كثيراً ما ينصحنا متخصصو التغذية والريجيم، بضرورة ممارسة التمارين الرياضية لحرق الدهون والإسراع مِن عملية التخسيس.
ومِن أهم وأسهل التمارين الرياضية التي يُمكن أن نمارسها في أي وقت ودون اللجوء لأي مساعدات خارجية؛ هي رياضة المشي.
وفيما يلي نتناول بعض النصائح التي يُمكن أن نتّبعها لضمان حرق المزيد مِن السعرات الحرارية أثناء المشي؛ وبدون أي مجهود إضافي:
1- استخدام عصا أثناء المشي
يؤكّد مارك فنتون -مؤلف كتاب The Complete Guide to Walking- أن استخدام عصا أثناء المشي على نحو مماثل لاستخدام العصا أثناء التزحلق على الجليد وبكلتا اليدين، يمكن أن تساهم في فقد نحو 20% أكثر من السعرات الحرارية التي يمكن خسارتها بالمشي التقليدي؛ حيث إنها تعمل على المزيد مِن الحركة لعضلات كل من الجزء العلوي للجسم والجذع.
ويؤكّد "فنتون" أن الاستخدام الأمثل يكون عبر الاستعانة بعصاتين (واحدة لكل يد)، وأثناء السير يتمّ تثبيت كل عصا خلف الجسم بزاوية 45 درجة، والدفع بقوّة في اتجاه الأرض حتى يتم إجبار الجسم على التحرّك للأمام، في صورة أقرب إلى ما يتم في التزحلق على الجليد.
2- الابتعاد عن المرتفعات الشاهقة
يعتقد الكثيرون أن الطرق ذات المنحدرات حادة الزوايا هي أفضل طريقة لحرق الدهون سواء صعوداً أو هبوطاً، ولكن "فنتون" يرى أن المحافظة على السرعة على طريق مستوٍ أفضل كثيراً مِن الاضطرار إلى الإبطاء في وقت معيّن من المشي.
3- الحصول على الحذاء المناسب
يؤكّد "فنتون" أنه مِن أجل الحصول على أقصى قدر من الطاقة لتحقيق أكبر استفادة من المشي؛ فيجب الاستعانة بحذاء رياضي لا يحتوي على الكثير من البطانة، ويتمتع في نفس الوقت بأعلى قدر من المرونة في مقدّمة الحذاء.
4- استخدام الذراعين
يرى "لي سكوت" -مدرّب اللياقة الكندي- أن تحريك الأذرع أثناء المشي بنشاط وحيوية، يُساعد قطعاً على زيادة سرعة الحركة أثناء المشي، وهو ما يؤدّي إلى حرق المزيد من السعرات الحرارية.
5- الخطوات الأصغر.. أفضل
"سكوت" يُشير إلى أهمية رفع السرعة تدريجياً أثناء السير؛ لأن هذا الأمر يزيد مِن معدّل حرق الدهون بالتبعية، ويرى أن أفضل طريقة لتنفيذ هذا الأمر، يكون في الخطوات الصغيرة السريعة.
فمثلا يمكن أن يسير الشخص 100 خُطوة صغيرة وسريعة، ثم يتوقّف دقيقة فقط للراحة مع حساب الوقت المستغرق لسير هذه الخطوات المائة، ثم تكرار محاولة سير الـ100 خُطوة 12 مرة متتالية، مع الوضع في الاعتبار تقليل 5 ثوانٍ من الزمن الذي يستغرقه الفرد في سير هذه الخطوات المائة.
6- تحديد أهداف أثناء السير
أما تيريز أيكونان -مؤلفة كتاب Fitness Walking- ترى أنه من الضروري أن يضع الشخص علامات أمامه أو أهدافا قريبة يتحدّى نفسه ليصل إليها بسرعة؛ مثل علامات المرور المنتشرة في الشوارع، ثم السير نفس المسافة تقريباً على نحو هادئ بدون أي سرعة.
7- كَنس الطريق
تشير "أيكونان" في كتابها إلى طريقة فريدة يمكن بها زيادة معدّل حرق السعرات الحرارية والعمل في نفس الوقت على تقوية أغلب عضلات القدم؛ حيث تقترح أن يقوم الفرد الذي يمشي بمسح الرصيف أو الطريق بقدمه كما لو كان يقوم بكنسه؛ يعني لا يرفع قدمه بعيدا عن الأرض أثناء المشي، وتشير إلى أن هذه النوعية مِن الحركات تزيد العضلات المستخدمة في عملية المشي، وهو ما يعني المزيد مِن حرق السعرات الحرارية.
8- الاستقامة أثناء المشي
عندما يكون الجسم في وضعية الوقوف الصحيحة المستقيمة بدون أي ميل؛ فيمكن لعضلات الظهر والمؤخّرة أن تعمل بشكل أكبر، وهو ما يساعد على حرق المزيد من السعرات الحرارية، ويجب على مَن يمشي أن يُحافظ على استقامة عموده الفقري أثناء السير، مع المحافظة على الأذنين والكتفين في نفس مستوى المحاذاة مع مفصلي الوركين.
9- إضافة المزيد من القوة
الحركات البسيطة؛ مثل مدّ اليدين، والتمارين البسيطة مثل الانحناء وتمارين البطن الخفيفة؛ من شأنها أن تجعل المزيد من العضلات تتحرّك، وهو ما يعني مزيدا من الحرق؛ وهو ما يؤكّده هارلي باستيرناك -مدرب اللياقة الشهير- للعديد من نجوم هوليوود، الذي يشير إلى أن المشي لخمس دقائق مستمرة ثم دقيقة واحدة من التمارين من شأنه زيادة قدرة الجسم على التمثيل الغذائي على المدى الطويل.
هل الزينيكال مضر في فترة
هل الزينيكال مضر في فترة الرضاعة؟
==========
رد بص وطل:
الأفضل هو اتباع ريجيم صحي متوازن مع ممارسة التمارين الرياضية، أما بالنسبة لأدوية الريجيم فيفضل إنك ترجعي لدكتور متخصص علشان يقول لك إذا كان مناسب معاكي ولا لأ.
أنا جسمى مليان من تحت أوي وكل
أنا جسمى مليان من تحت أوي وكل لما اعمل ريجيم جسمى بينزل من فوق ووشي بيصغر أوي اعمل إيه.
=========
رد بص وطل:
الريجيم بيخسس الجسم كله على بعضه لكن توزيع الدهون في الجسم هو اللي بيخلي تأثير الريجيم يبان على مناطق في الجسم قبل مناطق تانية، ولكن مع ممارسة الرياضة مع الريجيم هتقدري تظبطي شكل جسمك عامةً، وعلشان تحافظي على شكل وصحة وشك مع الريجيم لازم تهتمي بشرب كميات اكبيرة من المية مع تناول كميات من الفاكهة والخضراوات.
ازيكم يا بص و طل أنا زعلانة
ازيكم يا بص و طل أنا زعلانة منكم بعت سؤالى كذا مرة ومحدش رد عليّ أنا كنت عايزة اسأل ضروري على حبوب بانتوجار للشعر هل بيخن ولا لاء عشان انا عاملة ريجيم ومش بخس حاسة إنها بتتخن ممكن تردوا عليّ.
==========
رد بص وطل:
نعتذر ليكي صديقتي العزيزة على التأخير ولكن بعض الأسئلة بتحتاج لبعض الوقت في الإجابة علشان نحصل على رد علمي صحيح، وبالنسبة لسؤالك فحبوب بانتوجار فعلا بتفتح الشهية بشكل كبير وعلشان كده لو بتعملي ريجيم لازم ترجعي للدكتور اللي بتتابعي معاه علشان يقول لك إذا كان ممكن تاخديه مع الريجيم اللي إنتي ماشية عليه ولا لا وعامة حاولي تحافظي على وزنك بممارسة التمارين الرياضية واتباع ريجيم صحي متوازن.
انا عندى مشكله لما بعمل دايت
انا عندى مشكله لما بعمل دايت واخس وشي بيخس جدا اعمل ايه وأنا بعمل دايت علشان وشي مايخسش وهل فيه طريقة تتخن الوش دلوقتي.
==========
رد بص وطل:
علشان تحافظي على صحة وشك أثناء الريجيم لازم تشربي مية كتير جدا مع تناول خضراوات وفاكهة طازجة باساتمرار وممارسة التمارين الرياضة.
انا عايزة اخس انا وزنى 60
انا عايزة اخس انا وزنى 60 كيلو وعندى 16 سنة يا ريت تقولوا لى طريقة اخس بيها.
===========
رد بص وطل:
أحسن طريقة لفقدان الوزن هي اتباع ريجيم صحي متوازن مع ممارسة التمارين الرياضية زي رياضة المشي أو السباحة أو تمارين الجيم.
السلام عليكم انا عندى مشكلة
السلام عليكم انا عندى مشكلة انى شعرى خفيف جدا وبيتساقط عاوز احافظ على الشوية اللى باقيين ممكن استخدم ايه؟
============
رد بص وطل:
صديقنا العزيز، ممكن تتابع حلقات قمر 14 مع رانيا موسى واللي بتقدم فيها ماسكات ووصفات طبيعية لعلاج مشكلة تساقط الشعر، ومن أحسسن الحاجات اللي بتعالج تساقط الشعر هي عصير الجرجير.
الامينو 2222 مفيد للجسم
الامينو 2222 مفيد للجسم وكيفيه استخدامه.
==========
رد بص وطل:
ده يعتبر مكمل غذائي وده غالبا بياخدوه الرياضيين واللي بيلعبوا كمال أجسام علشان يكملوا كمية البروتين اللي المفروض يحصلوا عليها خلال اليوم، ويفضل استشارة طبيب متخصص قبل استخدامه علشان يقدر يحدد لك إذا كان مناسب معاك ولا لأ وكمان يحدد لك الجرعات المناسبة.
انا عايز اعرف هو شرب اللبن
انا عايز اعرف هو شرب اللبن بالبيض ني مفيد ولا ضار.
==============
رد بص وطل:
اللبن بالبيض مفيد جدا ومفيهوش أي مشاكل.
أنا عندي مشكلة كبيرة أنا كنت
أنا عندي مشكلة كبيرة أنا كنت باكل أظافري والجلد اللى حواليا لدرجة ان منظر اصابع ايدى وحش جامد وانا فرحى كمان شهرين ايه الطريقة اللى تقوى الجلد ده تانى وتدى لإيدى جمال ولأظافرى لمعان ارجوكم ردوا عليّ.
===========
رد بص وطل:
أولا بلاش تكرري الموضوع ده تاني لأنه بيخلي منظر الجلد مش كويس، وعلشان تعالجي الموضوع ده قصّي الجلد الزائد بالقصافة، وبعد كده امسحي الأظافر والجلد اللي حواليها بالليمون، وبعد كده حطي دلكي إيدك واظافرك بزيت زيتون دافيء وكرري الموضوع ده مرة او مرتين كل يوم.
السلام عليكم ورحمة الله
السلام عليكم ورحمة الله وبركاته تسلم ايديكم بس معلش كان عندى سؤال عاوزة شعرى يبقى حلو وعاوزة اعمله فرد عشان خلاص باذن الله فرحى قرب
سمعت عن الحنه السوداء بس خايفة من لونها وسمعت عن الكيراتين واضراره اعمل اية فى الفرد؟؟ ممكن تساعدونى وتقولوا لى على حاجة مضمونه فى الفرد وجزاكى الله خيرا.
===========
رد بص وطل:
الصديقة العزيزة مفيش حاجة بتفرد الشعر أو بتغير طبيعته من مجعد لأملس واي حاجة بتعمل كده فأكيد بتحتوي على مواد كيميائية بتضر الشعر جدا وبتحرقه، والحل الأمثل إنك تعتني بشعرك بعمل حمامات كريم وزيت وتقدري تتابعي حلقات جمالك من الطبيعة مع رانيا على قمر 14 واللي بيقدم ماسكات وعلاجات طبيعية لعلاج بعض مشاكل البشرة والشعر.
عاوزة اشتري جهاز الاوربتراك
عاوزة اشتري جهاز الاوربتراك فهل هذا الجهاز يساعد علي حرق الدهون وما رايكم فيه؟
===========
رد بص وطل:
الاوربتراك يكون لتحريك معظم أجزاء الجسم وبالتالى يؤدى الى شد الجسم وعمل استرتشات لمعظم عضلات الجسم مما يؤدى الى نزول بعض الوزن.
