علاج هذا الكرياتين 100% وأكيد
ليه اكيد ؟؟؟ لان المواد الطبيعيه الموجودة فى هذا النوع اثبتت وبالتجربه عمالين انه الافضل على الاطلاق للعلاج والفرد أيضا وبدون اضرار نهائيا محتويات هذا النوع (كرياتين 300 مللى + شامبو 300مللى +بلسم 300مللى ) ياريت تفيدنى هو كويس للشعر وصحى ولا ممكن يأثر عليه وأد إيه المدة اللى ممكن يفضل فيهاالشعر مفرود زى ماعملته .

======================
رد بص وطل :
صديقتى العزيزة أنا مش بانصح بأستخدام الكيراتين وإنتى ممكن تستخدمى الماسكات الطبيعيه لتنعيم الشعر وهتلاقيها فى العدد ده http://www.boswtol.com/health-and-beauty/beauty-and-styling/11/january/2...

أنا بشرتى دهنية استخدم كريم مرطب ولا لأ ولو استخدم ممكن تقولي لى على اسم كريم تانى حاجة عندى مشكلة مضيقانى جدا ونفسى أتخلص منها من فضلك عندى حبوب تحت الجلد أو دهون تحت الجلد زى الحبوب كده ممكن تقولي لى على ماسك فعال يجيب نتيجه إن شاء الله وشكرا

===================
رد بص وطل :
صديقتى العزيزة البشرة الدهنيه بتكون محتاجة إستخدام كريمات مخصصة للبشرة الدهنية، وبالنسبة للحبوب اللى تحت الجلد إنتى لازم تعرضى بشرتك للبخار كتير وتستخدمى ماسكات طبيعيه مخصصة للحبوب والعدد ده هتلاقى فيه ماسك للحبوب http://www.boswtol.com/health-and-beauty/beauty-and-styling/10/may/26/14186

هاى رونى أنا عملت طريقة بذر القطون مليت نص البرطمان مياة سخنة وحطيت ملعقه منه وسبته يوم فى الثلاجة بس مش عارفة احطه فى عينى لما اجى افرده على عينى مش بيتفرد لانه حبيبات بيتفتفت منى وانا بفرده مش عارفة اعمل ايه اطحنه الاول ولا ايه بليـز ردى عليه.

=====================
رد بص وطل :
صديقتى العزيزة لو عملتى الطريقه زى ماقولنا هتلاقى جل بيتكون وده اللى بتستخدميه وبذر القطون مش بيطحن والعدد ده هتلاقى فيه الطريقة
http://www.boswtol.com/health-and-beauty/beauty-and-styling/10/october/1...

ازيك يارانيا بعد ازنك استخدام بذر القطون للهالات السوداء استخدم الميه بتاعته ولا البذر نفسه لانه اصلا مش بيلصق بعد ما طلعته من الثلاجه.

================
رد بص وطل :
صديقتى العزيزة إنتى بتستخدمى الميه اللى بتتكون وبتكون جل والعدد ده هتلاقى فيه الطريقه http://www.boswtol.com/health-and-beauty/beauty-and-styling/10/october/1...

انا من كم يوم بعتلك اسئلك كم مرة اضع ماسك (البيض والليمون) ماردتيش علي (ابحب استخدم شي بدون ماستشيرك يابطه )
بنفع استخدمه يوم بعد يوم هل هو بفتح البشرة بشكل ملحوض وكم المدة المستخدمه للاستخدام الماسك عشان النتيجه تبان ممكن شهر او شهرين هغلبك معي وعايزين منك خطه يوميه للغداء الصحي لبعطي نظاره للبشرة بنفع بعد الماسك استخدم التلج لقفل المسام
وعايزين منك ماسكات للبشرة بالحلبه ...وشو افضل كريم لترطيب الوجه ويكون ليس له اثر سلبي مرسي كتير اليك يارنوووووووووشه.

======================
رد بص وطل :
صديقتى العزيزة إنتى ممكن تستخدمى الماسك ده مرتين فى الأسبوع وإستمرى فى الأستخدام فترة وبالنسبه للغذاء الصحى فالفاكهه والخضروات ومنتجات الألبان مهمه جداً وكمان الميه مهمه جداً جداً وجنين القمح مهم جداً ولازم يكون وجبة أساسيه فى أكلك وتابعينا عشان قريباً هتلاقى كل الماسكات اللى إنتى عايزاها .

هاى رانيا ازيك كنت عايزة اسالك انا عندى 22 سنه وبشرتى جافة جدا عايزة صابونه كويسة او لوشن لوشى وروتين يومى امشى عليه علشان موضوع الجفاف دة ياريت تقولي لى

================
رد بص وطل :
صديقتى العزيزة لازم تستخدمى صابونة يكون فيها نسبة كريم زى دوف مثلاً والعدد ده هتلاقى فيه ماسكات للبشرة الجافة ممكن تستخدميها http://www.boswtol.com/health-and-beauty/beauty-and-styling/10/december/...

هاى رانيا إزيك كنت عايزة اعرف ماركه كونسيلر كويس اوى وياريت سعره كمان وايه رايك فى كحل نيفيا؟؟ وحاجه كمان انا بشرتى عاديه وبستخدم غسول جونسون بس بحس انه بينشف بشرتى شويه فيه غسول احسن ممكن استخدمه؟؟ وسورى طولت عليكى اخر حاجه بس عيزاكى تقولي لى اسم ماسك جاهز للتفتيح عشان استخدمه جنب الماسكات الطبيعيه
وميرسى ليكى اوووووى .

====================
رد بص وطل :
صديقتى العزيزة دي من أفضل ماركات الماكياج اللي ممكن تستعمليها وإنتي مطمنة فلوريل ومادينا وكيرولان وريمال وبورجوا وكريستيان ديور وبالنسبة لغسول البشرة ممكن تستخدمى غاسول ديور وممكن تستخدمى ماسكات طبيعيه لتفتيح البشرة وإحنا عملنا ماسكات كتير ممكن تستخدمى المناسب معاكى .

السلام عليكم لو سمحتي يارانيا كنت عايزة اسئلك علي الوصفه دي شوفتها علي النت صابون مبشور 2/زيت زيتون 3/القليل من ماء الورد 4/ملح طعام خشن وبتتخلط مع بعضها لحد ما تبقي زي الكريم ويدهن بيها الوجه وأسيبه لمدة ساعتين عشان يشسل الشعر منه لو سمحتي تقولي لي الوصفه دي صح ولا لأ وجزاكي الله كل خير.

====================
رد بص وطل :
صديقتى العزيزة أنا معرفش الوصفه دى وعامة مش صح إنك تحطى ملح على بشرتك وتسبيه فترة وممكن تعملى الصفة دى لأنها بتقلل من نمو الشعر استخدمي نبات السعد هتلاقيه عند العطار خدي 3 معالق من مسحوق النبات وضيفيه إلى لتر ماء وحطيه على النار لغاية ما يغلي وسبيه ينقع لمدة ربع ساعة وبعد كده حطيه على جسمك كغسول بعد إزالة الشعر لمدة 6 أيام متواصلة من كل شهر.

هاااى أنا جربت حمام الزيت زيت الجوز هند والسمسم وكان تحفة جاب نتيجة معايا بسرعة بس كنت عايزة أعرف ماسك للمشكلة دى أنا عندى حبوب فى صدرى وضهرى ووجهى بليز عايزة الرد أنا بعت مرتين ومحدش رد.

===================
رد بص وطل :
صديقتى العزيزة لو الحبوب دى كتير يبقى لازم تستشيرى دكتور جلدية لأنك ممكن تكونى محتاجة علاج طبى، وزيت الليمون ممكن تدهنى منه على الحبوب والعدد ده هتلاقى فيه ماسك للحبوب http://www.boswtol.com/health-and-beauty/beauty-and-styling/10/may/26/14186

رانيا اي رايك فى الاسكينول دة لتفتيح البشرة هل هو مضر ممكن احطه على رقبتى .

===================
رد بص وطل :
صديقتى العزيزة إنتى ممكن تستخدمى الماسكات الطبيعيه لتفتيح لأنها مضمونه أكتر والعدد ده هتلاقى فيه الروتين اليومى لتفتيح البشرة http://www.boswtol.com/health-and-beauty/beauty-and-styling/10/november/...

انا عايزة اعرف ماسك بذر القطون بنطحنه الاول ولا لأ قبل منضيف المياه عشان ينفع يتفرد على العين ؟؟؟؟؟؟

==================
رد بص وطل :
صديقتى العزيزة بذر القطون بيكون حبوب صغيرة جداً وإنتى مش بتطحنيه والعدد ده هتلاقى فيه الطريقه http://www.boswtol.com/health-and-beauty/beauty-and-styling/10/october/1...

اجيب ايه نوع تقشير يكون كويس.

==================
رد بص وطل :
صديقتى العزيزة ممكن تعملى إسكراب السكر وزيت الزيتون اللى عماناة قبل كده وممكن تستخدمى منتجات نتروجينا أو نيفيا .

هاي روني إزيك انا أول مرة اشارك بصى انا عندى شويه مشاكل فى شعرى انا شعر خفيف جدا وقصير ومش بيتقل خالص ولا بيطول ومقصف وفى قشرة بس هو فتلته ناعمة وعايزة أعمله إيه معلش تطولت عليكى .

===================
رد بص وطل:
صديقتى العزيزة لازم تهتمى بشرعك وتبدئى فى إستخدام الماسكات الطبيعيه وتهتمى بيه وتستخدمى ماسكات مغذيه وممكن تعملى حمام زيت الثوم والجرجير وجوز الهند عشان مشكلة تساقط الشعر والعدد ده هتلاقى فيه ماسك لتقويه الشعر وكمان للقشرة http://www.boswtol.com/health-and-beauty/beauty-and-styling/10/december/...

سورى يارونى أنا ليه سؤال تانى ضرورى عايزة أعرف رأيك فى كريم تفتيح الهالات من غارنيه.

=====================
رد بص وطل :
صديقتى العزيزة الكريم ده كويس وكمان ممكن تعملى ماسك بذر القطون للهالات السودة وشرائح الخيار .

ميرسى يارونى على الوصفات التحفه دي بس بليز ترودى على سؤالى أنا فى وشى اثار للحبوب ونفسى تبقى بشرة وشى صافيه ومش عارفه أعمل ايه استخدمت مرهم بس قشرى وشى وزى مايكون حرقه وسمعت ان صابونه نابلسى شاهين حلوة للوش معلش طولت عليكى.

=====================
رد بص وطل :
صديقتى العزيزة إنتى ممكن تستخدمى صابونه لمبادا أو أدورا وكمان العدد ده هتلاقى فيه ماسك لأثار الحبوب http://www.boswtol.com/health-and-beauty/beauty-and-styling/10/may/26/14186

ازيك يااستاذة رانيا انا اول مرة اشارك انا عندى 18 سنة والحبوب بقى عندى حوالي 5 سنوات بس الحمد الله الفترة دى ما بقاش يطلعلي حبوب كتير يعنى بيطلعلي حبيتين او تلاتة بس انا اللي مدايقنى هي الاثار بتاعتها (اثار بنية)وعلي فكرة انا بشرتى مختلطة فارجو من حضرتك إنك تلاقيلي وصفة او كريم وشكرا.....

====================
رد بص وطل :
صديقتى العزيزة أهلاً بيكى وبالنسبه لأثار الحبوب فإنتى ممكن تستخدمى ماسك الخميرة والعسل والعدد ده هتلاقى فيه ماسك لأثار الحبوب http://www.boswtol.com/health-and-beauty/beauty-and-styling/10/may/26/14186

ih raayik fi cremat illli fiha nisbit hydroquinone 2 fi miyya

===================
رد بص وطل :
صديقتى العزيزة ممكن توضحى الكريمات دى كريمات إيه .

أنا عندى سؤال مهم أنا فرحى قرب وكنت عايزة اسأل هو الحمام المغربى ينفع اعمله انا فى البيت انا كنت واخده الطريقه من الموقع بتاعكم بس ناقصلى ماسكات الجسم البشرة ولازم الكوافيرة هي الى تعمله رجوكم الرد وشكرا .

=======================
رد بص وطل :
صديقتى العزيزة إحنا عملنا ماسكات كتير جداً وكمان العدد ده هتلاقى فى ماسك ممكن تعمليه وإنتى بتعملى الحمام المغربى http://www.boswtol.com/health-and-beauty/beauty-and-styling/10/november/...

ازيك يا رانيا لو سمحتى عايزة أعرف بس فوائد جنين القمح وهل هو بيتشرب ولا بيتدهن ارجوكى جوبينى شكرا.

======================
رد بص وطل :
صديقتى العزيزة جنين القمح بيتاكل وكمان بنستخدمه فى ماسكات وكمان فى زيت جنين القمح بنستخدمه فى ماسكات والعدد ده هتلاقى فيه إستخدمات جنين القمح http://www.boswtol.com/health-and-beauty/beauty-and-styling/10/december/...

ميرسى يارونى على وصفاتك الهايلة أنا جربت ماسك الخميرة للحبوب ولسيون الميه والملح والحمد لله حاسه إنه جاب معايا نتيجه بس إنتى قولتي لى على صابونه لمبادا أو ادورا بس أنا دورت عليهم كتير ومش لقيتهم ممكن تقولي لى اعمل إيه أو الاقيهم فين ميرسى ياقمر.

==================
رد بص وطل :
صديقتى العزيزة إستمرى على إستخدام الماسكات دى وبالنسبه للصابونه وإبحثى عنها وإنتى هتلاقيها إن شاء الله .

ميرسى اوى على المسك بس بليز ادينى ماسك عن إزاله البثور السوداء من الانف ولو سمحتى عاوزة ماسك لتفتيح الاماكن الحساسة

==================
رد بص وطل :
صديقتى العزيزة إهتمى بنظافة بشرتك وإستخدمى صابونة مناسبة وكمان لازم تعرضى بشرتك للبخار قبل ماتعملى أى ماسك والعدد ده هتلاقى فيه ماسك الفجل للبثور السودة وهتلاقيه فى العدد ده http://www.boswtol.com/health-and-beauty/beauty-and-styling/10/may/26/14186 أما بالنسبة لتفتيح المناطق الحساسه فالعدد ده هتلاقى فيه كريمات طبيه للتفتيح ممكن تستخدميها بنفس الطريقه اللى قولناها http://www.boswtol.com/health-and-beauty/beauty-and-styling/11/january/3...

معلش يارنيا انا بتقل عليكى . انا عملت حنة البن والحلبة وجوز الهند مرتين تالت مرة غصب عنى نمت بيه وقعد فى شعرى ساعتين من بعدها بق شعرى نشف وهايش ومجبش النتيجة الجميلة اللى كانت اول مرة انصحينى اعمل ايه انا مصدقت شعرى اتحسن شوية .

===============
رد بص وطل :
صديقتى العزيزة إستخدمى الماسك تانى بنفس الطريقة اللى قولناها ومع الأستمرار هتلاحظى الفرق .

هاى يا قمر ازيك ميرسى لمجهودك معانا انا كنت عايزة اسئلك عن وصفه لشد الثدى انا صدرى مش كبير بس هو كان منفوخ ومع الدايت ترهل خالص ومش بقى منفوخ سمعت عن زيت السمسم بس قالولى انو بيكبر الصدر مش بينفخ فا ايه رايك .

==================
رد بص وطل :
صديقتى العزيزة أنصحك بممارسة الرياضة بأستمرار لشد منطقة الصدر

بصى يارانيا انا سمعت ان السويت لو حطيت عليه 5 ليمونه وفسوخ بحجم البندق و5 معلقه مستكه مطحونه و3 معالق شبه مع الاستعمال من كام شهر نمو الشعر بيقل لغايه ميختفى تماما هل الكلام ده صح ولا غلط واستعمله ولا لأ كمان عايزة منك مزيل عرق طبيعى عشان مزيلات العرق بتسمر وشكرا ليكى .

=====================
رد بص وطل :
صديقتى العزيزة السويت أفضل طريقه لأزالة الشعر وعيزاكى تعرفى إن مافيش وصفة طبيعيه بتمنع ظهور الشعر لكن فى وصفات بتقلل من نمو الشعر وإنتى ممكن تستخدمي نبات السعد وهتلاقيه عند العطار خدي 3 معالق من مسحوق النبات وضيفيه إلى لتر ماء وحطيه على النار لغاية ما يغلي وسبيه ينقع لمدة ربع ساعة وبعد كده حطية على جسمك كغسول بعد إزالة الشعر لمدة 6 أيام متواصلة من كل شهر وبالنسبه لمزيلات العرق فممكن تستخدمى دوف أو نيفيا وإنتى بتستحمى مرتين فى اليوم لأن مزيل العرق ماينفعش تسبيه يوم لأنه بيسبب سمار .

هاى ازبك يارانيا انا زعلانه منك انك مردتيش عليا وكنت بحسبك هتردى عليا علشان الحق اجهز نفسى عمتا برضو انا بحبك اوى بصى انا عايزة اخد رأيك فى حاجه وتفيدينى لان انا مش عندى اخوات بنات فقولت انتى اكيد هتفيدينى ان شاء الله فى قرايه فاتحه على اخر الشهر كدة وهتكون فى البيت مش عارفه البس ايه خالص وكمان اكيد لازم اهتم ببشرتى من دلوقتى قياريت تقولي لى اعمل ايه وايه النظام اللى امشى عليه وايه اللى يناسب مناسبه زى دى فى البيت فى حاجه كمان انا مش بعمل اى حاجه فى بشرتى خالص فشوفى انتى هاتقولى وكمان شعرى مقصف وفيه كسرة وساعات كتير بيبقى ناشف فقولي لى برضو اعمل ايه وكنت سمعت على وصفات الحنه وشوفت عندك قبل كدة وصفه المايونيز فدة اعمل الوصفه فى البيت ولا اشتريه جاهز فلو فى البيت قوليلى اعمله ازاى دة لو انتى هاتقولى على الوصفه يعنى انى اعملها قولت اقولك بدل اما ابعت اسئلك عليها وفى وصفات للحنه لتنعيم والشعر الجاف وللتلوين عندى هابقى ابعتهملك مرة تانيه علشان مطولش عليكى اكتر من كدة بصى انا بشرتى مختلطه وفيها كام حبايه كدة بس مش باجى جانبها خالص فاتمنى تردى عليا على طول علشان الحق امشى على النظام اللى هاتقولي لى عليه وكمان لايد والرجل وكدة ومعلش حاجه كمان الطقم اللى هاتقولي لى عليه قولي لى البس معاه ايه فى رجلى والطرح كمان معلش انا طولت عليكى اتمنى انك تردى عليا بسرعه وشكرا على مجهودك الجميل دة

===================
رد بص وطل:
صديقتى العزيزة العزيزة ألف مبروك مقدماً بصى لو المناسبة فى البيت يبقى حاولى تلبسى حاجة بسيطه مثلاً فستان أو تايير وطبعاً إنتى بتختارى الألوان اللى بتحبيها وحاولى تختارى الحذاء بكعب بس مش عالى أوى عشان مايدايئكيش وبالنسبه لبشرتك ممكن تبدئى تستخدمى ماسك الحبوب وأثارها وهتلاقيه فى العدد ده http://www.boswtol.com/health-and-beauty/beauty-and-styling/10/may/26/14186

طبعا فوائد الحنة اللى بنجبها من عند العطار مفيدة جدا للشعر بس المشكلة هنا انى لو حبيت احطها على شعرى بيدى لون فاتح زى البرتقالى كدا لو عايزة اخليها سودة او بنى الداكن اوى اعمل اية ارجو الرد

==================
رد بص وطل :
صديقتى العزيزة إنتى هتلاقى عند العطار الحنة السودة وممكن تستخدميها وتضيفى عليها خل أو ليمون عشان تديكى اللون اللى إنتى عايزاة .

thnx y 2mr enk radeety 3la so2aly bs m3lsh kan 3ndy so2al kaman ana kont 3ayza 7aga tbyad asnany m3 eny b3'slha kol yoom bs 7asa enha safra shwaya ...

==================
رد بص وطل :
صديقتى العزيزة تابعينا وقريباً هيكون فى وصفات طبيعيه للمشكلة دى .

انا بنت 22 سنه بشكرك كتير انا بشرتى فيها حبوب صغيره عملت المياه بالملح كنت بحس بحرقان فى وشى فمعتش بستخدمها بقيت بحط على مكان الحبوب معجون اسنان على مكان الحبايه وبسبها لحد الصبح وبغسلها الصبح وبستخدم صابونه اسمها سيموز فيس لما استخدمت المعجون الحبوب خفت شويه عن الاول وبستخدم النشا وبحط عليه مياه لحد ما تبقى عجينه وبحطها على وشى يوميا معرفش دة صح ولا غلط
عندى انا طوالى 155 مش طخينه رفيعه بس عندى بطن ومسببه ليا مشاكل مش عارفه البس منها وبتبقى شكلها مش حلو وشكرا

=====================
رد بص وطل :
صديقتى العزيزة بالنسبه لمشكلة الحبوب فالعدد ده هتلاقى فى ماسك للحبوب http://www.boswtol.com/health-and-beauty/beauty-and-styling/10/may/26/14186 وبالنسبه لبطنك فإنتى لازم تمارسى الرياضة بصفه مستمرة .

salam 3alikom.
ana bachriti dohnia wa fiha chwayit 7oboub we jibt maybelline dream matte foundation .fa hal foundation dah kwayiss li bachrity walla asta3ml neutrogena clearing skin foundation.

=================
رد بص وطل :
صديقتى العزيزة إنتى ممكن تستخدمى فاونديشن نتروجينا .

هااى يارانيا ازيك انا عايزة اعرف ماركه كونسيلر كويس وياريت سعره وعيزاكى تقولي لى ايه رايك فى كحل نيفيا وكمان عيزكى تقولي لى اسم ماسك جاهز اشتريه للتفتيح مع الماسكات الطبيعيه عشان يدينى نتيجه ومعلش اخر سؤال انا بستخدم غسول جونسون وانا بشرتى عاديه بس بحس انه بينشف بشرتى شويه ممكن تقولي لى على غسول كويس وميرسى ليكى اوى

====================
رد بص وطل :
صديقتى العزيزة من ماركات الميك أب المضومنه ديور وأماندا وريمال وفى ماسكات كتير طبيعيه عملناها لتفتيح البشرة وممكن تستخدمى غسول البشرة ديور للبشرة العادية .